 |
 |
Komissiyanın üzvü: “Sərəncam olarsa, təbii ki, çox yaxşı olar…”
Ötən ilin avqustunda əfv sərəncamının verilməsi bu il də ənənənin davam etdiriləcəyinə ümid yaradıb. Avqustun sonunda əfv sərəncamının veriləcəyi haqda müzakirələr aparılır.
1994-cü ildən indiyədək imzalanmış 46 əfv sərəncamı ilə 5 min nəfərdən artıq şəxs cəzadan azad edilib. Sərəncamların 14-ü İlham Əliyev, 32-si isə mərhum prezident Heydər Əliyev tərəfindən imzalanıb. İndiyədək imzalanan 8 amnistiya aktı 40 min məhkuma şamil olunub. Sonuncu dəfə əfv sərəncamı bu ilin martında verilib, azadlığa çıxanların siyahısı kifayət qədər geniş olub. Məhbəsdən azad edilənlərin arasında siyasilər də az deyildi.
Azad olunan şəxslər sırasında müxtəlif beynəlxalq təşkilatların siyasi məhbus kimi tanıdığı 50-dən çox şəxs olub. Avropa İttifaqının alqışladığı bu qərar ən böyük əfv sərəncamı kimi qiymətləndirilib. Hazırda hüquq müdafiə təşkilatının siyasi məhbus kimi tanıdığı AXCP sədrinin müavini Seymur Həzi, Asif Yusifli, jurnalist Əfqan Muxtarlı, Saleh Rüstəmov, Səid Dadaşbəyli, vəkil Əliabbas Rüstəmov həbsdədirlər. İctimaiyyətdə belə bir fikirlər var ki, bu ilin avqustunda növbəti əfv sərəncamı imzalanacaq. Ekspertlər bildirirlər ki, siyasilərin azadlığa buraxılması daha məqsədəuyğundur.
Hər zaman əfv sərəncamından öncə Əfv Komissiyasının tez-tez iclasları keçirilir. Həmin iclaslarda məhbusların ərizələrinə baxılır və siyahı hazırlanır. Adətən bu iclaslar keçirildikdə ictimaiyyətə açıqlama verilir və nə qədər məhbusun ərizəsinə baxılması ilə bağlı məlumat yayılır. Sonuncu əfv sərəncamı ərəfəsində də Əfv Komissiyasının iclasları barəsində mətbuatda tez-tez informasiyalar yayılırdı. Lakin hazırkı ərəfədə belə bir məlumatlara rast gəlinmir…
Milli Məclisin deputatı, prezident yanında Əfv Məsələləri Komissiyasının üzvü Çingiz Qənizadə “Yeni Müsavat”a deyib ki, əfv sərəncamının verilməsi prezidentin səlahiyyətinə aiddir: “Düzdür, ötən il belə bir sərəncam verildi. Bu ilin martında da Novruz bayramı ilə bağlı daha bir sərəncam imzalandı. Ancaq son olaraq böyük əfvin olduğunu nəzərə alaraq hesab edirəm ki, avqust ayında əfv olmaya bilər. Olarsa, təbii ki, bu, çox yaxşı olar”.
Çingiz Qənizadə əfv məsələləri ilə məşğul olan işçi qrupuna üzv olan deputatların tətildə olduqlarını da nəzərə çatdırdı.
Hüquq müdafiəçisi Səidə Qocamanlı da “Yeni Müsavat”a bildirdi ki, ötən əfv sərəncamının imzalanmasından çox az zaman keçib. Ona görə də yenidən əfvin olacağını gözləmir: “Martda böyük siyahını əhatə edən əfv sərəncamı verildi. Ötən ilin avqust ayında da əfv sərəncamı verilib. Amma bu ilin martında ayrı-ayrı şəxslərin məhkəmə qərarı və ya şərti cəza ilə azadlığa buraxılması halları ola bilər”.
<iframe src="https://baku.ws/video2/v.php?v=1278744" width="640" height="360"></iframe>
Ekologiya və Təbii Sərvətlər Nazirliyinin əməkdaşları Xəzər dənizinin Bakı,Sumqayıt, şimal və cənubsahil zolağında fəaliyyət göstərən ictimai-iaşə obyektlərində tullantı sularının idarə olunması vəziyyəti ilə bağlı növbəti reydlər keçirib və bundan əvvəl verilən məcburi göstərişlərin icra vəziyyəti yoxlayıb.
