 |
 |
Bu il yay fəslinin Azərbaycana gəlmə vaxtı açıqlanıb.
APA xəbər verir ki, bu barədə AMEA Şamaxı Astrofizika Rəsədxanası məlumat yayıb. Məlumata əsasən, yaz fəsli iyunun 21-i Bakı vaxtı ilə saat 19:54-də yay fəsli ilə əvəzlənəcək.
Bu zaman Yerin fırlanma oxu Günəş istiqaməti ilə ən kiçik bucaq əmələ gətirəcək və ya Günəş həmin an üfüqdən maksimum hündürlükdə olacaq. Həmin an qısa gecə və uzun gündüz qeydə alınacaq.
İDEA İctimai Birliyinin təmirə ehtiyacı olan həyətlərin abadlaşdırılmasına yönəlmiş “Bizim həyət” layihəsi çərçivəsində yenilənən növbəti həyət sakinlərin istifadəsinə verilib.
Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyeva bununla bağlı keçirilən tədbirdə iştirak edib.
Tədbir zamanı uşaqlar üçün müxtəlif əyləncə proqramları təqdim olunub. Həyətdə uşaqlar üçün yeni salınmış oyun meydançası, maraqlı attraksion, sürüşkən və yelləncəklər onların böyük sevincinə səbəb olub. Cizgi film qəhrəmanlarının (maskotlar) və animatorların da qoşulduqları tədbir zamanı uşaqlar sevimli personajları ilə görüşüb, onlarla birlikdə əyləniblər.
Qeyd edək ki, yenilənmiş həyət Xətai rayonu, İlqar Zülfüqarov küçəsi, 107, 109, 111, 113 ünvanlarında 2 min nəfərə yaxın sakinin yaşadığı doqquzmərtəbəli dörd binanı əhatə edir.
Abadlaşdırılan növbəti həyətdə əlil və sağlamlıq imkanları məhdud insanların rahat hərəkəti nəzərə alınıb, bütün yaş qrupları üzrə uşaqların inkişafı üçün əlverişli şəraitin yaradılması və gənclərin asudə vaxtlarını səmərəli keçirmələri məqsədilə ərazidə 1 mini futbol meydançası, 1 şahmat meydançası, idman qurğuları, 4 söhbətgah və oturacaqlar quraşdırılıb. Bu cür meydançaların salınmasında əsas məqsəd gənclərin sağlam həyat tərzi sürmələrinə, sağlamlıqlarını möhkəmləndirmələrinə, asudə vaxtlarını səmərəli keçirmələrinə, o cümlədən onlarda sistematik idmanla məşğulolma refleksinin yaradılmasına nail olmaqdır.
Sakinlərin istək və maraqları nəzərə alınaraq, yeni işıqlandırma dirəkləri quraşdırılıb, binaların fasadları və giriş hissələri də tam təmir olunaraq onların istifadəsinə verilib. Həyətin ərazisindəki mövcud yaşıllıqların bərpası ilə yanaşı, əlavə olaraq 100 ağac əkilib və 3 min kvadratmetr ərazidə yaşıllıq zolağı salınıb.
Xətai rayonunda sakinlərin istifadəsinə verilmiş həyət layihə çərçivəsində abadlaşdırılan iyirmi dördüncü həyətdir.
Müğənni Nigar Camal yenə Şəbnəm Tovuzluya söz atıb. “Eurovision- 2011” qalibi Şəbnəmin bir neçə ay bundan əvvəl “Avropanın paytaxtı Amerikadır” deməsini məsxərəyə qoyub.
Nigar sosial şəbəkədə foto paylaşaraq “London Böyük Britaniyanın paytaxtıdır” şərhini yazıb və gülüş işarəsi qoyub. Bundan sonra instaqram istifadəçiləri şəklə rəy yazaraq Nigarın Şəbnəmə söz atdığını bildirib və Tovuzlunu yenidən tənqid ediblər.
Xatırladaq ki, Nigar bir müddət əvvəl “Gucci” kəmərini tərs taxan Şəbnəmə söz atmış, tərəflər arasında qalmaqal yaranmışdı.
Ailəsi xərçəng xəstəliyindən əziyyət çəkən Əməkdar artist Tünzalə Əliyevaya dəstək olub. Həyat yoldaşı Röyaldan sonra aktrisanın qayınatası, qardaşı və bacısı oğlu onun yanında olduqlarını göstərmək üçün saçlarından imtina ediblər.
Tünzalə instaqram səhifəsində onların keçəl şəkillərini yayaraq ailə üzvlərinə təşəkkürünü bildirib: “Nə qədər ki, ailəcə bir-birimizin yanındayıq, çətin anlarda dəstəyik, o qədər güclü olacağıq. Allah sizi məndən əksik etməsin”.
