Yunanıstanın Baş naziri Kiriakos Miçotakis martın 13-də Türkiyəyə rəsmi səfər edəcək

Ukraynanın sabiq prezidenti, Rusiyanın yenidən hakimiyyətə gətirmək istədiyi haqda iddialar yayılan Viktor Yanukoviç Prezident Vladimir Zelenskiyə müraciət ünvanlayıb.

Axar.az xəbər verir ki, Yanukoviç Zelenkini axan qanı istənilən yolla dayandırmağa çağırıb.

“Mən yaxşı bilirəm ki, sizin çoxlu “məsləhətçiniz” var, ancaq şəxsən siz istənilən yolla, hər vasitə ilə qan axıdılmasını dayandırmağa və sülh razılaşmasına nail olmağa borclusunuz. Bunu sizdən Ukraynada, Donbasda və Rusiyada gözləyirlər”, - Yanukoviçin RİA-ya daxil olan müraciətində bildirilir.

Yanukoviç deyib ki, belə bir addıma görə Ukrayna xalqı və Kiyevin Qərb partnyorları minnətdar olacaq:

“Mən prezident və hətta müəyyən qədər ata kimi Vladimir Zelenskiyə səslənmək istəyirəm: Vladimir Aleksandroviç, siz, yəqin ki, əsl qəhrəman olmağı arzulayırsınız! Ancaq qəhrəmanlıq nümayiş üçün deyil, o, son ukraynalıya qədər vuruşmaq üçün də deyil! Qəhrəmanlıq - insanların həyatını xilas etmək naminə özünü qurban vermək, öz qürur və ambisiyaların üzərində qələbə çalmaqdadır”.

O bildirib ki, hazırda ölkəsində baş verənləri ağrı ilə qarşılayır:

“Bütün faciələrin qarşısını almaq üçün imkan var. İlk gündən siz Ukraynada müharibənin qarşısını almağı vəd etmişdiniz və məhz buna görə Ukrayna sizi dəstəklədi. Siz sülhün prezidenti ola bilərdiniz, amma təəssüf ki, bu baş vermədi”.

Baltikyanı ölkələrin NATO-ya qəbul edilməsi NATO-Rusiya, ABŞ-Rusiya münasibətləri üçün ən təəccüblü şey olardı.

Dünya unudulsa, özünü itirər.

Bu gün böyük qadın, Rusiyada “ana” adlandırılan İkinci Yekaterinanın şahidlərin təsdiq etdiyi bir sözünü vurğulamaq istəyirəm. O, soykök baxımından rus olmayıb, amma rusa çevrildiyi üçün fəxr edib. O deyib: “Mən öz vətənimi həyatımın sonuna qədər dil, qələm və qılınca qoruyacam”.

Axar.az xəbər verir ki, bu sözləri Rusiya lideri Vladimir Putin 8 Martq – Beynəlxalq Qadınlar Günü münasibətilə müraciətində deyib.

O bildirib ki, hazırda da “vətən”, “ana”, “sevgili” sözləri bizim üçün eyni qəbildəndir və hər zaman belə olacaq.

Martın 8-nə olan məlumata görə, Rusiya ordusunun Ukrayna ərazisindəki ümumi döyüş itkiləri təxminən 12 min nəfər təşkil edib.

Axar.az xəbər verir ki, bu barədə Ukrayna Silahlı Qüvvələrinin Baş Qərargahının mətbuat xidməti məlumat yayıb.

Bu müddət ərzində Rusiya Federasiyası həmçinin 303 tank, 1036 zirehli döyüş maşını, 120 artilleriya sistemi, 56 reaktiv yaylım atəş sistemi, 27 hava hücumundan müdafiə sistemi, 48 təyyarə, 80 helikopter, 474 nəqliyyat vasitəsi, 3 gəmi, 60 yanacaq sisterni və 7 əməliyyat-taktiki səviyyəli pilotsuz uçuş aparatı itirib.

“Məlumatlar dəqiqləşdirilir. Hesablama hərbi əməliyyatların yüksək intensivliyi nəticəsində çətinləşir”, - məlumatda deyilir.