Asif müəllim, Qlobal pandemiya elan olunmuş koronavirus infeksiyasının yayılmasının qarşısını almaq məqsədilə bu gün ölkəmizdə dövlət və cəmiyyət tərəfindən həyata keçirilən tədbirləri necə qiymətləndirirsiniz? Özünütəcrid və “evdə qal” kampaniyaları ilə bağlı vətəndaşlarımıza nələri çatdırmaq istərdiniz?

Koranavirus İnfeksiyasının qlobal pandemiya elan olundugu vaxtan bəri Azərbaycanda  həmn istər dövlət, hökümət tərəfindən, istər eyni zamanda  cəmiyyətin özünün müxtəlif təbəqələri  və strukturları tərəfindən bir çox  qabaqlayıcı mübarizə tədbirləriniə  start verilb. Burada Azərbaycan dövlətinin,  xüsüsən də cənab Prezidentin  bu işə cox mobil şəkildə reaksiyası, höküməti  bu işə səfərbər etməsi və atdığı adımlar həqiqətən də  cəmiyyət tərəfindən yüksək qiymətləndirilməkdədir. Başqa ölkələrin nümünəsində biz gördük ki, məsələn avropa ölkələrində bu işə bir qədər  ciddi yanaşmamaları ağır nəticələrə gətirib cıxartdı. Amma Azərbaycan cəmiyyətində bunun qarşısının alması istiqamətində, dövlətin atdığı addımlar – qısa bir vaxtda Operativ Qərargahın yaradılması, dövlətin, hökümət  üzvlərinin bu işə cəlb olunması, Operativ Qərargahın aldığı qərarlar, atılan digər addımlar təbi ki, bu sahədə bizim ölkədə bu infeksiyanın  geniş yayılmasının qarşısının alınmasının efektivliyini artırdı. Mən xüsusulə onu qeyd  edə bilərəm ki, “Evdə qal” və sosial izolyasiya  baxımından  atılan addımlar öz efektivliyini  verir. Məsələn hakimiyyət tərəfindən qısa vaxtda təhsil müəssələrinin bağlanması, bununla bağlı onlayn təhsilə kecilməsi,  eyni zamanda dövlət strukturlarının,  digər sahələrdə işləyən işcilərin  fəaliyyətinin qayandırılması  və izolyasiya olunması, yalnız həyati əhəmiyyəti olan müəssələrin fəaliyyətlərinə icazənin verilməsi, eyni zamanda  dövlət tərəfindən  ehtiyacı olan insanlara sosial  yardım göstərilməsi üzrə  tədbirlər planının hazırlanması diqqətə layiq hal oldu. Dörd istiqamət üzrə işci qrupların  yaradılması və hər bir işci qrup tərəfindən  özəl sektorda  müxtəlif sahələri əhatə edən,  eyni zamanda zərər cəkmiş sahələrdə olan insanların müəyyənləşdirilməsi və onlara  dövlət yardımının göstərilməsi, hökümət tətəfindən  qısa bir vaxtda  koronavirusa   qarşı mübarizə fondunun yaradılması  və cənab Prezident tərəfindən  2,5 milyarda yaxın vəsaitin  pandemiya ilə mübarizə məqsədlərinə  ayrılması  cox böyük yanaşmadı. Təsəvvür edin ki, başqa ölkələrlə müqayisədə  ayrılan vəsait ümumi  daxili məhsulun 3 faizindən də  artıq məbləğ  təşkil etdi. Başqa ölkələrdə 1, 2 faiz təşkil etdiyyi halda,  Azərbaycanda 3 faizdən də artıq göstərməsi  zərər görmüş insanlara, özəl və digər strukturlara, fəaliyyəti məhdudlaşdırılmış digər sahələrin insanlarına qayğının göstəricisidir.

Vətəndaşlarımızın böyük əksəriyyətinin sosial izolyasiya ilə bağlı məsələlərə ciddi yanaşmalarına rəğmən, təəssüf ki, bəzi insanlarımızın qaydaları bilərəkdən və ya bilməyərəkdən pozduqları hallar da var. Amma bunlar az bir qismidir. Cəmiyyətimizin həmrəylik nümayiş etdirməsi, birlik  nümayiş etdirməsi təqdirəlayiq  haldır. İnsanlarımıza bir daha səslənib  deyirik ki, evdə qalmaqla  əzizlərinizi uşaqlarınızı, insanları qorumuş olursuz. Eyni zamandada cəmiyyətimizə sağlamlıq ücün dəstək vermiş olursuz.

Ölkə Prezidenti cənab İlham Əliyevin VI çağırış Milli Məclisin açılış sessiyasındakı çıxışında, eləcə də Novruz bayramı münasibətilə Azərbaycan xalqına ünvanladığı təbrik çıxışında ölkədə yeni siyasi dövrün başlanması, siyasi partiyaların dövlətçilik mövqeyindən çıxış etməli olduqları və iqtidar-müxalifət dialoqunun formalaşmasının zəruriliyi ilə bağlı söylədiyi fikirlərindən sonra ölkədə fəaliyyət göstərən siyasi partiyaların fəaliyyəti, eyni zamanda Prezident Administrasiyasında yeni yaradılmış “Siyasi partiyalar və qanunvericilik hakimiyyəti ilə əlaqələr” şöbəsinin fəaliyyətini necə qiymətləndirirsiniz?                                                                                                                                  

Cənab Prezidentimizin  yeni secilmiş  VI cağrış Milli Məclisin ilk acılış iclasında  söylədiyi fikirlər, o cümlədən Azərbaycanda yeni siyasi mühitin, siyasi eranın yaranmasını elan etməsi, Azərbaycanda bütün  müxalif qüvvələrə, bütün siyasi partiyalara müraciət etməsi və onları həmrəyliyə dəvət etməsi cox böyük bir jestdir,  syasi iradənin ortaya qoyulmasıdır. Maraqlıdır ki, cənab Prezidentimiz bununla da  Azərbaycanda siyasi partiyalarla dövlətin, hökumətin əməkdaşlığının  yüksək səviyyədə olduğunu göstərdi. Dövlət başçısı bu müraciətində də, Novruz bayramında  xalqa müraciətində də bir daha bu fikri səsləndirdi ki, Azərbaycan dövləti siyasi partiyaları özünə düşmən yox, tərəfdaş  görür, əməkdaşlıq partnyoru görür və cəmiyyəti maraqlandıran   istənilən sahələrdə əməkdaşlıq etməyə, onların fikirlərini dinləməyə hər zaman hazırdır. Azərbaycanda ilk dəfə olaraq Prezident Administrasiyasında Siyasi partiyalar və qanunvericilik hakimiyyəti ilə əlaqələr  şöbəsini yaradılması  özü də əyani nümunədir ki, dövlət siyasi partiyalarla,   qanunverici  hakimiyyətdə təmsil olunan  bütün siyasi qüvvələrlə əməkdaşlığa  hazırdır.

 

Yeni formalaşmış Milli Məclisin rəhbər heyətində bütün mandat qazanmış siyasi partiyaların təmsil olunmasını necə qiymətləndirirsiniz? Qanunvericilik hakimiyyətinin gələcək fəaliyyətini necə görürsünüz?

