Aralıq dənizinin enerji ehtiyatları uğrunda mübarizə gərginləşir

Avropa İttifaqı xarici işlər nazirləri Türkiyəyə qarşı sanksiya tətbiq edib. Ankaranın Aralıq dənizinin şərq sahillərində təbii qaz kəşfiyyatı fəaliyyətlərinə görə tətbiq olunan sanksiyalar Türkiyə ilə Aİ arasında yüksək səviyyədə təmasları və hava-yük daşıması müqaviləsi müzakirələrini məhdudlaşdırır. Eyni zamanda Türkiyəyə 2020-ci ilə qədər verilməsi nəzərdə tutulan 145,8 milyon avro dəyərində yardım da dayandırılacaq.

Bu sanksiya 2014-2020-ci illər ərzində Aİ-nin Türkiyəyə 4,4 milyard avro dəyərində demokratiya, idarəçilik, hüququn aliliyi, əsas hüquqlar, ekologiya, iqlim, nəqliyyat, enerji, innovasiya, təhsil, sosial siyasət və sair kimi sahələrə ayrılmalı olan vəsaitin son mərhələsinin ödənməsini dayandırır. Bundan başqa, Aİ xarici işlər nazirləri Türkiyənin Aralıq dənizindəki qazma fəaliyyəti ilə əlaqəli təşkilat və şirkətlərə maliyyə sanksiyalarının tətbiq olunması istiqamətində fəaliyyətlərin davam etməsini tələb edib. Eyni zamanda Avropa İnvestisiya Bankının Ankaraya veriləcək kreditinin də nəzərdən keçirilməsi tələb olunub.

Türkiyə XİN bu qərara sərt etiraz edib. Nazirliyin yaydığı rəsmi açıqlamada bu qərarın Türkiyənin Aralıq dənizinin şərq sahillərindəki hidrokarbon fəaliyyətlərinə təsir etməyəcəyi vurğulanıb.

Xatırladaq ki, ötən il  noyabrın 10-da Amerikanın “Exxon Mobil” şirkəti, “Qatar Petroleum” və Cənubi Kipr hökumətinin birgə “Eksklüziv İqtisadi Zonada” ərazisində yerləşən 10-cu bölgədə təbii qaz kəşfiyyat işlərini başlatdığını elan edib. Bundan öncə isə ABŞ dövlət katibinin enerji məsələləri üzrə müavini Frensis Fannon Kiprə səfər edib. O da məlum olub ki, hazırda qeyd olunan bölgədə qaz kəşfiyyatını Britaniyaya məxsus “Stena Icemax” gəmisi həyata keçirir. Onun ətrafında isə bir sıra ölkələrin, o cümlədən ABŞ-ın hərbi gəmisi keşik çəkir.

Bu il isə Türkiyə Kipr adası ilə Türkiyə arasındakı bölgəyə iki geoloji-kəşfiyyat və qazma gəmiləri göndərib. Türkiyəyə məxsus “Fatih” geoloji kəşfiyyat gəmisi may ayında Kipr adasının qərbində axtarış-qazma fəaliyyətinə başlayıb. Türkiyəyə məxsus ikinci geoloji kəşfiyyat gəmisi “Yavuz” isə bu günlərdə Kiprin Karpaz yarımadasının cənubunda açıq dənizdə fəaliyyətə başlayıb.

Ancaq bu addım Avropa ölkələri və ABŞ-ın sərt reaksiyası ilə müşayiət olunub. ABŞ Konqresi ötən həftə Cənubi Kiprə tətbiq olunan sanksiyaların götürülməsi ilə bağlı qanun qəbul edib. Ötən ay isə Avropa İttifaqı Türkiyəyə xəbərdarlıq etmişdi ki, Ankaranın qazma fəaliyyətlərinin “qanunsuz” olduğunu və qazma fəaliyyətləri dayandırılmayacağı təqdirdə Türkiyəyə qarşı sanksiyalar tətbiq olunacaq. Avropa İttifaqı Türkiyənin qazma fəaliyyətlərini “Kiprin iqtisadi bölgəsinə girmək və suverenliyini tapdalamaq”da günahlandırıb.

Türkiyə tərəfi isə Şimali Kipr Türk Respublikasının və onun türk vətəndaşlarının haqlarının olduğunu vurğulayır. Avropa tərəfinin Kipr kimi yalnız yunan tərəfinin haqlarının irəli sürülməsini ədalətsiz addım adlandırır. Şimali Kipr hökuməti də Avropa İttifaqının Türkiyə qərarını tənqid edib. Şimali Kipr prezidentinin sözçüsü Barış Burcu, Avropa İttifaqının sanksiya qərarının “problemin həllinə yardım etməyən, ədalətli olmayan, qəbul edilməz bir durum” adlandırıb.

