 |
 |
Çində yayılan koronavirus bütün ölkəni iflic edib.
İnsanlar üz maskası tapa bilmək üçün sözün əsl mənasında bir-biri ilə döyüşür.
Həddən artıq tələbat olduğu üçün maska qıtlığı yaranıb. Bu cür vəziyyətdə bir gəncin polislərə etdiyi jest görənləri heyrətə gətirib.
Polis bölməsinin müşahidə kamerasına düşən görüntülər insanları kövrəldib. Belə ki, gənc oğlan 500 ədəd maskanı gətirib polislərə verərək ərazidən dərhal uzaqlaşıb. Bunu görən polislər oğlana etdiyi yaxşılığa görə hərbi salam veriblər.
Video qısa zamanda sosial şəbəkələrdə sürətlə yayılıb. (baku.ws)
Çində yayılan koronavirus bütün ölkəni iflic edib.
İnsanlar üz maskası tapa bilmək üçün sözün əsl mənasında bir-biri ilə döyüşür.
Həddən artıq tələbat olduğu üçün maska qıtlığı yaranıb. Bu cür vəziyyətdə bir gəncin polislərə etdiyi jest görənləri heyrətə gətirib.
Polis bölməsinin müşahidə kamerasına düşən görüntülər insanları kövrəldib. Belə ki, gənc oğlan 500 ədəd maskanı gətirib polislərə verərək ərazidən dərhal uzaqlaşıb. Bunu görən polislər oğlana etdiyi yaxşılığa görə hərbi salam veriblər.
Video qısa zamanda sosial şəbəkələrdə sürətlə yayılıb. (baku.ws)
VİDEO
ABŞ-ın Fələstin-İsrail konfliktinin həlli ilə bağlı təklif etdiyi “Əsrin müqaviləsi”ndə ATƏT-in analoqu olan Yaxın Şərq üzrə Təhlükəsizlik və Əməkdaşlıq Təşkilatının yaradılması nəzərdə tutulur.
Bu məlumat Ağ Evin yayımladığı sənəddə yer alıb.
“Fələstin dövləti, Misir Ərəb Respublikası, İordaniya Haşimi Krallığı, İsrail dövləti Yaxın Şərqdə Təhlükəsizlik və Əməkdaşlıq Təşkilatı yaratmalıdırlar. Təşkilatın mandatı konflikt haqqında əvvəlcədən xəbərdarlığı, konfliktlərin qarşısının alınmasını və böhranlı idarəetməni özündə ehtiva etməlidir”, – deyə o bildirib. (axar.az)
“Koronavirus 2019-nCoV” daha çox 35-50 yaşlı kişilər üçün təhlükəlidir.
Lenta.ru bu barədə Rusiyada tibb sahəsində yüksək çinli mənbəyə istinadla xəbər verib.
“Məlumatlara görə, virusun bu ştammı irqindən və sosial vəziyyətindən asılı olmayaraq, 35-50 yaşlarında olan kişilər üçün daha böyük təhlükə yaradır – məhz onlar ölənlər və yoluxanlar arasında mütləq əksəriyyəti təşkil edir. Uşaqlar və hamilə qadınlar isə demək olar ki, yoluxmurlar”, – deyə nəşrin müsahibi bildirib.
Qeyd edək ki, son məlumatlara görə, dəhşətli virusdan 132 nəfər həlak olub. Bundan başqa, 4500-dən artıq insan xəstəliyə yoluxub.
Virusun insandan insana ötürüldüyü bildirilir. Yanvarın 28-də isə Çinin Səhiyyə qurumunun nümayəndəsi dəriyə təmasla da yoluxma ola biləcəyini açıqlamışdı.
“Əgər virus əllərin dərisinə düşərsə və bu vaxt gözlərinizi təsadüfən ovuşdurursanız, virus yoluxması baş verə bilər”, – deyə o, bildirmişdi.
Bundan başqa, Çində koronavirusun yayılmasının pik həddinin 7-10 gündən sonra baş verəcəyi proqnozlaşdırılıb. (oxu.az)
İsraildə çapdan çıxan “Makor Rişon” qəzeti Türkiyə Milli İstehbarat Təşkilatının (MİT) rəhbəri Hakan Fidanı İraqda öldürülən İran generalı, Qüds Qüvvələrinin komandanı Qasım Süleymaniyə bənzədərək hədəf göstərib.
