 |
 |
Paytaxtın Nizami rayon sakini tanışı tərəfindən şantaj olunub.
ONA məlumatına görə, 17 yaşlı N.A.(xanım) Nizami Rayon Polis İdarəsinə ərizə ilə müraciət edərək 2018-ci ilin may ayında Səid adlı şəxsin ona aid şəkilləri sosial şəbəkələrdə yayacağı ilə hədələyərək ondan 1700 manat pul aldığını deyib.
Bundan başqa N.A polisə yazdığı şikayət ərizəsində Səidin ona qarşı seksual xarakterli hərəkətlər etdiyini bildirib.
Astarada baş vermiş ağır yol nəqliyyat hadisəsi nəticəsində dünyasını dəyişən 18 yaşlı Qadir Baxşıyev Azərbaycan Dövlət Bədən Tərbiyəsi və İdman Akademiyasının birinci kurs tələbəsi olub.
Buta.media xəbər verir ki, hadisə dünən Astara rayonunun Şüvi kəndi ərazisində baş verib.
Həmin kəndin sakini,17 yaşlı Şəhriyar Əsgərovun idarə etdiyi “VAZ 21011” markalı, 99 RU 131 dövlət qeydiyyat nişanlı avtomobil Astara rayonu Siyətük kənd sakini, 37 yaşlı Şamradov Məmməd Şükür oğlunun idarə etdiyi “Mercedes” markalı, 99HD 377 dövlət qeydiyyat nişanlı yük avtomobili ilə toqquşub.
Nəticədə “VAZ 21011″də olan sənrişin, Astara rayonu Şüvi kənd sakini, 18 yaşlı Baxşiyev Qadir Kamil oğlu hadisə yerində dünyasını dəyişib. 17 yaşlı sürücü Şəhriyar Əsgərov isə ağır bədən xəsarətləri ilə Lənkəran Rayon Mərkəzi Xəstəxanasına çatdırılıb. Onun vəziyyətinin ağır olduğu bildirilir.
Qeyd edək ki, ölən Qadir Baxşıyev evin tək oğlu olub. Onun atası hazırda Ümrə ziyarətindədir.
Faktla bağlı Astara Rayon Polis Şöbəsində cinayət işi açılıb, araşdırma aparılır.
Dəhşətli qəzada vəfat edən Qadirin bəzi fotolarını təqdim edirik.
Lənkəran rayonunun keçmiş icra başçısı, filologiya elmlər doktoru, publisist Yaşar Rzayevin ailəsində baş vermiş faciə ilə bağlı bəzi məqamlar aydınlaşıb.
Publika.az-ın əldə etdiyi məlumata görə, sabiq icra başçısının oğlu Hünər Rzayev qəbul etdiyi dərman həblərinin təsiri nəticəsində dünyasını dəyişib. Belə ki, H.Rzayevin səhhətində bir müddət imiş ki, problemlər yaranıbmış və o, mütəmadi ağrıkəsici dərmanlar qəbul edirmiş. Bir neçə gün əvvəl o, normadan artıq ağrıkəsici qəbul edib və kimyəvi tərkibli həblərin orqanizmə təsiri nəticəsində komaya düşüb. Bakıdakı xəstəxanalardan birinə çatdırılsa da, Hünər Rzayevin həyatını xilas etmək mümkün olmayıb.
H.Rzayevin vəfat etdiyi gün, onun Lənkəranda yaşayan əmisi, rayonun sabiq icra başçısı Yaşar Rzayevin qardaşı Namiq Rzayev insult keçirib. O, Lənkəran şəhər Mərkəzi Xəstəxanasına yerləşdirilsə də, orada vəfat edib.
Bildirilir ki, Hünər Rzayev xeyli müddət Vergilər Nazirliyində çalışıb. Keçən il vergilə naziri Mikayıl Cabbarovun işdən çıxarılmasına qərar verdiyi 64 nazirlik əməkdaşı arasında o da olub. Maliyyə, sığorta və xidmət fəaliyyəti ilə məşğul olan vergi ödəyiciləri ilə iş idarəsinin Vergi öhdəliyinin icrasına nəzarət şöbəsinin 2-ci bölməsinin dövlət vergi müfəttişi vəzifəsində çalışan Hünər Rzayev işdən kənarlaşdılıb. ,
Qeyd edək ki, Yaşar Rzayev uzun illər Lənkəranda rəhbər vəzifələrdə çalışıb və 2003-cü ilədək rayonun icra başçısı vəzifəsini tutub.
