 |
 |
Qaxda ikinci dəfə xəstəxanaya gətirilən şəxs dünyasını dəyişib.
“Qafqazinfo” xəbbər verir ki, 1970-ci il təvəllüdlü Qax rayon Qaxbas sakini Anar Fazil oğlu Bayramov iyunun 15-də səhhəti ilə bağlıQax rayon Mərkəzi Xəstəxanasının reanimasiya şöbəsinə daxil olub. Elə həmin gün axşam saatlarında isə öz istəyilə xəstəxananı tərk edin. Ötən gecə axşam saatlarında A.Bayramov yenidən təcili tibbi yardım şöbəsinin əməkdaşları tərəfindən xəstəxanaya gətirilib. Xəstə xəstəxanya daxil olduqdan bir qədər sonra dünyasını dəyişib.
Faktla bağlı araşdırma aparılır.
Bu gün Bakı şəhəri Yasamal rayonu Dadaş Bünyadzadə küçəsində ana və qızının özlərini yaşadıqları binanın 10-cu mərtəbəsindən atması hadisəsi ilə bağlı dəhşətli təfərrüatlar üzə çıxıb.
Publika.az-ın məlumatına görə, hadisədən bir neçə dəqiqə əvvəl “Respublika” qəzetinin baş redaktor müavini İsmayıl Abdullayev qızı ilə birgə alış-verişdən gəlib.
Bir neçə torbanı yaşadıqları evə qaldıran Xədicə Abdullayeva heç kimin gözləmədiyi halda qəfil özünü pəncərədən atıb. Qonşuların bildirdiyinə görə, hadisə vaxtı məhəllədə Hacı adı ilə tanınan jurnalist İsmayıl Abdullayev də evdə olub. Sakinlər hadisə yerində vəfat edən Xədicənin üstünü pərdə ilə örtmək istəyərkən onun anası Rübabə Abdullayevanın da özünü atdığını görüblər.
Qadın qızının yanında yerə düşərək hadisə yerində keçinib. Məlumata görə, intihar edən Xədicə Abdullayeva ailəli olub və 5 yaşlı qızı varmış. O bir müddət imiş ki, müalicə alırmış və bu məqsədlə Gürcüstanda və İsraildə xəstəxanalarda olub. Sinir xəstəliyindən əziyyət çəkən X.Abdullayeva bu günlərdə yeni müalicə kursu götürübmüş. Onun anası Rübabə Abdullayevada isə son vaxtlar onkoloji xəstəlik aşkarlanıbmış. Xəstəlik səbəbindən qadında psixoloji sarsıntılar müşahidə edilirmiş. O, son vaxtlar əsasən rayonda olsa da, müalicəsi ilə əlaqədar Bakıya gəlibmiş.
Sakinlər onu da bildiriblər ki, İ.Abdullayev yaşadığı binada qızı və oğlu üçün ayrı-ayrı mənzillər alıb və onlar ayrılıqda yaşayıb. Vəfat edən ana və qızının dəfn mərasimi Goradildə keçiriləcək.
Qeyd edək ki, hadisə vaxtı X.Abdullayevanın həyat yoldaşı Bakıda olmayıb. Ona xəbər yolda, yəni paytaxta gələrkən verilib. Mərhumun 5 yaşlı qızı isə hadisə vaxtı bağçada olub.
Faktla bağlı cinayət işi açılıb. Araşdırma aparılır.
Görkəmli professor, filologiya elmləri doktoru Nizaməddin Şəmsizadə xəstəxanaya yerləşdirilib.
Professeron qızı Ayfər Nizaməddinqızı “Ölkə.Az”a bildirib ki, atası evdə əlil arabasından yıxılaraq başından çox ciddi zədə alıb. Bunun nəticəsində beyninə qan sızan professor Sumqayıt təcili tibbi yardım xəstəxanasının reanimasiya şöbəsinə yerləşdirilib. Ağır xəsarət nəticəsində danışıq qabiliyyətini və yaddaşını itirən Şəmsizadə 3 gündən sonra 1 saylı Şəhər Kliniki Xəstəxanasına (Semaşko) yerləşdirilib.
