Azərbaycanda yol polisinin rüşvət alması ilə bağlı növbəti vidoegörüntü yayılıb.

Turkustan.info-nun məlumatına görə, sosial şəbəkələrdə yayılan görüntülərdən bəlli olur ki, Şirvanda yol polisi sürücünü saxlayır və pul istəyir. O isə deyir ki, şirkətin sahibi rəisə “hörmət” edəcək.

Məsələ barədə Baş Dövlət Yol Polisi İdarəsinin İctimaiyyətlə əlaqələr şöbəsinin rəisi Kamran Əliyev Oxu.Az–a açıqlama verib.

O bildirib ki, yayılan videogörüntü araşdırılıb:

“Araşdırma zamanı məlum olub ki, həmin əməkdaş 2018-ci il mayın 14-də işində yol verdiyi nöqsanlara görə daxili işlər orqanlarında xidmətdən xaric edilib. Həmin il o vəfat edib”.

Mingəçevir şəhərində xəstəxanaya müraciət edən kişi ölüb. 

Turkustan.info-nun verdiyi xəbərə görə, yanvarın 22-də Goranboy rayon Qızılhacılı kənd sakini, 1953-cü il təvəllüdlü Şamil Nəbiyev müayinə olunmaq üçün Mingəçevir şəhərində yerləşən “Nərgiz” klinikasına müraciət edib.

İlkin məlumata görə, Ş.Nəbiyev həkim səhlənkarlığı nəticəsində orada vəfat edib.

Polis və prokurorluq əməkdaşları tərəfindən meyitə baxış keçirilib, məhkəmə tibb ekspertizası təyin edilib.

Faktla bağlı Mingəçevir Şəhər Prokurorluğunda araşdırma aparılır.   /Qafqazinfo/

"Ölkə.Az"ın məlumatına görə, hadisə Moskva prospektində qeydə alınıb.

Şəhər istiqamətində olan iki minik avtomobili yeraltı tuneldə toqquşublar. Hadisə səbəbindən adıçəkilən prospektdə tıxac yaranıb.

Qəzanın səbəbi kimi arxadan gələn avtomobilin ara məsafəsini saxlamaması olub.

Ölkə.Az" xəbər verir ki, məsələ ilə bağlı Oxu.Az-a müraciət edən Ş.Xasmətovanın atası Faiq Xasmətov hadisədən 62 gün keçməsinə baxmayaraq, qızının ölümü ilə bağlı müəmmanın hələ də müəyyənləşmədiyini bildirib:

“Noyabrın 21-də qızım Şəkər Xasmətova Bakı Dövlət Universitetinin yataqxanasında müəmmalı şəkildə vəfat edib. Həmin gün qızımdan morqda ekspertiza üçün nümunələr götürülüb. Hadisədən iki aydan çox vaxt keçməsinə baxmayaraq, ekspertizanın nəticələri açıqlanmır. Bunun səbəbini bilmirik. Əvvəlcə bizə ekspertizanın cavablarının 30 gün müddətinə çıxacağı bildirilmişdi. Ancaq ekspertizanın cavablarının gecikməsinin səbəbləri bizə açıqlanmır. 

Ekspertizanın cavablarını gecikməsi istintaqın da gedişinə mane olur. İşi Bakı Şəhər Prokurorluğunda yaradılmış istintaq qrupu aparır. Dəfələrlə müstəntiqlə və istintaq qrupunun rəisi ilə görüşmüşəm. Ancaq mənə ekspertizanın cavablarını gözləməyi məsləhət görüblər. Bilmirəm, nə qədər gözləməliyəm?

İki aydır balamı itirmişəm, hələ də ölüm səbəbini bilmirəm. 

Qida Təhlükəsizliyi Agentliyinin sədri Qoşqar Təhməzli açıqlama vermişdi ki, bu zəhərlənmə qidadan deyil, toksiki zəhərlənmədir. Bu maddəni tapmaq bu qədər çətindir? Ən müasir avadanlıqlarla təchiz olunmuş laboratoriyaları olan Azərbaycan Respublikası Səhiyyə Nazirliyinin Məhkəmə-Tibbi Ekspertiza və Patoloji Anatomiya Elmi-Təcrübi və Tədris Birliyinin 62 gün müddətində bir maddəni aşkar etməməsinə necə dözmək olar? 