Şamaxıda ağır yol qəzası baş verib.
“Qafqazinfo” məlumatına görə, Şamaxı-Pirqulu yolunun Qızmeydan kəndi ərazisindən keçən hissəsində “Vaz 2107” markalı avtomobil dərəyə aşıb. Nəticədə bir neçə dəfə yuvarlanan maşındakı 3 yaşlı oğlan uşağı dünyasını dəyişib
İlkin məlumatlara görə, “VAZ 2107”nin sürücüsü Şamaxının Kürdəmiç kənd sakini hazırda Bakıda yaşayan Atəş Quliyev olub. Qəza nəticəsində dünyasını dəyişən 3 yaşlı uşaq sürücünün övladı Quliyev Əmrah Atəş oğludur.
Avtomobildə olan digər azyaşlı sərnişinlər, 2015-ci il təvəllüdlü Quliyev Uğur Atəş oğlu Hüseynli Turan xəstəxanaya çatdırılıblar.
Faktla bağlı araşdırma aparılır.
Bakıda dəhşətli qətl hadisəsi baş verib.
Milli.Az Trend-ə istinadən xəbər verir ki, hadisə paytaxtın Sabunçu rayonunda qeydə alınıb.
Rayonun Nardaran qəsəbəsi, Bağ massivi, ev 242-də yaşayan Bağırov Tahir Cəfər oğlu yaşadığı evdə anası, 1942-ci il təvəllüdlü Bağırova Rübabə Cəbrayıl qızı ilə şəxsi münasibətlər zəminində mübahisə edib.
Mübahisə nəticəsində T.Bağırov anasını boğaraq öldürüb.
Qadının öldüyünə əmin olan oğul anasının meyitinin üzərinə ağ neft tökərək yandırıb.
Faktla bağlı Sabunçu Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsilə cinayət işi başlanıb.
Dünya çempionunu şagirdinin ifadəsi və ayağındakı bıçaq xəsarəti ələ verib
“Emin 444″ ləqəbi ilə tanınan Masallı sakini, 1988-ci il təvəllüdlü Emin Səfərovun qətli ilə bağlı yeni faktlar ortaya çıxıb. Qətlin son günlərin əsas müzakirə mövzularından birinə çevrilməsinin özəl səbəbi var: ”Emin 444″ xüsusi qəddarlıqla, 78 bıçaq xəsarəti yetirilməklə öldürülüb. Bu amansızlığın səbəbi haqda da mərhumun yaxınları ilginc açıqlamalar veriblər. Deyiblər ki, Emin Səfərov qətlə yetirilməzdən əvvəl qonşuları, kikboks üzrə dünya çempionu Zaur Yusifovla mübahisə edib. Ona sələmə pul verməsini, digər bu sayaq əməllərini irad tutub. Bu zəmində tərəflər arasında mübahisə olub.
Həmin mübahisədən sonra Zaur Yusifov Emin Səfərovun qətlini planlaşdırıb, atası Əli Yusifov, qardaşı Zamin Yusifov, bacısı oğlu Vüqar və 1995-ci il təvəllüdlü Həsən Tağıyev cinayəti icra ediblər. Zaur Yusifovun atası Əli Yusifov isə bu ittihamları rədd edib, deyib ki, qətli Həsən Tağıyev törədib. Bildirib ki, Həsən Tağıyev cinayəti özü törədib, onu bu cinayətə təhrik edən olmayıb. Həsən Tağıyevin oğlunun şagirdi olduğunu, Emin Səfərovun onu öldürəcəyi ilə hədələdiyini diqqətə çatdırıb. Bildirib ki, qətl törədilən zaman o, Emin Səfərovun maşınında olub, onunla söhbət edib. Məqsədi isə Emin Səfərovu onun oğlunun şagirdi Həsən Tağıyevə qarşı hər hansı bir addım atmaqdan çəkindirmək olub. Həmin zaman Həsən Tağıyev maşına minib. Tərəflər arasında dava olub, o da dava edənləri ayırmağa çalışıb. Bu zaman qolundan 2 bıçaq xəsarəti alıb. Maşından düşüb evə qaçıb, oğlanları Zaur və Zamin onu xəstəxanaya çatdırıblar.
