 |
 |
Tanınmış xanəndə Gülay Zeynallı ilə Ağ Şəhər Bulvarında bir araya gəldik.
Musavat.com-un suallarına cavab verən müğənni ilə yeni işlərindən, şou-biznesin durumundan və hazırda ölkə gündəmini zəbt edən məsələlərdən danışdıq:
– Bir neçə gündür ki, müğənni Rüfət Axundov ilə əməkdar artist Rəşad İlyasovun “Hər səhər” verilişində “İnsaf da yaxşı şeydir” mahnısının sözlərini təhqiramiz ifadələrlə əvəzləməsi gündəmi zəbt edib. Bir müğənni kimi mahnıların sözlərinin dəyişdirilib, gözdən salınmasına münasibətiniz necədir?
– Rüfətin xətrini çox istəyirəm, yaxşı sənət yoldaşıdır, deyib-gülən insandır. Sənətini kənara qoyaq, insan olaraq çox gözəl insandır. Olacağa çarə yoxdur.
– Bu hadisədən sonra “Space” telekanalı cərimələndi, R.Axundova efir qadağası qoyuldu, aparıcı və telekanal əməkdaşları işdən qovuldu. Bir ifadəyə görə müğənninin efirlərdən uzaqlaşdırılması nə dərəcədə doğru addımdır?
– Bir ifadə deyil, təhqirdir. Biz tanınmış simayıq, insanlar bizi izləyir. Camaatın anası-bacısı baxır, hər şeyə fikir verməliyik. Rüfət də bir səhv edib. Allah günahını bağışlasın.
– Gündəmdəki digər məsələ Elina adlı yeniyetmənin özünü məktəbin 3-cü mərtəbəsindən atmasıdır. Onun bu addımı atmasına səbəb məktəbdə həmyaşıdlarından təzyiq görməsi olub. Bu hadisəyə münasibətlər fərqlidir. Kimisi məktəbi, kimisi valideyni , kimisi cəmiyyəti günahkar bilir.
– Bu hadisə ilə bağlı müxtəlif açıqlamalar var. Adam bilmir ki, hansına inansın. Ona görə konkret fikir bildirə bilmirəm.
– Son günlər yeniyetmələr arasında intihar hadisələri artıb. Bir ana olaraq bu məsələ sizi narahat edirmi? Sizcə, səbəb nədir?
– Mən çox həssas anayam. Allah hər kəsin övladını qorusun. Bu hadisələrdə sosial şəbəkələrin rolu böyükdür. Intihar hadisələrinin yayılması digər gənclərə təsir edir. Bir insan yaxşı işlər görür, heç kim paylaşmır, bunun görülməsinə çalışmır. Mətbuat da bu məsələdə diqqətli olmalıdır. Yaxşı şeyləri göstərmək, təbliğ etmək lazımdır.
– Məşhurlar ictimai insanlardır. Onların təbliğ etdikləri də önəmlidir. Gülay nəyi təbliğ edir?
– Mən sənətimi təbliğ edirəm. Sosial şəbəkədə getdiyim konsertləri, məclisləri paylaşıram. Sənətimə uyğun paylaşımlar edirəm. Mağaza, yemək reklamları paylaşmıram, özümə rəva bilmədiklərimi insanlara göstərmirəm.
– Yeni təqdim etdiyiniz “Böyük eşq” mahnısına və klipinə maraq gözlədiyiniz qədər oldumu?
– “Böyük eşq” adlı mahnının bəstəkarı Fərid Kərimli, sözləri Orxan Mürvətli, aranjeman isə Elvin İmanova məxsusdur. Rejissorluğu Anar Hüseynov etdi. Amma elə mahnılarımız var ki, bu mahnıdan çox sevildi. Klip çəkilişində peşəkarlarla çalışdıq, PR-ı da yaxşı oldu. İnanıram ki, zaman keçdikcə seviləcək.
– Son vaxtlar musiqili meyxanalar, bayağı mahnılar üstünlük təşkil edir. Bəzi müğənnilər yaxşı mahnı tapa bilmədiyini deyir. Siz də yaxşı mahnılara həsrət qalanlardansınız?
– Elə şeylər var ki, onu zamana buraxmaq lazımdır, zamanla ələnib yoxa çıxacaqlar. Musiqili meyxanaları oxuyanlara pis baxmıram. Bu cür mahnıların populyar olması məni narahat etmir, sənətimə təsiri yoxdur. Sənətimə bağlı insanam. Həmişə yaxşı mahnılar oxumaq istəyirəm. Peşəkar musiqiçilərlə çalışıram. Klip çəkilişlərini gec-gec etsəm də, keyfiyyətli iş görürəm. Müvəqqəti gündəmlər məni sənətdən soyuda bilməz. Onların da bir dövrü var, ələnib, yoxa çıxacaqlar.
