Sosial şəbəkələrdə pandemiya ilə əlaqədar 190 manat birdəfəlik ödəmə ala bilməyən işsiz şəxslərə 110 manat ünvanlı sosial yardımın verilməsi haqda məlumat yayılıb. Bunun üçün vətəndaşlara e-sosial.az saytında qeydiyyatdan keçmək və müvafiq xanaları doldurmaq tövsiyə edilib.

Məsələ ilə bağlı Axar.az-a açıqlama verən Dövlət Məşğulluq Xidmətinin mətbuat katibi Əsmər Nəcməddinqızı bildirib ki, nazirlik bununla bağlı rəsmi açıqlama yaymayıb:

“Pandemiyaya görə vətəndaşlara 110 manat ödəniləcəyi və bunun üçün qeydiyyatdan keçməyin lazım olması ilə bağlı nazirliyin qərarı yoxdur. Ümumiyyətlə, ünvanlı sosial yardımla bağlı müraciət forması da sözügedən videoda qeyd edildiyi kimi deyil. Bu məlumatı yayan şəxsin, görünür, prosedurdan xəbəri yoxdur. Həmçinin ünvanlı sosial yardımın 190 manat birdəfəlik ödəmə ilə heç bir əlaqəsi yoxdur”.

Bitkoinin dəyəri son iki həftə ərzində 50%-dən çox artıb. Əslində bu, təəccüblü deyil. Məsələ ondadır ki, ilin əvvəlində bu, kriptovalyutaya olan marağı artırmaq üçün atılan bir addımdır.

Bu fikirləri Axar.az-a açıqlamasında ekspert Natiq Cəfərli 2021-ci il ilə birlikdə bitkoinin dəyərinin kəskin artması, hətta 34.102 dollara çatması haqda danışarkən deyib.

“Ümumiyyətlə, bitkoin və digər kriptovalyutaları məsləhət bilmirəm. Çünki bu valyuta olduqca etibarsızdır və sabit deyil. Bu gün kimlərsə bu valyutadan milyonlar qazanırsa, bir müddət sonra külli miqdarda vəsait itirə bilər. Heç kəs bu valyutanın kim tərəfindən idarə edildiyini bilmir. Dünya birjalarında etibarlı görünməyən ölkələrin belə risk etmədiyi virtual aləmin pirat pul vahididir. Düşünürəm, ilin sonlarına qədər bitkoinin qiymətində yenidən eniş müşahidə ediləcək”, - o bildirib.

Rusiyanın Baytarlıq və Fitosanitar Nəzarəti üzrə Federal Xidməti ("Rosselxoznadzor") 1 yanvar tarixindən etibarən 15 Azərbaycan müəssisəsindən Rusiyaya pomidor idxalına icazə verir.

Axar.az xəbər verir ki, bu barədə federal xidmətin məlumatında deyilir.

Bildirilib ki, aparılan danışıqların nəticələrinə əsasən, təqdim olunmuş məlumatlara uyğun olaraq və Azərbaycan Respublikasının səlahiyyətli qurumunun zəmanəti ilə 2021-ci il yanvarın 1-dən etibarən Cənubi Amerika pomidor güvəsinin aşkar edilmədiyi ərazilərdə yerləşən 15 Azərbaycan müəssisəsindən Rusiyaya pomidor idxalına icazə verilməsini mümkün hesab edilib.

Qeyd edək ki, bundan əvvəl Rosselxoznadzor daha 17 Azərbaycan müəssisəsindən pomidor idxalına icazə vermişdi.

Yola salmağa hazırlaşdığımız 2020-ci il ölkəmiz üçün həm çətin, həm də qürurlu il oldu. İlin əvvəlindən pandemiya dövrü zamanı sərt karantin rejimi tətbiq ediləndə, həmçinin torpaqlarımızın işğaldan azad edilməsi uğrunda İkinci Vətən müharibəsi başlayanda da xalqımız birliyini nümayiş etdirdi.

