 |
 |
Rusiyanın Daxili İşlər Nazirliyi (Dİ) ən aktiv "qanuni oğru"ların siyahısını açıqlayıb.
BiG.AZ bildirir ki, siyahıda 432 nəfərin adı var.
Onların 318 nəfəri azadlıqdadır. 114 "qanuni oğru" həbsdə, 31 nəfər - istintaqda, 19 nəfər axtarışdadır.
"Qanuni oğru"ların sayına görə Rusiyada "lider" mövqeni gürcülər tuturlar. Belə ki, 242 gürcü "qanuni oğru" var. İkinxi yerdə 41 "oğru" ilə ruslar, 3-cü yerdə 30 nəfərlə ermənilər, 4-cü yerdə 26 nəfərlə yezidi kürdlər, 5-ci yerdə 16 "oğru" ilə azərbaycanlılardır.
Rusiyadakı məşhur "qanuni oğru"lar arasında 10 abxaz, 8 çeçen, 7 yəhudi var.
Rusiya ilə yanaşı, Ukraynanın DİN-i ən nüfuzlu və təhlükəli "qanuni oğru" qismində "Quli" ləqəbli Nadir Səlifovu görürlər.
Məşhur azərbaycanlı "lotular" arasında lider "Lotu Quli" ləqəbli Nadir Səlifovdur.
Siyahıda onun qardaşı, "Namiq Bakinski" ləqəbli Namiq Səlifov da var.
Hacıbaba Talıbxanlı ("Hacı Beylaqanski"), Yunis Nəzərov ("Yunis Bakinski"), Arif Mehdiyev ("Arif Sumqayitski"), Vaqif Süleymanov ("Vaqif Diplomat"), İlqar Əliyev, Cavid Məmmədov ("Dato Aqdjabedinski"), Taleh Dağlıyev ("Tolik Noqinski"), Emin Əhmədov ("Emin Qadjibaqulski"), Rüfət Əmirov ("Rafet Alibayramlinski"), Rəşad İsmayılov ("Raşad Qyandjinski"), Əli Heydərov ("Albert Rıjiy"), Yusif Əliyev ("Yusif Şamxorski"), Zaur Şipilov ("Zaur Naxçıvanski") və Ülfət Tağıyevin ("Rufat Qyandjinski") də adları yer alıb.
Onlardan İlqar Əliyev, Tale Dağlıyev, Emin Əhmədov, Zaur Şipilov, Əli Heydərov, Ülfət Tağıyev Rusiyada həbsdədir. Yunis Nəzərov Özbəkistanda yaşayır. "Lotu Quli" və Rüfət Əmirov Rusiyanın müraciəti ilə İnterpol axtarışında olsalar da, Türkiyədə yaşayırlar. Cavid Məmmədhov uzun müddətdən bəri Ukraynada yaşayır.
Azərbaycanlı "lotu"ların əksəriyyətinin Rusiya vətəndaşlığı var.
Onların arasında ən zənginlər Nadir Səlifov, Yusif Əliyev, Vaqif Süleymanov, Əli Heylərov və Rəşad İsmayılovdur. Bu "qanuni oğrular" dollar milyarderləridir.
Arif Mehdiyev və Yunis Nəzərovun isə mal-mülkü və varidatı yoxdur.
"Lotu Quli"nin gəlir mənbəyi Rusiyadakı ticarət obyektlərindən alınan xərac və zəngin iş adamlarını girov götürərək pul müqabilində azad etməkdir.
Məsələn, o, Ukraynada qaçırılmış hər iş adamına görə orta hesabla 5 milyon dollar məbləğində pul alır. Özü də dollarla yox, bitkoynla.
Xəzər rayonunda mənzildə yanğın hadisəsi baş verib.
Hadisə Xəzər rayonunda baş verib. Vətəndaşa məxsus ümumi sahəsi 100 kv metr olan 3 otaqlı evin 43 kv metri içərisindəki aşyalarla birlikdə yanaraq yararsız hala düşüb. Hadisə yerinə gəən FHN-nin Yanğından Mühafizə Xidmətinin əməkdaşları alovun qarşısını alaraq yanğının digər tikililərə keçməsinin qarşısını alıblar. Yanğının kəşfiyyatı zamanı evdə 1961-ci il təvəllüdlü Məmmədov Qurban Məmmədtağı oğlunun meyiti yanğınsöndürənlər tərəfindən aşkar edilib.
Hadisə ilə əlaqədar müvafiq qurumlar tərəfindən təhqiqat aparılır.
Samuxda qızını öldürməyə cəhddə təqsirli bilinərək həbs edilən Famil Ələkbər oğlu Məhərrəmov Ali Məhkəməyə şikayət edib.
