 |
 |
İran Amerikanın dronunu vurduqdan sonra Fars körfəzində müharibə təhlükəsi qaçılmaz oldu. Əgər söhbət genişmiqyaslı hərbi əməliyyatlardan gedərsə, İsrail zərər görən üçüncü ölkə olacaq.
“Qafqazinfo” xəbər verir ki, bu barədə “Die Welt” nəşri yazıb. Qeyd olunub ki, İsraildə artıq uzun illərdir bu ssenari üzrə hazırlıq gedir.
Ekspertlərin fikrincə, İsrail İranla münaqişənin əslində sülh yolu ilə həll olunmasının tərəfdarıdır. İsrail Tehrana diplomatik və iqtisadi sanksiyaların artırılmasını dəstəkləsə də, bunun İran üçün dağıdıcı təsiri ola bilər və bu təzyiq hələlik arzuolunan nəticələri vermir.
Qeyd olunur ki, ABŞ-la münasibətlərdəki gərginliyin artması şəraitində Amerikanın müttəfiqi olan İsrailə hücum edilməsi İranın başlıca hərbi əməliyyatlarından biri olacaq. Hər həftə İsraildə məhz həmin mümkün təxribata ən yaxşı cavab vermək məsələsi müzakirə edilir. İsrail müharibə elan etmədən hərəkətə keçə bilər. Çünki ABŞ-la birlikdə artıq çoxdan rəqəmsal müharibə planı hazırlanıb.
Gürcüstan Futbol Federasiyası (GFF) bəzi yerli klublarla həmrəylik göstərərək, onların anti-Rusiya aksiyalarını dəstəkləyib.
“Report” Gürcüstanın Birinci kanalına istinadən xəbər verir ki, bunu GFF-nin baş katibi David Muciri deyib.
“Bu günə olan vəziyyətə görə, milli liqada iştirak edən komandalardan heç birini sanksiya gözləmir. Bizə nə UEFA-dan, nə də FİFA-dan ərizə daxil olmayıb. Bir daha təsdiq edirəm ki, ötən həftə ərzində gürcü klublarının iştirak etdiyi həmrəylik aksiyası tərəfimizdən tam dəstəklənib”, – deyə David Muciri bildirib.
Daha əvvəl yerli futbol klublarının oyunçuları ölkə çempionatının 19-cu tur matçına anti-Rusiya şüarlarının yazıldığı maykalarla çıxaraq, bu yaxınlarda Tbilisidə baş verən hadisələrdən sonra Rusiyaya münasibətlərini bildiriblər. Maykalarda belə yazılıb: “Biz Gürcüstan ərazilərinin 20 faizinin işğal olunduğunu xatırlayırıq”.
İstanbulda keçirilən təkrar bələdiyyə seçkilərində qalib gələn CHP lideri Əkrəm İmamoğlu xalqın qarşısına çıxıb.
“Qafqazinfo”nun məlumatına görə, siyasətçi şəhərdə demokratiya qurub ədaləti bərqərar edəcəyinə dair söz verib.
“Bu gözəl şəhərdə sizə söz verirəm, gələcəyi inşa edəcəyik. Biz nə aldadacağıq, nə də aldanacağıq. Biz bu şəhərə hər kəsi qucağalamağa gəldik. Biz bu şəhərə inanclara sayğı göstərmək üçün gəldik. Biz bu torpaqlarda var olanı xatırlamağa gəldik. Biz Yunus Əmrəni, Mövlanəni, Hacı Bektaşı, Vəlini xatırlamaq üçün gəldik”, – deyə İmamoğlu sözlərinə əlavə edib.
Doğum evindən buraxılandan sonra körpənin süd yeməkdən imtina edib, bütün günü yatdığından narahat olur.
O zaman ana uşağı xəstəxanaya aparır, həkimlər isə qarnında sancı və köp olduğunu, ciddi bir problem görmədiklərini bildirib.
2 həftə sonra isə körpə xırıldamağa, çətin nəfəs almağa başlayır, lakin yenə də həkimlər diaqnozu dəyişməyib.
