 |
 |
Bu gün Bakıda idman aerobikası üzrə Avropa çempionatının ikinci günü keçiriləcək.
Bu gün yarış böyüklər arasında baş tutacaq.
Bakıda keçirilən çempionatda çıxış edəcək gözəlləri təqdim edirik:
Mia Peverall (Böyük Britaniya)
“Bir qız dünyaya gəldi. Bəzən ağladı, bəzən güldü. Həyatı çox çətin, əzablı oldu, anasının əziyyəti ilə böyüdü. “Ata” adı ona çox yad gəldi. Hər kəs “ata” deyəndə, o qız boynun büküb baxırdı. “Ata” sözünün mənasını anlamadı, çünki o sözü heç vaxt demədi”.
Axşam.az xəbər verir ki, bu sözləri müğənni Rəqsanə İsmayılova özü haqda yazıb. Ad günü olan sənətçi təəssüratlarını bölüşüb. Rəqsanə xoşbəxt olmadığını etiraf edib:
“Zaman keçdi, böyüdüm, artıq Rəqsanə anadır. Bəzən xoşbəxt, bəzən bədbəxtəm. Hamını başa düşür, hər kəsin halına yanıram. Amma nədənsə, heç kim məni başa düşmür. Nə yüküm varsa, özüm tək çəkirəm. Qınayırlar, içimi bilmədən arxamca danışırlar. Həyatda nə istədimsə, Allah gec olsa da, verdi. Heç nəyimi kimsədən gizlətmərəm, hər sözümü danışaram. Nə gəlirsə, başıma sadəliyimdən gəlir. Yoruldum demədən çalışdım. Xoşbəxtlik mənə çox vaxt yad gəlir. “Bəxtəvər” deyənlərə ürəyimdə gülüb keçirəm.
Ürəyimdə aça bilmədiyim çox şey var. Həyatda nələr yaşadım, nələr gördüm, bu gün də yaşayıram. Çox şey var, amma mübarizə aparmağı bacarıram. Yaşım az olsa da, yoruldum həyatdan. Nə gözəl gündə – ilk Əhya gecəsində doğuldum. Doğulduğum gündən mücadilə edirəm. Ancaq çox yaşamaq istəmirəm, həyatdan tez köçmək istəyirəm”.
Qeyd edək ki, Rəqsanə son günlər qəmli paylaşımları ilə diqqət çəkib. Onun hətta ərindən ayrılma xəbəri də yayılmışdı.
"Ceyms Bond" film silsiləsinin 25-ci çəkilişində qəza baş verib.
Milli.Az qafqazinfo-ya istinadən xəbər verir ki, ekran işinin baş qəhrəmanı Deniel Kreyk ayağından yaralanıb.
O, biləyindən yaranan problemlə bağlı xəstəxanaya aparılıb. Həkimlər qeyd edib ki, 51 yaşlı aktyor əməliyyat olunmalıdır. Bu səbəbdən ekran işinin çəkilişlərinə fasilə verilib. Kreyk iki həftə xəstəxanada qalmalı olacaq.
Qeyd edək ki, 2020-ci ildə premyerası düşünülən filmin adı hələlik mətbuata açıqlanmayıb. Layihənin rehissoru yenə də Cary Joji Fukunagadır.
Xatırladaq ki, aktyor bu ayın əvvəlində də qəza keçirmiş, ayağı ilə bağlı xəstəxanaya aparılmışdı.
Müğənni Damla yenə də pərəstişkarlarının izdihamı ilə üzləşib. “Qafqazinfo” xəbər verir ki, sənətçi bir neçə gün bundan əvvəl Rusiyanın Novosibirsk şəhərində konsert proqramı ilə çıxış edib.
Sosial şəbəkələrdə paylaşılan videoda müğənninin fanatlarının onunla şəkil çəkdirmək istədikləri görünür. İzdihamda hərəkət edə bilməyən Damlaya tədbirin təşkilatçıları kömək edib.
Gəncə Dövlət Kukla Teatrının aktyoru, əməkdar artist Nağəddin Məmmədov bu gün 52 yaşında vəfat edib.
Bu haqda Gəncə Dövlət Dram Teatrının “Facebook” səhifəsində məlumat verilib.
Tanınmış model Bella Hadid “Vogue” jurnalı üçün yeni fotosessiya etdirib.
O, çimərlik geyimində kamera qarşısına keçib. Hadid bir-birindən fərqli 10-dan artıq obraz yaradıb.
Fotoları model İnstaqram hesabında paylaşıb. Onun çəkiliş vaxtı lentə alınan videosu isə milyonlarla bəyənmə və saysız-hesabsız şərhlərlə qarşılanıb.