Bu gün bizim başımıza gələn sabah başqalarının başına gələ bilər. Biz bu məsələnin ilk gündən obyektiv araşdırılmasını istəmişik. Heç kimi ittiham etmək fikrində deyilik, çoxlu suallar var, amma cavabları yoxdur. Bu müəmmalı ölümü araşdırmaq üçün 62 gün az müddət deyil”.

F.Xasmətovun hüquqlarını müdafiə edən vəkil Türkel Süleymanlı isə ictimaiyyəti bu işlə bağlı diqqətli olmağa çağırıb:

“Bildiyiniz kimi, Xasmətova Şəkər Faiq qızı noyabrın 21-də müəmmalı şəraitdə vəfat edib. 20 yaşında qızın bu günə hələ də məlum olmayan mənbədən zəhərlənməsinin üstünün açılmaması həm bizə - onun ailəsinə daha da acı çəkdirir, əzabımızı artırır, həm də cəmiyyət üçün təhlükə mənbəyi olaraq  qalır.

Təəssüf ki, istintaq aparılması bizə deyilsə də, naməlum səbəbdən ekspertizanın aparılması iki aydır ki ləngiyir. Məhkəmə tibb ekspertizası bu işə xüsusi diqqət göstərməli olduğu halda hazırda istintaqın ləngiməsinin əsas səbəbkarıdır.

Xasmətovlar ailəsində artıq narahatlıq var ki, burada cinayətin  araşdırılması yerinə, əksinə, cinayət ört-basdır edilir. Bütün ictimaiyyəti bu işə diqqətli olmağa çağırırıq. İmkan verməyin bu iş ört-basdır edilsin. Bu, həm də sizin üçün  təhlükəlidir, çünki bu cinayətin mənbəyi və günahkarları müəyyən  edilməsə, başqa qurbanlar da ola bilər”.

"Ölkə.Az" xəbər verir ki, bunu Lent.az-a Bakı Şəhər Dövlət Yol Polisi İdarəsinin ictimaiyyətlə əlaqələr şöbəsinin rəisi, polis polkovniki Vaqif Əsədov deyib. O, ötən il ərzində paytaxtda baş verən yol qəzalarında 186 nəfərin həlak olduğunu da bildirib:

“2019-cu ildə Bakı şəhəri üzrə 569 yol-nəqliyyat hadisəsi qeydə alınıb. Nəticədə 186 nəfər həlak olub, 518 nəfər yaralanıb. 2018-ci il ilə müqayisədə yol-nəqliyyat hadisələrinin sayı 50 fakt, yəni 8,1 faiz, xəsarət alanların 11 nəfər, yəni 2,1 faiz, həlak olanların sayı isə 26 nəfər, yəni 12, 3 faiz azalıb.

Ümumi hadisələrin 149-u, bir sözlə, 26,2 faizi yüksək sürət həddi nəticəsində baş verib. Ötmə və qarşı yola çıxma 40, 4 faiz, yəni 230, yol ayrıcından keçmə nəticəsində isə 7,9 faiz, yəni 45 hadisə qeydə alınıb”.

V.Əsədovun sözlərinə görə, Bakıda baş verən yol-nəqliyyat hadisələri zamanı 11 azyaşlı dünyasını dəyişib:

“Hadisələrin 58,7 faizi piyada vurulmaları ilə bağlıdır ki, bu da çox ciddi narahatlıq doğurur. Piyada vurulması ümumi hadisələr arasında 334 fakt təşkil edir ki, nəticədə 122 nəfər həlak olub, 229 nəfər isə xəsarət alıb. 2018-ci il ilə müqayisədə piyada vurulma hadisələrində 4 faiz azalma var. Piyadaların vurulması ilə baş verən qəzaların yerinə diqqət yetirsək, onların daha çox piyada keçidlərin ətrafında və işıqlandırılmayan yerlərdə baş verdiyini görürük.

Ayrıca azyaşlıların iştirakı ilə baş verən 45 qəzada 11 azyaşlı həlak olub, 41 nəfər isə xəsarət alıb. 2018-ci il ilə müqayisədə 5 fakt, 2 ölüm halı və 1 xəsarət alma azalıb”.

