 |
 |
“Rəsmiyyətə düşməyən işçiləri işlədən sahibkarlara qarşı ciddi sanksiyalar, cərimələr tətbiq edilməlidir”.
Bunu Prezident İlham Əliyev Əmək və Əhalinin Sosial Müdafiəsi naziri Sahil Babayevi qəbul edərkən deyib.
Prezident Azərbaycanda heç kimin səkkiz saatdan çox işləməməsi ilə bağlı göstəriş verdiyini xatırladıb.
“Çünki insanları istismar edirlər. Onlar da çarəsiz qalıb, məcbur olub buna razılıq verirlər. Ona görə vətəndaşlarla nazirlik arasında çox fəal canlı bağlantı olmalıdır. Siz həm öz imkanlarınızdan istifadə edərək monitorinqlər aparmalısınız, eyni zamanda, Qaynar xətlər, yaxud da digər əlaqə vasitələrilə vətəndaşlarla daim təmasda olmalısınız. Bilirəm ki, bu istiqamətdə işlər aparılır”, - deyə Prezident əlavə edib.
Əmlak Məsələləri Dövlət Komitəsinin Aparat rəhbəri Azər Bəşirov vəzifəsindən azad edilərək, Azərbaycan Respublikası Prezident Administrasiyasında yeni vəzifəyə təyinat alıb.
Unikal.org məlumatına görə, A.Bəşirov PA-nın Dövlət nəzarəti məsələləri şöbəsinə gətirilib.
Qeyd edək ki, həmin şöbənin müdiri Kərəm Həsənovdur.
Prezident İlham Əliyev "Cəlilabad rayonunda əkin sahələrinin suvarma suyu ilə təminatının yaxşılaşdırılmasına və əhalinin içməli suya tələbatının ödənilməsinə dair əlavə tədbirlər haqqında" sərəncam imzalayıb.
Sərəncamla Cəlilabad rayonunun əhalisi 63 410 nəfər olan 6 yaşayış məntəqəsində sahələrinin və əkin üçün istifadə olunan həyətyanı torpaq sahələrinin suvarma suyu ilə təminatının yaxşılaşdırılması, habelə əhalinin içməli suya tələbatının ödənilməsi üçün 12 ədəd subartezian quyusunun layihələndirilməsi və qazılması məqsədilə “Azərbaycan Respublikasının 2020-ci il dövlət büdcəsində dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölgüsü”ndə Azərbaycanın rayonlarında su təchizatının yaxşılaşdırılması məqsədilə subartezian quyularının qazılması üçün göstərilmiş vəsaitin 840 min manatı Azərbaycan Meliorasiya və Su Təsərrüfatı Açıq Səhmdar Cəmiyyətinə ayrılıb.
Milli Məclisin bu gün keçirilən iclasında komitələrə üzv olan deputatların adları məlum olub.
Report” xəbər verir ki, yığıncaqda Milli Məclisin Hüquq siyasəti və dövlət quruculuğu komitəsinin üzvlüyünə Fəzail Ağamalı, Əminə Ağazadə, Kamal Cəfərov, Sabir Hacıyev, Nurlan Həsənov, Vüqar İsgəndərov, Tahir Kərimli, Azay Quliyev, Cəbi Quliyev, Bəhruz Məhərrəmov, Elşən Musayev, Madər Musayev, Nizami Səfərov və Erkin Qədirlinin namizədliyi ürəli sürülüb.
Milli Məclisin Müdafiə, təhlükəsizlik və korrupsiya ilə mübarizə komitəsinin üzvlüyünə Aqil Abbas, Əminə Ağazadə, Kamal Cəfərov, Elşad Mirbəşiroğlu, Oqtay Əsədov, Nurlan Həsənov, Erkin Qədirli, Elman Məmmədov, Aydın Mirzəzadə, Arzu Nağıyev, Bəxtiyar Sadıqov, Nizami Səfərovun namizədliyi irəli sürülüb.
Milli Məclisin İnsan hüquqları komitəsinin üzvlüyünə Elşad Mirbəşiroğlu, Tural Gəncəliyev, Naqif Həmzəyev, Erkin Qədirli, Bəhruz Məhərrəmov, Hikmət Məmmədov, Elman Nəsirov, Razi Nurullayev, Fazil Mustafanın namizədliyi irəli sürülüb.
