 |
 |
"Bir neçə gündən sonra Ermənistanda 4 günlük aprel döyüşlərinin nəticələrini araşdırmaq üçün 2016-cı ildə yaradılmış İstintaq Komissiyasının apardığı təhqiqat başa çatdırılacaq və nəticələrdən bir qismi ictimaiyyətə açıqlanacaq. Xatırladaq ki, 90-ci illərdə 1-ci Qarabağ müharibəsindən sonra bir-birinin ardınca itirlmiş rayonlarımıza görə məhz Azərbaycanda belə istintaq və məhkəmə prosesləri aparılırdı və bu bizim məğlubiyyətlərimiz üzərində qurduğumuz məhkəmə idi".
Bunu parlamentin növbədənkənar sessiyasında İnsan haqları komitəsinin sədri Zahid Oruc bildirib.
O deyib ki, Ermənistanda aprel döyüşlərindən sonra əsas hərbi və siyasi rəhbərlik yüksək kreslolarını və bir vaxtlar işğal hesabına qazandıqları nüfuzu itirdilər. “Serj Sarkisyan, Seyran Ohanyan, bir neçə ordu generalı nəinki vəzifələrindən getdilər, eləcə də İstintaqa çağrılmalı oldular.
Xatırladaq ki, Sarkisyan və Ohanyandan başqa sabiq XİN Edvard Nalbandyan, sabiq baş nazir Karen Karapetyan, Bako Saakyan, o cümlədən Ağdərə, Cəbrayıl və digər ön cəbhələr üzrə döyüşlərdə iştirak edən hərbi hissə komandirləri, həmçinin ordunun kəşfiyyat idarəsinin rəisi Arşak Karapetyan və digər yüksək rütbəli şəxslər də izahata cəlb olunublar. MDB Kollektiv Təhlükəsizliyinə 2017-də baş katib təyin olunub bir il sonra vəzifəsindən çıxarılan Yuriy Xaçaturov da izahata çağırılanlar sırasındadır.
İstintaqın nəticəsində 1000 səhifədən artıq material toplanıb. Onun əsasında yeni cinayət işləri qaldırılacaqdır. İstintaq bütün hərbi və siyasi xarakterli məsələləri ən kiçik detallarına qədər araşdırır-Lələtəpə nə üçün əldən verildi, kəşfiyyat qrupu Azərbaycan ordusunun hərəkətləri barəsində tam məlumatlı idimi, hərbi sursat və yanacaq yetərli olubmu, xəyanət və satqınlıq baş veribmi, o cümlədən gecəgörmə cihazları və müşahidə qurguları düzgün çalışıbmı və sair"- deputat bildirib.
Komitə sədri daha sonra bildirib ki, İstintaq Komissiyasının işi ətrafında böyük ictimai maraq var və erməni xalqı Aprel müharibəsinə görə cəza tələb edir: "Bu? Azərbaycan dövlətinin qələbəsidir. Ermənistanın hərbi və siyasi baxımdan parçalanması, keçmiş səhra komandirlərinin məhkəməyə çəkilməsi İlham Əliyevin 4 günlük müharibəsinin nəticəsidir. Bizim tarixçi və siyasətçilərimizin 100 il bundan əvvəl İrəvanın Ermənistana verilməsinin zərurət olduğunu əsaslandırmaga bütün güclərini səfərbər etdikləri bir vaxtda Ermənistanın inqilabi hakimiyyəti "Aprel müharibəsi"nin yenidən təkrarlanmaması üçün məhkəmə qurur və günahkarları tapmaga çalışır. Təzadlı mənzərədir, lakin nəticə bizim xeyrimizədir. Əksər erməni mediasında Azərbaycanın Naxçıvanın bölgəsində Ali Baş Komandan İlham Əliyevin yerləşdirdiyi müasir reaktiv qurğular, "Kaplan", "Kasırğa" və sair raket qurğularının, hansı ki, hədəfi vurma məsafəsi 120 km-dir, onun təhlükəsi haqda silsilə yazılar gedir. Xatırladaq ki, Naxçıvandan İrəvana məsafə cəmi 42 km-dir.
Bu gün öz siyasi və ordu generallarını mühakiməyə qalxan Ermənistan sual edir ki, İlham Əliyevin Naxçıvana müasir silahları yerləşdirilməsi ilə Azərbaycan prezidentinin son İrəvan çıxışı arasında hansı bağlılıq var?