Yeni formalaşmış  Milli Məclisin  rəhbər heyətində bütün mandat qazanmış siyasi partiyaların təmsil olunması böyük nailiyyətdir. Baxın, ilk dəfə olaraq Azərbaycanda parlament rəhbərliyində,  sədarətində  müxalif partiyanın nümayəndəsinin kürsü tutması,  komitə sədri olması, bir cox partiya nümayəndələrinin komitə sədrlərinin müavini  vəzifəsi tutması  bir daha onu göstərir ki, Milli Məclisin  gələcək fəaliyyətində   səmərəli şəkildə qarşılıqlı əməkdaşlıq  hökm sürəcək.

Aprel ayının 6-da Ölkə Prezidenti cənab İlham Əliyevin tapşırığına əsasən Sumqayıt Kimya Sənaye Parkında tibbi maska istehsalı müəssisəsinin yaradılmasının əhəmiyyətini, eləcə də dövlət başçımız tərəfindən növbəti humanist addım olaraq 65 yaşdan yuxarı məhbusların azadlığa buraxılmaları barədə verdiyi qərarını necə qiymətləndirirsiniz?

Qısa bir vaxtda dövlət  başcısının  bu işə  ciddi şəkildə yanaşması,  hökumətə verdiyi  tapşırıqlar əsasında  Sumqayıt Kimya Sənaye Parkında müasir standartlara  uyğun tibbi maska istehsalı müəssəsisi açıldı. Keyfiyyətli avadanlıqların alınması, xammalın gətirilməsi, Azərbaycanda bu gün daxili tələbatı ödəyəcək,  eləcə də gələcəkdə başqa ölkələrə ixracı nəzərdə tutan belə bir zavodun acılması həqiqqətən də dövlət başcısının  hökumət qarşısında qoyduğu vəzifələri hökumətin də  qısa bir vaxtda çox səmərəli və operativ şəkildə  həyata kecirməsinin nümayişi oldu. Eynu zamanda bir daha  cənab Prezidentimiz  insanlarımıza  qayğının əsas prioritet istiqamət   olduğunu göstərdi. Eyni zamanda 65 yaşdan  yuxarı insanların, risk qrupunda olan insanların qorunması, təkcə evdə oturan  insanların deyil,   yəni məhbus  həyatı yaşayan  insanların da azad olunması barəsində  verdiyi sərəncamı  həqiqqətən də dövlət başçımızın humanist bir insan  olduğunu və humanist  addım atmağa hər  zaman hazır olduğunu  göstərir. Cənab Prezident hər zaman özünün hümanist siyasətilə bir örnək olub. Dövlət başçımızın  qayğısı bütün vətəndaşların sağlam yaşam mühitinin qarantı kimi  qiymətləndirilməlidir.                                                                                                                                                                                                                                           Dilqəm Əliyev                                                                                                                                                                                                                                                          Gununxeberiaz

Millət vəkili Baş Nazirdən rayonda yeni Məktəblərin  və Uşaq bağçalarının tikilməsin , eləcə də bir çoxunun təmir edilməsini xaiş edir 


Milli Məclisin bu  gün keçirilən iclasında çıxış edə bilməyən Məşhur Məmmədov yazılı şəkildə qeydlərini Baş Nazirin diqqətinə çatdırıb.
 
Deputatın yazılı müraciətini təqdim edirik:
 
"Hörmətli Baş Nazir!
 
Bildirmək istəyirəm ki, ümumilikdə 2019-cu il Azərbaycan üçün uğurlu il olub. İqtisadi və sosial sahələrdə cənab Prezident İlham Əliyevin rəhbərliyi ilə çox böyük işlər görülüb. Ümumilikdə götürdükdə qeyri -neft sektorunun davamlı inkişafı istər sənayedə , tikinti sektorunda, inşaat sektorunda, istərsə də kənd təsərüfatında , turizimdə öz dinamik artımını göstərir. Sosial sahədə isə cənab Prezident tərəfindən atılan addımlar bütün əhalinin sosial təminatını daha da yaxşılaşdırıb. Bütün bunları nəzərə alaraq Nazirlər Kabinetinin fəaliyyəti qənaətbəxş hesab edilməlidir.
 
Əminliklə deyə bilərik ki, 2020 –ci ilin ilk aylarında da eyni templə inkişaf gedirdi. Bütün dünyada baş verən koronavirus pandemiyasının və neftin qiymətinin iki dəfədən çox aşağı düşməsi dünya iqtisadiyatına təsirsiz ötməyəcək. Azərbaycanın bu təsirlərdən daha az zərərlə çıxacağına əminik. Cənab prezidentimiz və Nazirlər Kabinetinin atdığı addımlar sayəsində, dövlətimiz iqtisadiyatın dəyanığlı inkişafını təmin edəcək.
 
Bir millət vəkili kimi mən də bəzi təklifləri verirəm və bunların nəzərə alınmasını arzu edirəm: İndiki şəraitdə ölkədə iqtisadi amnistiyanın verilməsi. Bu dövrüyə əlavə pul kütləsinin daxil olmasına, ölkə daxili investisiyanın artırmasına, yeni iş yerlərinin açılmasına, büdcəyə əlavə vəsaitlərin daxil olunmasını təmin edəcək. Bildiyiniz kimi Azərbaycanda təşviq sənədi qəbul edilib. Bu təşviq sənədinə görə ölkəyə gətirilən avadanlıqlar müraciət edilib təşviqi sənədi aldığı halda gömrük rüsumundan və əlavə vergi dəyərindan azaddır. Təklif edirəm ki, ümumiyyətlə Azərbaycana idxal olan avadanlıq və qurğular bütövlükdə əlavə dəyər vergisi və rüsumdan azad olsun. Bu ümumilikdə qeyri neft sektoruna, investisiya artmasına səbəb olar, həmçinin bəzi bürokratik sənədləri aradan qaldıra, bütün sahibkarlar üçün əlçatan edər.
 
Masallı rayonu həmişə cənab Prezident İlham Əliyevin diqqət və qayğısı ilə əhatə olunub. Rayonda son illərdə çox böyuk quruculuq və abadlıq işləri görülüb. Rayonda yollar çəkilmiş, məktəblər tikilmiş, rayon xəstəxanası əsaslı təmir olunub. Rayonda ASAN xidmətinin yeni binasının tikilməsi, Masallı Yeni Sənaye Məhəlləsinin salınması və tikilib istifadəyə verilməsi Masallıya külli miqdarda investisiyanın qoyulmasıdı. Həmçinin yeni iş yerlərinin açılması və insanların sosial həyatının yaxşılaşması deməkdir. Bildiyiniz kimi, mən 70 saylı Massalı seçki dairəsinin millət vəkili seçildiyim üçün Masallı rayonunun seçicilərin istək və arzularının, rayon problemlərinin Sizə çatdırılması üçün ,bəlkə də əlverişli zaman deyil , çünki dünyada baş verən problemlər daha vacıb olduğu üçün , bu məsələlərin arxa plana keçməsi daha doğrudur.
 
Buna baxmayaraq seçicilərin bəzi istək və arzularını Sizə çatdırmmaq istəyirəm. Şərəfə kənd tam orta məktəbi 1921-ci ildə Masallı rayonunda fəaliyyətə başlamış ilk məktəbdir. 1986-cı ildə kənddə birtipli layihə əsasında 640 şagird yerlik məktəb binası tikilərək istifadəyə verilib. Şərəfə kənd tam orta məktəbinin binası tikildiyi vaxtdan bəri əsaslı təmir edilmədiyindən 619 şagirdin təhsil aldığı məktəb binasının əsaslı təmirinə ehtiyac vardır. Bu barədə rayon İcra hakimiyyətinə kənd sakinləri tərəfindən dəfələrlə şox saylı müraciətlər olunub.
 
