 |
 |
15:03
Prezident İlham Əliyev Azərbaycan Respublikası Prezidentinin 2018-ci il 21 dekabr tarixli 427 nömrəli Fərmanı ilə təsdiq edilmiş “Xarici ticarət iştirakçılarının “Yaşıl dəhliz” buraxılış sistemindən daimi istifadə hüququnu əldə etməsi, həmin hüququn dayandırılması, ləğvi və bərpası Qaydası”nda dəyişiklik edilməsi haqqında fərman imzalayıb.
Axar.az fərmanın mətnini təqdim edir:
1. Azərbaycan Respublikası Prezidentinin 2018-ci il 21 dekabr tarixli 427 nömrəli Fərmanı (Azərbaycan Respublikasının Qanunvericilik Toplusu, 2018, № 12 (I kitab), maddə 2584) ilə təsdiq edilmiş “Xarici ticarət iştirakçılarının “Yaşıl dəhliz” buraxılış sistemindən daimi istifadə hüququnu əldə etməsi, həmin hüququn dayandırılması, ləğvi və bərpası Qaydası”nda aşağıdakı dəyişikliklər edilsin:
1.1. 5.1.2-ci yarımbəndə “2.1.2 – 2.1.4-cü” sözlərindən sonra “, 4.0.2-ci və 4.0.4-cü” sözləri əlavə edilsin və həmin yarımbənddə “2.1.2-ci və 2.1.3-cü” sözləri “2.1.2-ci, 2.1.3-cü və 4.0.4-cü” sözləri ilə əvəz olunsun;
1.2. 5.5.3-cü yarımbənd aşağıdakı redaksiyada verilsin:
“5.5.3. hüquqi şəxs ləğv olunduqda, hüquqi şəxs yaratmadan sahibkarlıq fəaliyyəti ilə məşğul olan fiziki şəxsin fərdi sahibkar kimi fəaliyyətinə xitam verildikdə, həmin şəxs məhkəmə tərəfindən ölmüş elan edildikdə, itkin düşmüş və ya fəaliyyət qabiliyyəti olmayan hesab edildikdə, yaxud vəfat etdikdə;”
1.3. 5.5.6-cı yarımbəndin sonunda nöqtə işarəsi nöqtəli vergül işarəsi ilə əvəz edilsin və aşağıdakı məzmunda 5.5.7-ci yarımbənd əlavə olunsun:
“5.5.7. “Yaşıl dəhliz” buraxılış sistemindən daimi istifadə hüququnun dayandırılmasına səbəb olan hallar 12 (on iki) ay ərzində təkrar aşkar edildikdə.”.
2. Bu Fərman dərc edildiyi gündən 30 (otuz) gün sonra qüvvəyə minir.
***
Prezident İlham Əliyev “Azərbaycan Respublikasında nəqliyyat, rabitə və yüksək texnologiyalar sahəsində idarəetmənin təkmilləşdirilməsi ilə bağlı bəzi tədbirlər haqqında” Azərbaycan Respublikası Prezidentinin 2018-ci il 12 yanvar tarixli 1785 nömrəli Fərmanında dəyişiklik edilməsi barədə fərman imzalayıb.
Fərmanda deyilir:
Azərbaycan Respublikası Prezidentinin 2018-ci il 12 yanvar tarixli 1785 nömrəli Fərmanı (Azərbaycan Respublikasının Qanunvericilik Toplusu, 2018, № 1, maddə 41; 2019, № 1, maddə 95, № 6, maddə 1027, № 11, maddə 1702, № 12, maddə 1929; 2020, № 3, maddə 231, № 4, maddə 407, № 8, maddə 1044; 2021, № 6 (I kitab), maddə 593) ilə təsdiq edilmiş “Azərbaycan Respublikasının Nəqliyyat, Rabitə və Yüksək Texnologiyalar Nazirliyi haqqında Əsasnamə”nin 3.0.14-cü yarımbəndində “38-41-ci” sözləri “38-ci, 39-cu, 41-ci,” sözləri ilə əvəz edilsin.
***
Prezident İlham Əliyev Azərbaycan Respublikasının Radiotezliklər üzrə Dövlət Komissiyası haqqında Əsasnamə”nin təsdiq edilməsi barədə fərman imzalayıb.
Fərmanda deyilir:
1. “Azərbaycan Respublikasının Radiotezliklər üzrə Dövlət Komissiyası haqqında Əsasnamə” təsdiq edilsin (əlavə olunur).
2. Azərbaycan Respublikasının Nazirlər Kabineti bu Fərmandan irəli gələn digər məsələləri həll etsin.
Prezident İlham Əliyev Brüsseldə Avropa İttifaqının Şərq Tərəfdaşlığının VI Sammitində çıxış edib.
