“MediaPost”un məlumatına görə, V.Eyvazov müvafiq əmri ilə Fərid Mirələmov Daxili İşlər Nazirliyi Nəqliyyatda Baş Polis İdarəsi Nəqliyyatda Baş Polis İdarəsinin Dəmiryolu Nəqliyyatında Polis idarəsinin rəis müavini vəzifəsindən çıxarılıb.

Fərid Mirələmov sərəncama götürülüb.

Daxili İşlər Nazirliyinin mətbuat xidmətinin rəisi, polis polkovniki Ehsan Zahidov “MediaPost”a xəbəri nə təkzib, nə təsdiq edib.

Bununla bağlı Baş Nazir Əli Əsədov qərar imzalayıb.

Qərarla “Vətəndaşlıq vəziyyəti aktlarının qeydiyyat kitablarının formaları və bu kitablardakı qeydlər əsasında verilən şəhadətnamələrin formaları”na əlavələr edilib.

Belə ki, Ailə Məcəlləsinə uyğun olaraq Ədliyyə Nazirliyinin, Naxçıvan Muxtar Respublikası Ədliyyə Nazirliyinin rayon (şəhər) qeydiyyat şöbələri, Xarici İşlər Nazirliyinin xaricdəki konsulluq idarələri tərəfindən verilən şəhadətnəmadə evlənən və boşanan şəxslərin qohumluq əlaqələrinin olub-olmaması qeyd olunacaq.

Həmçinin həmin məlumatlar müvafiq vətəndaşlıq vəziyyəti aktlarının qeydiyyat kitablarında da qeyd ediləcək.

"Dövlət institutlarına vətəndaşların münasibətini 2019-cu ildəki sənədlərimizdə obyektiv olaraq əks etdirmişik. Çox mümkündür ki, bəzi sənədlər tam ictimailəşməyib, burada heç bir tələb də yoxdur, əsas məsələ o yöndə işlərin gerçəkləşməsidir. Yalnız onu deyə bilərik ki, bizim sənədlərimizdə icra hakimiyyətlərinə əhalinin yarıdan çox hissəsinin münasibətinin mənfi olduğu təsbit edilib".

Bunu deputat, Sosial Tədqiqatlar Mərkəzinin sədri Zahid Oruc "Yeni Müsavat"a müsahibəsində deyib. O qeyd edib ki, bu, özlüyündə dərin narahatlıq doğurmaqdaydı: "Bu günlərdə əsas siyasətin, eləcə ideoloji-siyasi işlərin quruculuğuna cavabdehlik daşıyan qüvvələrin fəaliyyətlərində dönüş etməyəcəkləri təqdirdə sərt addımların atılacağı şübhə doğurmurdu. Gördüyünüz kimi, artıq indi beş icra hakimiyyəti başçısının ən sərt qaydada cəzalandırılması, həbsə məruz qalması özlüyündə mühüm bir göstəricidir və təəssüf ki, mənfi siqnaldır. Belə halda, problemlərin xəritəsini müəyyənləşdirərək onun üzərindən sırf emosional hissi ovqatda deyil, elmi əsaslarla hər biri işi aparmaq təkcə problemi öz adı ilə çağırmaq deyil, təkliflər irəli sürmək və çıxış yollarını göstərmək sarıdan önəmlidir".

Əziz dostlar, dəyərli oxucular.