Famil Məhərrəmovun şikayəti ilə bağlı məhkəmə baxış iclası may ayının 21-də hakim İmran Hacıqayıbovun sədrliyi ilə keçiriləcək.
Rayon sakini Famil Ələkbər oğlu Məhərrəmova qızının əxlaqsız əməllərlə məşğul olması barədə məlumat daxil olub. O, qızının yaşadığı Samux rayon Ziyadlı kəndinə gedərək bu məlumatları dəqiqləşdirməyə çalışıb. Famil Məhərrəmov iyulun 25-də səhər saatlarında qızını yaşadığı ər evindən Samux şəhərindəki evinə gətirib və ondan həyat yoldaşına xəyanət etməsinin doğru olub-olmamasını soruşub. Lalənin susaraq ağlamasını isə xəyanətinin təsdiqi əlaməti hesab edərək qızını öldürməyə cəhd göstərib. Bu məqsədlə onu sirkə turşusunu və zəhərli maddələr qrupuna aid olan DDT tərkibli pestisid maddəni içməklə özünü öldürməyə məcbur edib, lakin ölmədiyini görüb otaqda stolun üstündəki stəkanı sındıraraq qırıntısı ilə bilək nahiyəsini kəsməyə vadar edib. Ancaq yenə də qızının ölmədiyini görüb balta ilə baş nahiyəsinə bir dəfə zərbə endirib və onu döşəmənin üzərinə yıxaraq əlləri ilə boğmağa çalışıb. Lalənin huşunu itirib hərəkətsiz qaldıqdan sonra qızını öldürdüyünü zənn edərək həyat yoldaşı Təranə Nəsibovadan polisə məlumat verməsini istəyib. Ancaq F.Məhərrəmov polisə təslim olduqdan sonra qızının yaşadığı məlum olub və yaxınları tərəfindən xəstəxanaya yerləşdirilib. Həkimlərin səyi nəticəsində Lalənin həyatını xilas etmək mümkün olub.
F.Məhərrəmova qarşı Azərbaycan Respublikası Cinayət Məcəlləsinin 29,120.1-ci (qəsdən adam öldürməyə cəhd) maddəsi ilə ittiham irəli sürülüb.
“Belə hava şəraiti aprel ayı üçün səciyyəvi deyil və son 30 ildə Azərbaycanda müşahidə edilməyib”.
ONA bildirir ki, bu barədə Coğrafiya İnstitutunun Elmi işlər üzrə direktor müavini, coğrafiya üzrə fəlsəfə doktoru Məhərrəm Həsənov deyib.
O bildirib ki, havanın mövsümə görə soyuq keçməsinin səbəbi soyuq Şərqi Avropa düzənliyi üzərində aktiv hava kütlələrinin hakim olmasıdır:
“Bu hava, adətən, Şimal buzlu okean üzərində, Skandinaviya, Qrenlandiya üzərində formalaşır və şimal-qərbdən Azərbaycana daxil olur. Beləliklə, bütün Şərqi Avropa düzənliyini, Moskva ətrafını, Rusiyanın mərkəzi rayonlarını tamamilə əhatə etdiyinə görə bunun bir hissəsi də antisiklon vəziyyət yaradır və bizim ərazimizə daxil olur. Fərqli cəhəti odur ki, bu, bir qədər uzun çəkdi, çünki bir hava kütləsi bizdə, adətən, bir-iki gün hakim olur. Ancaq bu il aprelin 19-da başlayıb, təqribən 24-25-nə qədər də ərazimizdə bu hava kütləsinin hakim olmasını gözləyirik. Yağış yağacaq, orta dağlıq ərazilərdə qar yağması da müşahidə ediləcək. Sabah küləyin artması da müşahidə edilə bilər ki, bu da aprel ayı üçün səciyyəvi deyil”.
Direktor müavini belə hava şəraitinin meyvəçiliyə ziyanından danışıb: “Ağaclar vaxtında ayılıb, çiçək açıb. Məsələn, alça, ərik, badam bunlar bir az qabaq çiçək açıb deyə, onlara heç nə olmayacaq, alma-armud isə indiki dövrdə çiçək açıb deyə onların hamısı məhv olacaq. Havanın taxılçılığa, pambıqçılığa, bir illik bitkilərə mənfi təsiri yoxdur. Ağac bitkilərin, xüsusən çəyirdək meyvəçiliyə böyük zərəri var”.
