 |
 |
“Türkiye gazetesi”nin yazarı Fuad Uğur 2016-cı il iyulun 15-də Türkiyədə hərbi çevrilişə cəhdi təşkil etməkdə ittiham olunan FETÖ lideri Fətullah Gülənin intihara cəhd etməsi ilə bağlı məlumat yayıb.
Müəllif “Fətullah Gülən niyə intihara cəhd etdi?” başlıqlı yazısında Gülənə aid olduğunu iddia etdiyi əl şəklinə də yer verib.
Onun sözlərinə görə, FETÖ-də Güləndən sonra ikinci şəxs olan, təşkilatın ABŞ-dakı kəşfiyyatının rəhbəri Mustafa Özcan onun tapşırıqlarına məhəl qoymayıb, buna görə də tərəflər Ramazan ayından öncə ciddi mübahisə ediblər: “Fətullah Gülən hər şeyin əlindən gedəcəyindən qorxaraq son oyununu oynamaq qərarına gəlib. O, öz ölümünün təşkilatın dağılması mənasına gəldiyini çox yaxşı bildiyindən Mustafa Özcanı özünü öldürməklə şantaj edib. Gülən bunu daha öncə də etdiyindən Özcan onun sözlərini ciddi qəbul etməyib.”.
Daha əvvəl FETÖ-də mühüm səlahiyyətləri icra etmiş Ümid Akdemirin verdiyi məlumatları yazısında qeyd edən F.Uğur Gülənin çoxlu sayda dərman içdiyini ehtimal edir:
“Lakin əldə etdiyim sonuncu məlumat inanılmazdır. Fətullah Gülən dediyini edib və intihara cəhd edib, son anda xilas edilib. Ümitə göndərilən aşağıdakı foto intihardan qurtarılan Fətullahın əlidir. Onun əlinə serum taxılıb və uzun müddət qaldığına görə göyərib.
Bəs Gülən intihara necə cəhd edib? Bu, onun inancına zidd deyilmi? Axı intihar etmək başqasını öldürməkdən daha ağır bir günahdır”.
Uğur yazısında qeyd edib ki, hadisədən müəyyən müddət sonra Gülənin Ramazan bayramı münasibətilə çıxışı yayımlanıb. Adətən 35-40 dəqiqə davam edən ənənəvi çıxışı bu dəfə 5-6 dəqiqə gedib. O, ağappaq paltarda efirə çıxıb.
Rusiyada fəaliyyət göstərən “Ford Sollers” və “UAZ” birgə müəssisəsinin baş direktoru Adil Şirinov “Aurus” avtomobilinin istehsalçısı “Aurus” Məhdud Məsuliyyətli Cəmiyyətinin (MMC) rəhbəri vəzifəsinə təyin edilib.
“Qafqazinfo” “TASS”a istinadən xəbər verir ki, o, iyunun 1-dən yeni vəzifəsini icra edir. Şirinov bu postda Herhard Hilqerti əvəzləyib. Hilqert 2018-ci ildən şirkətə rəhbərlik edib.
Adil Şirinovun əsas prioritet planı “Aurus” avtomobil seriyasının istehsalını təşkil etməkdir. 2021-ci ildən bu istehsal ildə 5000 avtomobil olmalıdır.
Qeyd edək ki, 1964-cü ildə Bakıda doğulan Adil Şirinov 1990-cı ildən etibarən Rusiyanın avtomobil sənayesində ən yaxşı mütəxəssislərdən biri hesab olunur.
Azərbaycanda məmurların böyük var-dövlətə sahib olmaları artıq kimsə üçün sirr deyil. Amma bəzi məmurlar var ki, onların sahib olduqları milyonlar deyil, milyardlarla ölçülür. Onların bu “fərasət”inə hətta Bill Qeyts belə həsəd apara bilər.
Araşdırmaçı jurnalist Cavanşir Həsənli bu dəfə keçmiş Vergilər Naziri Fazil Məmmədovun var-dövlətinin siyahısını təqdim edib. Son məlumata görə, Məmmədovun Almaniyadakı biznesi çöküb. Düsseldorfdakı klinikası bağlanıb, tikinti və daşınmaz əmlak şirkətləri bir-birinin ardınca qapadılır.
Keçmiş nazir faktiki olaraq Almaniyadakı 20 illik fəaliyyətinə son qoyub. Heç İngiltərərədəki işləri də o qədər uğurla getmir. Biznesdən demək olar ki, elə də anlayışı olmayan kürəkəni Əbdül Əliyev Avropada milyonları küləyə verib. İndi qalan bütün resurslarını yeni layihəyə yönəldib
Selcan Xatun Məmmədova – Əbdül Əliyev
Əbdül Əliyev iki il əvvəl Fazil Məmmədovun qızı Selcan Xatun Məmmədova ilə ailə qurub, faktiki olaraq bu evlilik ərəfəsində sabiq nazirin yeznəsi Avropada bir-birinin ardınca şirkətlərə sahib olmağa başlayıb. Əbdül Əliyevin atası Namiq Əliyev vergilər nazirinin müavini vəzifəsində çalışıb. Mətbuatın yazdığına görə Namiq Əliyev həm də Azərbaycan Silahlı Qüvvələrinin Baş Qərargah rəisi, general-polkovnik Nəcməddin Sadıkovla qudadır. Namiq Əliyev nazir müavini postuna təyin olunmamışdan əvvəl 1991-ci ildən Respublika Prokurorluğunda prokurorun köməkçisi və digər vəzifələrdə çalışıb.
Jurnalist Fazil Məmmədovun kürəkəninin İngiltərədəki biznesi haqda məlumat toplayıb. 1990-cı il təvəllüdlü Əbdül Əliyev Birləşmiş Krallıqda nə az-nə çox, 8 şirkət qeydiyyatdan keçirib və onlardan 6-sı hal-hazırda fəaliyyətdədir.
Namiq Əliyev
1. OPTIMET FINISHING LIMITED
Əbdül Əliyev nazirin qızı ilə toy hazırlığı ərəfəsində, 11 may 2017-ci il tarixdə Londonda qeydiyyatdan keçirib. Hazırda fəaliyyətdədir. Metalların işlənməsi və boyanması ilə məşğuldur. 4 Bank Court, Weldon Road, Loughborough, Leicestershire, United Kingdom ünvanında yerləşir. Ortaqları İngiltərə vətəndaşları, 1958-ci il təvəllüdlü Colin Rodney Keal və 1991-ci il təvəllüdlü Oliver Charles Keal-dır. Şirkət qeydiyyat nömrəsi 10764747-dir.
2. BRIDGE STREET RESTAURANT LIMITED
2017-ci ilin 27 yanvar tarixindən fəaliyyət göstərir. Adından bəlli olduöu kimi restoran biznesi ilə məşğuldur. Əbdül Əliyevin şəriki 1962-ci il doğumlu İngiltərə vətəndaşı James Murray STOREY-dir. Keçmiş nazirin restoran biznesindən qətiyyən anlayışı olmayan kürəkəni bütün sərmayəni öz üzərinə götürüb, James STOREY-i də özünə şərik edib ki, restoranı idarə etsin. Üstəlik 2017-ci ilin mayın 11-də Britaniyanın Barclays bankına müraciət edərək ordan kredit götürüb. Söhbət 208 min 803 funt sterlinqdən gedir. Cənab ingilis Əbdül Əliyevin restoranından başqa daha 6 restoran idarə edir, öz işinin ustasıdır, mütəxəssisdir, 1 il 7 ayın içində Əbdül Əliyevin atasının və qaynatasının vergidən yağmaladıqları hesabına restorana qoyduğu sərmayəni batırıb. 2018-ci ilin 13 avqustunda BRIDGE STREET RESTAURANT LIMITED şirkətini idarə edən CFS Restructuring LLP menecment şirkəti adından Andrew J Cordon və Richard Albert Brock Saville məhkəməyə iflasla bağlı müraciət veriblər. 12 fevral 2019-cu il tarixdə təqdim edilən maliyyə arayışına görə, şirkətin hazırda 1 milyon 384 min 526 funt sterlinq borcu yaranıb.