Hazırda Avropada yeni bağlantılar üzərində iş gedir.
İlk növbədə, mən demək istərdim ki, beynəlxalq məhkəmə, həmçinin bizim Ermənistana qarşı işimizlə bağlı ilkin rəyini açıqlayıb.
İlham Əliyevin Ermənistanda ən azı 680 min (hakim partiyaya səs verənlərin sayı nəzərdə tutulur - red.) tərəfdarı var.
Azərbaycan NATO-nun etibarlı tərəfdaşıdır.
Axar.az xəbər verir ki, bunu Azərbaycan Prezidenti İlham Əliyev NATO-nun Baş katibi Yens Stoltenberqlə keçirdiyi birgə mətbuat konfransında söyləyib.
Dövlət başçısı Azərbaycanın NATO-nun Əfqanıstandakı missiyası çərçivəsində fəaliyyətinə verdiyi yüksək qiymətə görə NATO-nun Baş katibinə minnətdarlığını bildirib.
Prezident Azərbaycan ordusunun koalisiya qüvvələri çərçivəsində bu ölkəni sonuncu tərk edənlərdən biri olduğunu xatırladıb.
Məşhur Məmmədov,
Milli Məclisin deputatı
12 dekabr Azərbaycan xalqının ümummili lideri Heydər Əliyevin anım günüdür. Keçən hər bir il bir daha təsdiq edir ki, sözün hər mənasında, böyük və ibrətamiz həyat yaşamış Heydər Əliyevin təməlini qoyduğu siyasi kursun, strateji inkişaf xəttinin ömrü çox uzaq gələcəyə hesablanıb. Yaxın tarixə nəzər salanda bir daha şahid oluruq ki, Heydər Əliyev dühasının xalqı, vətəni yolunda etdiyi fədakarlıqlar, göstərdiyi xidmətlər, atdığı addımlar unudula bilməz. Çünki onun xatirəsini, gördüyü işləri, xalqımız qarşısındakı xidmətlərini yaddan çıxarmaq mümkün deyil. Ulu öndər bütün fəaliyyəti boyu qabaqcıl və mütərəqqi qüvvələrə arxa, dayaq olmuş, xalqı ardınca aparmışdır.
Azərbaycan xalqının ümummilli lideri, dünya şöhrətli siyasi xadim Heydər Əliyev çoxəsrlik dövlətçilik tariximizdə yeni parlaq səhifə açan nadir, bənzərsiz şəxsiyyətdir. Tarixin yaddaşında əbədi iz qoymaq hər insana nəsib olmayan böyük xoşbəxtlikdir. Bütün həyatını xalqının xoşbəxt gələcəyinə, qüdrətli Azərbaycan dövlətinin yaradılmasına və inkişafına həsr etmiş bu dahi şəxsiyyətin Vətən və xalq qarşısındakı xidmətləri misilsizdir. Azərbaycanda müstəqil, hüquqi dövlətin yaranması, milli, mənəvi və əxlaqi dəyərlərimizin qorunub saxlanması, vətəndaş cəmiyyətinin formalaşdırılması və yeni iqtisadi kursun müəyyənləşdirilməsi prosesinin müvəffəqiyyətli həlli məhz ümummilli liderimiz Heydər Əliyevin xidmətləridir. Təsadüfi deyil ki, ulu öndərimizin fəaliyyəti öz miqyası və əhəmiyyəti etibarilə Azərbaycanın hüdudlarından çox-çox kənara çıxıb. Dünya miqyasında ən nüfuzlu dövlət başçıları, politoloqlar tərəfindən dəfələrlə bəyan edildiyi kimi, Azərbaycan və böyük türk dünyasının dahi oğlu Heydər Əliyev zəmanəmizin ən yüksək zirvəsində duran tanınmış siyasi xadimlər sırasında öz layiqli yerini tutub. Xalqımızın yaddaşında yaradıcı, qurucu və xilaskar obrazını daim yaşadıb, qəlblərdə özünə əbədi məhəbbət qazanıb.
