Hər gün bir yerdə ofis açır, 3 ay işləyir, 3 aydan sonra gedirsən ki, obyekt yerində yoxdur. Yerini dəyişir, camaatı aldada-aldada vaxt qazanır.

ARB TV –nin efirində yayınlanan “Günə doğru” verilişində lombardların fəaliyyəti ilə bağlı sujet yayımlanıb.

Azərbaycanda lombardların fəaliyyətinə nəzarət gücləndiriləcək. Hazırda onların işini tənzimləyən hüquqi mexanizm olmadığından vətəndaşların aldadılması hallarına tez-tez rast gəlinir.

Sakin: “Onlar müştərilərin zinət əşyalarını həvəslə götürürlər. Ancaq həmin əşyanı götürməyə gedəndə deyirlər ki, gecikmisən, əşyaların yoxdur, yaxud da gedirsən obyekti yerində tapa bilmirsən”.

Hazırda lombard fəaliyyəti üçün xüsusi razılıq tələb olunmur. Yəni istənilən şəxs MMC şəklində lombard açaraq fəaliyyət göstərə bilər.

Rəşad Həsənov – İqtisadçı: “Sahibkarlar sadəcə gedib, qeydiyyatdan keçərək, fiziki şəxs kimi fəaliyətə başlaya bilir. Və bu da öz növbəsində təbii ki, müxtəlif risklərə səbəb olur. Bir çox hallarda vətəndaşlar tərəfindən lombardlara təqdim olunan hansısa aktivlər xüsusilə də qızıl-zinyət əşyaları olur. Bunların da aşağı qiymətləndirilməsi həyata keçirilir”.

Banklara nisbətən asan şərtlərlə xidmət göstərən lombardlar bəzən girov qismində aldıqları qızıl-zinət əşyalarını başqa məqsədlər üçün istifadə edirlər.

Samir Qasımov – Vəkil: “Onun istifadəsi və digər şəxsə verilməsi lombarda qadağan olunur. Hətta həmin əşyaların qiyməti lombard tərəfindən mütləq sığortalanmalıdır. Əgər hər hansı bir hadisə nəticəsində oğurluq və s. o əşyalar məhv olarsa, onda sığorta şirkəti əşyaların sahibinə pulu ödəsin”.

Ekspertlərin sözlərinə görə, hazırda aktual problemlərdən biri lombard fəaliyyətinə nəzarət mexanizminin olmamasıdır.

Rəşad Həsənov – İqtisadçı: “Bu insanlar öz fəaliyətini qanun çərçivəsində həyata keçirmir. İnsanlarla müqavilə əsasında bu xidmətləri təklif etmirlər. Və yaxud da təklif etdiyi halda belə onlar artıq faəliyətini dayandırdıqda ölkəni tərk etmiş olurlar. Artıq bu insanlarla bağlı hər hansı Azərbaycan qanunvericiliyə uyğun olaraq müvafiq cəza tədirlərinin həyata keçirilməsi məhkəmə qərarlarının icrası mümkün olmur”.

Samir Qasımov – Vəkil: “Hazırda lombard təşkilatlarının lisenziyalaşdırılması gözlənilir. Lisenziya üçün müraciət edən və lisenziya alan lombard təşkilatları daha ciddi prosedurlardan keçəcək ki, nəticədə də bu tip qanunsuz halların sayı azalacaq”.

Xatırladaq ki, ötən ilin sonlarında milli məclisdə lombardlar haqqında qanun layihəsi müzakirəyə çıxarılıb. Yeni formalaşan parlamentin də ilk müzakirə mövzularından birinin məhz bu məsələ olması gözlənilir.

