Son xəbərlər

Yanvarın 15-i dünyada Beynəlxalq Vikipediya Günü kimi qeyd olunur. İnternetdə uğurla reallaşdırılan və milli maraqlar baxımından böyük əhəmiyyət kəsb edən "Vikipediya" onlayn ensiklopediyası 2001-ci il yanvarın 15-dən fəaliyyətə başlayıb və qısa müddət ərzində internetin ən populyar layihələrindən birinə çevrilib. "Vikipediya" internetdə açıq şəkildə yayımlanan, dünyanın bir çox dillərində viki texnologiyasının tətbiqi ilə könüllü istifadəçilər tərəfindən yaradılan, biliklərə əsaslanan, bilavasitə veb-brauserdən idarə olunan çoxdilli, əməkdaşlığa əsaslanan onlayn ensiklopediyadır. ABŞ-ın Ohayo Universitetinin fəlsəfə doktoru Larri Senger və amerikalı sahibkar Cimmi Uels tərəfindən təsis olunmuş "Vikipediya" müasir dövrdə internet məkanında fəaliyyət göstərən yüz milyonlarla sayt sırasında istifadəçi və müraciətlərin sayına, informasiyanın həcminə görə ən yüksək reytinqə malikdir. "Vikipediya"ya müraciət edənlər buradan yalnız ensiklopedik məlumatlar deyil, eyni zamanda, səhifələrə daxil edilmiş media-fayllar, animasiyalı sxemlər, üçölçülü obyektlər, interaktiv panoramlar da əldə edirlər.

Milli.Az Trend-ə istinadən bildirir ki, Beynəlxalq Vikipediya Günü münasibətilə "Vikipediya"nın Azərbaycan dili bölməsinin idarəçisi Eldar Əzimov fikirlərini bölüşüb.

"Vikipediya"da nə üçün redaktə etməliyik? Nə üçün məqalələr yaratmalıyıq? Bunun bizə xeyri nədir və bununla nə əldə edəcəyik? Bir qədər maraqlandıqdan və "Vikipediya" ilə yaxından tanış olduqdan sonra anlamaq olar ki, bu onlayn ensiklopediya məlumatın azad və sərbəst şəkildə paylaşıldığı bir məkandır. Buradakı məlumatları paylaşan da, oxuyan da özümüzük. Azad dedikdə "Vikipediya"dakı məlumatların oxunmasının və istifadəsinin azadlığı ilə yanaşı, orada redaktə etməyin azadlığı da nəzərdə tutulur. Yəni yaşından, kimliyindən asılı olmayaraq hər kəs "Vikipediya"da məqalə yarada və onu redaktə edə bilər. Xarici dildə bilməyən və ana dilində məlumat əldə etmək istəyən insanlar üçün "Vikipediya"nın önəmi çox böyükdür. Təxminən 10 il əvvəl Azərbaycan dilində internet üzərindən istədiyimiz məlumatları tapmaqda çox çətinlik çəkirdik və demək olar ki, çox zaman tapa bilmir və digər dillərdə axtarmağa üstünlük verirdik. Lakin hazırda bu boşluq "Vikipediya" sayəsində kifayət qədər qalxıb. Azərbaycan dilindəki "Vikipediya"da məlumatların sayı çox artıb. İstədiyimiz məlumatı ana dilimizdə rahat şəkildə tapa bilməyimiz üçün hər kəsin "Vikipediya"ya dəstək verməsi, məqalə yaratması vacibdir. Qeyd edim ki, ötən ilin dekabr ayı ərzində "Vikipediya" səhifələri ümumilikdə 22 milyard dəfə ziyarət olunub. Son bir il ərzində isə 269 milyard dəfə ziyarət olunub. Azərbaycan dilindəki "Vikipediya"ya ötən ilin dekabrında 33 milyon dəfə, ölkəmizdən isə bu dil bölməsinə 19 milyon dəfə ziyarət qeydə alınıb. Bütün bunlar "Vikipediya"nın insanlar arasındakı vacibliyinin və əhəmiyyətinin göstəricisidir. Bununla da biz görürük ki, artıq Azərbaycan dilində axtarış edib məlumat əldə etmək istəyən insanları sayı xeyli artıb. Bunları nəzərə alaraq ana dilimizdəki "Vikipediya"nı qoruyub, zənginləşdirməliyik ki, gələcək nəsil məlumat azlığından əziyyət çəkməsin. Bu gün "Vikipediya"nın 20 yaşı tamam olur. Bu münasibətlə hər birinizi təbrik edirəm".

