 |
 |
Bu gündən müəllimlərin işə qəbulu üzrə imtahanlar başlayır.
“Report” xəbər verir ki, ümumi təhsil müəssisələrinə müəllimlərin işə qəbulu üzrə müsabiqənin test mərhələsi iyulun 24-dək davam edəcək.
Alman dili və tarix üzrə 8 iyul, fizika, fransız dili və musiqi üzrə 9 iyul, informatika və rus dili üzrə 10 iyul, ingilis dili üzrə 11-12 iyul, biologiya üzrə 12-13 iyul, coğrafiya üzrə 13 iyul, ibtidai sinif üzrə 15-18 iyul, təsviri incəsənət üzrə 18 iyul, fiziki tərbiyə üzrə 18-19 iyul, riyaziyyat üzrə 19-22 iyul, texnologiya üzrə 22 iyul, kimya üzrə 22-23 iyul, Azərbaycan dili və ədəbiyyat üzrə 23-24 iyul, Azərbaycan dili, rus dili və ədəbiyyat üzrə 23 iyul tarixlərində test imtahanları keçiriləcək.
Müəllimlərin işə qəbulu 4 mərhələdən (elektron ərizədəki göstəricilərin qiymətləndirilməsi, test imtahanı, vakant yerlərin seçilməsi və müsahibə) ibarətdir. Test imtahanı mərhələsində namizədə ixtisas, tədris metodikası, təlim strategiyaları və məntiqə aid suallar təqdim ediləcəkdir. Bu mərhələdə keçid balını toplamış namizədlər 8 vakant yer seçə biləcəklər. Namizədlərin vakant yerlərə yerləşdirilməsi elektron ərizələrində qeyd etdikləri seçim ardıcıllığı gözlənilməklə aparılacaq.
Müsahibə mərhələsində test imtahanlarının nəticələrinə əsasən vakant yer tutmaq hüququ qazanmış namizədlərin bilik və bacarıqları, psixoloji hazırlığı və ümumi dünyagörüşü yoxlanılacaq.
İşə qəbul müsabiqəsi nəticəsində namizədlərin topladığı bal iki tədris ili qüvvədədir və onlar növbəti tədris ili üçün keçirilən müsabiqə zamanı birbaşa vakansiya seçimi mərhələsində iştirak edə bilərlər.
“560 milyon kreditim vardı, iki əmlakımı verdim, o borc silindi”
Azərbaycan Beynəlxalq Bankına (ABB) külli miqdarda borcu olduğuna görə “Avesta Konserni” MMC-nin prezidenti, tanınmış iş adamı Hacı İbrahim Nehrəmlinin sahibi olduğu “Xəzər Adaları”nın əlindən alınması ilə bağlı informasiyalar yayılıb. İş adamının banklara borcunun məbləği ilə bağlı müxtəlif rəqəmlər yazılır. Bəzi saytlar bu borcun 850 milyon manat olduğunu qeyd edir, bəziləri hətta 1 milyarda çatdığı haqda məlumatlar yazırlar. Bəs gerçək nədən ibarətdi? İ.Nehrəmlinin hazırda banklara borcu varmı? Bu suallara cavab almaq üçün onun özü ilə əlaqə saxladıq. İş adamı “Yeni Müsavat”a açıqlamasında barəsində yazılanların doğru olmadığını dedi.
– İbrahim bəy, “Xəzər Adaları”nın banka borcunuz olduğu üçün sizdən alınması ilə bağlı məlumatlar yayılıb. Bu, doğrudurmu?
– Dekabr ayında biz özümüz təşəbbüs göstərib, “Xəzər Adaları”nı məhkəmə yolu ilə “Aqrarkredit” təşkilatına verdik. Oradan da Azərbaycan Sənaye Korporasiyasının (ASK) tabeliyinə verildi. Bununla da mənim borcum silindi.