Fəlsəfə doktoru bildirib ki, iqlim dəyişmələri prosesi ilə dəyişkən havaları izah etmək olmaz:
“Müəyyən ərazilərdə istiləşmə olduğu kimi, müəyyən ərazilərdə də soyuqlaşma müşahidə oluna bilər. Lakin mülayim dəniz aktiv hava kütlələrinin bir az uzun müddətə ölkədə qalmasını, sadəcə, ümumi iqlim fonu ilə izah etmək lazımdır. İqlim dəyişmələri oldu, aprel soyuq keçdi, iqlim dəyişmələrinə görə hava soyuq keçməsin i izah etmək elimdən kənar məsələdir. Aktiv hava kütlələri, yəni kontinental aktiv və dəniz aktiv hava kütlələri bütün Avropanın şərq hissələrini tutduğu, Avropanın şimalında paralel istiqamətdə dağlar olmadığı üçün onlar sərbəst şəkildə daxil olurlar. Bu hava kütlələri bizim əraziyə Qara dənizdən keçərək, Gürcüstandan gəlir, hav şəraitinin soyuq olmasına səbəb olur”.
İctimai yeməkxanalar öz sirlərini gizlədir. Axı biznes elə biznesdir: ucuz xammallardan istifadə edib baha satmaq, üstəlik ərzaqlara qənaət etmək, az və ucuz işçi qüvvəsi ilə çox iş görmək lazımdır.
İnternetdə stolların altında tarakanların qaçışdığı, kiflənmiş bişmişlərin, istifadə müddəti dəyişdirilmiş salatların satıldığı, mətbəxinin iyrənc görüntüləri olan çox sayda kafe və restoranların videolarına rast gəlmək mümkündür. Bütün bunlar isə heç də estetik deyil, üstəlik insan sağlamlığının düşmənidir.
Sputnik Azərbaycan-ın məlumatına görə, NTV-nin müxbiri populyar kafelər şəbəkəsindən birində işə düzəlib və ictimai yeməkxananın daxili sirlərinə bələd olub. Onun müşahidələrinə görə, ziyarətçilər adətən ərzaqların dar dəhlizlərdə saxlanıldığını və əməkdaşların da elə buradaca yemək yediyini görmürlər.
Onlar ərzaqların saxlandığı yerlərdən soyunma otağına qədər üst geyimlərlə gedir, kişi və qadınlar eyni otaqda əyinlərini dəyişirlər. Ofisiantların işi isə heç də asan deyil: 8-12 saat ayaq üstə dayanmalı, 12 saatlıq iş rejimində işləməlidirlər. Bu ağır əməyə görə isə onlara gündəlik cəmi 1600 rubl (40 manat) ödənilir.
Qeyd etmək lazımdır ki, Rusiyada ictimai yeməkxanaların işçiləri üçün sanitar kitabçalarını heç bir müayinədən keçmədən internet vasitəsilə əldə etmək çətin deyil. Yaxşı müəssisələrdə işçilərə diqqətlə yanaşırlar. Hətta ofisiantlar üçün dequstasiya da təşkil edirlər. Çünki onlar müştəriyə nəyi verdiklərini bilməlidirlər.
Bütün restoranların kollektivinin qarşısında duran əsas məqsəd pul qazanmaqdır. Onlar müştərilərə bütün cəbhələrdə təsir göstərməyə çalışırlar. Misal üçün, hətta menyunun dizaynı belə iştahaçan və cəzbedici olmalıdır. Bu işi bej, qəhvəyi və qırmızı çiçəklərin köməyi ilə edirlər. Yeməklərin sırası isə marketoloqların tövsiyəsi ilə müəyyən bir qaydada təşkil edilməlidir – ən sərfəli olanlar müştərinin gözünə birinci dəyəcək yerdə olmalıdır: mərkəzdə, sağ və sol künclərdə.
Maksimum vurğu adətən ən tez-tez sifariş edilən yeməklərin üzərinə qoyulur. Bir qayda olaraq, bunlar populyar şorbalar – borş, yaxud solyanka, salatlar – “Sezar”, “Olivye”, “Şuba”dır. Burada müəssisənin sahibi yeməklərin hazırlanması üçün daha ucuz ərzaqlara üstünlük verir, yeməklərə isə yüksək qiymətlər qoyur. Onsuz da müştəri nə isə sifariş verəcək.
Daha bir fokus – yeməyə heç bir izahat vermədən naməlum ad verməkdir. Bu ona hesablanıb ki, müştəri ofisiantdan sözügedən yeməyin nədən ibarət olduğunu soruşacaq. Ofisiant da bu yeməyi daha baha qiymətə mindirmək üçün “basıb-bağlayacaq”.
