 |
 |
“Elə adi həyatda qadınlar var ki, şou-biznes nümayəndələri onlardan yüz dəfə namusludur. Müğənnilər namusuz, qeyrətsizdir? Hamının valideyni var. Biz öndəyik deyə, haqqımızda belə sözlər yayılır. Biz öndəyik deyə, belə görsənir”.
Damla yerli mətbuata açıqlamasında “Övladıma müğənni qız almaram” deyən həmkarlarını qınayıb:
“Bizim sənətimizi ucuzlaşdırmayın. İnsanların beyninə adi fikir yürütməyin. Deyirlər, oğluma müğənni qız almaram. Səni niyə alıblar?”.
Müğənni heç kimlə dostluq etmədiyini də deyib. O, “Tək dostum Allahdır. Heç kimlər dostluq etmirəm. Anamla birlikdə Həcc ziyarətinə getmək istəyirəm. Amma onun da şərtləri var. Toylara, içki məclislərinə gedirik. O saflıqdan gəlib, necə ora gedək?” deyə, söyləyib. (Axşam.az)
Müğənni Afaq Aslanın Azərbaycan Dövlət Neft və Sənaye Universitetində (ADNSU) təşkil olunan konsert proqramındakı çıxışı qalmaqala yol açıb. Onun Novruz şənliyində tələbələrin önünə adətinə uyğun açıq-saçıq geyimdə çıxması ictimaiyyətin narazılığına səbəb olub.
Minval.info xəbər verir ki, təhsil ekperti Kamran Əsədov sözügedən olayla bağlı sərt şəkildə tənqidi fikirlə çıxış edib.
“Təhsilə bu qədər qeyri ciddi yanaşmaq olmaz. Baş verən hadisələr onu göstərir ki, təhsil adına heç bir addım atılmır, ya da atılır, ancaq pisləşməsi üçün. Azərbaycanın gələcəyi olan gənclərin, düşünən beyni, potensial işçi qüvvəsi olan tələbələrin qarşısına bunu buraxmaq nə deməkdir? Təhsil millətin gələcəyidir, amma siz onu məhv edirsiz. Özü də məhv etmək istiqamətində var gücünüzlə çalışırsınız. Bəlkə buna bir qonaqlıq təşkil edib tapşırıqlarınızdan verərsiz?” – Kamran Əsədov bildirib.
ADNSU-nun ictimaiyyətlə əlaqələr və marketinq şöbəsinin rəhbəri Bəhruz Nəzərov Qafqazinfo-ya bildirib ki, A. Aslan tələbələrin istəyi ilə tədbirə dəvət edilib:
“Hər il universitetdə bayram şənlikləri təşkil olunur. Konsert proqramı tədbirin bir hissəsini təşkil edib. Biz bunun üçün təşkilatçı şirkətə müraciət etmişik. Həmin şirkət müəyyən müğənnilərin siyahısını hazırlayıb və Tələbə Həmkarlar Komitəsinə təqdim edib. Tədbir iki hissədən ibarət olub. Birinci rəsmi, ikinci isə konsert.
Afaq Aslan ikinci hissədə iştirak edib. Həmin şəxsin xarici görünüşü ilə bağlı onu deyə bilərəm ki, o geyimdə televiziya və digər mətbuat orqanlarında da çıxış edib. Sənətçilərin səhnə geyimləri bir qədər fərqli olur. Afaq Aslanı universitet yox, Tələbə Həmkarlar Komitəsi və konsert təşkilatçıları konsertə dəvət edib. Onlar da tələbələrin istəyini nəzərə alaraq belə addım atıblar. Konsertdə təkcə Afaq Aslan yox, muğam və digər musiqi növünün nümayəndələri də çıxış ediblər”.
Bir neçə gün sonra bahar fəsli ölkəmizə qədəm qoyacaq. Bu münasibətlə artıq indidən evlərdə şirniyyatlar hazırlanır, xonçalar tutulur. Bayram günü isə müxtəlif təamlar hazırlanır, cürbəcür soyuq qəlyanaltılar, isti yeməklər, plovlar bişirilir. Bişirilən yeməklər və şirniyyatlar bir neçə gün boyunca yeyilir.