2021-ci ildə Şərəfə kənd tam orta məktəbinin yaranmasının 100 ili tamam olur. Bu münasibətlə məktəb binasının əsaslı təmir olunması kənd sakinlərinə, həmçinin məktəb kollektivinə böyük tövhə olardı. Qeyd olunanları nəzərə alaraq 2021-ci ildə 640 şagird yerlik Şərəfə kənd tam orta məktəbinin binasının əsaslı təmir olunmasına aidiyyəti üzrə müvafiq tapşırıq verməyinizi xahiş edirəm. Masallı rayonunda bağça yaşlı uşaqların sayı 21983 nəfər təşkil edir. Rayonda 5-i şəhər , 1-i qəsəbə,12-si kənddə olmaqla fəaliyyət göstərən 18 məktəbəqədər təhsil müəssisəsində 1020 uşaq tərbiyə alır ki, bu da rayon üzrə bağça yaşlı uşaqların 4,6%-ni təşkil edir. 18 məktəbəqədər təhsil müəssisəsinin bina vəziyyəti ilə bağlı bildiririk ki, 4 məktəbəqədər təhsil müəssisəsi üçün yeni bina tikilmiş, 4-ü isə əsaslı təmir edilib. Digər 3-nün yeri binaya, 2-si (Şəhər 1 saylı, Həsənli uşaq bağçaları) qəzalı, 1-i uyğunlaşdırılmış (Şərəfə uşaq bağçası), 7-sinin (Şəhər 4 saylı, Hişkədərə kənd körpələr evi-uşaq bağçaları, Ərkivan qəsəbə, Təzə Alvadı, Xırmandalı, Mahmudavar, Viləş kənd uşaq bağçaları) isə əsaslı təmirə ehtiyacı var və uşaqların sayına nisbətənə bağçaların sayı az olduğuna görə təzə uşaq bağçalarının tikintisinə planlaşdırılmasını nəzərdə tutardız.
 
Masallı rayonunda 1 şəhər, 2 qəsəbə və 100 kənd olmaqla 95 ümumtəhsil müəssisəsində 30413 şagird təhsil alır. Azərbaycan Respublikasının Prezidenti cənab İlham Əliyevin təhsil sahəsində göstərdiyi diqqət və qayğının nəticəsində Masallı rayonunda 53 məktəb binası tikilib və ya əsaslı təmir olunub.  
 
Rayonda hələ də uyğunlaşdırılmış binada yerləşən 8 məktəb qəzalı vəziyyətdə olmaqla 26 məktəbin yeni binasının tikintisinə, eyni zamanda bir tipli layihə əsasında tikilmiş 15 məktəbin əsaslı təmirinə ciddi ehtiyac vardır. Valideyinlər, müəllimlər və şagirdlər tərəfindən bu məsələ ilə əlaqədar davamlı ciddi müraciətlər olur. Tikintiyə ehtiyac olan məktəblərdə 6529 şagird, əsaslı təmirə ehtiyac olan məktəblərdə 6438 şagird təhsil alır ki, bu da Masallı rayonunda təhsil alan ümumi şagirdlərin 42,6% təşkil edir. Qeyd olunanları nəzərə alaraq 26 məktəb üçün yeni binanın tikintisinə və 15 məktəbin əsaslı təmir olunmasına aidiyyəti üzrə müvafiq tapşırıq verməyinizi xahiş edirəm.
 
2014-cü ildən başlayaraq Masallı rayonu ərazisində 20,0 km uzunluğunda magistral kəmər çəkilməklə 25 kəndin içməli su ilə təminatı nəzərdə tutulub ki, 2018-ci il ərzində 5 kənddə (Sığıncaq, Məmmədxanlı, Bala Təklə, Kürdəbaz və Şərəfə kəndləri) işlər yekunlaşdırılmış və əhalinin içməli su ilə təminatı həyata keçirilib. Hazırki vaxtadək layihədə nəzərdə tutulan digər 20 kəndin (Xırmandalı, Hacıtəpə, Xoşçobanlı, Mollahəsənli, Ərəb, Təkdam, Həsənli, Köçəkli, Şəhriyar, Eminli, St Masallı, Qarğalıq, Dəlləkli, Qədirli, Xallıcallı, I Səmidxan, II Səmidxan, Alışanlı, Ətçələr və Ağakişibəyli kəndlər) içməli su ilə təmin edilməsi ilə bağlı müvafiq tədbirlər görülməyib. Əlavə olaraq bildirirəm ki, vətandaşlar tərəfində mütəmali olaraq 11 kəndin (Mollaoba, Qodman, Xanalion, I Yeddioymaq, Güllütəpə, Qızılağac, Təzəkənd, Gəyəçöl , Xıl, Viləş və Sərçuvar kəndləri) içməli su ilə təmin nolunması barədə müraciətlər olub. Qeyd olunanları nəzərə alaraq əvvəlcədən nəzərə tutulmuş 20 kənd və müraciətlər əsasında təklif olunan 11 kənd olmaqla umumilikdə 31 kəndin içməli su ilə təmin olunmasına müvafiq qaydada köməklik göstərməyinizi xahiş edirəm.
 
Masallı üzrə qazlaşdırılma davam edir və rayonun mərkəzi və bir çox kəndlər artıq qazlaşdırılıb. Ancaq rayonun12-i kəndinə hələdə qazlaşdırılma başlamayıb. Çox saylı seçicilərin xahişini nəzərə alaraq önümüzdəki ildə Masallının bu 12 (Dəmbəlov, Əmirtürbə, Əzizabad, Xəlfələr, Köhnə Zuvand, Məmmədzakücə, Nəzəroba, Ninalov, Rüəkənar, Şıxlar, Yeni Zurvand, Yelağac ) kəndinin qazlaşdırımasını planlaşdırasınız. Ümumilikdə Azərbaycan Respublikasının Nazirlər Kabinetinin fəaliyyət haqqında hesabatını bütün sahələr üzrə müsbət qiymətləndiririk. Biz əminik ki, ölkəmiz bütün problemlərin öhdəsindən gələcək, vətənimizin çiçəklənməsi və ölkə vətandaşlarını sosial təminatını güçləndirməsi üçün bundan sonra da daha əzimlə inkişaf edəcəktir. Diqqətinizə görə minnətdaram!"

“Bu ağır təhlükənin qarşısında vətəndaş cəmiyyəti də dövlət başçımızın çağırışlarına dəstək olaraq öz sözünü deməkdədir” – Yeganə Sultanova, “Azərbaycan Diabet Liqası” İB-nin sədri

 

