Türkiyə Silahlı Qüvvələrinin 25-ci Baş Qərargah rəisi, istefada olan ordu generalı Yaşar Büyükanıt vəfat edib.

“Qafqazinfo”nun “Hurriyet”ə istinadən verdiyi xəbərə görə, uzun müddətdir ürək çatışmazlığından əziyyət çəkən keçmiş rəis bu gün İstanbulda 79 yaşında dünyasını dəyişib.

Qeyd edək ki, mərhumun xanımı Filiz Büyükanıt isə 4 gün öncə vəfat etmişdi. O, səhhəti ilə əlaqədar həyat yoldaşının cənazə mərasiminə qatıla bilməmişdi.

Xatırladaq ki, Y. Büyükanıt 2006-2008-ci illərdə Baş Qərargah rəisi olub.

Almaniya mətbuatı hüquq-mühafizə orqanlarının ölkədə miqrant alveri ilə məşğul olanlara qarşı keçirdiyi əməliyyat haqda məlumat yayıb.

“Qafqazinfo”nun “tah.de” nəşrinə istinadən verdiyi xəbərə görə, noyabrın 13-də 180 federal polis xüsusi əməliyyat çərçivəsində Şimali Reyn-Vestfaliya və Hessen vilayətlərinə Azərbaycandan Almaniyaya qanunsuz olaraq bir neçə nəfəri aparan dəstənin ələ keçirilməsi üçün göndərilib. 

Bildirilir ki, Köln, Düsseldorf, Frankfurt və Visbaden bölgələrində ümumilikdə 13 əmlakda axtarış aparılıb. Bu məqsədlə, Koblenz federal polisi tərəfindən elan edildiyi kimi iki həbs qərarı icra edilib. Bunlar Almaniya mətbuatında 58 və 49 yaşlı şəxslər kimi göstərilir və adlar açıqlanmır. Azərbaycan KİV-nə məlum olan xəbərlərə əsasən isə həmin şəxslər 58 yaşlı Əlövsət Əliyev və 49 yaşlı Mehdi Xəlilbəylidir. 

Nəşrin məlumatına görə, adıçəkilənlər azı 20 nəfəri saxta sənədlərlə 3-10 min avro qarşılığında qanunsuz olaraq Almaniyaya aparıblar. Müttəhimlər həm də çirkli pulların yuyulmasında ittiham olunurlar.

Qeyd olunur ki, araşdırmalar cari ilin iyunundan aparılır.

Bu məqamda bildirək ki, federal polis çərşənbə günü digər 6 ştatda da bənzər əməliyyatlar keçirib. Belə ki, xarici işçiləri qanunsuz olaraq Ukraynadan Almaniyaya aparan dəstə ifşa edilib. 

Hanoverdəki federal polisin verdiyi məlumata görə, Aşağı Saksoniya, Bremen, Şlezviq-Holşteyn, Şimali Reyn-Vestfaliya, Brandenburq və Reynland-Palatinada 38 ərazidə axtarış aparılıb və həbs qərarı çıxarılıb. Şəbəkəyə qarşı əməliyyatda 500-ə yaxın rəsmi şəxs iştirak edib.

Cinayət törədənlərin onlara saxta Aİ şəxsiyyət sənədləri təqdim etdikləri, onların hökumət orqanlarında və sosial təminat fondlarında qeydiyyata alınmalarında kömək etdikləri müəyyənləşdirilib.

Həmçinin qeyd olunur ki, axtarış aparılan yerlərdən sənədlər, media vasitələri, külli miqdarda pul və silah tapılıb.

Boliviya parlamentinin senatorlar palatasının ikinci vitse-spikeri Janin Anyes Evo Morales prezident vəzifəsindən istefa verdikdən sonra dövlət başçısı vəzifəsini öz üzərinə götürüb.

TASS qeyd edir ki, bu barədə o, çərşənbə axşamı Parlamentin iclasında bildirib.

“Mən Konstitusiyaya müvafiq olaraq dərhal dövlət başçısı vəzifəsini öz üzərimə götürürəm”, – deyə Anyes elan edib.

Onun sözlərinə əsasən, “mümkün qədər tez prezident seçkiləri keçirməyə hazırlaşır”.

Xatırladaq ki, noyabın 10-da bütün ölkə rəhbərliyi – Boliviya prezidenti Evo Morales, vitse-prezident Alvaro Qarsia Linera, eləcə də konstitusiyaya əsasən, ölkədə üçüncü rəhbər şəxs olan Senatının spikeri Adriana Salvatyerra istefa verib.

