Aktyor Tolqa Karelin keçmiş arvadı Günay Musayeva sevgilisi Taha Tatlıcını bıçaqlayıb.
Mübahisə əsnasında Taha Günayı və onun oğlunu döyüb və buna dözməyən Musayeva bıçağa əl atıb.

Taha Tatlıcı modeli məhkəməyə verib. Artıq cinayət işi başlanılıb. Musayeva ifadəsində deyib:

“Taha çox əsəbi idi. Oğlumu döydü. Oğlumu və özümü qorumaq üçün bıçağı alıb qarşısına keçdim. Mənə hücum etdi və bıçaq ona batdı. Mən özümü qorumuşam”.
Hazırda prokurorluq Günayın 2.5 il müddətinə azadlıqdan məhrum edilməsini tələb edir. Taha isə modeli və oğlunu döyməsi ilə bağlı iddialara açıqlama verməyib.

Minsk polisi Rusiyada 23 yaşlı qızı zorlayıb öldürməkdə şübhəli bilinən 41 yaşlı azərbaycanlını saxlayıb.

Bununla bağlı Belarus Daxili İşlər Nazirliyi məlumat yayıb.

Bildirilib ki, həmin şəxsin saxlanılması ilə bağlı Moskva polisi belaruslu həmkarlarına müraciət ünvanlayıb. Onun hansısa etnik cinayətkar qruplaşmaya mənsub olduğu ehtimal edilir.

Həmin şəxs Vitebskdən Minsk istiqamətdə hərəkət edən avtobusda saxlanılıb. Məsələ ilə bağlı Rusiya tərəfi məlumatlandırılıb. Onun daha ağır cinayətlərdə əli olduğu qeyd edilib.

Bildirilib ki, o, 23 yaşlı qızı evinə ötürən zaman yolda zorlayıb və öldürüb, cəsədini isə çaya atıb.<iframe width="425" height="325" src="https://www.youtube.com/embed/7mB1GBU-IQA" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>

<iframe width="425" height="325" src="https://www.youtube.com/embed/MejqNpf9Ozs" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>

Bakı bulvarında çəkilən görüntü təəccübləndirir.
Milli.az xəbər verir ki, kadrlarda bikinili qızların çəmənliyin üzərində uzanaraq günəş qəbul etməsi əks olunub.

Onların əcnəbi olduğu ehtimal edilir. Hətta qızlardan biri dincələrkən büsqalterini belə çıxarıb.

Mayın 17-də itkin düşən Gəncə Şəhər Təhsil İdarəsinin məsləhətçisi 1994-cü il təvəllüdlü Ceyhun Qabil oğlu Bağırov tapılıb.

Bu barədə ölkə.az-a açıqlamasında onun atası Qabil Bağırov məlumat verib.

O bildirib ki, oğlu C.Bağırov nişanlısı ilə dalaşdıqdan sonra inciyib və Gürcüstana gedibmiş: “Gəncə Şəhər Polis İdarəsinin əməkdaşları mənə dünən məlumat verdilər ki, Ceyhun mayın 19-u Azərbaycan-Gürcüstan sərhədində olub. Dünən axşam saatlarında oğlumu evə gətirdilər. Ceyhun nişanlısı ilə dalaşdıqdan sonra ölkəni tərk etmək qərarına gəlib və elə mayın 17-si Gürcüstana gedib. İki gün orada qaldıqdan sonra qayıdıb. İndi evdədir, hər şey yaxşıdır. İyunun 11-də toyu olacaq”.

Masallı rayonunun Təzəkənd kəndində “Azərbaycan Dəmir Yolları” QSC-yə məxsus teplovozunun mühərrik və salon hissəsi qismən yanıb.

Fövqəladə Hallar Nazirliyindən verilən məlumata görə, digər teplovoz və vaqonlar yanğından mühafizə olunub.

Yanğın yanğından mühafizə bölmələri tərəfindən söndürülüb.

Gəncədə polis əməkdaşı dava zamanı xəsarət alıb.

“Qafqazinfo”ən xəbər verir ki, şəhər sakini, 1990-ci il təvəllüdlü Süleymanov Mehman Natiq oğlu müxtəlif bədən xəsarətləri ilə xəstəxanaya yerləşdirilib. Ona tibbi yardım göstərilib, vəziyyətinin kafi olduğu bildirilir.