– 800 milyon manat borcunuzun olması ilə bağlı məlumat doğrudurmu?
– Xeyr, bu məlumat doğru deyil. Mənim borcumun əsas məbləği 430 milyon manat idi, faizlərlə bir yerdə isə 570 milyon manat olmuşdu. Hərə bir söz yazır, kimi deyir, faiz hesablanmayıb, kimi deyir, hesablanıb.
– “Xəzər Adaları”nı verməklə borcunuz bağlandı?
– Xeyr, dövlətə iki əmlak vermişik, biri “Xəzər Adaları”dır, digəri isə ticarət mərkəzi idi. Bununla da borcumu bağladılar və məsələ bitdi. İndi mənim dövlətə heç 1 manat da borcum yoxdur. Digər əmlaklarım özümə qaytarılıb. Banka 20 girov qoymuşdum, hamısı özümə qaytarılıb. Dövlət reyestrində də bu görünür.
– Sizin heç bir borcunuzun qalmaması ilə bağlı Azərbaycan Beynəlxalq Bankı və digər qurumlar arayış veriblərmi?
– Mən bütün qurumlara müraciət edib sənədləri almışam, heç bir yerdə mənim borcumun olduğunu göstərməyiblər. Bütün borclarım silinib və tər-təmizdir. Bu gün digər banklar da daxil olmaqla, nə 1 dollar kreditim, nə də borcum var.
– Bəs ölkədən çıxmağınızla bağlı qoyulan qadağa götürüldümü?
– Mən ötən ilin dekabr ayından bəri 4 dəfə xaricə gedib gəlmişəm. Allah cənab prezidentdən və 1-vi vitse-prezident Mehriban xanımdan razı olsun, onların göstərişi ilə bu məsələ həll olundu və mən rahat şəkildə xaricə gedib-gələ bilirəm. Sağ olsunlar ki, bu məsələni həll etdilər.
– Hazırda biznesinizin durumu necədir, fəaliyyətiniz davam edirmi?
– Bəli, fəaliyyətimə davam edirəm, hər bir işim qaydasındadır. Yeni layihələrim var. Əsasən kənd təsərrüfatı və tikinti ilə məşğulam.
– Gələcəkdə “Xəzər Adaları”nın tikintisi davam etdirilsə, siz də tövsiyələrinizlə dəstək olarsınızmı?
– Mən dövlətimizin yolunda hər şeyə hazıram, nə lazım olsa, yanlarında olacağam ki, tikilsin. Öz köməyimi təklif etmişəm və çox bəyəniblər. O proyekt mənim başımdadır. Əgər onun icrasında əziyyət çəkərlərsə, mən bir məsləhətçi kimi onların yanında olmalıyam. Mən inanıram ki, bu proyekt davam edəcək.
İyunun 28-dən 30-dək Diasporla İş üzrə Dövlət Komitəsinin, Beynəlxalq Diaspor Mərkəzinin (BDM) və Beynəlxalq Əsassız Erməni İddiaları ilə Mübarizə Dərnəyinin (ASİM-DER) təmsilçilərindən ibarət nümayəndə heyətinin Türkiyənin Van şəhərinə səfəri, xüsusilə Akdamar adasındakı Akdamar kilsəsini ziyarət etməsi və həyata keçirilmiş məlumatlandırma kampaniyası Türkiyə ermənilərinin, eyni zamanda, erməni diasporunun ciddi narahatlığına səbəb olub.
Millət vəkili Aydın Mirzəzadə də Baş nazirin müavini, Yeni Azərbaycan Partiyası sədrinin müavini-İcra katibi Əli Əhmədov Silahlı Qüvvələrə Yardım Fonduna dəstək aksiyasına qoşulub.
Axar.az xəbər verir ki, bu barədə millət vəkilinin özü Feysbuk hesabında qeyd edib.
