Türkiyənin Azərbaycandakı Səfirliyi meşə yanğınlarının söndürülməsi üçün göstərilən yardımlara görə Azərbaycan Prezidenti İlham Əliyevə və Birinci vitse-prezident Mehriban Əliyevaya təşəkkürünü bildirib.

Axar.az xəbər verir ki, bu barədə səfirliyin Feysbuk səhifəsində məlumat paylaşılıb:

“Azərbaycan Prezidenti cənab İlham Əliyevin ölkəmizin cənub əyalətlərində baş verən yanğın fəlakətində Türkiyənin yanında olmaq barədə göstərişlərinə uyğun olaraq, qarşılıqlı koordinasiya ilə razılaşdırılmış ilk tam təchiz olunmuş yanğınsöndürmə yardım qrupunu və müxtəlif yanğınsöndürmə vasitələrini daşıyan təyyarə axşam saatlarında Heydər Əliyev adına Beynəlxalq Hava Limanından qalxaraq Türkiyəyə yola düşüb.

Kədər və sevincində hər zaman bir-birinin yanında olan ölkələrimizin qardaşlığını möhkəmləndirən bu dəstəyə görə Azərbaycan Prezidenti İlham Əliyevə, Birinci vitse-prezident Mehriban Əliyevaya, Milli Məclisin sədri Sahibə Qafarovaya, Milli Məclis Komissiyalarının rəhbərlərinə, millət vəkillərinə, Fövqəladə Hallar Nazirliyi də daxil olmaqla bütün əlaqədar ictimai qurum və təşkilatlara, qeyri-hökumət təşkilatlarına və qardaş Azərbaycan xalqına xüsusi təşəkkürümüzü bildiririk”, - səfirlikdən bildirilib.

Hava temperaturunun kəskin artması və əsən güclü külək səbəbindən baş verə biləcək yanğın təhlükəsinə qarşı Türkiyənin bir sıra vilayətlərində meşəlik ərazilərə giriş qadağan olunub.

Azərbaycanlı qardaşlarımızın üz-üzə gəldiyimiz bu təhdid qarşısında sərgilədiyi refleks bizim üçün olduqca dəyərlidir.

Nikol Paşinyanın Azərbaycanla bütün sərhəd boyunca Rusiya hərbçilərinin yerləşdirilməsinin zəruriliyi barədə bəyanatı əvvəllər dəfələrlə mənim müsahibələrimdə ifadə etdiyim mövqe ilə üst-üstə düşür.

Bu barədə Axar.az-a PolitRUS ekspert-analitik şəbəkəsinin rəhbəri, rusiyalı ekspert Vitali Arkov bildirib.

“Təəssüf ki, regionda vəziyyət 44 günlük müharibənin nəticələrinə, 10 noyabr 2020-ci il tarixli üçtərəfli bəyanata baxmayaraq, gərgin olaraq qalır. Əsas problem ondan ibarətdir ki, erməni cəmiyyətinin bir hissəsi Azərbaycan və Naxçıvan Muxtar Respublikası arasında yerüstü dəhlizin formalaşması üçün zəruri olan ərazilərin bir hissəsinin Bakının nəzarətinə keçməsini qəbul edə bilmir.

Azərbaycan cəmiyyətinin müəyyən hissəsi də hazırkı vəziyyətdən heç də razı deyil. Bakıda da elə qrup insanlar var ki, bütün Ermənistanı paytaxt İrəvan da daxil olmaqla, Azərbaycanın nəzarətində olmasını istəyir”, - deyə həmsöhbətimiz qeyd edib.

Arkovun sözlərinə əsasən, Paşinyanın bu təklifi, əslində elə ilk növbədə Ermənistanın özünün 10 noyabr 2020-ci il tarixli sənədin müddəalarına riayət etməyə məcbur olacaq:

“Sərhəddə təxribat edən Azərbaycan əsgəri deyil, ermənilərin özləridir. Ona görə də rus əsgərləri ilk növbədə Ermənistan tərəfini susdurmağa çalışacaq.

Hazırda vəziyyət mənfi şəkildə inkişaf etməyə başlayıb və sərhədin bir çox hissəsində qarşıdurmalar baş verir. Bunun bir səbəbi Ermənistandakı daxili siyasi böhrana görədir. Heç növbədənkənar parlament seçkisi də bu dövlətin içindəki böhran alovunu söndürə bilmədi. Nikol Paşinyanın opponentləri yalnız taktikanı dəyişdi”.

Onun sözlərinə görə, seçkilərdə Robert Köçəryanın partiyası qələbə qazanacağı təqdirdə Ermənistan-Azərbaycan sərhədində vəziyyət daha da dramatik olardı:

“Təbii ki, Paşinyanın səsləndirdiyi bu yeni tezis revanş və Azərbaycan torpaqlarının yeni işğalına can atan erməni radikallarını qane edə bilməz. Çünki onların qarşısında rus ordusu duracaq. Anlamaq lazımdır ki, bu KTMT çərçivəsində tamamilə qanuni və bu günə qədər Nikolun səsləndirdiyi yeganə düzgün fikirdir. Bunun üçün Ermənistanın Azərbaycanla sərhədində kifayət qədər geniş zolaq yaradılmalı, bu zolaqdan Ermənistan silahlı qüvvələrinin bölmələri çıxarılmalı, nəzarət isə Rusiya sülhməramlılarına keçməlidir.

Bəllidir ki, Ankaradan Bakıya Azərbaycan və Türkiyə Silahlı Qüvvələrinin əməkdaşlığı çərçivəsində analoji yardım təklifi də gələ bilər. Üstəlik, bildiyimiz kimi, hazırda iki ölkənin hərbi idarələrinin əməkdaşlığının genişləndirilməsi ilə bağlı fəal məsləhətləşmələr aparılır. Bu, həqiqətən də situasiyanın müsbət istiqamətdə irəliləməsinə gətirib çıxarar.

Bununla yanaşı, güman edirəm ki, Rusiyanın vasitəçiliyi ilə Bakı ilə İrəvan arasında danışıqlara başlamağın vaxtı gəlib çıxıb”.

Bakı yaxşı başa düşür ki, Ermənistan silahlı qüvvələrinin təşkil etdiyi sərhədlərdəki bütün təxribatlar yalnız bir məqsədə xidmət edir – Azərbaycanı cavab zərbəsinə təhrik etmək və müvafiq olaraq, bu vəziyyətdən üçüncü ölkələrin münaqişəyə cəlb olunması üçün yararlanmaq.

Bu fikirlərlə Axar.az-a açıqlamasında Rusiyanın beynəlxalq münaqişələr üzrə eksperti, hərbi analitik Yevgeni Mixaylov Ermənistan silahlı qüvvələrinin sərhəddə törətdikləri təxribatı şərh edərkən bildirib.

Onun sözlərinə görə, İrəvan artıq bir müddətdi ki, mifik Fransa və Amerika sülhməramlılarından danışmağa başlayıb:

“Moskva isə bunu çox yaxşı anlayır. Rusiyanın və Azərbaycanın Ermənistanın nə etməyə çalışdığına dair tam qarşılıqlı anlaşması vardır. Bakı və Moskva ermənilərin bu məkrli planını ifşa edə bilib.

Artıq əminliklə söyləyə bilərəm ki, sülh müqaviləsi imzalanacaq. Bundan başqa, Bakının heç vaxt provokasiyalara uyub, tammiqyaslı hərbi əməliyyata başlamayacağı da bəllidir”.