 |
 |
Lənkəranda quduzlaşmış itlər sakinlərə hücum edib.
“Report” verdiyi xəbərə görə, hadisə Lənkəran rayonunun Liman şəhərində baş verib.
Bildirilir ki, 9 nəfər it dişləməsi diaqnozu ilə Lənkəran Rayon Mərkəzi Xəstəxanasına çatdırılıb. Belə ki, 1999-cu il təvəllüdlü Kazımlı Tural Sadiq oğlu, 1974-cü il təvəllüdlü Muradov Tahir Vəlihəd oğlu, 1959-cu il təvəllüdlü Əkbərov Meysəm Ağakərim oğlu, habelə Həbibov Zahid Fərhad oğlu (1988), İsmayılova Nailə Abdulhəsən qızı (1957), Hüseynov Şakir Cənnət oğlu (1955), Aslanlı İsa Rövşən oğlu (1994), Məmmədov Əlifağa Ələkbər oğlu (2000) it dişləməsi diaqnozu ilə xəstəxanaya gətiriliblər.
Daha bir nəfər isə ambulator yardımdan sonra evə buraxılıb
“Küçə itlərinin öldürülməsi problemin həllinə minimal təsiri olan yoldur”
Son günlər sahibsiz küçə itləri ilə bağlı ölkə ictimaiyyətində geniş müzakirələr gedir. Küçə itlərinin sayının durmadan artması və onların insanlara, uşaqlara hücum etməsi vəziyyəti bir qədər də dramatikləşdirib. Rəsmi məlumatlara görə, bu ilin ilk 3 ayı ərzində Azərbaycanda 4909 nəfər heyvan zədəsi (cırmaqlama, dişləmə) ilə əlaqəli müvafiq tibb müəssisələrinə müraciət edib. Builki statistikaya görə, ölkədə hər gün orta hesabla 54 nəfəri it dişləyib.
Ötən ilin oktyabr ayına qədər paytaxtdakı sahibsiz küçə itləri ilə bağlı Bakı şəhər Mənzil-Kommunal Təsərrüfatı Departamentinin balansındakı, sahibsiz heyvanlarla mübarizəyə cavabdeh olan Sanitariya və Texniki Təmizlik İdarəsi məşğul olurdu. Lakin sonradan qurumun fəaliyyəti dayandırıldı. Bu ilin mart ayından isə Heydər Əliyev Fondu və Bakı Şəhər İcra Hakimiyyətinin birgə layihəsi ilə Sabunçu rayonunun Balaxanı qəsəbəsində sahibsiz itlərə sahib çıxan “Toplan” Sahibsiz İtlərə Qayğı Mərkəzi açılıb. Quruma gətirilən itlər tibbi müayinədən keçirilir, peyvəndlər vurulur, qısırlaşdırma və digər prosedurlar aparılır. Lakin küçələrdə itlərin sayı çox olduğu üçün qurum təkbaşına böyük nəticələr əldə edə bilmir.
Bəs dünya təcrübəsi necədir? Dünyanın inkişaf etmiş ölkələrində küçə itləri ilə bu kimi məsələlər necə tənzimlənir?
Bu barədə “Yeni Müsavat”a danışan, tez-tez müxtəlif ölkələrdə səfərlərdə olan Bəxtiyar Hacıyev aşağıdakıları söylədi:
“Sahibsiz küçə itləri dünyanın bir çox ölkələrində, əhalinin sıx yaşadıqları yerlərdə ciddi problemə çevrilmiş, zaman-zaman müxtəlif dövlət qurumlarının bu problemin həlli üzərində müxtəlif həll yolları axtardıqları problemdir. Azərbaycan da daxil olmaqla, bir sıra ölkələrdə ən qısa və asan yol kimi görünən, ancaq reallıqda problemin həlli olmayan yol seçilərək, küçə itlərinin öldürülməsi yolu seçilib. Dünya praktikası, əvvəllər bu problemlərlə üzləşən böyük şəhərlərin təcrübəsi isə göstərir ki, küçə itlərinin öldürülməsi yalnızca qeyri-insani rəftar deyil, eyni zamanda problemin həllinə minimal təsiri olan həll yoludur. Çünki sahibsiz itlərin tapılması, insanların gözü qarşısında güllələnməsi, toplanması həm kifayət qədər vəsait, həm kifayət qədər insan resursu tələb edir, həm də itlər qida, su, yaşamaq üçün minimal şərtlərin olduğu yerlərdə sürətlə balalayır və artırlar, yenidən əvvəlki saya çatırlar. Digər inkişaf etmiş ölkələrdə itlərin öldürülməsi, yəni evtanaziyası çox nadir hallarda, ən son çarə kimi atılan addımdır və bu zaman itlərin insanların gözü qarşısında güllələnməsi yox, daha insani yollar seçilir. Sahibsiz küçə itlərinin bir sığınacağa toplanması və orada həm tibbi, həm də fiziki nəzarətdə saxlanması praktikası da mövcuddur, lakin bu da kifayət qədər böyük insan və maliyyə resursu tələb edən, eyni zamanda heç vaxt bütün itləri əhatə edə bilməyəcək yoldur. Azərbaycanda da belə sığınacaqlar mövcuddur, lakin küçə itlərinin sayı ilə nisbətdə çox az it bu sığınacaqlarda saxlana bilir”.