Ona görə Azərbaycanın hərbi və siyasi dairələri, həmçinin mətbuat vasitələri Ermənistanda gedən Aprel müharibəsi İstintaqını öz həyati mənafləri üçün hər bir sətrini, hər bir hərəkətini izləməlidir. Bəli, gələcək müharibə üçün, yeni aprel, may, iyun döyüşləri üçün..."
İyunun 1-də Asiya İnkişaf Bankının təşəbbüsü ilə Azərbaycan Respublikasının Prezidenti İlham Əliyevlə bankın prezidenti Masatsuqu Asakava, vitse-prezidenti Şiksin Çen və bankın rəhbərliyinin digər nümayəndələri arasında videokonfrans keçirilib.
Videokonfransda Azərbaycan tərəfdən Maliyyə naziri Samir Şərifov iştirak edib.
“Gürcüstandakı azərbaycanlılar həmişə mövcud hakimiyyətə münasibətdə loyallıqları, ölkənin ərazi bütövlüyünün qorunmasında göstərdikləri fədakarlıqla fərqləniblər. Onlar heç vaxt separatçılığa, bölücülüyə müsbət münasibət bəsləməyiblər”.
Bunu oxu.az-a açıqlamasında politoloq Qabil Hüseynli Marneulidə Azərbaycanın görkəmli dövlət xadimi Nəriman Nərimanovun abidəsinin sökülməsi tələbinə münasibət bildirərkən deyib.
Marneulidə N.Nərimanovun heykəli 1983-cü ildə ucaldılıb. Həmin vaxtdan heç bir bərpa işləri aparılmadığından, abidə qəzalı və baxımsız vəziyyətə düşüb.
Bu yaxınlarda abidənin təmir-bərpa işləri Marneulinin icra başçısı Zaur Darğallının təşəbbüsü ilə həyata keçirilib.
Amma bu, Marneuli və Hucabi yepiskopu Georginin qəzəbinə səbəb olub. Din xadiminin fikrincə, Nərimanov Gürcüstanın ərazi bütövlüyünün pozulmasında böyük rol oynayıb və hakimiyyətə abidənin sökülməsi üçün bir həftə vaxt verib.
Ekspert Qabil Hüseynli qeyd edib ki, son zamanlar gürcülərin içərisində bəzi radikal millətçilik əhval-ruhiyyəsi yayan təxribatçı şəxslər peyda olub.
Onun sözlərinə görə, həmin millətçilər gürcülərin azərbaycanlılarla müqayisədə üstünlüyünü təbliğ edir və uzağa gedən təhlükəli şüarlar səsləndirirlər.
“Gürcüstan kimi demokratiyanın inkişaf etdiyi ölkədə millətçilik azarını yayanlar, sözsüz ki, Gürcüstanın özünə qarşı çıxış etmiş olurlar”, - deyə Q.Hüseynli əlavə edib.
N.Nərimanovun Marneulidəki heykəlinin sökülməsi tələblərinin səsləndiyi bir zamanda paralel olaraq Kvemo Kartli və Kaxeti bölgələrində gürcülər və azərbaycanlılar arasında ədavəti qızışdırmağa cəhdlər edilir.
Gürcüstanın Dövlət Təhlükəsizlik Xidmətinin yaydığı məlumatda bildirilir ki, həmin şəxslər etnik azərbaycanlıların sıx yaşadıqları bölgələrdə illər ərzində toplanmış problemlərdən təhrif olunmuş vətənpərvərlik düşüncələrinə əsaslanaraq mənfi kontekstdə istifadə edirlər.
DTX-nin Dövlət Təhlükəsizliyi Departamenti irqi ayrı-seçkilik, insan haqlarının birbaşa və ya dolayı şəkildə məhdudlaşdırılması, milli zəmində düşmənçilik və diskriminasiya, milli şərəf və ləyaqətin alçaldılması maddələri üzrə istintaqa başlayıb.
Politoloq Q.Hüseynli söyləyib ki, Gürcüstanın xüsusi xidmət orqanları şovinist qüvvələri cəmiyyətdən təcrid etməyə çalışırlar.
O, proseslərin mənfi məcraya yönəlməsində erməni faktorunun da rolunu istisna etməyib:
“Belə məlumatlar var ki, Gürcüstanda təxminən bir milyona yaxın erməni uzun illər boyu assimilyasiyaya uğrayaraq, gürcü soyadlarını qəbul ediblər. Ancaq onlar erməni kimi qan yaddaşlarını unutmayıblar. Belə adamlar Azərbaycan-Gürcüstan münasibətlərinə xələl gətirmək niyyətindədirlər. Azərbaycanlılarla gürcülər arasında qarşıdurma yaratmağa çalışanlar arasında xeyli vəzifəli şəxslər də var”.