“Eurovision” yarışmasında Belarusun Avropa Yayım Birliyinin (EBU) qaydalarını pozduğu üçün verdiyi ballar ləğv olunandan sonra bəzi ölkələrin yerləşməsində dəyişiklik olub.
“Qafqazinfo” yarışmanın rəsmi saytına istinadən xəbər verir ki, Belarus münsiflər heyətinin verdiyi ballar siyahının ən az xal toplayan ölkələri arasında bölüşdürüldükdən sonra yeni səsverməyə əsasən, Azərbaycan siyahıda 1 pillə geriləyərk 8-ci yerdə qərarlaşıb. Buna baxmayaraq müsabiqənin ilk 4 yerində hər hansı bir dəyişiklik baş verməyib.
Yenilənmiş nəticələr:
Hollandiya (498 xal)
İtaliya (472 xal)
Rusiya (370 xal)
İsveçrə (364 xal)
İsveç (334 xal)
Norveç (331 xal)
Şimali Makedoniya (305 xal)
Azərbaycan (302 xal)
Avstraliya (284 xal)
İslandiya (232 xal)
Çexiya (157 xal)
Danimarka (120 xal)
Kipr (109 xal)
Malta (107 xal)
Sloveniya (105 xal)
Fransa (105 xal)
Albaniya (90 xal)
Serbiya (89 xal)
San Marino (77 xal)
Estoniya (76 xal)
Yunanıstan (74 xal)
İspaniya (54 xal)
İsrail (35 xal)
Belarus (31 xal)
Almaniya (24 xal)
Birləşmiş Krallıq (11 xal)
Psixoloq Nərmin Şahmarzadənin Milli Qəhrəman Mübariz İbrahimov haqqında sosial şəbəkələrdə yazdığı yazılarda, video-çıxışlarında səsləndirdiyi fikirlərdə təhqir və böhtan olub-olmamasına ekspertiza qərar verəcək. Mayın 22-də Xətai Rayon Məhkəməsində hakim Cavid Hüseyn həmin materialların ekspertizaya göndərilməsi barədə qərar çıxarıb.
Bizimyol.info xəbər verir ki, bu qərar Mübariz İbrahimovun anası, N.Şahmarzadənin həbsini tələb edən Şamama İbrahimovanın nümayəndəsi və vəkili Ramil Rüstəmovun vəsatəti əsasında çıxarılıb. Ş.İbrahimova özü məhkəməyə gəlmədiyinə görə onu yalnız vəkili təmsil edib.
Ekspertiza qərarından əvvəl həm xüsusi ittihamçı Ş.İbrahimovanın vəkili, həm də təqsirləndirilən N.Şahmarzadə özü çıxış edib.
Vəkil bildirib ki, xüsusi ittiham qaydasında qaldırılmış iddianı müdafiə edir və N.Şahmarzadənin Cinayət Məcəlləsinin 147 (böhtan) və 148-ci (təhqir) maddələrilə cinayət məsuliyyətinə cəlb edilməsini istəyirlər.
Mübariz İbrahimov, Azərbaycan Respublikasının Milli Qəhrəmanı
N.Şahmarzadənin Facebook səhifəsindən yayılan yazının məzmunu haqda danışan vəkil bildirib ki, orada aşkar böhtan əlamətləri var: “Yazır ki, komandanlığın icazəsi olmadan sərhədi keçmişdi, əgər sağ qalsaydı belə, buna görə ona cinayət işi açılacaqdı. Bundan bir neçə gün sonra video paylaşır, məzmunu da təxminən belədir ki, “nə demişəmsə, düz demişəm, Mübariz günahsız insanları öldürüb, bu da cinayətdir. Bütün bunlar ağır cinayətdə ittiham etməklə böhtan atmaqdır”.
Məhkəmənin qarşısında Nərmin Şahmarzadəyə cəza tələbi
İttihama münasibət bildirən N.Şahmarzadə özünü təqsirli bilməyib. Təqsirləndirilən şəxs qismində ifadə verən psixoloq bildirib ki, o, dekabrın 5-də yazdığı statusda Mübariz İbrahimovu nə təhqir edib, nə də ona böhtan atıb. Həmin statusda yazdıqlarını məhkəmədə elan edən psixoloqun sözlərinə görə, on gün sonra bir çox saytlar sözügedən statusu yenidən “Psixoloq Nərmin Şahmarzadə Milli Qəhrəman Mübariz İbrahimovu təhqir etdi” kimi başlıqlar altında paylaşmağa başlayıblar: “Sanki bir mərkəzdən göstəriş verilmişdi. Bundan sonra mənə qarşı linç kampaniyası sərt şəkildə davam etdirildi. Elektron poçtuma, telefonuma təhqir, hədə-qorxu, şərəf və ləyaqəti alçaldan mesajlar göndərildi, mənim adıma saxta profillər açıb, Azərbaycan kişilərinin, Mübariz İbrahimovun, ölkə prezidentinin və digər yüksək vəzifə sahiblərinin ünvanına təhqir dolu fikirlər paylaşmağa başladılar. Saytlar da araşdırma aparmadan bunları mənim fikrim kimi yayıb, mənə qarşı qəzəb və nifrət hissini daha da alovlandırdılar. Saytlardan birində mənim başıma 3 milyon 500 min pul qoyulması barədə yazı getmişdi”.
