 |
 |
Prezident İlham Əliyev Azərbaycan Respublikasının diplomatik xidmət orqanları əməkdaşlarının təltif edilməsi haqqında sərəncam imzalayıb.
Sərəncamla Azərbaycan Respublikasının diplomatik xidmət orqanlarında səmərəli fəaliyyətinə görə aşağıdakı şəxslər təltif ediliblər:
1-ci dərəcəli “Vətənə xidmətə görə” ordeni ilə
Məmmədyarov Elmar Məhərrəm oğlu
2-ci dərəcəli “Vətənə xidmətə görə” ordeni ilə
Əzimov Araz Böyükağa oğlu
Hacıyev Hikmət Fərhad oğlu
Həsənov Həsən Əziz oğlu
Həsənov Ramiz Ayvaz oğlu
Hüseynov Nadir Sabir oğlu
Xələfov Xələf Alı oğlu
Quliyev Hüseyn Rzaqulu oğlu
Quliyev Vilayət Muxtar oğlu
Məmməd-Quliyev Mahmud Əhməd oğlu
Orucov Hidayət Xuduş oğlu
Paşayev Hafiz Mir Cəlal oğlu
Polad Bülbüloğlu
Zeynalov Həsən Sultan oğlu
3-cü dərəcəli “Vətənə xidmətə görə” ordeni ilə
Abdullayev Şahin Şakir oğlu
Axundov Cavanşir Əşrəf oğlu
Allahverdiyev Qaley Əliyeviç
Bağırov Faiq Nüsrət oğlu
Əliyev Mahir Məmməd oğlu
Əliyev Yaşar Teymur oğlu
Əlizadə Əli Fikrət oğlu
Həsənov Eldar Hümbət oğlu
İsgəndərov Fuad Eldar oğlu
İsmayılov Rəşad Fail oğlu
İsrafilov Qalib Malik oğlu
Qarayev Tamerlan Elmar oğlu
Qəhrəman Elxan Cahangir oğlu
Qəndilov Lətif Seyfəddin oğlu
Qurbanov Fəxrəddin İsa oğlu
Məmmədov Rəşad Eynəddin oğlu
Məmmədzadə Həsən Dilsuz oğlu
Mustafayev Rəhman Sahib oğlu
Nəcəfbəyli Murad Nizami oğlu
Nəcəfov Hüseyn Nizami oğlu
Osmanov Qüdsi Dursun oğlu
Poluxov Elxan Polux oğlu
Rzayev Rasim Şəmsəddin oğlu
Rzayev Tural Anar oğlu
Sadıqov Vaqif İsmayıl oğlu
Sultanov Elnur İxtiyar oğlu
Süleymanov Elin Emin oğlu
Şıxəliyev Əşrəf Fərhad oğlu
Şükürov Ağasəlim Səmədağa oğlu
Tağızadə Tahir Tofiq oğlu
Zeynallı Əkrəm Akif oğlu
“Tərəqqi” medalı ilə
Ağayev Nəsimi Məhəmmədəli oğlu
Əhmədzadə Məmməd Bahəddin oğlu
Fərhadov Xəzər Nadir oğlu
Hacıyev Məsim Abdulla oğlu
Hüseynov Cavidan Rizvan oğlu
Hüseynov Hüseyn İsmayıl oğlu
İbrahim Xəzər Zafir oğlu
İsmayılzadə Fariz Akif oğlu
İsmayılzadə Gürsel Qüdrət oğlu
İsmayılzadə Pərviz Cəfər oğlu
Kərimov Emil Zülfüqar oğlu
Qasımov Sultan Məhəmməd oğlu
Quliyev Nuru Ələkbər oğlu
Mirzəzadə Pərvin Xəyyam oğlu
Sadıqov Toğrul Fikrət oğlu
Səlimov Eldar Nadir oğlu
“Dövlət qulluğunda fərqlənməyə görə” medalı ilə
Əhmədov Zaur Rəşid oğlu
