 |
 |
Bağdadda intiharçı-terrorçunun partlanması nəticəsində ən azı 8 nəfər ölüb, 10 nəfər yaralanıb.
Trend-in məlumatına görə, bu barədə Al-Sumaria telekanalı xəbər verir.
Məlumata əsasən, İntiharçı-terrorçu Mədinət əs-Sədr rayonunda yerləşən “Cəmilə” bazarında özünü partladıb.
Qeyd edək ki, Mədinət əl-Sədr rayonunda Şiə müsəlmanları yaşayır.
Bakının Binəqədi rayonunda kütləvi dava olub.
“Report” xəbər verir ki, İsrafil Həşimov küçəsində baş vermiş dava zamanı kriminal aləmdə “Emil 444” ləqəbi ilə tanınan Səfərov Emil Ehtiram oğlu qətlə yetirilib.
ONA yazır ki, qətli törədən şəxs Emil Səfərova məxsus hərəkətdə olan “BMV” markalı avtomobilin arxa oturacağına əyləşib bıçaqla onun bədəninə zərbələr endirib, sonra isə boğazını kəsib. O, Emilin öldüyünə əmin olduqdan sonra hadisə yerini tərk edib.
Həmçinin 1958-ci il təvəllüdlü Yusifov Əli Məhəmməd oğlu bıçaq xəsarətləri ilə 1 saylı Klinik Tibbi Mərkəzə yerləşdirilib. Vəziyyətinin kafi olduğu bildirilir.
İki nəfəri bıçaqlamaqda şübhəli bilinən bir nəfər şəxs saxlanılıb.<iframe src='https://bax.tv/player/62423.html' width='560' height='315' frameborder='0' allowfullscreen></iframe>
Sumqayıt şəhərində naməlum uçan obyekt görünüb.
“Ölkə.Az”-ın məlumatına görə, jurnalist Zaur Əhməd naməlum obyektin fotosunu çəkərək sosial şəbəkədə paylaşıb. Həmin fotonu təqdim edirik.
Qusar rayonunda intihar hadisəsi baş verib.
ONA-nın şimal bürosunun verdiyi məlumata görə, hadisə Köhnə Xudat kəndində qeydə alınıb.
Kənd sakini 1963-cü il təvəllüdlü Savzixanova Əzimə İsaməddin qızı özünü yaşadığı evin həyətində yerləşən yardımçı tikilidə asıb.
Faktla bağlı Qusar rayon Prokurorluğunda cinayət işi qaldırılıb, araşdırmalar davam etdirilir.
Bakının Yasamal rayonu ərazisində maraqlı hadisə baş verib.
Paytaxt sakinləri Həsən bəy Zərdabi küçəsində dayanan “Porsche” markalı avtomobilin sürücüsünü özlərinə məxsus formada cəzalandırılıb. Belə ki, zibil qutularına yaxın yerdə avtomobilini saxlayan sürücü gözlənilməz mənzərə ilə qarşılaşıb.
Maşının düzgün yerdə saxlanılmadığını düşünən sakinlər avtomobilin üzərinə zibil torbaları atıb. Bu vəziyyət ətrafdan keçən insanların xeyli marağına səbəb olub.
Paytaxtın Binəqədi rayonunda yanğın qeydə alınıb.
Yanğın 7-ci mikrorayonda yerləşən yataqxanaların birində qeydə alınıb. Yataqxanada bir müddət əvvələ qədər məcburi köçkünlər yaşayıb. Onların bir qismi Qobu qəsəbəsinə köçürülüb. Hazırda binada 10-a yaxın ailə yaşayır. Yanğın binanın 4-cü mərtəbəsində qeydə alınıb.
Sakinlərin ONA-ya verdiyi məlumata görə, naməlum şəxslər binanın 4-cü mərtəbəsində qeyri-müəyyən şəraitdə yanğın törədiblər. Nəticədə həmin mərtəbənin dəhlizində taxta divar və döşəmə yanıb.
Fövqəladə Hallar Nazirliyinin yanğından mühafizə xidməti əməkdaşlarının səyi nəticəsində yanğının mənzillərə keçməsinin qarşısı alınıb.