Mən  Rəhman Cəbiyev, bu günə qədər Azərbaycan və  Azərbaycançılıq idiologiyasına sadiq qalaraq, dinimə, milli mənsubiyyətimə dayanaraq, vətənim Azərbaycanı cani könüldən sevən bir insan kimi  Azərbaycanın hər bir vətənpərvər qeyrətli oğullarını çətin günlərində dəstəklədim və əlimdə olan bütün imkanları səfərbər etdi.  Azərbaycanı sevən, bayrağına dəyər verən, millətinin yanında olan oğullardan biri də Mübariz Mənsimovdur. Mən, Mübariz Mənsimovu şəxsən tanımıram və onu müdafiə etmək üçün şəxsən tanımağıma da ehtiyac duymuram.   Bilirsiniz ki, heç bir günahı olmadan, əsassız ittihamla Mübariz bəyin barəsində həbs qətimkan tədbiri seçiləndən bu günə qədər, istər Türkiyədə, istər Azərbaycanda, istərsə də dünyanın başqa ölkələrində yaşayan azərbaycanlılar Mübariz bəyin müdafiəsinə qalxdılar.  Bu müdafiə elə təşkil olundu ki, Mübariz bəyə dəstək adı altında məqsədyönlü insanlar da həqiqi Mübarizsevərlərin içinə sızmağa imkan tapdı.  Hal bu ki, bu saxtakarların yeganə məqsədi,  Mübariz bəyə zərbə vurmaq, Mübariz bəyin müdafisəinə əngəl törətmək və həqiqi Mübarizsevərlərin arasında baş verənləri əks tərəfə çatdırmaq, Mübariz bəyə həsr olunan canlı yayımları pozmaqdan ibarətdir.  

Bu müddət ərzində mən şəxsən apardığım analizlərə dayanaraq bu tipdə olan şəxsləri müəyyən edə bildim.  Bu gün Mübariz Mənsimovun həbsdə olmasını nəzərə alaraq həmin şəxslərin və başında duranın adını açıqlamaq istəmirəm.

Biləsiniz ki, aramıza  sızmış satılmış olan bu saxtakarlar hər gün artmaqdadır və bu addımlar məqsədyönlü şəkildə atılır. Çox təəssüf edirəm ki, bəzi həqiqi Mübarizsevərlər də həmin saxtakarlardan və satılmışlardan olan şəxslərin xoşagəlməz hərəkətlərinə bilmədən, onlara inanmaqla dəstək verirlər. İşin ən acı tərəfi budur !

Əziz dostlar, dəyərli oxucular.

Dünənki canlı yayımda baş verənlər də məhz həmin saxtakarların müdaxiləsi nəticəsində baş verdi. Nə yazıq ki, həqiqi Mübarizsevərlər rəy bölümündə yaradılan şounun məqsədinə varmadan həmin şəxslərə dəstək verməyə başladılar.  Hal bu ki, onların əvvəldən elə məqsədləri  belə bir vəziyyət yaratmaq idi. Vəzifələri isə Mübariz Mənsimovu dəstəkləyənləri  parçalamaqdı.   Bu gün canlı yayımın paylaşımlarına nəzər salanda  gördüm ki,  399 paylaşımdan 308-I qalıb. 90 nəfərdən yuxarı  insan paylaşımlarını siliblər. İndi soruşsan deyərlər ki,  bu canlı yayımda qalmaqal oldu, ona görə sildik ki, düşmənlərimiz bundan istifadə edə bilərlər.  Əslində bu yanlış bir yanaşmadır.  Çünki düşmən o yayımdan istifadə etmək istəsə, mən yayımı silməmişəm, elə ordan götürüb istifadə edər.  Hal bu ki, mən bir hüquqçu olaraq bilirəm ki, mənim  o  canlı yayımımda Mübariz bəyin əleyhinə istifadə ediləsi heç bir şey yoxdur və  o yayımdan düşmən istifadə etməz.  Əksinə istifadə etmiş olsa  bu vəziyyət Mübariz bəyin xeyrinədir.  Xeyrinə olduğu üçün də istifadə etməsi mümkünsüzdür.

Digər tərəfdən qeyd edim ki, paylaşımlarını silən 90 nəfər insanın içində həmin saxtakarlardan da var və onların sifarişi ilə Mübariz bəyin dəstəkçiləri də paylaşımlarını silməklə onların məqsədli istəklərini yerinə yetirdilər. 

