 |
 |
Xalq artisti Faiq Ağayevə ATV telekanalında vəzifə verilib.
Müğənni kanalda yaradılan Bədii Şuranın üzvü seçilib.
Xalq artisti bu barədə özü İnstagram səhifəsində məlumat verib.
Bu gün ATV telekanalının Bədii Şurası ilk iclasını keçirdi.
“Əsaslı fikir mübadiləsi oldu, yaranmış problemlərin həll yolları müzakirə edildi, yayımın keyfiyyətinə yönəlmiş əməlli təkıiflər səsləndi.
Yerli TV-lərə qarşı cəmiyyət olaraq bildirdiyimiz narazılığı, irəli sürdüyümüz iradlara səbəb olan çatışmazlıqları aradan götürmək üçün bu məsuliyyətli vəzifədə də bilik və bacarığımı maksimum dərəcədə sərf edəcəyəm.” – deyə qeyd edib.
Xatırladaq ki, Prezident İlham Əliyevin göstərişi ilə televiziyalarda Bədii Şuraların yaradılmasına başlanılıb.
Bakının Əhmədli qəsəbəsi, Sixlinski küçəsi 3 ünvanında yerləşən “Bakı” kinoteatrı Sovet dövründə tikilən bir çox kinoteatrlar kimi vaxtilə lazımi şəkildə fəaliyyət göstərirdi.
Baku.ws xəbər verir ki, istər yerli, istər xarici filmlərin afişaları asılan kimi ərazi əhalisi izdihamla kinoteatra axışır, bilet almaq üçün növbəyə düzülərdilər.
Hər kəs kinoteatrda nümayiş olunan istər rəngli, istərsə də ağ-qara filmlərə maraqla baxar, film bitdikdən sonra isə təəssüratlarını bölüşə-bölüşə evlərinə yollanırdılar.
Hətta yeni filmin nümayişindən xəbərsiz olanlara sevinc və maraqla “Bakı” kinoteatrında filan film nümayiş olunur müjdəsini verirdilər.
Beləcə, hər gün kinoteatr dolub, boşalardı – amma keçmişdə.
Bəli, yuxarıda təsvir etdiyimiz məqamlar “Bakı” kinoteatrı ilə bağlı keçmişə səyahət idi.
Ancaq elə ki, Sovetlər İttifaqı dağıldı, videomaqnitafonlar ildırım sürətilə yayılmağa başladı, Azərbaycanda olan bir çox kinoteatrlar kimi çöküşü “Bakı” kinoteatrına da siraət etdi.
Artıq orada filmlər əvvəlki kimi nümayiş olunmurdu, izdiham yavaş-yavaş qeybə çəkildi. Qısası, “Bakı” kinoteatrı yetimləşdi. Hətta vaxt keçdikcə kinoteatrın görünüşü belə tamaşaçı niskilindən sanki bədbinləşmiş, bədbəxtləşmiş görkəm aldı. Bu hal bu gün də öz yerində qalır.
Təxmini 1 il əvvəl xəbər yayıldı ki, “Bakı” kinoteatrı söküləcək və yerində yeni univermaq tikiləcək. Lakin xəbər öz əksini tapmadı – kinoteatr hələ də öz nimdaş halı ilə yerindədir. Hətta fəaliyyətni də davam etdirir, ancaq necə…
Necəliyini öyrənmək üçün Bakının vaxtilə məşhur kinoteatrlarından olan “Bakı” kinoteatrına baş çəkdik. İlk öncə öyrəndik ki, hazırda “Bakı” kinoteatrı Əhmədlidə daha çox çayxana kimi tanınır. Çünki orada çayxana açılıb.
Biz “Bakı” kinoteatrına yaxınlaşanda obyekt bağlı idi. Oranı işlədənlərdən öyrəndik ki, kinoteatrın arxa girəcəyində yeni çayxana tikilir. Bu səbəbdən də, hazırda içəriyə giriş bağlıdır.
İşçilərdən birilə danışıqdan sonra kinoteatra daxil ola bildik. 450 nəfər tamaşaçı tutan salonda köhnə oturacaqlar, səhnədə isə yaradılan çayxana insanda qəribə abu-hava yaradırdı.