1991-ci ildə Azərbaycan özünün dövlət müstəqilliyini elan etsə də, bu, əslində, 1993-cü ilin ortalarına qədər formal xarakter daşımışdır. Ulu öndərin 1993-cü ilin oktyabrında dövlət başçısı seçilməsindən sonra müstəqil Azərbaycanın hüquqi və siyasi-iqtisadi suverenliyinin təmin olunması prosesi daha da sürətlənmişdir. Böyük siyasi xadim Heydər Əliyev hər bir fərdin maraq və mənafelərini təmin etmədən, ədalət meyarını qorumadan güclü dövlət yaratmağın mümkünsüzlüyünü çıxışlarında hər zaman vurğulamış, vətəndaşlara göstərilən hüquqi yardımın səviyyəsinin müntəzəm surətdə artırılmasının əsas təşəbbüskarı kimi çıxış etmişdir. Ulu öndərin rəhbərliyi altında hazırlanaraq 1995-ci ilin 12 noyabrında ümumxalq səsverməsi yolu ilə qəbul edilmiş müstəqil Azərbaycan Respublikasının Konstitusiyası dövlətimizin tarixində hakimiyyət bölgüsü prinsipini, demokratik, hüquqi və dünyəvi dövlət quruculuğunun hüquqi əsaslarını, insan hüquq və azadlıqlarının qeyd-şərtsiz təmin olunmasının bünövrəsini qoymuşdur. 1995-ci ildə müstəqil Azərbaycanın parlamentinə keçirilən ilk seçkilər isə dövlət müstəqilliyinin möhkəmləndirilməsi prosesinin hüquqi bazasının yaradılmasına daha geniş imkanlar açmışdır. Bu hadisə dövlət müstəqilliyinin prioritet istiqamətlərini müəyyənləşdirmək və həyata keçirmək yolunda əsas istinad mənbəyi rolunu oynamışdır. Bununla da Azərbaycanın dünya dövlətləri sırasında özünəlayiq yer tutması, beynəlxalq münasibətlərin subyektinə çevrilməsi istiqamətində ardıcıl fəaliyyətin əsası qoyulmuşdur. İqtisadiyyatda, siyasətdə, elmdə, təhsildə, bir sözlə, bunu hər sahədə görmək olar.
Ulu öndər Heydər Əliyevin möhkəm təməllər üzərində əsasını qoyduğu balanslaşdırılmış xarici siyasət uzaq hədəflərə hesablanmış strateji fəaliyyət konsepsiyası olmaqla, müstəqil Azərbaycanın beynəlxalq arenada nüfuz və mövqelərinin güclənməsinə, ümummilli problemlərinin həllinə yönəlmişdir. İnamla deyə bilərik ki, bu siyasət 2003-cü ilin oktyabrından Heydər Əliyev siyasi kursunun ən layiqli davamçısı - cənab İlham Əliyevin rəhbərliyi altında uğurla həyata keçirilir. Ulu öndər Heydər Əliyevin demokratik dövlətçilik strategiyasını ləyaqətlə davam etdirən Azərbaycan Prezidenti müəyyənləşdirilmiş möhkəm ənənələr üzərində özü də yeni bir dövlətçilik məktəbinin banisinə çevrilmişdir. Dövlət başçısı həyata keçirdiyi islahatları məhz ulu öndər Heydər Əliyevin müəllifi olduğu möhkəm təməl üzərində davam etdirir və yeni dövrün tələblərinə uyğun zənginləşdirməyə çalışır. Milləti Heydər Əliyev ideyaları ətrafında birləşdirən cənab İlham Əliyev özünü azərbaycanlı sayan, bu mənsubiyyətdən qürur duyan hər kəsi Ulu öndərimizin işıqlı, nurlu arzularının, ideyalarının həyata keçirilməsi istiqamətində səfərbər edir. Ümummilli liderin zəngin irsinin daha dərindən, hərtərəfli öyrənilməsi, onun yaratdığı milli dövlətçilik və azərbaycançılıq ideyaları və ölkə mədəniyyətinin geniş təbliği Heydər Əliyev siyasətinə verilən önəmin göstəricisidir.
Allah Ulu Öndərə rəhmət eləsin! Azərbaycan dövləti var olduqca Ümummilli liderimiz anılacaq, onun zəngin həyat təcrübəsi, güclü dövlətçilik, idarəçilik ənənəsi davam etdiriləcək.
Ağstafadan gəlib ƏƏSMN qarşısında narazılıq etmək istəyənlər var - Nazirliyin əlillik siyasəti narazıların dairəsini genişləndirir
Əmək və Əhalinin Sosial Müdafiə naziri Sahil Babayevin əlilliyin təyin edilməsi ilə bağlı siyasəti çox dərin mətləblərdən xəbər verir və bununla bağlı yazmaq, elə siyasətlə məşğul olmaq qədər məna daşıyır.
Mövzu bu olmadığından, ancaq Ağstafa və Qazax rayonlarından çoxsaylı müraciətlərin ümumi məzmununu ümumililəşdirərək qənaəti bölüşürük.