Əli Yusifovun dediklərindən sitat:
“Mənim oğlum Avropa çempionudur. Onun sələm verməsi ilə bağlı deyilənlər yalandır. Oğlum idman ustasıdır, müəllimdir. Həsən onun tələbəsi olub. 6-cı mikrorayona gəlib yoxlasınlar, 1 adam desə ki, mənim oğlum sələmə pul verib, ondan imtina edərik. Bu şərdir, böhtandır. Emin belində pistolet gəzirdi, deyirdi ki, burada mənəm, məndən başqa oğul yoxdur. ”Çölə” çıxandan sonra deyir ki, hamı mənim sözümlə oturub durmalıdır. Yalandan da deyirlər ki, guya Zaura deyib ki, sən sələmə pul vermə, camaatı incitmə. Belə şey olmayıb. 4 nəvəmin canına and içirəm ki, belə şey olmayıb. Yalan deyirlər. Mənim oğlum obyektinin təmirinə pul tapa bilmir, gedib yoldaşının qızıllarını qoyub lombarddan pul götürüb. Hər ay da lombarda pul ödəyir. Əlimizdə sənədlər var. Bu qədər yalan, şər, böhtan olmaz. Bizi 6-cı mikrorayonda çox adam tanıyır. Bilirlər ki, belə işlərdən kənar insanlarıq”.
Zaur Yusifov
Emin Səfərovun anası Məlahət Səfərova isə “Yeni Müsavat”a deyib ki, Əli Yusifov özünü və oğullarını istintaqdan kənar saxlamaq üçün yalan danışır: “Mən prokurorluğa da getmişəm. Əli Yusifov deyir ki, oğlu Zaur Eminin bıçaqlanmasında iştirak etməyib. Yalan danışır. Zaurun ayağında bıçaq xəsarəti var. Hadisədə iştirak etməyibsə, həmin xəsarət onun ayağında haradan əmələ gəlib? Mənim oğlumun bağırsaqlarını yerə tökənlər azadlıqda gəzməli deyil. Oğlumun qətlində Əli Yusifovun özü də iştirak edib. O, Emini aldadaraq qapılarının ağzına aparıb. Orada Zaur, Zamin, Vuqar, onun özü oğluma hucum çəkiblər, boynuna kəndir atıblar. Eminin boğazında kəndirin izi də qalıb. Bu qədər yalan olmaz. Emin tək olub, bunlar 4-5 nəfər”.
Emin Səfərov
Məlahət Səfərova deyir ki, Əli Yusifovun obyektlərinə hucum olması, onların obyektlərinin yandırılması doğru deyil:“Bu adamlar oğlumu öldürüblər, indi də bizə qarşı belə yalanlar uydururlar. Oğluma qarşı cinayəti Həsən Tağıyev tək törətməyib. Onu həbs ediblər. O da deyib ki, bu cinayəti boynuna götürməsini ona Zaur Yusifov tapşırıb. Bundan sonra da Zaur Yusifovu da həbs ediblər. Zaurun atası əvvəldən yalandan deyirdi ki, guya hadisə olandan sonra Zauru evdən çağırıb, Zaur onu xəstəxanaya aparıb. Zaurun ayağında bıçaq xəsarətinin izi var. O, hadisədə birbaşa sifarişçi, iştirakçıdır. Həsən Tağıyev mənim oğluma 78 bıçağı tək vura bilməzdi. Onlar həmin bıçaqları oğluma bir yerdə vurublar”.
Faktla bağlı Binəqədi Rayon Prokurorluğunda Cinayət Məcəlləsinin 120-ci – qəsdən adam öldürmə maddəsi ilə cinayət işi başlanıb, istintaq davam edir.