15 oktyabr 2018-ci ildə iflasla bağlı təqdim edilən arayışa görə Əbdül Əliyev şirkəti tam müflisləşməkdən xilas etmək üçün satıb. Halbuki 31 yanvar 2018-ci il tarixli maliyyə hesabatına görə restoranın həmin dövrə qədərki son 11 aylıq dövriyyəsi 1.44 milyon funt sterlinq təşkil edib. Lakin şirkətin xərcləri o qədər şişirdilib ki, nəticədə maliyyə ili 552 min funt sterlinqlə başa vurulub. Hətta bundan sonrakı 4 ay ərzində şrkətin dövriyyəsi artaraq 509 min funt sterlinq təşkil etsə də, xərclər hissəsi də artırılaraq 116 min funt sterlinq göstərilib.
Sabiq vergilər nazirinin kürəkəninin restoranı Randall Aubin adlanır və Londonda Soho, Brewer Street 14- 16 ünvanında yerləşir. İngilis-fransız şirkəti olub, 1911-ci ildən fəaliyyətdədir. 2017-ci ildə restoran Fazil Məmmədovun BUTA HOSPITALITY LEISURE LIMITED şirkəti vasitəsilə satın alınır və nazirin kürəkəninin digər şirkətinə – BRIDGE STREET RESTAURANT LIMITED-ə icarəyə verilir. Satış razılaşmasına əsasən Əbdül Əliyev restoranın tarixi adını saxlamalı olur. Restoran Əbdül Əliyevə 1.04 milyon funt sterlinqə başa gəlib. Bu qədər sərmayə və dövriyyəyə baxmayaraq şirkətin təqdim etdiyi iflas arayışında qeyd olunur ki, restoranın fəaliyyətinin davam etdirilməsi üçün vəsait yetərsizdir və əlavə mənbələr tapma imkanları yoxdur. Beləliklə Əbdül Əliyev BRIDGE STREET RESTAURANT LIMITED şirkətini və restoranı satmaq üçün John Pye Sohns Limited agent şirkətinə müraciət edib.
3. VERSO INVESTMENTS LIMITED
Sabiq nazirin kürəkəni bu şirkəti daha əvvəl, yəni 2016-cı ili dekabrın 6-da İngiltərə vətəndaşları Alexander KEAL və Oliver Charles KEAL-la birlikdə qeydiyyatdan keçiriblər. Qeydiyyat ünvanı 14-16 Brewer Street, London, şəhadətnamə nömrəsi 10512328-dir.
4. GROCR HOLDINGS LIMITED
Əbdül Əliyevin britaniyalı Oliver Kealla birlikdə bu şirkəti 2015-ci ilin 19 mayında 09598165 saylı şəhadətnamə ilə qeydiyyatdan keçirib. Qeydiyyat ünvanı Manchester, Knott Mill, Jordan Street 2 göstərilir. Şirkət ərzaq, içki və tütün məmulatlarının satışı ilə məşğul olub. 2017-ci il 31 may tarixinə aid sənədlərdə şirkətin sərmayə fondunun 106.112 funt sterlinq olduğu qeyd edilib.
Bu il aprelin 30-da şirkətin ləğv edilməsi ilə bağlı rəsmi müraciət olunub.
Yeri gəlmişkən bu şirkət açılarakən sənədlərdə Əbdül Əliyevin qeydiyyat ünvanı Bolsover street 50 göstərilib. Bu ünvanda üçotaqlı evlərin qiyməti 2 milyon funt sterlin civarındadır.
5. BUTA HOSPITALITY LEISURE LIMITED
Fazil Məmmədovun kürəkəninin və İngiltərə vətəndaşı James Morray Storey 29 oktyabr 2014-cü ildə qeydiyyatdan keçirdikləri şirkət otel və restoran xidməti ilə məşğuldur. Britaniyalı şərik 2018-ci il avqustun 1-dən aralarındakı narazılıqdan dolayı (BRIDGE STREET RESTAURANT LIMITED şirkəti və Randall Aubin restoranı ilə bağlı) ortaqlıqdan çıxıb.
Şəhadətnamə nömrəsi 09286597-dir. Bu şirkətin hüququi ünvanı da Manchester, Knott Mill, Jordan Street 2 olaraq qeyd olunub.
6. BUTACARE LIMITED
Şirkət 2014-cü il iyulun 25-də qeydiyyatdan (şəhadətnamə nömrəsi 09147141) keçirilib. Bu şirkətdə Əbdül Əliyevin kompanyonu 1979-cu il təvəllüdlü britaniyalı Mark Alexander BOOTH-dur. Çirkətin fəaliyyət sahəsi qocalara və əngəllilərə evlərində qulluq göstərilməsidir. Yəni bu xidməti Fazil Məmmədovun xeyriyyəçiliyi kimi qəbul etməyin. Belə xidmətlər Avropa ölkələrində şirkətlər tərəfindən kommersiya məqsədilə həyata keçirilir və dövlət bu işə böyük vəsaitlər ayırır. Əbdül Əliyev bu ilin martın 13-də bu şirkət üzərindən də Barclays Security Trustee Limited vasitəsilə Barclays Bankdan kredit götürüb.
7. BUTAROSE LIMITED
Bu şirkət sabiq nazirin kürəkəninin Londonda açdığı ilk şirkətdir. 2014-cü il fevralın 14-dən fəaliyyətdədir. Yəni Britaniyada ortaqları Oliver Charles KEAL və Oliver James WOLFE ilə birlikdə biznesə girişərkən (əslində britaniyalılar şirkəti idarə etmək üçün direktor qismində cəlb olunublar) onun cəmi 24 yaşı vardı.
2016-cı il maliyyə sənədlərinə görə, şirkətin nəqd vəsaitləri 806 min 231 funt sterlinq təşkil edib. Lakin 2018-ci ildə lizinq müqavilə imzalaması ilə əlaqədar şirkətin nəqd azalaraq 350 min 122 funt sterlinqə düşüb. Ümumi aktivləri və kapital rezervləri 946 min 361 funt sterlinq təçkil edib. 31 yanvar 2018-ci ildə bağlanan lizinq müqaviləsi 1 milyon 718 min 193 funt sterlinq həcmindədir.
8. OKAA PROPERTY LIMITED
Belə görünür Fazil Məmmədovun kürəkəninin Almaniyadakı şirkətlərini bağlaması və Britaniyadakı iki şirkətin fəaliyyinə son vermək qərarı, Londondakı restoranını satması səbəbsiz deyilmiş. Əbdül Əliyev əvvəlki işlərində bacarıqsızlığına və uğursuzluqlarına baxmayaraq, Britaniyada böyük biznes planını həyata keçirməyə başlayıb. Köhnə dostu Oliver Charles Kealla birlikdə bu ilin aprelin 9-da qeydiyyatdan keçirdiyi OKAA PROPERTY LIMITED şirkəti onun indiyədək fəaliyyət göstərmədiyi sahədə – biznes mərkəzlərinin tikintisi və idarəçiliyi sahəsində fəaliyyət göstərəcək.
Yeni şirkətin qeydiyyat nömrəsi 11928737, ünvanı 4 Bank Court, Weldon Road, Loughborough, Leicestershire-dir. Şirkətin ilk maliyyə hesabatı 2020-ci ilin aprelin 30-da təqdim olunacaq.