Medicina.az bildirir ki, İngiltərədə baş verən bu hadisə səhiyyə adına utancverici hadisə kimi mətbuatın diqqətini çəkib.
Ana körpəsinin vəziyyətini ağır olduğunu görüb, təcili yardımla onu yenə həmin xəstəxanaya qaldırır. Lakin orda həkimlər diaqnoz qoya bilmir və uşağın tezliklə öləcəyini deyir.
Həkimlərə inanmayan və qulas asmayan Naomi Smolvud uşağı digər tibb müəssisəsinə israrla aparır.
Həmin xəstəxanada isə həkimlər uşağı dərhal reanimasiyaya qaldırıb, aortanın daralması və ürək problemi diaqnozu qoyurlar.
Həkimlər deyir ki, əgər ananın inadı olmasaydı, uşaq bu gecə öləcəkdi.
Həkimlər 12 günlük körpəni əməliyyata alsalar da, anaya müsbət proqnoz vəd etmədilər. 10 saatlıq əməliyyatdan sonra ağır vəziyyətdə də olsa körpəni həyata qaytarmaq mümkün olur
Azərbaycan dövlətinin banisi Tarixdə elə dühalar yetişib ki, onlara nəinki təmsil etdikləri xalqın taleyində, eləcə də dünya siyasətində olduqca böyük missiyanı həyata keçirmək səadəti nəsib olub. Ümummilli liderimiz Heydər Əliyev də məhz belə tarixi şəxsiyyət, dünya siyasətinin mahir bilicisi idi. Azərbaycanın müasir tarixinin böyük bir mərhələsi, eləcə də müstəqil dövlətimizin dinamik inkişafı və dünyaya inteqrasiya prosesi onun adı və fəaliyyəti ilə bağlıdır. 1969-cu ildə Heydər Əliyevin Azərbaycan rəhbərliyinə gəlişi milli tariximizdə əsaslı dönüş mərhələsi olmuşdur. Respublikaya rəhbərliyinin ilk günlərindən xalqın sabahını düşünən Heydər Əliyev Azərbaycanin gələcək inkişafı və müstəqilliyi üçün mühüm təminatlar yaratmışdır. Məhz həmin illərdən etibarən xalqımızın milli mənlik şüuru yüksəlmiş, xalqın həyat səviyyəsinin yaxşılaşması üçün bir sıra mühüm sosial-iqtisadi islahatlar həyata keçirilmiş, Azərbaycan keçmiş Sovetlər Birliyinin ən qabaqcıl respublikaları sırasına daxil olmuşdur. Dahi Heydər Əliyev totalitar rejimin sərt təzyiqlərinə baxmayaraq, ən qlobal problemləri belə məharətlə həll edərək, ölkəmizin siyasi və iqtisadi müstəqilliyi üçün münbit şərait yaratmağa müvəffəq olmuşdur. Hələ o vaxtlardan ümummilli liderimizin beynəlxalq aləmdəki, dünya siyasətindəki nüfuzu ilə fəxr edirik. Təsadüfi deyil ki, həmin dövrün tanınmış siyasətçiləri və politoloqları məhz Heydər Əliyevi Sov.İKP MK-nın Baş katibi vəzifəsinə ən layiqli namizəd kimi görürdülər. "Əlbəttə, imperiya təfəkkürlü siyasi dairələr öz intellektual səviyyəsi və parlaq liderlik istedadı ilə fərqlənən azərbaycanlıya belə bir imkan vermədilər. Sovetlər İttifaqının süqutundan sonra ölkədə xaos, özbaşınalıq kulminasiya həddinə çatdığı bir zamanda yenicə müstəqillik qazanmış respublikamızın parçalanmaq, milli dövlətçiliyimizin məhv olmaq təhlükəsindən qurtarmaq üçün Heydər Əliyevin siyasi hakimiyyətə qayıdışı xalqımızın arzusu idi. Vətənin dar günündə xalqın xahişi və təkidi ilə ölkəyə rəhbərliyi öz üzərinə götürən Heydər Əliyev tarixi xilaskarlıq missiyasını yerinə