 |
 |
Bu il kollec məzunlarının ali məktəbə qəbul şansı çox olacaq.
Milli.Az bildirir ki, bunu Trend-ə Təhsil Nazirliyinin Aparat rəhbərinin müavini Yaqub Piriyev deyib.
Onun sözlərinə görə, qəbul planının artması məzunlar üçün bu imkanı artırıb. Y.Piriyev bildirib ki, 2019-2020-ci tədris ili üçün ali məktəblərə qəbul planı Nazirlər Kabineti tərəfindən təsdiqlənib. Ötən ilə nisbətən bu il ali təhsil müəssisələrinə qəbul planında 6,4 % artım var. Ötən il 45 599 nəfərlik plan yeri ayrılmışdısa, bu il qəbul planında 48 506 nəfərlik yer ayrılıb:
"Adətən qəbul planının dolma göstəricisi 90 % olur və 4-5 min plan yeri boş qalır. Nəzərə alaq ki, ötən ilə nisbətən bu il orta məktəbi bitirənlərin sayı da 7-8 min azdır. Bu da kollec məzunlarının ali məktəbə qəbul olmaq şansını artırır".
Dövlət İmtahan Mərkəzinin Hüquqi təminat və insan resursları şöbəsinin müdiri Nərminə Bayramova isə bildirib ki, kollec məzunları ali məktəblərə minimal 200-250 balla qəbul ola biləcəklər:
"Hər il müsabiqə zamanı ixtisas üzrə bal şərti 200-250 bal arası olur. Bu məsələdə də həmin şərt nəzərə alınacaq. I qrupda abituriyentin müsabiqəyə buraxılması üçün hansı bal nəzərdə tutulubsa, onu da nəzərə alacağıq. Hesab edəcəyik ki, həmin adam minimal balı toplayıb və bu balla da ali məktəbə qəbul müsabiqəsində iştirak edəcək".
Qadınlara qarşı zorakılıq şəxsi ailə məsələsi kimi qəbul edilə bilməz, çünki onun fəsadları cəmiyyətdə hər kəsə təsir edir.
Milli.Az Trend-ə istinadən bildirir ki, bunu Ailə, Qadın və Uşaq Problemləri üzrə Dövlət Komitəsinin sədri Hicran Hüseynova deyib.
Onun sözlərinə görə, qadınlara qarşı zorakılığın nəsillərarası fəsadları da var ki, bura uşaqların təhsil göstəricilərinin aşağı olması, zorakılığa məruzqalma, boşanma səviyyəsinin artması, ailələrin dağılması, qeyri-stabil yaşayış yeri və digər təsirlər daxildir:
"Qadına qarşı zorakılığın olması yoxsulluğun qarşısının alınmasına mane olur, məşğulluq və məhsuldarlığın aşağı düşməsi ilə nəticələnir. Məişət zorakılığı cəmiyyət tərəfindın həmişə mənfi qarşılanır. Məişət zorakılığı, erkən nikah hallarının qarşısının alınması istiqamətində müvafiq dövlət orqanları vətəndaş cəmiyyətləri və beynəlxalq qurumlarla birgə layihələr həyata keçirir. Bu sahədə qanunvericilik daim təkmilləşir, sosial proqramlar həyata keçirilir".
Ali məktəbə bu il sənəd verməyən kollec məzunlarının universitetə daxil olması üçün əlavə qəbul elan ediləcək.
Milli.Az Trend-ə istinadən bildirir ki, Dövlət İmtahan Mərkəzinin Hüquqi təminat və insan resursları şöbəsinin müdiri Nərminə Bayramova deyib.
Onun sözlərinə görə, 2019-2020-ci tədris ilində ali məktəblərə qəbul kampaniyasına başlanılıb və müəyyən mərhələ başa çatıb: "Lakin vətəndaşlar Nazirlər Kabinetinin qəbul etdiyi yeni qərarların onlara şamil olunmayacağı ilə bağlı narahat olmasınlar. Artıq Təhsil Nazirliyi ilə birgə həmin qərarın icrası istiqamətində müvafiq tədbirlərin icrasına başlanılıb. Məsləhət görürük ki, kollec məzunları Dövlət İmtahan Mərkəzinin rəsmi saytını izləsinlər. Əgər kollec məzunu ali məktəbə sənəd verib, imtahanlarda müəyyən nəticə əldə edibsə, onun müsabiqədənkənar qəbul şansı qüvvədə olacaq".
