 |
 |
"Nikoil Bank" müştərilərinə qarşı şəffaf olmadığını bir daha sübut etdi.
"Kommersant.az" bankın açıqladığı hesabata əsasən xəbər verir ki, "Nikoil Bank" 2019-cu ilin 1ci rübündə 422 mln. 953 min manat cəmi aktivə, 353 mln. 874 min manat cəmi öhdəliyə, 69 mln. 78 min manat isə cəmi kapitala sahib olub.
Bank 2018-ci ilin 1-ci rübünə olan banlans hesabatını rəsmi saytından sildiyi üçün isə analoji dövrlərin müqayisəsini aparmaq mükün olmayıb. Bu isə bankın mənfi hesabatını ictimaiyyətdən gizlətməsi kimi qəbul olunur. Ehtimal olunur ki, "Nikoil Bank"ın hesabat rüblərinin müqayisəsi bankın ağır vəziyyətdə olmasındanxəbər verir. Buna görə də bank ağır vəziyyətini gizlədərək müştərilərini aldadır.
Depozit portfelinin 227 mln. 245 min manat, müştərilərə verilən kreditin isə 260 mln. 245 min manat olduğunu açıqlayan bank yenə də 2018-ci il üzrə hesabatını rəsmi saytından silməklə portfelini gizlədir. Bəlkə də bankın depozit portfeli əriyir və müştərilər bankdan pullarını götürərək qaçır.
Nə hikmətdirsə artım müşahidə olunan hissələr bankın rəsmi saytından silinməyib.
Bankda etibarlı mənbədən aldığımız məlumata görə isə hesabatın gizlədilməsi İdarə Heyəti sədrinin birinci muavini Fərhad Hacınskinin tapşırığı ilə həyata keçirilir.
Məsələn, "Nikoil Bank"ın xalis faiz gəliri 2018-ci ilin 1-ci rübü ilə müqayisədə 2 mln. manat (cuzi artaraq) 14 mln. 468 min manat olub. Qeyri-faiz gəlirləri 200 min manat azalan bank 2019-cu ilin 1-ci rübündə sözügedən gəlirini 1 mln. 233 min manata endirib. Buna baxmayaraq isə bank qeyri-faiz xərclərini 2018-ci ilin 1-ci rübü ilə müqayisədə 1 mln. 300 min manat artıraraq 6 mln. 576 min manata yüksəldib.
2018-ci ilin 1-ci rübündə 309 min manat xalis mənfəət əldə edən bank cari ilin 1-ci rübündə 3 mln. manatlıq mənfəət açıqlayıb.
"Nikoil Bank" bir tək balans hesabatını deyil, həmçinin kapitalın adekvatlığını da rəsmi saytından silərək müştərilərinə qarşı şəffaf olmadığını sübut edir. Bank 2019- cu ilin 1-ci rübündə 71 mln. 428 min manat məcmu kapitala (tutumlardan sonra) sahib olub.
Qeyd edək ki, məsələ ilə bağlı banka müraciət etsək də məsələni həll etməkdən boyun qaçırdılar.
"Əməkdaşlarımız burda yoxdu, mənim də başım çıxmır. Günün ikinci yarısı zəng edin bəlkə burda olar danışarsız".
Azərbaycanda bank faizləri 28-36 aralığında dəyişir.
Kredit faizlərinin yüksək olması vətəndaşların xərclərinin artması, ödənişlərdə problemlərin yaranması ilə nəticələnir.
Xüsusilə də biznes sektoruna mənfi təsir göstərən yüksək faizlərin aşağı salınması zəruri hesab edilir. Bu məsələ dəfələrlə gündəmə gəlsə də, amma konkret addımlar atılmayıb. Kredit faizlərinin aşağı salınması Azərbaycan Milli Məclisində də iki dəfə gündəliyə salınıb, amma sonradan müzakirə olunmadan gündəlikdən çıxarılıb. Müvafiq olaraq ''Banklar haqqında'' qanuna ediləcək dəyişikliklərdə nəzərdə tutulan kreditlərin aşağı salınması məsələsində hələlik heç bir irəliləyiş yoxdur.