9. ALSA GmbH
Bu şirkət 6 noyabr 1990-cı il təvəllüdlü Əbdül Əliyevin Almaniyadakı ən əsas şirkəti sayılır. Alsa GmbH 22 sentyabr 2009-cu ildə Düsseldorf ədliyyəsində HRB61809 şəhadətnamə nömrəsi ilə qeydiyyata alınıb. Təsəvvür edirsinizmi, 19 yaşında biznes nədir, həyatın özünü belə dərk etməyən gənc o zaman vergilər nazirinin müavini olan atasının sayəsində (əslində şirkət Fazil Məmmədova aid olub, keçmiş nazir müxtəlif şəxslərin adına açdığı digər şirkətlər kimi Almaniyadakı şirkətləri öz müavininin oğluna etibar edib və sonradan qohumluq əlaqələri yaranıb) Avropada 1 milyon 957 min 593 avro kapitala malik olan şirkətə sahib olur. Bu qədər sərmayənin qarşılığında şirkət 2011-2014-cü illərdə 650 min avroya yaxın zərərlə fəaliyyət göstərib, yalnız 2015-17-ci illərdə ümumilikdə 73 min avro civarında gəlir əldə edib. Yəni vəsaitlər göyə sovrulub. Bu ilin fevralın 27-də şirkətin ləğv olunması üçün Düsseldorf ədliyyə idarəsinə müraciət olunub.
Şirkət öz fəaliyyəti dövründə digər şirkətlər açmaq, yaxud iştirak payını təmin etmək üçün əlavə milyonlarla avro vəsait xərcləyib.
Əvvəllər Düsseldorf şəhərinin Stadttor 1 ünvanında, 2017-ci il avqustun 28-dən isə həmin çəhərin Grafenberger Allee 277-287 ünvanında fəaliyyət göstərib. Müxtəlif vaxtlarda Sürek Tokay, Fazlica Ragip, Oguz Savaş und Tiras Taner tərəfindən idarə olunub. 14 aprel 2016-cı ildən isə KTR Immobilien und Bau GmbH Co. KG tərəfindən yönəldilib. Nizamnamə kapitalı 25 min avro təşkil edib. İlk direktorları 1983-cü il təvəllüdlü Azərbaycan vətəndaşı Hüseyn Sadıqov və 1965-ci il təvəvllüdlü Almaniya vətəndaşı Sürek Koray olub. Sürek Koray Fazil Məmmədovun Almaniyada biznes tərədaşı olmuş ilk şəxsdir və cənab Koray sonradan bu əlaqələr hesabına xeyli işlər görür. Fazil Məmmədovun Almaniyadakı biznesinə yeni isimlər, Fazlica Ragip, Oguz Savas, Tiras Taner da cəlb olunurlar.
10. KTR IMMOBILIEN UND BAU GMBH CO. KG
Adından göründüyü kimi tikinti və daşınmaz əmlaq biznesi sahəsində fəaliyyət göstərib, torpaq sahələrinin, binaların, mənzillərin satışı ilə məşğul olub. Əvvəllər sadəcə KTR Immobilien GmbH Co. KG adlanıb, Fazil Məmmədov tərəfindən alınıb. Şirkət Düsseldorf ədliyyəsində ALSA GMBH ilə birlikdə 2009-cu il sentyabrın 22-də HRA 20690 saylı şəhadərnamə ilə yenidən qeydiyyatdan keçib. Keçmiş vergilər nazirinə aid Grafenberger Allee 277-287 ünvanında fəaliyyət göstərib.
2016-cı il aprelin 14-də TKS Holding GMBH-dən ayrılaraq ALSA GMBH-nin nəzarətinə keçir. Həmin il dövriyyəsi 216.460 avro təşkil edib. 20 noyabr 2018-ci ildə şirkət ləğv olunur.
11. TKS HOLDING GMBH, DÜSSELDORF
Bu şirkət 2008-ci ilin yanvarında yaradılıb, türk əsilli Koray Sürəkə məxsus olub və Sürek Consulting GmbH Co. KG şirkəti tərəfindən idarə olunub. 2009-cu ilin sentyabrın 10- da Fazil Məmmədov tərəfindən alınıb, nizamnamə kapitalı 25 min avro olmaqla Düsseldorf ədliyyəsində HRB 61767 saylı şəhadətnamə ilə yenidən qeydiyyatdan keçib, Stadttor 1, 40219 Düsseldorf ünvanında yerləşib. Lakin şirkətin idarəçiliyi Koray və Tokay Süreklərə həvalə olunub. 2015-ci ildə aktivləri 660 min379 avro olub.2018-ci il fevralın 7-də şirkətin iflası ilə bağlı hüquqi prosedurlara başlanıb. Bu şirkət üzərindən AZ Medical Service GmbH Co. KG və Az Warenhandelsgesellschaft Gmbh Co. Kg şirkətləri idarə olunub.
Koray Sürək
12. AZ MEDICAL SERVICE GMBH CO. KG
2009-cu il avqustun 7-də 25 min avro nizamnamə kapitalı ilə Düsseldorf ədliyyəsində qeydiyyatdan keçirilib (qeydiyyat şəhadətnaməsi: HRA 20651). Şirkət Az Medikal klinikası açıb və onu idarə edib. Şirkət tibbi müayinə və müalicələrin aparılmasını, cərrahiyyə əməliyyatlarını həyata keçirməklə yanaşı, Almaniyaya gələn əcnəbi müştərilər üçün (əsasən Azərbaycan, Türkiyə və keçmiş sovet respublikaları) otel, tərcüməçi, avtomobil kirayəsi və müşayiət olunması xidməti göstərib. Düsseldorf şəhərində Fazil Məmmədova məxsus Stadttor 1 ünvanında yerləşən binada fəaliyyət göstərib. 2016-cı ildə aktivləri 183 min 809 avro olub. Ötən ayın 7-də şirkətin bağlanması ilə bağlı rəsmi orqanlara müraciət olunub.
13. AZ WARENHANDELSGESELLSCHAFT MBH CO. KG
Şirkət 2010-cu il iyunun 8-də Düsseldorf ədliyyəsində 25 min nizamnamə kapitalı və HRA 21065 saylı çəhadətnamə ilə qeydiyyatdan keçib, Stadttor 1 ünvanında fəaliyyət göstərib. Şirkətə aid Azərbaycan, rus və alman dillərində olan rəsmi veb saytda qeyd olunur ki, şirkət malların satın alınmasını, Azərbaycana çatdırılmasını və bütün gömrük prosedurlarının həll edilməsini həyata keçirir. Şirkətin tərəfdarları kimi Britaniyanın Moran`s Wood Components LTDŞ Almaniyanın Hübner Lee GMBH və Yunanıstanın Tepostone LTD şirkətlərinin adı şəkilir. 2015-ci ildə şirkətin dövriyyəsi 138 min avro olub. Şirkət 22 avqust 2018-ci ildə ləğv olunub.
Koray Sürək tərəfindən idarə olunan digər şirkətlər bunlardır:
• Susa İmmobilien und Beteiligungen Gmbh (2011-ci il yanvarın 26-dan fəaliyyətdə olub, əvvəlcə Düsseldor : Stadttor 1 ünvanında, daha sonra Aachen şəhərində yerləşib)
• Navigar İmmobilien Gmbh (22 avqust 2009-cu ildə yaradilib, bu il martın 26-da ləğv edilib. İllik dövriyyə 1 milyon avro civarinda olub)
• Innovade High Tech Solutions Consulting Gmbh
• Farlum Immobilien und Beteiligungs Gmbh (2010-cu il sentyabrın 14-də qeydiyyatdan keçib, Grafenberger Allee 277-287 ünvanında fəaliyyət göstərir)
• Ormic Beteiligung und Immobilien Gmbh (Frankfurt şəhərində qeydiyyatdan keçib, aktivləri 2 milyon 280 min avrodur. Bir müddət Rövşən Quliyev və İradə İsmayılova adlı şəxslər tərəfindən idarə olunub.)
