 |
 |
Bakıda bıçaqlanma hadisəsi baş verib.
APA xəbər verir ki, hadisə Binəqədi rayonunda qeydə alınıb.
1990-cı il təvəllüdlü Aytəkin Qəhrəmanova keçmiş yoldaşı ilə yaşadığı binanın qarşısında mübahisə edib. Nəticədə qadın bıçaqlanıb. Yaralı xəstəxanaya yerləşdirilib.
Fakt araşdırılır.
Azərbaycanda kollec rəhbərliyi tutulub.
“Report”un Qarabağ Mərkəzinin məlumatına görə, Bərdə Dövlət İdarəetmə və Texnologiya Kollecinin direktoru Xaləddin Ələkbərov və onun müavini İlqar Dursunov iş otaqlarında rüşvət alarkən hüquq-mühafizə orqanlarının əməkdaşları tərəfindən saxlanılıblar.
Faktla bağlı araşdırma aparılır.
Hələlik baş verənlərlə bağlı rəsmi açıqlama verilməsə də icra başçısının rüşvət aldığına görə saxlanması haqda məlumatlar yayılıb.
Qeyd edə ki, Neftçala RİH-nin başçısı Vəliyev İsmayıl Məhərrəm oğlu 31 oktyabr 1959-cu ildə Gəncə şəhərində anadan olub. 1981-ci ildə Bakı Dövlət Universitetini bitirib, əmək fəaliyyətinə 1981-ci ildə Əli Bayramlı (indiki Şirvan şəhəri-E.H) şəhər Xalq Deputatları Sovetinin İcraiyyə Komitəsində ümumi şöbənin müdiri kimi başlayıb. 29 may 1996-cı il tarixdən 21 may 1998-ci il tarixədək Sumqayıt Gömrükxanasının rəisi ,21 may 1998-ci il tarixdən 21 yanvar 1999-cu il tarixədək Gömrük Komitəsi sədrinin müşaviri, 21 yanvar 1999-cu il tarixdən 03 yanvar 2001-ci il tarixədək Dövlət Analitik Şöbənin rəisi, 03 yanvar 2001-ci il tarixdən 31 may 2005-ci il tarixədək Gömrük Nəzarətinin Təşkili İdarəsinin rəis müavini vəzifələrində işləyib. 2005-ci ildən Qobustan RİH-in başçısı olub. 26 aprel 2011-ci il tarixdən etibarən isə Neftçala rayonuna rəhbər təyin edilib.Hələlik baş verənlərlə bağlı rəsmi açıqlama verilməsə də icra başçısının rüşvət aldığına görə saxlanması haqda məlumatlar yayılıb.
Qeyd edə ki, Neftçala RİH-nin başçısı Vəliyev İsmayıl Məhərrəm oğlu 31 oktyabr 1959-cu ildə Gəncə şəhərində anadan olub. 1981-ci ildə Bakı Dövlət Universitetini bitirib, əmək fəaliyyətinə 1981-ci ildə Əli Bayramlı (indiki Şirvan şəhəri-E.H) şəhər Xalq Deputatları Sovetinin İcraiyyə Komitəsində ümumi şöbənin müdiri kimi başlayıb. 29 may 1996-cı il tarixdən 21 may 1998-ci il tarixədək Sumqayıt Gömrükxanasının rəisi ,21 may 1998-ci il tarixdən 21 yanvar 1999-cu il tarixədək Gömrük Komitəsi sədrinin müşaviri, 21 yanvar 1999-cu il tarixdən 03 yanvar 2001-ci il tarixədək Dövlət Analitik Şöbənin rəisi, 03 yanvar 2001-ci il tarixdən 31 may 2005-ci il tarixədək Gömrük Nəzarətinin Təşkili İdarəsinin rəis müavini vəzifələrində işləyib. 2005-ci ildən Qobustan RİH-in başçısı olub. 26 aprel 2011-ci il tarixdən etibarən isə Neftçala rayonuna rəhbər təyin edilib.
İsmayıl Vəliyev 2011-ci ildən Neftçalanın icra başçısıdır
Yerli medianın yazdığına görə, Dövlət Təhlükəsizliyi Xidmətinin xüsusi təyinatlıları Neftçala İcra hakimiyyətinin binasına daxil olub.
Bildirilir ki, Neftçalanın icra başçısı İsmayıl Vəliyev rüşvət alarkən DTX tərəfindən tutulub.
Oxu.Az xəbərinə görə, İsmayıl Vəliyevin adı bundan əvvəl xeyli qalmaqalda hallanıb.
Yerli mətbuatda İsmayıl Vəliyevin qanun pozuntularına yol verməsi ilə bağlı bir çox iddialar yer alıb.
Məlumatların birində qeyd olunurdu ki, icra başçısı Neftçalada özünə bazar tikdirib və bazarın ətrafındakı dükanları sökdürüb.
Ümumiyyətlə, İsmayıl Vəliyev yerli sahibkarları sıxışdırması xəbərləri ilə gündəmə gəlib.
Bundan başqa, icra başçının fəaliyyətinin rayonda kütləvi narazılıq yaratdığı haqqında da xəbərlər mediada yer alıb.
Onun Neftçala sakinlərindən pay torpaqlarını zorla alınması “əməliyyatına rəhbərlik etməsi” də yazılanlar siyahısındadır.