yetirdi. Ulu öndərin yenidən hakimiyyətə gəlməsi Azərbaycanin tarxinə qızıl hərflərlə yazıldı. Azərbaycanın müstəqilliyinə düşmən kəsilmiş xəyanətkarlar bir neçə dəfə dövlət çevrilişinə cəhd edərək öz cinayətkar, xalqın mənafelərinə zidd niyyətlərini həyata keçirmək istəsələr də, buna nail ola bilmədilər. Azərbaycanın əldə etdiyi uğurların təməlində Heydər Əliyev dühası, onun müqayisəyəgəlməz siyasi və dövlətçilik təcrübəsi dayanıb. Heydər Əliyev ideyaları müqəddəsdir və daim yaşamalıdır. Bunun məhz belə olduğunu Azərbaycan xalqı özünün böyük oğlunu cismən itirdikdən sonra bir daha tam, aydın şəkildə yəqin etdi. Heydər Əliyev əmanət olaraq xalqımıza zəngin maddi və mənəvi dəyərlər, siyasi, iqtisadi cəhətdən etibarlı dayaqlar üzərində qurulmuş Azərbaycanı qoydu. Ömrünün qalan hissəsini bu müdrik insan həqiqətən də xalqa qurban verdi. Qədirbilən xalqımız bunu heç zaman unutmayacaqdır. Zəmanəmizin ən nəhəng siyasətçilərindən sayılan bu dahi şəxsiyyətin ölkəmizin tərəqqisində və inkişafındakı rolu danılmazdır. Heydər Əliyevin siyasi kursu Azərbaycana bütün sahələrdə böyük uğurlar gətirib. Sabitlik, demokratiya və tərəqqi müasir cəmiyyətimizi xarakterizə edən mühüm amillərdir. Bu müdrik siyasət nəticəsində Azərbaycan artıq dünyada tanınır, nüfuzu durmadan yüksəlir. Artıq dünya da Cənubi Qafqaz regionunun liderinə çevrilən ölkənizlə hesablaşır, irimiqyaslı beynəlxalq layihələr Azərbaycanın iştirakı ilə, onun milli maraqlarının nəzərə alınması ilə həyata keçirilir. Dövlətin əsas göstəricilərindən biri olan iqtisadiyyatda aparılan köklü islahatların nəticəsində ölkəmiz qısa müddət ərzində bu sahənin yüksəlişini təmin etmişdir. Biz daim ulu öndərimizi xatırlayır, iftixarla deyirik ki, bəli, Azərbaycan dövlətinin xilaskarı, yeni Azərbaycanın memarı Hetdər Əliyev bizim qəlbimizdə daim yaşayır və yaşayacaq. Gələcək nəsillər onun həyat yolunu araşdıracaq və öyrənəcəklər. Çünki o, dünya miqyaslı siyasi lider idi. Heydər Əliyev siyasi kursu bu gün onun ideyalarına sadiq qalan möhtərəm Prezidentimiz İlham Əliyev tərəfindən uğurla davam etdirilir. Ümummilli liderimiz demişdi: “Mən ona özüm qədər inanıram və gələcəyinə böyük ümidlər bəsləyirəm”. Prezidentimizin bu gün həqiqətən də xalqın etimadını doğrultmaqla həmin ümidləri gerçəkləşdirir. Bizim də hər birimiz Prezidentin ətrafında sıx birləşərək onun qarşıya qoyduğu mühüm vəzifələrin yerinə yetirilməsində daha fəal iştirak etməyə çalışırıq. İnanırıq ki, siyasətdə öz sözünü deyən, beynəlxalq aləmdə böyük nüfuz qazanan möhtərəm Prezidentimiz İlham Əliyev ölkəmizin hərtərəfli inkişafına və möhkəmlənməsinə nail olacaqdır. 15 İyun Azərbaycan xalqının Milli Qurtuluş günüdür. Bu münasibətlə xalqımızı, bütün dünyada yaşayan azərbaycanlıları, türk dünyasını təbrik edirəm və onun davamçısı, möhtərəm prezidentimiz İlham Əliyevə işlərində uğurlar arzulayıram.