Məlumata görə, polis əməkdaşı olan M. Süleymanov Gəncə bulvarında olan çay evlərinin birində dava zamanı döyülüb. Münaqişənin xidmət zamanı baş vermədiyi bildirilir.

Faktla bağlı araşdırma aparılır.

Şamaxı rayonunun Avaxıl kəndində yaşayan və 8 il öncə dünyasını dəyişmiş 1987-ci il təvəllüdlü İbrahimov Rauf Ötərxan oğluna təkrar hərbi tibbi müayinə komissiyasından keçməsi üçün çağırış vərəqəsi göndərilib.

ONA-nın yerli bürosu xəbər verir ki, bu barədə Raufun böyük qardaşı Nüsrət İbrahimov məlumat verib.

Onun sözlərinə görə, ailədə üç qardaş olublar: “Mən və qardaşlarımdan biri hərbi xidmətimizi başa vurmuşuq. Balaca qardaşım Raufun isə uşaqlıqdan xəstəliyi var idi və o elə həmin xəstəlik səbəbindən 2011-ci ildə dünyasını dəyişib. Onun ölümündən 8 il keçməsinə baxmayaraq, belə bir hadisə baş verib. Bizə ən ağrı və acı yaşadan haldan biri də odur ki, Səfərbərlik və Hərbi Xidmətə Çağırış üzrə Dövlət Xidmətinin Şamaxı rayon şöbəsinin qardaşımın adına göndərdiyi çağırış vərəqəsi nəyə görə Şamaxı Rayon Polis Şöbəsinin əməkdaşları tərəfindən bizim evə gətirilib? Yəni mənim qardaşım fəraridir? Belə səhv ola bilməz”.

N.İbrahimov bildirir ki, mərhum R.İbrahimova 2008 və 2010-cu ildə iki dəfə çağırış gəlib, müayinədən keçib: “O zaman qardaşımı çağırış vərəqəsi əsasında hərbi hissəyə apardılar və bir gün sonra onu hərbi xidmətdən geri gödərdilər ki, bu uşaq xəstə olduğu üçün hərbi xidmətə yararsızdır. Yaxşı, mən başa düşmürəm, hərbiyə yararsız diaqnozu olsa da, qardaşma təkrar 2019-cu il mayın 14-də hərbi xidmət üçün yenidən çağırış vərəqəsi nəyə görə gəlib? Bu necə olur? Axı qardaşımın ölüm sənədi və hərbi bileti, xəstəliyi haqda bütün sənədləri Səfərbərlik və Hərbi Xidmətə Çağırış üzrə Dövlət Xidmətinin Şamaxı rayon şöbəsindədir”.

Səfərbərlik və Hərbi Xidmətə Çağırış üzrə Dövlət Xidmətinin Şamaxı rayon Şöbəsindən ONA-nın yerli bürosuna verilən məlumata görə, şəhər və rayon qeydiyyat şöbələrinin hərbi vəzifəlilərin və çağırışçıların öz soyadının, adının, atasının adının dəyişdirilməsi, vətəndaşlıq vəziyyəti aktlarının qeydiyyatında onların doğum tarixi və yeri haqqında dəyişikliklər edilməsi, habelə bu şəxslərin ölümünün qeydiyyatı barədə Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin yerli idarə, şöbə və bölmələrinə 7 gün müddətində məlumat verilməlidir. Lakin belə bir sənət təqdim olunmadığına görə Şamaxı rayonu Avaxıl kəndində yaşayan 1987-ci il təvəllüdlü İsgəndərov Rauf Ötərxan oğluna təkrar hərbi tibbi müayinə komissiyasından keçməsi üçün çağırış vərəqəsi göndərilib.

Yerli kənd icra nümayəndəliyi isə bildirib ki, rayonun Avaxıl kəndində yaşayan və sonra dünyasını dəyişən Rauf İbrahimovun ölümü haqqında şəhadətnamə Səfərbərlik və Hərbi Xidmətə Çağırış üzrə Dövlət Xidmətinin Şamaxı rayon Şöbəsinə vaxtında təqdim olunub.