Çayxanaya gələnlərin rahat əylənməsi üçün nərd, domino kimi stolüstü oyunlar da təşkil edilmişdi. Eyni zamanda, içəridə tennis və bilyard stolları qoyulmuşdu.
İşçilərdən öyrəndik ki, çayxanaya gələnlərin istəyini nəzərə alaraq, burada həm də kino və futbol oyunları nümayiş olunur. Çayın qiyməti isə 2 manatdan başlayır. Film izləmək istəyənlər isə əlavə olaraq hər adama görə 2 manat pul ödəməlidirlər.
Bəs “Bakı” kinoteatrının fəaliyyətinə kim nəzarət edir?
Suala cavab tapmaq üçün Mədəniyyət Nazirliyilə əlaqə saxladıq.
Nazirliyin mətbuat xidmətindən bildirdilər ki, “Bakı” kinoteatrı özəlləşdirilib.
“Hazırda nazirlik “Bakı” kinoteatrına nəzarət etmir. Özəlləşdirən sahibkar da, onun hansı istiqamətdə işlədəcəyinə qərar verir”, – deyə bildirilib.
Müğənni Rəqsanə İsmayılova İnstagram səhifəsində yeni fotosunu paylaşıb.
İfaçı qızı Aysunla paylaşdığı fotoda geyimi ilə diqqət çəkib. Görüntüdə müğənni xanım idman üslubuna üstünlük verib. Nəzərləri isə ifaçının göbəyi açıq köynəyi cəlb edib. Rəqsanə xanımın yeni ana olmasına baxmayaraq, cavan qızları qısqandıracaq bədən quruluşu da diqqətdən qaçmayıb.
Xatıtladaq ki, ifaçının 3 qızı bir oğlu var.
Xoşqədəm Hidayətqızı ötən gün efirində Sevda Yahyavevanın atalığı olduğu şəxsi çıxarandan sonra sosial mediada məşhurlar tərəfindən tənqidlərə məruz qalıb.
Axşam.az bildirir ki, o, verilişində bu barədə açıqlama verərək, onu tənqid edənlərə cavab verib:
"Mən sizin düşməniniz deyiləm. İlhamə Quliyevanın qılıncının sağı-solu kəsəndə, Nazpəri "vurulan"da onu mən müdaifə etmişəm.
İşçilərimə tapşırmışam ki, həftənin neçə günü vaxtı varsa, efirə çağırın. İlhamə xanım mənə deyib Flora Kərimovanı çağırma, demişəm ki, ilk efirimə Flora gələcək.
Səidə Sultan vurulanda onu efirimdə olmasa da, qəzetimdə müdafiə etmişəm. Mənə yaxın jurnalistlərə demişəm ki, onu müdafiə edin. Mən haqq və ədalətin tərəfindəyəm".
Qeyd edək ki, Xoşqədəm Hidayətqızı Aysel Əlizadəni əriylə sevgili olmaqda ittiham edən Turanə adlı qadını da efirə çıxardığı üçün tənqidlərə məruz qalmışdı.
Xalq yazıçısı Çingiz Abdullayev İçərişəhərdə divarın uçurulmasına və restoran tikintisinə qarşı çıxıb.
O, özünün “Facebook” səhifəsində doğma şəhərinin qorunması naminə mitinqə birinci çıxacağını bildirib.
“İçərişəhər bizim şəhərimizin, xalqımızın simvollarından biridir. Yaddaş, ənənə, keçmiş və indimiz, tarix, əfsanəmizdir. Bu, bizim irsimizdir. Hər yerdə qala divarının dağıdılmasının fotoşəkilləri var. Restoran barədə danışırlar. Hələ heç nə aydınlaşmamış vaxtından əvvəl qərar vermək istəmirəm. Lakin dəqiq bilirəm ki, bütün bunlar yolverilməzdir və çox yanlışdır. Əgər lap bərpa işləri də gedirsə, orada heç restoran olmayacaqsa belə (lakin deyirlər ki, yenə olacaq). Axı insanları belə dəlilik səviyyəsinə çatdırmamaq mümkündür. Mətbuat katibləri, yaxud məlumat xidmətləri vasitəsilə insanlara nəyin baş verdiyini izah etmək olar. Kimsə mənə izahat versin ki, nəyə görə mütəmadi olaraq insanları alçaldıb, onların fikirləri və istəkləri ilə hesablaşmırlar. Nə qədər olar?” – Çingiz Abdullayev yazır.