Məlum olduğu kimi, bu ilin iyun ayının 23-də Türkiyənin ən böyük şəhəri və iqtisadi mərkəzi sayılan İstanbulda bələdiyyə seçkiləri keçiriləcək.
Xatırladaq ki, bu il mart ayının 31-də keçirilən seçkilərdə öncə Cümhuriyyət Xalq Partiyasının namizədi Əkrəm İmamoğlunun qələbə çaldığı bildirilsə də, sonradan Ali Seçki Komissiyası nəticələri ləğv edərək yeni seçkilərin keçirilməsinə qərar verib.
Hazırda Türkiyənin bütün diqqəti bu həftənin bazar günündə, iyunun 16-da iki namizəd arasında baş tutması planlanan debata yönəlib. Türkiyə tarixində siyasi rəqiblər arasında debatlar az keçirilir. 2002-ci ildə Türkiyənin həmin vaxt Aydın Doğana mənsub “Kanal D” kanalında CXP sədri Dəniz Baykal və indiki prezident Tayyip Ərdoğan arasında canlı debat təşkil olumuşdu. Həmin vaxt iki siyasətçinin deyişməsini məşhur teleaparıcı Uğur Dündar idarə etmişdi.
Elə hakim parityanın namizədi Binali Yıldırm da Uğur Dündaırn bu məsələdə daha təcrübəli olduğunu dilə gətirərək yenidən moderator rolunun ona həvalə olunmasını istəyib. Lakin buna əvvəlcə böyük məmnuniyyətlə razılıq verən U.Dündar sonradan nədənsə imtina edib. Ədalət və İnkişaf Partiyasının nümayəndələri və sağ mərkəzçi media Dündarı yaxın olduğu CXP-nin təzyiqi ilə geri addım atmaqda suçlayıb. Tanınmış teleaparıcının buna tutarlı səbəb göstərməməsi ona qarşı ittihamları daha da şiddətləndirib.
Uğur Dündarın yerinə isə moderator olaraq İsmayıl Küçükkaya keçəcək. İ.Küçükkaya da sol kəsimə yaxın jurnalist sayılır. Türkiyədə bununla Binali Yıldırımın “deplasman hamlesi” həyata keçirdiyi, yəni rəqibin meydanında oynamaqdan qorxmadığını göstərmək üçün onun namizədliyini önə sürdüyü deyilir.
Binali Yıldırım bunu bu gün İSTOÇ, yəni İstanbul Ticarət mərkəzində keçirdiyi görüşdə də dilə gətirib. Orada vətəndaşlardan biri “Başqanım İsmayıl Küçükkaya da CHP tərəfdarıdır” sözlərinə keçmiş baş nazir “Kim olursa-olsun, vız gəlir. Heç kim hər hansı bəhanənin arxasına sığınmasın”,-deyə reaksiya verib.
Hakim parityanın namizədi üstüörtülü olaraq rəqibini separatçı Xalqların Demokratik Partiyası və FETÖ təşkilatı ilə əməkdaşlıq etməkdə suçlayıb.
Əkrəm İmamoğlu isə jurnalistlər qarşısında proqram xarakterli çıxış edib.
CXP namizədi rəqibini və onun təmsil etdiyi partiyanı israfçılıqda günahlandırıb və onları İstanbulun pullarını qeyri-qanuni olaraq başqa yerlərə (məsələn, dini vəqflərə) axıtmaqda ittiham edib. Bundan əlavə, Əkrəm İmamoğlu iqtidar partiyasını onun proqramını kopyalamaqda suçlayıb.
İmamoğlunun əsas vədləri İstanbulda təhsil alan tələbə heyəti ilə bağlı olub. CXP namizədi hətta ehtiyacı olan tələbələrə 400 türk lirası məbləğində təqaüd verə biləcəklərini söyləyib.