Politoloqun fikrincə, Azərbaycan-Gürcüstan münasibətlərinin korlanmasında maraqlı olan üçüncü qüvvənin – “beşinci kolon”un da əli var.
“Son zamanlar Gürcüstandakı “beşinci kolon”a təlimat gəlib ki, ölkədə qarşıdurma yaratsın. Eyni zamanda, bölgədə strateji xarakter daşıyan Azərbaycan-Gürcüstan münasibətlərini korlamağı qarşılarına məqsəd qoyublar.
Müəyyən din xadimlərinin proseslərə cəlb olunması və qızışdırıcı rol oynaması da təsadüfi deyil. Gürcüstanın hakimiyyət orqanları baş verən hadisələrin siyasi anatomiyasını çox gözəl dərk edir”, - deyə Q.Hüseynli şərhində bildirib.
Milli Məclisin bu gün keçirilən növbədənkənar sessiyasında deputat Aydın Mirzəzadə cari məsələlər, o cümlədən deputatların çıxışlarına imkan yaradılması ilə bağlı danışıb.
Millət vəkili Aydın Mirzəzadə Spiker Sahibə Qafarovaya deputatlara yaratdığı şəraitə görə təşəkkür edib.
A.Mirzəzadə bir sıra təkliflərlə çıxış edib. O deyib ki, cari məsələlərin müzakirəsi üçün 1 saat vaxt ayrılsın: “Bu gün gündəlikdən əvvəl cari məsələyə yazılan bütün deputatlara söz verməyiniz parlament tarixində bir ilkdir. Bunun üçün təşəkkür edirəm. Digər bir təklifim isə belədir ki, deputatlara verilən 10 dəqiqəlik vaxtı 5 dəqiqəyə endirək. Beləliklə, hər kəsin danışmaq imkanı olsun”.
Spiker isə bildirib ki, cari məsələlərə ayrılan vaxtı 1 saat edə bilməyəcək: “İmkan olanda deputatlara danışmaq üçün vaxt verirəm. Bu gün gündəlikdə bir məsələ olduğuna görə mən söz üçün yazılan hər kəsə bu imkanı verirəm. Digər tərəfdən deputatların 10 dəqiqəlik çıxışlarını isə lazım olduğu halda 5 dəqiqəyə endiririk. Ötən dəfə də bu məsələyə reaksiya verəndə dedim ki, 30 ildir niyə bu məsələni qaldırmırdınız? Bunu media da yazdı. Doğrudan da mənə qəribədir ki, indiyə qədər bu məsələlər addım-addım həll edilsəydi, təkliflər səsləndirilsəydi, mən də bu gün hansısa qərarlara gələ bilərdim”.
Prezident İlham Əliyevin “Facebook” sosial şəbəkəsindəki səhifəsi davamlı olaraq inkişaf edir və oxucu auditoriyası toplayır. Bu bərədə dünya liderləri, hökumətlər və beynəlxalq təşkilatların sosial şəbəkələr vasitəsilə əlaqələrini araşdıran “Burson Cohn Wolfe” (BCW) qlobal piar agentliyinin “Dünya liderləri “Facebook”da” adlı araşdırmasının beşinci nəşrinin nəticələrində deyilir.
Media.Az-ın tanış olduğu hesabata əsasən, 12 ay ərzində Azərbaycan dövlət başçısının səhifəsinə 49 min 847 yeni abunəçi üzv olub, son bir ildə artım 8,85% təşkil edib.
Qeyd edək ki, hesabat “Twiplomacy”nin illik araşdırmasının bir hissəsidir. Əvvəlcə müəlliflər yalnız “Twitter”ə diqqət ayırıblar, lakin sonradan digər platformalar, o cümlədən, “Facebook” və “Instagram” araşdırmaya əlavə edilib.
Tədqiqat çərçivəsində Azərbaycan Prezidentinin və Xarici İşlər Nazirliyinin səhifələri daxil olmaqla, 721 sosial şəbəkə səhifəsi və 20 şəxsi profilin sosial şəbəkədəki aktivliyi təhlil edilib.
Tədqiqat çərçivəsində Azərbaycan Prezidentinin və Xarici İşlər Nazirliyinin səhifələri daxil olmaqla, 721 sosial şəbəkə səhifəsi və 20 şəxsi profilin sosial şəbəkədəki aktivliyi təhlil edilib.