Ya da müştərinin üstünlük verdiyi digər yeməyi baha qiymətə ona sırıyacaq. Bəzən də, restoran hansısa aşağı qiyməti olan bir yeməyi, məsələn, steyki, müxtəlif “bahalı” souslar və qarnirlərlə süsləyərək xeyli baha qiymətə müştəriyə sırıyacaq. Misal üçün, kartofu müxtəlif formalara salaraq bişirə və onun bir payını 30 kq kartofun qiymətinə sata bilərlər.
NTV-nin müxbiri “ofisiant” işlədiyi müddətdə o qənaətə gəlib ki, ümumiyyətlə, kafe və restoranlarda qidalanmaq nəinki təkcə bahalıdır, həm də xeyirli deyil. Çoxsaylı tədqiqatlar göstərir ki, ortabab ictimai yeməkxanalar yeməyə duz, şəkər və yağı evdəkindən artıq əlavə edirlər. Üstəlik, burada yeyilən yeməyin miqdarına nəzarət etmək çətindir. Çünki ətrafda daha cazibədar şəkildə qızardılmış ətlər və müxtəlif inqridiyentlər olur.
Qazax rayonunun Çaylı kəndində qətl hadisəsi baş verib.
“Report”un Qərb Mərkəzinin məlumatına görə, 1999-cu il təvəllüdlü yerli sakin Cələddinli Rahil Sübhan oğlu 17 yaşlı Qocayev Məhərrəm Kamran oğlu tərəfindən qətlə yetirilib.
Hadisə borc üstündə baş verib. Qazax Dövlət Sosial İqtisad Kollecinin III kursunda təhsil alan R.Cələddinli Qazax rayon 2 saylı Çaylı kənd orta məktəbinin 11-ci sinif şagirdi M.Qocayeva təqribən 25-30 manat pul borc verib. R.Cələddinli pulunu geri tələb etdikdə, M.Qocayev pulun bir hissəsini qaytara bilib və bu, tərəflər arasında mübahisəyə səbəb olub. Nəticədə M.Qocayev bıçaqla R.Cələddinlinin ürək nahiyəsinə bir zərbə vurub. Zərərçəkmiş aldığı xəsarətdən hadisə yerində ölüb.
Hadisəni törədən şəxs isə saxlanılıb.
Faktla bağlı Qazax Rayon Prokurorluğunda araşdırma aparılır.
Bakının Nərimanov rayonu ərazisində piyadanı avtomobil vurub.
ONA-nın xəbərinə görə, hadisə Xətai prospektində qeydə alınıb.
"Yaşıl bazar"ın yaxınlığında baş vermiş yol qəzasında 1987-ci il təvəllüdlü Cəfərov Əziz Əlizadə oğlu ciddi xəsarətlər alıb. Yaralı xəstəxanaya yerləşdirilib.
Hadisə ilə bağlı araşdırmalar davam edir.
Cəlilabad rayonunda intihar hadisəsi baş verib.
"Report"un Muğan bürosunun məlumatına görə, rayonun 1974-cü il təvəllüdlü Uzuntəpə kənd sakini Məmmədov Faiq Məmmədağa oğlu özünü yaşadığı evin həyətində yerləşən tövlədə asıb.
O, dərhal yaxınları tərəfindən Rayon Mərkəzi Xəstəxanasına çatdırılıb. Lakin F.Məmmədov Reanimasiya şöbəsində dünyasını dəyişib. İntiharın səbəbi hələlik məlum deyil.
Faktla bağlı araşdırma aparılır.
Ağstafa rayonunda bədbəxt hadisə baş verib.
"Report"un Qərb Mərkəzinin məlumatına görə, yerli sakin elektrik cərəyanı vurması nəticəsində dünyasını dəyişib.
Ölən şəxsin meyiti tibbi ekspertizaya təhvil verilib. Onun şəxsiyyəti və hadisənin hansı şəraitdə baş verdiyi hələ ki, məlum deyil.
Faktla bağlı araşdırma aparılır.
Bakıda gənc qız burun əməliyyatından sonra dünyasını dəyişib.
Musavat.com Trend-ə istinadən xəbər verir ki, 1992-ci il təvəllüdlü Gülyaz Hacıyeva keçirdiyi burun əməliyyatından sonra dünyasını dəyişib. Yaxınlarının verdiyi məlumata görə, gənc qız özəl klinikaların birində 15 gün ərzində 3 dəfə əməliyyat olunub. İlk əməliyyatını aprelin 3-də keçirən G.Hacıyeva burun çəpərinin əyriliyi və artıq ətdən əziyyət çəkirmiş.
Xanımın sonuncu əməliyyatı aprelin 17-si baş tutub. Sonuncu əməliyyatda gənc qızın qanında laxtalanma olmadığından o, çoxlu qan itirib və bu səbəbdən komaya düşüb.
G.Hacıyeva 18-i gecə saatlarında dünyasını dəyişib.