Bayram günləri ilə əlaqədar verilən istirahət günlərində bir çoxları evdə qalır və bişirilən yeməklərdən bolluca istifadə edirlər. Bu səbəbdən də bir çox insanlarda çəki artması, həzm pozğunluğu, köpmə, allergiya, ağırlıq kimi hallar müşahidə edilə bilər.
Bəs bu cür mənfi hallardan yaxa qurtarmaq üçün nələr etmək lazımdır?
Medicina.az bu məsələ ilə bağlı dietoloq Könül Məmmədovadan açıqlama alıb. Mütəxəssis deyib ki, ildə bir dəfə qeyd edilən bizim bu əziz bayramımızda Novruzun özünəməxsus, ləziz təamlarından imtina etmək düzgün olmaz. Amma ağır və həddən artıq qidalanmanın fəsadlarını digər üsullarla aradan qaldırmaq mümkündür. Bunun üçün ən yaxşısı bayram günlərindən sonra 3 gün ərzində detoks etməkdir.
Detoks aşağıdakndan ibarətdir:
3 gün ərzində səhər bir ədəd sarı alma, günorta yaşıl turşməzə alma, gecə 2 yaşıl və 1 sarı alma yesinlər.
Bundan əlavə gün ərzində 1 x/q bağayarpağı, 1 x/q solmazçiçəyi, 3 dilim zəncəfil, 1 litr qaynar suya əlavə olunur. Səhərə qədər saxlanılır. Səhər üzərinə əlavə olaraq 1 l su əlavə edilir. 3 gün hər gecə hazırlanmaq şərti ilə bütün gün boyu içilir.
Qeyd edim ki, həmin gün qeyd edilənlərdən əlavə heç bir qidadan və hətta adi sudan da istifadə etmək olmaz.
Bu detoksdan sonra insanlar bayrama hansı çəki ilə daxil olmuşdularsa, o çəkiyə yenidən qayıda və hətta əlavə olaraq bir neçə kq da atacaqlar.
“Oxuduğum kimi: Nələri yaddaşdan silmədi ki bu illər… Tamaşaçının indi dağ başına qaldırdığı starların, bir çoxları üçün kumir olanların elə yaşananlar, elə səhvlər və hərəkətləri unudulub ki… Söhbət heç tək bizim sənətçilərimizdən getmir, dünya ulduzlarının həyatlarında da çətin məqamlar yaşanıb, amma sonu nədir?”.
Axşam.az məlumatına görə, bu sözləri müğənni Natavan Həbibi həmkarı Aysel Əlizadə haqda yayılan iddialar barədə deyib. İfaçı İnstaqram hesabında baş verənlərlə bağlı fikirlərini bölüşüb:
“Reklam və gündəmdən başqa bir şey deyil. İnsanlar 3-4 gün danışıb, yeni mövzu ortaya çıxana qədər vaxtlarını doldurub başını qatarlar sadəcə. Çünki hərənin öz dərdi, problemi və özəl həyatı var. Və təbii ki, səhvsiz insan yoxdur. Kimsə böyük danışmasın.
Başqasının sirrini, özəlini açan hələ xeyir tapmayıb. İnsan özünü və uşaqlarını düşünsə, heç ağzını açmaz, amma heyiflər olsun ki, bir çoxları sadəcə danışmaq üçün danışır. Düşünmür bunun bədəlinin nə qədər ağır olduğunu.
Nəticədə, olan sənətçiyə və onun ailəsinə olur. Amma o da çətin olsa da, yenə unudulur. Demək istədiyim odur ki, hər bir halda çox da dərinə getməyin. Kimin günahı var, özü bilər”.
Qeyd edək ki, Turanə Nəcəfova adlı qadın “Səni axtarıram” verilişində müğənni Aysel Əlizadənin həyat yoldaşı Elçinlə münasibəti olduğunu və 13 illik ailəsini dağıtdığını iddia etmişdi.
Rəqqasə Aygün növbəti videosu ilə sosial şəbəkəni qarışdırıb.
Doğum günü şənliyində çəkilmiş video sosial mediada səs-küyə səbəb olub.
