Baş Mütəşəkkil Cinayətkarlıqla Mübarizə İdarəsi Sumqayıt şəhərində əməliyyat keçirib.
İdarə əməkdaşlarının daxil olmuş məlumat əsasında keçirdikləri əməliyyat tədbiri nəticəsində Sumqayıt şəhər sakini, əvvəllər 6 dəfə məhkum olunmuş R.Əliyev həbs edilib.
Ondan nömrəsi silinmiş “Makarov” markalı tapança, 1 ədəd patron darağı və 6 ədəd patron götürülüb.

Faktla əlaqədar cinayət işi başlanıb.

Amerikalı alimlər COVİD-19-u neytrallaşdıran antitel qarışımı hazırlayıblar.

Bu barədə “Rosbalt” məlumat yayıb. Məlumata görə, hazırlanmış antitel qarışımı siçanlar üzərində təcrübədən keçirilib və bu qarışımın virusa qarşı müdafiə xarakterli olduğu aşkarlanıb.

Beləliklə, alimlər bu qənaətə gəliblər ki, onların hazırladıqları antitel qarışımı insan orqanizmini virusdan müdafiə edə bilər və hətta onun müalicəsində yararlı hesab edilə bilər. Alimlər hazırda bu qarışımı digər heyvanlar üzərində də təcrübədən keçirməyi planlaşdırır və ondan sonra isə bu “kokteyl” insanlar üzərində sınaqdan keçiriləcək.

Qeyd edək ki, əgər təcrübə uğurlu alınsa, bu “kokteyl”dən koronavirusun müalicəsində istifadə olunacaq. /Cebhe. info/

İyulun 21-i ermənilər Azərbaycanın Los Ancelesdəki Baş Konsulluğunun binasını əhatəyə alaraq ölkəmizə qarşı aqressiv və təxribatçı şüarlarla etiraz aksiyası keçiriblər.

Lakin onlar gözləmədikləri halda, Kaliforniyada yaşayan Azərbaycan icmasının üzvləri önə çıxaraq, onların bu təxribatına mane olublar. Çoxlu sayda erməninin qarşısına çıxan azərbaycanlıların bu cəsarətindən hiddətlənən və məqsədlərinə nail ola bilməyən radikal erməni daşnakları həmyerlilərimizə qarşı zorakılıq və aqressiya nümayiş etdirməyə başlayıblar. Belə ki, onlar idarə etdikləri avtomobillərdən azərbaycanlılara təhqirlər yağdırıblar və onlardan bir neçəsi avtomobillərini həmyerlilərimizin üzərinə sürməyə çalışıb. Vətəndaşlarımızın təhlükəsizliyini təmin etmək üçün Los Anceles Polis idarəsinin əməkdaşları onların ətrafına düzülüb.

Baş verən hadisələri görən və ermənilərə qarşı açıq etiraz edən vətəndaşlarımızdan biri aksiya ilə bağlı təəssüratlarını Modern.az-la bölüşüb. Təhlükəsizlik səbəbindən adının gizli saxlanılmasını istəyən həmyerlimizin sözlərinə görə ermənilər etiraz aksiyasına əvvəlcədən xüsusi hazırlaşıblar və iyulun 20-si aksiyanın birinci mərhələsi olub:

“İyulun 20-si də ermənilər aksiya keçirmək üçün Los Ancelesdə bizim konsulluğun qarşısına yığışmışdılar. Amma onda təqribi 500-ədək erməni var idi bizdən isə cəmi 5-10 nəfər yığılmışdı. O balaca bir aksiya idi və orda aqressiv hal yaşanmadı. 21 iyulda olan aksiyadan qabaq onlar demək olar ki, burda yaşayan bütün ermənilərə xəbər vermişdilər ki, aksiya olacaq, bununla bağlı sosial şəbəkələrdə yaxşı təbliğat da aparmışdılar. Yəni belə deyim əvvəlcədən silahlanmışdılar. Biz də o paylaşımları gördükdən sonra onlara cavab olaraq yığılmaq qərarına gəldi. Biz günorta saat 1-2 arası 20 nəfər olmaqla bir yerə yığışıb, konsulluğumuzun qarşısında dayandıq. Aksiyaya başlayanda erməni tərəfdən maksimum 500 nəfər var idi. Bayraqlarımızı, plakatlarımızı qaldıran kimi onlar başladı bizə aqressiya göstərməyə. Belə olanda da polis dedi ki, siz küçənin bir tərəfində dayanın ermənilər də bir tərəfində. Biz küçənin başqa tərəfinə keçəndə artıq gördük ki, 100-ə yaxın erməni bir araya gəldi. Onda artıq bizim sayımız 30-50 arası idi, yəni bundan çox olmazdı. Artıq biz yolun digər tərəfinə keçəndə onlar başladılar üzərimizə su şüşələri, müxtəlif əşyalar atmağa. Polis bunu görən kimi onların qarşısını kəsməyə başladı. Amma polis də onlarla bacarmadı, başladılar üzərimizə hücum çəkməyə.