Bundan başqa, Əkrəm İmamoğlu 20-ə yaxın tələbə yataqxanası tikəcəklərini vəd edib.
Müxalif siyasətçinin gənclərlə bağlı proqramını onun əsas seçicilərinin gənc kəsim olması ilə əlaqələndirən çoxdur.
Amma eyni vədləri iqtidarın namizədi Binali Yıldırm tərəfindən də eşitmək mümkündür.
Bu səbəbədən qarşıdan gələn debatlarda namizədlərin danışıq və inandırma qabiliyyəti həlledici rol oynayacaq.
Şimali Koreya prezidenti Kim Çen In-ın yaxın çevrəsindəki əsgər və bürokratlara yönəlmiş qəddar cəzalar tətbiq etməsi ilə bağlı iddialara bir yenisi daha əlavə olunub. İngilis mediasında yer alan iddialara görə, Cənubi Koreya lideri son olaraq ağlasığmaz bir ölüm əmri verərək, edam gerçəkləşdirib. Musavat.com xəbər verir ki, onun adı hələlik açıqlanmayan bir general üçün film səhnələrindən geri qalmayan, qan donduran bir ölüm şəkli seçdiyi iddia edilib.
Kim Çen In-ın bundan öncəki illərdə çox sayda qeyri-adi ölüm əmri və edama adının qarışdığı bilinir. Şimali Koreya pezidentinin təlimatı ilə Milli Təhlükəsizlik nazirinin müavini alov aparatı ilə yandırılaraq öldürülmüşdü. İllər öncə Şimali Koreya qəzetində xəbər verilmişdi ki, Kim dövlətin ali idarəetməsində olan 11 bürokratı hərbi məhkəməyə çıxararaq, ölüm cəzasına məhkum etdirib. Qəzetin xəbərinə görə, ölüm cəzalarının həyata keçirilməsində qeyri-insani üsullar da tətbiq edilmişdi.
Bundan öncə isə Kim Çen In-a qarşı çevriliş hazırlığı içində olduğu iddia edilən müdafiə naziri Kim Çolu da edam etdirmişdi. Kim Conqun əhvalına uyğun olaraq, bəzi məsələlərlə bağlı cəza verməsi geniş yayılıb. İllər öncə Kim Yonq Unun oturuşunu bəyənmədiyi üçün baş nazir köməkçisini edam etdirdiyi bildirilmişdi.
Son olaraq ortaya atılan iddia isə insanı heyrətləndirən xarakterdədir. İngilis mediasında yer alan xəbərə görə, adı hələlik açıqlanmayan bir general üçün içi pirana (Şimali Amerikada çaylarda yaşayan, kiçik, amma yırtıcı balıqlar) dolu bir su tankı hazırladıb və generalı da içinə ataraq vəhşicəsinə öldürüb. Öldürülən generalın Kim Çen In-a qarşı çevriliş hazırlığı içində olduğu iddia edilib. İçi pirana dolu tankın Kim Çen In-ın Ryonqsonq Sarayında olduğu bildirilir. Bundan başqa, generalın pirana dolu su tankına atlımadan öncə də müxtəlif növ işgəncələrə məruz qaldığı bildirilir.
Generalın ölümünün vəhşi balıqlar tərəfindən, yaxud daha öncə gerçəkləşdirilməsi haqqında konkret bir məlumat olmadığı deyilir. İddialara görə, Kim Çen In-ın 1977-ci il istehsalı olan Ceyms Bond filmindəki bir səhnədən təsirlənərək bu şəkildə ölüm tankı hazırlatdırıb.
Ümumiyyətlə, Kim Çen In-ın həyatında bəzi ilginc nöqtələr var və bu özəlliklərinə görə də qeyri-adi biri olaraq məşhurlaşıb. Məsələn, Kim Çen In 8 yaşına gələndən sonra atası ona bir general geyimi hədiyyə etdi və bundan sonra da bütün gerçək generallar onun qarşısında əyilməyə başladılar.