Milli Məclisin Təbii ehtiyatlar, energetika və ekologiya komitəsinin üzvlüyünə Naqif Həmzəyev, Afət Həsənov, Anar Məmmədov, Nəsib Məhəməliyev, Məşhur Məmmədov, Əliabbas Salahzadə, Fatma Yıldırım, İntizam Yusifov, Mixail Zabelinin namizədliyi irəli sürülüb.
Milli Məclisin İqtisadi siyasət, sənaye və sahibkarlıq komitəsinin üzvlüyünə Mahir Abbasadə, Elnur Allahverdiyev, Vüqar Bayramov, Məzahir Əfəndiyev, Vahid Əhmədov, Aydın Hüseynov, İmamverdi İsmayılov, Azər Kərimli, Rüfət Quliyev, Anar Məmmədov, İqbal Məmmədov, Məşhur Məmmədov, Ziyad Səmədzadə. Ağalar Vəliyevin namizədliyi irəli sürülüb.
Milli Məclisin Aqrar siyasət komitəsinin üzvlüyünə Novruzəli Aslanov, Azər Badamov, Müşfiq Cəfərov, Emin Hacıyev, Aydın Hüseynov, Eldar İbrahimov, Eldar Quliyev, İqbal Məmmədov, Cavanşir Paşazadə, Eldəniz Səlimovun namizədliyi irəli sürülüb.
Milli Məclisin Əmək və sosial siyasət komitəsinin üzvlüyünə Vüqar Bayramov, Əziz Ələkbərov, Rauf Əliyev, Jalə Əliyeva, Sevinc Hüseynova, Aqil Məmmədov, İlham Məmmədov, Soltan Məmmədov, Arzu Nağıyev, Ziyad Səmədzadənin namizədliyi irəlli sürülüb.
Milli Məclisin Səhiyyə komitəsinin üzvlüyünə Kamilə Əliyeva, Məlahət İbrahimqızı, Kəmaləddin Qafarov, Ülvi Quliyev, Müşfiq Məmmədli, İlham Məmmədov, Soltan Məmmədov, Anatoliy Rafailov, Sədaqət Vəliyevanın namizədliyi irəlli sürülüb.
Milli Məclisin Ailə, qadın və uşaq məsələləri komitəsinin üzvlüyünə Nigar Arpadarai, Tamam Cəfərova, Pərvin Kərimzadə, Rəşad Mahmudov, Ramin Məmmədov, Sevil Mikayılova, Könül Nurullayeva, Sədaqət Vəliyevanın namizədliyi irəlli sürülüb.
Milli Məclisin Gənclər və idman komitəsinin üzvlüyünə Mahir Abbaszadə, Elnur Allahverdiyev, Müşfiq Cəfərov, Jalə Əhmədova, Etibar Əliyev, Ramin Həsən, Sevinc Hüseynova, Vüqar İsgəndərov, Cəbi Quliyev, Ülvi Quliyev, Könül Nurullayeva, Cavid Osmanov, Şahin Seyidzadə, Eldəniz Səlimovun namizədliyi irəlli sürülüb.
Milli Məclisin İctimai birliklər və dini qurumlar komitəsinin üzvlüyünə Azər Badamov, Nizami Cəfərov, Sevinc Fətəliyeva, Malik Həsənov, Anar İsgəndərov, Ceyhun Məmmədov, Səttar Möhbalıyev, Cavanşir Paşazadənin namizədliyi irəlli sürülüb.
Milli Məclisin Regional məsələlər komitəsinin üzvlüyünə Kamran Bayramov, Məzahir Əfəndiyev, Emin Hacıyev, Fəttah Heydərov, Malik Həsənov, Səbinə Xasayeva, Aqil məmmədov, Səttar Möhbalıyev. Cavid Osmanov, Tahir Rzayev, Əliabbas Salahzadənin namizədliyi irəli sürülüb.
Milli Məclisin Elm və təhsil komitəsinin üzvlüyünə Ülviyyə Ağayeva, Tamam Cəfərova, Etibar Əliyev, Kamilə Əliyeva, İsa Həbibbəyli, Afət Həsənova, Rafael Hüseynov, Anar İsgəndərov, Pərvin Kərimzadə, Eldar Quliyev, Müşfiq Məmmədli, Ceyhun Məmmədov, Aqiyə Naxçıvanlı, Şahin Seyidzadə, Fatma Yıldırımın namizədliyi irəli sürülüb.