“Azərbaycan Respublikası Baş nazirinin müavini, Yeni Azərbaycan Partiyası Sədrinin müavini - Əli Əhmədovun təşəbbüsünə qoşularaq bu gün aylıq maaşımın bir hissəsini Silahlı Qüvvələrə Yardım Fonduna keçirdim”, - A.Mirzəzadə bildirib.
Qeyd edək ki, bir müddət əvvəl Baş nazirin müavini, Yeni Azərbaycan Partiyası sədrinin müavini-İcra katibi Əli Əhmədov aylıq əməkhaqqının 50 faizini Silahlı Qüvvələrə Yardım Fonduna yatıracağını bildirərək, digər siyasi xadimlərin də dəstək aksiyasına qoşulması üçün çağırış etmişdi.
Pirallahı rayonunda doğrudan da işlər sürətlə gedir.
Bu gün çox əlamətdar bir gündür.
Sahibkarlığın inkişafı ilə bağlı çox ciddi addımlar atılıb.
Son zamanlar piyadaların ölümü ilə nəticələnən hadisələrə tez-tez rast gəlirik. Əsasən də sosial şəbəkələrdə paylaşılan videogörüntülərə baxdıqda ilk növbədə ağlımıza yüksək sürət və sürücü məsuliyyətsizliyi gəlir. İnsanların beynində belə bir yanlış stereotip formalaşıb ki, nə olursa olsun, günahkar hər zaman sükan arxasındakı sürücüdür. Bəs piyada məsuliyyətsizliyi? Onlar günahsızdırmı?
“Ölkə.Az” saytı olaraq bu məsələni araşdırmağa qərar verdik. Həqiqətən qanun bizə nə deyir?
Bununla bağlı yol hərəkəti üzrə ekspert Ərşad Hüseynova müraciət etdik.
- Son zamanlar altı zolaqlı yüksək sürətli yollarda piyadalarin ölümü ilə nəticələnən qəzalar baş verir. Bu barədə sosial şəbəkədə görüntülər paylaşılır. Belə qəzalarda sürücülər məsuliyyətə cəlb olunur? Günah kimdə olur?
- Belə yol nəqliyyat hadisələrinin şablon cavabı olmur. Hər bir hadisəyə fərdi qiymət verilməlidir. Mütləq araşdırılıb, hadisə iştirakçılarının hərəkətlərinə baxılmalıdır. Baxın, burada piyada icazə verilməyən yerdən yolu keçərkən vurulub. Bu o deməkdir ki, o yol nəqliyyat qaydalarını pozub.
Əgər onu vuran sürücü heç bir qaydanı pozmayıbsa, məsuliyyətdən azad olur. O məlum hadisədə piyada sürücünün sürətlə gəldiyi bir zamanda onun gözləmədiyi anda yoluna çıxıb. Bu zaman onu vurmamaq üçün heç bir texniki imkan yoxdursa, deməli sürücünün də heç bir günahı yoxdur.
- Ümumiyyətlə hansı vəziyyətdə sürücü tam məsuliyyət daşıyır? Ancaq piyada zolağında vuranda, yoxsa?
- Yox, bu belə deyil. Sürücü yol- hərəkət qaydalarını pozarsa, qəzanın qarşısını almaq üçün (sürətini azaltmaqla, dayanmaqla) şəraiti varsa, ancaq bundan istifadə etməyibsə bu zaman məsuliyyət daşıyır. Bu vəziyyətdə sürücü piyada zolağındadırsa və ya ondan kənardadırsa fərqi yoxdur.
- Bəzən piyadalar yoldakı nizamlanmayan (işiqfor olmayan keçidlər) piyada keçidindən keçərkən gələn avtomobilin sürətini hesablamayaraq o biri səkiyə keçmək istəyirlər. Bir növ onlarda arxayınlıq var ki, onsuz yol mənimdir avtomobil saxlamalıdır. Sizcə, bu düzgündür?