Hacıyev bildirib ki, daha çox müraciət olunan yol küçə itlərinin sayını və sağlamlığını nəzarətdə saxlamaq üçün onların toplanıb, müvafiq peyvəndlərin vurulması, qısırlaşdırılması və yenidən küçələrə buraxılması praktikasıdır:
“Bu zaman onların sayının sürətlə artmasının qarşısı alınır, küçə itlərinin özlərinin sağlamlığı qorunur və onlarla təmasda olan insanların sağlamlığına vurula biləcək zərər önlənmiş olur. Küçə itlərinin dünyanın digər ölkələrində olduğu kimi, Azərbaycanda da sayının əhəmiyyətli olmasını, eyni zamanda onların arasında xəstəliklərin sürətlə yayılmasının qarşısının alınması, insanlara xəstəliklərin keçməsini önləməyin vacib olmasını və bu işlərin bir çox insan və maliyyə resursu tələb etməsini nəzərə alaraq, dövlət bu sahədə çalışan QHT-lərlə sıx əməkdaşlıq etməli, heyvan hüquqlarına həssas təşkilatlara maliyyə yardımı ayırmalı və insan resurslarının böyük bir hissəsi könüllülərdən ibarət olmalıdır. Bu QHT-lər və onların könüllü heyvansevər üzvləri küçə itlərinin qısırlaşdırılması və peyvəndlənməsi, işarələnib, müvafiq yerlərə qaytarılması işlərini dövlətdən daha effektiv həyata keçirməklə yanaşı, əhalidən küçə itləri haqqında məlumatları da daha operativ toplaya və insanlar arasında da küçə itləri ilə rəftar qaydaları barədə daha effektiv maarifləndirmə işləri apara bilərlər”.
Bakının Yasamal rayonunda özünü 7-ci mərtəbədən atan 23 yaşlı qızın cənazəsi ailəsinə təhvil verilib.
BakuPost-un əməkdaşı faciə baş verən ailəyə baş çəkib və bəzi yeni məlumatlar əldə edib.
Bildirildiyi kimi 1996-cı il təvəllüdlü Dadaşova Firuzə Rasim qızı gözəllik salonlarından birində qəbul şöbəsində işləyib. Bir müddət əvvəl salonun kassasından 800 manatlıq əskik aşkarlanıb. Gözəllik salonunun Rəna adlı sahibəsi bu itkiyə görə Firuzə Dadaşovanı günahlandırıb, ondan zərərin ödənilməsini tələb edib. Rənanın tələbləri aqressiv xarakter daşıyıb, hədə-qorxu və aşağılayıcı hərəkətlərlə müşayiət olunub. Rəna Firuzə Dadaşovaya məxsus qızıl-zinət əşyalarını və mobil telefonunu əlindən alıb, kassadakı əskik məbləğ yerinə qoyulmayınca qaytarmayacağını bildirib. O, tez-tez Firuzə Dadaşovanın Yeni Yasamalda yaşadığı mənzilə gəlir, ailə üzvləri ilə konflikt yaradırmış.
Aprelin 22-də Rənanın növbəti gəlişindən və dava-dalaşından sonra Firuzə özünü yaşadığı evin eyvanından atmaq istəyib. Lakin atası qızının bu cəhdinə mane olub. Qızın psixoloji durumuna və emosional davranışlarına baxmayaraq, Rəna aprelin 23-də yenə onların qapısını döyüb. Həmin axşam Firuzə atasına “Məni bağışla” deyərək, özünü eyvandan atıb. Atası qızına çata bilsə də, onu tutub saxlaya bilməyib. Yerə çırpılan qız dünyasını dəyişib.
Faktla bağlı Yasamal rayon Prokurorluğunda cinayət işi başlanılıb, araşdırma aparılır.