Sizi inandırım ki, qarışıqlıq düşəndə gördüm ki, erməninin biri üzümə alışqan yandırıb atır tez başımı çevirdim. Necə deyim, ermənilər heyvan kimi davranırdılar. Biz isə çalışırdıq ki, heç bir aqressiya göstərməyək və əslində dünyaya çatdıraq ki, kimdir işğalçı, kimdir aqressiv. 4 nəfər vətəndaşımızı ciddi şəkildə döydülər, onlar indi xəstəxanadadır, birinin vəziyyəti ağırdır. Bilirsiniz, 50 nəfərin qarşısında minlərlə insanın olmağı təbii ki, çətin məsələdir, amma buna baxmayaraq biz öz etirazımızı onlara bildirirdik. Məsələnin ironiyalı tərəfi də odur ki, ABŞ polisi o qədər aqressiv hərəkətlər törədən, bizə hücum edən ermənilərdən yalnız ikisini nəzarət altına alıb apardı. Ermənilər bu cür dava-dalaş salmaqlarına baxmayaraq bizi dünyaya aqressiv, işğalçı kimi tanıtmaq istəyirdilər. Onların sayı burda yüz minlərlədir, amma Los Ancelesdə azərbaycanlılar çox azdır, buna görə erməni lobbisi bizə qarşı bu cür münasibət sərgiləyə bildi”.

Daxili İşlər Nazirliyinin Mətbuat Xidmətinin Şəki regional qrupundan verilən xəbərə görə, araşdırma zamanı məlum olub ki, sürücü Rəşad Əliyev sərnişinlərin hər birindən on beş manat almaqla, idarə etdiyi “Mercedes” markalı mikroavtobusla onları Bakı şəhərinə aparacağına söz verib. 

Sürücü R.Əliyev barəsində toplanmış material hüquqi qiymət verilməsi üçün şəhər məhkəməsinə göndərilib. Məhkəmənin qərarı ilə o, üç min manat məbləğində cərimə edilib.

Sərnişinlərə də İnzibati Xətalar Məcəlləsinin müvafiq maddəsi ilə protokol tərtib edilib və onlara ciddi xəbərdarlıq edilib.

 

“Qafqazinfo” xəbər verir ki, şəhərin küçələrini sel suları yuyub, evlərə və həyətyanı sahələrə ziyan dəyib.

Ekologiya və Təbii Sərvətlər Nazirliyinin Milli Hidrometeorologiya Xidmətinin verdiyi məlumata görə, sabah Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağmursuz keçəcəyi, lakin gecə və səhər yarımadanın bəzi yerlərində qısamüddətli yağış yağacağı gözlənilir. Mülayim şimal-qərb küləyi gündüz şimal-şərq küləyi ilə əvəz olunacaq.

Havanın temperaturu Abşeron yarımadasında gecə 22-25,  gündüz 29-33, Bakıda gecə 22-24, gündüz 29-31 dərəcə isti olacaq.

Atmosfer təzyiqi normadan aşağı 758 mm civə sütunu, nisbi rütubət gecə 60-70, gündüz 35-40 faiz təşkil edəcək.

Abşeron çimərliklərində mülayim şimal-qərb küləyi gündüz şimal-şərq küləyi ilə əvəz olunacaq.

Dəniz suyunun temperaturu Sumqayıt, Novxanı, Pirşağı, Nardaran, Bilgəh, Zuğulbada 25-26, Türkan, Hövsan, Sahil, Şıxda 26-27 dərəcə isti olacaq.

İyulun 23-də Azərbaycanın rayonlarında bəzi yerlərdə şimşək çaxacağı, arabir yağış yağacağı, ayrı-ayrı yerlərdə leysan xarakterli intensiv olacağı, dolu düşəcəyi gözlənilir. Şərq küləyi əsəcək.