 

Türkiyənin xarici işlər naziri Mövlud Çavuşoğlu isə Avropa İttifaqının sanksiya qərarlarını ciddiyə almağa ehtiyac görmür. Çavuşoğlu deyib ki, Aİ-nin bu qərarı Kiprin yunan hissəsini razı salmaq üçün atılmış addımdır. Nazir onu da deyib ki, Türkiyə Aralıq dənizindəki qazma fəaliyyətlərini davam etdirəcək. Sitat: “Əgər Türkiyəyə qarşı belə bir qərar versəniz, o zaman fəaliyyətlərimizi daha da genişləndirəcəyik. Yaxın zamanlarda qazma işini aparan 4-cü gəmini də bölgəyə göndərəcəyik”.

Çavuşoğlu qeyd edib ki, Türkiyə Şimali Kiprin türk xalqının haqlarını heç kimə, o cümlədən yunan Kiprinə güzəştə getməyəcək.

Nəzərə çatdıraq ki, Aralıq dənizinin şərq sahillərində böyük enerji ehtiyatları mövcuddur. ABŞ Geoloji Araşdırmalar Mərkəzinin ehtimallarına görə, Kipr, Livan, Suriya və İsrail arasında qalan dəniz bölgəsində 3,45 trilyon kubmetr qaz və 1,7 milyard barel neft ehtiyatlarının olduğu güman edilir. Nil Deltası hövzəsində isə 1,8 milyard barel neft, 6,3 trilyon kubmetr təbii qaz və eləcə də 6 milyard barel maye qaz yatağı olduğu ehtimal olunur. Bundan başqa, Kipr adası ətrafında olduğu ehtimal olunan 8 milyard barel neft yatağından başqa Krit adasının cənub və cənub-şərqində Heredot adlı yataqda 3,5 trilyon kubmetr qaz olduğu ehtimal edilir. Bu isə bu günə qədər kəşf olunmuş ən böyük yataqlardan biri deməkdir.

20 Fevral 2025 Zelenski kimi adamı diktator adlandırmaq... - Pavel
20 Fevral 2025 Saytlara kiber hücum: MEDİA-dan reaksiya…
20 Fevral 2025 Tramp Kremlə olan münasibəti alt-üst edir
20 Fevral 2025 Ukraynalılar həm də bizim üçün ölürlər - Trüdo
19 Fevral 2025 Putindən Ər-Riyad danışıqlarına reaksiya
19 Fevral 2025 Mənimlə bağlı Trampa yanlış məlumat verilib - Zelenski
19 Fevral 2025 Ukrayna ilə bağlı danışıqlara qayıtmağa hazırıq - Putin
19 Fevral 2025 Trampın Ukrayna ilə bağlı məntiqini başa düşmürük - Fransa
19 Fevral 2025 Putin cinayətkardır, ona inanmaq olmaz - Uiker
19 Fevral 2025 Tramp bu ölkəni düşmən adlandırdı
19 Fevral 2025 Borrell: ABŞ-la AB boşanır
19 Fevral 2025 Kallasdan şok: Rusiya qalibdir
19 Fevral 2025 Trampın kursu ilə bizim bu mövqeyimiz... - Ərdoğan
18 Fevral 2025 Ukrayna ilə ABŞ arasında saziş imzalanacaq
18 Fevral 2025 Türkiyə ordusu daha 2 PKK üzvünü məhv etdi
18 Fevral 2025 Zelenskinin Krım tatarları ilə bağlı addımı... - Ərdoğan
18 Fevral 2025 Zurabişvili də “yumurta atəşinə” tutuldu - Video
18 Fevral 2025 Peskov: Putin Zelenski ilə danışıqlara hazırdır
18 Fevral 2025 Tramp Ukraynadan, görün, nələri almaq istəyir...
18 Fevral 2025 Trampla Putin İranı da müzakirə edib - Peskov
18 Fevral 2025 ABŞ buna 50 trilyon xərcləyib: İndi Tramp tələb edir ki…
17 Fevral 2025 Zelenski Ərəbistana bu tarixdə gedəcək
17 Fevral 2025 Zelenski Zayedlə görüşdü: Bu, BƏƏ-yə birbaşa təhlükədir
17 Fevral 2025 Şoltsdan Ukrayna açıqlaması: İmkan verməyəcəyik!
17 Fevral 2025 Cənubi Afrikanın ilk gey imamı öldürüldü
17 Fevral 2025 Ukrayna parçalanır, Zelenski ölkədən qaçır… - Şok proqnoz
14 Fevral 2025 İlkin şərt yoxdur, Trampla hər şeyi... - Zelenski
14 Fevral 2025 Bu gün Rusiya, ABŞ və Ukrayna danışıqları başlayır - Tramp
13 Fevral 2025 Ukrayna ərazilərini geri qaytara bilməyəcək - Tramp
12 Fevral 2025 ABŞ istəyir ki, İsrail İrana hücum etsin - Pezeşkian