Əliyev İlham Salam oğlu
Hacıyev Vüqar Cəbi oğlu
Həbibzadə Elcan İbrahim oğlu
Hüseynov Hüseyn Cəlal oğlu
Qurbanov Ramil Kamil oğlu
Qurbanov Vüqar İsrail oğlu
Məmmədzadə Kamran Vahid oğlu
Musayev Cavid Xəlil oğlu
Musayev Cavid Sokrat oğlu
Nəbiyev Rizvan Novruz oğlu
Nəsibov Ruslan Rafael oğlu
Ramazanov Ağacavid Ağamehdi oğlu
Sadıqbəyli Rövşən Nüsrət oğlu
Şükürov Zaur Ramiz oğlu
Yusifov Mikayıl Vahid oğlu
“Diplomatik xidmətdə fərqlənməyə görə” medalı ilə
Abdullayeva Dilarə Zakir qızı
Ağakişiyev Sərxan Tehmur oğlu
Baratlı Rəşad Həmid oğlu
Becanov Samir Arif oğlu
Cəfərov Nadir Yavər oğlu
Əhmədov Elvin Eldar oğlu
Ələkbərli Vüsal Ziyad oğlu
Ələsgərli Emin Xanoğlan oğlu
Əliyev Tale Cahangir oğlu
Fətəliyev Ziya Fazil oğlu
Hacızadə Ayxan Elxan oğlu
İbrahimov Vüqar İsa oğlu
İbrahimova Jalə İbrahim qızı
Kərimli Fəxri Tələt oğlu
Qafarov Vüqar Fariz oğlu
Lətifov Ramel Muqabil oğlu
Məmmədəliyeva Leyla Novruz qızı
Məmmədova Gülnarə Daşdəmir qızı
Musayev Azər Samiddin oğlu
Novruz Rəşad İntiqam oğlu
Novruzova İlahə İlham qızı
Panin Dmitri Yevgenyeviç
Rəfiyev Yalçın İlqar oğlu
Səfərov Emil Firdovsi oğlu
Vəkilova-Mərdəliyeva Mərziyə Cavanşir qızı
Zeynalov Qoşqar Aslan oğlu.
Prezident İlham Əliyev Xarici İşlər naziri Elmar Məmmədyarovla bağlı sərəncam imzalayıb.
Sərəncama əsasən, Elmar Məmmədyarov 1-ci dərəcəli “Vətənə xidmətə görə” ordeni ilə təltif olunub.
Azərbaycanın keçmiş nəqliyyat naziri Ziya Məmmədov ibadətlə məşğuldur. Sonuncu Ramazan ayında oruc tutan sabiq nazir, həmçinin mütəmadi olaraq Quranı mütaliə edir, namaz qılır.
“Yeni Sabah” xəbər verir ki, bu barədə Qaynarinfo-ya Z.Məmmədova yaxın mənbələrdən məlum olub.
Keçmiş nazirin mütaliə dairəsi, sadəcə, müsəlmanların müqəddəs kitabını oxumaqla tamamlanmır. Onun bədii əsərlərə marağı da böyükdür. Sabiq "nəqliyyat şefi" xüsusilə poeziya həvəskarıdır və ara-sıra özünün də şeirlər yazdığı deyilir.
Xatırladaq ki, hazırda 67 yaşı olan Z.Məmmədov 2002-2017-ci illərdə nəqliyyat naziri postunu tutub. Vəzifədə olduğu dövrdə Azərbaycanın ən korrupsiyalaşmış məmurlarından hesab olunan sabiq nazirin kreslosunu itirdikdən sonra biznesinin və şəxsi varidatının böyük hissəsini itirdiyinə dair iddialar dolaşır.