Havanın temperaturu gecə 20-24, gündüz 27-32, dağlarda gecə 10-15, gündüz 18-22 dərəcə  isti olacaq.

İyulun 23-də Abşeron yarımadasında sakit hava şəraiti və iqlim normasına yaxın temperatur rejimi gözlənilir ki, bu da meteohəssas insanlar üçün əsasən əlverişlidir.

Azərbaycan ordusuna dəstək aksiyasından sonra Milli Məclisə basqın etməkdə ittiham olunan mütəşəkkil dəstənin daha bir neçə nəfər məsuliyyətə cəlb olunub.
Demokrat.az məlumatına görə, Nağıyev Məhəbbət Rövşən oğlu, Novruzov Ceyhun Fərhad oğlu, Məmmədov İsmayıl İltifat oğlu, Mehdiyev Elçin Eldar oğlu, Süleymanov Baba Tahir oğlu, Çobanov Pərvin Nadir oğlu hüquq-mühafizə orqanlarının əməkdaşları tərəfindən həbs olunub.

Onların barəsində Cinayət Məcəlləsinin 186.2.1-ci (zərərçəkmiş şəxsə külli miqdarda ziyan vurmaqla əmlakı qəsdən məhv etmə və ya zədələmə), 233-cü (ictimai qaydanın pozulmasına səbəb olan hərəkətləri təşkil etmə və ya bu cür hərəkətlərdə fəal iştirak etmə) və 315-ci (hakimiyyət nümayəndəsinə qarşı müqavimət göstərmə və ya zor tətbiq etmə) maddələri ilə ittiham elan edilib.

Nəsimi rayon Məhkəməsinin qərarı ilə Məhəbbət Nağıyev, Ceyhun Novruzov, İsmayıl Məmmədov, Elçin Mehdiyev, Baba Süleymaov və Pərvin Çobanovun barəsində 3 ay müddətinə həbs qətimkan tədbiri seçilib.

Qeyd edək ki, bu günə kimi həbs olunan şəxslər bunlardır:

Həsənov İsmayıl Vaqif oğlu, Quliyev Vüsal Güdüz oğlu, Mövləyev Dəyanət Kərəm oğlu, İmanov Bəxtiyar Bədəl oğlu, Mustafayev Səyavuş Firudin oğlu, Ramid Zəkrulla, Rəhimli Şəmsi Rasim oğlu, Məmmədov Elvin Sarif oğlu, Əhmədov Seymur İntiqam oğlu, Yusifli Asif Qənbər oğlu, Məmmədov azər Vaqif oğlu, Babayev Ramiz Həmzə oğlu, Əhmədov Emin Şirməmməd oğlu, Mahmudov Kamil Akif oğlu, Vəliyev Tural Famil oğlu, Məmmədov Elçin Əlisəfa oğlu, Əliyev İlkin Pirəli oğlu, Vahabov Müşfiq Fazil oğlu, Mustafayev Səbuhi Yusif oğlu.
Xatırladaq ki, iyulun 14-dən 15-nə keçən gecə Bakı şəhərində Azərbaycan Ordusuna dəstək məqsədilə yürüş keçirilib.

Dinc və vətənpərvər ruhda keçən bu aksiya zamanı bir qrup şəxs ictimai qaydanın kobud surətdə pozulmasına səbəb olan hərəkətlərə yol verərək, Milli Məclisin inzibati binasının qapı-pəncərələrini sındıraraq içəriyə daxil olublar, aksiyanın təhlükəsizliyini təmin edən polis əməkdaşlarına müqavimət göstərməklə zor tətbiq ediblər.

Nəticədə bir neçə polis əməkdaşına müxtəlif dərəcəli bədən xəsarətləri yetirilib, xidməti avtomobillərlə yanaşı, mülki nəqliyyat vasitələrinə də ciddi ziyan vurulub.

Polis əməkdaşları tərəfindən dəfələrlə edilən xəbərdarlıqlara məhəl qoyulmadığından, eləcə də vəziyyətin daha da gərginləşməsinin qarşısının alınması üçün görülən operativ tədbirlərlə ictimai asayiş bərpa edilib.

Baş Prokurorluğun İstintaq İdarəsində istintaq davam edir.