“Bəzi çoxmərtəbəli binaların istismarına icazə verilməsinin sadələşdirilməsi haqqında” Azərbaycan Respublikası Prezidentinin 2019-cu il 19 fevral tarixli Fərmanının icrası ilə əlaqədar yaşayış komplekslərinin idarə edilməsində illərdən bəri mövcud olan problemlər və mülkiyyət hüququnu təsdiq edən sənədlərin verilməməsi ilə bağlı şikayətlər azalsa da, vətəndaşlar ötən il də Prezident Administrasiyasına tikinti şirkətlərinin fəaliyyəti ilə bağlı çoxsaylı müraciətlər göndəriblər”.

Bu, Azərbaycan Respublikası Prezidenti Administrasiyasının Vətəndaşların müraciətləri ilə iş şöbəsinin müdiri Süleyman İsmayılovun rəsmi  mətbuatda dərc edilən “Azərbaycan Prezidentinin dərin islahatları vətəndaş müraciətlərində qaldırılan məsələlərin həllinə böyük inam yaradır” başlıqlı məqaləsində əksini tapıb.

Məqalədə qeyd edilib ki,  2019-cu il ərzində 100-dən çox tikinti şirkəti tərəfindən çoxmərtəbəli yaşayış binalarının inşasında müvafiq norma və qaydalara, həmçinin müqavilə şərtlərinə riayət edilməməsindən, tikinti işlərinin vaxtında yekunlaşdırılmamasından, bəzi şirkətlərin mənzilləri iki və daha artıq şəxsə satmasından, kompensasiya verilmədən söküntü işlərinə başlanılmasından və ya kompensasiyaların az olmasından, təsdiq edilmiş layihədən kənara çıxılmasından, binaların təhlükə törədəcək dərəcədə yaxın məsafədə tikilməsindən, yaşayış komplekslərinin idarə edilməsindəki bəzi çatışmazlıqlardan, aldıqları mənzillərin başqalarına satılmasından şikayət ediblər:

“Bunlardan “Birlik-İnşaat”, “Murad M.S.”, “İnteks”, “Grand Plaza”, “Araz-2011A”, “Pearl Construction”, “Fədək”, “MVVL Verus Praedium”, “NV Construction”, “Malibo”, “Draft Construction”, “Pilot-1”, “RÜR”, “Avro Qrand”, “Abşeron LTD2013”, “Pilot İnşaat A”, “Qafqaz-A”, “İlkin N”, “Qaya Qala”, ”Rifah Plaza”, “RNQ Qroup”, “Poleks”, “Sweet House”, “Memar Group”, “Hayan-E”, “Dərəçiçək”, “Narm”, “Karat”, “Xəzər İnşaat”, “Hermes-S”, “Servis”, “Mahal”, “Yeni Yasamal”, “Yüksəliş-C”, “Avanqard İnşaat”, “FF”-2011, “Abidə”, “Gözəl Bakı”, “Star-M” “Müasir Arena”, “Home Paş Prestij”, “Kristal Abşeron”, “İlin Dörd Fəsli”, “Olimp”, “Şakir”, “AAAF Park”, “İnvest-2016”, “Məkan”, “Bulaq-2”, “Xudafərin”, digər MMC və MTK-lar barədə şikayətlər daha çox olub. İnanırıq ki, Azərbaycan Prezidentinin bu sahəyə daim diqqət yetirməsi, qanunvericilikdə edilən dəyişikliklər, həmçinin mərkəzi və yerli icra hakimiyyəti orqanlarında bu qəbildən olan məsələlərə ciddi yanaşılması bu mövzuda şikayətlərin sayını azaldacaq”.

“Vətəndaşların ərizələri əsasən onların düşdükləri müəyyən çətinliklərin, o cümlədən mənzil-məişət, təhsil, sağlamlıq problemlərinin həlli barədə xahişlərdən ibarət olursa, şikayətləri bilavasitə pozulan hüquqlarının müdafiəsi və bərpası, qanuni tələblərinin yerinə yetirilməsinə törədilən əngəllərin aradan qaldırılması, vəzifəli şəxslərin qanunazidd hərəkətlərinə qarşı müvafiq tədbirlər görülməsi barədə olur”.