“Report”un məlumatına görə, Nazirliyin Mətbuat xidmətinin rəhbəri İradə İbrahimov jurnalistlərə açıqlamasında bildirib ki, reydlər zamanı Xaçmaz rayonu ərazisində fəaliyyət göstərən “Palma”, “Riverin”, “Ober Lyuks”, “El Faro”, “Təhsil”, “Atlant” istirahət mərkəzlərində su təmizləyici qurğuların quraşdırıldığı, Sumqayıtda fəaliyyət göstərən “Dostluq”, “Caspian Breeze”, “Şərur”, “Amore”, “Nicat”, “Freqat”, “Regnum”, “Röya”, “Turan”, “Təndir”, “Qala” istirahət mərkəzlərinin çirkab sularının mərkəzi kanalizasiya şəbəkəsinə qoşulduğu müəyyən olunub.
Xaçmaz rayonundakı “Çıraqqala”, “Jalə”, Sumqayıt şəhərindəki “Duyğu”, “Liman”, “Atlantida”, “Flaqman”, “Narınqala”, Balıqçı”, “Alma”, “Neptun, “Antalya”, “Qala”, Bakı şəhərindəki “Mirvari”, “Riyad park”, “Caspian Beach”, “1001 gecə”, “Eldarado”, “Dostluq”, “Aquapark” istirahət mərkəzlərinə bir müddət əvvəl verilən “məcburi göstəriş”lərin tələbləri icra edilmədiyi üçün onların fəaliyyətlərinin dayandırılması ilə bağlı məhkəmə qarşısında vəsadət qaldırılıb.
Reydlər zamanıNabranda fəaliyyət göstərən “Lotos”, “Ulduz”,Sumqayıtda “Katamaran”, “Sahil”, “Diana”, Bakıda “Bizim sahil”, “Xəzər”, “Türkan”, “Simurq”, “Voyage”, “Qala”və “Antalya” istirahət mərkəzlərində, Lənkəran-Astara zonasında isə “Dağlar oğlu”, “Həsirli”, “Su pərisi”, “Panorama” ictimai-iaşə obyektlərində də formalaşan tullantı sularının təmizlənmədən dənizə axıdıldığı aşkar edilib və cavabdeh şəxslər barəsində akttərtib olunub.Formalaşan tullantı sularının təmizlənməsi üçün sözügedən obyektlərin sahiblərinə icrası məcburi olan “məcburi göstəriş”lər verilib.
Nazirlər Kabineti “Azərsu” Açıq Səhmdar Cəmiyyətinin strukturu ilə bağlı bəzi məsələlər barədə” qərar verib.
Qərara əsasən, “Azərsu” ASC-nin tabeliyində, “Azərsu” ASC-nin “Birləşmiş Sukanal” Məhdud Məsuliyyətli Cəmiyyətinin Xaçmaz, Quba, Qusar, Şabran, Siyəzən və Xızı sukanal idarələrinin bazasında 1 №-li, Şamaxı, Ağsu, Ucar, Zərdab, Kürdəmir və Qobustan sukanal idarələrinin bazasında 2 №-li, Cəlilabad, Masallı, Yardımlı, Lerik, Lənkəran və Astara sukanal idarələrinin bazasında 3 №-li, İmişli, Saatlı, Sabirabad, Biləsuvar, Neftçala, Hacıqabul, Salyan və Cəbrayıl sukanal idarələrinin bazasında 4 №-li, Bərdə, Ağdam, Tərtər, Ağcabədi, Laçın, Beyləqan, Füzuli və Xocavənd sukanal idarələrinin bazasında 5 №-li, Balakən, Zaqatala, Qax, Oğuz, Qəbələ və İsmayıllı sukanal idarələrinin bazasında 6 №-li, Yevlax, Göygöl, Samux, Naftalan, Goranboy, Kəlbəcər, Xocalı və Daşkəsən sukanal idarələrinin bazasında 7 №-li və Şəmkir, Gədəbəy, Tovuz, Ağstafa və Qazax sukanal idarələrinin bazasında 8 №-li regional sukanal idarələri yaradılıb.
