 |
 |
Bakı sərnişin – Sabunçu dəmir yolu xətti üzrə gediş haqqı 50 qəpik təşkil edəcək.
"Qafqazinfo" xəbər verir ki, bu barədə “Azərbaycan Dəmir Yolları” Qapalı Səhmdar Cəmiyyətinin sədri Cavid Qurbanov AzTV-nin "Günün Nəbzi" verilişində deyib.
Onun sözlərinə görə, Sabunçu dəmir yolu vağzalından şəhər istiqamətində avtobusla gediş haqqı 60 qəpik təşkil edirsə, Bakı–Sabunçu dəmir yolu xətti üzrə gediş haqqı 50 qəpik olacaq: “Bu marşrut üzrə dəmir yolu xəttinin uzunluğu bir istiqamət üzrə 13,5 kilometrdir. Qatar əgər tək istiqamətdə dayanmadan hərəkət edərsə bu yol 12 dəqiqəyə qət olunacaq, xətt üzrə dayanacaqlarda dayanarsa bu vaxt 15 dəqiqəyə çatacaq.
Ötən il xarici valyutada ifadə olunan dövlət borcunun ÜDM-ə nisbəti 5 faiz fəndi azaldılaraq, 24%-dən 19%-ə endirilib.
Milli.Az Trend-ə istinadən bildirir ki, bunu jurnalistlərə Maliyyə naziri Samir Şərifov deyib.
O bildirib ki, birinci rübün yekunları üzrə olan bu göstərici ilin əvvəlinə olan göstəricidən cüzi fərqlənir:
"Bu gün dövlət siyasətinin əsas tapşırıqlarından biri dövlət borcunun idarə olunmasının təkmilləşdirilməsidir. Bununla əlaqədar olaraq Azərbaycanda dövlət borcunun idarə olunmasının təkmilləşdirilməsi mexanizminin hazırlanması planlaşdırılır. Biz xarici valyutada dövlət borcunu azaltmağı və bunu milli valyutada borclanma ilə əvəz etməyi planlaşdırırıq".
Nazir əlavə edib ki, bu sxem dövlət borcunun nizamlanmasının dayanıqlığını gücləndirməyə imkan verəcək.
Azərbaycan ərazisində müvəqqəti və ya daimi yaşamaq üçün icazə vərəqələrinin verilməsinə və müddətinin uzadılmasına görə dövlət rusumları dəyişir.
Bu, mayın 21-də Milli Məclisin (MM) İqtisadi siyasət, sənaye və sahibkarlıq komitəsinin iclasında müzakirəyə çıxarılan “Dövlət rüsumu haqqında” qanuna təklif edilən dəyişikliklərdə əksini tapıb. Qüvvədə olan qanuna görə, yetkinlik yaşına çatmış əcnəbilərə və vətəndaşlığı olmayan şəxslərə Azərbaycan ərazisində müvəqqəti yaşamaq üçün icazə vərəqəsinin verilməsi və müddətinin uzadılması ilə əlaqədar 3 ayadək müddət üçün 30 manat, 6 ayadək müddət üçün 60 manat, 1 ilədək müddət üçün 120 manat, 1 il 6 ayadək müddət üçün 180 manat, 2 ilədək müddət üçün 240 manat, 2 il 6 ayadək müddət üçün 300 manat, 3 ilədək müddət üçün 360 manat dövlət rüsumu alınır.
Təklif edilən dəyişikliyə əsasən, yetkinlik yaşına çatmış əcnəbilərə və vətəndaşlığı olmayan şəxslərə Azərbaycanə arzisində müvəqqəti yaşamaq üçün icazə vərəqəsinin 15 iş günü ərzində verilməsi və müddətinin uzadılması ilə əlaqədar 3 ayadək müddət üçün 40 manat, 6 ayadək müddət üçün 80 manat, 1 ilədək müddət üçün 160 manat, 1 il 6 ayadək müddət üçün 240 manat, 2 ilədək müddət üçün 320 manat, 2 il 6 ayadək müddət üçün 400 manat, 3 ilədək müddət üçün 480 manat dövlət rüsumu alınacaq. İcazə vərəqəsi 20 iş günü müddətində verildikdə və ya müddəti uzadıldıqda isə 3 ayadək müddət üçün 30 manat, 6 ayadək müddət üçün 60 manat, 1 ilədək müddət üçün 120 manat, 1 il 6 ayadək müddət üçün 180 manat, 2 ilədək müddət üçün 240 manat, 2 il 6 ayadək müddət üçün 300 manat, 3 ilədək müddət üçün 360 manat dövlət rüsumu alınacaq.
