Ermənistan cəmiyyəti üçün, əfsuslar olsun ki, Azərbaycan Prezidenti İlham Əliyev həmişə həqiqəti deyib. İrəvandan isə daim yanlış məlumat yayılır.

Axar.az xəbər verir ki, bu barədə erməni siyasi icmalçı Qalust Qriqoryan yazıb.

Onun sözlərinə görə, söhbət əvvəllər və hazırda ölkə rəhbərləri arasında baş tutan pərdəarxası danışıqlardan gedir:

“Onun (İlham Əliyevin) 2016-cı ildə Rusiyada pərdəarxası görüşdən sonra Serj Sərkisyan haqda sözlərini xatırlayaq. O zaman Əliyev bildirmişdi ki, Sərkisyan ona Azərbaycan ərazilərini azad etməyi vəd edib və bunun üçün ona cəmi iki həftə vaxt lazım olduğunu da bildirib. O zaman hamı Azərbaycan liderinin bu sözlərini təkzib edən Sərkisyana inanmışdı, lakin bir neçə ildən sonra cəmiyyət Sərkisyanın Əliyevə verdiyi vəd barədə həqiqəti öyrəndi. Belə misallar çoxdur. Ermənistanın başında duran bütün insanlar düz danışmağı Əliyevdən öyrənməlidir”.

Qriqoryan onu da yazıb ki, Köçəryan, Sərkisyan və Paşinyan dəfələrlə yalan deyiblər, Əliyev isə, erməni tərəfi boynuna almaq istəməsə də, həmişə həqiqəti deməyi xoşlayıb.

Ermənistan Baş naziri Nikol Paşinyan parlamentin iclasında çıxışı zamanı II Qarabağ müharibəsinə aid detallara toxunub.

Axar.az xəbər verir ki, o, Baş Qərargahın keçmiş rəisi Onik Qasparyanın müharibənin dördüncü günündə savaşın dayandırılması gərəkdiyi, əks təqdirdə bütün resursların tükənəcəyi barədə guya TŞ iclasında çıxış etməsi haqda mediaya açıqlamasını şərh edib:

“Bütün məsuliyyətimlə demək istəyirəm ki, Qasparyanın bəyanatının bu bəndinin həqiqətlə heç bir əlaqəsi yoxdur. Baş Qərargah rəisi bunu deməyib, bu, rəsmi şəkildə qeydə alınıb. Söhbət Təhlükəsizlik Şurasının 30 sentyabrdakı iclasından gedir. Qasparyan onda dedi ki, düşmən heç bir uğura nail olmayıb, ordu qarşısına qoyulan tapşırığın öhdəsindən gəlir”.

Paşinyan Qasparyanın hələ Təhlükəsizlik Şurasının 21 avqustdakı iclasında Qarabağdakı erməni ordusunun Azərbaycan Silahlı Qüvvələrini əzmək imkanıyla bağlı hesabat verdiyini bildirib.

Qeyd edək ki, bundan öncə oxşar bəyanatla Ermənistan Baş Qərargah rəisi Armen Qriqoryan çıxış etmişdi.

Türkiyəli hərbi ekspert və təhlükəsizlik mütəxəssisi Abdullah Ağarın Şuşaya atılan “İsgəndər” raketi ilə bağlı Axar.az-a müsahibəsi:

– ANAMA-nın Ermənistanın Şuşaya İsgəndər-M raketi atması faktı ilə bağlı verdiyi açıqlamanı necə şərh edərdiniz?

– Ermənistan tərəfi uduzmaqda olduğu müharibəni qazanmaq və ya müharibənin gedişini öz xeyrinə dəyişdirmək üçün taktiki-ballistik raketlərdən istifadə etmək də daxil olmaqla, əlindən gələn hər şeyi etdi. Qarşı tərəfə təsir edərək, Azərbaycanın müharibədən imtina etməsi və ya müharibə iradəsini sarsıtmaq üçün mülkilərə qarşı silah tətbiq etdi. Bu mənada Şuşanın da iki İsgəndər-M raketi ilə atəşə tutulmasından təəccüblənmədim.