Mən REM-in həkimi və “Azərbaycan Diabet Liqası”nın (ADL) rəhbəri kimi onu qeyd etməliyəm ki, qlobal koronavirus (COVİD-19) infeksiyasına qarşı dövlət tərəfindən kifayət qədər vaxtında və düzgün atılan profilaktik tədbirlərin nəticəsi olaraq, respublikamızda bu xəstəliyin gözlənilən yüksək səviyyədə yayılmasının qarşısı alınıb. Burada xüsusi fədəkarlığa görə tibb işçilərimizə, polislərimizə və bir an belə öz vəzifələrindən yayınmayan vətəndaşlarımıza dərin minnətdarlığımızı bildiririk. Çox sevindirici hal ondan ibarətdir ki, bu ağır təhlükənin qarşısında vətəndaş cəmiyyəti də dövlət başçımızın çağırışlarına dəstək olaraq öz sözünü deməkdədir. ADL öz növbəsində diabeti olan vətəndaşlarımıza dəstək olaraq Beynəlxalq Diabet Federasiyasının COVİD-19 virusu ilə bağlı tövsiyyələrini vətəndaşlarımıza çatdırır, diabetli insanlara onlayn tibbi yardım göstərir. Bilirsiz ki, diabetli insanlarda bu virusun ölüm riski daha yüksəkdir. Ona görə hamı kimi onlar da “Evdə qal” kampaniyasına daha həssas yanaşmalıdırlar. Dövlət başçısı cənab İlham Əliyevin, birinci xanım, ölkənin Birinci vitse- prezidenti Mehriban xanım Əliyevanın xalqa müraciətlərinə dəqiq əməl edilməsi xalqımızın xilasıdır. Evdə qalmaqla biz ilk növbədə doğma ailə üzvlərimizi, sevdiklərimizi, əzizlərimizi, xüsusilə yaşlı valideynlərimizi qoruyuruq. Əgər çox vacib halda və ya vəzifə borcumuzu yerinə yetirmək üçün evdən kənara çıxırıqsa, bu zaman ən azından aşağıdakı qaydalara əməl etməliyik:

1. Evdən bayıra çıxmayın. Ən vacib məsələlərə görə bir nəfər böyüyə maska, eynək, əlcək taxıb yola salın;

2. Evin ağzına xlorlu dəsmal qoyun və evi nəm dəsmal ilə dezinfeksiyaedici məhlulla mütəmadi dezinfeksiya edin;

3. Evdə dəsmalları tez tez dəyişin və salfetkalardan daha çox istifadə edin;

4. Evin havasını tez tez dəyişin, həyət evində olanlar öz həyətində hava ala bilərlər;

5. Evdə tez tez əl dəyən nöqtələri( qapı tutacaqları, işıq yandıranlar, razetkalar, unitazda su buraxan və s.) daha tez-tez təmizlənməlidir;

6. Əllərinizi xüsusi qayda ilə tez-tez yuyun;

7. Tez-tez isti, limonlu su için. Mən məsləhət görürəm ki, arada ot dəmləmələri, zəngəfil+limon+zəfəran qəbul edin;

8. İmmunsistemini möhkəmlədən, lakin şəkəri qaldırmayan qidalardan istifadə edin. Məsələn xaş (çörəklə yeməsəniz şəkəri qaldırmır), tərəvəzli yeməklər, salatlar;

9. Heç kəsi evə dəvət etməyin, heç kimin evinə getməyin. Ən vacib halda yuxarda söylədiyim ekipirovka ilə kontakta girə bilərsiz. Evə qayıdan kimi üstünüzdəkiləri balkona, açıq yerə qoyun, əllərinizi yaxşıca yuyun, tənəffüs yollarını duzlu spreylə və ya evdə hazırlanmış məhlulla( H2O2-perekis 10 damcı 1 stəkan qaynamış suya) yuyun.

Sonda bir məqamı da xüsusi vurğulamaq istərdim ki, aprel ayının 6-da Ölkə Prezidenti cənab İlham Əliyevin tapşırığına əsasən Sumqayıt Kimya Sənaye Parkında tibbi maska istehsalı müəssisəsinin yaradılmasının koronavirusla mübarizə tədbirlərinin daha effektiv şəkildə həyata keçirilməsi baxımından çox böyük əhəmiyyəti var. Əminəm ki, bütün bu tədbirlər sayəsində biz tezliklə pandemiyaya qalib gələcəyik.

Allah hər kəsi qorusun!                                                                                                                                                                                                                                               Abbas  Həsənov                                                                                                                                                                                                                                                                                                                                                                                       Gununxeberi.az

"Hazırda Lerikdə heç bir vətəndaşda koronavirus aşkarlanmayıb. Götürülmüş analizlərin nəticələri neqativ çıxıb".

 

Bu fikirləri Modern.az-a Lerik Rayon Mərkəzi Xəstəxanasının baş həkimi, tibb elmləri üzrə fəlsəfə doktoru Mübariz Ağayev bildirib.

 

Baş həkimin sözlərinə görə, xəstəxananın bütün tibb işçiləri koronavirus testindən keçib:

 

""Relax" turizm istirahət mərkəzində xaricdən gələn vətəndaşlarımiz karantindədir. 77 həkim heyəti onlara nəzarət edir. Karantində olan vətəndaşlarımızda da analizlərin cavabı neqativ çıxıb. Eyni zamanda həkimlərimiz də koronavirus testindən keçib və nəticələr neqativdir".

 

 

Qeyd edək ki, koronavirusla mübarizəyə dəstək məqsədilə "Relax" turizm istirahət mərkəzinin rəhbərliyi Nazirlər Kabineti yaynında yaradılan Operativ Qərargaha müraciət edərək xaricdən təxliyə olunan vətəndaşlarımızı rəhbəri olduğu istirahət mərkəzində karantinə yerləşdirilməsini təklif edib. Təklifi yüksək qiymətləndirən Operativ Qərargah bu cür addıma görə "Relax"ın rəhbərliyinə xüsusi təşəkkürünü bildirib. Müraciətdən sonra xaricdən (Türkiyə, Rusiya və Polşadan) gətirilən 300-dən çox həmvətənlərimiz "Relax" turizm istirahət mərkəzinə yerləşdirilib. "Relax" istirahət mərkəzinə yerləşdirilən hər bir vətəndaş koronavirus testindən keçərək tətbiq olunan karantin müddətində lazım olan bütün qayğılar göstərilib. Bura göndərilən həkim briqadasına Lerik Rayon Mərkəzi Xəstəxananın baş həkimi, tibb elmləri üzrə fəlsəfə doktoru Mübariz Ağayev rəhbərlik edir. 

Xatırladaq ki, "Relax"da olan 197 nəfər vətəndaşımız 5 aprel tarixində  karantin müddətini başa vuraraq evlərinə dönüblər. Xoş təsüratla "Relax" istirahət mərkəzindən ayrılan həmvətənlərimiz göstərilən diqqət və qayğıya görə Prezident İlham Əliyevə, Birinci vitse-prezident Mehriban Əliyevaya və "Relax"ın rəhbərliyinə xüsusi təşəkkürlərini bildiriblər.

 

 

Azərbaycan Respublikasının Prezidenti İlham Əliyev və Birinci vitse-prezident Mehriban Əliyeva aprelin 6-da Sumqayıt Kimya Sənaye Parkında “Bakı Tekstil Fabriki” MMC tərəfindən yaradılan tibbi maska istehsalı müəssisəsinin açılışında iştirak ediblər.

AZƏRTAC xəbər verir ki, müəssisə ilə tanışlıqdan sonra Prezident İlham Əliyev Azərbaycan xalqına müraciət edib.

İqtisadiyyat naziri Mikayıl Cabbarov və “Bakı Tekstil Fabriki” MMC-nin rəhbəri Səkinə Babayeva dövlətimizin başçısına və birinci xanıma müəssisə haqqında məlumat veriblər.

