Azərbaycan, Türkiyə və Türkmənistanın üçtərəfli zirvə görüşü keçiriləcək.

Axar.az xəbər verir ki, bunu Türkiyənin xarici işlər naziri Mövlud Çavuşoğlu deyib.

Onun sözlərinə görə, toplantı Türkiyədə baş tutacaq: “Bu zirvədə önəmli razılaşmalar imzalanacaq”.

Bizim qarşımızda bir sual var: Ermənistanı saxlaya biləcəyik, ya yox?

Axar.az xəbər verir ki, bu sözlər Alternativ Layihələr Qrupunun üzvü Vahe Ovannisyanın məqaləsində yer alıb. O, Azərbaycan Prezidenti İlham Əliyevin Zəngəzur dəhlizi ilə bağlı dünənki bəyanatının şok olduğunu bildirib:

“Bu bəyanat Nikol Paşinyanın ya hər şeyi güzəştə gedəcəyi, ya da gözəl günlərin birində Azərbaycan-Türkiyə ordularının Ermənistana gələcəyi haqqında açıq mətndir. Məncə, bugünkü mitinqin diqqət mərkəzində olmalıdır”.

Ermənistan Baş naziri Nikol Paşinyanla ABŞ dövlət katibi Entoni Blinken arasında telefon danışığı baş tutub.

Axar.az xəbər verir ki, bu barədə Ermənistan hökuməti məlumat yayıb.

Telefon danışığı zamanı Paşinyan və Blinken Qarabağda müharibədən sonra regiondakı vəziyyəti müzakirə ediblər.

Gürcüstan müxalifəti Kontitusiya düzəlişləri təşəbbüsü ilə çıxış edib.

Axar.az xəbər verir ki, bunu Aqmaşenebeli Strategiyası Partiyasının sədri Georgi Vaşadze deyib. Onun sözlərinə görə, hazırkı Konstitusiya əsas çağırışlara cavab vermir.

O, köhnə Konstitusiyanın indikindən daha yaxşı olduğunu bildirib:

“Fundamental Konstitusiya dəyişiklikləri lazımdır. Elə Konstitusiya lazımdır ki, xalq ona güvənsin”.

Qeyd edək ki, Gürcüstan Konstitusiyası 2018-ci ildə dəyişib. Dəyişikliklərə əsasən, ölkə prezident idarəetməsindən parlamentli idarəetməyə keçib.

Almaniya kansleri Angela Merkel və Türkiyə Prezidenti Rəcəb Tayyib Ərdoğan arasında videokonfrans formatında görüş baş tutub.

Axar.az xəbər verir ki, bu barədə Türkiyə Prezident Administrasiyasının İctimaiyyətlə Əlaqələr İdarəsinin məlumatında deyilir.

Liderlərin hansı mövzuları müzakirə etdiyi bildirilmir.

Regionda kommunikasiyaların açılmasını tək bir yox, bütün tərəflər aparmalıdırlar.

Axar.az xəbər verir ki, bunu erməni iqtisadçı Aşot Tavadyan deyib. O iddia edib ki, Azərbaycanın Mehri koridorunun açılmasında israr edir, amma Ağdərə-Vardenis yolunu bağlayır.

Tavadyan bir sıra marşrutların, xüsusilə Mehridən açılacaq dəhlizin Ermənistana sərf etdiyini deyib:

“Bu dəhliz sayəsində Naxçıvandan Ermənistanın mərkəzinə yol olacaq, beləliklə də İrəvanın cənub və mərkəzi rayonları ilə əlaqəsi asanlaşacaq.

Hazırda Tiflis və ya Gürcüstanın Qara dəniz limanlarından İrəvana yük daşınması üçün çoxlu resurs sərf edilir. Naxçıvan dəmir yolunun açılması ilə Rusiya və Ermənistan arasında daha çox yük daşınacaq. Sovetlər dönəmində bu dəmir yolu RSFSR ilə Cənubi Qafqaz respublikaları arasında əsas yük magistralı idi. Ermənistan və Rusiya arasında əlaqə İcevandan Qazaxa açılacaq dəmir yolu sayəsində də güclənə bilər. Ona görə də bu məsələlər kompleks həll edilməlidir”, - deyə o bildirib.

Belarusda bir qrup terrorçunun fəaliyyətinin qarşısı alınıb.

Axar.az xəbər verir ki, bu sözləri Belarus Prezidenti Aleksandr Lukaşenko deyib.

O bildirib ki, yaxın zamanlarda Təhlükəsizlik Komitəsi terrorçuların ölkəyə nə qədər partlayıcı maddə gətirdiyini açıqlayacaqlar.

Roma Papası Fransisk ilk dəfə İraqa səfər edib.

Axar.az xəbər verir ki, Papa Bağdad aeroportunda İraq milli geyimində olan şəxslər tərəfindən ənənəvi musiqinin və rəqsin müşayiəti ilə qarşılanıb.

Qeyd edək ki, Fransisk İraqda 4 günlük səfərdədir. O, İraq rəsmiləri, din xadimləri ilə görüşlər keçirəcək.

Ermənistan Baş Qərargah rəisi Onik Qasparyan Sasna Çrer Partiyasının liderlərindən olan Varujan Avetisyanla görüşüb.

Axar.az xəbər verir ki, görüş martın 3-də gerçəkləşdirilib.

Avetisyanın Qasparyanla görüşü Mənim Addımım Blokunda narazılığa səbəb olub. Belə ki, partiyanın deputatı Andranik Köçəryan Sasna Çrerin Qasparyan görüşünə sərt reaksiya verib.

Qeyd edək ki, Sasna Çrer 2018-ci ildən sonra daima Mənim Addımım Blokunun peyki kimi fəaliyyət göstərib.

Koronavirus kifayət qədər konservativdir. COVİD-19-un patogeni qrip virusu kimi dəyişikliklərlə xarakterizə olunmur.

Axar.az xəbər verir ki, bunu Rusiya Dumasının deputatı Gennadi Onişenko deyib.

“Ştamm əvvəlki kimidir. Yeni ştamm yalnız Çində və ya Cənub-Şərqi Asiyanın hansısa ərazisində koronavirus növbəti dəfə heyvandan insana keçdiyi zaman olacaq”, – deyə o bildirib.

Onişenko hazırda “koronavirusun ştamlar”ı adlandırılanların “alt tiplər” olduğunu deyib.