“Sultan və Süleymani” başlıqlı məqalədə şok iddialar yer alıb.
Belə ki, Fidanın Süleymani kimi İraq və Suriyada vəkalət savaşı apardığını bildirilib:
“Fidan Süleymaniyə çox bənzəyir. Fidan Süleymaninin əkizidir. Hazırda Süleymani yerin üç arşın altında yatdığına görə, indi də Türkiyə kəşfiyyatının rəhbəri Hakan Fidanın planlarına diqqət etmək lazımdır”.
Qeyd edək ki, sözügedən qəzet İsraildə radikal sağ təmayüllü qəzetlərdən sayılır. /Axar.az/
In this photo taken Jan 24, 2020 and released by Xinhua News Agency, a military medic from the Air Force Medical University prepares to leave for Wuhan from Xi'an, capital of northwestern China's Shaanxi Province. The Chinese military dispatched medical staff, some with experience in past outbreaks including SARS and Ebola, to help treat the many patients hospitalized with viral pneumonia, Xinhua reported. (Zhang Haopeng/Xinhua via AP)
Vuhan şəhərində 2019-cu ilin dekabrında ortaya çıxan və dünyaya yayılmağa başlayan koronavirus Çini ayağa qaldırıb.
Turkustan.info xəbər verir ki, Çində 60 milyon insan karantinə alınıb.
Çin ordusu Vuhan kəndini blokadaya alıb. Şəhərdən kənara çıxmaq istəyənlər əsgərlər tərəfindən vurulur. 11 milyonluq şəhərdə küçəyə çıxmağa qadağa qoyulub.
İddiaya görə, rəsmi Pekin virusun ortaya çıxdığı şəhər olan Vuhanı yerlə-yeksan etmək niyyətindədir.
Yanvarın 28-dən etibarilə ölü sayı rəsmi şəkildə 106 nəfər olaraq açıqlanır. Koronavirus diaqnozu qoyulan insanların sayı isə 4500-dür. Ölənlərin əksəriyyəti virusun ilk yoluxduğu yer olduğu iddia edilən Huanan Dəniz Məhsulları Bazarında işləyən və alış-veriş edən insanlardır.
Şəhərdən mediaya sızan səs qeydinə əsasən, sadəcə Vuhanda 100 min insan virusa yoluxub. Ölənlərin sayı isə 2 min 744-dür. 30 mindən çox çinli müşahidə altında saxlanır. Bölgədə daim kütləvi məzarlıqlar qazılır. Karantinə alınan şəhərlərin dünya ilə bağlantısı kəsilir. Şəhərlərarası yollar beton bloklarla bağlanır. Meşələr ultrabənövşəyi Pilotsuz Uçuş Aparatları ilə izlənir.
Çindəki bütün maliyyə departamentləri koronavirusla mübarizə məqsədilə 1,63 milyard dollar vəsait ayırıb.
Bu arada, yarım milyondan çox tibb işçisi virusun qarşısını almaq, nəzarətdə saxlamaq və müalicəsi üçün işləyir. İddiaya görə, elm adamları koronavirusun kök hüceyrəsini araşdırıb və izolyasiya etməyi bacarıb.
Qeyd edək ki, ABŞ, Rusiya və Yaponiya vətəndaşlarının karantin bölgəsindən təxliyəsi üçün Çin hökumətinə müraciət edib. Yaponiya, Avstraliya, ABŞ və İngiltərə hava limanlarında temperaturun ölçülməsi ilə virusa yoluxma ehtimallarını müəyyən etməyə çalışır.
/Publika.az/
İŞİD lideri Əbu Həmzə əl Kureyşi qruplaşma üzvlərini İsrail vətəndaşlarına hücum etməyə səsləyib.
Əbu Həmzəyə aid olduğu iddia edilən 37 dəqiqəlik səs yazısında bildirilir:
“Yəhudilərin yaşadığı məntəqələri və bazar ərazilərini hədəfə alın. Yaşayış məntəqələrinə raketlərlə hücum edin. Həmin ərazilərdən kimyəvi silahlarınızın test məkanı kimi istifadə edin.”