– Bəs sənətdən sizi nə uzaqlaşdıra bilər?
– Sənətə o qədər bağlıyam ki, çətin nə isə məni sənətdən uzaqlaşdıra bilər. 7 yaşımdan oxuyuram, musiqi təhsilim var. Asəf Zeynallı adına Bakı Musiqi Kolleci, Bülbül adına Orta İxtisas Məktəbi, Azərbaycan Milli Konservatoriyasında təhsil almışam. Arif Babayev, Zabit Nəbizadə kimi ustad müəllimlərim olub. 11 yaşımda Fransaya dövlət xətti ilə getmişdim, “Bu günün uşaqları, sabahın gələcəyi” adlı festivalda ölkəni təmsil etmişdim. Hər zaman sənətimə məsuliyyətlə yanaşmışam. Sənətə maliyyə mənbəyi kimi baxmıram. Mən sənətə gələndə toy bazarı, sosial şəbəkələr yox idi. Ona görə biz populyarlıq yox, sənət üçün çalışırıq.
– Hazırda sosial şəbəkələr populyarlaşmağın ən asan yoludur. Düşünmürsünüz ki, sosial şəbəkələrin mövcudluğu sizə haqsızlıqdır? Çünki siz uzun yol qət edib, sənətə gəlib, tanınmısınız, amma bir çoxları sosial şəbəkə vasitəsilə müvəqqəti də olsa, gündəmi zəbt edir.
– Bəzən elə şeylər olur. Düşünürəm ki, mən illərlə əziyyət çəkdim, bir çox etaplardan keçdim, “Xalq ulduz”undan sonra tanındım, sevildim. İndi “İnstagram” vasitəsilə bir insan bir günə tanına bilər. Mən musiqi təhsili olan, xalqın sevgisini qazanmış müğənniyəm, ruzim var, toylara gedirəm Hərənin bir qisməti var. Elə adam var 10 ilə, elə insan var, 1 günə tanınır.
– Bəzən deyirlər ki, müğənnini toy püxtələşdirir. Bu fikirlə razısınız?
– Mən Azərbaycan Milli Konservatoriyasında oxuyanda Arif Babayev deyirdi ki, toy ikinci məktəbdir. Çünki 6 saat canlı oxuyursan, can qoyursan. Mənim getdiyim toylardakı ifaçılar peşəkar və səviyyəli olur. Bir də görürsən ki, 1 saat 20 dəqiqə muğam oxuyuruq. Hər zaman yeni mahnılar öyrənirəm. İnsan işinə nəyəsə görə can yandıranda, o uğur müvəqqəti olur. Sənəti sevmək lazımdır.
– Son günlər toy müğənnilərinin efirə buraxılmaması barədə fikirlər səsləndirildi. Müğənnilər isə etiraz etdi ki, toy müğənnilər deyil, bayağı oxuyanlar efirə buraxılmasın.
– Bu haqda mənim fikrimin nə önəmi var? Guya, mən desəm, nə isə düzələcək? Bizim elə savadlı ifaçılarımız var ki, qulaq asırsan, kövrəlirsən. Mənim övladım xəstələnəndə gözümün yaşı dayanmır. Bir də yaxşı mahnı eşidəndə kövrəlirəm. Bir çox istedadlı müğənninin reklamı yoxdur, o istedadı insanlar tanımır. Efirdə o müğənnilərə yer ayrılsa, daha yaxşı olar. Artıq insanlar da pisi yaxşıdan ayıra bilir. Düşünürəm ki, zamanla haqq-ədalət yerini tapacaq.
– Gülayın daha da populyarlaşmasında idmançı Kamil Zeynallı ilə evli olmasının nə dərəcədə rolu olub?
– Biz Kamillə ailə quranda mən artıq tanınırdım. Düzdür, “Xalq ulduz”una qədər çox əziyyət çəksəm də, tanınmırdım. O müsabiqə məni tanıtdı, sevdirdi. Bir ailədə iki insanın tanınmış olması, əlbəttə, həyatımıza təsir edir. İnsanı daha çox populyarlaşdırır. Yaxşı deyiblər, güc birlikdədir.
– Kamil Zeynallının ətrafında baş verən qalmaqallar, onun davaları, kimlərisə təhqir etməsi münasibətinizə təsir edir?
– Kamil çox emosional insandır, hisslərini idarə edə bilmir. Amma çox düzəlib. Vallah deyirəm ki, bunu paylaşma, filan kəsə artıq söz yazma. Mənə ekran şəkilləri atır ki, oxu, dözə bilərsən? Mən qadınlığımla əsəbimə hakim ola bilmirəm. Kişi necə sussun? Amma yenə də deyirəm ki, səbirli ol, fikir vermə.