Milli Məclisin Mədəniyyət komitəsinin üzvlüyünə Aqil Abbas, Ülviyyə Ağayeva, Novruzəli Aslanov, Əziz Ələkbərov, Jalə Əliyeva, Cavanşir feyziyev, Ülviyyə Həmzəyeva Sabir Rüstəmxanlı, Mixail Zabelinin namizədliyi irəli sürülüb.
Milli Məclisin Beynəlxalq münasibətlər və parlamentlərarası əlaqələr komitəsinin üzvlüyünə Sahib Alıyev, Nigar Arpadari, kamran Bayramov, Cavanşir Feyziyev, Tural Gəncəliyev, Ramil Həsən, Azər Kərimli, Nəsib Məhəməliyev, Ramin Məmmədov, Sevil Mikayılova, Asim Mollazadə, Rasim Musabəyov, Elman Nəsirli, Sabir Rüstəmxanlının namizədliyi irəli sürülüb.
Təklif müzakirələrdən sonra səsə qoyularaq qəbul edilib.
Sabiq spiker Oqtay Əsədov Milli Məclisin işində iştirak etmir
Bu gün altıncı çağırış Milli Məclisin ikinci iclası keçirilir. MSK sədri Məzahir Pənahov deputatlara deputat vəsiqəsini təqdim edir.
İclasda 116 deputat iştirak edir. Iclasda sabiq spiker Oqtay Əsədov , Vasif Talıbov və daha 3 nəfər iştirak etmir.
Milli Məclisin yaz sessiyasının növbəti plenar iclası başlayıb.
MSK sədri Məzahir Pənahov yeni seçilən deputatlara deputat vəsiqələrini təqdim edir
İclasın gündəliyinə 18 məsələ daxil edilib.
İlk olaraq Mərkəzi Seçki Komissiyasının sədri Məzahir Pənahov yeni seçilən deputatlara deputat vəsiqəsini təqdim edir.
Daha sonra parlamentarilər "Azərbaycan Respublikasının İnsan hüquqları üzrə müvəkkili (ombudsman) haqqında" və "Normativ hüquqi aktlar haqqında" Azərbaycan Respublikasının Konstitusiya qanunlarında dəyişiklik edilməsi barədə Azərbaycan Respublikası Konstitusiya Qanunu (ikinci səsvermə),
"Əmanətlərin tam sığortalanması haqqında" qanuna dəyişiklik müzakirə olunacaq.
Deputatlar həmçinin Milli Məclisinin 2020-ci il yaz sessiyasının qanunvericilik işləri planı haqqında məsələni müzakirə edəcəklər. Deputatlar həmçinin parlament komitələrinin tərkibini seçəcəklər.
“Atamın xatirəsinin əbədiləşdirilməsi üçün çox işlər görmüş və görməkdə davam edən Prezident İlham Əliyev və Birinci vitse-prezident Mehriban Əliyeva başda olmaqla, Azərbaycan hökumətinə sonsuz təşəkkürümü bildirmək istəyirəm”.
Bunu Trend-ə dünyaca məşhur azərbaycanlı opera və estrada müğənnisi, SSRİ Xalq artisti Müslüm Maqomayevin qızı, hazırda ailəsi ilə ABŞ-da yaşayan Marina Maqomayeva deyib.
O bildirib ki, bu sərəncamla Prezident İlham Əliyev bir çox həmvətənimizin arzusunu reallaşdırıb.
M.Maqomayeva qeyd edib ki, atası ömrünün son günlərinədək Azərbaycanın həqiqi oğlu olub və vətənini mahnılarında tərənnüm edib:
“Azərbaycan musiqisi, mədəniyyəti onun yaradıcılığının ayrılmaz hissəsi olub. Harada çıxış etməsindən asılı olmayaraq, onun çıxışlarında hər zaman Azərbaycan mövzusu səslənirdi. Onun qızı və bir azərbaycanlı olaraq, mən onun yaradıcılığının zirvəsi olan “Odlar yurdu” və “Vesenniy kray – Azerbaydjan” mahnılarını xüsusi qeyd etmək istərdim. Fikrimcə, bu əsərlər Vətənə məhəbbətin himnidir”.
O vurğulayıb ki, atasının xatirəsinin əbədiləşdirilməsinə görə Azərbaycan hökumətinə minnətdardır:
“Atamın xatirəsinin əbədiləşdirilməsi üçün çox işlər görmüş və görməkdə davam edən Prezident İlham Əliyev və Birinci vitse-prezident Mehriban Əliyeva başda olmaqla, Azərbaycan hökumətinə sonsuz təşəkkürümü bildirmək istəyirəm. Müslüm Maqomayevə doğma şəhərdə heykəl ucaldılması qərarı bu nəcib missiyanın məntiqi davamıdır”.