<iframe src='https://bax.tv/player/60866.html' width='560' height='315' frameborder='0' allowfullscreen></iframe>Qeyd edək ki, Firuzə Dadaşova nişanlanmağa hazırlaşırmış və ailələr arasında razılıq əldə olunubmuş.
Bakıda gənc oğlan dəm qazından boğulub ölüb.
ONA-nin məlumatına görə, hadisə paytaxtın Sabunçu rayonu, Bilgəh qəsəbəsində baş verib.
Həmin ünvanda yaşayan, 1995-ci il təvəllüdlü Mahmudov Sərraf Gülağa oğlu qaz sızması nəticəsində dəm qazından boğulub ölüb.
Mərhumun yaxınlarının sözlərinə görə, gənc həmin vaxt evdə tək olub.
Döyülmə hadisəsi Nardaran-Maştağa qəsəbəsi, Yeni yaşayış massivində qeydə alınıb.
ONA-nın xəbərinə görə, 46 yaşlı kişi Qarayev Edqar Binnət oğlu həyat yoldaşı ilə mübahisə edib.
Nəticədə o arvadı tərəfindən küt alətlə döyülüb. Yaralı 3 saylı Kliniki Tibbi Mərkəzə yerləşdirilib.
Həkimlər ona döş qəfəsinin və başının küt əzilməsi diaqnozu qoyub.
Fakt araşdırılır.
Azərbaycan gömrükçüləri külli miqdarda xarici valyutanın gömrük sərhədindən bəyan etməməklə və gömrük nəzarətindən gizlətməklə keçirilməsinə cəhdin qarşısını alıblar.
Dövlət Gömrük Komitəsinə istinadən xəbər verir ki, Rusiya Federasiyası istiqamətindən Şimal Ərazi Baş Gömrük İdarəsinin “Xanoba” gömrük postunun nəzarət zonasına daxil olan həmin ölkə vətəndaşının idarə etdiyi “Toyota Camry” markalı avtomobilə baxış keçirilib.
Baxışı zamanı nəqliyyat vasitəsinin yük yerində olan karton qutudakı şüşə bankaların arasına yerləşdirilən düyü çantasının içərisində gömrük nəzarətinə bəyan olunmayan 3 milyon Rusiya rublu aşkarlanıb.
“Baku Medical Plaza” adının xəstə ölümündə hallanması məsələsinə aydınlıq gətirib.
Klinikanın marketin direktoru Aysel Rzayeva “Minval.info”ya göndərdiyi mövqe yazısında bildirir ki, xəstə Gülyaz Hacıyeva “Baku Medical Plaza”ya müraciət etdikdə vəziyyəti ağırlaşmış olub: “Gülyaz Hacıyeva “Baku Health” klinikasında Fərid Şahverdiyev tərəfindən əməliyyat olunub. Orada vəziyyəti ağırlaşdıqdan sonra “MediStyle” klinikasına köçürülüb. Xəstədə qanaxma, kəskin böyrək yetərsizliyi başlayıb. Vəziyyəti ağırlaşdıqdan sonra bizim klinikaya müraciət edilib. Xəstə bizim klinikaya ciddi koagulopatiya vəziyyətində, kəsin qaraciyər zədələnməsi, laxtalanma, ağciyər zədənməsi, böyrək çatışmazlığı vəziyyətində köçürülüb”.
Nio çayında suyun səviyyəsinin artması Cəlilabad-Yardımlı yolunda fəsadlara yol açıb.
“Qafqazinfo” xəbər verir ki, çayın üzərindəki körpü yararsız hala düşüb.
Suyun səviyyəsinin artması səbəbindən avtomobil yolu dağılıb, su ötürücü borular zədələnib.
<iframe width="426" height="326" src="https://www.youtube.com/embed/2SXMUGyy4KA" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>
Sumqayıtda polis əməkdaşı xidməti vəzifəsini yerinı yetirərkən xəsarət alıb
ONA-nın yerli bürosunun məlumatına görə, hadisə ötən gecə saatlarında şəhərin 34-cü məhəlləsində baş verib.
Belə ki, ərazidə xidmət aparan 1990-cı il təvəllüdlü Xəlilov Əmrah Elşən oğlu küçədə 2 nəfərin mübahisə etdiyini görərək onları sakitləşdirməyə çalışıb.
Nəticədə xidməti vəzifəsini yerinə yetirən polis əməkdaşı tərəflərdən birinin hücumuna məruz qalıb.
Çənə nahiyəsindən zədə alan Ə. Xəlilov xəstəxanaya gətirilib və ona yardım göstərilib. O, müayinədən sonra ambulator müalicəyə buraxılıb.
Faktla bağlı araşdırma aparılır.