Bu gün səhər saatlarında metronun "Ulduz" və "Nərimanov" stansiyaları arasında qatar bir neçə dəqiqə tuneldə qalıb. Bu isə sərnişinlərin həyəcanına səbəb olub. Məsələ ilə bağlı Bakı Metropoliteninin mətbuat xidmətinin rəisi Bəxtiyar Məmmədovla əlaqə saxladıq.
Milli.Az bildirir ki, Bəxtiyar Məmmədov ölkə.az-a açıqlamasında qatarın tuneldə ləngiməsinin səbəbini açıqlayıb.
Mətbuat katibi bildirib ki, maşinist qatarın texniki baxış məqsədi ilə "Depo" stansiyasına getməsini məqsədəuyğun olduğunu bildirib. Bu səbəbdən sözügedən qatar "Depo" stansiyasına doğru hərəkət edib. Əks istiqamətdə hərəkət edən qatar isə tuneldə gözləyərək "Depo"ya gedən qatarın ikinci yola keçməsini gözləyib. Bu səbəbdən qatarın hərəkətində ləngimə yaranıb. Hazırda Bakı metrosunda qatarlar hərəkət cədvəli üzrə işləyir.
Sabahdan etibarən 5, 6, 53, 56, 88, 120, 125 və 205 nömrəli müntəzəm marşrut xətti üzrə avtobusların hərəkət sxemində dəyişiklik ediləcək.
Bakı Nəqliyyat Agentliyi xəbər verir ki, dəyişiklik Səbail rayonu, Əhəd Yaqubov küçəsində aparılan yenidənqurma işləri ilə əlaqədar hərəkətin tam olaraq məhdudlaşdırılması səbəbindən edilib.
Qeyd edilən tarixdən bu xətlər üzrə avtobuslar alternativ olaraq, M.Mustafayev və M.Useynov küçələrindən keçməklə fəaliyyət göstərəcəklər.
Dəyişiklik məhdudiyyət tam aradan qalxanadək qüvvədə olacaq.
Paytaxtın Bakıxanov qəsəbəsində bir villanı səssiz-səmirsiz, sakit-sakit, hissə-hissə sökürlər. Villanın qarşısında “Bakıxanov rezidens”in binası inşa olunacaq.
Bu malikanə də tikinti ərazisində plana düşüb. Villanın ətrafında yaşayanlardan öyrənirik ki, bu dəbdəbəli evin qiyməti 2 milyondur.
Ancaq sahibinə minimal pul verərək bir neçə ilə tikdiyi şəxsi evini söküblər. Mülk sahibi narazı qalıb. Əvvəlcə evinin sökülməsinə qarşı çıxıb. Evin uçurulmasından söhbət belə gedə bilməz söyləyib. Sonra bu imkanlı şəxsi “yola gətiriblər”. Deyiblər ki, Sabunçu rayon icra başçısı Adil Vəliyevin əmrinə biət etmək lazımdır.
Bu tikinti də ona məxsusdur və “Bakıxanov rezidens” qəsəbədəki evləri sökərək pilot layihə olaraq göydələnlər inşa edir.
Villanın sahibini yola gətirdikdən sonra təzminatın məbləğində razılaşmada narazılıq yaranıb. “Ancaq həmin adama nə deyiblər, nə formada danışıq aparıblarsa, o boyda evi dəyərindən ucuz qiymətə alıblar, sökməyə başlayıblar”, – deyə sakinlər bildirirlər. Villanın söküntüsü hazırda icra olunur. Yaxınlıqdakı “Fantaziya” şirniyyat mağazasının yerləşdiyi bina da uçurulub, yaxınlığa köçməli olub.
Həmçinin, “Bakıxanov rezidens”in olacağı əsas yerdəki 2 mərtəbəli bina sökülüb, sakinlərdən kimisi kompensasiya alıb, kimisinə də tikiləcək təzə binadan mənzillər vəd olunub.
Qeyd edək ki, Bakıxanov qəsəbəsini “Bakıxanov rezidens” firmasının reklamları bürüyüb. Şirkət qəsəbənin hər addımbaşında 2, 3 və 5 mərtəbəli binaları yerlə-yeksan edərək göydələnlərini ucaldır.
Qəsəbənin yol üstündəki əksər 2 və 3 mərtəbəli binaları sökülmə növbəsini gözləyir. A.Vəliyev “Razin”i tamamilə öz tikinti meydançasına çevirməkdə iddialıdır.
