İsrailin sabiq baş naziri Benyamin Netanyahunun ailəsinin mühafizə xidməti bu gündən etibarən ləğv ediləcək.

Axar.az xəbər verir ki, bu barədə İsrail mediası məlumat yayıb.

Belə ki, Netanyahunun mütəmadi olaraq ailəsinin təhdid edilməsi ilə bağlı xəbərdarlıqlarına baxmayaraq, nazirlər komissiyası sözügedən qərarı qəbul edib.

Keçmiş baş nazirin istefasından keçən 6 ay ərzində ailəsi mühafizə və sürücü ilə birlikdə avtomobillə təmin edilir. Həmin müddət dekabrın 13-də bitir.

Digər ölkələr, şübhəsiz ki, hipersəs silahlarına sahib olacaqlar, lakin o vaxta qədər Rusiya bu cür raketlərlə necə davranacağını çox güman ki, öyrənəcək.

Axar.az xəbər verir ki, bunu Rusiya Prezidenti Vladimir Putin deyib.

"Mən həmişə demişəm və indi də təkrar edə bilərəm ki, dünyanın aparıcı hərbi gücləri, şübhəsiz ki, Rusiyanın bugünkü silahlarına sahib olacaqlar. Mən hipersəs silahlarını nəzərdə tuturam. Amma 2018-ci ildən bəri bu silahları heç kim əldə etməyib. Düşünürəm ki, biz tərəfdaşlarımızı təəccübləndirə biləcəyik. Onlar bu silahlara malik olduqda, böyük ehtimalla, biz bu silahlarla mübarizə aparmaq üçün vasitələr əldə edəcəyik”, - Putin bildirib.

Putin əlavə edib ki, Rusiya həm çatdırılma vasitələrində, həm də döyüş başlıqlarının sayında ABŞ-la təxmini pariteti saxlayır:

"Lakin buna baxmayaraq, perspektivli inkişaflarımızda, şübhəsiz ki, liderik. Biz xidmətdə ənənəvi mövcud potensialı modernləşdirmirik, yeni komplekslər tətbiq edirik. Bu mənada əminliklə deyə bilərik ki, bu göstəriciyə görə biz indi dünyada bir nömrəyik”.

İsrailin Baş naziri Naftali Bennett Birləşmiş Ərəb Əmirliklərinə (BƏƏ) ilk rəsmi səfərini gerçəkləşdirəcəyini açıqlayıb.

Axar.az xəbər verir ki, Bennett BƏƏ-nin vəliəhdi Məhəmməd bin Zayedlə görüşəcəyini bildirilib.

Görüş İranla bağlı nüvə danışıqları fonunda keçiriləcək. İqtisadi və hərbi əlaqələrin gücləndirilməsi ilə bağlı danışıqlar aparılacaq.

Səfərin tarixi ilə bağlı məlumat verilməyib.

Yeni Zelandiyada 6,5 ​​bal gücündə zəlzələ baş verib.

Türkiyənin xarici işlər naziri Mövlud Çavuşoğlu Ümummilli Lideri Heydər Əliyevin vəfatının 18-ci ildönümü ilə bağlı Tvitter səhifəsində paylaşım edib.

Axar.az paylaşımın mətnini təqdim edir:

"Azərbaycanın Ümummilli Lideri Heydər Əliyevi vəfatının 18-ci ildönümündə rəhmətlə yad edirəm. “Bir millət, iki dövlət” şüarı ilə müqəddəslərimizin xatirəsini, qardaşlığımızı əbədi yaşadacağıq".

Hakerlər Hindistanın Baş naziri Narendra Modinin rəsmi Tvitter səhifəsini sındırıb.

Azərbaycan azad olunan ərazilərdə təmizləmə işləri üçün yeni minaaxtaran robotlar alacaq.

Koronavirusun omikron ştammının yayılması 2021-ci ilin yanvar ayı ilə müqayisədə yoluxmaların və xəstəxanaya yerləşdirilənlərin sayının artmasına səbəb ola bilər.

Axar.az xəbər verir ki, bu barədə Londonun Gigiyena və Tropik Tibb Məktəbinin hesabatında qeyd olunub.

Ən optimist ssenariyə görə, infeksiyaların maksimum sayı gündə iki minə çata bilər, 1 dekabr-30 aprel tarixləri arasında xəstəxanaya yerləşdirilənlərin sayı isə 175 minə çatacaq. Onlardan 25 mini isə öləcək.

Pessimist ssenariyə görə isə həkimlərə müraciətlərin sayı 2021-ci ilin yanvar ayının göstəricilərini iki dəfə üstələyə bilər. Xəstəxanalara yerləşdirilənlərin sayı 492 min olacaq ki, onların da 75 mini öləcək.