Kommersiya bankları özləri də bu məsələdə maraqlı görünmürlər. Baxmayaraq ki, iqtisadçıları kredit faizlərinin aşağı salınmasının banklar üçün effektiv olacağını vurğulayırlar. “Əslində faizlərin yüksək olması banklara qısamüddəli gəlir gətirsə də, strateji baxımdan bankların maraqlarına uyğun deyil. Amma çox təəssüf ki, Azərbaycanda bankçılıq zəif inkişaf etdiyi üçün qısamüddətli gəlirlərə üstünlük verirlər, nəinki strateji yanaşmaya”-iqtisadçı-alim Vüqar Bayramov deyir.
Faizlərin yüksək olması dəfələrlə ən yüksək səviyyədə deyilsə də, kommersiya bankları kredit faizlərini ciddi şəkildə aşağı salmaqda maraqlı deyil. Baxmayaraq ki, kredit faizlərinin aşağı salınmasının iqtisadi və sosial baxımından ciddi əsasları var. Hazırkı durumda bankların kredit siyasi nə iqtisadi, nə də sosial baxımdan effektiv deyil. Bu baxımdan faizlərinin tənzimlənməsi zəruridir. Faizlərin yüksək və sabit olmasının digər bir səbəbi isə ölkənin bank sektorunda rəqabətli mühitin olmamasıdır. Banklar arasında rəqabət mühiti olmadığı üçün kredit faizlərinin bazar qaydasına uyğun olaraq aşağı düşməsi mümkün görünmür. Əslində rəqabətli mühitin olmamasında irəli gələrək kredit faizlərinə limitin müəyyənləşdirilməsi gündəmə gəlmişdi. İlkin versiyaya görə tətbiq olunacaq yeni qaydaların icrasına Maliyyə Bazarlarına Nəzarət Palatası (MBNP) cavabdehlik daşıyacaqdı. Yeni qaydalarda faiz limitləri isə bu cür nəzərdə tutulurdu: qaydalara əsasən bank faizləri 26-dan, komissiya xərcləri isə 0.5 faizdən çox ola bilməz. Beynəlxalq təcrübədə bu üsul “faiz tavanı” adlandırılır. Yüksək dərəcənin inzibati qaydada, yəni dövlətin müdaxiləsi ilə formalaşmasına baxmayaraq rəqabətli mühitin saxlanılması önəmli məsələdir. Yəni, banklar istəsə, bundan aşağı faizlə kredit təklif edə bilər, amma müəyyənləşən maksimum faizin üzərinə çıxa bilməz.
Maraqlıdır, faizlər yüksək olması daha hansı problemləri yaradır?
Bank faizlərinin yüksək olması real sektorun inkişafına mane olan əsas səbəbdir. Digər tərəfdən yüksək kredit faizləri vətəndaşların ödəmə qabiliyyətini aşağı salır, problemlərin isə artmasına gətirib çıxarır. Real sektor deyəndə isə əsas biznes-orta və kiçik sahibkarlıq nəzərdə tutulur ki, bu da ölkənin iqtisadi mənzərəsini formalaşdıran əsas səbəbdir. Bankın əsas işi biznesi nağd vəsaitlə təmin etməkdir. Orta və uzunmüddətli, eyni zamanda aşağı faizli kreditlərin biznesə istiqamətləndirilməsi işsizliyin aradan qaldırılmasında, real sektorun inkişafında və ən əsası vətəndaşların gəlirlərinin artmasında zəmin yaradır. Göründüyü kimi, ölkədə bank faizlərinin yüksək olması özü ilə bərabərində demək olar ki, bir çox problemlər üçün lokomotiv rolunu oynayır.
İqtisadçı-alim Vüqar Bayramov isə kredit faizlərini aşağı salınmasının zəruriliyini bu cür şərh edir:
“Azərbaycanda kommersiya banklarının kredit portfeli 12 milyard, depozit portfeli isə 8 milyard manatdır. Bu isə, o deməkdir ki, Azərbaycanda depozit portfeli kredit portfelinin 65 faizini təşkil edir.Yəni, Azərbaycanda bankların verdiyi kreditin hər 100 manatının 65 manatı vətəndaşın özündən alınan depozitdir. Depozit və kredit faizlərini müqayisə etdikdə görürük ki, arada kəskin fərq var. Nəzərə alsaq ki, aparıcı banklar xarici valyuta depozitini 3 faizdən az ödəniş etməklə cəlb edir, amma kreditləri 14-16 faizlə təklif edirlər. Manatla isə depozitlər 7 faizlə qəbul edilir, amma manatla olan kredit faizləri 30 faizə qədər yüksəlir. Bu baxımdan böyük fərq yaranır. Banklar vətəndaşdan aldığı vəsaiti digərinə bəzi hallarda 6 dəfə çox faizlə verir. Bu da nə iqtisadi, nə də sosial baxımdan uyğun deyil”.
