 |
 |
Bakının Binəqədi rayonunda doqquzmərtəbəli yaşayış binasında yanğın olub.
Milli.Az-ın Fövqəladə Hallar Nazirliyinin saytına istinadən məlumatına görə, binanın 3-cü mərtəbəsində ümumi sahəsi 40 m² olan 1 otaqlı mənzilin mətbəxində 2 m² sahədə mebel yanıb.
Mənzil yanğından mühafizə olunub. Yanğın yanğından mühafizə bölmələri tərəfindən söndürülüb.
Sabah Bakıda və Abşeron yarımadasında havanın dəyişkən buludlu olacağı, yağmursuz keçəcəyi gözlənilir. Axşam bəzi yerlərdə duman olacaq. Gündüz arabir güclənən mülayim cənub küləyi əsəcək.
Ekologiya və Təbii Sərvətlər Nazirliyinin Milli Hidrometeorologiya Departamentindən verilən məlumata görə, havanın temperaturu Abşeron yarımadasında gecə 16-19, gündüz 23-28, Bakıda gecə 17-19, gündüz 26-28 dərəcə isti təşkil edəcək.
Atmosfer təzyiqi norma daxilində 760 mm civə sütunu təşkil edəcək, nisbi rütubət gecə 65-75, gündüz 50-60 faiz olacaq.
Azərbaycanın rayonlarında isə sabah havanın əsasən yağmursuz keçəcəyi, lakin axşama doğru bəzi şimal və qərb rayonlarında şimşək çaxacağı, yağış yağacağı gözlənilir. Ayrı-ayrı yerlərdə intensiv olacağı, dolu düşəcəyi ehtimalı var. Gecə və səhər bəzi yerlərdə duman olacaq. Qərb küləyi gündüz ayrı-ayrı yerlərdə arabir güclənəcək.
Havanın temperaturu gecə 16-21, gündüz 28-33, dağlarda gecə 8-13, gündüz 16-21 dərəcə isti təşkil edəcək.
Mayın 23-də Yevlax rayonunda mikroavtobusun dəhşətli qəzaya düşməsi hadisəsi ilə bağlı bəzi məqamlar üzə çıxıb.
Publika.az xəbər verir ki, Mingəçevir istiqamətində hərəkətdə olan “Mercedes” markalı avtobusun qəzaya uğramasına nəqliyyat vasitəsinin arxa təkərlərindən birinin yerindən çıxması səbəb olub. Nəticədə mikroavtobus gəldiyi sürətlə aşaraq yolun kənarına yuvarlanıb.
Bildirilir ki, bu nəqliyyat vasitələri istehsalçı şirkət tərəfindən kiçiktutumlu yük maşını kimi istismara verilib. Daha sonra isə həmin nəqliyyat vasitələrinin iinə oturacaqlar yerləşdirilərək, pəncərələr açılaraq avtobusa çevrilib.
2006-cı il təvəllüdlü Sevindik Tamerlan oğlu İmanzadə hadisə yerində, 20 yaşlı Sadət Müzəffər qızı Musayeva dəfn edilib. Hadisə zamanı vəfat edən 13 yaşlı Sevindikin anası Gülər İmanova uisə hazırda xəstəxananın reanimasiya şöbəsindədir.
Sabirabad rayonunda ölümlə nəticələnən bədbəxt hadisə baş verib.
Milli.Az qafqazinfo-ya istinadən xəbər verir ki, hadisə mayın 24-də rayonun Cavad-Zəngənə kəndi yaxınlığında yerləşən kanalda baş verib. Balıq tutmağa gedən Anar Cəfərov və Fərahim Mikayılov axşam saat 20 radələrində qamışlıqdan meyit tapıblar. Onun həmin kanalda balıq tutmağa gedən Elmi Əliyev olduğu müəyyən edilib.
İlkin ehtimala görə, E.Əliyev balıq tutarkən yıxılaraq kanala düşüb və boğularaq ölüb. Meyit üzərində xəsarət izləri akşar edilməyib, araşdırma aparılır.
Narkotik satmaqda ittiham edilərək həbs edilən qadın baş redaktor aclıq aksiyasını dayandırıb.
“Bakupress” az saytının həbsdə olan rəhbəri Şəfəq Ağabalayevanın (Ağacan) saxlandığı Bakı istintaq təcridxanasında başlatdığı aclıq aksiyası bir neçə gün davam edib.
Baş redaktorun aclıq aksiyası keçirməsi barədə məlumat onun feysbuk hesabında yaxınları tərəfindən yayılmışdı.
O, bu addımı məhkəməsi davam edən ərəfədə ev dustaqlığına buraxılmaması ilə izah etmişdi.
“İstintaqdan qaçmadığımı, əksinə, maraqlı olduğumu və sifarişçini öyrənmək istədiyimi bildirdim, səhhətimdəki problemlərə görə həbs-qətimkan tədbirimin ev dustaqlığı ilə əvəzlənməsini tələb etdim. Amma dəyişən heç nə olmadı. Gündən-günə ölümə yuvarlandığımı hiss edirəm. Buna görə də mayın 21-dən aclıq aksiyasına başlayıram. Əgər öləcəyəmsə, haqsızlığa üzülərək yox, haqqımı tələb edərək ölmək istəyirəm”– deyə həmin məlumatda qeyd edilirdi.