Qüvvədə olan qaununa görə, yetkinlik yaşına çatmayan əcnəbilərə və vətəndaşlığı olmayan şəxslərə Azərbaycanə arzisində müvəqqəti yaşamaq üçün icazə vərəqəsinin verilməsi və müddətinin uzadılması ilə əlaəqdar 3 ayadək müddət üçün 15 manat, 6 ayadək müddət üçün 30 manat, 1 ilədək müddət üçün 60 manat, 1 il 6 ayadək müddət üçün 90 manat, 2 ilədək müddət üçün 120 manat, 2 il 6 ayadək müddət üçün 150 manat, 3 ilədək müddət üçün 180 manat dövlət rüsumu alınır. Təklif edilən dəyişikliyə əsasən, yetkinlik yaşına çatmayan əcnəbilərə və vətəndaşlığı olmayan şəxslərə Azərbaycan ərazisində müvəqqəti yaşamaq üçün icazə vərəqəsinin 15 iş günü ərzində verilməsi və müddətinin uzadılması ilə əlaqədar 3 ayadək müddət üçün 25 manat, 6 ayadək müddət üçün 50 manat, 1 ilədək müddət üçün 100 manat, 1 il 6 ayadək müddət üçün 150 manat, 2 ilədək müddət üçün 200 manat, 2 il 6 ayadək müddət üçün 250 manat, 3 ilədək müddət üçün 300 manat dövlət rüsumu alınacaq. İcazə vaərənəsi 20 iş günü müddətində verildikdə və ya müddəti uzadıldıqda isə 3 ayadək müddət üçün 15 manat, 6 ayadək müddət üçün 30 manat, 1 ilədək müddət üçün 60 manat, 1 il 6 ayadək müddət üçün 90 manat, 2 ilədək müddət üçün 120 manat, 2 il 6 ayadək müddət üçün 150 manat, 3 ilədək müddət üçün 180 manat dövlət rüsumu alınacaq.
Mayın 25-dən 31-dək "Tarqovı", İstiqlaliyyət küçəsi və Fəvvarələr meydanına vətəndaşların girişi məhdudlaşdırılacaq.
Bu barədə ONA məlumat yayıb.
Verilən məlumata görə, UEFA Avropa Liqasının Bakıda keçiriləcək final oyunu ilə əlaqədar hüquq-mühafizə orqanları gücləndirilmiş iş rejimində çalışacaq.
Mayın 29-da baş tutacaq oyunu izləmək üçün ölkəmizə çoxsaylı əcnəbi azarkeşlərlə bərabər turist axını da gözlənilir.
Bütün bunları nəzərə alan və həmin günlərdə gücləndirilmiş iş rejimində xidmət aparacaq hüquq-mühafizə, o cümlədən daxili işlər orqanları tərəfindən final oyunu ərəfəsində ictimai asayişin və ictimai təhlükəsizliyin daha etibarlı qorunması,
oyunu izləmək üçün gəlmiş çoxsaylı əcnəbilərin rahat, maneəsiz və sərbəst gəzintilərini təmin edilməsi üçün may ayının 25-dən 31-dək paytaxtın bəzi mərkəzi küçə və meydanlarında,
xüsusən də Nizami ("Tarqovı") və İstiqlaliyyət küçələrində və Fəvvarələr meydanında vətəndaşların sıx hərəkətinə, eləcə də Respublika günü ilə əlaqədar İstiqlaliyyət küçəsindəki abidəni ziyarətə gəlmələrinə məhdudiyyətlər qoyulacaq.
Bu günədək Asiya İnkişaf Bankı (AİB) Azərbaycanda 23 layihəyə 3,7 milyard dollar investisiya yerləşdirib.
Dünyada ən yüksək əməkhaqqı verən şəhər məlum olub.
ABŞ-ın San-Fransisko şəhəri İsveçrənin Sürix şəhərini keçərək dünyanın ən yüksək maaşlı şəhərləri siyahısında ilk yeri tutub.
Bu barədə “Bloomberg” “Deutsche Bank”ın (Alman Bank) illik reytinqinə əsasən xəbər verir.
Araşdırmalar nəticəsində məlum olub ki, San-Fransiskoda orta əməkhaqqı vergi daxil olmaqla 6.5 min dollar, Sürixdə 5.9 min dollardır. Siyahının üçüncüsü Nyu-Yorkda isə bu rəqəm 4.6 min dollardır.