- Burada da eyni vəziyyətdir. Qanuna görə, nizamlanmamış piyada keçidində (işiqfor olmayan zolaqda) piyada avtomobillərə yol verməlidir. Yol boşalandan sonra yolu keçməlidir. Əslində qanun deyir ki, özünü qorumalıdır. Yaxınlaşan avtomobilin sürətini, ona qədər olan məsafəni hesablayıb yolu keçməlidir. Heç bir vəziyyətdə qəflətən yola çıxmamalıdır. Əgər belə etməsə, piyada zolaqda olsa belə, yol hərəkət qaydalarını pozur.
- Sosial şəbəkədə, mediada ən çox hava limanına gedən sürətli yolda yeraltı keçidlərin yetərincə olmamasından şikayətlənirlər. Bəzən yolun o biri tərəfinə keçmək üçün kilometrlərlə yol gedirlər.
- Bax görürsünüz, bizim mediamız, cəmiyyətimiz əsasən bu məsələyə köklənib: Kim günahkardır? "Kimdir günahkar" məsələsi də sonda gedir tapmaca kimi bir yerə çıxır, qanun qalır kənarda. Halbuki bizim qanunlarımızda hər suala cavab tapmaq olar. Orada piyadanın da, sürücünün də öz məsuliyyəti var. Və beləcə məsələyə obyektiv baxılmır. Hamı başlayır günahı iki tərəfdə görməyə. Bəlkə heç onların heç biri günahkar deyil, bəlkə elə səbəb yol infrastrukturunun bərbad vəziyyətidir?
Görürsən yaşayış massividir, o tərəfdə də məktəb var. Yolda altı zolaqlı sürətli yoldur. Bəs, bu uşaqlar bu yolu necə keçib məktəbə getsinlər? Bunu heç kəs düşünməyib, infrastruktur yaradılmayıb. Əslində yol infrastrukturunda belə üsullara yol verənlər də məsuliyyət daşımalıdır. Buna görə, hadisəyə qiymət veriləndə mütləq o da nəzərə alınmalıdır.
- Bir məsələ də var ki, piyadalar çox vaxt yollarda qanunları kobudcasına pozur. 5 metr piyada keçidinə qədər getməyə tənbəllik edir, yolu olduqları yerdən keçir. Bunun qarşısı necə alınmalıdır? Piyadalar cəzalanmalıdırmı?
Bəli, bu nizamsızlığın ən pis nümunələrindən biridir. Cəzalanmaq dedikdə zatən onlar qaydanı pozurlar və cərimə ödəməlidirlər. Belə hərəkət edən piyada “Yol hərəkəti qaydaları”nın 40-cı maddəsini tələbini pozduğuna, müəyyən olunmayan yerdən yolu keçdiyinə görə, əgər heç bir hadisə olmayıbsa 20 manat cərimə olunur. (16 yaşdan yuxarı olan şəxslərə aiddir)
Yox, əgər orada yol nəqliyyat hadisə baş veribsə, qəza olubsa, mütləq istintaqa cəlb olunub, araşdırılmalıdır. Belə hadisələr də çox vaxt dünyasını dəyişən və yaxud əlil qalan piyadanın səhvi ucbatından baş verir və sürücü heç bir məsuliyyət daşımır. Belə hadisələr cəmiyyətdə təbliğ olunmalıdır ki, o stereotip dəyişsin. İndi bu dəqiqə yanlış stereotip var ki, hər bir halda piyada vurularsa, sürücü günahkardır. Çox yanlış bir fikirdir. Bəzi insanlar isə bilmədən danışıb, deyirlər qanunda belə yazılıb. Xeyr, qanunda belə bir maddə yoxdur. Bizim qanunvericiliyimizdə piyadanın avtomobillə vurulması, məsuliyyət məsələsi hallarında məsələn Rusiyanın, Fransanın, Almaniyanın qanunvericiliyindən demək olar ki, fərqlənmir. Sadəcə təcrübəmiz bərbad gündədir. Təcrübəmizi də bərbad günə salan məhkəmə istintaq təcrübəsindəki subyektivlərdi. Onun nəticəsində də cəmiyyətdə yaranmış yanlış fikir formalaşıb ki, hər zaman sürücü günahkardır. Az öncə də dediyim kimi bu qəti belə deyil.