Belə hesab edilir ki, saxta əlillərin müəyyənləşdirilərək təyinatlarının ləğvi ilə parallel, həqiqətən əlillik təyinatı şamil edilməli yüzlərlə xəstə narazı salınıb. Hazırkı şəraitdə nazirlik rəsmilərinin yanaşmasından belə anlaşılır ki, həmin xəstə şəxslərə də əlillik təyin etmək fikirləri yoxdur. Bununla da bu qrupdan olan şəxslər hakimiyyət rəsmilərindən narazı qalıb.
Və hesab edilir ki, ƏƏSMN Sahil Babayev həqiqətən saxta əlillik almış şəxsləri müəyyənləşdirmək istəyirsə, ömürlük qrup təyin edilmiş şəxslərin ən azı 50 faizini təkrar müayinədən keçirsin, kimi iddialar müraciətlərdə yer alır. Azərbaycanda Psixiatriya xəstəxanalarının əvvəllər və hazırda da ömürlük “əlil” etdiyi yüzlərlə şəxsə qarşı mübarizə aparılmalı olduğundan bəhs edilir. Onların dəli, yoxsa sağlam olmalarını müəyyənləşdirmək elə də çətin deyil,- deyilir.
Faktinfo.az saytına Ağstafa rayonundan daxil olan, ictimailəşdirilməsi istənilən digər şikayət məktubunda əlillərin nazirliyin qarşısında narazılıqlarını bildirəcəklərindən də bəhs olunur.Və belə hesab edilir ki, ƏƏSMN-nin Respublika Tibbi Sosial Ekspertiza mərkəzinə göndərilən bildirişlərin əsassız yerdən “çıxdaş edilməsi”nə nazir Sahil Babayevin yaxın qohumu Mətanət Məmmədova rəhbərlik edir. Bu xanımın vəzifəsi məqsədli şəkildə tez-tez dəyişdirilir, bəzən o, heç nədən xəbəri olmamış kimi davranır, amma bütün məsələləri Mətanət Məmmədova idarə edir. Onun xəbəri olmadan kənar heç bir iş görülmür.
Həmçinin vurğulanır ki, təyinatı dayandırılmış əlillər ələ də salınır. Onların F-88 məlumatları xəstəlik kodları üzrə işlənib onlayn göndərildikdən sonra telefonlarına Respublika Tibbi Sosial Ekspertiza Mərkəzindən təkrar-təkrar cavab gəlir ki, stasionar müalicə götürməlisiniz. Bir çox xəstələrin telefonlarına isə müxtəlif bəhanələr gətirilərək, orfoqrafik səhvlərlə dolu bir cümləlik məlumat göndərilir. “Göndəriş natamam doldurulma səbəbindən səhiyyə müəssisinə geri qaytarılır.” Belə bir cümləlik əsaslandırılmamış mesajlar artıq insanların əsəblərini tarıma çəkib.
Qeyd edək ki, ƏƏSMN-nin Respublika Tibbi Sosial Ekspertiza Mərkəzinə göndərilən bildirişlər üzrə əlilliyi ləğv edilən və ya sənədləri geri qaytarılan insanlar arasında çox ciddi xəstələr var ki, onlar bu günlərdə 3-5 manat dəyərində dərmanı almaq iqtidarında deyillər. Respublika Tibbi Sosial Ekspertiza Mərkəzinin həkimləri isə iflic, bir neçə dəfə ürək əməliyyatı keçirən, boyunda yaranmış yırtıq səbəbindən günaşırı ağrıları tutan, ağır dərəcəli zobdan bir neçə dəfə əməliyyat olunan, kəskin revmatiq qızdırma ilə yaşayan, mərkəzi sinir sistemi zədələnməsi səbəbindən qol və ayaqda parezi olan, onkoloji xəstəlikdən əziyyət çəkən yüzlərlə xəstənin əlillik təyinatını dayandırıb və ya onların sənədlərini “düzəliş, stasionar, natamam doldurulma” səbəbilə geri qaytarıb.
Nəzərə alsaq ki, elə əlillər var ki, şəhər mərkəzində yaşayır, onların həyətyanı sahəsi,toyuq-cücəsi,islahat torpağı yoxdu, belə şəxslərə qarşı ƏƏSMN Respublika Tibbi Sosial Ekspertiza Mərkəzinin münasibəti təqdirə layiq hesab edilə bilməz.
Heydər Əliyevin Zəngəzur və Naxçıvanın bir hissəsinin Ermənistana verilməsi ilə bağlı tarixi çıxışından parça Ümummilli liderin anım günündə sosial şəbəkələrdə yenidən gündəmə gətirilib.
Heydər Əliyevin 18-ci anım günündə ümummilli liderin sənət adamları ilə görüşlərinin birində azadlıq və müstəqilliklə bağlı sözləri sosial şəbəkələrdə paylaşılıb.