Bir müddət sonra professorun nitqi düzəlib, yaddaşı normallaşıb. Hazırda onun vəziyyəti qənaətbəxş olsa da, hələ də ağır olaraq qalır.
Qeyd edək ki, şəkər xəstəliyindən əziyyət çəkən Nizaməddin Şəmsizadənin keçən il sol ayağı buddan amputasiya edilmişdi.
Bakıda həyat yoldaşını öldürməyə cəhd göstərmiş şəxsin barəsində açılan cinayət işinin ibtidai istintaqı yekunlaşıb.
News24.az-ın məlumatına görə, Binəqədi Rayon Prokurorluğunda Rzayev Zaur Ağahüseyn oğlu barəsində Cinayət Məcəlləsinin 29.120.2.4-cü, yəni . xüsusi amansızlıqla və ya ümumi təhlükəli üsulla adam öldürməyə cəhd maddəsi ilə açılan işin materialları Bakı Ağır Cinayətlər Məhkəməsinə göndərilib. İş hakim Azad Məcidovun icraatına verilib.
Qeyd edək ki, Hadisə paytaxtın Binəqədi rayonu, Rəsulzadə qəsəbəsində yerləşən “Stil” gözəllik salonunda qeydə alınıb.
Bakı şəhər sakini, 1974-cü il təvəllüdlü Rzayev Zaur Ağahüseyn oğlu adı çəkilən gözəllik salonunda işləyən, keçmiş arvadı, 1978-ci il təvəllüdlü Rzayeva Aynur Osman qızını bıçaqlayıb. A.Rzayeva çoxsaylı bıçaq xəsarətləri ilə xəstəxanaya yerləşdirilib.
Keçirilən əməliyyat tədbirləri nəticəsində hadisəni törətməkdə şübhəli bilinən Z.Rzayev saxlanılıb.
Məzunların valideynləri və yaxınları tədbirə buraxılmadı
G.Əsgərova adına 200 nömrəıi tam orta məktəbdə keçirilən “Son zəng” mərasiminə məzunların valideynləri və yaxın qohumıarı buraxılmır.
Bizimyol.info xəbər verir ki, bir çox valideyn və məzunlarən yaxın qohumları qapıdan buraxılmayıb və onlar övladladının “Son zəng” mərasimini məktəbin barmaqlıqları arxasından izləməli olublar.
Məktəbin barmaqlıqlarını aşmaq istəyənlər isə polis müdaxiləsi ilə üzləşiblər.
Dünən axşam saatlarında “Bakı Metropoliteni”nin “Elmlər Akademiyası” stansiyasında intihara cəhd hadisəsi qeydə alınıb.
Hüquq-mühafizə orqanlarından Oxu.Az-a verilən məlumata görə, dünən 17:35 radələrində Biləsuvar rayon sakini, 2001-ci il təvəllüdlü N.M. intihar məqsədilə özünü qatarın altına atmaq istəyib.
Stansiyada xidmət aparan polis əməkdaşları tərəfindən intihara cəhdinin qarşısını alınıb.
Aparılan araşdırmalar zamanı N.M.-nın sevdiyi oğlanla mübahisə etdikdən sonra bu addımı atmaq istədiyi müəyyənləşib.
Bakı metrosunda intihara cəhd – Sevdiyi oğlana görə
Bakının Sabunçu rayonunda silahlı insident olub.
APA xəbər verir ki, hadisə Bakıxanov qəsəbəsində törədilib.
İlkin məlumata görə, Suraxanı rayonu, Əliheydər Qarayev küçəsində qeydiyyatda olan 1972-ci il təvəllüdlü Məmmədov Ramiz Hümbət oğlu güllələnib. Belə ki, həmin şəxs mübahisə zamanı avtomobilindəki odlu silahı götürərək R.Məmmədova ağır xəsarətlər yetirib.