• Raza Beteiligungen und Betriebs Gmbh (2012-ci ilin avqustunda 25 min avro nizamnamə kapitalı ilə qeydiyyatdan keçib, ötən ilin yanvarında ləğv olunub)
Xatırladaq ki, bir müddət əvvəl Fazil Məmmədovun təkcə Synergy GROUP şirkətlər qrupuna daxil olan 25 şirkətinin siyahısı açıqlanmışdı:
1. “Synergy Group” MMC – baş müәssisә;
2. “AAC” MMC – inşaat materiallarının istehsalı, törәmә müәssisә, iştirak payı 39%;
3. “Synergy Construction” MMC – inşaat, törәmә müәssisә, iştirak payı 100%, aşağıdakı müәssisәdә iştirak payına malikdir:
a) “Renaissance Construction Azәrbaycan” MMC – inşaat, birgә müәssisә, iştirak payı 50%;
4. “Azagro” MMC – kәnd tәsәrrüfatı, törәmә müәssisә, iştirak payı 100%;
5. “B.N.M.” MMC – turizm vә otelçilik, törәmә müәssisә, iştirak payı 100%;
6. “Cybernet” MMC – informasiya texnologiyaları, törәmә müәssisә, iştirak payı 100%, aşağıdakı müәssisәdә iştirak payına malikdir:
7. “Azorchid Hotels” MMC – turizm vә otelçilik, törәmә müәssisә, iştirak payı 70%;
8. “Caspian Coast Winery and Vineyards” MMC – şәrabçılıq, törәmә müәssisә, iştirak payı 50%, aşağıdakı müәssisәdә iştirak payına malikdir:
a) “Tradehouse Caspian Coast Winery and Vineyards” MMC – şәrab mәhsullarının satışı vә paylanması, törәmә müәssisә, iştirak payı 100%;
9. “Khazar-Turizm” MMC – turizm vә otelçilik, törәmә müәssisә, iştirak payı 100%;
10. “Bestpack” MMC – poliqrafiya vә qablaşdırma, törәmә müәssisә, iştirak payı 100%;
11. “Caspian Agro” MMC – kәnd tәsәrrüfatı, törәmә müәssisә, iştirak payı 50%, aşağıdakı müәssisәdә iştirak payına malikdir:
a) “Azagroexport” MMC – kәnd tәsәrrüfatı, törәmә müәssisә, iştirak payı 100%;
12. “Exclusive Dining” MMC – restoran, törәmә müәssisә, iştirak payı 100%;
13. “Shamkir City Hotels and SPA” MMC – turizm vә otelçilik, törәmә müәssisә, iştirak payı 100%;
14. “Azәrbaycan Universiteti” – tәhsil, törәmә müәssisә, iştirak payı 90%, aşağıdakı müәssisәdә iştirak payına malikdir:
a) “Unicamp” MMC – tәhsil, törәmә müәssisә, iştirak payı 100%;
15. “Ecolime” MMC – tikinti materiallarının istehsalı, törәmә müәssisә, iştirak payı 100%;
16. “Synergy Foundation” – qeyri-kommersiya tәşkilatı, törәmә müәssisә, iştirak payı 100%;
1 “Synergy Group” vә onun Fәaliyyәti (davamı)
17. “Synergy Development” MMC – daşınmaz әmlakın idarә olunması, törәmә müәssisә, iştirak payı 100%;
18. “Synac” LLC – tәhsil, törәmә müәssisә, iştirak payı 100%;
19. “Synergy Sport” MMC – qeyri-kommersiya tәşkilatı, törәmә müәssisә, iştirak payı 100%;
20. “Synergy Technics” MMC – investisiya şirkәti, törәmә müәssisә, iştirak payı 100%, aşağıdakı müәssisәdә iştirak payına malikdir:
a) “Zәyәmkәndmaş” ASC – metal konstruksiyaların istehsalı, törәmә müәssisә, iştirak payı 51%;
21. “Azerbaijan Global Investments” ASC – investisiya şirkәti, asılı müәssisә, iştirak payı 32%;
22. “Azerbaijan Fibro Cement” MMC – tikinti materiallarının istehsalı, törәmә müәssisә, iştirak payı 100%;
23. “Synergy Jet” MMC, – jet әmәliyyat şirkәti, törәmә müәssisә, iştirak payı 100%;
24. “Synergy Trading” MMC, ticarәt şirkәti, törәmә müәssisә, iştirak payı 100%;
25. “Caspian Development Bank” ASC, törәmә müәssisә, iştirak payı 99.91%;
Rusiya Federasiyasında fәaliyyәt göstәrәn “Tradehouse Caspian Coast Winery and Vineyards” MMC-dәn başqa, Qrupa daxil olan bütün şirkәtlәr Azәrbaycan Respublikasında fәaliyyәt göstәrir.
Azərbaycan Respublikasının Prezidenti İlham Əliyev iyunun 10-da Beynəlxalq Memarlar İttifaqının prezidenti Tomas Vonyerın başçılıq etdiyi nümayəndə heyətini qəbul edib.
Dövlət başçısı “Tarixi şəhərlərdə kütləvi turizm” Beynəlxalq Memarlıq Forumunun Bakıda keçirilməsindən məmnunluğunu ifadə edərək bu tədbirin beynəlxalq əməkdaşlıq baxımından önəmini vurğulayıb. Bakının qədim tarixi ənənələrə malik olduğunu vurğulayan Prezident İlham Əliyev bununla bərabər paytaxtımızın sürətlə inkişaf etdiyini və müasir infrastrukturun yaradıldığını qeyd edib. Dövlət başçısı hazırda ölkəmizin xarici turistlər üçün cəlbedici məkana çevrildiyini qeyd edərək qonaqların sayının durmadan artdığını bildirib.
Beynəlxalq Memarlar İttifaqının prezidenti Tomas Vonyer Bakıya gələn hər bir qonaqda buradakı inkişaf proseslərinin, tarixi və müasir tikililərin dərin təəssürat hissi doğurduğunu qeyd edib. O, Bakının beynəlxalq tədbirlərin keçirildiyi məkana çevrilməsinin və infrastruktura qoyulan investisiyaların paytaxtımızın inkişafına böyük töhfə verdiyini vurğulayıb. Tomas Vonyer nümayəndə heyəti adından “Tarixi şəhərlərdə kütləvi turizm” Beynəlxalq Memarlıq Forumunun keçirilməsi ilə bağlı göstərilən qonaqpərvərliyə görə Azərbaycan tərəfinə, o cümlədən Azərbaycan Memarlar İttifaqına minnətdarlığını bildirib. Qonaq Bakının inkişafı ilə bağlı əldə edilmiş nailiyyətlərlə əlaqədar təbriklərini dövlət başçısına çatdırıb.
Xoş sözlərə görə minnətdarlığını bildirən Prezident İlham Əliyev Bakıda həyata keçirilən inkişaf prosesləri ilə yanaşı, tarixi irsin qorunması işinə də böyük diqqət verildiyini qeyd edib. Eyni zamanda dövlət başçısı Azərbaycanda əhalinin sayının artması ilə əlaqədar müvafiq infrastruktur layihələrinin də həyata keçirilməsinə böyük önəm verildiyini bildirib.
Sonda xatirə şəkli çəkdirilib.
***
Azərbaycan Respublikasının Prezidenti İlham Əliyev iyunun 10-da Beynəlxalq Memarlar İttifaqının prezidenti Tomas Vonierin başçılıq etdiyi nümayəndə heyətini qəbul edib.
"Ölkə.Az"ın xəbərinə görə, bu barədə Azərbaycan Prezidentinin Mətbuat xidməti məlumat yayıb.
Rusiyada fəaliyyət göstərən jurnalist Fuad Abbasovun Bakıya deportasiyası yubanır.
Bu barədə Musavat.com-a məlumat verən vəkil Elman Paşayev bildirib ki, onda olan məlumata görə Fuad Abbasovu bu dəqiqələrdə hava limanından geri qaytarıblar.