Qızların bu şəkildə əylənməsi izləyiciləri hiddətləndirib. Ad günü olan qızın rəqqasə ilə birlikdə etdiyi hərəkətlər isə etik hesab edilməyib.
Buna görə onların hər ikisi tənqid atəşinə tutulub.
<iframe src='https://bax.tv/player/57239.html' width='560' height='315' frameborder='0' allowfullscreen></iframe>
Müğənni Aysel Əlizadə adı keçən qalmaqallı ailə münaqişəsi ilə bağlı açıqlama verib.
“Qafqazinfo” bildirir ki, ifaçı məsələni hüquq müstəvisində həll edəcəyini bildirib: “Barəmdə səslənən əsassız, həqiqətə uyğun olmayan və yalan fikirlərlə əlaqədar hüquq-mühafizə orqanlarına müraciət etməkdəyəm. Şərəf və ləyaqətimin alçalmasına yönələn əsassız fikir formalaşdıran şəxslər qanun və məhkəmə qarşısında cavab verəcəklər. Televiziyada yayımlanan verilişdə barəmdə əsassız fikirlər səsləndirilməsinin dərhal dayandırılmasını, həmçinin, təkzib verilməsini və üzr istənilməsini tələb edirəm”.
Müğənni haqqında nalayiq ifadələrin işlədilməsinin qarşısını almaq üçün xəbər portallarından da məlumatların yığışdırılmasını xahiş edib.
Xatırladaq ki, Turanə Nəcəfova adlı qadın aparıcı Xoşqədəm Hidayətqızının “Səni axtarıram” verilişində 13 illik ailəsinin Aysel tərəfindən dağıdıldığını bildirmişdi. O, iş adamı olan keçmiş əri Elçin Nəcəfovun ailəsini müğənniyə görə atdığını deyib.
Müğənni Afət Fərmanqızının mahnısını oxuyan tibb bacıları işdən çıxarılıb.
Azxeber.com xəbər verir ki, Şəkidə Afət Fərmanqızının mahnısına video çəkən tibb bacıları işdən qovulub. Bu barədə tanınmış produser və aparıcı Tarix Əliyev məlumat verib. O, işdən çıxarılan tibb bacısı ilə əlaqə saxlayaraq baş verən hadisə haqqında ətraflı məlumat əldə edib.
Tibb bacısı baş verən hadisəni təsdiq edərək Şəki Şəhər Mərkəzi Xəstəxanasının baş həkiminin onları otağına çağıraraq işdən azad olunduqlarını deyib: “Şəki Şəhər Mərkəzi Xəstəxanasının baş həkimi Elçin Əmirov bizi-otağına çağıraraq sosial şəbəkədə yayılan görüntünün kim tərəfindən çəkildiyini soruşdu. Onu bütün ölkədə biabır etdiyimizi dedi. O bizə ya könüllü işdən azad olunmağımızı ya da rəhbərlik tərəfindən işdən azad olunaraq bir daha heç yerdə işləyə bilməyəcəyimizi dedi”.
Ailə vəziyyətinin pis olduğunu deyən tibb bacısı ata və anasının onun maaşı ilə dolandığını da qeyd edib: “Valideynlərim yaşlı adamdı. Onlar mənim maaşım ilə dolanərdı. İndi 5 tibb bacısı işsiz qalmışıq”.
Qeyd edk ki, bir müddət əvvəl sosial şəbəkədə tibb bacılarını Afət Fərmanqızının mahnısı sədaları altında rqs etdiyi görüntülər yayılmışdı.
” “Whatsapp”dan istifadə edirəm, lakin daha çox informasiya mübadiləsi üçün. Sözsüz ki, hərdən dostlar, ailə üzvləri bir-birilərinə şəkillər də ötürürlər. “Facebook”da isə şəxsi profilim yoxdur. Buna kifayət qədər vaxt ayırmaq lazımdır. Cədvəlim buna imkan vermir”.
Qaynarinfo xəbər verir ki, bu sözləri mədəniyyət naziri Əbülfəs Qarayev “ASAN Radio”nun “QəbuldASAN” proqramında deyib.