Hesabata əsasən, 12 ay ərzində Azərbaycan Prezidentinin səhifəsinə 276 və ya gündə 0,76 yazı yerləşdirilib. Ümumilikdə, qarşılıqlı əlaqələrin sayı 814 688-ə bərabər olub və əlaqə səviyyəsi 0,50% təşkil edib.
Bunlardan 658 140-ı bəyənmə, 30 282-si şərh, 71 753-ü isə post paylaşımıdır. İlham Əliyevin postlarına 712 653 dəfə reaksiya verilib, onlar 44 507 dəfə “super” işarəsi qoyulmaqla bəyənilib. 12 ay ərzində Azərbaycan dövlət başçısının səhifəsinə 49 847 abunəçi üzv olub (artım - 8,85%). Ümumilikdə, onun səhifəsi 613 226 dəfə bəyənilib.
Azərbaycan Xarici İşlər Nazirliyinin səhifələrinin qarşılıqlı əlaqə sayı 14 087 olub, qurumun postları 10 536 dəfə bəyənilib, 238 şərh yazılıb və 2 552 dəfə paylaşılıb.
Hesabat dövründə XİN 395 post paylaşıb, bu da gündəlik 1,08 post deməkdir.
Azərbaycanın XİN-in səhifəsinə yeni 1 935 izləyici (17,73% artım) əlavə olunub. Bəyənmələrin ümumi sayı isə 12 849 olub.
Ümumdünya statistikasına gəldikdə, hesabata əsasən, abunəçilərinin sayına görə planetin ən populyar lideri Hindistanın Baş naziri Narendra Modidir (44,7 milyon). İlk onluqda, həmçinin, ABŞ Prezidenti Donald Tramp (26,1 milyon), Pakistanın Baş naziri İmran Xan (9,7 milyon) və Türkiyə Prezidenti Rəcəb Tayyib Ərdoğan (9,2 milyon) yer alır.
Öz növbəsində, ABŞ Prezidenti Donald Tramp son 12 ayda özünün “Facebook” səhifəsində qarşılıqlı əlaqələrin sayına görə reytinqə başçılıq edir.
Qeyd edək ki, tədqiqatın beşinci nəşrində BCW sosial şəbəkələrdəki 721 səhifə və 20 şəxsi profili analiz edib, bunların 448-i “Facebook” komandası tərəfindən yoxlanılıb və təsdiqlənib. Qalan 293 səhifə yoxlanılmayıb, ancaq araşdırma müəllifləri hesab edir ki, onları rəsmi saymaq olar.
Məlumatlar 1 mart 2020-ci ildə BCW, Crowdtangle.com və Klear.com alətlərindən istifadə edərək, qarşılıqlı əlaqələrin, qarşılıqlı əlaqə səviyyəsinin, postların və s. 1 mart 2019-cu ildən 29 fevral 2020-ci ilədək ümumi sayı da daxil olmaqla toplanıb.
Prezident İlham Əliyevin “Facebook” sosial şəbəkəsindəki səhifəsi davamlı olaraq inkişaf edir və oxucu auditoriyası toplayır. Bu bərədə dünya liderləri, hökumətlər və beynəlxalq təşkilatların sosial şəbəkələr vasitəsilə əlaqələrini araşdıran “Burson Cohn Wolfe” (BCW) qlobal piar agentliyinin “Dünya liderləri “Facebook”da” adlı araşdırmasının beşinci nəşrinin nəticələrində deyilir.
Media.Az-ın tanış olduğu hesabata əsasən, 12 ay ərzində Azərbaycan dövlət başçısının səhifəsinə 49 min 847 yeni abunəçi üzv olub, son bir ildə artım 8,85% təşkil edib.
Qeyd edək ki, hesabat “Twiplomacy”nin illik araşdırmasının bir hissəsidir. Əvvəlcə müəlliflər yalnız “Twitter”ə diqqət ayırıblar, lakin sonradan digər platformalar, o cümlədən, “Facebook” və “Instagram” araşdırmaya əlavə edilib.
Tədqiqat çərçivəsində Azərbaycan Prezidentinin və Xarici İşlər Nazirliyinin səhifələri daxil olmaqla, 721 sosial şəbəkə səhifəsi və 20 şəxsi profilin sosial şəbəkədəki aktivliyi təhlil edilib.