Bakıda qısqanclıq zəminində əmisi arvadını öldürən şəxs Ali Məhkəməyə müraciət edib.

News24.az bildirir ki, Cinayət Məcəlləsinin 120.1-ci, yəni qəsdən adam öldürmə maddəsi ilə ittiham edilərək təqsirli bilinən Hüseynov Rəsul Əlövsət oğlu Bakı Ağır Cinayətlər Məhkəməsinin barəsində çıxardığı 13 illik həbs qərrından apelyasiya instansiyasına şikayət edib. Lakin Apelyasiya Məhkəməsi Rəsul Hüseynovun tələbini rədd etdikdən sonra o Ali Məhkəməyə müraciət edib və işin yenidən araşdırılmasını, barəsindəki hökmün dəyişdirilməsini xahiş edib.

İşə Ali Məhkəmədə hakim Şahin Yusifovun sədrliyi ilə baxılacaq.

Qeyd edək ki, qətl hadisəsi 2018-ci il iyulun 17-də səhər saatlarında Pirallahı qəsəbəsində baş verib. Əmisi arvadı Qəhrəmanova Mariya Vladimirovnailə mübahisə edən R.Hüseynov onu qətlə yetirib.

İstintaq materiallarına görə, R.Hüseynovun onunla eyni evdə yaşayan əmisi arvadı ilə yaxın münasibətləri olub və bu yaxınlıq on il gizli şəkildə davam edib.

Qaynı oğlu ilə gizli eşq yaşayan qadın Rəsula yaxın günlərdə həbsdə olan əri Elşadın yanına uzunmüddətli görüşə gedəcəyini deyib. Bunu eşidən Rəsula qısqanclıq hissi hakim kəsilib. O, Mariya ilə mübahisə edib, otağın pəncərəsini sındırıb. Qadına ərinin yanına getməsinə iradını bildirib.

Əsəblərini cilovlaya bilməyən Rəsul onu öldürmək qərarına gəlib. O, Mariyanın baş nahiyəsinə yumruqla güclü zərbə endirib. Sonra isə qollarından tutaraq onu itələyib. Qadının başı hamamın divarına çırpılıb. Aldığı xəsarətlərdən Mariya hadisə yerindəcə dünyasını dəyişib.
Təqsirləndirilən şəxs qismində dindirilən Rəsul Hüseynov ona elan olunan ittihamla özünü təqsirli bilməyib. Doqquz yaşından indiyə kimi əmisi Elşadın evində, onun ailə üzvləri, uşaqları ilə birgə yaşadığını, balıqçılıqla məşğul olduğunu deyib.

Belə ki, Rəsulun anası ərindən ayrıldıqdan sonra ikinci dəfə ailə qurub. Atası isə vəfat etdiyindən, Rəsul əmisi evində böyüyüb. 22 yaşında ailə qursa da, evliliyi cəmi bir il sürüb.

2010-cu ildə adam bıçaqladığına görə həbs olunan R.Hüseynova 6 il cəza verilib. Cəzasını başa vuran Rəsul 2016-cı ildə yenidən əmisinin evində yaşamağa davam edib.

Rəsul azadlığa çıxdıqdan sonra isə əmisi Elşad cinayət törətdiyinə görə həbs olunub:

“Əmim iki ildir ki, həbsdədir. Əvvəllər spirtli içki içəndə sərxoş vəziyyətdə ailə üzvlərimlə mübahisə edirdim, ev əşyalarını sındırırdım. Hadisədən 5 ay əvvəl əmim arvadına və əmim qızına içkini tərgidəcəyimə söz verdim. Son bir neçə gündə yenidən içməyə başlamışdım”.

Hadisə baş verən gün sərxoş olduğunu deyən Rəsul, əmisi arvadı ilə də məhz buna görə mübahisə etdiklərini bildirib:

“Səhər tezdən dənizə getmək istəyirdim. Sərxoş olduğuma görə Mariya mənə iradını bildirdi, məni söydü. Hirslənib əlimlə pəncərəni sındırdım, əlim kəsildi.

Qanı yumaq üçün hamama keçdim. Mariya isə mənə yerə tökülən şüşələri təmizləyəcəyimi söylədi. Qapıda dayanıb söyüş söyməyə davam etdi.