Vəkil bu prosesin səbəbləri barəsində aşağıdakı versiyaları irəli sürüb: “Ola bilər ki, ona cinayət işi açıldığı üçün belə addım atılıb. Bir variant da var ki, Fuad Abbasov hansısa sənədləri unuda bilər. Ancaq bu versiya o qədər də inandırıcı deyil. Çünki əgər sənəd məsələsi olsaydı, bunun üçün başqa bir şəxsi də göndərmək olardı ki, lazımı sənədləri hava limanına gətirsin. Hələ ki, məndə olan məlumat budur ki, onu geri qaytarıblar”.
Oxu.az saytı isə məlumat yayıb ki, Fuad Abbasov özünün Moskvada, əcnəbi vətəndaşların müvəqqəti saxlanma mərkəzində saxlanmasına etiraz əlaməti olaraq aclıq aksiyası keçirir.
Sayta bu barədə məlumatı İnsan Hüquqları üzrə Beynəlxalq Komitənin Bakı Ofisinin nümayəndəsi Elçin Axundzadə verib.
Sayt yazır ki, Abbasov hüquq müdafiəçilərinə müraciət edərək bildirib ki, Moskva-Bakı reysi ilə aviabilet alaraq, Azərbaycana qayıtmağı planlaşdırıb. Lakin yolda olarkən onların avtomobili geri qaytarılıb və jurnalist saxlanılıb:
“Fuad Abbasov bildirib ki, əgər onun ölkədən deportasiya olunması barədə qərar qüvvədədirsə, o azad edilməli və Bakıya göndərilməlidir. Əgər deportasiya haqqında qərar qanunsuz elan edilibsə, bu halda onun əcnəbi vətəndaşların müvəqqəti saxlanma mərkəzində saxlanması qanuna ziddir. Bu səbəbə görə də Fuad Abbasov aclıq elan edib”.
Xatırladaq ki, jurnalistin ölkədən deportasiya edilməsi ilə bağlı apellyasiya şikayətinə baxılıb. Moskva vilayət Məhkəməsi Ximski şəhər Məhkəməsinin qərarını qüvvədə saxlayıb.
Jurnalist mayın 16-da Moskva vilayətinin Ximki şəhərində saxlanılıb. Ximski Şəhər Məhkəməsi onun Rusiyada yaşamaq haqqında icazəsi ləğv olunmasına baxmayaraq, vaxtında ölkəni tərk etmədiyi üçün deportasiya olunması haqqında qərar çıxarıb. F. Abbasov hazırda Moskva vilayətinin Korolyov şəhərində yerləşən miqrantlar üçün xüsusi saxlanma məntəqəsində saxlanılır.
“ABŞ Xəzinədarlıq İdarəsinin İranın neft-kimya sənayesinə sanksiyası iqtisadi terrorizmin və Ağ evin İran xalqına qarşı düşmənçiliyinin bariz nümunəsidir”.
APA-nın Tehran bürosunun məlumatına görə, bunu İran Xarici İşlər Nazirliyinin sözçüsü Seyid Abbas Musəvi ABŞ Xəzinədarlıq İdarəsinin İranın neft-kimya sənayesinə sanksiya tətbiq etməsinə münasibət bildirərkən deyib.
O bildirib ki, ABŞ-ın təzyiq siyasəti uğursuz siyasətdir: “Bu uğursuz siyasət ABŞ-ın əvvəlki prezidentləri tərəfindən sınaqdan çıxıb. Bu, yanlış yoldur və ABŞ dövləti əmin ola bilər ki, bu siyasətlə heç bir məqsədinə çatmayacaq”.
A. Musəvi ABŞ rəsmilərinin İranla müzakirə iddialarını aldadıcı, həqiqətdən uzaq və yalnız ictimai rəyi özlərinə cəlb etmək üçün atılmış addım adlandırıb: “ABŞ-ın bu addımları beynəlxalq prinsip və qaydalara ziddir və beynəlxalq öhdəlikləri pozur. Beynəlxalq aləmdə baş verəcək hadisələrə görə məsuliyyət də ABŞ-a aid olacaq. Bütün ölkələr beynəlxalq hüququn əsas prinsiplərinin aşkar şəkildə pozulması qarşısında reaksiya verməyə borcludur. Onlar icazə verməməlidir ki, beynəlxalq ictimaiyyətin əldə etdiyi razılaşmalar ABŞ hakimiyyətinin təkqütblü və zorakı addımları ilə məhv olsun”.
Daxili işlər orqanlarında yeni kadr təyinatı olub.
“Report”un Şimal-qərb bürosunun məlumatına görə, Daxili İşlər naziri, general-polkovnik Ramil Usubovun əmri ilə Balakən Rayon Polis Şöbəsinin (RPŞ) rəis müavini polkovnik-leytenant Qədim Həsənov vəzifəsindən azad edilib.
O, digər əmrlə Şəmkir RPŞ-nin Zəyəm Polis Bölməsinin rəisi vəzifəsinə təyin olunub.
Rusiyada fəaliyyət göstərən jurnalist Fuad Abbasov bu gecə 03.35-də Bakıda olacaq.
Bu barədə jurnalistin müdafiəsi ilə məşğul olan gənc fəallar Musavat.com-a məlumat verib. Jurnalistin bileti artıq alınıb və səhər saatlarında təyyarəsi Bakıya enəcək.
Jurnalistin vəkili Elman Paşayev bildirib ki, artıq F.Abbasovun etapı sifariş edilib. Gecə saatlarında Şeremetova aeroportundan uçuş başlanacaq. Jurnalist 00.10 radələrində baş tutacaq uçuşla Bakıya yola salınacaq və 03.35-də Bakıda olması gözlənilir. Vəkil xatırlatdı ki, Rusiyadan deport qərarı həftənin çərşənbə axşamı və cümə günləri həyata keçirilir.
Musavat.com xatırladır ki, jurnalistin ölkədən deportasiya edilməsi ilə bağlı apellyasiya şikayətinə baxılıb. Moskva vilayət Məhkəməsi Ximski şəhər Məhkəməsinin qərarını qüvvədə saxlayıb.
Jurnalist mayın 16-da Moskva vilayətinin Ximki şəhərində saxlanılıb. Ximki Şəhər Məhkəməsi onun Rusiyada yaşamaq haqqında icazəsi ləğv olunmasına baxmayaraq, vaxtında ölkəni tərk etmədiyi üçün deportasiya olunması haqqında qərar çıxarıb. F. Abbasov hazırda Moskva vilayətinin Korolyov şəhərində yerləşən miqrantlar üçün xüsusi saxlanma məntəqəsində saxlanılır.
Daxili işlər naziri, general-polkovnik Ramil Usubovun imzaladığı əmrə əsasən, Gəncə şəhər Nizami rayon Polis İdarəsinin əməliyyat işləri üzrə rəis müavini, polis polkovnik-leytenantı Knyaz Həsənov işdən azad olunaraq Şabran rayon Polis şöbəsinin əməliyyat üzrə rəis müavini təyin edilib.
APA xəbər verir ki, nazirin digər əmrinə əsasən, polis mayoru Nəvayi Qasımov Gəncə şəhər Nizami rayon Polis İdarəsinin əməliyyat işləri üzrə rəis müavin təyin edilib.
Əbülfəz Elçibəy iqtidarında baş nazir postu tutan Pənah Hüseyn 26 may 1993-cü il tarixində keçirilən Dövlət Müdafiə Komitəsinin məxfi iclasının protokolunu yayıb.