İŞİD lideri ABŞ prezidenti Donald Trampın “Əsrin müqaviləsi”nə etiraz olaraq İsrail dövlətini hədəfə aldığını bildirib. /Publika.az/
Çində 60 milyon insan karantinaya alınıb.
Xarici mətbuat xəbərlərinən görə, koronavirus epidemiyasının yayıldığı Uhan şəhərinin Çin ordusu tərəfindən mühasirəyə alındığı və şəhəri tərk edənlərin vurulduğu iddia edilir. Həmçinin Pekin administrasiyasının Uhan şəhərini məhv etməyi düşündüyü də iddialar arasındadır.
Çinin yaydığı rəsmi açıqlamaya görə virus səbəbindən ölənlərin sayı 106-ya, epidemiyaya yoluxanların sayı isə 4500-ə çatıb. Ölənlərin əksəriyyətinin Huanan Məhsulları Bazarında çalışa və ya ticarətlə məşğul olan şəxslər olduğu deyilir.
Digər bir tərəfdən 11 milyon insanın yaşadığı Uhanda olan bir nəfərin səsyazısı ortaya çıxıb. Səsyazısına görə, şəhərdə ölənlərin sayı 2744 nəfərdir. Bölgədə ard-arda kütləvi məzarların qazıldığı, şəhərlərarası yolların beton bloklarla bağlandığı bildirilir. Meşələrin PUA-larla izləndiyi də iddialar arasındadır. (qaynarinfo)
İran İslam İnqilabı Keşikçiləri Korpusunun (SEPAH)sabiq komandanlarından olan Həsən Abbasi qalmaqala səbəb olan bəyanatla çıxış edib.
H.Abbasi SEPAH-ın “Qüds Briqadası”nın sabiq komandanı Qasım Süleymaninin ölümünə görə 3 milyard, amerikalı jurnalist Ceyson Rzayiyana görə isə 1 milyard 700 milyon dollar gəlir əldə etdiyini deyib. Sabiq komandan qeyd edib ki, 3 milyard dolları “qan pulu” olaraq Qətər İran dövlətinə, sonuncu da öz növbəsində SEPAH-a verib. Həsən Abbasi çıxışı zamanı həmçinin SEPAH-ın ikili vətəndaşlığı olan insanları girov götürərək, öz gəlirlərini təmin etdiyini deyib. Yanvarın 12-də Qətər əmiri Təmim bin Həməd Al Saninin Tehrana səfəri ilə bağlı bəzi mənbələr qeyd etmişdilər ki, o, SEPAH-ın raketlə vurduğu Ukrayna sərnişin təyyarəsində ölənlərə kompensasiya ödəməyə kömək təklif etmək üçün İrana səfər edib.
Həmin kömək təklifinin məbləğinin 3 milyard dollar olduğu deyilirdi. Lakin İran hökumətinin sözçüsü Əli Rəbii yayılan xəbərləri təkzib etmişdi. Digər tərəfdən, SEPAH-ın sözçüsü Ramazan Şərif Həsən Abbasinin sözlərini “əsassız” və “heç bir qanuni əsası” olmayan fikirlər adlandırıb. O, eyni zamanda Abbasinin sözlərinin “bədxahların SEPAH-a qarşı qarayaxma fəaliyyətlərinin alətinə çevrildiyi”ni deyib. Bəsic Qüvvələri və Əli Xamneyinin tərəfdarları qarşısında tez-tez çıxış edən Həsən Abbasi səsləndirdiyi fikirlərə görə 2016-cı ildə İran ordusunun şikayəti əsasında saxlanılıb. O, bir neçə gündən sonra sərbəst buraxılmışdı.
Xatırladaq ki, İran saxta ittihamlarla həbs edərək girov saxladığı jurnalist Ceyson Rzayiyanı 2016-cı ilin yanvar ayının 16-da, nüvə razılaşmasının əməli olaraq icra edilməsinə start verilən gün azadlığa buraxılmışdı. İki ölkə arasında baş tutan tarixi məhbus mübadiləsi zamanı ABŞ İranın dondurulmuş aktivlərindən 1.7 milyard dollarını rəsmi Tehrana qaytarmışdı. (cebhe.info)
Çində artıq bir neçə gündür davam edən və mütəxəssislərin hələ də əlac tapa bilmədikləri koronovirusun yaratdığı fəsadlarla bağlı kifayət qədər ziddiyyətli məlumatlar yayılır.