Ümumi yoluxanların 56 faizinin cəmləşdiyi Bakının özündə xəstələrin sayına görə ilk üçlükdə yenə də Binəqədi, Xətai və Yasamal rayonlarıdır.
Paytaxt üzrə yoluxanların 13 faizi Binəqədi, 12 faizi Xətai, 12 faizi Yasamalda qeydə alınıb.
Sonrakı yerlərdə 11,9 faizlə Sabunçu, 9,9 faizlə Nəsimi, 8,5 faizlə Nərimanov, 8,4 faizlə Suraxanı, 7,8 faizlə Nizami, 7 faizlə Qaradağ, 4,6 faizlə Səbail, 4,5 faizlə Xəzər, 0,3 faizlə Pirallahı rayonu qərarlaşıb.

Qeyd edək ki, son statsitikaya görə, Azərbaycanda koronavirus (COVID-19) infeksiyasına daha 352 yeni yoluxma faktı qeydə alınıb, 449 nəfər müalicə olunaraq sağalıb və evə buraxılıb, COVID-19 üçün götürülən analiz nümunələri müsbət çıxmış 13 nəfər vəfat edib.(Fed)

Bir neçə gün bundan əvvəl Sevda Mahmudova adlı sosial şəbəkə istifadəçisinin polis əməkdaşı tərəfindən şəxsi məlumatlarının əldə edilməsiylə bağlı Daxili İşlər Nazirliyi (DİN) tərəfindən araşdırma başlanılmışdı.
DİN-dən Anews.az-a verilən açıqlamaya görə, araşdırma nəticəsində sözügedən polis əməkdaşı Zahir Abbasov Daxili İşlər orqanlarından xaric edilib.

Qeyd edək ki, S. Mahmudova şikayətində bildirmişdi ki, "Koroğlu” metrosundakı keçiddən çıxarkən Zahir Abbasov adlı polis əməkdaşı onun şəxsiyyət vəsiqəsinə baxdıqdan sonra məlumatlarını yaddaşda saxlayıb və daha sonra həmin şəxs ona messenger vasitəsilə şəxsi xarakter daşıyan mesaj yazıb.

Bakıda seksual xarakterli zorlakılıq hərəkətlərində ittiham olunan Şamaxı rayon sakini, 1986-cı il təvəllüdlü Ağalar Hümbətovun cinayət işi üzrə məhkəmə prosesi başa çatıb.
Ağalar Hümbətov bibisi qızı Məlahət Məmmədovanın (cinayət işində adı keçən zərərçəkmişlərin ad və soyadları şərti verilib – red.) yaşadığı Bakı şəhəri, Xətai rayonundakı mənzilinə gəlib.

O, bibisi qızının evində gecəni qonaq alıb. Səhəri gün evdə heç kimin olmamasından istifadə edərək ev sahibinin 2005-ci il təvəllüdlü qızı Bahar Məmmədovaya təcavüz etmək qərarına gəlib. Bahar Məmmədovaya zor tətbiq etməklə, onunla cinsi əlaqədə olmaq və seksual xarakterli digər hərəkətlər etmək məqsədi ilə mətbəxdən götürdüyü bıçaqla qonaq otağında ona hədə-qorxu gəlib.

Daha sonra Ağalar Hümbətov Bahar Məmmədovaya istintaqa məlum olmayan mənbədən əldə etdiyi güclü narkotik tərkibli ağrıkəsici olan Klonitazin (Clonitazene) adlı dərman maddəsi verib, ona həmin dərmanı içməyə məcbur edib. Dərmanı içən Bahar Məmmədova huşsuz vəziyyətə düşüb.

Bundan istifadə edən Ağalar Hümbətov Bahar Məmmədova ilə təbii və qeyri-təbii yolla cinsi əlaqədə olub.

Daha sonra bıçaqla qıza hədə-qorxu gəlib, hər hansı bir şəxsə zorlanması barədə məlumat verəcəyi halda onu öldürəcəyi ilə hədələyib.

İstintaq orqanı tərəfindən Ağalar Hümbətovun barəsində Cinayət Məcəlləsinin 134-cü (öldürməklə və ya sağlamlığa ağır zərər vurmaqla hədələmə), 149.3.3-cü (təqsirkar şəxs üçün aşkar surətdə on dörd yaşına çatmayan şəxsi zorlama) və 150.3.3-cü (təqsirkar şəxs üçün aşkar surətdə on dörd yaşına çatmayan şəxs barəsində seksual xarakterli zorakılıq hərəkətləri törətmək) maddələri ilə ittiham elan edilib.