Tədqiqat çərçivəsində Azərbaycan Prezidentinin və Xarici İşlər Nazirliyinin səhifələri daxil olmaqla, 721 sosial şəbəkə səhifəsi və 20 şəxsi profilin sosial şəbəkədəki aktivliyi təhlil edilib.
Hesabata əsasən, 12 ay ərzində Azərbaycan Prezidentinin səhifəsinə 276 və ya gündə 0,76 yazı yerləşdirilib. Ümumilikdə, qarşılıqlı əlaqələrin sayı 814 688-ə bərabər olub və əlaqə səviyyəsi 0,50% təşkil edib.
Bunlardan 658 140-ı bəyənmə, 30 282-si şərh, 71 753-ü isə post paylaşımıdır. İlham Əliyevin postlarına 712 653 dəfə reaksiya verilib, onlar 44 507 dəfə “super” işarəsi qoyulmaqla bəyənilib. 12 ay ərzində Azərbaycan dövlət başçısının səhifəsinə 49 847 abunəçi üzv olub (artım - 8,85%). Ümumilikdə, onun səhifəsi 613 226 dəfə bəyənilib.
Azərbaycan Xarici İşlər Nazirliyinin səhifələrinin qarşılıqlı əlaqə sayı 14 087 olub, qurumun postları 10 536 dəfə bəyənilib, 238 şərh yazılıb və 2 552 dəfə paylaşılıb.
Hesabat dövründə XİN 395 post paylaşıb, bu da gündəlik 1,08 post deməkdir.
Azərbaycanın XİN-in səhifəsinə yeni 1 935 izləyici (17,73% artım) əlavə olunub. Bəyənmələrin ümumi sayı isə 12 849 olub.
Ümumdünya statistikasına gəldikdə, hesabata əsasən, abunəçilərinin sayına görə planetin ən populyar lideri Hindistanın Baş naziri Narendra Modidir (44,7 milyon). İlk onluqda, həmçinin, ABŞ Prezidenti Donald Tramp (26,1 milyon), Pakistanın Baş naziri İmran Xan (9,7 milyon) və Türkiyə Prezidenti Rəcəb Tayyib Ərdoğan (9,2 milyon) yer alır.
Öz növbəsində, ABŞ Prezidenti Donald Tramp son 12 ayda özünün “Facebook” səhifəsində qarşılıqlı əlaqələrin sayına görə reytinqə başçılıq edir.
Qeyd edək ki, tədqiqatın beşinci nəşrində BCW sosial şəbəkələrdəki 721 səhifə və 20 şəxsi profili analiz edib, bunların 448-i “Facebook” komandası tərəfindən yoxlanılıb və təsdiqlənib. Qalan 293 səhifə yoxlanılmayıb, ancaq araşdırma müəllifləri hesab edir ki, onları rəsmi saymaq olar.
Məlumatlar 1 mart 2020-ci ildə BCW, Crowdtangle.com və Klear.com alətlərindən istifadə edərək, qarşılıqlı əlaqələrin, qarşılıqlı əlaqə səviyyəsinin, postların və s. 1 mart 2019-cu ildən 29 fevral 2020-ci ilədək ümumi sayı da daxil olmaqla toplanıb.
Daxili İşlər naziri, general-polkovnik Vilayət Eyvazov Neftçala rayon Dövlət Yol Polis bölməsinə yeni rəis təyin edib.
Unikal.org məlumatına görə, nazirin müvafiq əmrinə əsasən, polis mayoru Əsədov Seymur Əsədağa oğlu Neftçala rayon Polis Şöbəsinin Dövlət Yol Polis bölməsinin rəisi təyin edilib.
O, 2011-2018-ci illər Saatlı rayon polis şöbəsinin DYP bölməsinin rəisi işləyib.
“Azərbaycanda həyata keçirilən sosial-iqtisadi inkişaf proqramlarının uğurlu icrası bütün ölkə vətəndaşlarının, o cümlədən, qaçqın və məcburi köçkünlərin sosial təminatının əhəmiyyətli dərəcədə yaxşılaşmasına səbəb olmaqdadır”.
Bunu “Ölkə.Az”a açıqlamasında millət vəkili Ülvi Quliyev qaçqın və məcburi köçkünlər üçün istifadəyə verilən “QobuPark-3” yaşayış massivinin istifadəyə verilməsinə mövqeyini açıqlayarkən deyib.