Aparıcı Emin Musəvi naziri ikinci dəfə qız babası olması münasibəti ilə təbrik edib:
“On gündür ki, ikinci nəvəm dünyaya gəlib. Çox sevinirəm. Təbriklərinizi məmuniyyətlə qəbul edirəm. Allah bütün nəvələri və uşaqları saxlasın”.
Müğənni Aysel Əlizadənin ailəsini dağıtdığını iddia edən Turanə adlı qadın yenidən “Səni axtarıram” proqramına qatılıb.
“Axşam.az” məlumatına görə, qadın danışmaq üçün əvvəlcə qorunmasını istəyib. O, aparıcı Xoşqədəm Hidayətqızına “Təhlükəsizliyimi nəzarətə götürürsünüzsə, çox şey danışacam. Mənə hədə-qorxu gəlirlər. Mən bura övladım üçün gəlmişəm” sözlərini deyib.
Proqramda Ayselə iş adamı Elçin Nəcəfovun bağışladığı “Porsche” markalı avtomobil nümayiş edilib. Bildirilib ki, maşının dövlət nişanında qeyd edilən “EA” Elçin və Ayselin adının baş hərfidir.
Qadın ərinin onu silahla hədələdiyini söyləyib. O, daha sonra ailəsi müğənnilər tərəfindən dağılan qadınlara müraciət edib.
Qeyd edək ki, Turanə 13 illik ailəsini Ayselin dağıtdığını bildirib. O, övladını məhkəməninin ona verdiyini, amma ərinin onun əlindən aldığını söyləyib:
“Aysel nömrəmi hardan bilir ki, mənə mesaj yazır? Onu 18-ci polis bölməsinə şikayət etdim. Atası məndən notariusda məcbur kağız aldı, qızımızı apardı Gürcüstana. Aysel də yanında idi. Gətirib vermirdi. Məni məcbur etdilər ki, uşağı ver”.
48 yaşlı Elçinin avtosalonları var və tikinti işi ilə məşğuldur.
Azərbaycanın Xalq artisti, bəstəkar Süleyman Ələsgərovun ailəsi onun adına veriləcək bir neçə küçə ilə bağlı təklif irəli sürüb.
Bu barədə “Report”a mərhum bəstəkarın nəvəsi, “Parni iz Baku” KVN teatrının bədii rəhbəri Tahir İmanov məlumat verib.
O bildirib ki, təklif edilən küçələr Bakının Nərimanov rayonu ərazisində yerləşir: “Müvafiq dövlət qurumlarından müsbət rəy alınandan sonra küçəyə Süleyman Ələsgərovun adı veriləcək. Əslində, biz küçəni seçib müvafiq qurumlara müraciət etmişik. Amma həmin küçənin artıq ad daşıdığına görə imtina olunduğu deyilib. Bir də bunun üçün vaxt lazımdır. Çünki biz təkliflərimizi müvafiq qurumlara göndəririk və onlardan cavab gələnə qədər vaxt gedir. Ona görə də hələ ki, müzakirələr gedir. Bu müzakirələrdə S.Ələsgərovun ailə üzvləri şəxsən iştirak edir. Bu, bir gündə həyata keçirilən iş deyil. Yüz ölçüb, bir biçmək lazımdır”.
T.İmanov vurğulayıb ki, bununla bağlı Bakı Şəhər İcra Hakimiyyətinin (BŞİH) başçısı Eldar Əzizovla bir neçə dəfə görüşüb. “Eldar Əzizovla telefonla danışmadığım gün yoxdur. Bu barədə ikitərəfli danışıqlar və fikir mübadiləsi aparırıq”.
Qeyd edək ki, martın 1-də Prezident İlham Əliyev və birinci xanım Mehriban Əliyevanın mədəniyyət və incəsənət xadimləri ilə görüşü olub. Görüşdə mədəniyyət işçiləri xahişlərini bildirib və təkliflərini irəli sürüblər. T.İmanov ölkə başçısına babası S.Ələsgərovun adına küçə verilməsi barədə xahiş edib. Prezident Bakıdakı küçələrdən birinə Süleyman Ələsgərovun adının verilməsi üçün göstəriş verib.