“Azərsu” ASC-nin İstehsalat-Texniki Komplektləşdirmə İdarəsinin adı dəyişdirilərək “Anbar Təsərrüfatı İdarəsi” adlandırılıb. Eyni zamanda “Azərsu” ASC-nin “Birləşmiş Sukanal” MMC onun tərkibində hüquqi şəxslər kimi fəaliyyət göstərən “Göyçay Sukanal” TSC və “Ağdaş Sukanal” TSC-nin ona qoşulmaları şəklində yenidən təşkil ediləcək. “Azərsu” ASC-nin “Birləşmiş Sukanal MMC hüquq varisliyi qaydasında ona qoşulan “Göyçay Sukanal” TSC-nin və “Ağdaş Sukanal” TSC-nin bütün hüquq və öhdəliklərini öz üzərinə götürəcək. “Göyçay Sukanal” TSC-nin və “Ağdaş Sukanal” TSC-nin “Birləşmiş Sukanal” MMCyə qoşulmaları ilə bağlı təhvil aktlarının təsdiq edilməsi səlahiyyəti “Azərsu” ASC-nin sədrinə verilib.
“Birləşmiş Sukanal” MMC-nin nizamnamə kapitalı “Göyçay Sukanal” TSCnin və “Ağdaş Sukanal” TSC-nin nizamnamə kapitalları miqdarında artırılacaq.
İsti havada avtomobildə kondisionerin olması komfortun əsas şərtidir.
Lakin maşında olan kondisionerdən düzgün istifadə etmək lazımdır ki, bu xəstəliyə səbəb olmasın. Həkimlər qeyd edirlər ki, yayda məhz maşında kondisionerlərin olmasına görə angina, faringit və hətta bronxit və pnevmoniyanın halları artır.
Bunun qarşısını almaq üçün ilk növbədə ətraf mühitlə maşının salonunda olan hava temperaturunun fərqi 10 dərəcədən çox olmamalıdır. İnsan maşından düşəndə və yenidən maşına minəndə temperatur fərqi onun sağlamlığına mənfi təsir edir, immun sisteminin zəifləməsinə gətirib çıxardır. Bu gün ərzində dəfələrlə təkrarlanırsa respirator xəstəliklərinin riski də artır.
Bundan əlavə hərarət fərqi ürək tutmasına səbəb ola bilər. Bu ürək xəstəlikləri olanlarda, yaşlı insanlarda xüsusilə tez-tez baş verir.
Soyuq hava axınını üz və ayaqlara istiqamətləndirməyin, bu da xəstəliyin riskini artırır.
Saglamolun.az bildirir ki, maşında olan kondisionerin filtrləri vaxtı-vaxtında təmizlənməlidir. Bu filtrlərdə çoxlu mikroblar yığılır və sonra hava axını ilə insanın nəfəs yollarına düşür.
Maşında kondisionerin olmasının komfortdan əlavə digər faydası da var. Araşdırmalar göstərir ki, maşında kondisionerin olmaması isti havada qəzaların riskini xeyli artırır. Məsələ burasındadır ki, çox isti hava insanın mərkəzi sinir sisteminə mənfi təsir edir – diqqət azalır, insan çətin vəziyyətdə daha gec reaksiya verir ki, bu da nəticədə qəzaların artmasına səbəb olur.
Alman alimlərinin araşdırmalarına görə, maşın salonunda temperaturun 32 C qədər yüksəlməsi qəzaların riskini 15%, 37 C qədər yüksəlməsi isə 35% qədər artırır.
“Ortada “villası yarımçıq qalıb” söhbəti olub. Biz villa tikdirənik?!”
Bir müddət öncə Bakıda plastik əməliyyatdan sonra həyatını itirən Sona Gürgün Vəliyevanın vəkili hadisə ilə əlaqədar plastik-estetik cərrah Sirus Qoçqanini günahlandırır. O, həkimi mənəvi zərəri pul vasitəsilə ödəməməkdə ittiham edir. Sirus Qoçqani isə deyilənlərlə razılaşmır və ölüm hadisəsinə görə, təqsirinin olmadığını bildirir. Həkim qanun çərçivəsində məsələnin araşdırılmasını istəyir. Hər iki tərəf qarşılıqlı olaraq bir-birilərini ittiham edir.
Minval.info-ya müraciət edən vəkil Samir Zeynalov plastik-estetik cərrahın uğursuz əməliyyatlar həyata keçirdiyini iddia edir. Onun sözlərinə görə, iki uşağı anasız qoyan, respublikanı yeganə ixtisas baxımından həkimsiz qoyan Dr. Sirus Qoçqani hadisənin mənəvi zərərini pul vasitəsilə qarşılamaq məqsədilə mərhumə Sona Gürgün Vəliyevanın ailə üzvləri ilə görüşüb:
“Lakin səhlənkarlığa yol verdiyini bu addımı ilə təsdiq edən həkimin təklifi ağlabatan olmayıb. Sirus Qoçqani yol verdiyi həkim səhvi nəticəsində ailəyə dəymiş maddi ziyanı hər aya düşən sabit pul məbləği ilə kredit formatında fiksasiya etmək istəyib. Bu görüşlərdən sonra isə bir daha Sirus Qoçqanidən xəbər almaq mümkün olmayıb. Görünən odur ki, adı çəkilən həkim istər peşə, istərsə də digər xarakterli hərəkətlərinə birmənalı olaraq cavabdeh deyil”.