Onun sözlərinə görə, Azərbaycan dövləti məcburi köçkünlərin güclü dövlət qayğısı ilə əhatə olunması, sosial müdafiəsinin gücləndirilməsi, mənzil-məişət şəraitinin yaxşılaşdırılması istiqamətində yürütdüyü siyasət uğurla davam etdirilməkdədir:
“Ümumiyyyətli bir fikri qeyd etmək yerinə düşər ki, Azərbaycanda istər qlobal maliyyə-bank, istərə qlobal iqtisadi böhranlar zamanı, istərsə də son pandemiya dövründə sosial və sosialyönümlü proqramlar dayanmayıb və icra olunub. Cənab Prezident də çıxışlarında bəyan edib ki, çətinliklərə baxmayaraq nəzərdə tutulan bütün sosial və sosialyönümlü proqramlar dayandırılamaycaq və bütün layihələr icra olunacaq. Bunu bir daha ölkə başçısının əhalinin sosial problemlərinin həllinə olan diqqətin nümunəsi kimi dəyərləndirmək lazımdır. Biz hər zaman cənab Prezident və Birinci vitse-prezidentin ən çətin günlərdə xalqın yanında olduğunun və ilk növbədə onların sosial problemlərinin həlli istiqamətində zəruri, təxirəsalınmaz addımlar atdığına şahidlik etmişik. Biz bunun pandemiya dövründə də şahidi olduq. Elə məcburi köçkünlər üçün salınan “Qobu Park-3” yaşayış massivi bunun bariz nümunəsidir.
Məhz cənab Prezident İlham Əliyevin bu istiqamətdə həyata keçirdiyi siyasət nəticəsində 300 mindən çox məcburi köçkün bu günə qədər mənzillərlə, fərdi evlərlə təmin olunub. Ümumiyyətlə məcburi köçkünlərin problemləri ardıcıl şəkildə öz həllini tapır. Cənab İlham Əliyev 2003-cü ildə prezident seçkiləri ərəfəsində bəyan etmişdi ki, beş il ərzində Azərbaycanda bir dənə də olsun çadır şəhərciyi qalmayacaq. Cənab Prezident verdiyi sözü 4 il ərzində yerinə yetirdi. Ölkə ərazisindəki bütün çadır şəhərcikləri ləğv olundu, orada yaşayan qaçqın və məcburi köçkünlər hər cür infrastrukturu ilə təmin olunmuş müasir yaşayış massivlərinə köçürüldü. Ötən il məcburi köçkünlər üçün 5 minə yaxın rekord sayda evlər və mənzillər tikildi. 2020-ci ildə isə bu say 7-8 min civarında olacaq. Bu məqsədlə ölkənin müxtəlif ərazilərində məcburi köçkünlər üçün müasir tipli yaşayış massivləri salınır. Tikilən mənzil və evlərə haradasa 40 min məcburi köçkün yerləşdiriləcək. Proses növbəti illərdə də davam edəcək”.
Deputat əlavə edib ki, ölkə başçısı bu istiqamətdə yürütdüyü siyasət məcburi köçkünlərin təkcə mənzil şəraitinin yaxşılaşdırılması ilə bitmir, eyni zamanda onların sosial təminatının yaxşılaşdırılması və məşğulluq fəaliyyəti ilə təmin olunmasını da əhatə edir:
“Odur ki, biz hər il məcburi köçkün və qaçqınların sosial təminatının yaxşılaşdırılması istiqamətində atılan addımların şahidi oluruq. Ötən il köçkünlərə verilən müavinətin həcmi 50 faiz artırılıb. Ümumən indiyədək məcburi köçkünlərin sosial problemlərinin həllinə yönəldilən vəsaitin həcmi bir neçə dəfə, yemək xərcləri üçün müavinət 60 dəfədən çox artırılıb. Ötən müddət ərzində qaçqın və məcburi köçkünlərə 3 milyard manatdan artıq vəsait xərclənib. Dövlət büdcəsindən və Dövlət Neft Fondundan ayrılmış vəsaitlər hesabına qaçqınların və məcburi köçkünlərin sosial müdafiəsi ilə bağlı ayrılan vəsaitin həcmi artır.