– Nə zamansa, populyarlıqdan bezmisiniz?
– Bezməmişəm, amma bəzən utanıram. Insanların içində olmağı sevirəm. Qızımla tez-tez gəzməyə çıxıram. İnsanlar yaxınlaşır şəkil çəkdirir. Diqqət mərkəzində olmaqdan çox utanıram. Amma insanlar elə bilir ki, özümdən razıyam.
– Qızınızla harasa gedəndə insanların sizə diqqət göstərməsi birlikdə vaxt keçirməyinizə bəzən mane olur. Bu hal övladınızın narazılığına səbəb olur?
– Məndən çox qızımla şəkil çəkdirirlər. Bu onun xoşuna gəlir. O gün anama deyib ki, məni “İnstagram”dan tanıyırlar. Təəccübləndim. 7 yaşlı uşaq belə deyirsə, deməli daha çox inkişaf etmişik.
– Nura Suri deyib ki, məşhur insanlar açıq-saçıq geyinə bilər, sadə insanlar yox. Bu fikirlə razısınız?
– Hər kəsin öz geyim tərzi var. Mən verilişə gedəndə anama zəng edirəm ki, baxarsan. İlk sözü o olur ki, nə geyinmisən? Çox danışma. Hər kəsin öz dünyagörüşü, seçimi var. Biz qarışa bilmərik.
– Gülayın geyimləri çox vaxt brend markalardan olur, tez-tez sosial şəbəkədə paylaşılıb, bahalı olmaları müzakirə edilir…
– Geyimlərimin hamısı brend markalar deyil. Ancaq ayaqqabı və çantalarım brend olur. Onları çox sevirəm, gec-gec alıram, amma keyfiyyətlisini alıram.
– Axırıncı dəfə nəyə və niyə ağlamısınız?
– Axırıncı dəfə Dənizkənarı parkda konsert idi, soyuqdan gözlərim yaşardı. Bu ağlamaq sayılırsa, soyuqdan ağlamışam.
– Eşitməkdən bezdiyiniz şayiə və sual hansıdır?
– Şəxsi həyatımla bağlı verilən sualların olmamasını istəyirəm. Tez-tez boşandığımız haqda şayiələr yayılır. Bizim boşanmağımızdan kimə nə? Mən kiminsə şəxsi həyatına qarışmıram, kimsə də mənim həyatıma qarışmasın. Bunların olmasını istəmərəm. Qızımın 7 yaşı var, indi “Youtube” kanalında cizgi filmlərinə baxır. İki il sonra valideynlərinin adını yazacaq. Istəmirəm qalmaqallı xəbərlər oxusun. Sonra “Gülay filan brenddən geyindi”, “Gülay filan restoranda oturdu”, “Gülay filan yeməyi yedi” və s başlıqlı xəbərlərin olmasını istəmirəm. Daha rəfiqələrimlə harasa gedəndə yeməyin şəklini çəkib paylaşmıram. Düşünürəm ki, kimsə baxır, ac olar, o yeməyi ala bilməz, günaha bataram. Bir neçə dəfə olub ki, toydan ac gələndə “İnstagrama” girmişəm, baxıram ki, klarnet ifaçısı Hüseyn Məhəmmədoğlu pomidor yumurta, kabab şəkli paylaşır. Zəng edib dedim ki, mən acından ölürəm, niyə belə edirsən? Niyə yemək şəkli paylaşırsan?! Bu cür xırda nüanslara fikir vermək lazımdır.
Artıq bir neçə gündür ki, Space TV-dəki efir biabırçılığı, müğənnilər Rüfət Axundov və Rəşad İlyasov ətrafında müzakirələr aparılmaqdadır. Qeyd edək ki, qalmaqallı veriliş zamanı Rüfət Axundovla birlikdə mahnını zümzümə edən Rəşad İlyasovun da həmkarının söyüşlərini təkrarlayaraq, aparıcıya tərəf gülə-gülə həmin ifadələri işlətməsi onu da qalmaqalın cənginə salmışdı. Bundan sonra əməkdar artist R.İlyasovun AzTV-nin solistliyindən çıxarılması haqda şayiələr yayılıb.
