 |
 |
Nizami rayonu ərazisində törədilmiş ağır cinayətin üstü açılıb.
DİN-dən
DİN Baş Cinayət Axtarış İdarəsi, Bakı şəhər BPİ Cinayət Axtarış İdarəsi və Nizami RPİ 25-ci Polis Şöbəsi əməkdaşlarının isti izlərlə həyata keçirdikləri əməliyyat-axtarış tədbirləri nəticəsində baş vermiş hadisəni törətməkdə şübhəli bilinən Bakı şəhər sakini, əvvəllər məhkum olunmuş Ziya Dadaşov və Füzuli rayon sakini Amil Piriyev saxlanılıblar. Onlar ifadələrində hadisə günü “Leyla” kimi tanıdıqları şəxsin sifarişi ilə V.İbrahimovanın mənzilinə tamah məqsədi ilə daxil olduqlarını, onu qətlə yetirəndən sonra isə izi itirmək məqsədi ilə mənzili və meyiti yandırdıqlarının bildiriblər. Hadisədən sonra həmin şəxslər V.İbrahimovanın qızıl-zinət əşyalarını, mobil telefonunu və 120 manatını ələ keçiriblər. Qeyd edək ki. Z.Dadaşov və A.Piriyev saxlanılan zaman qızıllar onlardan aşkar olunaraq maddi sübut kimi götürülüb.
Polislər tərəfindən keçirilmiş əlavə əməliyyat tədbirləri nəticəsində qeyd edilən cinayətin sifarişçisi Z.Dadaşov və A.Piriyevin “Leyla” kimi tanıdıqları paytaxt sakini əvvəllər məhkum olunmuş Həmidə Nəsibova da saxlanılaraq istintaqa təqdim edilib. O, ifadəsində Z.Dadaşov və A.Piriyevlə tanışı V.İbrahimovanı qətlə yetirtmək üçün əvvəlcədən razılığa gəldiyini etiraf edib.
Faktla bağlı Cinayət Məcəlləsinin müvafiq maddəsi ilə Nizami Rayon Prokurorluğunda cinayət işi başlanılıb, istintaq tədbirləri davam etdirilir.
Ermənistan silahlı qüvvələrinin bölmələri cəbhənin müxtəlif istiqamətlərində sutka ərzində atəşkəs rejimini 23 dəfə pozub.
Müdafiə Nazirliyinin mətbuat xidmətindən verilən məlumata görə, Ermənistan Respublikası İcevan rayonunun Berkaber kəndində yerləşən mövqelərdən Qazax rayonunun Qızılhacılı kəndində, Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonunun Zamanlı kəndində və adsız yüksəkliklərdə yerləşən Azərbaycan Ordusunun mövqeləri atəşə tutulub.
Tərtər rayonunun işğal altında olan Çiləbürt, Ağdam rayonunun Tağıbəyli, Mərzili, Füzuli rayonunun Qaraxanbəyli, Aşağı Seyidəhmədli kəndləri yaxınlığında, həmçinin Goranboy, Tərtər və Ağdam rayonları ərazisindəki adsız yüksəkliklərdə yerləşən mövqelərdən də Azərbaycan Ordusunun mövqeləri atəşə tutulub.
Azyaşlının üzünü it parçalayıb.
Hadisə paytaxtın Binəqədi rayonunun Sulutəpə qəsəbəsində baş verib. Belə ki, 2015-ci il təvəllüdlü Məmişov Hüseyn Qismət oğlu itin hücumuna məruz qalıb. İt azyaşlının yanaq nahiyəsini parçalayıb. Məlumata görə, it quduz olduğu üçün uşağı dişləyən kimi ölüb. Təcili Xocahəsən xəstəxanasına çatdırılan uşaq oradan da Bakıya 1 saylı Klinik xəstəxanaya aparılıb.
H. Məmişova quduzluq əleyhinə zərdab vurulub və yanağının parçalanmış hissəsi tikilərək bərpa edilib.
Hazırda müalicəsi davam etdirilir.
///Unikal.org
Bakıda sərnişin avtobusunun sürücüləri arasında dava baş verib.
BAKU.WS xəbər verir ki, hadisə ötən gün saat 14 radələrində Bakının Nərimanov rayonu, Atatürk prospekti 2 ərazisində yerləşən dayanacaqda baş verib.
Belə ki, 211 saylı avtobusun sürücüsü Füzuli maşını dayanacaqda saxlayıb. O, digər sərnişin avtobusunun sürücüsü Rafiq Kazımovla mübahisə edib və onu söyüb. İki sürücünün söyüşü sonradan əlbəyaxa davaya çevrilib. Nəticədə Füzuli Rafiqin əlindən tutaraq burub və onun qolunu avtobusun şüşəsindən içəri salıb. Daha sonra bıçaqla barmağını kəsib.