Modern.az həmin sənədi oxuculara təqdim edir:
Dövlət Müdafiə Komitəsinin İclasının Protokolu
Gündəlik məsələlər
1. Qərarların icra vəziyyəti
2. Fövqaladə vəziyyət haqqında
3. 28 may İstiqlal günü haqqında
4. Mövcud hərbi vəziyyət haqqında
I məsələ:
Ə.Elçibəy: Dünəndən etibarən nəhayət 2 əsrə yaxın zaman ərzində ölkəmizi işğal edərək burada yerləşmiş Rus ordusu Azərbaycanı tamamilə tərk etdi. Bu böyük tarixi hadisə münasibətilə hamınızı təbrik edirəm. Böyük dövlətlər- ABŞ, İngiltərə və s. bu hadisəni müsbət qiymətləndirir, həm də bu prosesi gərginlik yaratmadan operativ şəkildə həll etməyimizdən təəccüblənirlər. Postsovet məkanında bu prosesi ilk olaraq həyata keçirən dövlət bizik. Hətta Almaniya kimi güclü dövlətin də ərazisində rus ordusunun kontingenti qalmaqdadır. Artıq Azərbaycan ərazisində başqa dövlətin ordusunun olmadığı müstəqil dövlətdir.
İ.Qəmbər: Rus ordusunun komandanlığı vida məktubu hazırlayıb- Ali Sovetə və Müdafiə Nazirliyinə. Öz növbəmizdə biz də onlara təşəkkür məktubu göndərək.
D.Rzayev: Rus qoşunları Azərbaycandan mədəni şəkildə getdilər. Amma onları yeni dislokasiya yeri kimi qayıtdıqları Ulyanaovsk vilayətində qəbul etmək istəmirlər.
Yaşar Paşa: Rus əsgərləri yalnız Qəbələ RLS-də qalırlar. Ona görə də Qəbələ RLS-lə bağlı sənədlər öyrənilməli, Rusiya ilə yeni anlaşma imzalanmalıdır.
Ə.Elçibəy: RLS-lə bağlı sənədlər öyrənilir, danışıqlar aparılır. Müzakirələr yekunlaşandan sonra imzalanacaq.
İ.Qəmbər: Rusiya RLS-dən istifadəyə görə icarə haqqı ödəməlidir. Çünki hərbi obyekt milliləşdirildiyi gündən Azərbaycanın mülkiyyəti sayılır.
Ə.Kərimov: Bununla bağlı Rusiyadakı səfirimiz Hikmət Hacızadə danışıqlar aparır. Danışıqlarda müzakirə olunan sonuncu variant Rusiyanın Almaniya ilə imzaladığı müqaviləyə uyğundur.
İ.Qəmbər: Gündəlikdə digər məsələlər var. Ona görə Qəbələ RLS-lə bağlı müzakirəni sonrakı iclaslarda davam etdirərik.
Osman Paşa: Məlumat olaraq nəzərinizə çatdırım ki, aparılan danışıqların nəticəsi olaraq Azərbaycan ordusunun qurulmasına yardım etmək və NATO standartları səviyyəsində əsgər hazırlamaq üçün Türkiyədən istənən hərbi təlimatçılar da gəldilər.
Nurəddin Sadıqov: Müdafiə Nazirliyi olaraq xahişimiz budur ki, ehtiyatda olan 150-200 nəfər zabit toplansın və Türkiyəli təlimatçılar onları da təlimləndirsin. Çünki zabitlərin də NATO və Türkiyə ordu sistemini öyrənməsi vacibdir. Belə olarsa, həm də ordunun müasir səviyyədə qurulması prosesi sürətlənər.
Y.Paşa: Doğru fikirdir. Ordunun yeni sistemi mənimsəmiş zabitlərə ciddi ehtiyacı var.
Ə.Elçibəy: Türkiyədən nə qədər hərbi təlimatçı gəlib?
N.Sadıqov: İyunun 8-dək .... nəfər təlimatçı gələcək.
Y.Paşa: Müdafiə Nazirliyi ilə qarşılıqlı olaraq strukturlar hazırlanıb, onu təstiq etmək lazımdır.
Vahid Əhmədov: Struktur məsələsində maliyyə vəsaitindən istifadə məsələsi olduğundan bunu ətraflı öyrənib sonra təstiq etmək lazımdır.
Y.Paşa: Sənəd Dövlət Müdafiə Komitəsinin üzvlərinə çatdırılacaq.
D.Rzayev: Orduya yaz çağırışı əvvəlki çağırışlardan fərqli olaraq vaxtında, normal və qaydasında keçirilib.
Ə.Kərimov: Yaz Çağırış planı 101% yerinə yetirilib.
Y.Paşa: Ara müddətdə Türkiyədən ..... general və ... albay gəldi. Çağırışın təşkili ilə bağlı rayonlarda, hərbi komissarlıqlarda oldular və seminarlar keçirib, məsləhətlərini verdilər.
Ölkə üzrə 1973-74-cü il təvəllüdlərin sayı 40-45 mindir. 4 çağırışda hər rayon hərbi komissarlığına 150 nəfər düşür. Çağırış sistemini təkmilləşdirmək lazımdır. Bu çətin iş deyil, hazırda qaydasında gedir.
Ə.Kərimov: 13 rayonda çağırış planı yerinə yetirilməyib. Həmin rayonların rəhbərliyi haqqında tədbirlər görülməlidir.
Abdulla Allahverdiyev: .... çağırışdan boyun qaçıranların sayı çoxdur. Bununla bağlı Baş prokurorla razılaşmışıq ki, qanuna uyğun şəkildə materiallar toplanaraq istintaq aparılsın və çağırışdan yayınanlar cinayət məsuliyyətinə cəlb olunsunlar. Çağırışçı gənclərin bir qrupu Dağıstana keçib orada xidmət edirlər. .... hazırda şəxsi heyəti 90 nəfərdən ibarət olan 1 batalyon var. Onu tam komplektləşdirib hazır vəziyyətdə saxlamaq lazımdır.
Qazıməmməddə Daxili Qoşunların yaşayış yeri ilə bağlı problemler var, o da yaxın zamanda həll olunacaq. Daxili Qoşunlarda şəxsi heyətin sayı nəzərdə tutulduğu kimi 12 min yox, cəmi .... mindir. Burada da komplektləşmə getməlidir.
Y.Paşa: Yaz çağırışından 817 nəfər Daxili Qoşunlara verilib. Bu təxminən iki batalyon edir.
O.Paşa: Çağırış qısa müddətdə yerinə yetirilib. Hərbi komissarlar həm özlərinə, həm də bu işin sürətli təşkilinin mümkünlüyünə inanıb və gələn çağırışı 15 günə həyata keçirməyə hazır olduqlarını bildirirlər. Amma onlara rayon icra hakimiyyətləri, polis və prokurorlar kömək etməlidir.
Ə.Kərimov: Daxili və Sərhəd Qoşunlarının şəxsi heyətin komplektləşməsinə tələbatı var. 13 rayonda 1000 nəfər çağırışdan kənarda qalıb, …. nəfər fərari var. Həmin fərarilərdən ….. nəfəri Fəhmin Hacıyev tərəfindən tutulub. Qeyd edilən rayonlarda səy göstərilsə Daxili Qoşunların və Sərhəd Qoşunlarının tələbatı tam ödənə bilər.
II məsələ
A.Allahverdiyev: Fövqaladə Vəziyyətin vaxtı iyunun 2-də qurtarır. Gəncədə və s. yerlərdə FV rejiminin tətbiq olunması müsbət qarşılanır. Gəncədəki diviziya, Seyfəlidə və Hacıkənddəki hərbi hissələr camaatda narazılıq yaradır. Həmin hərbi hissələrin Surət Hüseynovla əlaqəsi var.
D.Rzayev: Surətin Murovda heç nəyi yoxdur. Orada 701-ci briqada və 1 batalyon var,….. nəfərdir. Onları da 45-ci hərbi hissəyə göndərmişik. Surətin Seyfəlidə 1 batalyonu var (komandiri podpolkovnik Eldar Əliyev).
A.Allahverdiyev: FV rejimi saxlanilsa Gəncədə və Mingəçevirdə işlər qaydasında olar.
D.Rzayev: Lənkəranda da Əlikram Hümbətov öz işilə - vəziyyəti qarışdırmaqla məşğuldur.