Qeyd edək ki, koronavirus pandemiyası ilə əlaqədar tələbatın kəskin artması səbəbindən bütün ölkələrdə tibbi ləvazimat və qoruyucu vasitələrin, o cümlədən maskanın böyük qıtlığı yaşanır. İstehsalçı ölkələr isə tibbi maska ixracını dayandırmaqla yanaşı, istehsal avadanlığı və xammalın ixracını da saxlayıblar. Koronavirus pandemiyasının qarşısının alınması ilə bağlı Azərbaycanda həyata keçirilən bütün işlər Prezident İlham Əliyevin daim diqqət mərkəzindədir. Dövlətimizin başçısı əhalinin sağlamlığının təmin olunması məsələsinə xüsusi diqqətlə yanaşır. Prezident İlham Əliyevin tapşırığına əsasən, aidiyyəti dövlət qurumları qısa müddətdə tibbi maska istehsalı avadanlığının və xammalın Azərbaycana gətirilməsinə nail olub.

Məlumat verilib ki, “Bakı Tekstil Fabriki” MMC tərəfindən yaradılan tibbi maska istehsalı müəssisəsi Sumqayıt Kimya Sənaye Parkının ərazisində müvafiq yerlə təmin edilib və ona Sənaye Parkının rezidenti statusu verilib. Bu status müəssisəyə sənaye parklarına tətbiq edilən güzəştlərdən faydalanmağa imkan yaradır. İstehsalçıya İqtisadiyyat Nazirliyinin Sahibkarlığın İnkişafı Fondu vasitəsilə 1,2 milyon manat güzəştli kredit verilib. Müəssisənin yaradılması üçün investisiya xərcləri 3,9 milyon manat təşkil edir. Tibbi maskaların qablaşdırılması üçün xüsusi qutular da yerli istehsaldır. Onlar Balaxanı Sənaye Parkının rezidenti olan müəssisədə hazırlanır. Tibbi maska istehsalı üçün Türkiyədən gətirilmiş müasir avadanlıq qısa müddətdə quraşdırılıb. Müəssisədə 30-dan çox yeni iş yeri yaradılıb. İstehsal prosesi üçnövbəlidir. Müəssisədə İSO beynəlxalq standartlarına uyğun xammaldan istifadə olunmaqla birinci mərhələdə hər gün 120 min tibbi maska istehsal ediləcək. Maskalar qablaşdırıldıqdan sonra xüsusi avadanlıqla əlavə olaraq sterilləşdiriləcək. Yaxın günlərdə daha bir istehsal xətti qurulacaq və ikinci mərhələdə istehsal həcmi iki dəfə artırılaraq gündəlik istehsal 200-250 min tibbi maskaya çatdırılacaq. Müəssisənin məhsulları ilkin olaraq, daxili bazarda tələbatı ödəməyə yönəldiləcək.

Sonra dövlətimizin başçısına və birinci xanıma Azərbaycanda istehsal olunan tibbi spirt, dezinfeksiya məhsulları və qoruyucu vasitələr barədə məlumat verilib.

Onu da deyək ki, spirt məhsulunun qablaşdırılması və daşınması üçün müxtəlif həcmli qablar da yerli istehsaldır. Hazırda 6 şirkət isə dezinfeksiyaedici məhlullar istehsal edir.

Sonra STEAM-Azərbaycan layihəsi barədə məlumat verilib.

Qeyd edək ki, 2019-2020-ci tədris ilinin əvvəlindən Heydər Əliyev Fondunun dəstəyi ilə tətbiqinə başlanılan bu layihənin əsas məqsədi ümumtəhsil məktəblərində şagirdlərin müasir İKT avadanlıqlarından istifadə etmək qabiliyyətlərini genişləndirməkdir. Layihə çərçivəsində koronavirusdan qorunmaq üçün tibbi heyətin istifadəsi məqsədilə 3D printerlərlə çap olunan “üz sipəri” maskası və bir çox tibbi cihaz və avadanlıqların müxtəlif detallarının sınaq istehsalına başlanılıb. Hazırda gün ərzində 150 ədəd bu cür maska istehsal olunur.

Müəssisə ilə tanışlıqdan sonra dövlətimizin başçısı Azərbaycan xalqına müraciət edib: 

“Bu gün ölkəmizdə tibbi maska istehsalı başlayır. Bu, çox əlamətdar hadisədir. Çünki indi dünyanın bir çox ölkələrində tibbi maska çatışmazlığı var, o cümlədən Azərbaycanda və biz bu sahədə daim idxaldan asılı idik. Amma indiki şəraiti nəzərə alaraq qısa müddətdə, cəmi iki həftə ərzində yerli istehsal təşkil edildi. Burada sahibkarların böyük rolu vardır, eyni zamanda, Azərbaycan dövləti də öz maliyyə dəstəyini göstərmişdir. Beləliklə, qısa müddət ərzində yeni müasir istehsalat sahəsi yaradılmışdır və bu, bizə imkan verəcək ki, özümüzü tibbi maskalarla böyük dərəcədə təmin edək.

Bildiyiniz kimi, koronavirusla mübarizədə maskalardan istifadə xüsusi əhəmiyyət daşıyır. Qeyd etdiyim kimi, indi dünyanın bir çox ölkələrində bu sahədə problemlər yaşanır. Azərbaycanda da qıtlıq yaranmışdır və bəzi hallarda apteklərdə tibbi maskalar yoxdur. Ona görə bu istehsal bizə imkan verəcək ki, özümüzü təmin edək və koronavirusla mübarizə başa çatandan sonra da Azərbaycan artıq idxaldan asılı olmayacaq.

Eyni zamanda, bu gün Azərbaycanda dezinfeksiya vasitələrinin istehsalı da təşkil edilib. Bu da qısa müddət ərzində ərsəyə gəlmiş bir məsələdir. Amma burada üstünlüyümüz ondan ibarət idi ki, ölkəmizdə bir neçə spirt zavodu var və bu spirt zavodlarında dezinfeksiya vasitələri istehsal edilməyə başlanmışdır və artıq satışa verilir. Beləliklə, mübarizəni daha da səmərəli şəkildə aparmaq üçün dəfələrlə qeyd olunub ki, vətəndaşlar daha da məsuliyyətli olmalıdırlar və şəxsi gigiyenasına fikir verməlidirlər. Ancaq bunu təmin etmək üçün vasitələr olmalıdır və bu gün bu vasitələr artıq bazara təqdim edilir – tibbi maskalar və dezinfeksiya vasitələri.

İndi əsas məsələlərdən biri də odur ki, apteklərdə və digər ticarət yerlərində süni qiymət artımı olmasın. Çünki maska qıtlığı artıq süni qiymət artımına da gətirib çıxarmışdır və bəzi hallarda maskaları altdan satırdılar. Bu hallara qətiyyən yol vermək olmaz və müvafiq dövlət qurumları çox ciddi nəzarət mexanizmi tətbiq etməlidirlər. Əgər süni qiymət artımı olarsa, bu işdə əli olan şəxslər ciddi cəzalandırılacaq. Çünki indiki pandemiya şəraitində belə addımlar xəyanət kimi qəbul ediləcək.