Azərbaycan Respublikası Prezidenti İlham Əliyev Abşeron, Xızı, Siyəzən və Şabran rayonlarında yaşayış məntəqələrinin qazlaşdırılması ilə bağlı əlavə tədbirlər haqqında sərəncam imzalayıb.
Turkustan.info sərəncamın mətnini təqdim edir:
1. Abşeron, Xızı, Siyəzən və Şabran rayonlarında ərazi vahidlərinin, o cümlədən yeni yaşayış massivlərinin (siyahı əlavə olunur) qazlaşdırılması işlərinin davam etdirilməsi məqsədilə “Azərbaycan Respublikasının 2020-ci il dövlət büdcəsində dövlət əsaslı vəsait qoyuluşu (investisiya xərcləri) üçün nəzərdə tutulan vəsaitin bölgüsü”nün 1.11.1-ci yarımbəndində göstərilmiş məbləğin 10,92 milyon (on milyon doqquz yüz iyirmi min) manatı Azərbaycan Respublikasının Dövlət Neft Şirkətinə ayrılsın.
2. Azərbaycan Respublikasının Maliyyə Nazirliyi bu Sərəncamın 1-ci hissəsində göstərilən məbləğdə maliyyələşməni təmin etsin.
3. Azərbaycan Respublikasının Nazirlər Kabineti bu Sərəncamdan irəli gələn məsələləri həll etsin.
Bu gün Milli Məclisin yaz sessiyasının növbəti plenar iclası keçiriləcək.
İclasın gündəliyinə 18 məsələ daxil edilib.
İclasda Azərbaycan Respublikası Milli Məclisinin 2020-ci il yaz sessiyasının qanunvericilik işləri planı, “Əmanətlərin tam sığortalanması haqqında” və Milli Məclisin komitələrinin üzvlərinin seçilməsi barədə və digər qanun layihələri müzakirəyə çıxarılacaq. /Modern.az/
Azərbaycan Milli Elmlər Akademiyasının (AMEA) prezidenti, akademik Ramiz Mehdiyev koronavirusla bağlı profilaktik tədbirlər haqqında sərəncam imzalayıb.
Sərəncamla AMEA-nın elmi müəssisə və təşkilat rəhbərlərinə aşağıdakılar tapşırılıb:
- Ciddi zərurət olmadığı halda müxtəlif xarakterli kütləvi tədbirlərin keçirilməsi məhdudlaşdırılsın,
- İşçilərin koronavirusun yayıldığı ölkələrə ezamiyyətləri məhdudlaşdırılsın,
- AMEA-nın müvafiq inzibati binalarında müntəzəm olaraq sanitar-dezinfeksiya işlərinin həyata keçirilməsi təmin edilsin,
- Təqaüd yaşlı işçilərin işə davamiyyətindən güzəştli şərtlər tətbiq edilsin,
- Qrip əlaməti müşahidə olunan işçilərin işə davamiyyəti məhdudlaşdırılsın və onların dərhal həkimə müraciət etmələri üçün maarifləndirici işlər aparılsın,
- İşçilərin yoluxma hallarını istisna etmək məqsədi ilə elmi müəssisə və təşkilatların fəaliyyət xüsusiyyətlərini nəzərə alaraq, əlavə güzəştli davamiyyət rejimi tətbiq edilsin,
- AMEA-nın müvafiq inzibati binalarınln girişlərində qripə yoluxma hallarının müəyyənləşdirilməsinə imkan verən ilkin tibbi yoxlamalar tətbiq edilsin və bunun üçün tələb olunan müvafiq tibbi ləvazimatlar alınsın,
- AMEA-nın Biologiya və Tibb Elmləri Bölməsinə tapşırılsın ki, koronavirusdan qorunma üsulları ilə bağlı kütləvi informasiya vasitələrində müvafiq mütəxəssislər tərəfindən çıxışların edilməsi, maarifləndirici materialların dərc edilməsi təmin olunsun,
- AMEA-nın İşlər İdarəsinə tapşırılsın ki, AMEA Rəyasət Heyətinin binasında tibb məntəqəsinin təşkil edilməsi və bu sərəncamın icrasından irəli gələn digər məsələlərin həlli təmin edilsin.
Sərəncamın icrasına nəzarət AMEA-nın birinci vitse-prezidenti akademik İbrahim Quliyevə tapşırılıb.