Onu əlimlə kənara itələyib hamamdan çıxmaq istədikdə yerə yıxıldı. Mən heç vaxt onu başından vurmamışam. Mariyanın yüksək qan təzyiqi var idi. Ölümünə səbəb də bu olub”.

Əmisi arvadı ilə heç zaman yaxın münasibətdə olmadığını deyən Rəsul, istintaq zamanı belə ifadə vermədiyini məhkəmənin diqqətinə çatdırıb:

“İstintaq zamanı ifadələr müstəntiq tərəfindən düzgün yazılmayıb. Heç vaxt Mariyanı öldürmək fikrim də olmayıb”.

R.Hüseynovun məhkəməyə verdiyi ifadə ilə istintaq zamanı verdiyi ifadə arasında ziddiyyət yarandığından onun ilkin ifadələri elan edilib.

İstintaqa verdiyi ifadəsində R.Hüseynov təxminən on ildir ki, əmisi arvadı ilə aralarında intim münasibət olduğunu, bu münasibətdən heç kimin, eləcə də əmisinin xəbəri olmadığını, Mariyanı bir qadın kimi çox istədiyini, onu qısqandığını göstərib:

“Mariyanın əmimin yanına gedəcəyini hadisədən bir həftə əvvəl eşitmişdim, qısqanclıqdan özümə yer tapa bilmirdim. Qısqanclıq hissi məni narahat etməsin deyə yenidən araq içməyə başladım.

Mariya evə qayıdanda onu qısqandığımı, buna görə də neçə gündür içdiyimi dedim. O isə laqeydlik göstərərək içməyimə deyingənlik etdi, nalayiq sözlər dedi. Mən də əsəbiləşib vurdum”.

Zərərçəkmiş şəxs qismində dindirilən Nərminə Hüseynova ifadəsində anası ilə Rəsulun arasında yaxın münasibət olduğunu hiss etdiyini, amma bununla bağlı onlara heç bir söz demədiyini söyləyib.

Anasının Rəsula daha çox diqqət göstərməsi, ona qayğı ilə yanaşması Nərminənin diqqətindən yayınmayıb.

Belə ki, anası Rəsula həmişə təzə paltar, ayaqqabılar alıb, harasa gedəndə narahat olub, dəfələrlə zəng vurub nə zaman gələcəyini soruşub:

“Onların münasibətindən heç kimin xəbəri yox idi. Rəsul anamı qısqanırdı. Anam atamın yanına görüşə gedib qayıdandan sonra Rəsul həmişə evdə söz-söhbət salır, mübahisə yaradırdı.

Rəsul anamın cəzaçəkmə müəssisəsinə gedəcəyini bilib, yenə də içməyə başlamışdı. Hər gün evə sərxoş gəlirdi”.

Türkiyədə məşhur iş adamı “Sarar” Şirkətlər Qrupunun prezidenti Cəmaləddin Sararın evinə basqın edilib.

İş adamının Eskişehirdəki evinə basqın edən əli silahlı 3 maskalı şəxs əvvəlcə onun və həyat yoldaşı Zəhra Sararın əl-qolunu bağlayaraq girov götürüb.

Dəstə üzvləri bundan sonra mənzildə olan kassadakı bütün pul və qızıl-zinət əşyalarını götürüb qaçıblar.

İş adamı polisə ifadəsində maskalı şəxslərin əcnəbi olduqlarını, Şərqi Avropa ölkələrinin dillərində danışdıqlarını bildirib.

Basqınçılar əcnəbi olduğundan Türkiyə İnterpolu da əməliyyat-axtarış tədbirlərinə qoşulub.

Qeyd edək ki, “Sarar”ın mağazalar şəbəkəsinin Bakıda da mağazası var.<iframe src='https://bax.tv/player/63450.html' width='560' height='315' frameborder='0' allowfullscreen></iframe>

Dələduzluğa görə tutulan Qədim Ədilovun atasını ilginc açıqlamalar verib.