İlk baxışdan fərqində deyilik! Fərqində deyilik ki, birbaşa 4 milyonun, dolayısıyla 10 milyonun taleyindəki, yaxud da taleyindəki müəyyən bir anın-kəsimin sahibi Cahangir Əsgərov düşüncə və təfəkkür baxımından sürünmək üçün yaranıb. "Bu insanın Azərbaycan xalqına qarşı heç bir rəğbəti yoxdur” qənaəti bir yana, nifrəti, qəzəbi sonsuzdur! Elementar bir müqayisə edim keçim faktlara: Rusiyadan Ermənistana uçuşlar plyus-minus 50 ABŞ dolları civarındadır! Azərbaycana biletlər 500 ABŞ dolları!
Cahangir Əsgərovla məsələ məlum: adam dəfələrlə haqlı olaraq verilən suallara, - biletlərin niyə baha olması, baqaj yükünə görə xalqı soyması qarşılığında, - hörmətsizcəsinə "mövqe”yini ortaya qoyub! Fəqət həm sərninşinlər, həm də jurnalistlər bu sayğısızlığa hörmətsizliyin ardından susmağa üstünlük veriblər!
Əslində isə... qəti mübarizə aparılmalıydı. Ən azından, ölkənin prezidenti İlham Əliyev dəfələrlə münasibət bildirib, tələb edib, göstəriş verib, ölkə başçısının bu təpkisindən sonra ona dəstək olmaq lazım idi, biz isə içimizə atdıq: "Əşşi, "Canik” prezidenti də saymır!”.
Arada bir-iki araşdırmaçı tapıb üzə çıxartmışdı ki, bunun xanımının adına Batumidə obyektlər alınıb, tikintiyə sərmayə qoyulub, sonra onlar da havaya qaldırdıqları "Su-27”-lərdən "korrupsiya bombaları”nı Cahangir Əsgərovun başına tökməkdənsə, qalxdıqları ucalıqdan özləri guppultu iləyerə elə düşdülər ki, heç yerin altından da səsləri gəlmir.
Biz təpik bizə dəyəndə ayılanlardanıq! Biletlərin baha olmasının təpiyi mənə dəyməyib – son bir ildə 10 dəfə Moskvaya və geri uçmuşam. Bu o deməkdir ki, mən 10 ən yaxın dostuma ağız açmışam, deməli, 10 ən yaxın dostum ortalamamənə 5000 dollar yardım etmiş olub – bu, böyük borcdur, böyük haqdır mənim boynumda. Ancaq iş ondadır ki, Rusiyadakı 3-4 milyon azərbaycanlının hər biri Aydın Canıyev deyil və onların Aydın Canıyev kimi hər dəfə ağız açası 10 yaxın və dəyərli, xeyirxah dostu yoxdu! Bir orası da var ki, Rusiyadan Azərbaycana gəlmək istyəyən azərbaycanlılar müxtəlif variantlara əl atsalar da, alternativ yolu olmayanlar məcburən AZAL-ın ayağına gəlirlər. Bilet kassalarında isə yalvarmağa, sövdələşməyə imkan yoxdu ki, yalvarasan: AZAL, az al!
AZAL-ı Azərbaycan hava məkanından AZALtmaq lazımdır – qəti şəkildə! İstənilən digər aviakompaniya Azərbaycana, Azərbaycan xalqına, azərbaycanlı sərnişinlərə daha hörmətlə, daha rəğbətlə, daha anlayışla yanaşır, nəinki bu nə azərbaycanca, nə də rusca danışıq mədəniyyəti, qabiliyyəti olmayan Cahangir Əsgərov! Prezident dövlət konserni olaraq hər il AZAL-a kifayət qədər yüksək məbləğdə subsidiya ayrılmasına sərəncam verir, bu "canik” isə götürüb əksər ölkələrin həm təhlükəsizliyinə, həm də komfortuna görə istismardan çıxardığı drandulet, tökülmüş-sökülmüş təyyarələri alır yığır anqara. İqtisadçı olmadan da anlamaq olur ki, burada dövlətin pulları göyə sovrulmayıb e, birbaşa Cahangir Əsgərovun cibinə axıdılıb! Cahangir Əsgərov isə "dövlətin pulunu neyləmisən” sualına cavabı bizə bileti 500 dollara sırımaqla kompensasiya edir, halbuki Moskva-Bakı aviareysinin dəyəri 100 dolları aşmır!