Yeni Azərbaycan Partiyası Nizami rayon təşkilatının sədr müavini, "Türk dünyası ağsaqqalları" qəzetinin baş redaktoru Ramin Əhmədov "Vikipediya" internet şəbəkəsinin önəmindən danışıb. Ramin Əhmədov "Türk dünyası ağsaqqalları" qəzetinin təşəbbüsü ilə ötən ilin noyabr ayından həyata keçirilən "Türk dünyası "Vikipediya"da layihəsinin uğurla davam etdiyini bildirib.

 

"Vikipediya" fəaliyyətimizdə yeni sahədir. Deyərdim ki, maraqlı və önəmli istiqamətdir. Bizim fəaliyyət istiqamətimiz türk dünyasının zəngin tarixi, mədəniyyəti və ədəbiyyatı barədə məlumatları "Vikipediya"da zənginləşdirməkdən ibarətdir. Bu günə qədər türk dünyası ilə bağlı yüzdən şox məqalə yaradılıb və zənginləşdirilib. Hər bir məqalə cəmiyyətin maarifləndirilməsində əvəzsiz rol oynayır. Həm də insanlarımız öz dilimizdə istənilən məlumatı əldə edə bilirlər. Doğma dilimizdə məlumatların zənginləşdirilməsi informasiya bazasının çoxalması deməkdir. Bu gün Beynəlxalq Vikipediya Günüdür və "Vikipediya" internet şəbəkəsinin yaradılmasının iyirmi ili tamam olur. Hazırda "Vikipediya" dünyanın ən nəhəng ensiklopediyası, zəngin informasiya mənbələrindən biridir. Bu şərəfli və qürurverici missiyanı davam etdirmək lazımdır. Gənclərimiz "Vikipediya" hərəkatında fəal olmalıdırlar. Bunu bizdən yaşadığımız texnoloji dövr tələb edir".

2020-ci Azərbaycan tarixinə qızıl hərflərlə yazılacaq . Bəli , bütün çətinliklərə , mərhumiyyətlərə baxmayaraq , sentyabrın 27-də  başlayan və 44 gün davam edən vətən müharibəsi şanlı qələbəmizlə başa çatdı . Bu aylara , illərə bərabər 44 gündə Ölkə rəhbəri Ali Baş komandanın və xalqımızn sarsılmaz birliyi ilə nail olduq qələbəyə. Dəmir bir yumruğa döndü , o günlər Azərbaycanımız! Kimliyindən , milli mənsubiyyətindən , dilndən , dinindən asılı olmayaraq hər bir azərbaycanlının qəlbi vətən eşqi ilə döyündü. Əli silah tutan mərd oğullarımız müqəddəs əməl uğrunda silaha sarıldlar. Ön sıralarda gedən mərd , mübariz vətən övladlarının cərgəsində Lerik rayonundan da yüzlərlə oğullar vardı . Onlar könüllü olaraq rayon hərbi komissarlığına müraciət edir , sanki yarışa girmiş kimi ön cəbhəyə daha tez getmək , mənfur düşmənə hədinni bildirmək , 30 illik bir qisası almaq hissi ilə alışıb yanırdılar.

 Düşmən üzərində şərəfli qələbə qazandıq. Bu qələbədə Lerik rayonunun şirürəkli , mərd övladlarının da əməyi böyük oldu. Bu qələbə 3000  minə yaxın şəhidimizin qanı bahasına , minlərlə qazimizin canı bahasına başa gəldi. Qəhrəmanlar yurdu Lerik də onlarla şəhid verdi, yüzlərlə insan qazi oldu.  Döyüşlərin getdiyi günlərdə , həmşinin sonrakı günlərdə Lerik rayonuna  şəhidlər gəldi. Bütün rayon onları böyük izdihamla qarşılayır , ən dərin etiramla son mənzilə yola salırdı. Təbii  ki bütün bunların ən yüksək səviyyədə təşkilini Rayon İcra Hakimiyyəti öz üzərinə götürür , şəhidlərimizi layiq olduqları kimi yola salırdılar. Rayonun İcra başçısı Rövşən Bağırov  bütün şəhidlərin dəfnində iştirak edib , onların ailələrini yanında olub , bu ağır , hüznlü günlərdə onların dərdinə şərik olub. Onlara maddi və mənəvi dəstəyini əsirgəmir. Yalnız şəhid ailələrinə deyil , o cümlədən qazilər də bu qayğı və diqqətdən kənarda qalmırlar.  İcra başçısı bütün şəhid , qazi evlərini gəzir onların problemləri qayğıları ilə yerindəcə tanış olur və həllini təşkil edir Bu yolla o qəlbi yaralı , lakin qürurlu insanlara arxa – dayaq olur.   O sübut edir ki,  Ölkı rəhbəri Cənab Əliyevin etimadını ləyaqətlə doğruldur , xalqa və vətənə bir məmur kimi şərəflə xidmət edir.