Son illərdə məcburi köçkünlər üçün ən müasir və geniş hərtərəfli infrastrukturun yaradıldığı Qobu park yaşayış komplekslərinin inşası xüsusi əhəmiyyət kəsb edir. Ötən dövrdə “Qobu Park-1” yaşayış kompleksində 1026 ailə evlə təmin olunub, “Qobu Park-2” yaşayış kompleksində isə 1300 ailə mənzillə təmin olunub. İndi isə “Qobu Park-3” yaşayış kompleksi istifadəyə verildi və burada mindən artıq ailənin mənzil problemi öz həllini tapdı. “Qobu Park-3” yaşayış kompleksi qaçqın və məcburi köçkünlər üçün salınmış sayca 111-ci qəsəbədir. “Qobu Park-3” yaşayış massivi bir sıra cəhətlərinə görə, digərlərindən fərqlənir. İlk dəfə olaraq məcburi köçkün şəhərciyində insanların məşğulluğunun təmin edilməsi məqsədi ilə istehsal və emal müassisələri yaradılacaq, kiçik bizneslə məşğul olmaq istəyənlərə isə imkanlar yaradılcaq. Bu məqsədlə Kiçik və Orta Biznesin İnkişafı Agentliyinin və Qaçqınların və Məcburi Köçkünlərin İşləri üzrə Dövlət Komitəsinin birgə əməkdaşlığı çərçivəsində biznes-layihələr həyata keçiriləcək. Biznes layihələr əsasında yumşaq, plastik oyuncaqlar, tekstil məhsullarının, sterilizə olunmuş tibbi ləvazimatların, tibbi heyət üçün üst geyimləri və kombinezonlar istehsal edəcək müəssisələr yaradılacaq. Burada həmçinin “Xarı bülbül” xalçaçılıq və naxış emalatxanası da fəaliyyət göstərəcək. Emalatxanada hədiyyəlik xalçaların, Qarabağın maddi-mədəni irsinə aid zərgərlik nümunələrinin hazırlanması da planlaşdırılır. Şəhərcikdə o cümlədən, uşaqlar üçün ustad dərslərinin, rəsm dərnəyinin və xarici dil kurslarının təşkili də nəzərdə tutulur.
Bu müəssisələrdə çalışacaq işçi heyətin 80 faizi “Qobu Park 3”-ün sakinlərindən, digərləri isə Qaradağ rayonu ərazisində yaşayan məcburi köçkünlərdən formalaşdırlaşdırılması nəzərdə tuutlur. Layihələrin əsas məqsədi məcburi köçkünlərin məşğulluğunun artırılması, sosial rifah halının daha da yaxşılaşdırılmasıdır.
Digər mühüm cəhət isə məcburi köçkün şəhərciklərinin salınmasında özəl tikinti şirkətlərinin iştirakıdır. Hansı ki, ölkə başçısı da bunu yüksək qiymətləndirib. Cənab Prezident çıxışında bildirdi ki, özəl sektorun belə layihələrdə iştirakı çox sevindirici haldır. “Paşa Holdinq” şirkətinin istər indiki pandemiya dövründə, istərsə də bütün dövrlərdə sosialyönümlü layihələri doğrudan da təqdirəlayiqdir. Çünki koronavirus şəraitində “Paşa Holdinq” şirkəti və digər özəl şirkətlər ehtiyacı olan insanlara dəstək oldular. İnanırıq ki, gələcəkdə bu prosesə başqa şirkətlər də qoşulacaqlar.
Bir məqamı da xüsusi ilə diqqətə çatdırmaq və vurğulamaq lazımdır ki, belə sosial layihələrin reallaşmasında Azərbaycanın Birinci vitse-prezidenti Mehriban xanım Əliyevanın da müstəsna rolu var. Məhz onun bu sahəyə yetirdiyi diqqət, qayğı nəticəsində bir sıra problemlər zamanında və təxirə salınmadan həyata keçirilir.
Yekun olaraq onu demək olar ki, Azərbaycan Prezidenti və Birinci vitse-prezidentin yürütdüyü siyasət nəticəsində digər sahələrdə olduğu kimi, məcburi köçkünlərin sosial problemlərinin həlli istiqamətində qarşıda duran bütün məsələlər öz həllini tapmaqdadır və bundan sonra da həllini tapacaq. Çünki qaçqın və məcburi köçkünlər hər zaman Prezident və Birinci vitse-prezidentin diqqət və qayğısı ilə əhatə olunub. Onların problemlərinə həssaslıqla yanaşılıb. Prezident və Birinci vitse-prezident mütəmadi olaraq bu qrupdan olan insanlarla görüşür, onların problemlərini dinləyir, onlara ən yüksək səviyyədə qayğı göstərir. Bu diqqət və qayğını daim öz üzərində hiss edən məcburi köçkünlər tezliklə doğma yurda qayıdacaqları günün uzaqda olmadığına əmindirlər”.
28 may – Respublika günündə millət vəkili Cavanşir Feyziyev seçiciləri ilə görüşüb.