Tibbi maska və dezinfeksiya vasitələrinin istehsalı bir daha onu göstərir ki, Azərbaycanda yaradılmış infrastruktur imkan verir, biz qısa müddət ərzində lazım olan istehsalat sahələrinin təşkilində uğur qazana bilək. Təsadüfi deyil ki, bu istehsal müəssisəsi Sumqayıtda yerləşən Kimya Sənaye Parkının ərazisində təşkil edilib. Bu park mənim təşəbbüsümlə yaradılıb və artıq burada bir çox müəssisələr fəaliyyət göstərir. Bu müəssisələr bizim qeyri-neft iqtisadiyyatımıza da böyük töhfə verir. Eyni zamanda, mövcud kadr potensialı, sahibkarlar sinfinin inkişafı, dövlət və özəl sektorun tərəfdaşlığı, daim dövlət tərəfindən özəl sektora göstərilən dəstək – həm siyasi, həm maddi dəstək, güzəştli kreditlərin verilməsi, bütün bu amillər, yeni vəziyyətə gətirib çıxardı ki, biz vətəndaşlara lazım olan vasitələri qısa müddət ərzində operativ şəkildə istehsal edək və bazara təqdim edək. Mən onu bir daha qeyd etmək istəyirəm ki, hətta inkişaf etmiş ölkələrdə bu gün maska qıtlığı var. Bizdə alınmış yeni avadanlıq, - bu avadanlığın ikinci xəttinin də gətirilməsi nəzərdə tutulur, - imkan verir ki, avtomatlaşdırılmış rejimdə böyük həcmdə, böyük sayda maskalar istehsal olunsun.

Ona görə bugünkü tədbir xüsusi əhəmiyyət daşıyır. Mən son illər ərzində yüzlərlə, bəlkə də mindən çox sənaye müəssisəsinin açılışında iştirak etmişəm, ancaq bu istehsalat sahəsi xüsusi əhəmiyyət daşıyır. Çünki bu gün Azərbaycanda istehsal olunan tibbi maskalar və dezinfeksiya vasitələri insanlarımızı qoruyacaq. Bizim də əsas məqsədimiz ondan ibarətdir ki, insanlar bu xəstəliyə yoluxmasın, insanların sağlamlığı təmin edilsin və buna nail olmaq üçün bütün tədbirlər görülür.

Qabaqlayıcı tədbirlərin görülməsi nəticəsində Azərbaycanda hazırda koronavirus xəstəliyinin yayılması geniş vüsət almayıb. Dünyanın inkişaf etmiş ölkələrində gündə yüzlərlə insan vəfat edir və heç bir ölkənin səhiyyə sistemi bu artan xəstələrin müalicəsini tam təşkil edə bilmir. Bu, bizim üçün də bir dərs olmalıdır. Ona görə Azərbaycanda qabaqlayıcı tədbirlərin görülməsi və vəziyyətə uyğun şəkildə bu addımların atılması bir məqsədi güdürdü ki, biz insanların həyatını, sağlamlığını qoruyaq və bu xəstəliyin Azərbaycanda geniş vüsət almasına imkan verməyək. Bu günə qədər görülmüş bütün tədbirlər öz səmərəsini verdi. Bircə onu demək kifayətdir ki, Azərbaycanda bu günə qədər 45 min test keçirilib. İndi müxtəlif internet resurslarında bütün ölkələrdə həm xəstələrin sayı, həm ölüm hallarının sayı, eyni zamanda, keçirilmiş testlərin sayı göstərilir. Hər bir insan o saytlara girib baxa bilər, Azərbaycan dünyada aparıcı ölkələrdəndir ki, bu qədər test keçirib. Bu, bizə imkan verdi ki, xəstəliyi müəyyən edək, xəstə insanlara operativ tibbi xidmət göstərək və eyni zamanda, özümüzü böyük bəladan qoruya bilək. Bu günə qədər biz buna müvəffəq olmuşuq. Eyni zamanda, operativ tədbirlərin görülməsi və vəziyyətə uyğun addımların atılması öz səmərəsini göstərmişdir. Aprelin 5-dən qüvvəyə minmiş yeni karantin qaydalarının bir məqsədi var ki, bu xəstəlik Azərbaycanda geniş yayılmasın. Aprelin 5-nə qədər vaxtaşırı qəbul edilmiş qərarlar və yeni qaydalar bu məqsədi daşıyır. Mən dəfələrlə bildirmişəm ki, biz həm milli birlik, həm həmrəylik nümayiş etdirmişik və məsuliyyət də nümayiş etdirməliyik. Amma indiki şəraitdə aprelin 5-dən sonra qüvvəyə minmiş qaydaları nəzərə alaraq vətəndaşlar nizam-intizam nümayiş etdirməlidirlər. Çünki bu qaydaları pozanlara qarşı ciddi tədbirlər nəzərdə tutulur və bu tədbirlər artıq təsbit edilib. Əminəm ki, vətəndaşlar bu qaydalara tam əməl edəcəklər və beləliklə, xəstəlik geniş vüsət almayacaq, biz bu vəziyyətdən az itkilərlə çıxa biləcəyik.

Eyni zamanda, onu da bildirməliyəm ki, hazırda 20-dən çox xəstəxanada koronavirus xəstələri müalicə alırlar. Bu xəstəxanaların arasında bizim ən müasir xəstəxanamız – “Yeni klinika” da var. Bu klinika bu yaxınlarda - martın sonunda açılmışdır, orada 575 çarpayı nəzərdə tutulur. Nəzərə alsaq ki, klinika vaxtından əvvəl istifadəyə verilib, orada xəstələri qəbuletmə imkanları tədricən artacaq - ilkin mərhələdə 100 xəstə, sonra 300 və ondan sonra tam fəaliyyətə başlayacaq. Həmçinin bu il martın əvvəlində mənim iştirakımla bölgələrdə açılmış xəstəxanalar da koronavirus xəstələrinin ixtiyarına verildi. Qazax, Goranboy və Şəmkir şəhərlərində yerləşən ən müasir xəstəxanalar koronavirus xəstələrinin müalicəsi ilə məşğuldur. Bu üç xəstəxanada çarpayıların sayı təqribən 500 ətrafındadır. Beləliklə, cəmi bir ay ərzində mindən çox çarpayılıq, ən müasir standartlara uyğun tibbi müəssisələr istifadəyə verildi və orada koronavirus xəstələri müalicə alırlar.

Azərbaycan dövlətinin və sahibkarların operativ fəaliyyətini nəzərə alaraq, onu da bildirməliyəm ki, yaxın zamanlarda Bakıda və bir neçə bölgədə müasir xəstəxanaların yaradılması nəzərdə tutulur. Bu xəstəxanalar yeni texnologiyalar əsasında inşa ediləcəkdir. Bu texnologiyalar imkan verir ki, qısa müddətdə, bəlkə də üç həftə, bir ay ərzində xəstəxana tamamilə yenidən qurulsun, - yığma texnologiyalar prinsipi əsasında qurulacaq, - bütün lazımi avadanlıqla təchiz edilsin. Hər bir xəstəxananın çarpayı sayı 200-dür. Belə xəstəxanaların ölkəmizdə qısa müddətdə qurulması əlbəttə ki, bu mübarizədə bizə əlavə imkan verəcəkdir. Mübarizədə əsas məsələlərdən biri vaxt məsələsidir. Biz vaxtı nə qədər daraltsaq, nə qədər az vaxt çərçivəsində işləri görsək, xəstəliyə qarşı mübarizədə o qədər uğur qazana bilərik. Ona görə vaxt amili və əlbəttə, həkimlərin peşəkarlığı, bizim imkanlarımız, bütün bu amillərin vəhdəti bu gün imkan verir ki, Azərbaycan hələ də az itkilərlə bu vəziyyətdən çıxır. Ancaq əlbəttə, işlərin gələcək inkişafı göstərəcək ki, bizim sonrakı addımlarımız nədən ibarət olacaq. Hər halda bu ciddi karantin rejimi ayın 20-nə qədər qüvvədə qalacaq. Ondan sonra biz addımlarımızı yaranacaq vəziyyətə uyğun şəkildə atacağıq.