İsmayıl Vəliyevin qurduğu şəbəkənin rayonun səhiyyəsini bərbad hala qoyması yazılırdı.
İcra başçısının həkimlərə “tas” qoyması barədə məlumatlar informasiya məkanında dövriyyəyə buraxılıb.
Bundan başqa, icra başçısının səyi və təşəbbüsü ilə xeyli işçinin maaşının mənimsənildiyi də bildirilir.
İcra başçısının qohumluq əlaqələrini işə salaraq vəzifəsindən sui-istifadə etməsi, bununla da rayonda bütün təşəbbüsü ələ alması barədə məlumatlar da mətbuat səhifələrində çoxdur.
Qeyd edək ki, İsmayıl Vəliyev 2011-ci ildən Neftçalanın icra başçısıdır.
Azərbaycan Dövlət Təhlükəsizlik Xidmətinin xüsusi təyinatlı dəstələri Neftçalı rayonu İcra Hakimiyyətinin binasında xüsusi əməliyyat keçirir.
Bu barədə haqqin.az saytı bölgə müxbirinə istinadla məlumat yayıb.
Məlumata görə, bir müddət əvvəl binaya xüsusi təyinatlı dörd cip gəlib. Binanın girişində Dövlət Təhlükəsizlik Xidməti xüsusi yoxlama məntəqəsi qurub. Binaya giriş qadağandır.
Bakının mərkəzində marketdə bıçaqlanma hadisəsi olub.
Nəsimi rayonu, Ə.Hüseynzadə küçəsində yerləşən “Araz market”dən oğurluq etmək istəyən naməlum şəxsi mağazanın mühafizəçisi Elvin Muxtarov saxlamaq istəyib. Bu zaman naməlum şəxs mühafizəçinin qoluna bıçaqla xəsarət yetirərək hadisə yerindən uzaqlaşıb.
Faktla bağlı araşdırma aparılır.(Report)
Keçmiş vergilər naziri Fazil Məmmədovun yaxın çevrəsinə daxil olan daha bir şəxs “neytrallaşdırılıb”.
Yenicag.az xəbər verir ki, sabiq vergilər naziri Fazil Məmmədovun bacısının Vüqar adlı kürəkəni “AtaBank” işi”nə görə həbs edilib.
Ümumiyyətlə, bir müddət əvvəl başlayan və şərti olaraq, “AtaBank” işi” adlandırılan təhqiqatın gedişində üzə çıxan detalların Fazil Məmmədova ciddi başağrısı yaradacağı bildirilirdi.
Məmmədovla əlaqədar medianın əldə etdiyi məlumatlarda onun yaxın adamlarına yönəlik həbslərin davam edəcəyi, hətta keçmiş nazirin özünün də eyni aqibətə məruz qalacağı iddia olunmaqdadır.
Almaniyanın Hanau şəhərində 2 kafeyə silahlı hücum olub.
Qəlyan kafesinə naməlum şəxslər tərəfindən odlu silahla təşkil edilən hücum nəticəsində 8 nəfər dünyasını dəyişib. Çox sayda yaralı var.
Cənubi Hessen Baş Polisindən verilən açıqlamaya görə, hadisə yerli vaxtla saat 22:00 radələrində olub.
Şübhəli şəxslərin 2 nəfər olduğu bildirilir.
“Assoşieyted Press” agentliyinin məlumatına görə, qəlyan kafelərinə hücum nəticəsində ölənlərin sayı 9-a çatıb. 4 yaralı var.
Şübhəlilərdən biri evində ölü tapılıb. Onun yanında daha bir cəsəd olub.
Agentlik bildirir ki, hücuma məruz qalan kafelərdən biri türklərə məxsusdur. Dünyasını dəyişən 9 nəfərdən 5-inin türk olduğu iddia edilir. (publika.az)
Azərbaycan Ordusunun itkin düşən hərbçisi Akif Elşən oğlu Abbasovun meyiti neytral ərazidən götürülüb.
Beynəlxalq Qızıl Xaç Komitəsinin (BQXK) Azərbaycan nümayəndəliyinin İctimaiyyətlə əlaqələr şöbəsinin rəhbəri İlahə Hüseynova “Report”a açıqlamasında bildirib ki, BQXK fevralın 19-da tərəflərin müraciəti və razılaşması ilə Azərbaycan-Ermənistan sərhədində həlak olan şəxsin nəşinin ərazidən götürülməsi əməliyyatında neytral vasitəçi kimi iştirak edib.
Qeyd edək ki, A.Abbasov bu ilin yanvar ayında itkin düşmüşdü.
Akif Abbasov
Bərdə şəhərində sürücü sükan arxasında dünyasını dəyişib.
Report bildirir ki, hadisə şəhərin İsmət Qayıbov küçəsində qeydə alınıb.
Belə ki, 1963-cü il təvəllüdlü Kərim Dadaşov “VAZ” markalı avtomobili idarə edən zaman sükan arxasında dünyasını dəyişib.
Nəticədə onun avtomobili piyadaların hərəkət hissəsində yerləşən beton parçasına dəyib.
Avtomobilə yüngül ziyan dəyib. Hadisə yerinə Təcili Tibbi Yardım avtomobili və polis əməkdaşları gəlib.
Faktla bağlı araşdırma aparılır.