AzTV-nin “İctimai-siyasi proqramlar” redaksiyasının baş redaktoru Sərvər Bayramov məsələ ilə bağlı “Yeni Müsavat”a açıqlama verib. Qurum əməkdaşı qeyd edib ki, müğənniyə qarşı heç bir qadağa tətbiq edilməyəcək:
“Qeyd edim ki, bu hadisə digər televiziya kanalının efirində baş verib. Bunun üçün də məsələnin araşdırılması MTRŞ-yə aiddir. Məlum olduğu kimi, MTRŞ artıq hadisə ilə bağlı öz açıqlamalarını yayıb. Açıqlamada da göründü ki, Rəşad İlyasovun bu məsələdə birbaşa günahı yoxdur. Neqativlər yalnız onun həmkarı ilə bağlıdır.
Həmçinin oxu: Rəşad İlyasov niyə cəzasız qalıb? – Müəmma
MTRŞ-nin araşdırmasının nəticəsinə uyğun olaraq, R.İlyasov AzTV-nin solistliyində qalır”.
Xatırladaq ki, bir neçə gün öncə Space TV-nin “Hər səhər” proqramında müğənni Rüfət Axundov və Rəşad İlyasov fonoqrama oxuduqları zaman canlı efirdə biabırçı ifadələr işlədiblər. Nəticədə həmin görüntünü əks etdirən video sosial şəbəkələrdə yayılıb, telekanal ciddi problemlə üzləşib. Proqramın aparıcısı Anar Vaqifoğlu telekanaldan uzaqlaşdırılıb, səs rejissoru da işdən qovulub. Müğənni Rüfətin bir daha efirə çağırılmaması barədə televiziya rəhbərliyi tərəfindən təlimat verilib. Həmçinin MTRŞ tərəfindən televiziya kanalının rəhbərliyinin iştirakı ilə İnzibati Xətalar Məcəlləsinə uyğun olaraq Space TV-nin 5-8 min manat cərimə olunması ilə bağlı protokol tərtib edilib.
Adı “Yetim Elçin” ləqəbli iş adamı Elçin Nəcəfovun ailəsini dağıtmaqda hallanan müğənni Aysel Əlizadə Bakıya dönüb.
“Ölkə.Az”-ın məlimatına görə, Roza Zərgərli Türkiyədən yenicə qayıdan Aysellə fotosunu sosial şəbəkədə paylaşıb.
Qeyd edək ki, Turanə Nəcəfova adlı qadın “Səni axtarıram” verilişinə müraciət edərək Əlizadənin onun 13 illik ailəsini dağıtdığını iddia edib.
Dahilərin həyatları ilə maraqlananda, demək olar ki, hər birinin hansısa ruhi-psixoloji probleminə, nədənsə asılılığına, ağılalmaz vərdişlərinə və s. rast gəlirik. Dahi fizik Nikola Teslanın zinət əşyalarından, körpülərdən və seksdən qorxması, riyaziyyatçı Con Nəşin hallisünasiyalar görməsi, yazıçı Markes de Sadın seksual asılılığı və qeyri-adi seksual fantaziyaları, aktyor-rejissor və teatr nəzəriyyəçisi Antonin Artaudun pişiklərlə danışması və özünü ac saxlaması, rejissor Alfred Hiçkokun yumurtadan qorxması, rəssam Van Qoqun öz qulağını kəsməsi və digər bu kimi çoxsaylı misallar çəkmək olar.
Albert Eynşteynlə bağlı dillərdə dolaşan maraqlı bir əhvalat da var: bir gün Eynşteyn harasa getməli olur və laboratoriyasının qapısına “Eynşteyn bir saat sonra burada olacaq” yazısı yapışdırıb gedir ki, gələnlər onu gözləsinlər. Bir saat sonra Eynşteyn geri qayıdır və qapının üstündəki yazını oxuyub qapının önündə oturaraq gözləməyə başlayır. Bir az sonra dövrün digər alimlərindən biri laboratoriyaya gəlir və Eynşteynin qapının önündə oturduğunu görür. Nə baş verdiyini soruşanda Eynşteyn qapının üstündəki yazını göstərib deyir: “Eynşteyn bir saat sonra burada olacaq”.
Bu kimi saysız-hesabsız tarixi faktları oxuduqca bu sual məni həmişə düşündürüb: istedadlı və bilikli insanların bu qeyri-adi xarakterləri, fobiyaları, əyləncələri nədən yaranır? Tesla niyə quşlarla danışırdı? Nyuton niyə özünü və kəşflərini gizlədir, əlyazmalarını yandırırdı? Bukovski niyə içki və seks aludəçisi idi? Kafka niyə özünü təkliyə məhkum etmişdi? Henrix von Kleist niyə öz qəbrini də qazıb özünü güllələmişdi? Bu “niyə”lərin cavablarını tapmışam desəm, yalan olar. Amma bu barədə mənim də acizanə bir neçə qənaətim var.
