Məşhur "Ulduz yolu" serialında “Kapitan Kirk” obrazını canlandıran 90 yaşlı aktyor Uilyam Şetner kosmosa uçub.

Kult.az xəbər verir ki, Uilyam Şetner kosmosa uçan ən yaşlı şəxs kimi tarixə düşüb.

Aktyorun kosmosa uçuşu "Nyu Şepard" gəmisi vasitəsilə baş tutub. Uçuş təxminən 11 dəqiqə davam edib.

Qeyd edək ki, sözügedən kosmik gəmi Ceff Bezosa məxsusdur.

ABŞ dolları sanksiya aləti kimi istifadə etməklə böyük səhvə yol verir.

Axar.az xəbər verir ki, bunu Rusiya Prezidenti Vladimir Putin CNBC televiziyasına müsahibəsində deyib. Onun sölzərinə görə, ABŞ dövlət borcunun sürətli artımı və sanksiyalar dolların mövqeyini dağıdır:

“Məncə, ABŞ dollardan sanksiya aləti kimi istifadə etməklə çox böyük səhvə yol verir. Sadəcə olaraq biz dollarla tədarük etdiyi məhsulların pullarını müştərilərdən ala bilmirik. Bu nəyə gətirib çıxarır? Başqa seçimimiz yoxdur, başqa valyutalarda hesablaşmaya keçmək məcburiyyətindəyik.

Dollar dünyanın rezerv valyutası kimi öz mövqelərini itirir və dollarla hesablaşma həcmi azalır. Biz dollardan hesablaşmalarda tam imtina etməkdə maraqlı deyilik. Hələlik bu bizi qane edir”.

Əfqanıstanda bilet qiymətlərini Taliban hakimiyyətə gəlməmişdən öncəki səviyyəyə endirməyən "Kam Air" və “Pakistan International Airlines” özəl aviaşirkətlərinin uçuşlarına maneə törədiləcək.

İqlimin xilası naminə insanlıq tezliklə ət istehsalı və istifadəsini ciddi şəkildə ixtisar etməli olacaq.

Üçtərəfli görüş əlbəttə ki, mənim üçün qürurverici idi. Əvvəla, mən qalib kimi, II Qaragen isə məğlub kimi çıxış edirdi.

Axar.az xəbər verir ki, bunu Qafqaz Müsəlmanları İdarəsinin (QMİ) sədri Şeyxülislam Allahşükür Paşazadə Azərbaycan, Ermənistan və Rusiya dini liderlərinin üçtərəfli görüşü barədə danışarkən deyib.

“15 dəqiqə əvvəl necə hazırlaşmışdılarsa, onlar danışdılar. Hətta bəzi məsələlərdə bir dəfə Dağlıq Qarabağ sözü getdi. Mən bildirdim ki, Dağlıq Qarabağ ifadəsi bizdə yoxdur. Ona görə də xahiş edirəm, bunu bir də dilə gətirməyəsiniz. Ondan sonra patriarx bunu bir də dilə gətirmədi”, - şeyx bildirib.

Qeyd edək ki, oktyabrın 13-də Qafqaz Müsəlmanları İdarəsinin sədri Şeyxülislam Allahşükür Paşazadə, Moskva və bütün Rusiya Patriarxı Kirill və ermənilərin katolikosu II Qaregin arasında Moskvada görüş keçirilmişdi.

Moskva Rusiya, Azərbaycan və Ermənistan liderlərinin üçtərəfli razılaşmasının bütün bəndlərinə ciddi şəkil riayət edilməsinin tərəfdarıdır.

Axar.az xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova deyib.

“Hesab edirik ki, bununla Bakı-İrəvan münasibətlərinin normallaşdırılması üçün lazımi şərait yaradılacaq”, – deyə o bildirib.

Əfqanıstanın xarici işlər naziri vəzifəsini icra edən Əmirxan Muttakinin başçılıq etdiyi nümayəndə heyəti Türkiyə xarici işlər naziri Mövlud Çavuşoğlunun dəvəti ilə bu gün Türkiyəyə gedir.

Axar.az xəbər verir ki, bu barədə Türkiyə mediası məlumat yayıb.