– “İsgəndər” raketinin atılmasını radarların qeydə almamasının səbəbi nədir?

– Radarların “İsgəndər” raketlərini izləyə bilməməsi deyə bir şey yoxdur. Bu, son dərəcə qısa bir müddətdə özünü göstərən texnoloji döyüşdür. Yəni, atıldığı anda raketin “İsgəndər” olduğu bilinmir. Lakin həmin raketlər atıldıqda Azərbaycan hava hücumundan müdafiə sistemi bu cür raketlərin atıldığını müəyyənləşdirir. Sonradan isə Şuşada tapılan qalıqlarla bunun “İsgəndər” olduğu dəqiqləşdirilib.

– Türkiyə bu məsələnin araşdırılması üçün Azərbaycana mütəxəssis göndərə bilərmi?

– Azərbaycan bununla bağlı Türkiyəyə müraciət edərsə, hər iki ölkədən olan mütəxəssislər bu istiqamətdə informasiya mübadiləsi apara bilər. Bu, iki ölkə arasında hüquqla tənzimlənən bir şeydir.

– Şuşaya “İsgəndər” raketinin atılması hansı beynəlxalq qalmaqala səbəb ola bilər?

– Ermənistan tərəfinin “İsgəndər”lərdən istifadəsi həm insanlara qarşı olan soyqırım, həm də mədəni soyqırım kimi qiymətləndirilməlidir. Bu raketlərin nə dərəcədə dağıdıcı olduğu hamıya məlumdur. Ermənistanın müharibə dövründə böyük bir tarixə malik olan Şuşa şəhərinə “İsgəndər” raketi atması mədəni bir soyqırımdır. Bu mənada, Ermənistan bununla həm bəşəriyyətə qarşı bir cinayət, həm də hərbi cinayət işləyib.

BMT-nin İnkişaf Proqramı Yəməndə minalanmış ərazilərdə insan tələfatı ilə bağlı statistikanı açıqlayıb.

Axar.az xəbər verir ki, 2020-ci ildə husi qiyamçıları tərəfindən paytaxt Səna ətrafında və digər bölgələrdə basdırılan minaların partlaması nəticəsində 348 mülki şəxs həlak olub, minlərlə insan yaralanıb.

Aprelin 5-də Səudiyyə Ərəbistanında bu mövzuya dair seminar təşkil olunub. Krallığın himayəsi ilə həyata keçirilən Yəməndə Minaların Təmizlənməsi Proqramı (MASAM) çərçivəsində təşkil edilən tədbirdə məlumat verilib ki, təkcə mart ayında Yəmən ərazisində 2 mindən çox mina zərərsizləşdirilib.

MASAM-ın xüsusi əməliyyatlar üzrə direktoru Kristofer Klark deyib ki, hazırda bu ölkənin ərazisində 32 minatəmizləyən briqada fəaliyyət göstərir. O əlavə edib ki, əldə edilən məlumatlara görə, husi qiyamçıları Yəmənin müxtəlif bölgələrində 4 milyona yaxın mina basdırmağı planlaşdırır.

Səudiyyə Ərəbistanı minalanmış ərazilərdə əlil olmuş insanların protezlərlə təmin edilməsi üçün Ədən, Tayyus, Seyrun və Məribdə reabilitasiya mərkəzləri açıb. Bundan başqa, MASAM proqramına daha 100 milyon dollar vəsait ayrılması nəzərdə tutulur.

44 günlük müharibədəki yalanları ilə Azərbaycan oxucusuna yaxşı tanış olan, nəticədə ermənilərin də nifrətini qazanan Artsrun Ovannisyan Ermənistan Müdafiə Nazirliyinin Kadrlar və hərbi-təhsil siyasəti baş idarəsinin təhsil şöbəsinin müdiri vəzifəsindən istefa verib.