Rəsmi məlumatlarda ölənlərin 81 nəfər, xəstəliyə yoluxanlarınsa 3 minə yaxın olduğu bildirilsə də, digər mənbələrdə və sosial şəbəkələrdə fərqli məlumatlar və daha böyük rəqəmlər səsləndirilir.
Artıq bir çox ölkələrin Çinlə nəqliyyat əlaqəsini kəsməsi, aviareyslərin dayandırılması, qonşu dövlətlərin bu ölkə ilə sərhədləri demək olar bağlaması, Çindən mal idxalına məhdudiyyət qoyulması və digər amillər epidemiyanın gerçək miqyası ilə bağlı tamamilə başqa təsəvvür yaradır.
Aşağıda təqdim etdiyimiz və Çinin sosial şəbəkələrindən götürülən məlumatlara əsaslanan videoda epidemiyanın mərkəzindəki durumla bağlı dəhşətli görüntülər yer alır və iddialar irəli sürülür.
Burada səsləndirilən məlumatlara görə, əslində olənlərin sayı 100 mini, xəstəliyə yoluxanların sayı isə 1 milyonu keçir. Bildirilir ki, xəstəliyin episentrinə yaxın ərazidə yaşayan 60 milyondan artıq insanın əyaləti tərk etməsinə qadağa qoyulub. İnsanların ərazini tərk etməsinin qarşısının alınması üçünsə hətta ordu hissələrindən istifadə olunduğu iddia edilir.
Əlbəttə ki, sosial şəbəkədə yayılan məlumatların tam həqiqətə uyğun olduğunu iddia etmək doğru olmaz. Lakin artıq virusun Çin sərhədlərini keçməsi, ABŞ, Hindistan və digər bir çox ölkələrdə qeydə alınması təhlükənin rəsmi məlumatlarda göstərilənlərdən daha böyük olmasından xəbər verir.
Xatırladaq ki, Rusiya Liberal Demokrat Partiyasının lideri Vladimir Jirinovski bu virusun Çinə kənardan, daha konkret desək, ABŞ tərəfindən ixrac olunduğunu iddia edib. Təqdim etdiyimiz videonun da sonunda bu virusun məqsədli şəkildə yayıldığı ehtimalı səsləndirilir. (azpolitika)
ABŞ Ali Məhkəməsi Donald Tramp administrasiyası tərəfindən “ABŞ-ın köməyindən asılı sayılanlar üçün qrin kart tətbiqetməsinin rədd edilməsi” qərarını qəbul edib.
Xarici KİV xəbərlərinə gorə, “Qrin kart” almaq prosesi əvvəlkli illərə nisbətdə daha çətin olacaq. Belə ki, ABŞ-da yaşamaq üçün “Qrin kart” almağa müraciət edənlər ABŞ dövlətinə yük olub-olmamalarının öyrənilməsi üçün maliyyə qiymətləndirməsindən keçəcəklər. Qərar ABŞ prezidenti Donald Trampın da təklifi ilə ABŞ Ali Məhkəməsi üzvlərinin səs verməsi nəticəsində qəbul edilib.
Digər tərəfdən, “Qrin kart” əvvəllər ABŞ-dan sağlamlıq, kirayə və qida yardımı alan və ya gələcəkdə almaları gözlənilən insanlara verilməyəcək “Qrin kart”la bağlı edilən müraciətlərin immiqrasiya xidməti rəsmiləri tərəfindən araşdırılacağı bildirilsə də, müraciət edənlərin maliyyə qiymətləndirməsinin necə aparılacağı barədə heç bir məlumat verilmir.
Trump, ölkəyə gələn immiqrantların 66 faizinin qohumları vasitəsi ilə, 22 faizinin isə “Qrin kart” alaraq gəlməyinin Amerika dəyərlərinə uyğun olmadığını deyib. ABŞ prezidenti eyni zamanda “Qrin kart”la ABŞ-a gələn immiqrantların əksəriyyətinin az maaşlı və aşağı ixtisaslı işçilər olduğunu söyləyib. Onların arasında qanunsuz işlərlə məşğul olanların çoxluğunu vurğulayaraq bu üsulla ölkəyə gələnlər arasında cinayətkarların da artdığını qeyd edib. (modern.az)