"Ölkə.Az" xəbər verir ki, bu, Azərbaycan Respublikası Prezidenti Administrasiyasının Vətəndaşların müraciətləri ilə iş şöbəsinin müdiri Süleyman İsmayılovun rəsmi  mətbuatda dərc edilən “Azərbaycan Prezidentinin dərin islahatları vətəndaş müraciətlərində qaldırılan məsələlərin həllinə böyük inam yaradır” başlıqlı məqaləsində əksini tapıb.

Məqalədə qeyd edilib ki, şikayətlərin təhlili və onlara obyektiv baxılması dövlət qurumlarında biganəliyin, süründürməçiliyin qarşısını almağa kömək etdiyinə görə bu müraciətlər daha diqqətlə öyrənilir. Prezident Administrasiyasına daxil olan şikayətlər hansı sahələrdə və ya hansı bölgələrdə işin düzgün qurulmadığını da əks etdirdiyinə görə onların sayı, mövzuları, haradan daxil olması və onları doğuran səbəblər mütəmadi olaraq təhlil edilir:

“Ümumiyyətlə, 2019-cu ilin rəqəmləri göstərir ki, şikayətlərin sayı 2018-ci illə müqayisədə Xətai, Yasamal, Yevlax, Ağdam, Ağstafa, Ağsu, Beyləqan, Bərdə, Biləsuvar, Cəbrayıl, Gədəbəy, İmişli, Laçın, Neftçala, Salyan, Şamaxı, Şəmkir, Zərdab, digər şəhər və rayonlardan artmış, Sabunçu, Daşkəsən, Göygöl, Hacıqabul və başqa rayonlardan azalıb. Mövzular üzrə təhlil göstərir ki, hüquq-mühafizə və məhkəmə orqanlarının, həmçinin vəzifəli şəxslərin fəaliyyəti, bank əməliyyatları, kreditlərin verilməsi, əmək mübahisələri, işdən çıxarılma, səhiyyə müəssisələrinin və tibbi personalın fəaliyyəti, fərdi torpaq və əkin sahələrinin zəbt olunması, əlillik dərəcələrinin düzgün təyin edilməməsi, tibbi-sosial ekspert komissiyalarının, özəl müəssisələrin fəaliyyəti, mərkəzi və yerli qurumlarda vətəndaşların qəbulu və müraciətlərinə baxılması, bəzi şəhər, rayon icra hakimiyyətlərinin və bələdiyyələrin fəaliyyəti ilə bağlı şikayətlər daha çoxdur. Bəzi şəhər, rayon icra hakimiyyətlərinin, yerli icra hakimiyyəti başçılarının inzibati ərazi üzrə nümayəndələrinin fəaliyyəti barədə şikayətlər az deyil.

2019-cu ildə Prezident Administrasiyasına bələdiyyələrin fəaliyyəti ilə bağlı daxil olan müraciətlərin ümumi sayı əvvəlki illə müqayisədə 31 faiz, şikayətlərin sayı 46,4 faiz artıb. Bələdiyyələrin fəaliyyətindən narazılıq bildirilən müraciətlər Binəqədi, Xəzər, Lənkəran, Şəki, Ağcabədi, Beyləqan, Bərdə, Biləsuvar, Cəlilabad, Gədəbəy, Göyçay, İmişli, Masallı, Saatlı, Sabirabad, Şabran, Şamaxı, Şəmkir, Zaqatala, Zərdab, digər şəhər və rayonlardan daha çox olub”.

Bunu Modern.az-a “Azərişıq” Açıq Səhmdar Cəmiyyəti mətbuat xidmətindən bildiriblər. 

Qeyd olunub ki, uçot sisteminin yenidən qurulması, elektrik enerjisindən qanunsuz istifadə və enerjinin talan olunması kimi hüquqazidd hərəkətlərin qarşısının alınmasının nəticəsidir ki, ötən illərlə müqayisədə elektrik enerjisi haqlarının yığılmasında əsaslı dönüş yaranıb.