Çünki o saxtakarlar və satılmışlar, Mübariz bəy üçün ilk canlı yayım açan Fuad Abbasovu məhz buy olla susdurdular.  Hazırda Azərbaycanda  Mübariz Mənsimovu dəstəkləyən və canlı yayımlar edən Ümid Tv Azərbaycan kanalıdır ki, artıq  parçalama yaratmaqla həmin satılmışlar öz istəklərinə  bu dəfə də nail olurlar.  Ümid Tv Azərbaycan kanalından başqa Azərbaycanda Mübariz bəyə dəstək olan bir kanal yoxdur. Əgər siz həqiqi Mübarizsevərlər o satılmışların arzularını həyata keçirirsinizsə, daha mənim sizə sözüm yoxdur.

İstəyirəm biləsiniz ki,  mən Ümid Tv Azərbaycan kanalının rəhbəri Rəhman Cəbiyev olaraq Mübariz Mənsimov azadlığa çıxana qədər onu müdafiə edəcəm və ona dəstəklə bağlı  canlı yayımıma 1 nəfər baxmış olsa belə canlı yayımlar edəcəm.

Mən hüuqçuyam və  mübarizəm sivil hüquqi mübarizədir.  Şantajçı saxtakarlar məni  oyunlarına cəlb edə bilməzlər və dəstəyimə mane ola bilməzlər.  Daha biz birlikdə güclüyük demiyəcəm. Çünki birlik görmədim.  Tək də qalib gəlmək mümkündür. Çünki o qalibiyyəti tək olan Allah qazandırır !

Hörmətlə:  Rəhman Cəbiyev Ümid Tv Azərbaycan.

Hazırda Nazirlər Kabineti yanında Operativ Qərargah 21 iyun - 5 iyul  tarixlərində ölkənin bir sıra şəhərlərində tətbiq ediləcək sərt karantin rejimi ilə bağlı brifinq keçirir.

“Qafqazinfo”nun verdiyi xəbərə görə, mətbuat konfransında “ASAN Xidmət”in rəhbəri Ülvi Mehdiyev, Baş Dövlət Yol Polisi İdarəsinin İctimaiyyətlə əlaqələr şöbəsinin rəisi, polis polkovniki Kamran Əliyev və TƏBİB-in şöbə rəisi Yaqut Qarayeva jurnalistlərin suallarını cavablandırır.

Murad Əhməd

“Nə qədər adamın ünvanlı sosial yardımı kəsilib. Bu sıraya əlillər də daxildir. Onların pulu niyə kəsilməlidir? Dövlət bu istiqamətə pul ayırıbsa, onu həmin insanlara vermək lazımdır”.

Bu fikirləri Hüquq siyasəti və dövlət quruculuğu komitəsinin sədr müavini  Qüdrət Həsənquliyev parlamentin növbədənkənar sessiyasının bu gün keçirilən iclasında çıxış edərkən deyib.

Qüdrət Həsənquliyev çıxışında xüsusilə Əmək və əhalinin sosial müdafiəsi naziri Sahil Babayevi sərt tənqid edib.

O, qeyd edib ki, bəzi sahələrlə bağlı ayrılan vəsaitlərə qənaət edilməsi düzgün və anlaşılan deyil.

Millət vəkili xüsusilə, S. Babayevi yarıtmaz siyasət yeritməkdə ittiham edib və onun daha peşəkar kadr ilə əvəzlənməsinin vacibliyini dilə gətirib.