Hətta Sabunçu RİH-nin düz qarşısında yaşıllıq hasarlanıb və ərazidə tikinti aparılır. Qəsəbənin Mehmandarov küçəsində tikilən binanın qarşısındakı məlumat lövhəsində qeyd olunub ki, 2017-ci ilin noyabrın 25-də işlər yekunlaşacaq. 2016-cı ildən gedən işlər deyilən vaxtda başa çatmayıb. 2018-ci ilin mayı gəlir və hələ də binanın tikintisi davam edir.
Ona görə də bir qrup payçı “Bakıxanov rezidens”in sözünün üstündə durmadığını bildirirlər. Bu şirkətin inşaat işlərində müəmmalı digər məsələ sifarişçi və podratçı firmanın olmasıdır.
Məlumat lövhəsində yazılıb ki, “Bərguşad-Ş” MTK həm sifarişçi, həm podratçı şirkətdir. Əgər “Bakıxanov rezidens” özü göydələnləri inşa edirsə, podratçı firmaya nə ehtiyac var?!
azeuronews.com
Rəşad Məcid Salam Sarvandan müsahibə alan AYB üzvünün qurumdan çıxarılması məsələsini qaldıracaq
“Dövlətin ədəbiyyat naminə xoş niyyətlə ayırdığı pulu bunlar havaya sovururlar, ehtiyacı olmayanların cibinə basırlar, ətraflarına xərcləyirlər. Ədəbiyyatın inkişafı naminə heç nə eləmirlər”.
Minval.info xəbər verir ki, bu ittihamları Azərbaycan Yazıçılar Birliyi (AYB) barədə şair Salam Sarvan bakupost.az-a müsahibəsində səsləndirib.
O, AYB üzvü olmadığını qeyd edib: “Ancaq indi xərclədikləri pulun içində mənim də maaşımdan, qonorarımdan verdiyim verginin məbləği var. Düzü, Azərbaycan Yazıçılar Birliyi uzun illərdir ədəbi fəaliyyətlə yox, bank fəaliyyəti ilə, bankçılıqla məşğuldur. O boyda təşkilatın işi-gücü ancaq ildə bir dəfə təqaüd siyahısı hazırlayıb maliyyə qurumlarına təqdim etməkdən, dövlətin xoş niyyətlə ayırdığı pulu şübhəli formalarda yerbəyer eləməkdən, əmlakı kafe kimi icarəyə verməkdən ibarətdir. Sırf buxalteriya yəni. Ölürəm gülməkdən”.
S.Sarvanın sözlərinə görə, ortada çox əndirəbadi görüntü var: “Belə çıxır ki, AYB-nin iki mindən çox üzvü, yüzə qədər maaşlı işçisi, neçə-neçə rayon filialı, aparatındakı neçə-neçə şöbəsi, neçə-neçə katibliyi, neçə-neçə şurası ona görə bir yerə yığışıb ki, ildə bir dəfə təqaüd siyahısı hazırlayıb versinlər.
AYB-nin yaratdığı monopoliyada, ümumən ədəbiyyat təsərrüfatında dəhşətli haqsızlıqlar baş alıb gedir. Nəhayət, bu hoqqaları durdurmaq zamanı gəlib çatıb. İçində azca da olsa ədalət hissi qalmış yazarlar bir araya gəlib, bu meydan sulayan fərasətlilərin qarşısına çıxmalıdır”.
AYB-nin gənclər üzrə katibi Rəşad Məcid isə kulis.az-a deyib ki, bu müsahibəni alan Elşad Barat qurumun əleyhinə kampaniyalar aparır, müsahibələr alır.
Onun sözlərinə görə, gənc yazar Elşad Baratın AYB-dən kənarlaşdırılması məsələsi katiblikdə qaldırılacaq: “AYB-də qalıb-qalmaması məsələsini katiblikdə qaldıracam. Çünki adam Yazıçılar Birliyindən bəhrələnir. Anar müəllim onun kitabın çap olunmasına kömək edib. Gəlib yalandan deyir ki, uşaqlarım xəstədir, pul alır, sonra da gedib AYB-nin əleyhinə kampaniyalar aparır, müsahibələr alır. Hesab edirəm ki, Elşad Baratın AYB-də qalması düzgün deyil”.
E.Barat isə bildirib ki, R.Məcid yazıçı Anarla onun arasına girmək istəyir: “Əvvəla, mən jurnalistəm, istənilən adamdan müsahibə ala bilərəm, onun fikirlərinə məsuliyyət daşımıram. Müsahibələrimdən də görünür ki, mən mövqesiz sual verirəm.