Verilən məlumata görə həkimlərin bütün səylərinə baxmayaraq, onun həyatını xilas etmək mümkün olmayıb. Məmmədov Ramiz Hümbət oğlu xəstəxanada dünyasını dəyişib.
Bakının Sabunçu rayonu ərazisində baş vermiş silahlı insidentlə bağlı bəzi təfərrüatlar məlum olub. Məlumatına görə, Ramiz Məmmədov öz qaynı Rauf Həsənov tərəfindən odlu silahla qətlə yetirilib.
Artıq Sabunçu rayon Prokurorluğunun istintaq qrupu hadisənin baş verdiyi Bəşir Bünyadov küçəsindədir və ərazidə müayinələr aparılır. R.Məmmədovun güllələndiyi yerdən cinayətdə istifadə olunmuş odlu silahın gilizləri də aşkar edilib.
Onu da qeyd edək ki, qətli törətməkdə şübhəli bilinən R.Həsənov “Hozu” ləqəbi ilə tanınırmış.
Məlumata görə, R.Məmmədov Bakıxanov qəsəbəsi ərazisində fəaliyyət göstərən 113 və 84 saylı xətt marşrutlarının sahibi olduğu deyilir.
Odlu silahla yeznəsi qətlə yetirən şəxs saxlanılıb.
“Hozu” ləqəbli Rauf Həsənov Sabunçu RPİ-nin 12-ci Polis Bölməsinin əməkdaşları tərəfindən saxlanılaraq rayon Prokurorluğuna təhvil verilib.
Cinayət işi üzrə istintaq araşdırmaları davam etdirilir.
Qusar rayonu ərazisində ana və yeni doğulan uşağın meyiti tapılıb.
APA-nın şimal bürosunun verdiyi məlumata görə, hadisə rayonun Suvacal kəndində qeydə alınıb.
Kənd sakini 27 yaşlı Ema Ağamuradova yaşadığı evin ərazisində uşaq dünyaya gətirdikdən sonra ölüb. Onun və dünyaya gələn uşağın meyiti aşkarlandıqdan sonra hüquq-mühafizə orqanlarına məlumat verilib.
Uşağın dünyaya ölü gəldiyi bildirilir.
Faktla bağlı Qusar rayon prokurorluğunda araşdırmalar davam etdirilir.
“Semaşko”da xəstəni qohumları xadiməni döyüblər.
“Qafqazinfo”nun verdiyi xəbərə görə, Bakının Nəsimi rayonunda yerləşən 1 saylı şəhər klinik xəstəxanasının toksikologiya şöbəsində xadimə işləyən 1968-ci il təvəllüdlü Əliyeva Güləbatın Allahverdi qızı iş vaxtı orada xəstə yanına gəlmiş naməlum şəxs tərəfindən döyülüb.
Faktla bağlı Nəsimi Rayon Polis İdarəsində araşdırma aparılır.
Ermənistanın işğal bölgəsindəki ordusu növbəti dəfə itki verib.
Musavat.com bununla bağlı erməni mediasına istinadən xəbər verir. Məlumata görə, 20 yaşlı erməni hərbçi məhv edilib.
Qeyd edilir ki, iyunun 13-də, saat 17.05 radələrində 1999-cu il təvəllüdlü Artem Vazgenoviç Xaçatryan ölümcül güllə yarası alıb.
Qeyd edək ki, son günlər sosial şəbəkələrdə Azərbaycana qarşı təxribat törətmək istəyən üç erməni hərbçinin məhv edildiyi xəbəri yayılmışdı.
Hətta bunu təsdiqləyən videokadrların da olduğu bildirilir. Güman olunur ki, işğalçı tərəf xalqın narazılığının qarşısını almaqdan ötrü itkiləri gizlədir.