Azərbaycanın dünya bazarına çıxararaq satdığı "Azeri LT CIF" markalı xam neftin 1 barelinin qiyməti 0,2 dollar və yaxud 0,27% artıb.
“Azeri Light” markalı neftin bir barelinin qiyməti 73,78 dollar təşkil edib.
Xatırladaq ki, "Azeri LT CIF" neftinin minimal qiyməti 2001-ci ilin dekabrında (19,15 dollar), maksimal qiyməti isə 2008-ci ilin iyulunda (149,66 dollar) qeydə alınıb.
2019-cu ilin yanvar-mart aylarında istehlak məhsullarının və xidmətlərin qiymətləri 2018-ci ilin müvafiq dövrünə nisbətən 2,1 faiz, o cümlədən, ərzaq məhsulları, içkilər və tütün məmulatlarının qiymətləri 1,5 faiz, qeyri-ərzaq mallarının qiymətləri 1,2 faiz, əhaliyə göstərilən ödənişli xidmətlərin qiymətləri 3,6 faiz bahalaşıb.
Dövlət Statistika Komitəsindən verilən məlumata görə, cari ilin mart ayında fevral ayına nisbətən istehlak məhsullarının və xidmətlərin qiymətləri 0,6 faiz, o cümlədən, ərzaq məhsulları, içkilər və tütün məmulatlarının qiymətləri 1,3 faiz, qeyri-ərzaq mallarının və əhaliyə göstərilən ödənişli xidmətlərin qiymətləri isə 0,1 faiz bahalaşıb.
Ay ərzində unun, çörəyin, makaron məmulatlarının, qoyun ətinin, kolbasa məmulatlarının, təzə balığın, pasterizə olunmamış üzlü südün, yoqurtun, kəsmiyin, zeytun yağının, limonun, naringinin, portağalın, bananın, almanın, armudun, heyvanın, narın, kivinin, kələmin, göyərtinin, xiyarın, pomidorun, balqabağın, bibərin, çuğundurun, kartofun, soğanın, sarımsağın, energetik içkilərin qiymətlərində bahalaşma, mal və toyuq ətinin, sterilizə olunmuş üzlü südün, xamanın, süfrə marqarininin, qarğıdalı yağının, yumurtanın, qozun, fındığın, şabalıdın, badımcanın, yerkökünün, quru noxud və lobyanın, mərcinin, şəkər tozunun, duzun qiymətlərində isə ucuzlaşma müşahidə olunub.
Digər ərzaq məhsullarının qiymətlərində ciddi dəyişikliklər baş verməyib.
Ay ərzində qeyri-ərzaq mallarından parçaların, xalça və digər döşəmə örtüklərinin, mebel və ev əşyalarının, velosipedlərin, televizorların, dəftərxana ləvazimatlarının, sementin, kərpicin, nitro və yağlı boyaların qiymətlərində bahalaşma, kəsilmiş taxtanın, sulu boyanın, kondisionerlərin, mobil telefonların və planşet tipli kompüterlərin qiymətlərində isə ucuzlaşma müşahidə olunub. Digər qeyri-ərzaq mallarının qiymətlərində ciddi dəyişikliklər baş verməyib.
Cari ilin mart ayında fevral ayına nisbətən əhaliyə göstərilən ödənişli xidmətlərdən mənzillərin icarə haqqı, məişət cihazlarının təmiri, hava nəqliyyatı ilə beynəlxalq sərnişindaşıma xidmətlərinin, stomatoloji, bərbərxana və kosmetoloji xidmətlərin, istirahət turlarının qiymətləri bahalaşıb, dəmir yolu nəqliyyatı ilə MDB ölkələrinə sərnişindaşıma xidmətlərinin, hotel və mehmanxanalar tərəfindən göstərilən gecələmə xidmətlərinin qiymətləri isə ucuzlaşıb. Digər ödənişli xidmətlərin qiymətlərində ciddi dəyişikliklər baş verməyib.