"Lakin görülmüş tədbirlərə baxmayaraq, bu sahədə işimizə maneə olan elektrik enerjisinin talan olunması kimi neqativ hallar hələ də ciddi narahatçılıq yaradır. Bəzi istehlakçıların, xüsusən də villa, MTK, sənaye və içtimai iaşə obyektləri, otel, istixana və s. sahiblərinin elektrik enerjisindən sayğacdan kənar istifadə etmələri, kabel xətlərinə və uçot dəstlərinə müdaxilələri müşahidə edilir ki, bu da son nəticədə elektrik enerjisinin talanmasına səbəb olmaqla yanaşı, digər istehlakçıların,xüsusən də əhalinin enerji təchizatında ciddi problemlər yaradır.

Qeyd olunanları nəzərə alaraq, elektrik şəbəkəsinə qanunsuz qoşulan, uçot dəstinə müdaxilə edən və sair hüquqazidd hərəkətlərə yol verən istehlakçıları bir daha xəbərdar edirik ki, belə istehlakçıların elektrik enerjisi təchizatı dərhal dayandırılacaq, elektrik enerjisinin talanmasının qarşısının alınması və təqsirli şəxslərin məsuliyyətə cəlb olunmaları üçün hüquq mühafizə orqanlarına müraciət olunaraq azerishiq.az saytında və kütləvi informasiya vasitələrində ictimaiyyətə məlumatlandırılacaqdır", - deyə məlumatda bildirilir.

“Azərbaycanda qızıl sənayesinin inkişaf etdirilməsi perspektivlərini müzakirə edərkən problemlərə də nəzər salmalıyıq. İqtisadiyyatın şaxələndirməsinin mühüm hissəsi dağ-mədən sənayesinin inkişafıdır”.

Bunu İqtisadiyyat naziri Mikayıl Cabbarov sahibkarlarla görüşündə deyib.

Nazir qeyd edib ki, regionlarda dağ-mədən sənayesində qızıl istehsalı ilə yanaşı, digər qiymətli metalların istehsalı potensialı böyükdür:

“Azərbaycanın zərgərlik sahəsində tarixi ənənələri mövcuddur. Biz sıfırdan hər hansı işi başlamırıq. Zərgərlik sənayesinin yüksəldilməsi üçün ciddi dəstək verilməsi vacibdir. Stimullaşdırıcı amillərin artırılması zərgərlik sənayesinin inkişafında əhəmiyyətli ola bilər”.

M.Cabbarovun sözlərinə görə, sahənin inkişafı üçün şəffaflığın təmin edilməsi vacibdir:

“Biz “kölgə” iqtisadiyyatının bu sahədə azaldılmasına nail olmalıyıq. Güzəştlər o şəxslərə verilir və veriləcək ki, şəffaf fəaliyyət göstərəcək. Bu sahədə rəqabət mühitinin olması bizim üçün əsas məqsədlərdən biridir. Zərgərlik sahəsində aparılan təhlillər burada bir sıra çatışmazlıqların olduğunu göstərir”.

Nazir bazarda yerli zərgərlik məhsullarının azlığına diqqətçəkib:

“Qızılın keyfiyyəti hər zaman ictimaiyyət tərəfindən müzakirə olunur. Bu, həm istehlakçıların hüquqlarına, həm də bizim hədəflərimizə zərbə vuran məqamlardan biridir. Sektorda qeyri-şəffaf əmək münasibətlərinə də rast gəlinir. Biz bunu bilirik. Bazarda şəffaflığın təmin edilməsi dövlətin aidiyyatı strukturlarının üzərinə düşən əsas hədəflərindən biridir. Zərgərlik sahəsində çətinlikləri müəyyən etmək üçün qısa müddət ərzində ixtisaslaşmış asosiassiyanın yaradılması təqdirəlayiqdir”. (modern.az)

Son zamanlar xüsusən paytaxtda xarici nömrələrlə hərəkət edən avtomobillərin sayı çoxalıb.