Azərbaycanın Şuşa şəhərinin erməni silahlı birləşmələri tərəfindən işğal edilməsindən 27 il ötür.
Azərbaycanın bu qədim, zəngin tarixə və mədəniyyətə malik şəhərinin 1992-ci il mayın 8-də Ermənistan Silahlı Qüvvələri tərəfindən ələ keçirilməsi ilə Dağlıq Qarabağın işğalı başa çatdırılıb.
Bununla ermənilər bölgənin Azərbaycandan faktiki qoparılmasına nail olublar. Şuşanın işğalı nəticəsində 480 günahsız vətəndaş qətlə yetirilib, 600 nəfər yaralanıb, 22 min nəfər öz yurdundan didərgin düşüb. Əsir götürülmüş 68 soydaşımızın taleyi barədə bu günə qədər də məlumat yoxdur.
İşğal nəticəsində Şuşadakı bir sıra tarixi-mədəniyyət abidələri düşmən tərəfindən talan edilib. Bu siyahıya Xan mağarası, Qaxal mağarası, Şuşa qalası da daxil olmaqla bütövlükdə 279 dini, tarixi və mədəni abidə daxildir.
Ermənilər Azərbaycana məxsus olan bir çox abidəni məhv edib və ya erməniləşdiriblər. Onlar Şuşada 7 məktəbəqədər uşaq müəssisəsini, 22 ümumtəhsil məktəbini, mədəni-maarif, kənd təsərrüfatı texnikumlarını, 8 mədəniyyət evini, 14 klubu, 20 kitabxananı, 2 kinoteatrı, 3 muzeyi, Şərq musiqi alətləri fabrikini dağıdıblar.
Ümumilikdə, Ermənistan Silahlı Qüvvələrinin Şuşanı işğal etməsi nəticəsində Azərbaycanın 289 kvadrat kilometr ərazisi ermənilərin nəzarətinə keçib.
Azərbaycanda qadın yeddi, bəlkə də yeddidən artıq uşağa hamilədir.
Baku.ws xəbər verir ki, bu barədə mama-ginekoloq Natiq Məhərrəmov öz səhifəsində məlumat verib.
Məhərrəmov “İnstagram” səhifəsində paylaşdığı görüntülərdə hamilə qadını USM edir və qadının bətnində yeddi və daha artıq körpənin olduğunu bildirir.
O, öz təəccübüünü belə ifadə edib: “Şok, şok, şok! Yeddi və daha artıq körpə burada. Allahım, qüdrərtinə və hikmətinə sonsuz şükürlər olsun!”
Son günlər klinikamızda ağır xəstə yatan Lətafət Şirəliyeva dünən gecə dünyasını dəyişib.
Bu barədə “Baku Medical Plaza”dan məlumat verilib. Klinikadan verilən məlumatda təəssüflə bildirilir ki, xəstənin öz səhhətinə laqeyd yanaşması ölümlə nəticələnib:
“Son günlər mətbuatda haqqında məlumatlar geniş yayılmış Lətafət Şirəliyeva mayın 6-da gecə saatlarında dünyasını dəyişib. 1 gün əvvəl xəstənin ümumi durumu ciddi ağırlaşmış, əməliyyat edilərək ümumi anesteziya altında ona birmomentli fəsadsız traxeostoma açılmışdı. Saat 21:20-də EKQ-də öncə bradikardiya, ardınca asistoliya izlənilib. Dərhal reanimasion tədbirlərə başlanılıb. 10 dəqiqə sonra ritm bərpa olunub. Saat 21:40-da monitorda yenidən asistoliya izlənilib. Dərhal CRP olunub. 22:00-da yenidən ürək ritmi bərpa olunub. Lakin 22:57-də idioventrikulyar rtim, ardınca asistoliya izlənib. Aparılan reanimasion tədbirlərə baxmayaraq, üçüncü dəfə ürək ritmini bərpa etmək mümkün olmayıb. 23:49-da bioloji ölüm təsdiqlənib. Xəstənin ölüm səbəbinin araşdırılması, həkim səhvinin olmadığının təsdiqlənməsi ilə bağlı klinikamız tərəfindən Məhkəmə-Tibbi Ekspertiza və Patoloji Anatomiya Birliyinə müraciət edilib, faktla bağlı araşdırma aparılır”.