Daxili bazarın tənzimlənməsi və qiymətlərin sabitləşməsi məqsədilə kartof, soğan və kələmin ixracına müddətli rüsumun tətbiqi, soğan idxalına spesifik rüsumun may ayının 31-dək ləğv edilməsi, həmçinin faraş kartof, soğan və kələmin satışa çıxarılması nəticəsində bazarda bu məhsulların təklifi artıb və aprel ayının ikinci ongünlüyündən başlayaraq qiymətlərdə ucuzlaşma müşahidə edilir.
Bu barədə İqtisadiyyat və Kənd Təsərrüfatı nazirliklərinin birgə məlumatında qeyd olunub.
Bildirilib ki, artıq kartofun 1 kiloqramı bazarlarda 0.70 manatdan, marketlərdə 0.79 manatdan, soğanın 1 kiloqramı bazarlarda 0.70 manatdan, marketlərdə 1.09 manatdan, kələmin 1 kiloqramı bazarlarda 1.00 manatdan, marketlərdə isə 1.29 manatdan başlayan qiymətlərlə təklif olunur. Bu isə, əvvəlki qiymətlərlə müqayisədə əhəmiyyətli dərəcədə aşağıdır.
Bundan başqa mövsümlə bağlı bazara çıxarılan kartof, soğan və kələmin miqdarının artması ilə əlaqədar bu məhsulların daha da ucuzlaşacağı gözlənilir.
Bu məqsədlə “Kəşfiyyat və əks-kəşfiyyat fəaliyyəti haqqında”, “Əmək pensiyaları haqqında” qanunlarına dəyişikliklər təklif edilir.
Mövcud qanunvericiliyə əsasən, kəşfiyyat və əks-kəşfiyyat subyektlərinin hərbi qulluqçularının pensiyası onların xidmətdən tərxis olunan günə aldıqları pul təminatından hesablanır.
“Əmək pensiyaları haqqında” qanun 1.0.5-ci maddəsində pul təminatı dedikdə hərbi qulluqçuların hərbi xidmətdən buraxıldığı günə aldıqları miqdarda (sonrakı artımlar da nəzərə alınmaqla) aylıq vəzifə maaşından, rütbə maaşından, xidmət illərinə görə əlavədən, ərzaq payı əvəzinə verilən pul kompensasiyasından, vəzifə maaşından hesablanan digər əlavələrdən (büdcədənkənar vəsaitlər hesabına hesablanan əlavələr və digər ödənişlər istisna olmaqla), artımlardan ibarət olan məbləğ başa düşülür.
“Kəşfiyyat və əks-kəşfiyyat fəaliyyəti haqqında” qanun 20.3-cü maddəsinə müvafiq olaraq kəşfiyyat və əks-kəşfiyyat subyektlərinin hərbi qulluqçularına pensiya təyin edilən zaman onların xidmətdən tərxis olunan günə aldıqları miqdarda bütün növ pul təminatı (ərzaq payı əvəzinə verilən pul kompensasiyasından başqa digər növ kompensasiya, birdəfəlik ödəmələr və müavinətlər istisna olmaqla) nəzərə alınır.
Digər bir məqam isə ondan ibarətdir ki, bu qrupa aid edilən şəxslər xidmətdən tərxis olunmazdan əvvəl sərəncama götürülür, bir müddət sərəncamda qalır, daha sonra isə xidmətdən tərxis olunurlar. Belə olan halda onların pensiya hesablanan pul təminatının məbləği aşağı olur. Belə ki, bu hallarda birbaşa xidmətlə əlaqədar bəzi əlavələr (məxfi sənədlərlə iş, peşəkarlığa, mühüm tapşırıqlara, xidmətdə fərqlənməyə görə əlavələr) və sonrakı artımlar pensiyada nəzərə alınmır.
Qanunvericilik təşəbbüsü hüququ subyekti isə kəşfiyyat və əks-kəşfiyyat subyektlərinin pensiya təminatının yaxşılaşdırılması məqsədi ilə yeni təkliflə çıxış edib.
Qanunvericiliyə edilən təklifı əsasən kəşfiyyat və əks-kəşfiyyat subyektlərinin hərbi qulluqçuları sərəncamdan tərxis olunarkən onların pensiyası sərəncama götürüldüyü günə aldıqları pul təminatından hesablansın. Layihənin maliyyə tutumu digər aidiyyəti dövlət orqanları ilə yanaşı, Maliyyə Nazirliyi və Əmək və Əhalinin Sosial Müdafiəsi Nazirliyi ilə də razılaşdırılıb.