- Belə bir piyadalara da rast gəlmək olur yol verirsən, yolu çox asta keçirlər sanki podiumda yeriyirlər. Bütün hərəkəti saxlayırlar. Sizcə bu qanunla nizamlanmalıdırmı? O piyadalar cəzalandırılmalıdırmı?
- Bilirsiz, belə piyadaları məsuliyyətə cəlb etmək çətindir. Çünki belə vəziyyəti qiymətləndirmək çətindir. Bəli, qanunda deyilir ki, piyada yol hərəkət hissəsində ləngiməməlidir. Demirəm ki, qaçsın xeyr, qaçmamalıdır, ancaq qəti ləngiməməlidir. Bacardığı, adi insanın yeriyə biləcəyi sürətdə keçməlidir. Sözsüz ki, müəyyən bir əlilliyi yoxdusa, yaşlı insan deyilsə. Qeyd edim ki, əgər piyada tərəfindən açıq-aşkar sui-istifadələr olarsa o, buna görə məsuliyyətə cəlb oluna bilər. Məsələn bir dəfə mənə video kadr göndərmişdilər. Küləkli Bakı havası, gənc bir kişi yol hərəkətini saxlayıb və piyada keçidindən keçir. Keçidi keçə-keçə düşünür ki, bir siqaret yandırsın. Neçə dəfə cəhd edir, cəhdi boşa çıxır. Keçidin tən ortasına gəlib çıxanda qərar verir ki, dayanıb siqaretini alışdırsın. Beləliklə, o, utanmadan keçiddə hardasa 7-10 saniyə dayanır və siqaretini yandırıb, yenə yavaş-yavaş yoluna davam edir.
Məncə belə hallarda onlar mütləq məsuliyyətə cəlb edilib, cəzalandırılmalıdır.
Nazirlər Kabineti “Müfəssəl planların hazırlanması, razılaşdırılması və təsdiq olunması qaydaları, habelə həmin planların razılaşdırıldığı orqanların siyahısı”nda dəyişiklik edib.
APA-nın məlumatına görə, müfəssəl planların hazırlanması, razılaşdırılması və təsdiq olunması qaydaları, habelə həmin planların razılaşdırıldığı orqanların siyahısı yaşayış məntəqələrinin (şəhərlərin, qəsəbələrin və kəndlərin) ərazilərinin və ya onların ərazi hissələrinin, o cümlədən yaşayış məntəqələrinin hüdudlarından kənarda yerləşən ərazilərinin (yaşayış məntəqələrinin perspektiv inkişafı üçün nəzərdə tutulan) müfəssəl planlarının hazırlanması, razılaşdırılması və təsdiq olunması qaydalarını, habelə həmin planların razılaşdırıldığı orqanların siyahısını müəyyən edir.
Müfəssəl plan yaşayış məntəqəsinin qüvvədə olan Baş planı əsasında hazırlanır. Baş plan olmadığı halda və ya Baş planın hesabat müddəti bitdikdə, kəndlərin, qəsəbələrin və perspektivdə hesabi əhalisi 50 minədək olan şəhərlərin bütün ərazisi üçün müfəssəl planın hazırlanmasına yol verilir. Müfəssəl plan planlaşdırılan struktur elementlərinin yerləşdirilməsini, onların inkişaf parametrlərini müəyyən edən ərazi planlaşdırılması sənədidir. Müfəssəl plan yerli icra hakimiyyəti orqanları və bələdiyyələrin sifarişi ilə hazırlanır. Ərazi üçün yalnız bir müfəssəl plan olmalıdır. Müfəssəl plan torpaq sahələrinin məqsədli istifadəsi, həmçinin torpaq servitutlarının tətbiq edilməsi barədə qərarların qəbul edilməsi üçün əsasdır.