Tikinti materialları, özəlliklə taxta-şalban biznesi ilə məşğul olan və 8 nəfərə qarşı dələduzluqda ittiham olunan Qədim Ədilovun atası Ədil Ədilov “Yeni Müsavat”a danışıb. Ə.Ədilov oğlunun həbsində Dabuleyka Quliyevi və Akif Çovdarovu günahlandırır. Deyir ki, oğlu Qədim Ədilov günahsızdır.

“Azəri AQA” MMC-nin rəhbəri Qədim Ədilov biznes qurmaq adı ilə vətəndaşlardan 2 milyon manata yaxın pul alıb mənimsəməkdə təqsirli bilinir. Zərərçəkənlər arasında Daxili İşlər Nazirliyinin İnsan Alverinə Qarşı Mübarizə İdarəsinin sabiq rəisi Cavad Şıxəliyev də var. Q.Ədilov C.Şıxəliyevin etibarından sui-istifadə edərək onun 50 min dollar pulunu mənimsəyib. Çoxsaylı vətəndaşlardan daxil olan şikayət əsasında Binəqədi Rayon Polis İdarəsində faktla bağlı Cinayət Məcəlləsinin 178-ci (dələduzluq) maddəsi ilə cinayət işi başlanıb. İstintaq orqanı Q.Ədilovun barəsində həbs-qətimkan tədbirinin seçilməsi ilə bağlı Binəqədi Rayon Məhkəməsinə təqdimat verib. Məhkəmə Q.Ədilov barəsində 3 ay müddətinə həbs-qətimkan tədbiri seçib.



Qədim Ədilov

Qədim Ədilovun atası Ədil Ədilov musavat.com-a deyir ki, oğlunu həbs olunmasının təşəbbüskarı Dabuleyka Quliyevdir: “O, Akif Çovdarovun davamçısıdır. Oğlum Qədimdən 3 il əvvəl olan şikayətləri ”dirildən” odur. Çovdarov həbs olunub, Dabuleyka azadlıqda qalıb. Dabuleyka Çovdarovun əlaltısı olub. Dabuleyka Quliyev Çovdarovun qaynını, yeznəsini, yeznəsinin qardaşını yığıb başına. O adamlar 3 il əvvəl Qədimdən şikayətçi idilər. O vaxt yoxladılar, gördülər ki, Çovdarov bizə ziyan verib. Buna görə iş xitam verdilər. Bu gün Çovdarovun pulunu hökumət almayıb, onun camaata vurduğu ziyanı hökumət ödəməyib. Çovdarov indi həmin pulları xərcləyir, ondan 62 zərərçəkən vardı, onları bir-bir dələduz kimi tuturlar. Onlar qarşılarına məqsəd qoyublar, Qədimin dalınca çox gəlib-getdilər ki, Çovdarovdan şikayətçi olmayaq. Amma biz onlardan mənim adıma olan evi tələb etdik. Həmin 120 kvadratlıq evi Çovdarovun işçiləri oğlum Qədimin başının üstündə dayanıblar, ərizə yazdırıblar ki, həmin evi bağışlayır Çovdarovun qohumuna. Bu gün də həmin ev Çovdarovun qaynının adınadır. Bu gün də Dabuleyka Quliyev qabağa düşüb. O da Çovdarovun qohumlarını qaldırıb Qədimin üstünə. Halbuki Dabuleyka Quliyevin pulunu “yeyən” qaynı Rövşən Məhərrəmovdur. Rövşən Məhərrəmov əvvəllər Qədimlə birgə taxta alverçiləri olublar. Əvvəlcə Rövşən deyirdi ki, Qədim Ədilovda 200 min pulum var. Sonradan da Çovdarov tutuldu, bu iş də xitama getdi. Bundan sonra Rövşən Məhərrəmov Qədimin yanına gəlmişdi ki, barışaq. Qədim də demişdi ki, sənin mənə 45-50 min borcun var, mənim sənə borcum yoxdur. Həmin vaxt Rövşən Qədimə notariusda kağız da yazıb verib ki, sənin mənə borcun yoxdur. Bu gün Dabuleyka Quliyev qaynı Rövşən Səfərovu da həbs etdirib. 10 aydır Rövşən həbsdədir. Ona türmədə yaxınlaşıblar ki, de ki, həmin notariusdakı kağızı təzyiqlə vermişəm. Halbuki özü gedib, belə bir kağız yazıb verib. Bu gün o, Qədimin üzünə dayanır. Bir Xaləddin adlı adamı tapıblar, onu da Qədimin üzünə saxlayıblar. O da deyir ki, Qədimin mənə 167 min borcu var. Həmin adamın nəinki 167 min, heç 167 manat da pulu olmadığı üzündən bilinir. Guya 15 vaqon taxtanın pulunu verib Qədimə. Halbuki 1-2 vaqonun pulunu verərdi, qalanını da sonra verə bilərdi. Dabuleyka Quliyev qaynından ala bilmədiyini bizdən almaq istəyirlər. Çovdarovun qohumları Məmməd, Natiq, Çovdarovun qızının qaynı var işdə. Çovdarova xəbər veriblər ki, taxta bazarında Qədim adlı oğlan var, yaxşı pul qazanır. Çovdarov da aparıb Qədimi döymüşdü, boynuna 300 min pul qoymuşdu. 2015-ci il iyunun 23-də Çovdarov Qədimin boynuna 300 min pul qoyub. Sentyabrın əvvələrində Çovdarov mənim digər övladlarımın işinə qarışırdı. Qədim görüb ki, Çovdarov qardaşlarına sataşır, dost-tanışdan pul alıb, əvvəllər insan alverində rəis olan Cavad Şıxəliyevdən 50 min alıb aparıb verib. Cavad Şıxəliyev bu gün də mənə deyir ki, harada istəyirsən gedək yazım verim, Qədim istəsə pulu verəcək, olmayacaq verməyəcək. Deyir ki, mən heç kimə şikayət etməmişəm. Cinayət işində də ərizəm yoxdur. Onun adı məhkəmədə keçmir. Cavad mənə deyir ki, mənim Qədimə, Qədimin mənə borcu yoxdur”.