Axar.az xəbər verir ki, OBA marketlər şəbəkəsi Qarabağ uğrunda Vətən müharibəsi başlayandan dövlətimiz, xalqımız, ordumuz üçün bütün imkanlarını səfərbər etdi və bir çox dəstək layihələri həyata keçirdi. OBA marketlər şəbəkəsi və qrupa daxil olan digər şirkətlərin dəstəyi ilə Veysəloğlu Şirkətlər Qrupu ordumuza dəstək çərçivəsində Silahlı Qüvvələrə Yardım Fonduna 1 milyon manat vəsait köçürdü.

Həmçinin OBA marketlər şəbəkəsi Azərbaycan Respublikasının ərazi bütövlüyünün müdafiəsi uğrunda döyüşlərdə yaralanan hərbçilərimizə və şəhid ailələrinin təminatına dəstək üçün yaradılan “YAŞAT” Fonduna yardım məqsədilə 1 milyon manat vəsait ianə etdi.

Onu da qeyd edək ki, OBAmarketlər şəbəkəsində çalışan ehtiyatda olan zabit əməkdaşlarımız və adlarını orduya könüllü yazdıran gənc işçilərimiz hərbi xidmətə çağırıldılar və onlar dərhal cəbhəyə yollandılar. Müharibə dövrü başlayandan bu günə kimi şirkətin 238 əməkdaşı ordu sıralarında Vətənin müdafiəsində iştirak etməkdə davam edir.

Bu şərəfli, lakin çətin bir dövrdə şirkət olaraq itkilərimiz də oldu. Belə ki, OBA marketlər şəbəkəsinin 4 əməkdaşı - Ümman Əmiraslanov, Eldəniz Nəsirov, Süleyman Bağırov və Tural Aslanov vətən uğrunda mübarizədə canlarından keçərək şəhidlik zirvəsinə ucaldılar.

“OBA” marketlər şəbəkəsi il ərzində yalnız müştərilərinə göstərdiyi xidmətlər və ölkə iqtisadiyyatına verdiyi töhfə ilə kifayətlənmədi, ehtiyacı olan müştərilərilərinə mütəmadi olaraq yardımlar etdi. “OBA” marketlər şəbəkəsi pandemiya dövrünün ilk aylarında "Ehtiyacınız qədər götürə bilərsiniz" layihəsi çərçivəsində aztəminatlı ailələr üçün yardım kampaniyası həyata keçirdi. Şirkətimiz layihə çərçivəsində yüzlərlə aztəminatlı ailəyə ərzaq yardımı etdi.

Həmçinin “OBA” markerlər şəbəkəsi sentyabr və oktyabr aylarında Bakı şəhəri və Azərbaycanın digər bölgələrində yerləşən OBA marketlərində koronavirus pandemiyasından müdafiə məqsədilə silsilə tədbirlər həyata keçirdi. “Valideyn Himayəsindən Məhrum Olmuş Uşaqlara Dayaq” İctimai Birliyi Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının dəstəyi ilə "COVİD 19” Koronavirus Pandemiyasının aktivləşməsi səbəbindən əhalinin maarifləndirilməsi istiqamətində tədbirlərin təşkili" layihəsi çərçivəsində marketlərimizə daxil olan müştərilərə tibbi maskalar və informasiya bukletləri paylanıldı.

“OBA” marketlər şəbəkəsinin xeyriyyə yardımları bununla bitmədi. OBA marketlər şəbəkəsi fiziki məhdudiyyəti olan insanları da unutmadı. “3 dekabr - Beynəlxalq Əlillər Günü” ilə əlaqədar Bakı-Abşeron ərazilərində yaşayan onlarla aztəminatlı əlil ailələrini ziyarət etdi.

Bundan əlavə, Yeni il münasibəti ilə OBA marketlər şəbəkəsi Qızıl Aypara Cəmiyyətinin Binəqədi rayonu bölməsində qeydiyyatda olan çoxuşaqlı və aztəminatlı ailələrə ərzaq yardımı etdi. Həmçinin “Ümid yeri” uşaq sığınacağında olan uşaqları yeni il hədiyyələri ilə sevindirdi.