Qanunvericiliyə təklif olunan dəyişiklik layihəsi Milli Məclisin aprelin 23-də keçiriləcək plenar iclasının gündəliyinə salınıb.
Maliyyə Bazarlarına Nəzarət Palatası Apelyasiya Komissiyası yaratdı
Prezident İlham Əliyevin fiziki şəxslərin problemli kreditlərinin həlli məsələlərinə dair imzaladığı fərmanın icrası prosesində dünəndən etibarən yeni mərhələ başlanıb. Belə ki, fərmana əsasən Maliyyə Bazarlarına Nəzarət Palatası vətəndaşlara ediləcək ödənişin ümumi məbləğini, ödəniş ediləcək fiziki şəxslərin siyahısını və hər bir fiziki şəxsə ödəniləcək vəsaitin məbləğini qırx beş gün müddətində müəyyən edərək Maliyyə Nazirliyi və Mərkəzi Banka məlumat verməlidir.
Fərmanda nəzərdə tutulan bu vəzifənin icrası məqsədilə Palata tərəfindən elektron baza yaradılıb. Bazaya fəaliyyətdə olan bütün banklar üzrə məlumatlar daxil edilsə də, bağlanmış banklarla bağlı məlumatların dəqiqləşdirilməsi prosesi davam edirdi. Palatadan aldığımız məlumata görə, artıq bu proses də yekunlaşıb və fərmanın əhatə dairəsinə düşən bütün fiziki şəxslərlə bağlı məlumatlar bazaya yüklənib.
Onu da qeyd edək ki, dünəndən etibarən fərmanın əhatə dairəsinə düşən vətəndaşların banklarla münasibətlərinə dair narazılıqlar da çoxalıb. Belə ki, redaksiyamıza müraciət edən vətəndaşların bir qismi elektron bazada bir neçə gün əvvəl olan məlumatlarla dünənə olan məlumatlar arasında fərqin olduğunu, digər qisim isə bağlanmış banklardan onların kompensasiya hüququnun olmadığına dair şifahi məlumat verilməsindən narazılıq edirlər.
Maliyyə Bazarlarına Nəzarət Palatası bu kimi şikayətləri araşdırmaq üçün Apelyasiya Komissiyası yaradıb və komissiya yaxın günlərdə fəaliyyətə başlayacaq. Palatadan verilən məlumata görə, komissiya sözügedən məsələ ilə bağlı prezident İlham Əliyevin fevralın 28-də imzaladığı fərmanın əhatə dairəsinə düşməyən vətəndaşların şikayətlərini araşdıracaq. Həmin şəxslərin müraciətləri onlayn rejimdə qəbul ediləcək və hər müraciətə 14 iş günü müddətində baxılıb cavab verilməsi nəzərdə tutulub (Report).
Apelyasiya Komissiyası ilə yanaşı, banklarda da problemli kreditlərlə bağlı işçi qrupları fəaliyyət göstərəcək və vətəndaşları narahat edən məsələlərə aydınlıq gətirəcəklər.
Güzəştlərdən faydalanacaq müştərilərin siyahısı ilkin olaraq dəqiqləşdirilib və fiziki şəxslər bu siyahıda adı olub-olmamasını problemli kreditlər üzrə kompensasiya ödənişi və restrukturizasiyası ilə bağlı yaradılan portal vasitəsilə yoxlaya bilərlər.
Azərbaycanda problemli kreditlərin həlli ilə bağlı işlərin icrası nəticəsində prezident fərmanının əhatə dairəsinə düşən bütün vətəndaşlara SMS göndəriləcək. Fəaliyyətdə olan bankların müştəriləri SMS-i həmin banklardan, ləğv prosesində olan bankların, eləcə də bank olmayan kredit təşkilatlarının müştəriləri isə SMS-i Nəqliyyat, Rabitə və Yüksək Texnologiyalar Nazirliyinə məxsus “Azərpoçt” MMC-dən alacaqlar.