Deputat  bildirib ki, ötən gün Youtube sosial şəbəkəsindəki bir videoya baxanda orada ikinci qrup əlilin müavinətinin neçə il kəsildiyini görüb:

“Həmin şəxs dövlət başçısına, birinci vitse-prezidentə müraciət edir. Bu məsələdə qənaət etmək lazım deyil. Qənaəti orda etmək lazımdır ki, qotur danaları dəyərindən xeyli baha qiymətə alıb insanlara satdılar. Öz qardaşının, öz şirkətinin vasitəsilə bunu etdi. O məsələlərə diqqət yetirmək, qənaət etmək lazım idi. Kasıb insanların pulunu kəsiblər. Harın həyat sürən insanların kasıblardan xəbəri ola bilməz. Vəsaitə belə qənaət etmək olmaz. Bu insanları hökumətə qarşı qoymaq olmaz. Bu sahəyə hansı insanların hökumətdən narazı ola biləcəyini dərk edən adam rəhbərlik etməlidir. Büdcədən ayrılan vəsait aidiyyəti üzrə xərclənməlidir”. (modern.az)

Bu gün ölkəmizi gözləyən çox ciddi təhlükələrdən biri də müəyyən qrupların sosial şəbəkələr üzərindən Azərbaycan dövlətinə qarşı etimadsızlıq yaratmaq cəhdidir. Bir neçə gün əvvəl polislə bağlı yaranmış vəziyyətdə biz bunun şahidi olduq. Dövlətin addımları ilə bu təxribatın qarşısı alındı, polis üzr istədi və digər addımlar atıldı.

Bunu deputat Fazil Mustafa deyib.

F.Mustafa bildirib ki, indi isə Dağıstan sərhədində baş verənlərdən istifadə edərək təxribat yaratmağa cəhd edirlər: “Bu cür təxribatların davamı da ola bilər”.

Millət vəkili təkliflə çıxış edərək bildirib ki, karantinə nəzarət səhiyyə sisteminə verilsin: “Digər tərəfdən təklif edirəm ki, karantin rejimini polisin üzərinə qoymayaq. Bütün dünyada bu işi səhiyyə sistemi görür. Hesab edirəm ki, 2 həftəlik karantin rejiminə tam ciddi şəkildə əməl etməliyik. Lazım olarsa, Milli Məclisin də iclasını dayandıra, onlayn şəkildə keçirə bilərik”.

(publika.az)

Bakının daha iki rayonuna yeni prokuror təyin olunub.

Bu barədə Baş prokuror Kamran Əliyev müvafiq əmr imzalayıb.

Əmrə əsasən, Korrupsiyaya Qarşı Mübarizə Baş İdarəsinin Daxili təhlükəsizlik şöbəsi rəisi Rəşid Mahmudov tutduğu vəzifədən azad olunaraq Suraxanı rayon prokuroru vəzifəsinə təyin edilib.

Bundan başqa Qax rayon prokuroru Hidayət Nurəlibəyov tutduğu vəzifədən azad edilərək Nərimanov rayon prokuroru vəzifəsinə təyinat alıb.

Azərbaycan Respublikası Prezidentinin köməkçisi Anar Ələkbərov, TƏBİB İdarə Heyətinin sədri Ramin Bayramlı və Nazirlər Kabineti yanında Operativ Qərargahın tibbi eksperti Rəşad Mahmudov yeni növ koronavirus (COVİD-19) pandemiyası sahəsində medianın rolu ilə bağlı bir qrup KİV təmsilçisi ilə görüşüb.

APA-nın məlumatına görə, media işçilərinə fəaliyyətlərində uğurlar arzulayan Azərbaycan Respublikası Prezidentinin köməkçisi Anar Ələkbərov bu görüşün həm də media ilə əməkdaşlığın genişləndirilməsi məqsədinə xidmət etdiyini bildirib.