Vəkil iddia edir ki, plastik-estetik cərrahın həm köməkçisi, həm də həyat yoldaşı olan Könül xanım Sona Gürgünə əməliyyatdan bir müddət öncə liposaksiya əməliyyatı üçün nəzərdə tutulmuş yeni aparatın heç bir həyati risk yaratmadığını söyləyib: “Bu aparatla emboliyanın baş vermədiyini, əməliyyatın bu baxımdan tamamilə təhlükəsiz olacağını və hər şeyin uğurla nəticələnəcəyini bildirməklə sonuncuda əminlik hissi yaradıblar. Bu barədə əldə edilən səs yazıları belə deməyə əsasən bizə əsas verir. Həkim Sirus Qoçqanin barəsində analoji uğursuz əməliyyatlarının bir daha gerçəkləşməməsi üçün cinayət hüququ qaydasında Bakı Şəhər Prokurorluğuna müraciət ediləcək”.
Mövzuyla əlaqədar minval.info-ya açıqlama verən Siruz Qoçqani ittihamlarla razı olmadığını dilə gətirib:
“Nə əsasla bizi günahlandırırlar? Bununla bağlı dövlət orqanları – Səhiyyə Nazirliyi, prokurorluq var. Kimsə gəlib günahlandırırsa, bu, artıq olmaz. İkincisi, rəhmətə gedən tərəfə bildirdik ki, əgər bizi günahkar hesab edirsinizsə, meyiti morqa verin, ekspertiza təyin olunsun, araşdırılma aparılsın. Mən şəxsən özüm xahiş etdim ki, bunun səbəbin tapsınlar. Bizlik heç bir problem yoxdur. Söylədim ki, ərizə də yazın, qanun çərçivəsində hər işləri görsünlər. Burada məmin heç bir günahım olmayıb, əzizim. Nə ediblərsə, özləri ediblər”.
Plastik-estetik cərrah bildirir ki, onun yanına gələrək 150 min dollar pul istəyiblər: “Hansı əsasla? O zaman da dedim, nə narazılıqları varsa, şikayətlərini etsinlər. Qanuni olaraq, mənim barədə nə rəy yazsalar, bunu qəbul edirəm. Demişdim ki, insani cəhətdən kömək edə bilərəm. Mən xarici vətəndaşam, problem olarsa, dərhal deport edərlər. Bunu kimsə nə pulla, nə də ki, dost-tanışla yuya bilər. Dayağım da, “day-dayım” da yoxdur. Bir neçə ölüm hadisəsi ilə bağlı adım hallandı, bu da müvafiq qurumlar tərəfindən araşdırıldı və hüquqi qiymət verildi. Mən işimi düzgün aparıram. Sözügedən aparata gəldikdə isə bununla bir çox əməliyyatlar həyata keçirilib və heç bir problem olmayıb”.
Məsələ ilə bağlı həkimin həyat yoldaşı və assistenti Könül xanım da minval.info-ya açıqlama verib:
“Qarşı tərəf şikayətçiydisə, nəyə görə ərizə yazmadılar?! Bizi davamlı zənglərlə görüşə dəvət edirdilər. Hansısa restoranın həyətinə çağırıb, qarşımıza pul tələb qoyublar. Bu nə deməkdir? Adam ölənə görə, susur, dinmir. Ortada “villası yarımçıq qalıb” söhbəti olub. Biz villa tikdirənik? “Mənimlə yazışması var” deyirlər, onu ortaya çıxarsınlar. Biz yaslara gedirdik. Əvvəlcə doktorun adını çəkdilər. Dedik ki, yazıları göstərsinlər. Əllərində heç bir sübut olmadı. Daha sonra anestezioloqun adını çəkdilər. Başqa sözlər danışdılar, etik olmadığı üçün söyləmək istəmirəm. İndi isə mənim adımı çəkirlər. Biz özümüz məhkəməyə müraciət edəcəyik. Telefonumda belə, o xanımın nömrəsi yoxdur. Amma onların göndərdiyi “pulu verin” səs yazıları telefondadır. Bizim onlara verəcəyimiz bir qəpik də yoxdur. Ən azından ölənə hörmət etsinlər, ayıbdır. Onlar etmirlərsə, biz də hər şeyi açıb ortalığa qoyacağıq”.