       P.S.   Bu günlərdə Pressaz. info saytı maraqlı   bir təşəbbüsə imza atıb.Vətən müharibəsində şəhid olmuş və sağlamlığını itirmiş əsgərlərimizin ailələrinə yardım edən , onlara diqqət və qayğı göstərən icra  hakimiyyətləri arasında sorğu keşirir.Hörmətli leriklilər  , bu səsverməyə qoşulun və ən aktiv İcra Hakimiyyətinin Lerik İcra başçısı olduğunu dəstəkləyin.Cünki Rövşən müəllim buna layiqdir. 

   Müşfiq Kişiyev

 
Xəzər rayonu Binə qəsəbəsi Südçülük sovxozu adlanan  Azərbaycanın ilk Milli Qəhrəmanlarından olan şəhidimiz Valeh Müslümovun adını daşıyan küçə var.Küçənin yolları tamamilə   bərbad vəziyyətdədir. Belə ki , yağış yağdıqdan zamanda yoldan keçmək təmamilə  müşkül məsələyə  çevirilir.
Qəsəbə  sakinləri  Millidestek.az saytına açıqlamalarında bildirdilər  ki, dəfələrlə rəsmi olaraq aidiyyati qurumlara müraciət etmələrinə baxmayaraq heç bir nəticə yoxdur.

 Amma sözügedən qəsəbənin problemi yalnız yol ilə bitmir.
Millidestek.az  olaraq ərazidə yaşayan əhalini dindirdikdə ən başlıca problemlərdən biri də internet olduğunu anladıq. Hazırda tədris hibrid və ya əyani formada deyil, tamamilə distant formadadır.
Ölkəmizdə təhsil distant formada ikən  sözügedən ərazidə telefon xəttində boş yer olmadığına görə Wi:Fi şəbəkəsi də çəkmək olmur. Bu da sakinlər üçün əlavə xərcə yol açır. Sakinlərin söylədiyinə görə  Mərdəkan Rabitə Qovşağına dəfələrlə müraciət olunmasına baxmayaraq şikayətlərə yoxdur.

 Mövzuya yenidən qayıdacağıq.

Qarşı tərəfin mövqeyini qərəzsiz şəkildə dərc etməyə hazırıq.

Müşfiq Kişiyev

44 günlük Vətən müharibəsinə ailəliklə qatılan soyadlardan biri də Həşimovlardır. Lənkəran rayonunun Boladı kəndindən olan bu ailənin beş üzvünün qələbədə payı var.

Birinci Qarabağ müharibəsində də iştirak edən Fikrət və Araz Həşimovlara Vətən müharibəsində qardaşı oğlanları Qalib, Alim və Taleh Həşimovlar da qoşulub. Həşimovların 4-ü hərbi təyyarəçidir, 1-i isə Hərbi Hava Qüvvələrinin (HHQ) hava hücumundan müdafiə sistemində xidmət edib.  

Bu barədə “Qafqazinfo”ya ailə üzvlərini ön cəbhəyə yola salan Mirəsgər Həşimov danışıb: 

 

“İki qardaşım, üç oğlum milli ordumuzun zabitləridir, hər biri mayor rütbəsindədir. Qardaşlarım Araz və Fikrət Perm Hərbi Aviasiya Məktəbini bitiriblər.  Oğlanlarım da əmilərinə baxıb təyyarəçilik peşəsini seçiblər. Onlar hələ uşaq ikən göydə uçan təyyarələrə maraqla baxırdılar, deyirdilər ki, Fikrət və ya Araz əmi uçur. Biz də böyüyüb təyyarə sürəcəyik. Mən onların qarşısını kəsmədim. Dedim əgər təyyarəçi olmaq istəyirsinizsə, gedin olun. Əgər Vətənə onlardan bir xeyir gələrsə, niyə də olmasın? Qardaşlarım yük təyyarəsi sürüblər və müharibədə ordunun təminatında iştirak ediblər. Oğlanlarım Qalib və Taleh qırıcı təyyarə pilotlarıdır. Alim isə Hava Hücumundan Müdafiə sistemində xidmət edir. Ölkəyə düşmən tərəfindən atılan raketlərin zərərsizləşdirilməsində onun böyük rolu olub”. 