1996-2000-ci illərdə İsveçrədə sanki bir Koreya diplomatının oğluymuş kimi həqiqi kimliyi saxlanaraq oxuduldu. İllər sonra Şimali Koreyanın paytaxtı Pxenyana qayıdanda isə ‘Kim İl-sung’ adlı Hərbi Universitetdən 2006-cı ildə məzun oldu. İki il sonra əmisi ilə arasında dava çıxdı və əmisi uzaqlaşdırıldı. İddialara görə, əmisinin 20 uşağı vardə və hamısı da öldürülmüşdü.
Kimin vətənə xəyanət ittihamı ilə cinayət işi açılan əmisi və 5 köməkçisini, 3 gün boyunca ac saxlanaraq, 120 itə yem etdiyi də deyilirdi. Kim Çen In gücü əlinə alan kimi 140-a qədər təcrübəli insanı da öldürmüşdü.
Moldova Prezidenti İqor Dodon beynəlxalq ictimaiyyətindən hakimiyyətin ötürülməsi məsələsində vasitəçilik etməyi xahiş edib.
APA-nın “RİA Novosti” agentliyinə istinadən verdiyi məlumata görə, İ. Dodon bildirib ki, Demokrat Partiyası hakimiyyəti dinc yolla təhvil verməyə hazırlaşmır.
Moldova Prezidenti “Facebook” sosial şəbəkəsindəki səhifəsində yazıb ki, Demokrat Partiyası hakimiyyəti parlament çoxluğuna və qanunu hakimiyyətə təhvil vermək istəmədiyi üçün başqa çıxış yolu yoxdur: “Bu vəziyyətdə bizim beynəlxalq ictimaiyyətdən hakimiyyətin dinc yolla ötürülməsində vasitəçilik etməsini istəməyimizdən başqa çıxış yolu yoxdur. Ya da Moldova xalqını birləşməyə və dinc aksiyalara çağırmalıyıq. Parlamentin qərarı və yeni hökumət vətəndaşların əksəriyyəti tərəfindən dəstəklənir, Qərb və Şərqdəki tərəfdaşlarımız tərəfindən tanınıb. Biz, daxili və xarici siyasətə müxtəlif baxışları olan Moldova vətəndaşları ümumi məqsəd ətrafında – Moldovanı kriminal və diktator rejimindən azad etmək üçün birləşməliyik. Proses artıq başlayıb və geri yol yoxdur. Sona qədər getmək lazımdır. Biz yolumuzdan dönməyəcəyik”.
Ölkədə vəziyyətin dəyişdiyini vurğulayan İ. Dodon Demokrat Partiyasının insanların aksiyalarda iştirak etməməsi barədə çağırışına məhəl qoymamağa da çağırıb.
İ. Dodon Konstitusiya Məhkəməsinin Moldova Prezidenti səlahiyyətlərini baş nazir Pavel Filipə həvalə etməsi barədə qərarını isə hakimiyyəti mənimsəməyə yönələn addım kimi qiymətləndirib.
Qeyd edək ki, şənbə günü rusiyayönümlü Sosialist Partiyası və avropayönümlü ACUM bloku parlament çoxluğunu formalaşdırıb və 3 aydan sonra yeni hökumətin qurulduğu elan edilib. Ancaq Konstitusiya Məhkəməsi parlamentin bu qərarını qanunsuz elan edib. Parlament isə Demokrat Partiyasının məhkəmə yolu ilə hakimiyyəti mənimsəməyə cəhd etdiyini bəyan edib.
Xatırladaq ki, fevralın 24-də Moldovada keçirilən parlament seçkilərindən sonra heç bir partiya parlament çoxluğu qazanmayıb. Bu səbəbdən də hökumətin qurulması üçün parlamentdə koalisiya formalaşdırmaq zərurəti yaranıb. Moldovanın Konstitusiya Məhkəməsinin qərarına əsasən, deputatlar iyunun 7-dək hökuməti formalaşdıra bilməsələr, prezident parlamenti buraxmalı idi. Moldova Prezidenti İqor Dodon isə iyunun 10-dək parlamenti buraxmayacağını bəyan etmişdi.