Bütün bunlar avtobusda və dayanacaqda olan sərnişinlərin gözü qarşısında baş verib.
Bütün bunlar avtobusda və dayanacaqda olan sərnişinlərin gözü qarşısında baş verib.
Bu barədə Rafiq Kazımov Nərimanov rayon Polis İdarəsi 16-cı polis öblməsinə şikayət edib.
Bakının Nizami rayonunda gənc qız naməlum şəxslər tərəfindən döyülərək xəsarət alıb.
Hadisə “Palermo” gece klubunda baş verib.
Belə ki, klubda yaranmış dava zamanı orada işləyən 1991-ci il təvəllüdlü Cənnət Abbasova müştərilərin biri tərəfindən döyülüb.
28 yaşlı qız xəstəxanaya yerləşdirilib.
Faktın təfərrüatları Nizami polisi tərəfindən araşdırılır.
// ona.az
Bakıda əməliyyat edilən xəstə həkim səhlənkarlığından dünyasını dəyişib.
Məlumata görə, Mirməmməd Cavadzadə adına Respublika Klinik Uroloji Xəstəxanasında əməliyyat olunan Laçın rayonundan məcburi köçkün Əlizamin adlı 28 yaşlı gənc qipospadiya (sidik kanalının tutulması) əməliyyatı olunub. Əməliyyatdan sonra xəstənin bir həftə qızdırması düşməyib. Onun qanına iltihab keçdiyi üçün dünyasını dəyişib. Həkimlər məsuliyyəti öz üzərlərindən atmaq üçün xəstənin yaxınlarına mərhumun ürəyində problem olduğu üçün dünyasını dəyişib.
Məlum olub ki, mərhum xəstəxananın uşaq şöbəsində professor Eldar Hüseynov və oğlu Murad Hüseynov tərəfindən əməliyyat olunub. Həmin şöbədə isə 14 yaşına qədər uşaqların əməliyyat olunbmasına icazə var. Xəstənin yaxınlarının bildirdiyinə görə, əməliyyata görə xəstəxanaya 2000 manata yaxın pul ödənilib.
Qeyd edək ki, məsələ ilə bağlı Səhiyyə Nazirliyinin mətbuat xidməti ilə əlaqə saxlamaq istəsək də, telefonlara cavab verən olmayıb.
Unikal.org
Şabranda yeniyetmə oğlanı zorlamaqda ittiham edilən üç nəfər saxlanılıb.
Bu barədə Oxu.Az-a Şabran Rayon Polis İdarəsindən məlumat verilib.
Məlumdur ki, 15 yaşlı yeniyetmə (ad və soyad etik səbəblərdən açıqlanmır) həmyaşıdları və özündən yaşca böyük şəxslər tərəfindən seksual təcavüzə məruz qalıb.
Məhkəmə-tibbi ekspertizası yeniyetmənin mütəmadi cinsi əlaqədə olması faktını təsdiqləyib, onun bədənində cinayətin xarakterik izləri aşkarlanıb.
Bu səbəbdən cari ilin martın 19-da 150.2.3. (yetkinlik yaşına çatmayan şəxsə qarşı seksual xarakterli zorakılıq hərəkətləri) maddəsi ilə cinayət işi açılıb.
Zərərçəkən tərəf bildirib ki, cinayətdə 17 nəfər iştirak edib. Lakin Şabran RPİ-dən qeyd ediblər ki, hazırda iş üzrə yalnız üç nəfər saxlanılıb. Digər şəxslərin bu cinayətdə iştirakı təsdiqlənməyib.
Qeyd edək ki, yetkinlik yaşına çatmayanlar 14 yaşından etibarən və yalnız ağır cinayət törətdikdə cinayət məsuliyyətinə cəlb olunurlar.
Mövcud Cinayət Məcəlləsinə əsasən, 160.2.3 maddəsinə görə 5 ildən 8 ilə qədər azadlıqdan məhrumetmə cəzası nəzərdə tutulub.
Polisdən qeyd ediblər ki, hazırda faktla bağlı araşdırmalar davam etdirilir.
Bakının mərkəzi – Xocalı prospektində Xətai metrosunun qarşısına düşən hissəsində “Hom Paş Prestij” tikinti firması tərəfindən tikilmiş çoxmərtəbəli binadan ev almış şəxslərin şikayəti əsasında şirkətin rəhbəri, Almaniya vətəndaşı olan türk əsilli biznesmen Yiğitdol Hikmet Süleyman oğlu barəsində cinayət işi açılıb.
