"Fərat qalxanı" əməliyyat bölgəsində Türkiyə hərbçilərinə qarşı hücuma cəhd edən 7 PKK/YPG terrorçusu məhv edilib.

Axar.az xəbər verir ki, bu barədə Türkiyə Milli Müdafiə Nazirliyi məlumat yayıb.

“Nizami Gəncəvi ili” çərçivəsində “Avanqard” orkestrinin təqdimatında “Musiqili proektor” konsert proqramı keçiriləcək.

Kult.az xəbər verir ki, konsert ərzində ekranda göstərilən filmlərin musiqiləri orkestr tərəfindən canlı ifa ediləcək.

Tədbir Heydər Əliyev Fondunun, Zirə Mədəniyyət Mərkəzinin və “Art-East Media Group”un birgə təşkilatçılığı ilə baş tutacaq.

Qeyd edək ki, konsert iyulun 17-də saat 20:00-da Zirə Mədəniyyət Mərkəzi Eko-parkda keçiriləcək. Konsertə giriş sərbəstdir.

Almaniya kansleri Angela Merkel Ukraynanın maraqlarını satıb.

Axar.az xəbər verir ki, bunu Ukraynanın Donbasla bağlı üçtərəfli kontakt qrupundakı nümayəndə heyətinin üzvü, Prezident Administrasiyasının ştatdankənar müşaviri Aleksey Arestoviç deyib.

Onun sözlərinə görə, Ukrayna Prezidenti Vladimir Zelenskinin Almaniyaya səfəri və kanslerlə danışıqları nəticəsiz olub.

Arestoviç Zelenskinin Merkellə “Şimal axını 2” və Minsk razılaşmasının icrası ilə bağlı ümumi dil tapa bilmədiyini deyib:

“Qərb ölkələri Çinin təsirinin artmasından narahatdırlar və Rusiya ilə razılaşmağa hazırdırlar. Belə baş düşürəm ki, almanlar bunu milli maraqların müdafiəsi adlandırırlar. Ukrayna üçün bu dəyər ağır ola bilər. Hətta Baydenin ətrafında da belə adamlar var”.

İranın nüvə bombası sahəsində sıçrayış əldə etməsi ehtimalına qarşılıq olaraq, İsrail İrana qarşı hücum hazırlığına başlayıb.

Axar.az xəbər verir ki, bu iddia ilə İsrailin “Ynet” portalı çıxış edib.

Məlumata görə, İsrailin hərbi-siyasi isteblişmenti hazırda İran nüvə obyektlərinə qarşı hücum imkanlarını müzakirə edir. Hücum hazırlığı planının müzakirəsinə müdafiə naziri Benni Qantz, xarici işlər naziri Yair Lapid və maliyyə naziri Aviqdor Libermanın rəhbərlik etdiyi bildirilib. Qantz və Libermanın, xüsusilə, yaxın 5 ildə hərbi büdcəni artırmağı müzakirə etdiyi vurğulanıb.

Portal hazırkı hökumətin eks-baş nazir Benyamin Netanyahunu ordunun hazırlıq səviyyəsini aşağı salmaqda ittiham etdiyini yazıb. Belə ki, onun Trampa güvənərək hərəkət etdiyi və nəticədə İsrail ordusunun təkbaşına fəaliyyət imkanlarını aşağı saldığı bildirilib.

13:38

Azərbaycan hökumətinin mövqeyi göstərir ki, onlar regional kommunikasiyaları açmaq istəmirlər və Ermənistanı blokadada saxlamaq niyyətindədirlər.

Axar.az xəbər verir ki, bunu Ermənistanın Baş naziri səlahiyyətlərini icra edən Nikol Paşinyan deyib.

O, guya Azərbaycanın sülh prosesini dağıtmaq istədiyini iddia edib:

“Onların məqsədi Ermənistanın blokadasını davam etdirməkdir. Lakin biz üçtərəfli qrupda işimizi davam etdirəcəyik ki, bu blokadanı yaraq, rusiyalı və beynəlxalq tərəfdaşlarımızın köməyi ilə əlaqələrin açılmasına nail olaq”.

Ermənistanın Zəngəzur Mis-molibden kombinatında axtarışdan sonra müəssisənin iki əməkdaşı saxlanılıb.

Axar.az Report-a istinadən xəbər verir ki, Ermənistan Milli Təhlükəsizlik Xidmətinin əməkdaşları kombinatdakı xidməti kompüter və mühasibatlığa aid sənədləri müsadirə ediblər.

Bir müddət əvvəl isə müəssisənin 5 əməkdaşı saxlanılmışdı.

Qeyd edək ki, iyulun 14-də kombinatda xidmətin xüsusi təyinatlıları əməliyyat keçirib.

Ermənistan xarici işlər nazirinin birinci müavini vəzifəsinə Armen Qriqoryanın təyin edilməsiylə Nikol Paşinyan çoxvektorlu siyasətini nizamlamağa çalışır.

Axar.az xəbər verir ki, bunu rusiyalı politoloq Vladimir Lepexin deyib. Onun sözlərinə görə, bundan sonra Ermənistanda hərbi və iqtisadi blok Rusiya ilə, maliyyə bloku isə Qərblə aktiv çalışacaq:

“Niyə Qriqoryan kimi açıq sorosçunu güc blokundan xarici siyasətə keçirirlər? İrəvan Rusiyaya münasibətdə daha praqmatik olmağa, yəni Rusiyadan mümkün qədər maksimum nəsə sıxıb çıxartmağa çalışacaq.

Paşinyan hökuməti qlobalizm tələsinə doğru gedəcək. Faktiki olaraq Ermənistanda gələn ilin payızından ikisektorlu iqtisadiyyat yaranacaq. Rusiya erməni iqtisadiyyatının çox zərərlərini qarşılamaq yükünü üzərinə götürəcək, Ermənistanın hakim sinfi isə Qərbin dəstəyi hesabına erməni iqtisadiyyatından götürdüyü qaymaq hesabına piylənəcək”.