Xatırladaq ki, mərhumə Sona Gürgün Vəliyeva Səhiyyə Nazirliyi Elmi-Təhqiqat Ağciyər Xəstəlikləri İnstitutunun həkimi olub.
Samir Mirzə
İki il əvvəl Nazirlər Kabinetinin orta ixtisas təhsili müəssisələri şəbəkəsinin optimallaşdırılması məqsədilə verdiyi qərara əsasən, bu müəssisələrdə təkrarlanmanın aradan qaldırılması, idarəetmənin, maliyyələşdirmənin, kadr hazırlığının səmərəsinin və keyfiyyətinin yüksəldilməsi məqsədi ilə bir neçə kollec bir-birinə, o cümlədən, Bakı Sosial Pedaqoji Kolleci Bakı Humanitar Kollecinə birləşdirildi. Bu proses bəzi assosiasiyalarla, eləcə də ixtisar olunan kadrların etirazı ilə müşayiət olundu. Amma nə dəyişsə də, əvvəllər Bakı Sosial Pedaqoji Kollecinə, sonradan isə birləşmiş müəssisəyə — Bakı Humanitar Kollecinə rəhbərlik edən Vaqif Əmiraslanovun korrupsiyaya əsaslanan iş metodu dəyişmədi ki, dəyişmədi. Bu günlərdə Bakı Humanitar Kollecinin qiyabi şöbəsində təhsil alan I kurs tələbələrindən birinin valideyni redaksiyamıza müraciət edərək bu təhsil müəssisəsində tüğyan edən rüşvətxorluqdan gileylənmişdir. Övladının adının açıqlanmasını hələlik istəməyən valideyn Təranə xanım bildirir ki, qızı imtahana hazırlaşsa da, qiyabi şöbənin müdiri Günel müəllimə ilə kollecin tədris işləri üzrə direktor müavini Nərgiz Mustafayeva birləşərək, ondan rüşvət tələb edir, «gözümçıxdıya salırlar». Valideynin sözlərinə görə, adları çəkilən müəllimlər həmin tələbin direktor Vaqif Əmiraslanovdan gəldiyini, yaxşı oxuyub-oxumamasından, imtahana necə hazırlaşmasından asılı olmayaraq, bütün tələbələr qarşısında qoyulduğunu bildiriblər. Ölkə ictimaiyyətinə bəllidir ki, Bakı Humanitar Kollecinin direktoru Vaqif Əmiraslanov akademik, millət vəkili Əhliman Əmiraslanovun qardaşıdır. Vaqif müəllim indiyə kimi görkəmli alimin himayəsindən geninə-boluna istifadə edib. Amma görünür, qardaşının nüfuzunu xərcləyib tükədən Vaqif Əmiraslanov daha Böyük Dayağa ehtiyac duyub. Təsadüf onu çox axtarmağa qoymayıb. Etibarlı mənbədən aldığımız məlumata görə, kollecin əsas korpusunu ölkənin ikinci hakim ailəsi sayılan Paşayevlərə məxsus bir şirkət alıb. Korpusun binası dövlətə məxsus olsa da, Vaqif Əmiraslanov «cınqırını çıxartmadığına» görə Paşayevlərin qarşısında bir növ siyasi devident qazanıb və məhrəm məclislərdə bununla öyünməkdən də utanmır. Onun bu mübhəm sükutu tələbələri didərgin salıb və gənclər «İdrak» liseyinin köhnə binasına sığınmağa, birtəhər uyğunlaşmağa məcbur olublar. Təsəvvür edin, liseyin-şagirdlərin bəyənmədiyi binaya kollec-tələbələr yerləşdiriliblər. Bu, tənəzzül deyilmi? Ardından süqutun gəlişini istəmiriksə, təcili və təxirəsalınmaz tədbir görmək — Vaqif Əmiraslanovla vidalaşmaq lazımdır \\deryaz.az\\
Son zamanlar “Azərpoçt”un yerlərdəki poçt şöbələrinin yerləşdiyi əmlaklar özəlləşdirilərək satılır və şöbələrin əvvəllər hətta 500-600 kv.metr olan əraziləri 40 kv.metrə endirilir.