Cahangir Əsgərov heç..."on s çortom, çort s nim” – şeytan onunladır, o şeytanladır. Hətta prezidentin də dil-ağzını bağlaya bilir, kişinin oğlu ayrılan pulları "obratnı” qaytarır da. Day "necə” sualını verən olmur.
Cahangir Əsgərovu başa düşmək olar, mən onun müavini və sələfi olacaq Eldar Hacıyevi başa düşmürəm.
Bu adamdan ilk yazını "Xalq qəzeti”ndə mən yazmışam – bir səhifə həcmində. Əliaçıq, dəyərli oğlan idi o vaxtlar. Bilirsiniz niyə? Adam Moskvada bilet mafiyası ilə vuruşub azərbaycanlıların təşəbbüsünü çəkirdi. Nümayəndəliyin açılması üçün əlindən gələni etmişdi. Heydər Əliyevə sədaqətdən, Vətənə xidmətdən danışırdı. Milyardlarla pulun möhtəkirlərin cibinə axmasındansa dövlətimizin büdcəsinə yönləndirilməsi üçün əldə-ayaqdan gedirdi! Soruşmaq istəyirəm, əziz ordubadlı balası, hara getdi sənin o vətənpərvərliyin, Heydər Əliyevə sadiqliyin? Sən Rusiyadakı bilet mafiyası ilə döyüşə bildin, qalib gəldin, Cahangir Əsgərov səni necə və nəylə satın aldı? Kim bilməsə də sən bilirsən axı bu bilet məsələsində nə miqdar pullar dövr edir.
Cahangir Əsgərov bir yandan dağıdır, sən də bir yandan dağıntının daha faciəli formasına niyə rəvac verirsən? Niyə də şübhələnməyək ki, məhz AZAL-ın biletləri niyə bu qədər bahadır? Yoxsa bir vaxtlar döyüşdüyün bilet mafiyasını təzədən diriltmisən, sənin payın ayrıcadır?
Axı mənim tanıdığım Eldar Hacıyev bu qədər əclaflığa yuvarlanmamalıydı – təsəvvür edin: Vladivostokdan, Maqadandan, ümumiyyətlə, RF-nin 85 subyektindən azərbaycanlı ailə gəlir Moskvaya çıxır və uçmalıdır Azərbaycana. Bir bilet 500 dollar, ailə isə 5-6 nəfər. Bir maşının qiymətidir e! Heçmi sizdə insaf, vicdan yoxdur? İqtisadi qanunlar insaf, vicdan hərləmir, siz iqtisadi qanunlarla da işləmirsiniz axı! Mafiya qanunları ilə də işləmirsiniz! Sizin etdikləriniz vəhşilikdir, sadəcə. Azərbaycan xalqına qarşı vəhşilik!
Azərbaycanlılara səmalarda olmaq yaraşır!
Bizi bundan məhrum ediblər!
Azərbaycanlılara göylərə yüksəlmək yaraşır – layiqdirlər. Ayrıları bunu bizə rəva görür, sizdən başqa, cənab EldarHacıyev, Cahangir Əsgərov.
Görünür, siz özünüz azərbaycanlıları səmalarda müşayiət eləməyə layiq deyilsiniz! Çünki düçüncəniz sürünənlər düşüncəsidir!
AZAL... azərbaycanlıları göylərə, səmaya, ucalığa daşımaqdansa... yollarda süründürür.
"Bizi gömmüş yerə minbərdəkilər” deyirdi Sabir!