Vaqif Əsədovun sözlərinə görə, ötən il avtobus sürücülərinin iştirakı ilə baş verən 33 yol qəzasında 9 nəfər həlak olub:

“Ötən il marşrut avtobuslarının iştirakı ilə 33 yol-nəqliyyat hadisəsi baş verib. Nəticədə 9 nəfər həlak olub, 32 nəfər xəsarət alıb. 5 nəfərin həlak olması, 15 nəfərin xəsarəti ilə nəticələnən 18 yol-nəqliyyat hadisəsi hüquqi şəxslərə məxsus, 4 nəfərin ölümü, 17 nəfərin xəsarəti ilə nəticələnən yol-nəqliyyat hadisəsi isə fiziki şəxslərə məxsus marşrut avtobuslarına aiddir. 2018-ci il ilə müqayisə etdikdə hadisələrin sayı 11 fakt, ölənlərin sayı 14 nəfər və xəsarət alanların sayı isə 6 nəfər azalıb”.

Hesabat dövründə 129 avtomobilin oğurlandığını deyən şöbə rəisi, sərxoş halda avtomobillərin idarə olunması ilə bağlı 1700 fakt aşkarlandığını da bildirib:

“2019-cu ildə Bakı şəhərində 129 avtonəqliyyat vasitəsi qaçırılıb. Aparılan əməliyyat tədbirləri ilə onlardan 120-i tapılıb, 9-nun axtarışı davam etdirilir.

Sərxoş vəziyyətdə avtomobillərin idarə olunması ilə bağlı 1700 fakt aşkar edilib. Bu göstərici 2018-ci il ilə müqayisədə 717 fakt və ya 29,6 faiz azalıb”.

Nazirlikdən "Ölkə.Az"a verilən məlumata görə, Bakıda və Abşeron yarımadasında yanvarın 23-də güclü cənub-qərb küləyi əsəcək, yanvarın 24-də güclü şimal-qərb küləyi ilə əvəz olunacaq.

Yanvarın 24-dən 25-i səhərədək hava şəraitinin yağıntılı olacağı gözlənilir. Arabir intensivləşəcəyi, 24-də axşam, 25-nə keçən gecə bəzi yerlərdə yağışın sulu qara keçəcəyi ehtimalı var.

Yanvarın 24-də havanın temperaturu ötən günlərlə müqayisədə 4-6 dərəcə aşağı enəcək, 0-3 dərəcə isti olacaq.

Azərbaycanın rayonlarında yanvarın 23-ü axşamdan 25-dək hava şəraitinin kəskin dəyişəcəyi, qeyri-sabit keçəcəyi gözlənilir. Arabir yağıntılı olacağı, bəzi yerlərdə sulu qar, dağlıq və dağətəyi rayonlarda qar yağacağı gözlənilir. Ayrı-ayrı yerlərdə intensivləşəcəyi ehtimalı var.

Yanvarın 23-də güclü cənub-qərb küləyi 24-də güclü şimal-qərb küləyi ilə əvəz olunacaq. Havanın temperaturu ötən günlərlə müqayisədə 4-6 dərəcə aşağı enəcək. Dağlıq və dağətəyi rayonlarda yolların buz bağlayacağı ehtimalı var.

"Ölkə.Az" ANAMA-ya istinadən xəbər verir ki, 2020-ci il 22 Yanvar tarixində saat 11:25-də Daxili İşlər Nazirliyinin ″102″ Xidməti-Zəng mərkəzi sistemindən Agentliyə Ağstafa rayonu, Poylu qəsəbəsi ərazisində iki ədəd şübhəli bağlamanın tapılması barədə məlumat daxil olub. 

Məlumata əsasən, Agentliyin xüsusi mobil çevik əməliyyat qrupu, Daxili İşlər Nazirliyinin Ağstafa rayon Polis Şöbəsinin və Mərkəzi Xəstəxanasının əməkdaşları dərhal həmin əraziyə göndərilib. 

Agentliyin mütəxəssisləri və Ağstafa rayon Polis Şöbəsinin əməkdaşları tərəfindən birlikdə yuxarıda adı qeyd olunmuş ərazidə məişət tullantıları sahəsinə baxış keçirilib.  