Fərmana əsasən kompensasiya ödənişi və ya restrukturizasiya bütün xarici valyutada olan kreditlərə şamil edilir. Bu zaman kompensasiya ödənişi həmin kreditlərin valyutalarının 2015-ci il 21 fevral və 21 dekabr tarixlərinə, restrukturizasiya isə 2019-cu il 1 mart tarixinə Azərbaycan Respublikası Mərkəzi Bankının elan etdiyi məzənnəyə uyğun olaraq hesablanmaqla həyata keçirilir.
Qeyd edək ki, fərmana əsasən, ən geci mayın sonunadək bütün kompensasiyalar ödəniləcək. Ödənişlərə isə aprelin sonundan başlanılacaq.
Milli.az Azərbaycanın müxtəlif bölgələrində yerləşən qəribə adlı kəndlərin siyahısını təqdim edir.
Dandıx - Qəbələ rayonunun Zəngəlqaya dağının ətəyində yerləşib. Yaşayış məntəqəsini XlX-cu əsrin əvvəllərində Tikanlı kəndindən köçüb gəlmiş ailələr Dandıx adlı yerdə salmışlar. Danlıq coğrafi termin kimi "bozqır, otsuz yer", "quru yer", "çılpaq yer" mənasındadır. Dan sözünün "quru" mənasına Abşeron yarımadasındakı Danşor gölünün adında da rast gəlmək olar.
Bum - Qəbələ rayonu ərazisində yerləşən bu kənd həmçinin dağların ətəyində yerləşdiyinə görə çox gözəl mənzərəyə və havaya sahibdir.
Vəndam - 24 iyun 2005ci ildə Vəndam kənd inzibati ərazi vahidi tərkibindəki Vəndam kəndinə qəsəbə statusu verilmiş, Vəndam kənd inzibati ərazi vahidi Vəndam qəsəbə inzibati ərazi vahidi adlandırılmışdır. "Qalaüstü yeri" VI-IX əsrlərə aid olan arxeoloji abidə sübut edir ki, buranın qədim tarixi var.
Bılıx - Vaxtilə Bılıx dağının ətəyində bu adda kənd mövcud olub, indi hətta onun xarabalıqları da mövcuddur. Hazırda isə Qəbələ rayonun kəndlərindən biridir. Bılıx sözünün mənası "gəlib-getmişlər" deməkdir.
Ətyeməzli - Ağdam rayonunun kəndlərindən biridir. Bu kəndin adı əslində atyeməzlər tayfasının adı ilə bağlı olub "at əti yeməyənlər" deməkdir. Atyeməzli kəbirli tayfa qrupuna daxil olan qərvəndli elinin bir qoludur. Həmçinin, İranın Xorasan vilayətində də Atyeməz adlanan kənd adı məlumdur. Atyeməzlilər vaxtilə Cənubi Azərbaycanın Atyeməz mahalından gəliblər.
Pirzadlı - Ağdam rayonunda yerləşir. Bu kənd XIX əsrin əvvəllərində burada yaşamış 4 ailədən ibarət kiçik bir maldar elin adındandır.
İnəkboğan - Gədəbəy rayonu ərazisində Şahdağ silsiləsinin ətəyində yerləşir. Həmin ərazidə axan eyniadlı çayın adını daşıyır.
Mırtı - Göyçay rayonu ərazisində yerləşir. Kənd Şirvan düzündədir. Əsl adı Murtu olmuşdur. Təklə tayfasının murtu tirəsinin məskunlaşması nəticəsində yaranmışdır.
Potu - Göyçay rayonu ərazisində yerləşir. Keçmiş adı Potubazar olub.
Düdükçü - Xocavənd rayonunun Edilli inzibati ərazi vahidində kənddir. Qarabağ silsiləsinin ətəyindədi yerləşir. Keçmiş adı Kolatağ olub. Yerli əhalinin verdiyi məlumata görə, yaşayış məntəqəsində dudukcu nəslinə mənsub ailələr məskunlaşdığı üçün belə adlandırılıb.
Bağırsaq - Kəlbəcər rayonu ərazisində yerləşir. Kənd halhazırki adını ərazidəki eyniadlı çay dərəsindən və bulaqlardan alıb. Bura dərənin relyef formasının əyri-üyrülüyünə, bağırsaqşəkilli olmasına görə belə adlandırılıb. Kənd 1917-ci ildə Baqarsıx variantında qeydə alınıb.