İndi mollalardan sonra milləəti yerə gömmək növbəsi sizə çatıbmı, Eldar Hacıyev, Cahangir Əsgərov?
Cahangir Əsgərov əvvəlindən bəllidir, amma sizə deyirəm, Eldar Hacıyev: axı siz şəxsən görmüsünüz azərbaycanlılar hava limanlarında nə qədər miskin duruma düşür. Bir vaxtlar bu hal sizi incidirdi, siz xalqınızı o günə salanları söyürdünüz, indi incidən sizsiniz və şefinizdir – fərqindəsinizmi, sizi daha kreativ söyürlər? Dünya qloballaşır və inteqrasiya prosesi sürətlənir. Nəzərə alın. Mən əlimə kompüter düşən kimi, sizin üçün aviauçuşların Moskvadan Tbilisiyə, Yerevana, Astanaya, Münhenə müqayisəli qiymət fərqini çatdıracam. Ya da etdiyiniz zülmün qarşısında əziyyət çəkin, bir də özünüz baxın, ya da mətbuat xidmətinizə tapşırın, çatdırsın sizə. Baxın. Baxın ki, əmin olun: siz sürünürsünüz, başqaları uçur! Uçur e, uçur! Çünki siz uçmaq üçün doğulmayıbsınız!
Elə buna görə də həm yerdən, həm də göydən çooox eybəcər görünürsünüz!
Aydın Canıyev,
Miq.Az
Bu gün Azərbaycan Milli Məclisinin növbədənkənar sessiyasının növbəti plenar iclası keçiriləcək.
“Report” xəbər verir ki, iclasın gündəliyinə 38 məsələ daxildir.
Bunlar “Məhkəmələr və hakimlər haqqında”, “Dövlət rüsumu haqqında”, “Əmək pensiyaları haqqında”, “Yol hərəkəti haqqında”, “Dövlət satınalmaları haqqında” qanunlara, o cümlədən Cinayət, Cinayət Prosessual, İnzibati Prosessual, İnzibati Xətalar məcəllələrinə dəyişiklik layihələridir. Dəyişiklik layihələri 2-ci və 3-cü oxunuşda müzakirə olunacaq.
Bundan başqa, deputatlar “Azərbaycan Respublikasının 2019-cu il dövlət büdcəsi haqqında” qanun layihəsinə də baxacaqlar.
Avropa Şurasının prezidenti Donald Tusk Azərbaycana səfərə gəlib.
“Report” xəbər verir ki, Bakıya səfəri zamanı D.Tusk Azərbaycan Prezidenti İlham Əliyevlə görüşəcək, eləcə də Bakı Beynəlxalq Dəniz Limanını ziyarət edəcək.
Səfər zamanı ikitərəfli əməkdaşlıq, regional əməkdaşlığın genişləndirilməsi məsələləri, həmçinin “Şərq tərəfdaşlığı” proqramının gələcəyi müzakirə olunacaq.
D.Tusk iyulun 10-da Ermənistana, iyulun 11-də isə Gürcüstana səfər edəcək.
İyulun 11-də Avropa Şurasının prezidenti “Şərq tərəfdaşlığı”nın 10 illiyinə həsr olunmuş 16-cı Beynəlxalq Batumi Konfransının açılışında iştirak edəcək.
Nazir: “AXC Hökuməti Gürcüstan, Ermənistan, Türkiyə, Ukrayna və digər ölkələrdə diplomatik və konsulluq missiyalarına malik idi…”
Azərbaycanın xarici işlər naziri Elmar Məmmədyarov diplomatik xidmət orqanlarının 100 illik yubileyi ilə əlaqədar AzərTAc-a müsahibəsində Azərbaycan Xalq Cümhuriyyəti dövründəki diplomatik əlaqələrimizdən də söz açıb. Nazir bildirib ki, Azərbaycan diplomatiyasının bir əsrlik yolu barədə daha aydın təsəvvürün yaradılması üçün AXC-nin mövcudluğu zamanı Bakıda 16 dövlətin, o cümlədən ABŞ, Böyük Britaniya, Fransa, İtaliya, İsveç, İsveçrə, Belçika, İran, Polşa, Ukrayna və digər ölkələrin diplomatik missiyalarının fəaliyyət göstərdiyini yada salmaq olar.