Onu da bildirməliyəm ki, xaricdə yaşayan və xaricdə olan Azərbaycan vətəndaşlarının ölkəmizə gətirilməsi istiqamətində atılan operativ addımlar nəticəsində böyük nailiyyətlər əldə edilib. Bu günə qədər 15 minə yaxın Azərbaycan vətəndaşı xarici ölkələrdən təxliyə edilib və onların böyük əksəriyyəti karantinə yerləşdirilib. Hazırda karantində qalan vətəndaşların sayı 4500-dür. Karantin üçün ən məqbul yerlər müəyyən edilib. Karantin rejimində olan ən çox insanların məkanı Atletlər kəndidir. Orada hazırda təqribən 1300 insan yerləşdirilib. Karantində olan vətəndaşlar, eyni zamanda, Bakı şəhərində və bölgələrdə 4-5 ulduzlu otellərdə, istirahət zonalarında, bəzi dövlət qurumlarının istirahət mərkəzlərində yerləşdirilir. Onlara gündəlik yemək verilir, onlar tibbi müayinədən keçirlər. Onların mütləq əksəriyyəti yaradılmış vəziyyətdən çox razıdırlar, dövlətə və həkimlərə minnətdarlıqlarını bildirirlər.

Bir sözlə, Azərbaycan dövləti bu ciddi vəziyyətlə üzləşərək yenə də öz gücünü göstərdi. Onu göstərdi ki, bizim əsas vəzifəmiz xalqımızı, dövlətimizi qorumaqdır. Buna nail olmaq üçün istənilən addımların atılması mümkündür və biz bunu edirik. Operativ tədbirlər nəticəsində imkan vermədik ki, bu bəla ölkədə geniş vüsət alsın. Ancaq bizim gələcək uğurumuz bundan sonra böyük dərəcədə insanların hərəkətlərindən asılı olacaq. Dövlət nə mümkünsə onu edib. Bu gün sərtləşdirilmiş, məhdudlaşdırıcı tədbirlər qüvvədədir. İnsanlar məsuliyyətli olmalıdırlar, özlərini, yaxınlarını, ailə üzvlərini qorumalıdırlar. Necə ki, biz birlik, həmrəylik göstəririk, eyni tərzdə məsuliyyət və nizam-intizam göstərməliyik.

Onu da bildirməliyəm ki, koronavirus xəstəliyi dünya iqtisadiyyatına böyük problem yaratdı, bunu artıq dünyanın aparıcı maliyyə qurumlarının rəhbərləri qeyd edirlər. O cümlədən Beynəlxalq Valyuta Fondu artıq qeyd edib ki, koronavirusun yaradacağı böhran 2008-2009–cu illərin böhranından daha ağır olacaq.

Azərbaycana gəldikdə, - üstəgəl neftin qiyməti demək olar ki, iki dəfədən çox düşmüşdür, - koronavirus xəstəliyi bir çox iqtisadi və xidmət sahələrinə mənfi təsir göstərir, ancaq buna baxmayaraq, o sahələrdə çalışan insanların problemləri nəzərə alınıb. Mənim göstərişimlə yaradılmış dörd işçi qrupu öz işini demək olar ki, böyük dərəcədə yekunlaşdırıb. Mənə məruzə edilib və göstəriş əsasında Nazirlər Kabineti artıq Tədbirlər Planını təsdiq edib. İlkin mərhələdə nəzərdə tutulurdu ki, bu məqsədlər üçün təqribən 1 milyard manat vəsait ayrılsın. Ancaq sonra əlavə hesablamalar bunun kifayət etməyəcəyini göstərdi və ən azı 2,5 milyard manat ayrılacaq ki, Azərbaycanda həm iqtisadi sabitlik təmin edilsin, məşğulluqla bağlı problemlər öz həllini tapsın və həm də bizim makroiqtisadi və maliyyə vəziyyətimiz sabit olsun.

Əgər biz koronavirusun ən çox təsir etdiyi sahələri və eyni zamanda, fərdi sahibkarlıqla məşğul olan insanları nəzərə alsaq, 600 min insan bu vəziyyətdən daha çox əziyyət çəkir, çünki orada iş yerləri bağlanıb. Sahibkarlara mənim çağırışım, birmənalı tələbim artıq hər kəsə bəllidir ki, bu dövrdə heç bir ixtisara getmək olmaz, ancaq biz sahibkarlara da imkan yaratmalıyıq ki, onlar da əziyyət çəkməsinlər. Azərbaycan 600 min işçini, o cümlədən fərdi sahibkarı dövlət hesabına maliyyələşdirəcək. Onların əməkhaqlarının əhəmiyyətli hissəsini dövlət öz üzərinə götürüb və artıq bu ödəmələr başlayır. O cümlədən tələbələrin problemləri, işsizlərə verilən müavinətin həcmi - bütün bunlar nəzərə alınır və 2,5 milyard manat bu məqsədlər üçün nəzərdə tutulub. Bu, çox böyük rəqəmdir. Bir daha demək istəyirəm ki, neft gəlirlərimiz azalıb, ancaq insanların sağlamlığı, təhlükəsizliyi, rahatlığı və rifahı bizim üçün hər şeydən üstündür. Biz bunu bir daha nümayiş etdiririk. Bütün Azərbaycan vətəndaşlarına bir daha çağırış edib demək istəyirəm: Məsuliyyətli olun, nizam-intizamı, qaydaları pozmayın, özünüzü, uşaqlarınızı, yaxınlarınızı qoruyun ki, biz bu ağır vəziyyətdən az itkilərlə çıxa bilək! Biz birlikdə güclüyük! Sağ olun”.

Azərbaycanda tibbi maska istehsalına başlanılması bir çox mühüm məqamları özündə ehtiva edir. İlk növbədə, bu addım Prezident İlham Əliyevin əhalinin sağlamlığının qorunması məsələsinə nə dərəcədə diqqətlə və həssas yanaşmasını göstərir və sübut edir ki, Azərbaycanda dövlət tərəfindən bu istiqamətdə konkret və ardıcıl tədbirlər görülür. Bundan başqa, bu müəssisənin fəaliyyətə başlaması Azərbaycanda qeyri-neft sektorunun inkişafının göstəricisi olmaqla yanaşı, eyni zamanda, idxaldan asılılığı azaltmaq, daxili tələbatı ödəmək məqsədilə yerli istehsalı genişləndirmək istiqamətində son illərdə həyata keçirilən işlərin ardıcıl xarakter aldığını nümayiş etdirir.

14:02

Prezident İlham Əliyev və Birinci vitse-prezident Mehriban Əliyeva aprelin 6-da Sumqayıt Kimya Sənaye Parkında “Bakı Tekstil Fabriki” MMC tərəfindən yaradılan tibbi maska istehsalı müəssisəsinin açılışında iştirak ediblər.

AZƏRTAC xəbər verir ki, müəssisə ilə tanışlıqdan sonra Prezident İlham Əliyev Azərbaycan xalqına müraciət edib.

 

“Bu gün qlobal bəlaya çevrilən koronavirus pandemiyasından qorunma]ın ən yaxşı yolu

Nazirlər Kabinetinin 30 avqust 2016-cı il tarixli 321 nömrəli “Yaşıllıqların götürülməsi Qaydası”na əsasən ağac kəsilməsinə görə məsuliyyət ümumiyyətlə xüsusi mülkiyyətdə olan həyətyanı və bağ sahələrindəki yaşıllıqlar, habelə kənd təsərrüfatı məhsulları istehsalı üçün istifadə edilən bitkilərdən ibarət yaşıllıqlar, əkinlər istisna olmaqla digər sahələrə şamil edilir. İctimai obyekt, avtotexniki xidmət məntəqələri və bu kimi yaşayış məntəqələri xüsusi mülkiyyətdədirsə və orada ağac kəsilirsə, o zaman şəxsə cərimə tətbiq edilir.