Cinayət işi üzrə zərərçəkmiş şəxs qismində ifadə verən Bahar Məmmədova bildirib ki, bayram günü olduğundan dərsə getməyib. Onunu sözlərinə görə, 2016-ci il martın 22-də anasının dayısı oğlu Ağalar onlara gəlib və gecəni onlarda qalıb: “Martın 23-də səhər 7 radələrində yuxudan oyandım. Mən oyananda anam artıq işə getmişdi, qardaşım isə bir gün əvvəldən Suraxanıda qalmışdı. Səhər saatlarında atam da işə getdi. Nənəm isə sonradan, yəni saat 13 radələrində evdən çıxdı. Ağalarla evdə ikimiz qaldıq. Mən yatdığım otaqda televizora baxırdım, Ağalar isə zalda yatmışdı”.

Zərərçəkmişin sözlərinə görə, günorta saatlarında Ağalar evdən çıxaraq gedib: “Geri qayıdan da sosiska, balaca şüşə qabda spirtli içki və bir ədəd çörək almışdı. Özü yemək bişirərək yeyib-içdi. Mən də təklif etdi. Amma imtina etdim. Yemək yeyəndən sonra onun üçün disk qoymağımı istədi. Mən disk qoysam da, Ağların istədiyi kino olmadı.
Bu zaman mətbəxdən bıçaq gətirərək mənə soyunmağı əmr etdi, özü də soyunaraq çılpaq oldu. Qorxaraq paltarlarımı çıxardım. Soyunduqdan sonra Ağalar əlində olan balaca yumru ağ rəngli dərmanı mənə verdi və su ilə içməyimi istədi. Ağaların verdiyi su ilə dərmanı içdim”.

Bahar Məmmədova qeyd edib ki, dərmanı içəndən sonra yatıb: “Nə qədər yuxuda olduğumu bilməmişəm. Ayılanda zalda yerdə uzandığımı, Ağaların isə qara rəngli gödək kurtkasını geyindiyini gördüm. Ağalara paltarımı geyinməyə icazə verməsini istədim. O, sakit dayanmağımı bildirdi. Həmin vaxtı bıçaq stolun üstündə olub. Bundan sonra qorxaraq sakit dayandım. Ağalar paltarlarını geyin dedi. Mən də paltarımı geyindim. Xəstə olduğumdan qorxan kimi burnumdan qan gəlir. Oyananda da burnumdan qan gəldiyini gördum. Hamama gedərək burnumu yudum”.

Bahar Məmmədova bildirib ki, bu zaman bədənində ağrılar hiss edib: “Köynəyimin qana bulaşdığını gördüm və onu çıxardım. Bu vaxt Ağalar əynimdə olan paltarlarımı soyundurdu və sellofan torbaya yığdı. Atamın balaca telefonu yataq otağında idi. Atama zəng etmək istədim. Amma Ağalar hara gedirdimsə, arxamca gəlirdi. Sonra Ağalar telefonu götürərək mahnı yükləyəcəyini dedi.

Telefonu aldıqdan sonra bildim ki, Ağalar heç kimə zəng vurmamağım üçün nömrələri sildi. Getməyə hazırlaşanda bıçağı yenidən götürərək, mənə kiməsə bu barədə nə isə desəm, məni və valideynlərimi öldürəcəyini söylədi.

Sonra Ağalar getdi. Bir qədər sonra qayıdaraq alışqanın yaddan çıxdığını və alışqanı götürüb gedəcəyini söylədi. O, özünün sellofan paketini götürdü, eyni qaydanda hədə-qorxu gələrək yenidən getdi. Mən cəld atama zəng etdim. Evə gəlməsini, ona sözüm olduğunu bildirdim. Atam evə gəldi, olanları ona danışdım. Atam Ağalara zəng edərək evə gəlməsini istədi, sonra zəng etdikdə sonuncuya zəng çatmadı. Bundan sonra polisə şikayət etdik”.

Bakı Ağır Cinayətlər Məhkəməsinin hökmü ilə Ağalar Hümbətov 18 il müddətinə azadlıqdan məhrum edilib.

Hökmdən narazı qalan Ağalar Hümbətov apelyasiya şikayəti verib. O, barəsində olan cəzanın yüngülləşdirilməsini istəyib.

Bakı Apelyasiya Məhkəməsinin qərarı ilə Ağalar Hümbətovun apelyasiya şikayəti təmin olunmayıb.

Bu qəraradan narazı qalan Ağalar Hümbətov kasasiya şikayəti versə də, Ali Məhkəmənin qərarı ilə onun kasasiya şikayəti də təmin olunmayıb. (teleqraf.com)