Birinci qənaətim odur ki, böyük işlər üçün proqramlaşdırılmış beyinlər kiçik işlərdən imtina edir və ona görə də quşlarla danışmaq, təkliyə qapılmaq kimi xüsusiyyətlər yaranır. Eynşteyn kimi nəhəng beyin niyə qapıya o yazını özünün vurduğunu və özünün Eynşteyn olduğunu unutsun ki? Mən bunun səbəbini beyninin nəzəriyyələr və isbatlar üzərində həddən artıq məşğul olduğunu, kiçik məsələlər barədə düşünməkdən imtina etdiyini fikirləşirəm.
İkinci qənaətim odur ki, həddən artıq zehni enerji sərfiyyatı fiziki enerjinin getdikcə depolanması bu iki enerjinin arasında disbalans yaradır. Yorğun beyin amma enerjili bədən – insan üçün iki yol ayrıcı. Bu vaxt insan düşünmədən fiziki enerjisini sərf edəcək yer axtarır. Belə olan halda ən sadə yol seksdir. Seksual münasibətin sıx-sıx baş verməsi insanın yeni fantaziyalar qurmasına gətirib çıxarır və bu proses Markez de Sadları, Çarlz Bukovskiləri yetirir.
Üçüncü qənaətim odur ki, dünya və insan haqqında həqiqətləri bilmək həddən artıq ağrıvericidir. Böyük beyinlər həyat haqqında daha çox həqiqəti bilirlər və zaman-zaman bu həqiqətləri bilməyin ağrısı dözülməz həddə çatır. Belə olan halda Stefan Sveyqin, Valter Benjaminin, Henrix von Kleistin intiharı doğulur. Onlar hamıdan daha çox həqiqəti bildikləri üçün və bunu heç kəsə deyə bilmədikləri (yaxud da bunu kimsənin anlamadığı) üçün intihar etdilər.
Dördüncü və sonuncu qənaətim odur ki, qorxular insan beyninin düşünmə qabiliyyətini artırır. Adı təkamül yaxud ilahi bir hikmət olsun, nəticədə bu beyinlər əvvəlcədən daha çox düşünmək üçün proqramlaşdırılmışdılar. Bu düşünmə qabiliyyətinin itməməsi və daimi inkişafı üçün onlara qorxu hissinin verilməsi vacib amil idi. Nəticədə Hiçkokun yumurta qorxusu, Teslanın zinət əşyaları və körpü qorxusu yaranır.
Son olaraq isə elm və sənət hər şeyin üstündə dayanır. Bir şeylər yarada bilirsənsə, dəli olmaq nədir ki? Necə deyərlər, hər şeyə dəyər… (sputnik.az)
Məşhur tele-jurnalist, ANS Şirkətlər Qrupunun rəhbəri Vahid Mustafayevə ağır itki üz verib.
“Ölkə.Az” xəbər verir ki, Vahid Mustafayevin atası Fuad Mustafayev dünyasını dəyişib.
Bu barədə Vahid Mustafayevin yaxınları sosial şəbəkədə məlumat paylaşıblar.
Allah rəhmət etsin!
Bu sözləri News24.az-a açıqlamasında “Space” Televiziyasında “Hər səhər” verilişində baş vermiş xoşagəlməz məlum hadisənin iştirakçısı müğənni Rüfət Axundov deyib.
Həmçinin oxu: Rəşad İlyasov niyə cəzasız qalıb? – Müəmma
“Rəşada heç bir iradım yoxdur, qüsuru gərək insan özü özündə tapsın” deyən R.Axundov, bu məsələdə özünü günahkar bilir:
“Hər kəs özü səhvini başa düşməli və cavabdeh olmalıdır. Günahsız olduğumu görən insanların münasibəti, fikri mənə yetərlidir. Kor-kor, gör-gör, qoy, dəfələrlə o videoya baxsınlar və kimin günahkar olduğunu düzgün şəkildə ortaya çıxarsınlar”.
Vurğulayaq ki, Rüfət Axundov işdən çıxarılması və bütün televizyalarda qadağa qoyulması xəbərini də təsdiqləyib.
Qoç – Gələn məlumatlar, alınan informasiyalar yoxdur. Prosesə süni təkan verərək hadisələri səbəbsiz şəkildə sürətləndirməyin heç bir mənası yoxdur. Maraqlı təsir bağışlasa da, əlavə iş və ya öhdəlik aramayın. Əsas işi çətinlik çəkmədən görə bilərsiniz.
Günün ikinci yarısında yaşlıların və yaşca sizdən kiçiklərin qayğısına qalın. Yeni işə başlamağa hazır olun. Hazırlıq prosesinə xüsusi diqqət ayırın. Danışıqlar aparın. Maraqlarınızı bölüşən insanları arayın.