Təhlükəsizliyi təmin etmək məqsədilə ərazi polislər tərəfindən mühasirəyə alınıb.  

Agentliyin mütəxəssisləri tərəfindən aparılan təcili təxirəsalınmaz əməliyyat-axtarış tədbirləri nəticəsində altı ədəd F-1 əl qumbarası (iki ədədi boş), 3 240 ədəd 5.45 mm-lik təlim məqsədli patronlar və bir ədəd tir tüfəngi (TOZ-8) aşkar olunub, tüfəng Ağstafa rayon Polis Şöbəsinin əməkdaşlarına təhvil verilib, hərbi təyinatlı əşyalar zərərsizləşdirilməsi üçün götürülərək Agentliyin mərkəzi məhvetmə ərazisinə daşınıb. 

Hərbi təyinatlı əşyaların ətrafında 250 kv.m əraziyə yerüstü baxış keçirilib, əlavə təhlükəli əşya və qurğu aşkarlanmayıb. 

Ermənistan rəhbərliyinin Azərbaycan torpaqlarında həyata keçirdiyi ekoloji terror artıq yerli ermənilərin də narazılığına səbəb olur.

Turkustan.info Ermənistan KİV-nə istinadən xəbər verir ki, Kəlbəcər rayonunda məskunlaşmış ekoloji fəal Aleksandr Kananyan rayon mərkəzi yaxınlığında, Tərtər çayı üzərində növbəti kiçik su elektrik stansiyasının tikilməsinə etiraz edib.

O buna görə aclıq aksiyasına başlayıb.

“İmperativ inkişaf – yol salınması, ev tikilməsi, məskunlaşmaya dəstək, kiçi və orta biznesə dəstək yerinə Qarabağdakı oliqarxlar onlarla su elektrik stansiyaları inşa olunur. Bölgənin 160 kilometr uzunluğunda əsas çayları artıq boru xətlərinin içindədir. Buna görə yüzlərlə kvadrat kilometr torpaq sahə susuzluqdan əziyyət çəkir, Kəlbəcər, Laçın kimi rayonların normal inkişafı və tam məskunlaşması acgöz oliqaxrlara görə baş tutmur”.

Kananyan Tərtər çayının sol qolunun quruduğunu, üzərində 4 su stansiyası fəaliyyət göstərən əsas çayda da sululuq dərəcəsinin azaldığını əlavə edir.

/Modern.az/

Xərçəng XXI əsrdə dünyada insanların əsas ölüm səbəbləri arasında ikinci pillədə qərarlaşıb. Gün ərzində bu xəstəlikdən 30 minə yaxın insan dünyasını dəyişir.

Ümumdünya Səhiyyə Təşkilatının məlumatına görə, təkcə 2018-ci ildə xərçəng xəstəliyindən 9,6 milyon insan ölüb. Dünyada hər 6 ölümdən 1-i xərçəngin payına düşür.

Xərçəngin əsas özəlliyi anomal hüceyrələrin yaranaraq öz adi sərhədlərini keçib başqa orqanlara da yayılmasıdır. Bu prosesə metastazlaşma deyilir. Metastazlar xərçəngdən əsas ölüm səbəbidir.

Anomal hüceyrlərin yaranması (yəni insanın xərçəngə tutulması) insanın genetik faktorları ilə 3 xarici amil – ultrabənövşəyi və ionlaşdırılmış şüalanma (fiziki kanserogenlər), tütün tüstüsünün komponentləri, aflatoksin (qida məhsullarına əlavə olunur) və mərgümüş ( kimyəvi kanserogenlər) və virus, bakteriya və parazitlərdən keçən infeksiyalar (bioloji kansirogenlər) birləşməsindən yaranır.

İnsanların qocalması da xərçəngin yaranması üçün güclü təkan rolunu oynayır. Belə ki, yaşlı adamlarda hüceyrələrin bərpası prosesi get-gedə daha ləng inkişaf edir.

Turkustan.info Ümumdünya Səhiyyə Təşkilatının məlumatlarıan istinadən dünyada xərçəng xəstəliyi ilə bağlı yaranmış situasiyanı təqdim edir.