Turan qəsəbə sakinləri deputata gündəlik həyat qayğılarından danışıblar. Qəsəbə sakinləri xüsusi karantin rejimində dövlət tərəfindən atılan addımları dəstəklədiklərini, operativ qərargah tərəfindən qoyulan məhdudiyyətlərə əməl olunduğunu və nəticədə qəsəbədə heç kimin Covid-19 virusuna yoluxmadığını bildiriblər.
Pandemiya ilə bağlı görülən tədbirlər və aztəminatlı ailələrə göstərilən yardımlar və onların ictimai işlərə cəlb olunması ilə bağlı vəziyyət də görüşdə müzakirə olunub. Turan sakinləri ölkə başçısına minnətdarlıqlarını ifadə ediblər. Seçicilərlə görüşdə Turan qəsəbə İcra nümayəndəsi və Turan bələdiyyəsinin sədri də iştirak edib.
Prezident İlham Əliyev “Dövlət satınalmaları haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 2002-ci il 29 yanvar tarixli 668 nömrəli Fərmanına dəyişiklik edilməsi və dərman vasitələri istehsalının stimullaşdırılması ilə bağlı əlavə tədbirlər haqqında Fərman imzalayıb.
Fərmana əsasən, istehsal prosesinin qablaşdırma mərhələsi Azərbaycan Respublikasının ərazisində həyata keçirilən dərman vasitələri 2020-ci il iyunun 1-dən 5 il müddətinə “Dövlət satınalmaları haqqında” qanuna uyğun olaraq güzəştli düzəlişin tətbiqi məqsədilə yerli mal hesab ediləcək.
Qeyd edək ki, “Dövlət satınalmaları haqqında” qanuna edilən dəyişikliyə əsasən, güzəştli düzəliş qeyri-neft məhsullarının istehsalı sahəsində investisiyaların stimullaşdırılması məqsədilə müvafiq icra hakimiyyəti orqanının müəyyən etdiyi orqan (qurum) tərəfindən müəyyən olunan istehsal prosesinin hər hansı mərhələsi Azərbaycan Respublikasının ərazisində həyata keçirilən mallara da şamil edilir.
Prezident, Silahlı Qüvvələrin Ali Baş Komandanı İlham Əliyevin diqqət və qayğısı sayəsində Azərbaycan Ordusunun şəxsi heyətinin xidməti, sosial-məişət şəraitinin yaxşılaşdırılması, sağlamlığının qorunması istiqamətində məqsədyönlü tədbirlər həyata keçirilir, hərbi hissələrin maddi-texniki bazası gücləndirilir, müasir standartlara cavab verən hərbi infrastruktur yaradılır.
Müdafiə Nazirliyindən verilən məlumata görə, hərbi tibb müəssisələrində həyata keçirilən tikinti-quruculuq işlərinin davamı kimi Silahlı Qüvvələrin Baş Klinik Hospitalının üçüncü müalicə korpusunun açılış mərasimi keçirilib. Tədbirdə iştirak edən Müdafiə naziri general-polkovnik Zakir Həsənov və nazirliyin digər rəhbər heyəti istifadəyə verilən müalicə korpusunda yaradılan şəraitlə tanış olublar.
Müdafiə Nazirliyi Tibb Baş İdarəsinin rəisi general-mayor Natiq Əliyev Müdafiə nazirinə məruzə edib ki, üç mərtəbədən və bir zirzəmidən ibarət müalicə korpusunun ümumi sahəsi 4000 kvadratmetrdir. Burada stomatoloji və oftalmoloji kabinetlər, manipulyasiya, qan götürmə, reanimasiya, növbətçi həkim, oksigen, dezinfeksiya, sterilizasiya, eləcə də digər xidməti və inzibati otaqlar, laboratoriya, yeməkxana, qazanxana, camaşırxana və müalicə alanların reabilitasiyası üçün nəzərdə tutulmuş idman zalı mövcuddur.
Bildirilib ki, dünyanın qabaqcıl ölkələrində istehsal olunan tibbi avadanlıqlarla təchiz edilən şöbədə hərbi qulluqçuların müalicəsi üçün hər cür şərait yaradılıb. Müalicə korpusunda yaradılan şəraitlə tanış olduqdan sonra Müdafiə naziri Tibb Baş İdarəsinin rəhbərliyi qarşısında tibb xidmətinin daha da təkmilləşdirilməsi ilə bağlı müvafiq tapşırıqlar qoyub.