Mayın 22-də yayılan həmin məlumatdan sonra Şəfəq Ağacan bir neçə gün aclıq aksiyasını davam etdirib. Təcridxana rəhbərliyi ilə görüşdən sonra Şəfəq Ağacan aclıq aksiyasını dayandırıb və bununla bağlı müraciət də yazıb.
Penitensiar Xidmətin ictimaiyyətlə əlaqələr şöbəsindən məlumatı təsdiqləyiblər.
Rəsmi məlumata görə, Nərimanov rayonu ərazisində yerləşən 5 saylı şəhər Klinik Xəstəxanasının qarşısında narkotik vasitələrin qanunsuz dövriyyəsi ilə məşğul olan şəxslərə qarşı əməliyyat keçirib.
Əməliyyat zamanı bir qadın 62 bükümdə ümumi çəkisi 311 qramdan artıq olan qurudulmuş marixuananı 100 ABŞ dolları və 1830 manata satarkən saxlanılıb.
Araşdırmalar zamanı saxlanılan qadının “Bakupress” milli informasiya agentliyinin rəhbəri Şəfəq Ağacan (Şəfəq Ağacan qızı Ağabalayeva) olması müəyyən edilib.
Ağstafa rayonunda şok hadisə yaşanıb.
“Qafqazinfo xəbər verir ki, mayın 24-də bir gün ərzində rayon sakinləri olan 4 qız Ağstafa Rayon Mərkəzi Xəstəxanasına daxil olub. 15 yaşlarında olan qızların hər birinin hamilə olduğu müəyyən edilib.
Hazırda qızlar xəstəxanada həkim nəzarəti altında saxlanılır, rayon polis və prokurorluq orqanları tərəfindən araşdırma aparılır.
Bakının Nizami və Yasamal rayonunda döyülmə hadisəsi baş verib. Tovuzda isə gənc qadın qonşusu tərəfindən fiziki təzyiqə məruz qalıb.
Xəzər rayonunun Şüvəlan qəsəbəsində, Almaz İldırım küçəsində 41 yaşlı Qasımov Əlvan Elbrus oğlu tanıdığı şəxs tərəfındən döyülüb. Yaralı 3 saylı Şəhər Kliniki Xəstəxanasına çatdırılıb. Məlumata görə, hadisə zamanı Ə.Qasımovun qabırğası sınıb.
Tovuz rayonunun Cəlilli kəndində 19 yaşlı qadın qonşu qadın tərəfindən döyülərək başından xəsarət alıb. Yaralı xəstəxanaya yerləşdirilib, vəziyyətinin kafi olduğu bildirilir.
Yasamal rayonunda, “Nizami” metrostansiyasının yaxınlığında qeydə alınana hadisədə isə 1990-cı il təvəllüdlü Zəkiyev Fərid tanıdığı şəxslər tərəfindən döyülüb. Yaralı 1 saylı Kliniki Tibbi Mərkəzə yerləşdirilib. Ona kəllə-bəyin travması diaqnozu qoyulub.
Hər üç faktla bağlı araşdırılmanın aparıldığı bildirilir.
Report
Quba rayonunun Cimi kəndində iki azyaşlını sel aparıb.
BAKU.WS-in məlumatına görə, azyaşlı uşaqlar çayın kənarında oynayarkən qəfil sel gəlib. Nəticədə 3 yaşlı oğlanı xilas etmək mükün olmayıb. 5 yaşlı qızı isə Dəyanət adlı 5-ci sinif şagirdi xilas edib. Qız xəstəxanaya yerləşdirilib. Onun vəziyyətinin yaxşı olduğu bildirilir.
Balakən rayonunun Hənifə kəndi ərazisində çətənə bitkilərinin üzərindən yığaraq əldə etdiyi narkotik vasitəni qurutmaq üçün sərən Masallı rayon sakini 21 yaşlı Sadiq Mirzəquliyev şübhəli şəxs qismində saxlanılıb.
Milli.Az bildirir ki, qafqazinfo xəbər verir ki, S.Mirzəquliyevin çöl sahədə sellofan örtüyün üzərinə qurutmaq üçün sərdiyi 22 kq-a yaxın marixuana və 123 ədəd yabanı halda bitmiş çətənə bitkisi həmin ərazidən aşkar edilərək maddi sübut kimi götürülüb.
Saxlanılan şəxs həmin narkotik vasitəni satış məqsədilə əldə etdiyini bildirib.
Faktla bağlı S.Mirzəquliyev barəsində cinayət işi başlanılıb, istintaq aparılır.
Gəncədə ruhi əsəb xəstəliyindən əziyyət çəkən qadın itkin düşüb.
Milli.Az oxu.az-a istinadən xəbər verir ki, Gəncə şəhəri, Atatürk prospekti 197, ev 12, mənzil 47 ünvanında yaşayan 1985-ci il təvəllüdlü Abdullayeva Çinarə mayın 21-i heç kimə xəbər vermədən evdən çıxıb və bir daha geri qayıtmayıb.
Faktla bağlı Ç.Abdullayevanın anası Natella Abdullayeva Gəncə Şəhər Polis İdarəsinə müraciət edib.