 “ATV.az” xəbər verir ki, bu cür avtomobillərin sürücüləri yol hərəkəti qaydalarını pozarkən cərimə tətbiq olunsa da, əksər hallarda əcnəbi vətəndaşlar cəriməni ödəməkdən yayınıblar.

Bununla bağlı baş Dövlət Yol Polis İdarəsi əcnəbi sürücülərə müraciət edib. Artıq mexanizm də hazırlanıb.

Polis sürücülər üçün bildiriş paylayıb. Həmin bildirişdə qeyd olunub ki, tərtib olunmuş protokola əsasən cərimə məbləği 30 gün müddətində ödənilmədikdə həmin məbləğin üzərinə 1% dəbbə pulu gələcək.

Cərimələrin ödənilməsi üçün sərhəd keçid məntəqələrində ödəniş terminalları mövcuddur.

 

MSK tərəfindən gündəlikdə duran məsələlərlə bağlı müvafiq qərarlar qəbul ediləcək

Bu gün Milli Məclisə seçkilərlə əlaqədar Mərkəzi Seçki Komissiyasının (MSK) növbəti iclası keçiriləcək.

Komissiya üzvləri 2020-ci ilin fevralın 9-da keçirilən Milli Məclisə seçkilərlə əlaqədar daxil olan daha bir neçə müraciətə baxacaq.

MSK tərəfindən gündəlikdə duran məsələlərlə bağlı müvafiq qərarlar qəbul ediləcək.

Qeyd edək ki, MSK-nın fevralın 13-də keçirilmiş iclasında ümumilikdə 4 dairədə keçirilmiş seçkinin nəticələrinin ləğv edilməsi ilə bağlı qərar qəbul edilib. Bundan əlavə, MSK onlarla müraciəti araşdırılması üçün dairə seçki komissiyasına (DSK) göndərib.

Nəticələri ləğv edilmiş dairələr aşağıdakılardır:

– 80 saylı İmişli-Beyləqan seçki dairəsi – lider namizəd Çingiz Qənizadə

– 74 saylı Lənkəran kənd seçki dairəsi – lider namizəd Hadı Rəcəbli

– 35 saylı Xətai üçüncü seçki dairəsi – lider namizəd Rauf Arifoğlu

– 33 saylı Xətai birinci seçki dairəsi – lider namizəd Hüseynbala Mirələmov.      /Ayna.az/

Yevlax Rayon İcra Hakimiyyətində (RİH) yeni təyinatlar olub.

Qafqazinfo xəbər verir ki, Yevlax RİH-nin başçısı Anar Tağıyev köməkçisi Taleh Rəşidovu vəzifəsindən azad edib.

İcra başçısının əmrinə əsasən, bu vəzifəyə İsmayılov Sərvər Dayandur oğlu təyin edilib.

A.Tağıyevin digər əmri ilə Mirtofiq Bəşirov vakant olan Sənədlərlə və vətəndaşların müraciətləri ilə iş şöbəsinin müdiri vəzifəsinə təyin olunub.

Köməkçi vəzifəsindən azad edilən T. Rəşidov isə Yevlax RİH-də Sənədlərlə və vətəndaşların müraciətləri ilə iş şöbəsinin məsləhətçisi vəzifəsinə gətirilib.

Xərclərə qənaət etməyin ən yaxşı yolu gözlənilməyən əlavə risklərdən sığortalamaqdır. Ziyan dəymə riskinin daha çox olduğu avtomobil sığortası bu mənada birinci yerdə gəlir.

Nəzərə alsaq ki, ölkəmizdə əhali arasında da bu sığorta növü daha çox tanınır, o zaman çoxlarını maraqlandıran bu suala cavab tapmaq yerinə düşər: Azərbaycanda avtomobili sığortalamaq neçəyə başa gəlir?