Amma həyətyanı və bağ sahəsindəki ağaclar kəsilirsə, buna cərimə tətbiq olunmur - Elə bu son istisnadan da sui-istifadə edilir. Necə, hansı üsulla istifadə edildiyini indi açıqlayırıq.

Bərdə rayonunda Tərtər çayının kənarında aşkarladığımız birinci ağac emalı sexi Məhərrəm adlı fiziki şəxsə və rayonun Zümürxan kəndi ərazisində aşkarladığımız ikinci ağac emalı sexi isə Mirzəxan kənd sakini Nizami adlı fiziki şəxsə məxsusdur. Redaksiyamıza sözügedən sexlərdə qanunsuz kəsilmiş ağacların emal edilməsi barədə informasiya daxil olan kimi araşdırma aparmaq üçün ardıcıllıqla həmin ünvanlara yollandıq. Sexlərin işçiləri bizə heç bir məlumat vermədiklərinə görə, Ekologiya və Təbii Sərvətlər Nazirliyinin Ətraf Mühitin Mühafizəsi Departamentinin sözçüsü Raquf Mirzəyevlə telefon əlaqəsi saxladıq. Onun məsələyə müdaxiləsi ilə hadisə yerinə 9 saylı Regional Ekologiya və Təbii Sərvətlər İdarəsinin Nəcəfov Eyvaz adlı baş mütəxəssisi və Əliyev Vaqif adlı başqa bir əməkdaşı göndərildi. E.Nəcəfov fiziki şəxs kimi fəaliyyət göstərən və baxış keçirilərkən sexində 39,83 m3 həcmdə yaş ağac aşkarlanmış Məhərrəmin müharibə əlili olduğunu xatırlatdı və onun “üstünə çox getməməyi” bizə məsləhət gördü. Ona qahmar çıxaraq bizə “sənədlər” göstərdi.

Tanış olduğumuz birinci “sənəd” Zaqatala rayonunun Bəhmətli kənd bələdiyyəsinin sədrinin həmin kəndin sakini Əhmədova Təranə Ağabəy qızına verdiyi 12 fevral 2020-ci il tarixli arayışdır. Arayış təsdiqləyir ki, həqiqətən də vətəndaş Əhmədovanın pay torpağında 32 ədəd çinar, 3 ədəd yalanqoz ağacları var və onun özünə məxsusdur.



İkinci “sənəd” isə Qax rayonunun Zəyəm kənd sakini Məmmədova Rəbiyyət Əmrah qızının torpaq sahəsinin ləğv olunmuş Torpaq və Xəritəçəkmə Komitəsinin Qax rayon Şöbəsi tərəfindən vaxtilə təsdiqlənmiş koordinatları idi.



Beləliklə, biz qeyd olunan “sənədlərə” baxıb kor-koranə inanmalıyıq ki, həqiqətən də vətəndaş T.Əhmədovanın həyətindəki ağaclar daha havaya oksigen buraxmaq qabiliyyətlərini itiriblərmiş və satılmaqdan, yaxud da yandırılmaqdan başqa heç bir işə yaramırmış. Aralarında alqı-satqı müqaviləsinin olub-olmadığını soruşmadan gözüyumulu inanmalıyıq ki, T.Əhmədova ağaclarını başqa heç kimə yox, məhz Məhərrəmə satıb. Həmçinin andsız – Quransız inanmalıyıq ki, fevralın 12-dən martın axırınadək ötən müddət ərzində Məhərrəm bəy həmin bələdiyyə arayışını özünü sığortalamaq üçün əlində növbətçi “ehtiyat sənəd” kimi saxlayaraq xəlvət işlər görməyib. Axı heç də hər gün onun sexinə təbiət təəssübkeşi olan jurnalistin yolu düşmür. Hər gün o həndəvərlərdə monitorinq aparmaq vəzifəsini yuxarıda adını çəkdiyimiz məmur Vaqif Əliyev daşıyır ki, onun da necə işləməsi barədə məlumatlar birmənalı deyildir. Yerli sakinlərin sözlərinə görə, Vaqifin faktiki işi sexlərdən mütəmadi “haqq” toplamaqdan ibarətdir (Hərçənd, bu məlumat Eyvaz Nəcəfov tərəfindən təkzib edilmişdir).

Yuxarıda apardığımız mülahizələr Zəyəm kənd sakini R.Məmmədova üçün də keçərlidir. Üstəlik, sübut olunmalıdır ki, həqiqətən də onun ölçüləri-cizgiləri təsdiqlənmiş torpaq sahəsində ağacları varmış, onlar da kəsilib “pilorama” sahibkarına satılıb və hətta sexlərin ərazisində olan ağaclar da qanunsuz olaraq kəsilib.

İstisna deyil ki, T.Əhmədova və R.Məmmədova kimi torpaq sahələrində ağaclar olmuş şəxslərə verilmiş arayışların üzü rüşvətxor ekologiya işçiləri tərəfindən çoxaldılaraq kserosurətləri dar ayaqda jurnalistə və ya başqa israrlı təbiətsevərlərə göstərmələri üçün “pilorama” sahiblərinə paylanılıb. Hələlik subyektiv də olsa, belə bir qənaətə gəlməyimizin yeri vardır. Axı, vətəndaş cəmiyyətinin belə natamam sənədlərin dövriyyəsini izləmək üçün heç bir mərkəzləşdirilmiş informasiya resursu yoxdur.

O ki, qaldı sahibkar Nizami bəyin Zümürxan kəndində işlətdiyi ağac sexində aşkarlanan materiala, o barədə Eyvaz Nəcəfov bildirdi ki, həmin material Bərdənin Hacıbəyli kənd sakinlərinin iki həyətindən qanuni onlara məxsus olmuş və kəsilərək Nizamiyə satılmış 50 ağacdır. E.Nəcəfli həmçinin qeyd etdi ki, Qax və Zaqatala rayonlarının yuxarıda adları çəkilən kəndlərində kəsilmiş ağacların aqibəti ilə bağlı aidiyyəti üzrə 7 saylı Regional Ekologiya və Təbii Sərvətlər İdarəsinə sorgu göndərilib və həmin idarədən alınacaq cavab redaksiyamıza da göndəriləcək.



9 saylı Regional Ekologiya və Təbii Sərvətlər İdarəsinin rəisi Elnur müəllim hazırki vəzifəsində təzə kadr hesab olunur. Onun ola bilsin ki, ərazidə baş verənlərdən təfərrüatı ilə xəbəri yoxdur. Bizim çıxardığımız nəticə budur: Azərbaycan insanına koronavirus bəlası yetişməzdən xeyli qabaq Azərbaycan ekologiyasına korrupsiyavirus xəstəliyi gəlmişdir. Ümidvarıq ki, bu yazdıqlarımız hörmətli rəisi düşünməyə və Eyvaz Nəcəfli – Vaqif Əliyev cütlüünün fəaliyyətini yenidən qimətləndirməyə vadar edəcək.

   Günümüzün reallığında dünya gündəmini zəbt edən məsələ Corona virus -COVİD 19