“Kommersant.az” xəbər verir ki, sonuncu dəfə belə bir “əməliyyat” «Azərpoçt» MMC-nin paytaxtdakı 2 saylı filialının 138 saylı poçt şöbəsində həyata keçirilib:
““Azərpoçt”un təkcə Bakı şəhərində 100-dən artıq şöbəsi fəaliyyət göstərir. Sovet dövründə əksər binaların birinci mərtəbəsini başdan-başa əhatə edən poçt şöbələrinin çoxunun ərazisi ya satılıb, ya da kiçildilərək balaca bir otağa çevrilib. Məsələn, “İnşaatçılar” metrosunun yaxınlığında yerləşən 138 saylı Poçt Şöbəsinin də sahəsi satılıb. Şöbəyə əvvəlcə ATS-in binasında, sonra isə yeni açılan “Şəbəkə” xidmət mərkəzində yer verməklə kifayətləniblər”.
Qeyd edilir ki, həmin şöbənin yerləşdiyi əmlak “Azərpoçt”un rəhbərliyi tərəfindən satılıb: “100 kv.metrdən çox sahəsi olan poçt şöbəsi “Azərpoçt” rəhbərliyi tərəfindən 650 min manata satılıb. Ən maraqlısı odur ki, “Azərpoçt”un baş direktoru poçt şöbələrini satır, sonra da yeni sahibindən baha qiymətə icarəyə götürür…”
Mənbə qurumun rəhbəri Emin Əfəndiyevin hətta nazirlə də hesablaşmadığını iddia edir: “Maraqlı məqamlardan biri odur ki, baş direktor ya özü həddindən artıq sərbəst adamdır, ya da onun üçün bu cür sərbəstliyi yaradanlar var. Çünki o, hətta nazir Ramin Quluzadənin belə sözünə məhəl qoymur…”
Bakının Nəsimi rayonu, Dilarə Əliyeva küçəsi (“Azərbaycan Dəmir Yolları” QSC-nin inzibati binasının yaxınlığında yerləşən parkın ərazisində səkini çayxanaya çeviriblər.
Demokrat.az xəbər verir ki, bu barədə ərazidə yaşayan sakinlər etiraz ediblər.
Sakinlər deyir ki, müvafiq dövlət qurumlarının vəzifəli şəxsləri vətəndaşların istirahəti üçün nəzərdə tutulmuş parkda qanunsuz biznes obyektləri açıblar. Bunun nəticəsində isə insanların səkidən istifadəsi əngəllənib.
“Yaşıllığı qorumurlar, qoruyanda da amansızcasına istifadə edirlər. Səkini çayxanaya çeviriblər, bizneslə məşğuldurlar, insanların səkidən istifadəsi əngəllənib. Günortadan sonra oradan keçmək mümkün olmur. Biz sakinlərin narazılığına məhəl qoyan yoxdur. Bu işdən Nəsimi Rayon İcra Hakimiyyətinin başçısı Asif Əsgərovun xəbərinin olmaması mümkün deyil. Yəqin ki, həmin biznes obyektləri icra başçısının razılığı ilə açılıb”.
Ərazidən çəkilmiş fotonu təqdim edirik (Ekofakt).
Son bir neçə aydır ki, əksər mətbu qurumlarda “Broker” MMC-nin rəhbəri Əbülfəz Məlikovun ümumi büdcəmizə vurduğu zərbələrlə, gömrük sahəsində yaratmış olduğu inhisarçılıqla, qanuni fəaliyyət göstərməyə çalışan sahibkarların “dərisinə soyması”, ölkəmizə sayı-hesabı bilinməyən çəkidə palma yağlarını gətirməsi və s. haqda silsilə tənqidi açıqlamalar dərc olunmaqdadır. Məsələnin düşündürücü tərəfi odur ki, bu şəxsin atdığı belə bir addımlarla bağlı bugünə kimi aidiyyəti dövlət qurumları lazımınca məlumatlandırılsalar da, nədənsə adı çəkilən şəxsə qarşı hələ də bir kimsə “qaşın üstə qara var” demir, yaxud da deməyi bacarmır. Belə bir yanaşmanın varlığı onu sübut edir ki, deməli Əbülfəz Məlikovun arxasında duran “gözərünməz güclər” hal-hazırda adı çəkilən bu şəxsin kölgə iqtisadiyyatımıza “bəxş etdiyi töhfələri” razılıqla qarşılamaqdadırlar.