İ.Qəmbər: Sabah MM-də FV müzakirə olunacaq. Ona görə də bu gün və ya sabah FV haqqında fərman verilməlidir.
Ə.Elçibəy: Avropa Şurasında da bu məsələyə müsbət baxırlar. Onlar da qeyd edirlər ki,əgər yeni yaranan dövlətlərdə FV rejiminin tətbiqi vətəndaş sülhünə kömək edirsə, bu variant istisna olunmamalıdır. FV-n nə qədər uzadılmasını təklif edirsiniz?
Qərar: FV iki ay uzadılsın.
III məsələ
Ə.Kərimov: Mayın 28-də bəzi rayonlarda tədbirlər keçiriləcək. Bir neçə yerdə M.Ə.Rəsulzadənin abidələri açılacaq. Bakıda isə H.Cavidin heykəlinin açılışı olacaq. Həmin gün 3 yerdə abidənin açılışı olacaq. Cavidin heykəlinin açılışı və saraydakı tədbirdə Sizin (prezidentin) iştirakınız nəzərdə tutulur.
D.Rzayev: Cənab prezident hərbi məktəblərdəki tədbirlərdə iştirakınız yaxşı olar.
Ə.Elçibəy: Etiraz etmirəm.
Ə.Kərimov: Həmin axşam ziyafət təşkil olunsun və xarici nümayəndəliklər də dəvət edilsin.
Tofiq Qasımov: Dövlət bayramı olduğundan şəraitdən asılı olmayaraq keçirilməlidir, rəsmi şəxslər və xarici nümayəndəliklər də iştirak etməlidir.
IV məsələ Hərbi vəziyyət
Ə.Elçibəy: Hərbi rabitə sistemində çalışanları ciddi nəzarətdə saxlamaq lazımdır. Çünki onlar bəzi hallarda açıq danışırlar və ermənilər bundan istifadə edir. Kəşfiyyatın xarici mənbələrdən əldə etdiyi məlumata görə ermənilərin Ağdərə istiqamətində hücumu gözlənilir. Onlar Umudlu kəndindən Talış kəndinə yol çəkirlər. Buna nəzarət edilirmi? Orduda nizam-intizam məsələsinə ciddi fikir verilməlidir.
Fəxrəddin Təhməzov: İki aya yaxındır Füzulidə yerləşdirilmiş Sərhəd Qoşunlarını artıq əvəz etmək lazımdır. Baxmayaraq ki, onların narazılığı yoxdur. Amma indi həmin istiqamətdə sakitlik olduğundan onlar dislokasiya yerinə dönüb öz funksiyalarını həyata keçirməlidir.
D.Rzayev: İyunun 15-də ehtiyat batalyonları hazır olacaq və o zaman Sərhəd Qoşunları əvəz ediləcək. Cəbhənin Gədəbəy istiqamətində vəziyyət sabitdir. Hələlik bir şey gözlənilmir. Zonada ciddi hərəkətlilik yoxdur. Murov-Agdərə istiqamətlərində ermənilər Agdərə və Şaumyankəndi ələ keçirmək istəyirlər. Bu barədə sonra ətraflı danışarıq. Ağdam-Füzuli-Cəbrayıl istiqamətində Ağdama hücum gözləyirik və buna hazırıq. O istiqamətdə kəşfiyyatımız işləyir. Qalan istiqamətlərdə düşmən hücumunun elmi-hərbi əsası yoxdur. Qubadlı-Zəngilan hərbi hissələrinin zabitlərini yığmışdıq. Onların yaxşı təklifləri var. Əsas narahatlıq Ağdərə zonası ilə bağlıdır. Hərbi kollegiyada qərara gəldik ki, 3-cü korpus yaradılsın. Bu korpus özündə Ağdam-Ağdərə-Murov hərbi hissələrini birləşdirəcək. Birinci korpusa komandir polkovnik İsa Sadıxov, üçüncü korpusa isə polkovnik A.Salahov təyin olunub.
İ.Qəmbər: Ağdərə istiqamətində müdafiə üçün hansı tədbirlər görülür?
D.Rzayev: Goranboyda 2 batalyon yaradılır. Komandirləri Rasim Əkbərov və Valeh Əliyevdir.
İ.Qəmbər: Rasim Əkbərovla Goranboyun icra başçısı Maşallah Abdullayev konfliktdədirlər. Belə təyinat olmaz.
Ə.Kərimov: Rayonda Rasimdən ciddi narazılıq var və Maşallahla aralarında düşmənçilik davam edir.
İ.Şirinov: Rasim …, onu batalyon komandiri təyin etmək yaramaz.
A.Allahverdiyev: İşi elə aparmaq lazımdır ki, komandirlərlə rayon İHB-ları arasında narazılıq olmasın.
Ə.Elçibəy: Rayon İHB-ları yaxşı işləyəndə belə məsələlərə yer qalmır.
Ə.Kərimov: Hansı rayonda İHB-ları ilə komandirlərin münasibətləri normal deyilsə, münaqişə varsa, orada iş getmir.
İ.Qəmbər: Ağdərə-Goranboy istiqamətində vəziyyət ciddi olduğundan orada konfliktə yol vermək olmaz.
Ə.Elçibəy: Fəxrəddin bəy, Kəlbəcərdən Qubadlıya gələn 19 nəfər barədə nə deyə bilərsiniz?
F.Təhməzov: Onlar gecələr yol gəlib, gündüzlər gizlənərək dincəliblər.
İ.Qəmbər: Nə üçün onlar bir ay təcrid olunmur?
F.Təhməzov: Onlar filtrasiyadan keçiriləcək.
D.Rzayev: Onlardan birini Beyləqanın kombriqi gətirib.
İ.Qəmbər: Fəxrəddin bəy, yer hazırlayın, onlar və ümumiyyətlə əsirlər filtrasiyadan keçirilsin.
Füzuli istiqamətində hansı təhlükə var?
D.Rzayev: Orada bəzi batalyonlarda komplektləşmə gedir. Səngərlər qazılır, ehtiyat batalyonu yaradılır.
İ.Qəmbər: Aparılan danışıqların hazırkı vəziyyəti nə yerdədir? Ermənilər təkliflərə müsbət cavab verirmi?
Ə.Elçibəy: Hazırkı vəziyyət onu göstərir ki, Levon-Ter Petrosyan müsbət cavab verəcək. Amma Qarabagdakı ermənilər təkliflərə etiraz edəcək.
İ.Qəmbər: Gözləmə mövqeyi nə dərəcədə sərfəlidir? Müəyyən işlər görülə bilər, amma bunu etmirik.
T.Qasımov: Əgər ermənilər verilən təkliflərə etiraz etsə, onda bizə siyasi cəhətdən xeyri var. Qoy Rusiyanın BMT TŞ-da sədrliyinin vaxtı qurtarsın, yenidən BMT Təhlükəsizlik Şurasına müraciət edərik. Fürsətdən istifadə edib hazırlaşmaq lazımdır. İndi təşəbbüs göstərmək hələlik xeyrimizə deyil.
İ.Qəmbər: Qarabağda ermənilərin də böyük qüvvələri yoxdur və öz aralarında problemləri də var. Yəni belə vəziyyətdə bəzi kiçik işləri görmək olar.
Ə.Elçibəy: 4 günlük atəşkəs haqqında son razılıq ümumiyyətlə siyasi cəhətdən xeyirlidir və müsbət qiymətləndirilir. Bunu ABŞ səfiri də qeyd etdi.
D.Rzayev: İsa bəy, müəyyən tədbirlər həyata keçirilir. Müdafiədə olan batalyonlarla iş görmək mümkün deyil. Onların ehtiyatları tükənir. Tutduğumuz mövqeləri saxlamağa tam arxayın olsam, digər məsələləri həll edərik.
Ə.Elçibəy: Hərbi Hava Qüvvələrində vəziyyət necədir?
