Speys TV bu gün - 14 may saat 21:25-də Azərbaycan tarixində ilk dəfə “Doğma xalqıma” filmini nümayiş etdirəcək.

Kult.az xəbər verir ki, 1954-cü ildə çəkilən film Azərbaycanın kino tarixində ilk rəngli filmdir.

Film-konsert janrında çəkilmiş film incəsənət ustalarının Azərbaycan Respublikası zəhmətkeşlərinə yaradıcılıq hesabatıdır.

Bəstəkarlardan Üzeyir Hacıbəyov, Müslüm Maqomayev, Qara Qarayev, Tofiq Quliyev, Soltan Hacıbəyov və Əfrasiyab Bədəlbəylinin əsərləri, “Koroğlu” və “Nərgiz” operalarından, “Yeddi Gözəl”, “Qız Qalası”, “Gülşən” baletlərindən fraqmentlər, xalq yaradıcılığı nümunələri filmə daxil edilib.

Filmin yaradıcı heyəti də kifayət qədər məşhur sənətkarlardır. Belə ki, filmin ssenari müəllifi Həsən Seyidbəyli, quruluşçu rejissorları Yan Frid, Hüseyn Seyidzadə, baş operatoru Əlisəttar Atakişiyev, bəstəkarı Niyazidir.

Çox maraqlıdır ki, bu film çəkiləndən sonra heç vaxt efirdə yayımlanmayıb.

Avropa Birliyinin Rusiyaya sanksiyaları Almaniya iqtisadiyyatına zərər vurur, onları dərhal aradan qaldırmaq lazımdır.

Axar.az xəbər verir ki, bunu Almaniya üçün Alternativ Partiyasının həmsədri Tino Krupalla deyib.

“Avropada və bütün dünyada sülh Almaniya üçün Alternativ Partiyasının əsas hədəflərindən biridir. Bu işdə vacib rolu Rusiya ilə yaxşı münasibətlər oynayır. Ona görə ki, Rusiya Avropaya məxsusdur. Sanksiya siyasətini dərhal dayandırmaq lazımdır”, – deyə o bildirib.

Azərbaycanın xalq artisti, tanınmış gitara ifaçısı Rafiq Hüseynov (Rəmiş) vəfat edib.

Rəmiş kimi tanınan xalq artisti, məşhur gitara ifaçısı Rafiq Hüseynov dünyasını dəyişib.

Kult.az xəbər verir ki, bu barədə sosial şəbəkələrdə məlumat yayılıb.

Qeyd edək ki, sənətçi Hepatit C mənşəli xroniki qaraciyər xəstəliyindən əziyyət çəkirdi.

Rafiq Hüseynov 14 noyabr 1944-cü ilə Ağdamın Gülablı kəndində anadan olub.

Aparıcı-prodüser Tolikin (Tarix Əliyevin) atası vəfat edib.

Kult.az xəbər verir ki, bu barədə müğənni Sevil-Sevinc bacıları sosial media hesabında məlumat yayıblar.

Prodüserin atası Tahir Əliyev bu gün səhər saatlarında dünyasını dəyişib.

Hazırda kino ilə bağlı qanun layihəsinin hazırlanması üzərində iş gedir. Əgər həmin qanun layihəsi yaz sessiya ərzində tamamlansa, müzakirəyə çıxarılacaq.

Kult.az xəbər verir ki, bu barədə Report-a Milli Məclisin Mədəniyyət komitəsinin sədr müavini Fazil Mustafa məlumat verib.

Onun sözlərinə görə, mədəniyyət abidələrinin qorunması, Qarabağda Mədəniyyət Muzeyinin yaradılması, Şuşanın statusu ilə bağlı məsələlərdə mədəniyyət aspektinin qabarılması istiqamətində qanunvericilikdə dəyişikliklər ediləcək:

“Yaz sessiyası bu məsələlərə baxılacaq”.

Hindistanın məşhur müğənnisi və bəstəkarı Qulam Mustafa Xan 89 yaşında vəfat edib.

Kult.az xəbər verir ki, bu barədə NDTV məlumat yayıb.

Mustafa Xan hələ gənc yaşlarında Şimali Hindistanın ənənəvi stilində mahnılarının bəstəkarı kimi məşhurlaşıb. Yaradıcılığı boyu bir çox titul və ordenlərə layiq görülüb.

O, hind musiqisinin ustadı kimi tanınırdı.