İntertv.az xəbər verir ki, Onu da unutmaq olmaz ki, cənab Prezident gömrük sahəsində baş verən hər cür əyintilərə, ümumilikdə kölgə iqtisadiyyatını əmələ gətirən bir çox amillərə qarşı davamlı mübarizə tədbirləri aparmasına baxmayaraq, bu gün də “Broker Əbülfəz” təxəllüslü monopolist ənənəvi qaydalarla işləmək iradəsini ortaya qoymaqdadır. İntertv.az-ın əldə etdiyi məlumatlara görə, bu şəxs Abşeron və Ələt Beynəlxalq Dəniz Limanının “Loqistika Mərkəzi”ni yenə də öz nəzarətində saxlamaqda davam edir. Belə bir halın varlığı da, yüzlərlə brokerin zərbə altına düşməsi ilə nəticələnir. Məsələn, Əbülfəz Məlikov “Broker MMC”-də çalışan bəzi şəxslərin adlarına ilk əvvəl VÖEN açılmasına nail olur, sonra hansısa şirkətin gətirdiyi məhsullar brokerlərin adlarına yazılır, daha sonra isə onun nəzarəti altında gömrükdə rəsmiləşdirilir. Belə bir haqq-hesabların qarşılığında o, hər brokerə cüzi məbləğdə faiz ödəsə də, onların adlarına rəsmləşdirililib idxal olunan məhsullara görə heç bir vergi ödəmirmiş. Müəyyən çevrələrdə dolaşan söz-söhbətlərə görə, bu şəxs sabiq vergi naziri Fazil Məmmədovun dövründə vergi əməkdaşları ilə asanlıqla “dil tapıb” “ödənişləri” qeyri-rəsmi şəkildə həyata keçirməyi də bacarırmış.
Əldə etdiyimiz müəyyən məlumatlara görə, bu gün “Broker Əbülfəz” hər kəsin nəzər-diqqətində “odda yanmaz, suda batmaz” təsiri bağışlayır və əksəriyyət də o qənaətdədir ki, bu şəxsə bir kimsənin gücü çata bilməz. Çünki o, gah gömrük sahəsində, gah “Meyvəli” bazarında, gah da logistika mərkəzlərində müəyyən işlər qurur, “minbir əməliyyat”lar həyata keçirir. Əbülfəz Məlikovun tez-tez yerdəyişmələr etməsi də, məhz maraq doğuran məsələlərdən olur. Buna da səbəb, onun personanın diqqətini yayındırmaq və büdcədən gizlədilən milyonların izini itirmək məqsədi güdməsi olur.
İntertv.az xəbər verir ki, Onu da qeyd edək ki, bu şəxs əslən Şamaxı rayonundandır və ticarətə siqaret satışı ilə girişir və Azərbaycana ilk dəfə olaraq “qara yollar”la siqaretlərin gətirilməsi işini də düzüb qoşa bilir. Bu sahədə hədsiz iş bacarığı olan Əbülfəz Məlikov, çox keçmir ki, ilk əvvəl Azərbaycandan olan böyük iş adamları ilə, hətta İrandan Azərbaycana ayaq açan biznesmenlərlə də iş qura bilir. Bu şəxsin adı indiyə kimi mediada şübhəli və kriminal əməllərdə də hallanıb. O, öz həyat bioqrafiyasını nə qədər gizli saxlamağa çalışsa da, həyatının xronologiyası haqda məlumatlar zaman-zaman mediaya çatdırılıb və bu yöndə müəyyən məlumatlar da dərc olunub. Dərc olunan məlumatlarda qeyd olunub ki, Əbülfəz Məlikov böyük biznesə müəmmalı bioqrafiyası olan iranlı şəriki Əhəd ağa vasitəsi ilə girişir. Yəni, Əhəd ağa vaxtilə Bakı Dəmir Yolu Vağzalında xırda ticarətlə məşğul olan bu şəxsin qüdrətli monopolistə çevrilməsində əsas rol oynayır. Bir sözlə, “Broker” MMC rəhbərinin, məhz bu şəxsin himayəsi ilə qısa müddət ərzində xırdavat satandan milyarderə çevrildiyi söylənilir. Bütün bunlardan əlavə, ayrı-ayrı KİV-də dərc olunan məqalələrdə hər iki şəxsin adı İran kəşfiyyatı ilə işbirliyində hallandırılıb və bu yöndə bəzi məlumatlar da dərc olunub. Əbülfəz Məlikovun “Royalbank” vasitəsi ilə İranda çirkli pulların yuyulmasında fəal iştirak etməsi haqda, müəyyən çevrələrdə bəzi məlumatlar da dolaşmaqdadır. Ehtimal etmək olar ki, o, ilkin kapitalını çirkli pulların yuyulması vasitəsilə əldə edib.