Bu günə qədər də Misir piramidalarının necə tikilməsi barədə mübahisələr davam edir.
Bu gün oxucularına piramidaların inşasında səsdən istifadə edilməsi barədə kiçik araşdırma yazını təqdim edir.
Qədim mənbələrdə, əsasən də Çin mənbələrində bildirilir ki, o dövrdə dünyanın digər xalqları kimi qədim misirlilər də səsdən istifadə ediblər. Bununla belə, müasir dəsrliklərdə bu barədə bir cümlə də yoxdur. Dərsliklərdə yazılır ki, piramidalar çoxsaylı qul, daş bloklar, kəndirlər və bəsit texnologiyadan istifadə edilib. Ola bilər ki, səsin köməyi ilə möcüzələr yaratmağın mümkün olduğu barədə dəqiq məlumatlar olmadığı üçün belə yazılır.
Amma ötən əsrin 30-cu illərində Tibetdə İsveçdən olan avia mühəndis Henri Kyelson səs levitasiyasını müşahidə edib. O, Tibet rahiblərinin truba və baraban, eyni zamanda xor ifası ilə 2 metr diametri olan daşları 400 metr hündürlüyə qaldırmalarını təfərrüatı ilə yazıb. Maraqlıdır ki, təfərrüatda rəqəmlər, “Pİ” işarəsi və digər həndəsi məsələlər yer alıb. Henri Kyelson digər qədim sivilizasiyaların da səs levitasiyasından istifadə etdiklərini bildirir. Məsələn, məbəd inşasında böyük nəaliyyətləri olan maya hinduları təkəri tanımırdılar, çünki bu onlara lazım deyildi...
Şimali Koreya Prezidenti Kim Çen Inın kiçik bacısı Kim Yo Çen 52 gün sonra ictimaiyyət qarşısına çıxıb.
“Qafqazinfo”nun “İnterfaks”a istinadən verdiyi xəbərə görə, o, iyunun 3-də qardaşı və digər yüksək rütbəli şəxslərlə birlikdə “1 may” stadionunda gimnastların çıxışlarını izləyib.
Qeyd edək ki, onun da bu ilin fevralında Vyetnamın Hanoy şəhərində ABŞ-la baş tutan zirvə görüşünün uğursuzluğuna görə cəzalandırılan yüksək vəzifəli məmurlar arasında olduğu deyilirdi. O, sonuncu dəfə aprelin əvvəlində qardaşının iştirakı ilə keçirilən Ali Milli Məclisin iclasında iştirak edib. Aprelin sonlarında Rusiya Prezidenti Vladimir Putinlə Vladivostokda baş tutan görüşdə görünməyib. Halbuki, o, həmin günə qədər Kim Çen Inı bütün rəsmi görüşlərində müşayiət edib.
Xatırladaq ki, Hanoyda ABŞ prezidenti Donald Trampla Şimali Koreya lideri Kim Çen In arasında baş tutmuş ikinci sammitdən sonra KXDR-in ABŞ məsələləri üzrə xüsusi nümayəndəsi Kim Hyok Çxol daxil olmaqla 5 diplomat edam olunub. Həmin şəxslər sözügedən zirvə görüşünün hazırlıqlarına cavabdeh olublar. Onlar sammitin uğursuzluqla yekunlaşmasına və rəsmi Vaşinqton adına casusluq etdiklərinə görə Mirim Hava Limanında edam ediliblər.
Bundan başqa, sammit öncəsində ABŞ dövlət katibi Mayk Pompeo ilə danışıqlar aparan Kim Yonq Çxol adlı yüksək vəzifəli şəxs və zirvə zamanı tərcüməçilik edən Sin Hye Yonq Çin sərhədi yaxınlığındakı ağır islah əmək işləri düşərgəsinə göndərilib.