Müsahibə gedən kimi Rəşad Məcid mənə zəng elədi, açdım, fısıltısı gəldi, səsi yox. Müsahibə almaqla adamı təşkilatdan çıxarmırlar. Məni səbəbsiz yerə heç kim AYB-dən çıxara bilməz. AYB-dən çıxarılmağıma səbəb olacaq heç nə etməmişəm, Rəşadın fikiri gülünc görünür.
Düşünürəm ki, Rəşad Məcid hörmətli yazıçımız Anar müəllimlə mənim arama girmək istəyir. Məndə çox faktlar var, belə getsə, bir-bir hamısını mətbuata bildirəcəm”.
Bu il iyun ayında ölkədə 5 gün qeyri-iş günü olacaq.
Bakıda 17 yaşlı oğlan intihar edib.
Milli.Az oxu.az-a istinadən xəbər verir ki, hadisə dünən saat 18:00 radələrində paytaxtın Nəsimi rayonu ərazisində baş verib.
Belə ki, Moskva prospekti 3007-ci məhəllədə 2002-ci il təvəllüdlü S.Q. özünü yaşadığı binanın 10-cu mərtəbəsinin pəncərəsindən ataraq intihar edib.
Gəncin hansı səbəbdən intihar etdiyi məlum deyil. Yaxınları onun intihar etmədiyini, itələndiyini iddia edirlər.
Faktla bağlı araşdırma aparılır.
Qədimdə İran dövlətində korrupsiyanın qarşısını almaq üçün çox sərt bir üsul varmış. Rüşvətlə yaxalanmış məmurun dərisini soyar, həmin dərini oturduğu kreslonun üzünə çəkərmişlər. Yeni təyin olan məmur hər dəfə kresloiya oturanda sələfinin aqibətin görüb rüşvətdən imtina edərmiş.
Bu hadisəni yada salmaqda məqsədim var. Yadınızdadırda 2015-ci ildə Astara Pedaqoji Kollecinin o zamankı direktoru “iş başında”-rüşvət alarkən həbs olunmuşdu.
Az qalırdı aldığı pulu basıb ağzına yeyə ki, iz itsin. Məhkəmə oldu, iş aldı getdi.
Astaralılar fikirləşdi ki, bu dəfə normal direktor gələr.
Bu qədər “zəngin” ənənələri olan Kollecdə o vaxtdan çox sular axsa da, dəyişən bir şey olmayıb. Düzdür, Kollecin direktoru dəyişilib-keçmiş Təhsil naziri Mikayıl Cabbarov öz müşaviri Ağababa İbrahimovu buraya yeni rəhbər təyin edib. Biz bilmirik Mikayıl müəllim A. İbrahimovu cənub bölgəsinə göndərəndə onun qarşısına hansı vəzifələr qoyub. Ancaq onu dəqiq bilirik ki, 2015-ci ildən sonra kollecdə dəyişən bir də qiymətlər olub. Elə güman etməyin ki, tələbələr Ağababa müəllimin gəlişindən ilhamlanaraq hamısı əlaçı olub, 3-ləri 5-lərə dəyişiblər. Əlbbətdə ki, yox ! Burada 3-lərin 5-lərə çevrilməsi prosesi pul haqq-hesabında baş verib.
Azerinfo.az-a məlumat verən tələbələr bildirirlər ki, hal hazırda kollecdə “işin razqar “ vaxtıdır. Tələbələr az qala müəllimlərin kölgəsindən də qaçırlar ki, birdən yenə pul istəyərlər. Ümumiyyətlə bütün semestr boyunca Kollecdə pul hər zaman ön plandadır. Dərsə gəlməmək də, aylığa getmək də, oxumamaq da problem deyil. Əsas məsələ odur ki, bütün bunları ört-basdır etmək üçün yetərincə pulun olsun.
Etiraz edən tələbələrə müəllimlər bildirirlər ki, onlar hər bir tələbə üçün direktora haqq verirlər. Pulu verməyə imkanı olmayan tələbələrə müəllimlər “indi mən sənin yerinə cibimdən pul qoymalı deyiləm ki” deyərək hədə-qorxu gəlirlər. Hətta əlacı kəsilən tələbələrdən biri anasının nişan üzüyünü sataraq direktorun “xəcalətindən” çıxıb.
Ardı var.