Fotoda: Taleh Həşimov

Mirəsgər Həşimov deyir ki, hər 3 oğlu Heydər Əliyev adına Hərbi Təyyarəçilik Akademiyasını fərqlənmə diplomu ilə bitirib. Akademiyada öyrəndikləri və təcrübələri onlara döyüşdə böyük uğur qazandırıb. Taleh Həşimov “Azərbaycan bayrağı” ordeni və Suqovuşan, Kəlbəcər və Cəbrayılın azadlığı uğrunda medalları ilə təltif olunub. Araz Həşimov da xidmətlərinə görə Ali Baş Komandan tərəfindən “Vətən uğrunda” medalına layiq görülüb. 

Onların döyüşdə qazandıqları nailiyyətlərdə həm də Vətənə olan sonsuz sevgilərinin payı var. Qalib əsgərləri Boladı kənd əhalisi böyük təntənə ilə qarşılayıb:   

“Mən bu qalibiyyətə çox sevinirdim. Bunu sözlə ifadə etmək çətindir. Taleh “Azərbaycan bayrağı” ordeninə layiq görülmüşdü. Onun düşmənin məhv edilməsində böyük rolu olub. Prezident də onun şücaətini  qiymətləndirib. Ona bir neçə günlük məzuniyyət vermişdilər və kəndə gəlmişdi. İnanın, heç bir dəqiqə istirahət edə bilmədi, hamı onu ziyarətə gəlirdi. Zarafatla deyirdi ki, müharibə bundan rahat idi. Ümumiyyətlə, Həşimovları rayon, kənd elə təntənə ilə qarşıladı ki, bundan qürur keçirməmək mümkün deyil. Şəhidlərimiz oldu, kəndimiz də 3 şəhid verdi. Allah onların hər birinə rəhmət eləsin. Mən fəxr edirəm ki, mənim oğullarımın, qardaşlarımın da şəhidlərin qanının yerdə qalmamasında rolu oldu”.

Araz Həşimov

Fikrət Həşimov

Qalib Həşimov

Alim Həşimov

Müəllif: Gülnar Əliyeva

 

 

 

Azərbaycan, Ermənistan və Rusiya liderlərinin Moskvadakı Dağlıq Qarabağla bağlı görüşü tərəflərin nizamlama səylərinin altından xətt çəkmək üçün bir nəticəyə sadiq olduqlarını göstərir.

Axar.az xəbər verir ki, bunu Azərbaycan Prezidenti İlham Əliyev Moskvada Rusiya, Azərbaycan və Ermənistan liderləri arasında keçirilən üçtərəfli görüşün nəticələri ilə bağlı açıqlamasında deyib.

“Atəşkəsdən iki ay keçdi və bu gün 9-10 noyabr tarixli bəyanatı imzalayan üç ölkənin liderlərinin Moskvaya toplaşması nəticəyə sadiq olduğumuzu, sentyabr-noyabr aylarında baş verənlərin altından bir xətt çəkməyi qərara aldığımızı göstərir”, - İlham Əliyev bildirib.


 

Prezident İlham Əliyev və Birinci vitse-prezident Mehriban Əliyeva qrossmeyster Teymur Rəcəbovu möhtəşəm qələbə münasibətilə təbrik ediblər.

"Qafqazinfo" xəbər verir ki, təbrikdə deyilir:

"Airthings Masters" şahmat turnirində qələbə qazanmağın münasibətilə səni səmimi qəlbdən təbrik edirik.

 

Sənin bu yarış zamanı peşəkarlıq, iradə və əzmkarlıq nümayiş etdirərək qazandığın inamlı qələbə Azərbaycan xalqını sevindirdi. Sənin bu uğurun eyni zamanda xalqımızın yüksək intellektual potensialının bariz göstəricisidir.

Sənə ən xoş arzularımızı yetirir, gələcək uğurlar və yeni-yeni şahmat zirvələrini fəth etməyi diləyirik".