Anar Ələkbərov deyib ki, pandemiyanın başlanğıc mərhələsində karantin rejimi və qapanmaların iqtisadi sahədə çətinliklərə yol açacağı proqnozlaşdırılsa da, Prezident İlham Əliyev vətəndaşların sağlamlığının qorunmasını prioritet olaraq müəyyənləşdirib, hökumətin fəaliyyəti də bu strategiya üzərində qurulub. Azərbaycan Prezidentinin köməkçisi ötən dövr ərzində Prezident İlham Əliyev və Birinci vitse-prezident Mehriban Əliyevanın tövsiyə və tapşırıqlarına uyğun olaraq Nazirlər Kabineti yanında Operativ Qərargahda aparılmış müzakirələr və görülən işlər barədə ətraflı məlumat verib. Bildirib ki, bu dövr ərzində xəstəxanalar lazımi avadanlıqla təchiz edilib, təlimlər keçirilərək kadr hazırlığı təmin olunub, əhalinin ehtiyacları qarşılanıb, sahibkarlara lazımi dəstək verilib.

Xaricdəki soydaşlarımızın ölkəyə təxliyəsi barədə də məlumat verən Anar Ələkbərov karantin müəssisələrinin imkanları nəzərə alınaraq, Rusiyadakı soydaşlarımızın təxliyəsi ilə əlaqədar atılan addımlardan danışıb, mövcud vəziyyəti nəzərə alaraq, vətəndaşlarımızı səbrli davranmağa çağırıb.

Azərbaycan Prezidentinin köməkçisi qeyd edib ki, ötən dövr ərzində atılan məqsədyönlü və ardıcıl addımlar nəticəsində xəstəliyi nəzarət altına almaq mümkün olub, səhiyyə sistemi mövcud çağırışa uyğun olaraq yenidən qurulub. Karantin rejimində mərhələli şəkildə yumşaldılmadan sonra yaranmış mənzərədən söz açan Anar Ələkbərov bu addımların da düşünülmüş şəkildə atıldığını, hazırkı dövrdə pandemiyanın yenidən sürətlə yayılması təhlükəsinin aradan qaldırılması üçün vətəndaşların dövlətlə həmrəylik nümayiş etdirməsinin, medianın bu istiqamətdə təbliğatda dəstəyinin vacib olduğunu vurğulayıb.

Azərbaycan Prezidentinin köməkçisi eyni zamanda ictimai nəqliyyatda, supermarketlərdə, iri ticarət mərkəzlərində və digər qapalı məkanlarda sosial məsafənin gözlənilməsi və maska taxılmasına nəzarətin artırılması istiqamətində müvafiq qurumlara tapşırıqlar veriləcəyini söyləyib.

Azərbaycan Prezidentinin köməkçisi mətbuatla müvafiq dövlət qurumları arasında əməkdaşlıq və kommunikasiyanın gücləndirilməsinin diqqət mərkəzində olduğunu və bu istiqamətdə səylərin artırılacağını, Azərbaycan Prezidentinin köməkçisi kimi media nümayəndələri ilə görüşlərinin davamlı olacağını qeyd edib.

Anar Ələkbərov hərarəti olduğuna görə və koronavirusa yoluxma ilə əlaqədar buraxılış və gələcəkdə ali məktəblərə qəbul imtahanlarında iştirakı mümkün olmayacaq abituriyentlərlə bağlı probleminin həllinin də Təhsil Nazirliyinin diqqətində olacağını nəzərə çatdırıb.

Səhiyyə sahəsində görülən işlər və koronavirusla mübarizə istiqamətində atılan addımlardan söz açan TƏBİB İdarə Heyətinin sədri Ramin Bayramlı yoluxma hallarının artmaması üçün vətəndaşların ictimai nəqliyyatda və qapalı məkanlarda sosial məsafəni gözləmək və maska taxmaqla bu prosesdə həmrəylik nümayiş etdirməsini zəruri sayıb. O cümlədən xüsusən son dövrlər vətəndaşların qadağalara baxmayaraq evlərdə təşkil olunan yas mərasimlərində koronavirusa yoluxduğunu qeyd edərək, bu kimi halların yolverilməz olduğunu vurğulayıb. Səhiyyə sisteminin koronavirusla mübarizəyə hazır olması istiqamətində Heydər Əliyev Fondunun dəstəyini yüksək qiymətləndirən R. Bayramlı onu da qeyd edib ki, pandemiyadan əvvəlki dövrdə təcili yardımla bağlı bir gündə 1000-1300 çağırış olubsa, hazırda bu göstərici 2500-ə çatıb. Bu sahədə problemlərin yaranmasının qarşısının alınması üçün şimal rayonlarında icbari tibbi sığorta çərçivəsində nəzərdə tutulan 41 təcili tibbi yardım maşını Bakıya təhkim olunub, bu təcili tibbi yardım maşınları üçün heyətlər formalaşdırılıb. Bu ayın sonunda daha 30 təcili tibbi yardım maşını alınacaq və Bakıda bu sahədə xidmətə cəlb olunacaq.