Prezident və vitse-prezident istefaya gedərsə, Konstitusiyaya əsasən, Senatorlar Palatasının sədri ölkəyə rəhbərlik etməlidir. Əgər o da öz vəzifəsindən gedirsə, dövlətə müvəqqəti olaraq Deputatlar Palatasının sədri başçılıq edir, lakin Adriana Salvatyerra və Viktor Borda da istefa veriblər. Hakimiyyətin ötürülməsinin sonrakı qaydası Boliviya qanunlarında yazılmayıb. Buna baxmayaraq, Anyes bəyan etmişdi ki,  prezident vəzifəsinin icrasını öz üzərinə götürəcək, çünki o, Salvatyerra və onun birinci müavininin istefasından sonra yuxarı palatanın sədrinin yerini tutmalıdır.

"Ölkə.Az" İHA-ya istinadən xəbər verir ki, məhkəmə prosesinə Ərdoğanın vəkili Tuba Sağlam Eker və Kılıçdaroğlunun vəkili Nihal Cengiz qatılıb.

Nihal Cengiz məhkəmənin ədalətinə şübhə etdiyi üçün hakimin dəyişdirilməsini tələb edib.

Lakin, onun tələbi rədd edilib və Kılıçdaroğlunun Ərdoğana 50 min lirə (təxminən 14 min 700 manat) mənəvi təzminat ödəməsi barədə qərar qəbul edilib.

Qeyd edək ki, Kılıçdaroğluy 17 iyul 2018-ci ildə CHP-nin iclasında Ərdoğan haqqında təhqiramiz ifadələr işlətmiş, həmçinin onun karikaturasının sosial şəbəkədə paylaşmışdı.

ABŞ prezidenti Donald Tramp Türkiyəyə 100 milyard dollarlıq ticarət razılaşması və Rusiya zenit sistemlərini aldığına görə tətbiq edilmiş sanksiyalarla bağlı vəziyyəti həll etmək variantını təklif edib.

Bu barədə “The Washington Post” yazıb.

Nəşrin mənbələri bildirir ki, iki ölkə arasında münasibətlərin yaxşılaşdırılması təklifi ötən həftə Türkiyə prezidenti Rəcəb Tayyib Ərdoğana ünvanlanmış məktubda yer alıb.

Bu təklifin əvəzində Ankara Suriyadakı siyasətinə yenidən baxmalı, eləcə də C-400 məsələsini ABŞ-ın xeyrinə həll etməlidir.

Qəzetin həmsöhbətləri hesab edirlər ki, ABŞ Nümayəndələr Palatasında Trampın əleyhdarlarının bir hissəsi Ağ Evin təklifindən “qəzəblənəcək”. Belə ki, qanunvericilər Suriyada hərbi əməliyyatlara görə Türkiyəyə qarşı sanksiyaların tətbiqini dəstəkləmişdilər.

Oktyabrın 23-də məlum olmuşdu ki, Türkiyə S-400 komplekslərinin bütün elementlərini planlaşdırılmış müddətdən qabaq alıb və Rusiya ilə əlavə tədarükləri müzakirə edir.

“Ölkəmizin Dağlıq Qarabağ bölgəsinin Azərbaycanlı icması Ermənistan-Azərbaycan Dağlıq Qarabağ münaqişəsinin həlli ilə bağlı təklif olunan hər hansı planın tərkib hissəsini təşkil edir”.

“Report” xəbər verir ki, bu fikirləri Xarici İşlər Nazirliyinin Mətbuat xidməti idarəsinin rəisi Leyla Abdullayeva Rusiya Xarici İşlər naziri Sergey Lavrovun Yerevanda keçirilən mətbuat konfransı zamanı Ermənistan-Azərbaycan münaqişəsi ilə bağlı sualı cavablandırarkən səsləndiriyi fikirlərinə münasibət bildirilməsi ilə bağlı KİV-in sualını cavablandırarkən deyib.

“Hər zaman qeyd etdiyimiz kimi, bir daha vurğulamaq istərdim ki, yalnız bu bölgədən didərgin salınmış azərbaycanlıların Dağlıq Qarabağda öz evlərinə geri qayıtması münaqişənin Azərbaycan Respublikasının sərhədləri daxilində bölgənin hər iki, azərbaycanlı və erməni icmalarının sülh və təhlükəsizlik şəraitində birgə yaşamasını nəzərdə tutan yüksək səviyyəli özünüidarəetmə statusu əsasında həlli üçün real imkanlar aça bilər. Bunun üçün isə ilk növbədə, münaqişənin həlli ilə bağlı substantiv danışıqlar aparılmalı və Ermənistanın işğalçı qüvvələri Azərbaycanın Dağlıq Qarabağ və ətraf yeddi rayonundan çıxmalıdır”,- XİN sözçüsü bildirib.