Binəqədidəki qəddar qətl böyük qan davasına çevrilə bilər
Binəqədi rayonunda törədilən, son illərin ən qəddar cinayət əməli “Emin 444″ ləqəbi ilə tanınan Masallı sakini, 1988-ci il təvəllüdlü Emin Səfərovun qətli son günlərin əsas müzakirə mövzularından birinə çevrilib.
Qətldən dərhal sonra 1995-ci il təvəllüdlü Həsən Tağıyev həbs olunub. Qətlə yetirilən Emin Səfərovun yaxınları isə Həsən Tağıyevin qətlin iştirakçısı olduğunu, qəddar qətlin sifarişçisinin kikboks üzrə dünya çempionu Zaur Yusifov olduğunu iddia ediblər. Zaur Yusifov mayın 14-də həbs olunub.
Onun atası Əli Yusifov “Yeni Müsavat”a bildirib ki, oğlunun cinayətin sifarişçisi olması haqda deyilənlər doğru deyil: “Emin Səfərovu Həsən Tağıyev vurub. Mən onları aralamaq istəmişəm, qoluma da bıçaq dəyib”.
Əli Yusifov deyir ki, hadisə baş verən gün ad günü olub: “Evə tərəf gedirdim. Qonşuluqda yaşayan Emin Səfərovun yolun kənarında maşınını saxladığını gördüm. Mənə evdə demişdilər ki, Emin Həsəni öldürəcəyini deyib. Bu vəziyyəti bilirdim. Baxdım ki, Emin maşınla dayanıb. Qapını açıb maşına oturdum. Eminə dedim ki, məni bir əmi, dayı kimi qəbul elə. Həsən də pis uşaq deyil. Həsən oğlum Zaurun yanında məşq edir. Oğlum müəllimdir, o da onun yanına məşq eləməyə gəlir. Eminə dedim ki, sən Allah, onunla işin olmasın. Emin də bizim məhəlləmizin uşağıdır. Qapı qonşuyuq. Eminə dedim ki, cavan oğlansan, təzə evlənmisən, sənə belə problemli işlər lazımdır? Söhbət edirdik. Emin maşını ”xoddadı”, təxminən 10 metr qabağa sürdü, dönüb maşını saxladı. Mənə də dedi ki, ağsaqqal, sənə yaxşı yol. Həmin məqamda ona zəng gəldi. Danışdı, həmin adama dedi ki, səni yığacağam. Bu dəmdə maşının qapısı açıldı, Həsənlə vuruşmağa başladılar. Mənə də bıçaq dəydi, qolumun qanı axa-axa evə tərəf qaçdım. Oğlanlarım evdən çıxıb məni xəstəxanaya aparıblar. Mən həddindən artıq qan itirmişəm. Mənim oğlanlarım o hadisədə iştirak etməyib. Bu haqda deyilənlər yalandır. İstintaq araşdırır, hər şey üzə çıxacaq”.
Əli Yusifov oğlu Zaur Yusifovun sələmçi olması ilə bağlı deyilənlərin də həqiqət olmadığını söylədi: “Mənim oğlum Avropa çempionudur. Onun sələm verməsi ilə bağlı deyilənlər yalandır. Oğlum idman ustasıdır, müəllimdir. Həsən onun tələbəsi olub. 6-cı mikrorayona gəlib yoxlasınlar, 1 adam desə ki, mənim oğlum sələmə pul verib, ondan imtina edərik. Bu şərdir, böhtandır. Emin belində pistolet gəzirdi, deyirdi ki, burada mənəm, məndən başqa oğul yoxdur. ”Çölə” çıxandan sonra deyir ki, hamı mənim sözümlə oturub durmalıdır. Yalandan da deyirlər ki, guya Zaura deyib ki, sən sələmə pul vermə, camaatı incitmə. Belə şey olmayıb. 4 nəvəmin canına and içirəm ki, belə şey olmayıb. Yalan deyirlər. Mənim oğlum obyektinin təmirinə pul tapa bilmir, gedib yoldaşının qızıllarını qoyub lombarddan pul götürüb. Hər ay da lombarda pul ödəyir. Əlimizdə sənədlər var. Bu qədər yalan, şər, böhtan olmaz. Bizi 6-cı mikrorayonda çox adam tanıyır. Bilirlər ki, belə işlərdən kənar insanlarıq”.