D.Rzayev: 10 ekipaj hazırdır.
Ə.E: Bombardmançı nə qədərdir?
D.R: 6 ədəd təyyarə, 4 vertolyot da hazırdır.
Ə.E: Ukraynadan alınan təyyarə və vertolyotlarla bağlı vəziyyət necədir?
D.R: 2 SU-27 təyyarə, vertolyotlar gətirilib və proses davam edir. Füzulidə Məngələnatanda 2 top, 2 tank yerləşdirilib, təhlükə sovuşub.
İ.Qəmbər: Kəlbəcərə qrup göndərmək olmazmı?
D.R: 4 qrup Yanşaq kəndinə qədər gedib, qayıdıb. Orada 1 BMP və 10-15 əsgər görüblər.
Y.Paşa: Bu anda Azərbaycanın bəzi hərbi əməliyyatlar aparmağa taqəti yoxdur. Belə müdafiədən qorxuram və arxayınçılığa son qoyulmalıdır. Daim hazır vəziyyətdə olmalıyıq.
İ.Q: Elə etmək lazımdır ki, ermənilər narahat olsun. Nəhayət partizan qərargahı yaradılacaqmı?
Y.Paşa: Düşündüyümüz işləri həyata keçirə bilsək, avqustun sonunda hər şeydən danışmaq olar. Hazırda orduda arxayınçılıq və intizamsızlıq var. Bunu aradan qaldırmaq lazımdır.
İ.Q: Füzulidə kəşfiyyat aparılıb və müəyyənləşib ki, orada ermənilərin ciddi qüvvəsi yoxdur.
D.R: Ordunu yaratmağa çox ciddi fikir vermliyik. Çünki ordu olarsa Qarabağ məsələsi də həll olacaq. Yeni korpus yaradılır və onun 50%-i komplektləşdirilib. Belə çətin şəraitdə hücum edib məsələni həll etmək çətindir.
Rusiyanın 15, 164, 167-ci diviziyaları ermənilərin tərəfində vuruşur. Komandirlər rus, əsgərlər ermənilər, texnikaları isə təzədir. Bizim heç 20 tankımız yoxdur ki, ehtiyat batalyon yaradılsın. Heç olmasa 50 ədəd təzə tank alınmalıdır.
Ə.E: Nə qədər tankımız var?
N.Sadıqov: 225 ədəd tankımız var, onun 140 ədədi nasaz vəziyyətdədir.
Ə.E: Ermənilər bizdən götürdükləri tankları təmir edirlər. Bizdə də təmir işləri yüksək səviyyədə qurulmalıdır.
İ.Q: Təmir prosesi necə gedir?
D.R: Rusiyadan, Gürcüstandan ehtiyat hissələri almaq olar. 11 mühərrik alınıb. Qazax, Tovuzda təmir batalyonları var, Goranboyda da yaratmaq istəyirik.
İ.Q: Nə üçün ehtiyat hissələri Gürcüstandan almırıq?
Vahid Əhmədov: 3 yerdə-Bakı, Qazax, Gəncə, Ağdamda təmir olunur. Yaxın müddətdə ən azı 50 tank təmir olunmalıdır.
Y.Paşa: Əldə tam uçot yoxdur ki, silah, texnika haqqında məlumat verilsin. Tankın sazlığı ancaq onun yeriməsində deyil, bütün hissələri işləməlidir. Bununla bağlı tam məlumat hazırlanmalıdır.
V.Əhmədov: Təmirlə əlaqədar qrup yaradılıb, onlara 2 zavod verilib. Gəncədə və Bakıda.Tovuzda və Ağdamda da təşkil olunacaq. Maliyyəmiz var və ehtiyat hissələri Tbilisidən gətirə bilirik.
Ə.K: Silah və texnikanın alınması təcili həyata keçirilməlidir,Gürcüstandan ehtiyacımız olan nə varsa alınmalıdır.
İ.Q: Razıyam. Gürcüstandan nə verirlərsə almaq lazımdır. Hərbi Dəniz Məktəbini ləğv etmək istəyirlər?
D.R: Bu məktəb 1939-cu ildə yaradılıb. Səviyyəsinə görə yeganə məktəbdir. Hazırda bizə İran, Qazaxıstandan müraciətlər olub və Liviyadan da burada 22 nəfər oxuyur. Biz məktəbi ləğv etmək yox, statusunu yüksəltmək istəyirik.
İ.Q: Belə məsələlər haqqında Ali Baş Komandana davamlı məlumat verilməlidir.
N.Sadıqov: Hərbi Dəniz Qüvələrində 3500 əsgər, 350 zabit olacaq. Belə imkanları olan məktəbi ancaq yalnız buna sərf etmək olmaz. Ona görə orada bir neçə əlavə fakultələr açılmalıdır.
İ.Q: MDB-dən azərbaycanlı zabitlərin gətirilməsi nə yerdədir?
T.Qasımov: Onlara şərait yaradıb, sonra çağırılmalıdırlar. Gələndən sonra vətəndaşlığı qəbul etməlidirlər.
D.R: Moskvadan keçən il hərbi məktəbi qurtaran 176 nəfər, bu il Akademiyadan 25 nəfər, 500 nəfər təzə qurtaran zabit gələcək. Danışmışıq ki, təzə qurtaranların rütbələri burada verilsin. HHM və HHQ-lərində olan zabitlər bura göndəriləcək. Rusiya və Ukraynada hərbi hissələrə nümayəndələr göndərilib onları geri çağırmaq üçün. Gəncədə Şerbakın diviziyasında olanlar isə gedib haqq-hesablarını alıb gələcəklər.
Y.Paşa: Hərbi məktəb tədricən mililəşdirilməlidir. Orada hələ də iş köhnə sistemlə gedir.
N.S: Oradan 270 nəfər xaric olunub, sonra 200 nəfəri geri qaytarılıb. Səbəbi dövlət aparatından edilən zənglər vasitəsilə təzyiqlərdir.
Ə.E: Seyfəlidə Surətin bir hissəsi var. Verilən məlumata görə orada atışmada 3 nəfər bir-birini öldürüb.
D.R: Seyfəlidə bizə tabe olan bir batlyon var.
Ə.K: İndi bəzi batalyon komandirləri Gəncədə Hərbi Birlik yaradıb imza atırlar ki, Surətə tabedirlər. Bu adamlar tezliklə ordudan təcrid olunmalıdır.
A.Allahverdiyev: Getdikcə nüfuzdan düşürük ki, niyə o hərbi hissə ilə bacarmırsınız. Son vaxtlar Surətə yaxın cinayətkar ünsürlər Hacıkəndə yığışırlar. Bu məsələni birdəfəlik qurtarmaq lazımdır.
Ə.K: Bunların çoxu komandirlərdir. Onlar operativ şəkildə hərbi hissələrdən təcrid edilməlidir.
İ.Q: Bayramdan sonra bu məsələ həll olunmalıdır.
Ə.E: Surət Hüseynovun dəstəsinin özbaşınalığı, törətdiyi cinayətlər Azərbaycan dövlətinə və onun nüfuzuna ciddi zərər verib. İndi də o həddə çatıblar ki, dövlət komissiyasını hərbi hissəyə buraxmırlar. Ona və onun ətrafındakı cinayət əməlləri ilə məşğul olanlara Azərbaycan dövlətinin qüdrəti göstərilməli və özbaşınalığa son verilməlidir. Ordu vahid mərkəzdən idarə olunmalı, bütün hərbi hissələr Müdafiə Nazirliyinə tabe etdirilməlidir. Azərbaycan dövlətinin müstəqilliyinə qarşı çıxan şəxsi doğma qardaşım olsa belə onu bağışlaya bilmərəm. 709-cu briqada dövlətə tabe etdirlməli, törətdiyi cinayətkar əməllərə və fəaliyyətinə görə Surət Hüseynov ya həbs edilməli, ya da məhv olunmalıdır.