“AXC hökuməti, öz növbəsində Gürcüstan, Ermənistan, Türkiyə, Ukrayna və digər ölkələrdə diplomatik və konsulluq missiyalarına malik idi. Hələ mən Paris Sülh Konfransındakı nümayəndə heyətimizi qeyd etmirəm. Hazırda isə Bakıda 66 ölkənin və 11 beynəlxalq təşkilatın diplomatik missiyaları fəaliyyət göstərir və eyni zamanda Azərbaycanın xaricdə 59 səfirliyi, beynəlxalq təşkilatların yanında 5 daimi nümayəndəliyi və 9 baş konsulluğu ölkəmizi təmsil edir”, – deyə XİN başçısı bildirib.
Burada xüsusilə də Ermənistandakı nümayəndəliyimizin olması məsələsi diqqəti çəkir. “Yeni Müsavat” məsələnin ictimaiyyətə də maraqlı olacağını nəzərə alaraq, həmin zaman Azərbaycanın Ermənistandakı nümayəndəliyi barəsində daha geniş məlumat verir.
Belə ki, Azərbaycan Xalq Cümhuriyyətinin diplomatiya tarixində ən gərgin münasibətləri, şübhəsiz ki, Ermənistanla olub. Hələ müstəqillikdən öncə erməni silahlı dəstələri indiki Ermənistan ərazisində yerli azərbaycanlılara qarşı kütləvi qırğınlar törədirdilər. Müstəqillik əldə edildikdən sonra – 1918-ci ilin yayında Azərbaycanla Gürcüstan arasında nümayəndəlik səviyyəsində diplomatik əlaqələr qurulub. Azərbaycanla Ermənistan arasında birbaşa diplomatik münasibətlərin yaradılması isə yalnız 1919-cu ilin əvvəlində mümkün olub. Həmin vaxtadək Ermənistanla yazışmalar Azərbaycanın Gürcüstandakı diplomatik nümayəndəliyi vasitəsilə həyata keçirilib. Azərbaycanla Ermənistan arasında diplomatik yazışmalara aid sənədlər əsasən Xalq Cümhuriyyəti Xarici İşlər və Müdafiə nazirliklərinin fondlarında, Azərbaycanın Gürcüstandakı daimi nümayəndəliyinin fondunda və Sovet Azərbaycanı Xarici İşlər Komissarlığının fondlarında saxlanılır. Tarixi mənbələrdə qeyd edilir ki, 1918-ci il mayın 28-də dövlət müstəqilliyinin elan edilməsindən yarım ildən artıq vaxt keçməsinə baxmayaraq, Ermənistanla Azərbaycan arasında birbaşa diplomatik münasibətlər qurulması mümkün olmamışdı. Bu səbəbdən də Azərbaycanın xarici işlər naziri iyunun 22-də Gürcüstandakı daimi nümayəndəsinə göndərdiyi məktubda bildirmişdi ki, Ermənistan hökumətinin, o da təşkil edilməyibsə, Erməni Milli Şurasının nəzərinə çatdırsın ki, Azərbaycan-Ermənistan sərhədlərini elan etmək üçün xüsusi komissiya yaradılmalıdır. Əgər Ermənistan hökuməti bu təklifi bəyənərsə, görüş yerini və vaxtını bildirmək təklif edilmişdi. Lakin Ermənistan tərəfi Batum müqaviləsinin şərtlərinə məhəl qoymayaraq, yeni ərazilər ələ keçirmək üçün hərbi təcavüzünü davam etdirməklə yanaşı, Dağlıq Qarabağa dair ərazi iddiası irəli sürmüşdü.