Əli Yusifov deyir ki, Emin Səfərovun boynuna kəndir atılaraq boğulması haqda məlumatlar da yalandır: “Həsənin maşına minməsi ilə onların arasında davanın başlaması ani oldu. Mən nə baş verdiyini anlamadım. Onları aralamaq istəyirdim, bıçaq qoluma dəydi. Maşından düşdüm evə tərəf qaçdım. Qanım axırdı. Orada kəndir filan olmayıb. Ekspertizanın rəyi var. Əgər kəndir olsaydı, yazardılar ki, onu iplə boğublar”.
Əli Yusifov deyir ki, Emin Səfərovun yaxınları onu, ailə üzvlərini təhdid edir, 2 obyektlərini yandırıblar: “Telefonuma zəng edib öldürəcəkləri ilə təhdid edirlər. Mənim 2 obyektimə hücum olub. Birinə benzin atıb yandırıblar. Obyektdəki yanğını yanğınsöndürənlər söndürüb. Bu haqda DİN-in 102 xidmətinə məlumat vermişəm. Digər obyektimə də benzin töküblər, yandıra bilməyiblər. Özümü, ailəmi öldürəcəkləri ilə hədələyirlər. Bələkdə nəvələrini doğrayacağam kimi hədələr alıram. Məcbur olub başqa ünvanda yaşayıram. Dövlətdən xahiş edirəm ki, bu məsələnin dəqiqliyi ilə araşdırılmasını təmin edib kimin cəzası varsa, versin, cəzaya çatdırsın. Emin Səfərov adam öldürməyə görə 10 il həbsdə olub, çıxıb narkotiklə bağlı həbs olunub. 15 gün əvvəl də həbsdən çıxıb. Onu silahla tutmuşdular. 10-15 gün saxlayıb buraxdılar. Mənim oğlumu həbs ediblər. Oğlum həmin vaxt evdə olub. Araşdırsınlar, həqiqəti üzə çıxarsınlar. Mənim oğlum günahkardırsa, tutulsun”.
Zaur Yusifovun anası Şirin Yusifova deyir ki, övladının günahı yoxdur: “Bu işdə vuran bəllidir, tutulan da odur. Emin Həsənlə mübahisə edib, oğlumu tutublar. Bizi anonim zənglərlə hədələyirlər. Emin Səfərovun keçmişini araşdırsınlar. Bu işi prokurorluq araşdırsın. Gedib Zaurun qohumlarını tapıb bizim şəxsiyyətimizi təhqir edirlər. Bunun qarşısı alınmalıdır”.
Şirin Yusifova oğlu Zaur Yusifovun həbsi ilə bağlı ədalətli araşdırma aparılmasını tələb edir: “Oğlum həmin hadisə olanda evdə olub. Amma onu tutublar. Həsən mənim oğlumun yanına gəlib-gedirsə, onun etdiyi əmələ görə mənim oğlum cavabdehdir? Bizi hədələyirlər. Belə zülüm olar? Dövlət bu məsələləri araşdırsın”.
Faktla bağlı Binəqədi Rayon Prokurorluğunda Cinayət Məcəlləsinin 120-ci – qəsdən adam öldürmə maddəsi ilə cinayət işi başlanıb, istintaq davam edir.
Qaradağ Rayon Polis İdarəsi Cinayət Axtarış Şöbəsi və 11-ci Polis Bölməsi əməkdaşlarının həyata keçirdikləri kompleks əməliyyat tədbiri nəticəsində Ələt qəsəbəsində narkotik vasitələrin qanunsuz dövriyyəsi ilə məşğul olan şəxslər saxlanılıblar.
Nəticədə qəsəbə sakinləri əvvəllər məhkum olunmuşlar Yaşar Musayev, Afət Səmədov, İlqar İmanov, həmçinin Zaur Əhmədov və Şahin Rüstəmli tutularaq istintaqa təqdim ediliblər. Onların hər birinin üzərindən şəxsi istehlak miqdarından artıq çəkidə narkotik vasitə heroin aşkar edilərək götürülüb.
