Rusiya Prezidenti Vladimir Putin Belarus Prezidenti Aleksandr Lukaşenko ilə telefonla Ukraynadakı vəziyyəti müzakirə ediblər.

Axar.az xəbər verir ki, bu barədə Kremlin mətbuat xidməti məlumat yayıb.

Danışıq zamanı Rusiya lideri bildirib ki, plana uyğun olaraq həyata keçirilən əməliyyatın vəzifələri həll olunur və tam şəkildə tamamlanacaq.

Belarus Prezidenti isə Rusiyanın hərəkətlərini dəstəklədiyini vurğulayıb.

Rusiya Prezidenti Vladimir Putinlə Almaniya kansleri Olaf Şolts arasında telefon danışığı baş tutub.

Axar.az xəbər verir ki, bu barədə Almaniya Nazirlər Kabineti məlumat yayıb.

Bildirilib ki, Putin Ukrayna ilə danışıqların üçüncü raundu barədə Şoltsa məlumat verib.

Belçikadan olan könüllülərin ilk partiyası Ukraynada Rusiyaya qarşı döyüşmək üçün yola düşüblər.

Axar.az xəbər verir ki, bu barədə “Euobserver” Ukrayna səfirliyinə istinadən məlumat yayıb.

“Yeddi nəfər Brüsseldən Polşa-Ukrayna sərhədinə doğru yola düşüb”, – nəşr yazır.

Daha 18 nəfərin də yaxın günlərdə ərizələrini təqdim edib müsahibələrdən keçdikdən sonra Ukraynaya gələcəyi gözlənilir.

11:13

Ukrayna Prezidenti Vladimir Zelenskiyə son bir həftə ərzində ən azı üç sui-qəsd olub.

Ukraynanın Nikolayev şəhərinin atəşə tutulması nəticəsində bir azərbaycanlı həlak olub.

Axar.az xəbər verir ki, bunu Report-a açıqlamasında Ukrayna Azərbaycanlıları Konqresinin Nikolayev vilayətində sədr müavini Adil Babayev bildirib.

O qeyd edib ki, hadisə avtomobilin raket atəşinə tutulması nəticəsində baş verib: "Maşında olan bir azərbaycanlı ölüb, biri isə yaralanıb. Meyit şəhərdəki məscidə gətirilib. Hələ şəxsiyyəti bilinmir".

A.Babayev deyib ki, Nikolayev şəhərində 14 minə yaxın azərbaycanlı yaşayır.

Putin Ukraynanı müvəqqəti düşərgə kimi istifadə edir, əsl məqsədi İsraildir. Qarşı sahildə Ərdoğan, Türkiyə var. Aralarında da Çanaqqala boğazı mövcuddur, oraya körpü quracaq. İncili oxuyun, bunlar olacaq.

Axar.az xəbər verir ki, bu sözləri dünyanın məşhur televangelistlərindən (televiziyada təbliğat yolu ilə missionerliklə məşğul olan adam) Pat Robertson ABŞ-ın CBN kanalında Rusiya-Ukrayna müharibəsi haqqında çıxışı zamanı deyib.

Qeyd edək ki, CBN kanalı (Xristian Yayım Şəbəkəsi ) amerikalı mühafizəkar yevangelistlər tərəfindən qurulub, əsasən bu istiqamətdə təbliğatla məşğul olur.

Rusiya Psixoloji Cəmiyyəti Avropa Psixoloji Assosiasiyalar Federasiyasının tərkibindən çıxarılıb.

Axar.az xəbər verir ki, bu barədə cəmiyyətin bəyanatında deyilir.

Qeyd edək ki, Rusiyanın Avropa Psixoloji Assosiasiyalar Federasiyasından çıxması üçün Ukrayna quruma rəsmi müraciət ünvanlamışdı.

Böyük Britaniyanın Baş naziri Boris Consonla Ukrayna Prezidenti Vladimir Zelenski arasında Zaporojye AES-də baş verən yanğınla bağlı telefon danışığı olub.

Axar.az xəbər verir ki, bu barədə Böyük Britaniyanın baş nazirinin ofisi məlumat yayıb.

Bildirilib ki, Conson Putinin hərəkətlərinin bütün Avropanın təhlükəsizliyini birbaşa təhdid etdiyini deyib.