“Bir daha dəqiqləşdirim – bu qeyd dağıdılmış divar haqqında deyil. Bu qeyd bu şəhərdə yaşayan insanlara dərin hörmətsizlik haqqındadır. Bu, Mənim şəhərimdir. Pirşağıdakı qəbiristanlıqda mənim 40-a yaxın ən əziz qohumum dəfn olunub. Bakıda valideynlərim dəfn edilib, burada uşaqlarım anadan olub. Bu, bütün dünyada ən çox sevdiyim şəhərdir. Və əgər sabah bu şəhərin qorunması naminə mitinq olacaqsa, mən birinci olaraq onun müdafiəsinə qalxacağam. Bu şəhərdə bizim hazırkı Prezidentimiz anadan olub. Bu, onun da şəhəridir. Bu şəhərdə bizim Birinci vitse-prezidentimiz də dünyaya gəlib. Bu, onun da şəhəridir. Bu, bizim şəhərimizdir! Biz də müdafiə etməsək, onu kim müdafiə edəcək?” – Çingiz Abdullayev bildirib.
Bakının Qara Qarayev prospektində yerləşən məşhur “Sevinc” (Təbriz) kinoteatrı sökülmək üçün hasara alınıb.
Ərazidə yaşayan sakinlər bildirib ki, hasara alınan kinoteatr sökülərək yerində bir neçə mərtəbəli ticarət mərkəzi, zirzəməsində isə geniş parkinq tikiləcək.
Məsələ ilə bağlı Unikal.org-a açıqlama verən Mədəniyyət Nazirliyinin mətbuat xidmətinin rəhbəri İntiqam Hümbətov bildirib ki, adıçəkilən kinotetar Mədəniyyət Nazirliyinin balansında deyil. Həmin kinoteatr 2000-ci ilin əvvəllərində özəlləşdirilib.
Qeyd edək ki, 1970-ci illərdə istifadəyə verilən “Sevinc” (Təbriz) kinoteatrı uzun müddətdir fəaliyyət göstərmir.
Bir müddət əvvəl sinəsini böyütməklə gündəm olan müğənni Afaq Aslan təzə fotosu ilə yenidən diqqət mərkəzinə düşüb.
"Ölkə.Az" bildirir ki, hazırda Dubayda olan müğənninin liftdə çəkdiyi selfi izləyiciləri tərəfindən böyük marağa səbəb olub.
Afaq "Cəsarət insanı zəfərə, qərarsızlıq təhlükəyə, qorxaqlıq isə ölümə aparır" rəyini yazdığı fotoda sinə dekoltesi ilə diqqəti cəlb edib.
Nəsib Qarayev: “Ailəm pərəm-pərəm düşüb, qohumlara sığınmışıq”
Salyan rayonu, Yolüstü kənd sakini, 2-ci qrup Qarabağ qazisi Qarayev Nəsib Mustafa oğlu “Yeni Müsavat”a müraciət edib. Torpaqlarımız uğrunda canını fəda edən qazi dövlətdən ev ala bilmir. O, 7 ailə üzvü ilə birlikdə yazıda görəcəyiniz birotaqlı daxmada yaşayır. İndiyə qədər aidiyyatı orqanlara etdiyi müraciətlər nəticəsiz qalıb.
N.Qarayev hər kəsdən kömək istəyir: “Ailəliyəm. 5 övladım var. Artıq 26 ildir ki, ev növbəmin çatmasını gözləyirəm. Nəhayət ki, bu il fevralin 15-də əmək və əhalinin sosial müdafiəsi naziri Sahil Babayevin qəbulunda oldum. Cənab nazir çox tez bir zamanda mənzillə təmin olunacağımı bildirdi. Ardınca nazirliyin əməkdaşları yaşadığım ünvana baxış keçirdilər və yaxın günlərdə evin inşasına başlanılacağını bildirdilər. Hətta yaşadığım daxmanın inşaat işlərinə mane olduğunu bildirərək, yeganə yaşayış yerim olan balaca daxmamın yarısından çoxunu mənə sökdürdülər. Hazırda ailəm pərəm-pərəm düşüb, qohumlara sığınmışıq. 2016-cı ildə sizin qəzetə eyni mövzu ilə bağlı müraciət etdim və “Yeni Müsavat” problemimi işıqlandırdı. Ondan dərhal sonra Salyan rayon icra başçısı məni qəbul etdi. Mənzillə bağlı təminat onun səlahiyyətində olmadığı üçün bu problemimi həll edə bilməsə də, üç tələbə övladımın təhsil xərclərinə kömək məqsədilə aylıq təqaüd təsis etdi”.
