Qətərin "Vakrah" klubunun, Mali yığmasının müdafiəçisi Osman Kulibali oyun zamanı infarkt keçirib.

Axar.az xəbər verir ki, hadisə Qətər liqasında "Rayyan" klubu ilə keçirilən görüşdə baş verib.

Oyun zamanı 32 yaşlı müdafiəçi meydançada yıxılıb.

Futbolçuya ürək masajı edilib. Müdaxilədən sonra təcili yardımla xəstəxanaya çatdırılan futbolçunun vəziyyəti ağır olaraq qalır.

Görüş yarımçıq dayandırılıb.

Qazaxıstandan olan dostum, müğənni İlyas Autovdan xəbər ala bilmirəm.

Axar.az xəbə verir ki, bunu “Roskosmos”un baş direktoru Dmitri Roqozin deyib.

“Artıq bir neçə gündür ki, Almatıdan olan dostum İlyas Autovdan xəbər yoxdur. Ümid edirəm ki, o və doğmaları yaxşıdır”, - Roqozin bildirib.

Onun sözlərinə görə, Yeni il bayramından bir müddət əvvəl Autov Moskvada olub və kosmonavtların hazırlıq mərkəzində konsert verib.

Qeyd edək ki, İlyas Autov Qazaxıstanda “Motor-Roller” qrupunun rəhbəridir.

Terrorçular tam məhv edilənə qədər antiterror əməliyyatı davam edəcək.

Qazaxıstanda xoşumuza gəlməyən hadisələr oldu. Amma bizim üçün ən acınacaqlısı budur ki, Tokayev bu hadisəni öz imkanları ilə həll etmək əvəzinə, Rusiyadan kömək istədi. Bunu öz xalqına, dövlətinə xəyanət adlandırmaq olar.

Axar.az xəbər verir ki, bu sözləri Krım tatarlarının məşhur lideri Mustafa Əbdülcəmil Krımoğlu (Mustafa Cəmilov) Qazaxıstanda baş verən son hadisələr haqda danışarkən deyib.

"Rusiyanı öz ölkənə çağırmaq nə deməkdir? Biz Rusiyanın bir ölkəyə girən zaman nə etdiyini Krım nümunəsindən çox yaxşı bilirik. Bu, Qazaxıstan üçün böyük təhlükədir.

Etirazçılarla müzakirə aparmadan onları öldürmək qeyri-insani davranışdır. Gələcəkdə də nə olacağını görəcəyik. Amma bunlar nə Qazaxıstanın, nə də Rusiyanın maraqlarına uyğundur. Rusiya bundan kifayət qədər faydalanacaq. Bəli, 3 min rus əsgəri göndərdilər, amma bunun 3 min, yoxsa 30 min olduğunu dəqiq söyləmək mümkün deyil. Çünki Rusiyanın sözlərinə heç vaxt etibar etmək olmaz. Ümid edirik ki, orada sülh bərqərar olacaq və xarici ölkələrin vətəndaşları gedəcək", - deyə Krımoğlu bildirib.

Qazaxıstanda baş verənlər bizi kədərləndirir.

Nazarbayev bütün bu günlərdə Nursultan şəhərində olub və dövlət başçısına dəstək olub.

Axar.az xəbər verir ki, bunu Qazaxıstanın birinci prezidenti Nursultan Nazarbayevin mətbuat katibi Aydos Ukibay söyləyib.

Onun sözlərinə görə, Nazarbayev və Qasım Jomart Tokayev həmişə barrikadaların eyni tərəfində olaraq, xalqını, ölkəsini, millətin gələcəyini müdafiə edib, və hamı üçün çətin olan bu günlərdə onlar dövlət hakimiyyətinin tamlığını bir daha nümayiş etdiriblər.

“Əvvəllər bəyan etdiyim kimi, Nazarbayev bütün bu günlərdə Nursultan şəhərində olub və dövlət başçısına dəstək olub. Lakin vəziyyət çox çətin idi və buna görə də o, şəxsən Təhlükəsizlik Şurasının sədri vəzifəsini prezidentə təhvil vermək qərarına gəlib. Çünki o, yaxşı bilirdi ki, iğtişaşlar və terror ölkə rəhbərliyindən operativ, sərt və barışmaz cavab tələb edir. Bu çətin zamanda Nursultan Nazarbayev bütün vətəndaşları xalqımızın birliyini və həmrəyliyini nümayiş etdirməyə, terrorçulara qarşı mübarizədə və Qazaxıstanda həyatın normallaşdırılmasında prezidentimiz Kasım-Jomart Tokayevi dəstəkləməyə çağırır”, - Ukibay bildirib.

Pakistanın Murree şəhərinə yağan şiddətli qar ölümlərə səbəb olub.

İnanırıq ki, Qazaxıstandakı qardaşlarımız öz gücləri və imkanları ilə ölkənin üzləşdiyi bütün çətinliklərin öhdəsindən gələcəklər.

Axar.az xəbər verir ki, bunu Türkiyənin milli müdafiə naziri Hulusi Akar deyib.

"Əgər Qazaxıstan Ankaraya hər hansı müraciət etsə, biz bunu tam şəkildə təqdim etməyə hazır olacağıq. Türkiyə Qazaxıstanın yanında olub və olacaq", - Akar vurğulayıb.