Axşam saatlarında qəfil hadisə baş verə bilər. Sizinçün önəmli istiqamətdəki proseslər aktivləşəcək.
Suallara cavab alacaqsınız.
Buğa – Təmaslar, görüşlər və alınan xəbərlərin sayı artacaq. Müzakirələr aparmaq olar. Amma şəraitin sürətlə dəyişən nüanslarını, tərəfdaşlarla şəriklərin niyyətlərini və istəklərini nəzərə alın. Tələskənliyə yol verməyin. Yaxın ətrafınızdakı insanlara təzyiq göstərməyin.
Günün ikinci yarısı yarımçıq işlərin başa vurulması üçün çox əlverişli zamandır. Ümumi problemləri həll edin. Aktual məsələni həll etmək üçün birgə fəaliyyət əfzəldir.
Ləngiyən layihəni sürətləndirin. Yaxşı sonuclara nail olun.
Əkizlər – Günün ilk yarısında praktik, praqmat olun. Yaxşı tanımadığınız, bələd olmadığınız insanlara maliyyə yardımı ilə bağlı vədlər verməyin. Pulla bağlı öhdəlikləri unutmayın. Yaşama ifrat nikbin baxmayın. Şirnikləndirici təkliflərə aldanmayın.
Sonradan təəssüflənməmək üçün fəaliyyətin optimal istiqamətini seçin.
Günün ikinci yarısı ailə üzvlərindən birinin problemini həll etmək üçün yaxşı zamandır. Qohumlarınıza qayğı ilə yanaşın. Yaradıcılıq sizi sevindirəcək. Axşam saatlarında normal istirahət etməyə çalışın.
Xərçəng – Günün ilk yarısında müxtəlif olayların mozaikasında çaş-baş qalmayın. Şəraitə uyğun olaraq planları sürətlə dəyişməyə hazır olun. Uğur qazanmağınıza yalnız ətrafınızda yaşanan hadisələrə həddən artıq emosional münasibət mane ola bilər.
Günün ikinci yarısında tərəfdaşlarla şəriklərin davranış motivlərini araşdırmağa çalışmayın. Öz işinizlə məşğul olun. Yeni tanışlıqlar və sərfəli görüş şansı var.
Qətiyyətli olun, amma çalışdığınız insanın emosiyalarını da nəzərə alın. Axşam saatlarında fərdi perspektivlərinizi dəyərləndirin. Bir qədər eqoizmdə ziyan yoxdur.
Şir – Əla gündür. İşlərinizlə məşğul olmaqla yanaşı, planlarınızı təkmilləşdirməyi unutmayın. Enerji səviyyəniz yüksələcək. Çox işlər görə bilərsiniz. Məqsədə çatmaq üçün şəriklər və tərəfdaşlarla danışıqlar aparın, qüvvə və biliklərinizi tətbiq etmək məqsədilə yeni sahələr arayın.
Günün ikinci yarısında tərəfdaşlarınızla çalışaraq məqsədə çata bilərsiniz. Onlar maraqlarınızı qoruyacaqlar.
Axşam saatlarında evdə oturmayın. Əylənin, istirahət edin. Alış-verişə yollana bilərsiniz.
Qız – Mövqeləriniz aktiv, yaşam prinsipləriniz dəyişməz olmalıdır. Yeniliklər pis deyil. Fərqli, maraqlı fəaliyyət istiqamətni seçə bilərsiniz. Problemlərin həllində yaradıcı, orijinal metodları seçin.
Günün ikinci yarısında ev işlərinə vaxt ayırmağı unutmayın. İslahatlar edin, yaşam arealını bir qədər fərqli formaya salın.
Axşam saatlarında yaxın ünsiyyət, aktiv istirahət və yaradıcılıqla məşğul olmaq mümkündür. Şəxsi münasibətlərdə heç bir problem yoxdur.
Tərəzi – Yaxın ətrafınızdakı insanların istəklərini anlamağa çalışın. Bu, o qədər də çətin deyil. Kollektivdə mühüm xəbər eşidəcəksiniz. Yaxın günlərlə bağlı maddi perspektivlərinizi müəyyənləşdirin. Stavka etdiyiniz işləri konkretləşdirin.
Günün ikinci yarısında şəxsi münasibətlərdə əhəmiyyətli yeniliklər istisna deyil. Hələlik hər şey ilkin razılaşmalar səviyyəsində olsa da, olayların az sonra alacağı formanı təxminləyin.
Hadisələrin məcrasının ümumi istiqamətini anlayın. Gərəksiz insanlar və mənasız söhbətlərdən uzaq olun. Ümumi maraqlar və ya istəklərinizin olduğu insanlarla danışın.