Qarabağ qazisi yaşamağa gücünün qalmadığını deyir: “Niyə mən bu vəziyyətdə yaşamalıyam? Mən yarı-adamam. Ayağım tam fiziki güc sərf etməyimə imkan vermir. Yay aylarında məni çox incitməsə də, qışda tez-tez halım pisləşir. Ayağımdakı çirk qanıma qarışır, işləyə bilmirəm. 26 ildir ki, mən bu evdə yay aylarında istidən bişirəm, qışda da donuram. Müraciət etmədiyim aidiyyatı qurum qalmayıb. Evdə 200-dən çox məktub var. Sözüm odur ki, mənə verilən sözü tutsunlar. Ümumiyyətlə, artıq cavab verən yoxdur. Telefonumu belə açmırlar. Dövlət Sosial Müdafiə Fondunun tikinti üzrə sektorunun şöbə müdiri Vüqar müəllimə bu iş birbaşa tapşırılıb. Onun dəfələrlə qəbulunda olmuşam. Telefon nömrəsi vermişdi. İndi də o nömrəyə edilən zəngi açmır. Bəzən də deyir ki, bilmirəm nə vaxt ev veriləcək. Deyirəm ki, axı mənə evi sökdürübsüz. Əgər belə idisə, heç olmasa sökdürməzdiniz. Evin sökülməyi mənə əlavə problem yaratdı. Bir azdan istilər düşəndə daxmamıza ilan girə bilər. O evə girmək artıq qeyri-mümkündür. Nə edəcəyimizi artıq bilmirik. Yağış yağanda daxmaya su damır”.
Yazıda adı keçən şəxsin və aidiyyatı orqanların mövqeyini dərc etməyə hazırıq.
Xatırladaq ki, Qarabağ qazisinin yaşadığı daxmadan üç il öncə “Yeni Müsavat” video reportaj etmişdi. Yazıda həmin çəkilişi də təqdim edirik.<iframe width="426" height="326" src="https://www.youtube.com/embed/Ji6ZZ8jrIks" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>
<iframe src='https://bax.tv/player/60971.html' width='560' height='315' frameborder='0' allowfullscreen></iframe>
Müğənni Afət Fərmanqızı yeni videogörüntüsü ilə yenə gündəmə gəlib.
Rusiya əyalətlərinin birində toy məclisinə qatılan müğənni, rəsmən “pul yağışına” tutulub.
Belə ki, məclisdə Nəsiminin “Pəncu Şeş” qəzəlinə oxuduğu mahnısını ifa edən müğənninin başına pul səpələyiblər. Fərmanqızı görüntüləri öz İnsagram hesabından paylaşıb.
İfaçı videoya özünə məxsus şərh də verib:
“Ürəyi zəif olanlar üçün. Səhər ac qarnına iki dəfə. Ürəyin ritmini qaydaya salır”.
Görüntü İnstagram izləyiciləri tərəfindən maraqla qarşılansa da, narazı olanlarda tapılıb.
“Siz böyük müğənni olsaydınız, imkan verməzdiniz o pulları ayaq altına səpsinlər. Onun üçün Nəsimidən oxumaq yox, Nəsimini oxumaq lazım idi.“-deyə fikir bildirənlərdə olub.
Xatırladaq ki,böyük şair Nəsimidən “Pəncü Şeş” qəzəlini hind musiqisi üzərində oxuyan müğənni tənqid edilmişdi.<iframe width="426" height="326" src="https://www.youtube.com/embed/e1fmfFs8n6Q" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>