Ən yüksək maaşlı şəhərlər sırasında Boston, Çikaqo, Sidney, Oslo, Kopenhagen, Melburn və London da var. (Oxu.az)
Azərbaycana çoxdəfəlik giriş vizalarının rəsmiləşdirilməsi üçün dövlət rüsumunun 350 ABŞ dolları məbləğində müəyyənləşdirilməsi cəmiyyətdə birmənalı qarşılanmayıb. Əhalinin əksəriyyəti məbləğin miqdarının çox olduğunu hesab edir, bunun turist axınına mənfi təsir edəcəyi düşüncəsindədir.
Xarici İşlər Nazirliyindən məsələyə münasibət bilidirilib və qeyd olunub ki, qiymətlər Avropa İttifaqı ilə viza sadələşdirilməsi sazişinin iştirakçı dövlətləri üçün 35 avro, digər ölkələr üçün 350 dollar olaraq təyin edilib.
Bəs görəsən, bu qiymət digər ölkələrlə müqayisədə çox deyilmi? Bu qiymətlər Azərbaycan turizminə nə kimi təsir göstərəcək?
Məsələ ilə bağlı Oxu.Az-a açıqlama verən turizm mütəxəssisi Ceyhun Aşurov bildirib ki, təyin edilən məbləğ bir qədər çoxdur:
“Əslində, 350 dollar viza üçün kifayət qədər böyük məbləğdir. Bir tərəfdən baxanda, bu, turizm sahəsinə – ölkəyə turistlərin gəlişinə mənfi təsir göstərə bilər. Amma bir məqam var ki, bəzən vizaların sərtləşdirilməsi və ya qiymətinin artırılması təhlükəsizlik məqsədilə tətbiq edilir.
Əksər ölkələrdə də bu, təhlükəsizlik məqsədilə tətbiq edilib. Hazırda bizdə bu addım hansı məqsədlə atılıb, onu dəqiq deyə bilmərəm, bu, sadəcə variantlardır. Amma əgər ölkəyə turist cəlb etmək istəyiriksə, bunun uğurlu olacağını düşünmürəm.
Yenə də deyirəm, viza rüsumları məbləğ olaraq çox yüksəkdir. Çox nadir ölkələrdə bu cür yüksək viza qiymətləri mövcuddur.
Ümumilikdə turizm sahəsində qiymətlərin hər hansı şəkildə artımı tələb-təkliflə tənzimlənsə də, bütün bunların fonunda bu artımlar ölkəyə gələn turistlərin sayının azalmasına təsir göstərə bilər”.
Turizm Assosiasiyasının (AzTA) rəhbəri Nahid Bağırov da bu qiymətlərin turistlər üçün əlverişli olmadığını düşünür:
“Təyin edilən 350 dollarlıq viza qiymətləri iş adamları və ya başqa bir səbəblərdən dolayı gələn qeyri-turistlər üçün normal ola bilər. Amma bunu ölkəyə gələn turistlərə şamil etmək olmaz. Turist bir aydan çox Azərbaycanda qalmaq istəyirsə, yaxud ölkəyə daxil olub, başqa bir ölkəyə gedib yenidən Azərbaycana gəlmək istəyirsə, bu qiymət, sözsüz ki, bahadır”.
Azərbaycanda ərzaq məhsulları, içkilər və tütünün qiyməti 2 faiz bahalaşıb
“2019-cu ilin yanvar-aprel aylarında istehlak məhsullarının və xidmətlərin qiymətləri 2018-ci ilin müvafiq dövrünə nisbətən 2,4 faiz, o cümlədən ərzaq məhsulları, içkilər və tütün məmulatlarının qiymətləri 2,0 faiz, qeyri-ərzaq mallarının qiymətləri 1,2 faiz, əhaliyə göstərilən ödənişli xidmətlərin qiymətləri 3,7 faiz bahalaşıb”.
Bu barədə Dövlət Statistika Komitəsinə istinadən bildirir.
Cari ilin aprel ayında mart ayına nisbətən istehlak məhsullarının və xidmətlərin qiymətləri 0,4 faiz, o cümlədən ərzaq məhsulları, içkilər və tütün məmulatlarının qiymətləri 0,8 faiz, qeyri-ərzaq mallarının və əhaliyə göstərilən ödənişli xidmətlərin qiymətləri isə 0,1 faiz bahalaşıb.