İndiyə qədər müfəssəl planlar Ekologiya və Təbii Sərvətlər Nazirliyi, Fövqəladə Hallar Nazirliyi, Kənd Təsərrüfatı Nazirliyi, Nəqliyyat, Rabitə və Yüksək Texnologiyalar Nazirliyi, Mədəniyyət və Turizm Nazirliyi, “Azərsu” Açıq Səhmdar Cəmiyyəti, “Azərenerji” Açıq Səhmdar Cəmiyyəti və “Azərişıq” Açıq Səhmdar Cəmiyyəti, Dövlət Neft Şirkətinin “Azəriqaz” İstehsalat Birliyi, Azərbaycan Avtomobil Yolları Dövlət Agentliyi və layihə tapşırığında qeyd olunan orqan və qurumlarla razılaşırılmalı idi. Dəyişikliyə əsasən, bundan sonra müfəssəl planlar həm də Bakı Nəqliyyat Agentliyi ilə razılaşdırılmalıdır.
İyulun 5-dən tələbələrin ölkə daxilində və xaricdə yerləşən ali təhsil müəssisələrindən köçürülməsi, yaxud bir ixtisasdan digərinə dəyişdirilməsi, eləcə də ölkəmizdə yerləşən orta ixtisas təhsili müəssisələri tələbələrinin, magistratura səviyyəsində təhsilalanların köçürülməsi üzrə elektron sənəd qəbuluna başlanılır.
"Qafqazinfo" xəbər verir ki, Transfer.edu.az portalı vasitəsi ilə həyata keçiriləcək sənəd qəbulu iyulun 20-dək davam edəcək. Portala müraciət edən şəxslər köçürülmək istədiyi təhsil müəssisəsini seçmək imkanına malikdir. Bunun üçün təhsilalanlar tələb olunan məlumatları daxil etməklə, köçürülmə meyarlarına uyğun gəlib-gəlmədiyini müəyyən edə bilərlər.
Təhsil Nazirliyi tərəfindən yaradılan transfer.edu.az portalı tələbələrin köçürülməsi prosesinin sadələşdirilməsinə və şəffaflığın təmin olunması məqsədinə xidmət edir.
Tələbələrin köçürülməsi Təhsil Nazirliyinin razılığı ilə qış və yay tətili dövründə həyata keçirilir. Dövlət İmtahan Mərkəzi tərəfindən keçirilən qəbul imtahanlarında tələbənin topladığı bal qəbul olunduğu ildə köçürülmək istədiyi ali təhsil müəssisəsində müvafiq ixtisas üzrə minimal keçid balından az olmamalıdır. Həmçinin tələbənin qəbul olunduğu və köçürülmək istədiyi ixtisaslar Dövlət İmtahan Mərkəzi tərəfindən müəyyən olunmuş eyni ixtisas qrupu daxilində olmalıdır.
Qaydalara əsasən, xarici ölkələrin akkreditə olunmayan ali təhsil müəssisələri tələbələrinin və digər ölkələrdə qiyabi təhsil alanların köçürülməsinə icazə verilmir. Bununla yanaşı, tələbənin təhsil aldığı ali təhsil müəssisəsinin dünyanın ən yaxşı ali təhsil müəssisələrinin reytinq siyahısında olması da nəzərə alınan göstəricilər sırasındadır. Bir ali təhsil müəssisəsindən digərinə köçürülən, ixtisasını dəyişən və tələbələr sırasına bərpa olunan şəxslər (dövlət sifarişi əsasında təhsil alanların eyni ixtisas üzrə köçürülməsi istisna olmaqla) təhsillərini yalnız ödənişli əsaslarla davam etdirirlər.