Nazirlər Kabineti yanında Operativ Qərargahın tibbi eksperti Rəşad Mahmudov isə qapalı məkanlarda və ictimai nəqliyyatda xüsusən maska taxılmasına nəzarətin artırılmasının vacibliyini qeyd edib.

Görüşdə jurnalistlərin suallarını cavablandıran Azərbaycan Prezidentinin köməkçisi Bəhram Bağırzadərin müalicəsinin Birinci vitse-prezident Mehriban Əliyevanın diqqət mərkəzində olduğunu, Mehriban Əliyevanın Bəhram Bağırzadənin həyat yoldaşı Şəhla xanımla əlaqə saxladığını nəzərə çatdırıb.

Azərbaycan dünyanın aparıcı güclərinin maraqlarının birləşdiyi strateji əhəmiyyətli bir zonada yerləşir. Zəngin təbii ehtiyatlar da dünyanın ən böyük maliyyə mərkəzlərinin maraqlarının mövcudluğunu müəyyənləşdirir.

Bunu Axar.az-a açıqlamasında ispan politoloq Havyer Kovovski deyib. Onun sözlərinə görə, məhz bu amillər səbəbindən dünya güclərindən heç biri Ermənistana qoşunlarını işğal etdiyi ərazilərdən çıxarmadığı və müxtəlif beynəlxalq təşkilatların tələblərinə əməl etmədiyi üçün sanksiya tətbiq etmir:

“Ölkənizin təbii sərvətləri – neft, qaz, qızıl – bütün bunlar plutokratik oliqarxik mərkəzləri sizi təzyiq altında saxlamağa məcbur edir və nəticədə bölgəni idarə etmək üçün daha bir vasitə əldə edirlər. Üstəlik, onlar hər iki tərəfə oynayırlar. Eyni vaxtda həm sizə, həm də rəqibiniz olan Ermənistana yardım edirlər. Nəticədə vəziyyət orda hazırkı kimidir”.

Politoloq deyib ki, Ermənistan və Dağlıq Qarabağdakı erməni separatçılar bu oliqarxik dairələr tərəfindən maliyyələşdirilirlər:

“Sübut olaraq da Azərbaycanın işğal olunmuş ərazilərində PKK terror təşkilatı üzvlərinin təlim keçməkləri ilə bağlı yayılan məlumatları göstərmək olar. Buna görə də, fikrimcə, Azərbaycanın işğal edilmiş ərazilərini azad etmək üçün yalnız bir effektli yolu var. Bu da hərbi yoldur”.

Madrid Strateji Araşdırmalar Fondunun direktoru Barax Mikayıl isə Dağlıq Qarabağ münaqişəsinin sülh yolu ilə həllində şansların qaldığını deyib.

“Avropa İttifaqının rəsmi bəyanatı onu göstərir ki, Azərbaycanla Ermənistanın razılaşa biləcəklərinə olan ümidi saxlayır. İndi dünya geosiyasətinin məhdud məsələlər ətrafında fırlandığı zamandır. Və geosiyasi sistemin özünün dəyişdiyini göstərən əlamətlər var. Sonra vaxt itirilsə, bu münaqişəni danışıqlar yolu ilə həll etmək problem olacaq”, – Mikayıl bildirib.