Fins.az məsələ ilə bağlı Azərbaycan sığorta bazarında qiymətləri və şərtləri araşdırıb. Şirkətlərdən verilən məlumata görə, avtomobilin istehsal tarixindən, bazar qiymətindən, azadolma məbləğindən, sürücülük təcrübəsindən və bir sıra amillərdən asılı olaraq sığorta haqqı arta və ya azala bilir. Ona görə də, bazar qiyməti 11 min manat olan avtomobil misalı üzərində qiymətlər müəyyən edilib.

Sığorta bazarında bəzi şirkətlər 2006-cı ildən aşağı olan avtomobilləri sığortalamırlar. Əksər şirkətlər isə istehsal tarixi 2008-ci ildən yuxarı olan avtomobilləri sığortalamağa razılıq verirlər.

Sığorta eksperti İlkin İbrahimov deyir ki, Azərbaycanda avtomobillərin sığortalanması qaydası, dünyada tətbiq olunan “kasko-könüllü” qaydada həyata keçirilir. Sığortalanma zamanı sığorta haqqı avtomobilin ilindən asılı olaraq qiymətinin 2.5-3% nisbətində müəyyən edilir:

“Lakin elə könüllü sığorta növləri vardır ki, burada sığorta haqqı 15%-ə qədərdir (10% sığorta haqqı + 5%-ə qədər də azadolma) Bura əlavə olaraq şərtsiz azadolma (sığorta şirkətləri tərəfindən bu məbləğə qədər olan hissə hər hadisə zamanı çıxılır) məbləğini də əlavə etdikdə sığorta haqqı kifayət qədər yüksəlir”.

Ümumiyyətlə, icbari sığortalar sosial xarakterli olduğundan və hər kəsin əlçatanlığı təmin edildiyindən bu növ sığorta daha sərfəlidir. Hazırda ölkəmizdə kasko sığorta növü üzrə ən çox istifadə edilən məhsullar müəyyən olunmuş məbləğin il ərzində istifadəsi qədər təminatın verilməsidir. Məsələn, könüllü növ üzrə 550 manat ödəyib, 5500 manatlıq müqavilə bağlayırıq. Bu müqavilə müddətində sığorta şirkəti sığortalı il ərzində 5500 min manatlıq sığorta kompensasiyası ödəməyi öz öhdəsinə götürür.

Bura hər hadisə üzrə 150-200 manatlıq azadolmanı da gəlsək, bu sığorta haqqının kifayət qədər baha olmasını görərik. Lakin icbari sığortada verilmiş təminat hər hadisə üçün il ərzində baş verən hadisələr nəzərdə tutulur. Misal üçün, 5000 manatlıq təminat azadolma istifadə edilmədən il ərzində hər hadisə üçün maksimal ödəniş nəzərdə tutulur.

APA bildirir ki, bu Nazirlər Kabinetinin “Azərbaycan Respublikasının ərazisinə gətirilən aksiz vergisinə cəlb olunan malların aksiz dərəcələrinin təsdiq edilməsi haqqında” qərarında və “Azərbaycan Respublikasının xarici iqtisadi fəaliyyətin mal nomenklaturası, idxal gömrük rüsumlarının dərəcələri və ixrac gömrük rüsumlarının dərəcələri”ndə etdiyi dəyişikliklərdə əksini tapıb.

Beləliklə, tərkibində spirtin miqdarı doqquz faizdən az olan tündləşdirilməmiş alkoqollu içkilərin hər litri üçün 1,9 manat aksiz dərəcəsi müəyyənləşib. Bu içkilərin hər litri üçün isə iki ABŞ dolları idxal gömrük rüsumu tətbiq olunacaq.

Hər iki qərar dərc edildiyi gündən 30 gün sonra – martın 19-da qüvvəyə minir.