Ədil Ədilov oğlu Qədim Ədilovun 2015-ci ilin yanvarında Natiq Hümbətova borcunun olmasını təsdiqləyən müqavilə bağlamasını, 5 ay sonra MTN-ə aparılması ilə bağlı bunları deyib: “Natiq Hümbətov da taxta biznesi ilə məşğul olur. O, pulu haradan qazanıb bilmirəm. O, mənim oğlumu aparıb Çovdarova döydürüb. Bundan sonra mənzili Qədim verib. 2 MTN işçisi dayanıb Qədimin başının üstündə. Çox pul qazanıb Qədim, onlar da haqq istəyiblər. Oğlumu Çovdarov döyəndə Natiq də, Səlim Məmmədov da orada olub. İçəri girən kimi Çovdarov Qədimə sillə vurub. Qədimə deyiblər ki, 1 həftəyə dediyimi gətir. Qədim də deyir ki, canımın dərdindən dedim 1 həftəyə, iyulun 23-də gətirib 300 min dolları verəcəyəm. Oğlumun Natiqə borcu olmayıb. Mənim oğlum 50 mini Cavad Şıxəliyevdən alıb. Qalanı da dost-tanışdan. Cavad Şıxəliyev İmişlidəndir, biz Saatlıdanıq. Bir-birimizi çoxdan tanıyırıq. Qədim gedib Cavaddan pul istəyib, o da verib. Mənim oğlum pulu verməsəydi, onun 2 vəzifədə olan qardaşını da şikəst edəcəkdi. Oğlum dost-tanışdan pulu alıb verib. Çovdarov oğlumun mayasını əlindən alıb, o da alver edə bilməyib, borcları da qaytara bilməyib. Çovdarova 12 il verdilər. O, 62 nəfər ailəni başsız qoyub. Akif Çovdarov milyonçu Tağı Əhmədovdan 3 milyon alıb. Onun pulu var ki, verib. Bizim pulumuz yox idi, ona görə borc almışdı”.

Ədil Ədilov deyir ki, bu gün oğlu Qədim Ədilov ittihamı qəbul etmir: “Rövşən Məhərrəmovu qabağa vermişdilər, alınmadı, indi də başqa birini tapıb veriblər qabağa. Oğlumu aprelin 2-dən həbsdədir. Kimə deyirsən, deyir bilmirik. Dabuleyka Quliyev düşüb qabağa, oğlumu tutublar”.