Təhsil aldığı Bakı Dövlət Universitetinin rəhbərliyi tərəfindən də təzyiqə məruz qaldığını deyən danışan N.Şahmarzadənin sözlərinə görə, dekabrın 17-də universitetin prorektoru Sani Hacıyev ondan ictimaiyyətə açıq şəkildə Azərbaycan xalqından üzr istəməyi tələb edib. O isə imtina edib: “Prorektor dedi ki, “Mübarizi qəhrəman, ermənini də düşmən hesab etməyən şəxs bu universitetdə oxuya bilməz”, universitetdə də kimsə mənə fiziki xətər yetirsə, universitet buna görə məsuliyyət daşımayacaq. Dərsdən çıxanda universitetin həyətində üstümə sönməmiş siqaret atdılar, məni müdafiə edən tələbələri döydülər. Taksiyə minib evə gedəndə arxadan ardımca gəlib, taksini saxlatdırdılar, pəncərəni döyüb “aç, bu vətən xainini maşınından düşürt!” deyə sürücüyə təzyiq göstərdilər”.
Psixoloqun ifadəsindən sonra qarşı tərəfin vəkili ona “Mübariz İbrahimovu Azərbaycan kişilərinə nümunə hesab edirsinizmi?” sualını verib. N.Şahmarzadə suala belə cavab verib: “Mən pafosdan uzaqlaşıb, təhsilə fokuslanmağın tərəfdarıyam. Mən qəhrəmanlığı təhsildə uğur qazanmaqda görürəm. Mübariz İbrahimov haqqında statusdan az öncə bu barədə yazmışdım. Həmin statusda bir nəfərlə fikir ayrılığı yarandı, Mübariz İbrahimov haqqında yazdı. Ondan sonra mən də fikrimi izah eləmək üçün həmin statusu yazdım. Mən hərbiyə qarşıyam, sülh istəyirəm”.
Məhkəmə prosesi ekspertizanın rəyi açıqlanana qədər təxirə salınıb.
Model Günay Musayeva sevgilisi Taha Tatlıcını bıçaqlaması xəbərini təkzib edib.
“Qafqazinfo” xəbər verir ki, bu barədə Günay İnstaqram hesabında sevgilisi ilə birgə açıqlama yayıb:
“Bu gün haqqımda yazılan sevgilim Taha Tatlıcını bıçaqlamağımla bağlı xəbər tamamilə yanlış və üzücüdür. Bu xəbər üzüdən mənə və sevgilimə qarşı ağır ititham irəli sürülüb. Taha ilə aramızda yaranan xırda mübahisə qonşuların polisə şikayətinə səbəb olub. Daha sonra hər ikimiz polisə gedərək səhv anlaşılmanın düzəldilməsini istəmişik. Aramızda heç bir problem yoxdur, münasibətimiz davam edir”.
Qeyd edək ki, Günay özü “İkinci sayfa” verilişinə zəng vuraraq Tahanı oğlu Cihangiri döydüyü üçün özünümüdafiə məqsədilə bıçaqladığını boynuna almışdı.
Bakıda müğənni Kərim Abbasova hücum edən şəxsin kimliyi məlum olub.
Bu barədə Oxu.Az-a Bakı şəhər Baş Polis İdarəsinin mətbuat xidmətinin rəhbəri, polis mayoru Elşad Hacıyev məlumat verib.
O bildirib ki, müğənniyə hücum edən şəxs Bakı şəhəri, Nəsimi rayon sakini, 1984-cü il təvəllüdlü Elvin Ramazanovdur:
“Həmin şəxs Binəqədi rayon Polis İdarəsinə dəvət edilərək izahatı alınıb”.
E.Hacıyevin sözlərinə görə, onun polis olması ilə əlaqədar yayılan xəbərlər əsassızdır.
“Elvin Ramazanov polis orqanlarında işləmir və mülki vətəndaşdır. Hazırda faktla bağlı Binəqədi rayon Polis İdarəsinin təhqiqat şöbəsində təhqiqat-araşdırmaları davam etdirilir”.