Ay ərzində düyünün, manna yarmasının, makaron məmulatlarının, qoyun və toyuq ətinin, kolbasa məmulatlarının, yoqurtun, xamanın, kərə, qarğıdalı və zeytun yağlarının, süfrə marqarininin, limonun, portağalın, naringinin, almanın, heyvanın, şabalıdın, kələmin, balqabağın, bibərin, badımcanın, çuğundurun, yerkökünün, kartofun, soğanın, sarımsağın, şəkər və şəkər tozunun, qəhvə, çay və kakaonun, spirtli içkilərin qiymətlərində bahalaşma, qarabaşaq yarmasının, təzə balığın, südün, yumurtanın, bananın, qozun, fındığın, göyərtinin, xiyarın, pomidorun, quru noxud və lobyanın, mərcinin qiymətlərində isə ucuzlaşma müşahidə olunub. Digər ərzaq məhsullarının qiymətlərində ciddi dəyişikliklər baş verməyib.
Ay ərzində qeyri-ərzaq mallarından parçaların, xalça və digər döşəmə örtüklərinin, mebel və ev əşyalarının, mobil telefonların, sementin, kərpicin, kəsilmiş taxtanın, nitro boyaların qiymətlərində bahalaşma, soyuducuların, paltaryuyan maşınların, fotoaparatların, televizorların, kondisionerlərin və planşet tipli kompüterlərin qiymətlərində isə ucuzlaşma müşahidə olunub. Digər qeyri-ərzaq mallarının qiymətlərində ciddi dəyişikliklər baş verməyib. Cari ilin aprel ayında mart ayına nisbətən əhaliyə göstərilən ödənişli xidmətlərdən mənzillərin icarə haqqı, respublikadan kənara istirahət turlarının, paltarların təmiri, təmizlənməsi və kirayəsi, məişət cihazlarının təmiri, stomatoloji, bərbərxana və kosmetoloji xidmətlərin, otel və mehmanxanalar tərəfindən göstərilən gecələmə xidmətlərinin, dəmir yolu nəqliyyatı ilə MDB ölkələrinə və hava nəqliyyatı ilə MDB ölkələri istisna olmaqla digər ölkələrə beynəlxalq sərnişindaşıma xidmətlərinin qiymətləri bahalaşıb, hava nəqliyyati ilə MDB ölkələrinə sərnişindaşıma xidmətlərinin qiymətləri isə ucuzlaşıb. Digər ödənişli xidmətlərin qiymətlərində ciddi dəyişikliklər baş verməyib.
Prezident İlham Əliyev “Gömrük tarifi haqqında” Azərbaycan Respublikasının Qanununda dəyişiklik edilməsi barədə qanunu təsdiqləyib.
Dəyişikliyə əsasən, “Gömrük tarifi haqqında” qanuna aşağıdakı məzmunda 20.0.21-ci maddə əlavə edilir:
“20.0.21. Azərbaycan Respublikasında keçirilən UEFA 2019 Avropa Liqasının final oyunu və UEFA 2020 Futbol çempionatının oyunları ilə əlaqədar müvafiq icra hakimiyyəti orqanının müəyyən etdiyi qaydada müvafiq icra hakimiyyəti orqanının müəyyən etdiyi orqandan (qurumdan) təsdiqedici sənəd əldə edən həmin oyunlarda iştirak edən və ya oyunların təşkilinə və ya keçirilməsinə cəlb olunmuş şəxslər tərəfindən həmin oyunlarla bağlı malların idxalı.”.
Qanun 2019-cu il martın 1-dən 2020-ci il avqustun 1-dək qüvvədədir.
Hər kəsin bankı olduğunu iddia edən "Unibank" dollar kreditlərinə görə kompensasiya almalı olan vətəndaşlara kələk gəlməkdə davam edir.
Mia.az xəbər verir ki, dünən jurnalistlər - İlkin Muradovla Aytən Məmmədovun sosial şəbəkədəki şikayətindən sonra bu bankın əməliyyatlarına diqqət artıb. Aydın olur ki, "Unibank" təkcə adıçəkilən jurnalistlərə deyil, hamıya qarşı "planlı iş" aparıb.
Belə ki, bu gün daha bir jurnalist - Samir Səfərova da "Unibank" tərəfindən aldadıldığını bildirib.
O, sosial şəbəkədəki səhifəsində ""UNİBANK" mənə qarşı son soyğunçuluğunu da etdi. Açıqlanan kompensasiya məbləğindən karta düz 297 manat az məbləğ yüklənib", - deyə, yazıb.
Jurnalistin statusuna şərh ayzanlar isə bununla bağlı Palataya şikayət etməyi məsləhət görürüblər.