Ermənistan hökuməti yalnız 1919-cu il fevralın 1-də Azərbaycanın İrəvan şəhərində daimi nümayəndəliyinin fəaliyyətə başlamasına razılıq verib. Azərbaycanın Ermənistanda diplomatik nümayəndəliyi fəaliyyətə başlayanadək İrəvan quberniyası ərazisində ermənilərin törətdikləri vəhşiliklər barədə beynəlxalq təşkilatları, Azərbaycan mətbuatını və rəsmi dairələri İrəvan Müsəlman Milli Şurası, İrəvan Müsəlman Xeyriyyə Cəmiyyəti və İrəvan Quberniyası Həmyerliləri Təşkilatı məlumatlandırırdı.
İlk nümayəndəmiz Məhəmməd xan Təkinski olub. O, 1879-cu ildə Türküstanda anadan olub. 1881-ci ildə rusların Axal-Təkə qalasına hücumu zamanı valideynlərini itirən iki yaşlı Məhəmmədi rus ordusunun polkovniki Ehsan xan Naxçıvanski oğulluğa götürüb. Məhəmməd 1901-ci ildə Tiflis birinci kişi gimnaziyasını, 1908-ci ildə Novorossiysk Universitetinin hüquq fakültəsini bitirib. Məhəmməd xan Təkinski 1918-ci il iyul ayının 15-də Azərbaycan Xalq Cümhuriyyəti hökumətinin yaratdığı Fövqəladə Təhqiqat Komissiyasının fəaliyyətinə cəlb olunub. Cümhuriyyətin süqutundan sonrakı dövrdə Məhəmməd xan Təkinskinin fəaliyyəti barədə hələlik məlumat əldə edilməyib. Tədqiqatçı Ədalət Tahirzadənin verdiyi məlumata görə, Məhəmməd xan Təkinski repressiyaya məruz qalaraq, 18 mart 1938-ci ildə güllələnib.
2 aprel 1919-cu ildə Azərbaycanın Ermənistandakı diplomatik nümayəndəsi M. Təkinski xarici işlər naziri M. Cəfərova göndərdiyi məlumatda bildirirdi ki, martın 19-da Ermənistan hökuməti onun şərəfinə verdiyi nahar zamanı natiqlər Azərbaycanla dostluq münasibətlərinin qurulmasının zəruriliyindən danışıblar. M. Təkinski martın 18-də Eçmiədzində katolikosla görüşü zamanı katolikosun Ermənistanla müsəlmanlar arasında dostluğun zəruriliyini vurğuladığını, müsəlmanlarla dinc yaşamaq üçün erməni xalqına müraciət edəcəyini vəd etdiyini yazır. M. Təkinski mazut olmaması səbəbindən Eçmiədzin kilsəsinin və katolikosun iqamətgahının işıqlandırılmadığını yazır və əlavə edir ki, o, katolikosa mazut göndəriləcəyini vəd verib və xarici işlər nazirindən xahiş edir ki, katolikosa çatdırılması üçün çəlləklərdə yalnız 200 pud mazut göndərilsin. Daha sonra M. Təkinski qaçqınların vəziyyətinin ağır olduğunu və dərhal onlara kömək göstərilməsi lüzumunu qeyd edirdi.
3 may 1919-cu ildə Azərbaycanın Ermənistandakı diplomatik nümayəndəsi M.Təkinskinin Azərbaycan hökumətinin başçısına göndərdiyi teleqramda Ermənistan ordusunun Naxçıvana yeridilməsi ilə bağlı Azərbaycan hökuməti adından Ermənistan xarici işlər nazirinə etiraz məktubu göndərdiyini bildirirdi.