Bəzi mənbələrdən İntertv.az-a sızdırılan məlumatlara görə Əbülfəz Məlikov yenidən “dirilib” və gömrük əməliyyatlarında əvvəlki kimi olmasa belə, bu gün müəyyən addımlarını atmaqda davam edir. Məsələn, əgər bu şəxs son vaxtlara kimi şəxsi biznesini idarə etməklə məşğul olurdusa, bu gün yenidən brokerlik fəaliyyəti ilə məşğul olmağa başlayıb. Yəni, bu şəxs bəzi mal və məhsulların, ələlxüsus ərzaq və dərman preparatlarının, sement və digər tikinti materiallarının ölkəyə keçirilməsində xüsusi rol oynamaqdadır. Bu şəxs bir vaxtlar ölkəmizə gətirilən bir sıra ərzaq məhsullarının, avtomobil ehtiyat hissələrinin, tikinti materiallarının, hətta təkərlərin monopoliyasını böyük həcmdə “Broker” MMC, bəzi hallarda isə “Trans Broker” MMC şirkəti vasitəsilə həyata keçirirdisə, bu gün əvvəlki addımlarını ata bilməsə də, əvvəlki işlərinin müəyyən qismini həyata keçirə bilir. Adı çəkilən bu şəxslə bağlı səslənən iddialardan biri də, Əbülfəz Məlikovun pambıq tarlalarında çoxsaylı zəhərlənmələrə səbəb olmuş saxta gübrələri ölkəyə gətirilməklə milyonlar əldə etməsidir. Bundan əlavə, bu şəxsin kifayət qədər gəlirli biznes sahəsi hesab olunan dekorativ ağac və gül kollarını ölkəyə gətirməklə, böyük payçılardan birinə çevrilməsi haqda da, müəyyən çevrələrdə söz-söhbətlər dolaşmaqdadır.
Bir media qurumu olaraq tərəfimizdən apardığımız araşdırmalar zamanı onu da müəyyən edə bildik ki, sən demə illər öncədən başlayaraq Əbülfəz Məlikovu DGK-də yüksək çinli vəzifə sahibləri ilə bağlayan sıx tellər olub. Belə bir bağlılığın nəticəsi olaraq, bu gün də ölkəmizdə aksiz siqaret biznesinin bu şəxsə həvalə olunduğu söylənilir. Hal-hazırda “qara bazar”da aksız markası olmayan siqaretlərin kütləvi satışı həyata keçirilir. Belə bir halın varlığı da, səslənən iddiaların əsaslı olduğunu sübut etmiş olur.
Bu gün ortaya çoxsaylı suallar çıxır. Görəsən Əbülfəz Məlikovun ölkəmizdə yenidən monopoliya yaratmasına kimlər “yaşıl işıq” yandırır? Məsələn, İntertv.az olaraq əldə etdiyimiz müəyyən məlumatlara görə, bir neçə gün bundan əvvəl ayrı-ayrı sahibkarların Gürcüstan Respublikası ərazisindən ölkəmizə idxal etdikləri mallar sərhəddə saxlatdırılır və onlar olmazın olaylarla da üz-üzə qalırlar. Yəni, bu məsələdə Məlikovun böyük rolunun olduğu bildirilir və o, sahbkarları əvvəlki şərtlər əsasında işləməyə məcbur etdirmək istəyir. Müəyyən məlumatlara görə, bu şəxs və ona bağlı olanlar “Əbülfəz Karqo” adlı şirkət təsis ediblər və buna bəzi məmurlar şərait də yaradıblar. Belə bir addımları atmaqda onların məqsədi, sanki 15 il bundan əvvəlki vəziyyəti bərpa etmək, ölkəni yenidən pis vəziyyətə salmaqdır. Elə ki, rəhbərlik dəyişdirildi və 2016-cı ilin yanvar ayından gömrük sahəsində yaradılmış monopoliyalara son qoyuldu və həmin vaxtlardan sonrakı dövrlərdə Səfər Mehdiyev etdiyi çıxışlarının birində “artıq büdcəmizə 1 milyard xeyir verə bilmişik” dedi. Bu belə olmalı olduğu halda, 15 il ölkəmizi monopoliyada saxlamaqla büdcəmizi viran edən Əbülfəz Məlikov, bu gün yenidən öz çirkin məqsədlərini həyata keçirmək istəyindədir.