Könüllü - Şəmkir rayonu ərazisində yerləşir. Belə güman edilir ki, 1920-ci illərdə yeni yaşayış məntəqəsi salmaq üçün dövlət Qarayir adlı ərazidə torpaq sahəsi ayırsa da, oraya hec kim köçmür. 30-cu illərin əvvəllərində şair Əhməd Cavad burada ilk dəfə özünə ev tikdirmiş, bir qədər sonra isə onun təşəbbüsünə könüllü qoşulan Seyfəli camaatının Abbaslı kəndinin Kələntərli məhəlləsi buraya köçmüş və kənd o zamanlar Körpüqıran adlanmışdır. Könüllü eyni zamanda bir tayfanın adıdır.
Qırmızı Saqqallar - Tərtər rayonun ərazisində yerləşir. Hazırda erməni təcavüzkarları tərəfindən işğal altındadir.
Qarabaldır - Oğuz rayonun ərazisində yerləşir. Etnotoponimdir. "Qarabaldır" adındakı "qara" böyük, güclü, qüvvətli deməkdir, "baldır" isə çıxıntı sözlərindən yaranıb "böyük çıxıntı" mənasını verir.
Eyniadlı kənd Qax rayonu ərazisində də mövcuddur.
Hapıtlı - İsmayıllı rayonun kəndlərindən biridir. Kəndin adı haputluların adından götürülüb. Haputlular Qafqaz mənşəli olub, Qafqaz xalqlarının Nax-Dağıstan qrupunun Şahdağ yarımqrupuna aid etnik xalqdır. . Əsasən Quba, Xaçmaz, Qəbələ, İsmayıllı, Ağdaş rayonlarında və Bakı, Sumqayıt şəhərlərində yaşayıblar. Kompakt halda isə hazırda Quba rayonunun Haput, İsmayıllı rayonun Hacıhətəmli, Haputlu və Mollaisaqlı kəndlərində məskunlaşıblar. Onlar Qafqaz dil ailəsinə mənsub Haput dilində danışırlar..
Taxtalar - Şabran rayonu ərazisində yerləşir. Kəndin əhalisi 532 nəfərdən ibarətdir.
Burunlu - Zərdab rayonu ərazisində yerləşən kəndlərdən biridir.
Ətcələr - Sabirabad rayonun ərazisində yerləşir. Hazırda Masallı rayonu ərazisində də eyni adlı kəndin olduğu məlumdur.
Soğanverdilər - Bərdə rayonun ərazisində yerləşən kəndlərdən biridir.
Lallar - Cəlilabad rayonun kəndlərindən biridir. Yerli əhali Çanşalı da adlandırır.
Yanıxlı -Tovuz rayonu ərazisində yerləşir. Toponimdir. Qıpçaqların uran tayfasının adı ilə bağlı olması güman edilir.
Qozağacı - Siyəzən rayonu ərazisində yerləşir.
Qızqayıtdı - Neftçala rayonu ərazisində yerləşir.
Aşağı Ayıblı - Tovuz rayonun ərazisində yerləşir. Araşdırmalar gostərir ki, bu kəndin ilkin adı Çıraqlılar olub. Zəyəmçay üzərində məskun olan çıraqlıların hakimi Eyyubxan olub. XVII-XVIII əsrlərdə kənd Eyyublu kimi də qeydə alınıb. Sonralar Eyyublu təhrif olunaraq Ayıblı şəklinə düşüb.
Boranıkənd - Salyan rayonunun kəndlərindən biridir. Yaşayış məntəqəsini qaraqoyunluların baranilar tayfasına mənsub ailələrin saldığı güman edilir. Boranı (tərəvəz novu) və kənd sözlərinin birləşməsi kimi "boranı əkilən, yetişdirilən kənd" mənasında da izah edirlər.
Dəlləklər - Yevlax rayonunun kəndidir. Etnotoponimdir. Keçmış adı Vəlibəyli olub. Bununla bərabər, rayonun İsmayılabad kəndində Dəlləklilər məhəlləsi, Qaraoğlan kəndində isə Dəlləkli oymağı coğrafi adlarının olması məlumdur. Güman edilir ki, kənddə həmin oymaqdan və ya məhəllədən gəlmiş ailələrin məskunlaşması nəticəsində yaşayış məntəqəsinə bu ad verilib.
Xoruzlu - Tərtər rayonunun kəndidir. Kəngərli tayfa birliyinə daxil olan xoruzlu tirəsinin adı ilə bağlıdır.