Dünyada ən geniş yayılmış xərçəng xəstəlikləri:

Ağciyər xərçəngi (2,09 milyon yoluxma)

Döş xərçəngi (2,09 milyon yoluxma)

Yoğun və düz bağırsaq xərçəngi (1,8 milyon yoluxma)

Prostat xərçəngi (1,28 milyon yoluxma)

Dəri xərçəngi (1,04 milyon yoluxma)

Mədə xərçəngi (1,03 milyon yoluxma)

Xərçəngin yayılmasına görə dünyada ilk pillədə Avstraliya dayanır. Bu ölkədə hər 100 min nəfərə 468 yoluxma halı qeydə alınıb. Eyni göstərici Yeni Zelandiyada 438.1, 3-cü yerdə qərarlaşan İrlandiyada isə 373.7 qeydə alınıb.

1.Avstraliya (hər 100 min nəfər 468 hal)

2.Yeni Zelandiya (438,1)

3.İrlandiya (373,7)

4.Macarıstan (368,1)

5.ABŞ (352,2)

6.Belçika (345,8)

7.Fransa (344,1)

8.Danimarka (340,4)

9.Norveç (337,8)

10.Niderland (334,1)

11.Kanada (334)

12.Yeni Kaledoniya (324,2)

13.Böyük Britaniya (319,2)

14.Cənubi Koreya (313,5)

15.Almaniya (313,1)

16.İsveçrə (311)

17.Lüksemburq (309,3)

18.Serbiya (307,9)

19.Sloveniya (304,9)

20.Latviya (302,2)

21.Slovakiya (297,5)

22.Çexiya (296,7)

23.İsveç (294,7)

24.İtaliya (290,6)

25.Xorvatiya (287,2)

26.Litva (285,8)

27.Estoniya (283,3)

28.Yunanıstan (279,8)

29.İspaniya (272,3)

30.Finlandiya (266,2)

31.Uruqvay (263,4)

32.Belarus (260,7)

33.Portuqaliya (259,5)

34.İslandiya (257,8)

35.Qvadolupa (254,6)

36.Puerto Riko (254,5)

37.Moldova (254,3)

38.Polşa (253,8)

39.Kipr (250,8)

40.Martiniki (250,8)

41.Malta (249,4)

42.Sinqapur (248,9)

43.Yaponiya (248)

44.Avstriya (247,7)

45.Barbados (247,5)

46.Fransa Qvianası (247)

47.Bolqarıstan (242,8)

48.Livan (242,8)

49.Fransa Poloneziyası (240,6)

50.İsrail (233,6)

Ermənistanda hər 100 min sakin üçün yoluxma halları 207,5 təşkil edir. Bu göstərici Gürcüstanda 162.6, İranda 110.6, Rusiyada 256.2 və Türkiyədə isə 205.1 hal təşkil edir.

Azərbaycanda xərçəngə yoluxma halları son 14 ildə 200% artıb. Belə ki, 2005-ci ildə rəsmi statistika xərçəngə yoluxanlar 23,088 nəfər təşkil edibsə, 2010-cu ildə bu rəqəm 28.052, 2015-ci ildə 40.653, 2017-ci ildə 45.756 və 2018-ci ildə daha da artaraq 48.685 təşkil edib.   /Modern.az/

Bu barədə "Ölkə.Az"a Daxili İşlər Nazirliyinin (DİN) Mətbuat Xidmətindən məlumat verilib.

Belə ki, DİN Baş Narkotiklərlə Mübarizə İdarəsi əməkdaşlarının daxil olan məlumat əsasında keçirdikləri əməliyyat-axtarış tədbirləri nəticəsində Xətai rayonu ərazisindəki apteklərin birində, əczaçı işləyən Abşeron rayon sakini M.Salmanov və Bakı şəhər sakini V.Məmmədova 9 ədəd “Tramadol” və 5 ədəd “Prebagalin” həblərini satarkən tutulublar.

Aptekə baxış zamanı satışına məhdudiyyət qoyulmuş 2380 ədəd “Tramadol”, 667 ədəd “Pregabalin”, 659 ədəd “T-doll”, 246 ədəd “Contramal”, 10 ədəd “Tamol XX”, 58 ədəd “Royal”, 70 ədəd “Lyrica” və 126 ədəd “Regapen” aşkar edilərərk götürülüb.