News24.az-ın məlumatına görə, biznesmenin barəsində Cinayət Məcəlləsinin 178.3.2-ci, yəni külli miqdarda ziyan vurmaqla dələduzluq əməli törətmə maddəsi ilə cinayət işi açılıb. Artıq həmin binadan ev almış 74 nəfər zərərçəkən kimi tanınıb. Xətai rayon Polis İdarəsində aparılan istintaqın yekunlaşması ilə iş Bakı Ağır Cinayətlər Məhkəməsinə göndərilib. Yaxın günlərdə hakim Romella Allahverdiyevanın sədrliyi ilə məhkəmə prosesi başlayacaq. Məlumata görə, 2008-ci ildə Bakı şəhəri İcra hakimiyyətinin sərəncamı ilə Xocalı prospektində, 1181-ci məhəllədə torpaq sahəsi alaraq hündür mərtəbəli bina tikintisinə başlanılıb.
Bina tikiləndən sonra “Hom Paş Prestij” MTK-nın rəhbəri Hikmet Yiğitdol şəriki Qabil Əliyevin onu aldadaraq mənzilləri satıb qaçdığını bildirmişdi. H. Yiğitdol deyib ki, Q.Əliyev onun Azərbaycanda olmamasından istifadə edərək dələduzluq yolu ilə ikinci möhür düzəltdirib: “Biz təsisçilərin təsis protokolu və razılığı olmadan Bakı şəhəri İcra Hakimiyyətinə məktubla müraciət edib. Adımdan saxta imza ataraq 0.73 ha torpaq sahəsini özünə məxsus “İnter” MMC-nin adına keçirilməsinə nail olub. Meriyadan 23 oktyabr 2015-ci il tarixdə sərəncam aldıqdan sonra tikintini özünə məxsus “İnter” MMC-nin adından aparmağa başlayıb. Sonra vətəndaşlara yaşayış və qeyri-yaşayış sahəsi satıb”.
Maraqlıdır ki, “Hom Paş Prestij” MTK-nın sədri Hikmət Yigitdöllə bərabər, həmin şirkətlə müqavilə əsasında işləyən “Vaqif Oğulları” MMC-in direktoru Asif Pirvəliyev və mühasib Şirməmməd Baxşəliyev arasında da uzun müddətdir məhkəmə çəkişməsi gedib. 2016-cı ildə isə tanınmış iş adamı İsfəndiyar Axundov “Hom Paş Prestij” MTK şirkətini məhkəməyə verib. Şərurlu İsfəndiyar mənzillərin və mağazaların ona təhvil verilməsi öhdəliyinin cavabdehə həvalə edilməsi barədə tələb irəli sürüb. Bundan başqa, şirkətdən narazı olan payçılar Feysbukda səhifə açaraq problemlərini sosial şəbəkələr vasitəsi ilə ictimailəşdiriblər.
Gecə saatlarında Xaçmaz rayonu ərazisində yanğın baş verib.
ONA-nın şimal bürosunun verdiyi məlumata görə, hadisə rayonun İstisu qəsəbəsi ərazisində, 1961-ci il təvəllüdlü Fizru Teyyub Nəsib oğluna məxsus istirahət mərkəzinin ərazisində qeydə alınıb.
Yanğın zamanı orada yerləşən ümumi sahəsi 90 kvadratmetr olan birmərtəbəli 6 otaqlı tikilinin dam örtüyünün yanar konstruksiyaları 10 kvadratmetr sahədə və içərisində olan əşyalar 50 kvadratmetr sahədə yanıb. Yanğının daha geniş əraziyə yayılmasının qarşısı alınıb, xəsarət alan yoxdur.
Yanğının səbəbləri araşdırılır.
Bərdə şəhərində “Araz minimarket” filialının müdiri İsgəndərov Tofiq İlham oğlunun intiharının səbəbi məlum olub.
Tofiq İsgəndərovun yaxınlarının Baku.ws-ə verdiyi məlumata görə, onun marketlər şəbəkəsinə 12 min manat borcu olub. 3 min manatını qaytara bilsə də, 9 min manat şirkətə borclu qalıb. Ona borcun qaytarılması üçün aprelin 15-dək vaxt verilsə də, T.İsgəndərov marketin pulunu TOPAZ-da uduzduğundan borcunu ödəyə bilməyib. Çıxış yolunu isə özünü öldürməkdə görüb.
“Araz” marketlər şəbəkəsinin PR meneceri Billurə Əmirova isə bildirib ki, hadisənin səbəbləri hələlik tam məlum deyil. Ehtimal edilir ki, hadisə şəxsi zəmində baş verib. Əmirova, Tofiqin şirkətə heç bir borcu olmadığını, hadisənin motivinin hüquq-mühafizə orqanı əməkdaşlarının araşdırmasından sonra bəlli olacağını bildirib.
Qeyd edək ki, 1988-cı il təvəllüdlü, Bərdə rayon sakini İsgəndərov Tofiq İlham oğlu 2015-cı ildən Araz Supermarketlər Şəbəkəsində çalışırdı.