DİN-in mətbuat xidmətindən Musavat.com-a verilən məlumata görə, narkotik maddələrin mənbəyinin müəyyən edilməsi məqsədi ilə araşdırmalar davam etdirilir. Adları çəkilən hər bir şəxs barəsində Qaradağ RPİ-nin İstintaq Şöbəsində cinayət işi başlanılıb. Onlar barəsində məhkəmənin qərarı ilə həbs qətimkan tədbiri seçilib.
Qeyd edək ki, bu şəxslərin digər cinayətlərdə iştirak etdikləri də istisna olunmur. Onların əməllərindən zərərçəkən başqa vətəndaşlar varsa, bu barədə Daxili işlər Nazirliyinin “102” Zəng Mərkəzinə və Qaradağ RPİ müraciət edə bilərlər.
Sumqayıt ŞPİ-nin 2-ci Polis Bölməsinə şəhər ərazisindəki müəssisələrin birindən oğurluq edilməsi barədə müraciət daxil olub.
Zərərçəkmiş Bakı şəhər sakini T.Ələsgərov 2018-ci ilin dekabr ayından cari il may ayının 14-dək olan müddətdə H.Z.Tağıyev qəsəbəsi ərazisində yerləşən “Azərbaycan məişət malları” ASC-nin həyətində icarə əsasında işlətdiyi metaləritmə sexindən 31 ton əlvan metal qırıntılarının oğurlandığını bildirib.
DİN Mətbuat Xidmətindən Musavat.com-a verilən məlumata görə, müraciətlə əlaqədar təxirəsalınmaz əməliyyat-axtarış tədbirlərinə başlayan polis əməkdaşları tərəfindən qısa müddətdə oğurluğu törətməkdə şübhəli bilinən Sumqayıt sakinləri Anar Kərimov və Rəşad Əzizovu müəyyən edilərək saxlayıb.
Araşdırmalarla onların qeyd edilən əlvan metal qırıntılarını şəhər sakini olan bir nəfərə satdıqları müəyyən edilib.
Faktla bağlı Sumqayıt ŞPİ-nin İstintaq şöbəsində Cinayət Məcəlləsinin müvafiq maddəsi ilə cinayət işi başlanılıb, zəruri istintaq-əməliyyat tədbirləri davam etdirilir.
DİN Mətbuat Xidmətinin Quba rayonundakı regional qrupundan Musavat.com-a verilən məlumata görə, Quba Rayon Polis Şöbəsi Dövlət Yol Polis Bölməsinin əməkdaşları tərəfindən həyata keçirilən tədbirlərlə rayon ərazisində yol hərəkəti qaydalarını kobud şəkildə pozaraq cəmiyyətə qarşı açıq hörmətsizlik edən, eləcə də piyadalara və yol hərəkəti iştirakçılarına ciddi təhlükə yaradan iki sürücü saxlanılaraq barələrində qanunvericiliyə uyğun olaraq müvafiq tədbirlər görülüb.
Araşdırmalarla polis əməkdaşları tərəfindən saxlanılan, Quba rayon sakinləri Fərid Rzayev və Ramazan Sərkərov müxtəlif vaxtlarda rayonun bəlli küçə və yollarında avtoxuliqanlıq hərəkətləri etmələri, eləcə də rayon ərazisində bir-biri yarışaraq qəza şəraiti yaratdıqları məlum olub. “VAZ 21015” və “VAZ 21074” markalı avtomobilləri idarə edərək yollarda intizamsızlıq edən, yol hərəkəti qaydalarını kobud şəkildə pozan bu şəxslər barəsində Quba RPŞ-nin DYPB-nin əməkdaşları tərəfindən inzibati qaydada protokollar tərtib olunaraq baxılması üçün rayon Məhkəməsinə göndərilib və hər iki sürücü Quba Rayon Məhkəməsi tərəfindən 1 ay müddətində inzibati qaydada həbs edilib.