Cimi - Quba rayonun kəndidir. Yerli əhalinin məlumatına görə, kənd XVI əsrdə bir neçə dağ kəndindən köçmüş ailələrin bir yerə cəmləşməsi nəticəsində yaranmış və ərəb dilindəki cəm sözü ilə Cəmi adlandırılmışdır. Əslində isə kənd öz adını kəndin ərazisindəki Cimi adlı mineral bulaqların adından götürüb.
Cek - Quba rayonun kəndidir.Etnotoponim olan kəndin adı çox güman ki, Şahdağ xalqlarının nümayəndələrindən biri olan ceklilərinin adı ilə bağlıdır.
Qaymaqlı - Qazax rayonun kəndidir. Yaşayış məntəqəsi özündə qədim türkdilli qaymaq (kimak, kaymak) tayfasının adını əks etdirir. Qıpçaq tayfa ittifaqına daxil olan qaymaqların əsas hissəsi 8-9-cu əsrlərdə Qərbi Sibirdə, İrtış çayının orta axarı boyunda yaşayıblar. 9 əsrin ortalarında qıpçaqların tərkibində qərbə doğru hərəkət ediblər. Bir hissəsi XI-XII əsrlərdə gürcü çarların dəvəti ilə Şərqi Gürcüstana, oradan isə Azərbaycana köçüblər.
Bakıda Qadın Sahibkarlığının İnkişafı Assosiasiyasının təşkilatçılığı ilə turizm sahəsində gənclərin məşğulluğu məsələlərinin həlli məqsədi ilə əmək yarmarkası keçirilib.
Yarmarka barədə Trend-ə Assosiasiyanın rəhbəri Səkinə Babayeva məlumat verib.
Onun sözlərinə görə, yarmarka "Gənclərin həmrəyliyinə dəstək" İctimai Birliyinin reallaşdırdığı gənclər layihəsi çərçivəsində keçirilib:
"Yarmarka gənclər arasında böyük marağa səbəb olub. Bu cür tədbirlər keçirməklə gənclərə işədüzəlmə ilıə bağlı onları maraqlandıran məlumatlar təqdim olunur".
S.Babayeva bildirib ki, yarmarka Azərbaycanda biznes mühitinin yaxşılaşmasında turizm sahəsinin rolunun gücləndirilməsinə yönəlib.
Qeyd edək ki, əmək yarmarkası aprelin 12-13-də "Aqro Mall" ticarət mərkəzində keçirilib.
Yeni təyin olunmuş təqaüdlər bu ayın sonuna kimi veriləcək.
Bu barədə məlumatı Əmək və Əhalinin Sosial Müdafiəsi Nazirliyinin mətbuat xidmətinin rəhbəri Fazil Talıbov yaranmış gecikmələrlə bağlı açıqlamasında bildirib.
"Bildiyiniz kimi, əmək pensiyası alan birinci qrup əlilliyi olan şəxslər, habelə, onlara, sağlamlıq imkanları məhdud uşaqlara qulluq edənlər və müharibə veteranları (o cümlədən, əmək pensiyası alanlar) üçün aprelin 1-dən Prezidentin aylıq təqaüdü təsis edilib.
Aprel ayı üzrə pensiyaların ödənişinə başlanılsa da, əmək pensiyası alan birinci qrup əlilliyi olan şəxslərə və müharibə veteranlarına pensiyalarla birgə yeni təsis olunmuş təqaüdlərin hələlik verilməməsi ilə bağlı narahatlığa əsas yoxdur.
Qeyd olunan təqaüdlər yeni təsis olunduqları üçün bu istiqamətdə texniki prosedurların həyata keçirilməsi müəyyən vaxt tələb edir.
Vətəndaşların diqqətinə çatdırırıq ki, onlar yeni təsis olunmuş təqaüdlərini elə aprel ayından alacaqlar. Yəni əmək pensiyası alan birinci qrup əlilliyi olan şəxslər, habelə, onlara, sağlamlıq imkanları məhdud uşaqlara qulluq edənlər və müharibə veteranları (o cümlədən, əmək pensiyası alanlar) üçün yeni təyin olunmuş aylıq təqaüdlərin elə aprel ayından hesablanmaqla bu ayın sonunda verilməsi təmin olunacaq”, - o qeyd edib. //Oxu.az