Axşam saatlarında alış-verişə yollanmaq olar.
Əqrəb – Şərait gərginləşir. Aldığınız informasiyalara diqqət yetirin. Yazışmada diqqətli olun. Perspektivdə mövqelərinizi möhkəmləndirəcək bəzi detalların aşkarlandığı zamandır. Ünsiyyətdə qarşı tərəfə təzyiq göstərməyin. Güzəştə meylli olun.
Günün ikinci yarısında qarşı tərəflə danışıqlarda məntiqsiz təsir bağışlamayın. Zahiri görünüşünüzə fikir verin.
Axşam saatlarını status baxımından sizə tən insanla keçirin. Yeni hisslər, ideyalar və təəssüratlar olacaq. Ailə üzvlərini sevindirməyə çalışın.
Oxatan – Hadisələr sürətlənir. Tənbəl və süst olmayın. Görüləsi işlərin sayı da artır. Heç nəyi təxirə salmayın, proseslərin adi iştirakçısına dönməyin.
Effektini dərhal görə biləcəyiniz işlər indi xüsusilə aktualdır. Ev işlərindən yaxa qurtarmağa can atmayın.
Ağır fiziki iş istisna deyil.
Günün ikinci yarısında konkret sonuca köklənin. Yaxın ətrafınızdakı insanların sizinlə bağlı ifrat gözləntiləri var. Sözlərinizə və hərəkətlərinizə tərəfdaşların verdikləri reaksiyaları diqqətsiz qoymayın.
Neqativ hisslərin əsiri olmayın, impulsiv addımlar atmayın. Mübahisələrə qatılmayın.
Axşam saatları xoş hisslər vəd edir.
Oğlaq – İşləri ertələməyin. Önəmli məsələlərin həllini təxirə salmayın. Problemləri çözmək üçün qarşı tərəflə danışıqlar aparmaq, razılaşmalara nail olmaq gərəkdir. Tərəfdaşlarla münasibətlərinizin ciddi təftişə ehtiyacı var.
Günün ikinci yarısında formalaşan gərginliyi qulaqardına vurmayın. Diqqətli olun, tənqidlərdən inciməyin. Ətrafınızdakı insanları tərifləyin, kollektivdə xoş ab-hava yaratmağa çalışın. Çox işləməkdən qorxmayın.
Şəxsi münasibətlərdə ciddi dəyişiklikləri tələsdirməyin.
Dolça – Bol emosiyalar və təəssüratlar vəd edən zamandır. Sosial baxımdan aktiv olmaq gərəkdir. İnformasiya axtarışına daha çox vaxt ayırın. Ünsiyyət çevrənizi məhdudlaşdırmayın. Dəvət aldığınız görüşə qatılın, danışıqlar aparın.
Günün ikinci yarısında əyləncə və istirahət istəklərinə aludə olmayın. Yaxın ətrafınızdakı insanlarda sizinlə bağlı xoş təəssürat yaranmalıdır.
Axşam saatları romantik təmaslar üçün əlverişlidir. Dəyər verdiyiniz insanı sevindirin.
Balıqlar – Diqqətiniz bütünlüklə konkret işlərə yönəlməlidir. Bəzi sahələrdə sürətlənmək gərəkdir. Sahibkarlıq və ya kommersiya fəaliyyəti ilə məşğulsunuzsa, yeni layihəyə başlayın.
Günün ikinci yarısında sizə əməkdaşlıq, tərəfdaşlıq təklif edən insanla aktiv təmasları unutmayın. Yeni ideyalar və təkliflər yaxın gələcəkdə uğur vəd edir. Çaşqınlığa qapılmayın. Ən önəmli saydığınız işi seçərək onunla məşğul olun.
Danışıqlar aparın, şəxsi münasibətlərdəki problemləri həll edin.
Axşam saatlarında gözləntilər, yaxınlarınızın xahişləri istisna deyil. (Milli.Az)
Əməkdar artist Elza Seyidcahan 28 aprel tarixində solo konsert verəcək.
“Sənə bənzər” adlı musiqili gecə Heydər Əliyev Sarayında baş tutacaq. Konsert Elza Seyidcahanın 25 illik səhnə fəaliyyətinə həsr olunub.
Maraqlıdır ki, tədbirin baş tutmasına 20 gün qalsa da, biletlərin satışı ürəkaçan deyil. Bunu “iticket.az” portalı vasitəsilə görmək mümkündür.
Belə ki, 1800 nəfərlik konsert zalının bir neçə sektorunda biletlər satılıb, qalan yerlər isə boş qalıb.