Hazırda “Salaam Cinema Baku”nun təşkilatçıları və sahibkar arasında insident yaşanır.
İnsident Hollandiyalı rejissor Robert Romboutun ustad dərsləri verdiyi zaman baş verib. Heç bir sənəd təqdim etməyən şəxslər icazəsiz şəkildə binaya daxil olub və gənclərə şiddət göstərib, onlardan binanı tərk etməyi tələb edib.
Qeyd edək ki, 1900-cü illərin əvvəllərində tikildiyi bildirilən bu bina sökülə bilər. Sənətşünaslar bu binanın 1913-cü ildə molokanların dua evi kimi tikildiyini söyləyirlər.
Daha sonra isə Radio evi kimi fəaliyyət göstərib.
Hazırda burada icma üçün mədəni fəaliyyət məkanı olan “Salaam Cinema Baku” yerləşir.
Burada tədbirlər təşkil edilir, sərgilər olur, film nümayişləri keçirilir. 2018-ci ilin axırında bina özəlləşdirilib, indi mülk sahibi kirayənişinləri buradan çıxarmaq istəyir.
Gənclər deyir ki, Mayın 2-də binanı sökməyə cəhd göstərilib.
Özünü mülk sahibinin səlahiyyətli nümayəndəsi kimi təqdim edən Bəhruz Əhmədov isə deyir ki, kirayə müqaviləsini onlar yox, mühafizəçi imzalayıb. Amma sonra bu işin üstü açılıb və mühafizəçi işdən çıxarılıb.
Binanın gələcək taleyi isə tam qərarlaşdırılmayıb. İndi kirayənişinlərə İyunun 15-nə qədər vaxt verilib, amma gənclər bu binanın sökülməməsini istəyirlər.
“Malakanların ibadət evi tarixi abidə kimi dövlət qeydiyyatında deyil. Abidənin tarixi, memarlıq üslubu nəzərə alınaraq məsələ Dövlət Xidməti tərəfindən nəzarətə götürülüb”.
Bunu ONA.az saytına açıqlamasında, Mədəni İrsin Qorunması, İnkişafı və Bərpası üzrə Dövlət Xidmətinin mətbuat katibi Fariz Hüseynov bildirilib.
Onun sözlərinə görə, bina ilə bağlı araşdırma aparılır: “Hazırda orada hər hansısa söküntü işi görülmür.
Əgər bina tarixi abidələr siyahısına salınsa, dövlət tərəfindən qorunacaq. Siyahıya salındığı təqdirdə, bina özəl mülkiyyətdə olsa belə, orada söküntü işləri aparmaq mümkün olmayacaq. Ümumiyyətlə, Xidmətin siyahısında olan abidənin tarixi görkəminə hər hansı şəkildə xələl gətirilməsi qanunla qadağandır”.
“Salaam Cinema Baku”-nun təşkilatçılarından olan Leyli Qafarova BAKU.WS saytına açıqlamasında bildirib ki, onların əsas məqsədi binada fəaliyyət göstərmək yox, tarixi binanın sökülməsinin qarşısını almaqdır:
“Novruz bayramı ilə əlaqədar biz tətilə çıxmışdıq. Geri qayıdanda binanın döşəməsinin söküldüyünü gördük.
Bundan sonra müqavilə imzalamağımıza və sahibkarla danışmağımıza baxmayaraq, bizi burdan çıxarmağa çalışırlar. Bu gün isə tədbir zamanı Bəhruz Əhmədov özünü sahibkarın köməkçisi kimi təqdim edərək, bizə şiddət göstərdi. Bizim əsas məqsədimiz tariximizi qoruyub, ona sahib çıxmaqdır.
Bildirmək istəyirik ki, biz buranı yalnız binanın sökülməyəcəyi ilə bağlı rəsmi sənəd təqdim edildiyi təqdirdə tərk edəcəyik”.
Hazırda Avropa Birliyinin Azərbaycandakı nümayəndəsi Kestutis Jankauskas binada baş verən hadisə ilə bağlı gənclərin yanındadır.