Tanınmış aparıcı Leyla Mustafayeva sosial şəbəkələrdə paylaşdığı və tənqidlərə məruz qalan görüntülərinə münasibət bildirib. “Qafqazinfo” xəbər verir ki, o, Cənubi Koreyada olarkən instaqramda yaydığı osminoq yeyən videosuna mənfi rəy yazanlara cavab verib:
“Yediyim qurd deyildi, osminoqdur. O videodan sonra hamı yazdı ki, daha məni öpmə. Belə gündəm yaradacağını gözləmirdim. Çünki bunu normal qəbul edirəm və səfərlərə gedən zaman dəniz məhsulları yeyirəm. Canlı deyil, az bişmişdi. Çox çeynədim, çünki belə etmək lazımdır. Həm də dadlı idi. Hələ Yaponiyada ilbiz yemişdim. Onu çox qəşəng qovurdular, duz-istiot vurdular. Ləzzətli idi”.
Əməkdar artistlər Bəhram Bağırzadə və Tahir İmanov Xalq artisti Nazpəri Dostəliyevanın “metro, avtobus sənət adamları üçün deyil” sözlərini ələ salıblar. Hər iki aktyor qısa video çəkərək məşhur müğənninin fikirlərinə etiraz edib.
Görüntülər “İçərişəhər” metrostansiyasında lentə alınıb. Bəhram Bağırzadə “sənətkar”, Tahir İmanov isə metro əməkdaşı obrazını canlandırıb. Videodan görünür ki, İmanov Bağırzadəni yeraltı nəqliyyata buraxmır və “metro sənətkar üçün deyil. Avtobusa da minmə” şərhini verir.
Qeyd edək ki, N. Dostəliyeva qalmaqala səbəb olacaq açıqlamanı “Səhər-Səhər” proqramında vermişdi. <iframe src="http://qafqazinfo.az/news/player?id=254077&l=/uploads/files/61553545_2423924957657707_7661938295596646400_n.mp4" width="100%" height="360" frameborder="0" scrolling="no" allowfullscreen></iframe>
Müsavat başqanının müavini Elman Fəttah nişanlanıb.
“Qafqazinfo” xəbər verir ki, o, jurnalist Vüsalə Əlibəyli ilə münasibətlərini ciddiləşdirib.
Dünən cütlüyün elçilik mərasimi keçirilib. Elçilikdə partiyadaşları Tofiq Yaqublu və Yadigar Sadıqlı da iştirak edib.
Aktrisa Pərvin Abıyeva sosial şəbəkədə tənqidlərə məruz qalıb. Buna səbəb Pərvinin instaqramda paylaşdığı yeni fotolarıdır.
Aktrisa qarın əzələlərini nümayiş etdirdiyi fotolarını 1 milyona yaxın izləyicisi ilə bölüşüb. Ancaq Abıyevanın sözügedən görüntüsü birmənalı qarşılanmayıb. Kifayət qədər çəki atan və tamamilə dəyişən Pərvinin sözügedən şəkillərinə 500-ə yaxın rəy yazılıb.
İnstaqram istifadəçiləri aktrisanın son görüntüsünü bəyənməyib. Belə ki, “Pərvinin qabırğaları sayılır”, “Elə bil qocalıbsan”, “Əvvəllər daha yaxşı bədənin var idi”, “Arıqlıq sizə yaraşmır” tipli şərhlər yazılıb
Heydər Əliyev Fondunun nümayəndələri tanınmış aktyor və rejissor Ramiz Əzizbəylinin evində olub, Xalq artistinin səhhəti ilə maraqlanıblar.
"Qafqazinfo" xəbər verir ki, Fondun prezidenti Mehriban Əliyevanın tapşırığı ilə Ramiz Əzizbəylinin rahat hərəkətini təşkil etmək məqsədi ilə Heydər Əliyev Fondu tərəfindən Xalq artistinə avtomobil hədiyyə olunub.
Avtomobil aktyorun qızı Cəlalə Əzizbəyliyə təqdim edilib. Heydər Əliyev Fondu eyni zamanda aktyorun yaşadığı mənzilin təmir işlərini öz üzərinə götürüb və bu yaxınlarda mənzildə təmir işlərinə başlanılacaq.
Ramiz Əzizbəyli ona göstərilən diqqətə və qayğıya görə Azərbaycanın Birinci vitse-prezidenti, Heydər Əliyev Fondunun prezidenti Mehriban Əliyevaya təşəkkürünü bildirib.
Azərbaycan Silahlı Qüvvələrinin şəhid hərbi qulluqçusu, mayor Aqil Omarovun nəşi Qax rayonuna gətirilib.
“Ordu.az verdiyi məlumata görə, şəhid mayorun nəşi rayon mərkəzində böyük izdihamla qarşılanaraq, doğulub boya-başa çatdığı Lələpaşa kəndindəki evinə gətirilib.
Şəhidimiz saat 12:00-da Lələpaşa kənd qəbiristanlığında dəfn ediləcək.