“Qafqazinfo”
Bu gündən müğənni Rüfət Axundova efir qadağası tətbiq ediləcək.
Xəbər verdiyimiz kimi, Rüfət Axondova bütün teleməkanda qadağa qoyulub. Minval.info-nun məlumatına görə, artıq bu qərar rəsmiləşib.
Belə ki, Milli Televiziya və Radio Şurası (MTRŞ) müğənniyə efir qadağasının tətbiq edilməsi ilə bağlı telekanallara şifahi xəbərdarlıq edəcək. MTRŞ-nın apardığı monitorinq nəticəsində məlum olub ki, müğənni Rəşad İlyasov efirdə R. Axundovla birgə mahnı ifa etməsinə baxmayaraq, ədəbsiz ifadələr işlətməyib.
Qeyd edək ki, aprelin 5-də “Space” TV-nin “Hər səhər” verilişində müğənni Rüfət Axundov mahnı ifa edərkən efirdə ədəbsiz ifadələr işlədib.
MTRŞ buna görə “Space” TV-ni cərimələyib. Telekanalın İnzibati Xətalar Məcəlləsinə uyğun olaraq 5-8 min manat cərimə olunması ilə bağlı kanal rəhbərliyinin iştirakı ilə protokol tərtib olunub, qərar qəbul edilib, iş məhkəməyə göndərilib.
Moskva Dövlət Xarici Dillər Universitetinin azərbaycanlı müəllimi
Sevindirici haldır ki, xarici ölkələrdə məskunlaşan soydaşlarımızın əksəriyyəti vətəndən uzaqda yaşasalar da milli kimliyini unutmurlar. Necə deyərlər, gedəndə Azərbaycan sevgisini də ürəklərində aparırlar. Bu sevgi onları bir an belə tərk etmir. Haqqında söhbət açdığım Mehriban Abdullayeva Tərtər rayonunda dünyaya gəlib. Orta təhsilini orada başa vurub. 1983-cü ildə indiki Bakı Slavyan Universitetinin ibtidai təhsilin pedaqogikası və metodikası fakultəsini qırmızı diplomla bitirib. Üç il Tərtər rayonunda 5 nömrəli məktəbdə ibtidai siniflərə rus dilindən dərs deyib. 1986-cı ildən Moskvada yaşayır…
…Bir oğlu var, adı Tərlandır. 27 yaşlı bu gənc Moskva Dövlət Texniki Universitetin uçot-iqtisad fakultəsini bitirib. Hazırda Finlandiyanın Rusiyadakı şirkətlərindən birində süni intelekt üzrə layihə rəhbəri vəzifəsində çalışır. Subaydır…
Mehriban xanım Moskvaya gəldikdən sonra on yeddi il uşaq bağçasında tərbiyəçi işləyib. 2003-2005-ci illərdə 1331 nömrəli orta məktəbdə azərbaycan dili fənnini tədris edib. 2005-2015-ci illərdə isə ali hərbi məktəblərdən birində müdavimlərə azərbaycan dilindən dərs deyib. 2015-ci ildən Moskva Dövlət Xarici Dillər Universitetində azərbaycan dili kursları aparır.
2007-2016-cı illərdə Bakı Slavyan Universitetinin doktoranturasında qiyabi təhsil alaraq pedaqogika üzrə fəlsəfə doktoru alimlik dərəcəsinə yiyələnib…
…Deyir ki,- “Ən böyük arzum işğal altında olan torpaqlarımızın xilas olunmasıdır. İnanın ki, Qarabağı qarış-qarış ayaqyalın gəzməyi əhd etmişəm. İkinci ən böyük istəyim isə yeganə övladımı xoşbəxt görməkdir”…
İndiyədək on kitabı işıq üzü görüb. Həmin kitablar dərs vəsaiti kimi xüsusi tərcüməçilər üçün nəzərdə tutulub. “Rusca-Azərbaycanca sözlük ” kitabı isə rusdillilərə düşdükləri müxtəlif vəziyyətlərdə fikrini azərbaycan dilində ifadə etmək bacarığını aşılayır. Bundan əlavə bədii yaradıcılıqla da məşğul olur, şeir yazır. Şeirlərindən birinə mahnı da bəstələnib.
Azad ruhlu xanımdır, heç kimdən asılı qalmağı xoşlamır. Haqqı deməkdən çəkinmir, həmişə ədalətli olmağa çalışır…
Onun haqqında söhbətimi Qırğızıstanda yaşayan, ortaq bir dostumuzun sözləri ilə bitirmək istəyirəm:- “Mehriban xanım Azərbaycan mentalitetini Rusiyada ləyaqətlə təmsil edən dəyərli soydaşlarımızdandır”…