Mayın 16-da M.Təkinski Azərbaycan hökumətinin başçısına göndərdiyi şifrəli teleqramda bildirirdi ki, erməni polkları Naxçıvan üzərinə hücuma keçib. Ermənistana təzyiq etmək üçün M.Təkinski təklif edirdi ki, qoşunları Ermənistanla sərhəddə cəmləşdirmək lazımdır.
4 iyun 1919-cu ildə Azərbaycan xarici işlər nazirinin müavini A.Ziyadxanov Ermənistandakı diplomatik nümayəndə M.Təkinskiyə göndərdiyi teleqramda Fövqəladə Parlament İstintaq Komissiyası yaratmaq üçün İrəvan quberniyasında ermənilərin törətdikləri qırğınlar barədə İrəvan Milli Şurası ilə birlikdə məlumat toplamağı tapşırmışdı. Bu məqsədlə parlamentin 10 milyon vəsait ayırmaq istədiyi də teleqramda qeyd olunmuşdu…
Bundan sonra diplomatik nümayəndəliyə Əbdürrəhim bəy Haqverdiyev və M. Mirbabayev, 1920-ci ilin fevralında isə Teymur bəy Makinski başçılıq ediblər. Nümayəndəlik aprel işğalından (1920) sonra – 1920-ci ilin mayında ləğv edilib.
Azərbaycanla Serbiya arasında ticarət və iqtisadi əməkdaşlıq üzrə Hökumətlərarası Komissiyanın yeni tərkibi təsdiqlənib.
Prezident İlham Əliyev bununla bağlı “Azərbaycan Respublikası ilə Serbiya Respublikası arasında ticarət və iqtisadi əməkdaşlıq üzrə Hökumətlərarası Komissiyanın Azərbaycan Respublikası tərəfindən tərkibi haqqında” Azərbaycan Respublikası Prezidentinin 2011-ci il 7 iyun tarixli 1541 nömrəli Sərəncamında dəyişiklik edilməsi barədə sərəncam imzalayıb.
Sərəncama əsasən, Komissiyanın tərkibi aşağıdakı tərkibdə təsdiqlənib:
Komissiyanın həmsədri
Əmək və əhalinin sosial müdafiəsi naziri
Komissiyanın üzvləri
Xarici işlər nazirinin müavini
İqtisadiyyat nazirinin müavini
Energetika nazirinin müavini
Nəqliyyat, rabitə və yüksək texnologiyalar nazirinin müavini
Mədəniyyət nazirinin müavini
Kənd təsərrüfatı nazirinin müavini
Təhsil nazirinin müavini
Səhiyyə nazirinin müavini
Gənclər və idman nazirinin müavini
Dövlət Gömrük Komitəsi sədrinin birinci müavini
Dövlət Turizm Agentliyinin sədri
Qida Təhlükəsizliyi Agentliyi sədrinin müavini
Azərbaycanın Serbiya Respublikasında fövqəladə və səlahiyyətli səfiri.
Xarici İşlər Nazirliyinə dəyişiklik barədə Serbiya Respublikası tərəfinə bildiriş göndərmək tapşırılıb.
Qeyd edək ki, indiyə qədər Komissiyanın həmsədri İqtisadiyyat naziri Şahin Mustafayev olub.
Azərbaycan Prezidenti İlham Əliyev iyulun 8-də görüş keçirib.
Dövlət başçısı İtaliyanın Turizm, Meşəçilik, Qida və Kənd Təsərrüfatı naziri Gian Marko Centinaionun rəhbərlik etdiyi nümayəndə heyətini qəbul edib.
Naxçıvan Muxtar Respublikası Ali Məclisinin Sədri Vasif Talıbov dünən Kəngərli rayonunda icbari tibbi sığortanın tətbiqi ilə bağlı tədbirlər haqqında Sərəncam imzalayıb.
Sərəncama əsasən, Kəngərli Rayon Mərkəzi Xəstəxanasının işçilərinin aylıq vəzifə maaşlarını 2019-cu il avqustun 1-dən 50 faiz artırılacaq.