Bir sözlə, həmrəy olduğumuz bu ildə OBA marketlər şəbəkəsi dövlətinin və xalqının yanında oldu. OBA Market MMC qarşıdan gələn ildə də bu cür layihələr ilə dəstəyini davam etdirəcəkdir.

OBA markertlər şəbəkəsi 2021-ci ildə Azərbaycan xalqına sülh, əminamanlıq, bol ruzi-bərəkət və xoşbəxtlik arzulayır. Yeni ildə işğaldan azad olunmuş torpaqlarımızda OBA marketlər açıb xalqımızın xidmətində olmağı səbirsizliklə gözləyir.

Dünya birjalarında neft cüzi ucuzlaşıb.

Axar.az xəbər verir ki, hazırda "Brent" markalı neftin bir barreli ucuzlaşaraq, 51,10 dollara, yüngül neftin bir barreli isə 48,08 dollara təklif olunur.

2020-ci ildə SOCAR 76 milyon barrel neft istehsal edib.

Axar.az xəbər verir ki, bu sözləri STAR NEZ ve PETKİM –in Baş Direktoru Anar Məmmədov SOCAR Türkiyənin 2020-ci ilin yekunları və 2021-ci ildə görüləcək işlər haqda keçirdiyi onlayn mətbuat konfransı zamanı deyib.

Onun sözlərinə görə, 2021-ci il üçün SOCAR 11 milyon ton neft istehsal etməyi hədəfləyib.

“20-dən çox xam neft növü ilə işləmişik, lakin tərcihimiz ağır neftlərdir. Bizim dizayn üçün ən yaxşı xam neft İran neftidir, lakin bəzi səbəblərdən bu nefti Türkiyəyə gətirə bilmirik. Onu da qeyd edim ki, bazarda başqa alternativlərimiz də mövcuddur”, – deyə Məmmədov qeyd edib.

Cari illə müqayisədə növbəti ildə orta aylıq pensiya məbləğinin 31,29 manat məbləğində və ya 10,4 faiz artması proqnozlaşdırılır.

Axar.az xəbər verir ki, bu barədə parlamentin bu gün keçirilən plenar iclasında Milli Məclisin Əmək və sosial siyasət komitəsinin sədri Musa Quliyev deyib.

Ölkənin ən məşhur taksit kartlarından olan BirKart Azərbaycanda ilk dəfə olaraq düşmən işğalından azad olunan şəhərdə ilk partnyoru – AzCake ilə əməkdaşlıq müqaviləsi imzalayıb.

2020.12.23. 22:07

Azərbaycandan Rusiyaya ixrac olunan bəzi qida məhsullarına tətbiq edilən məhdudiyyətlərin aradan qaldırılması istiqamətində Azərbaycan Qida Təhlükəsizliyi Agentliyi (AQTA) və aidiyyəti qurumlarla birgə zəruri tədbirlər davam etdirilir.

AQTA-dan Axar.az-a verilən məlumata görə, məsələ ilə bağlı AQTA və Rusiyanın Baytarlıq və Fitosanitar Nəzarət üzrə Federal Xidməti ("Rosselxoznadzor") ilə aparılan müzakirələr nəticəsində 24 dekabr tarixində daha 12 müəssisədən - "Suliddinoğlu Kəndli Fermer Təsərrüfatı" MMC, "Səma Agro" MMC, "Xızı Aqropark" MMC, "ART GREEN" MMC, Abbasov Elman Davud oğlu, Ələsgərova Lamiyə Eyvaz qızı, Ələsgərov Elçin Teymur oğlu, Əsgərov Çingiz Cəmil oğlu, Quliyeva Aidə Əhməd qızı, Yusifov Çingiz Əmiralı oğlu, Məmmədov Vilayət Rüstəm oğlu, Məmmədov Həmid Behbud oğluna məxsus müəssisələrdən pomidor məhsulunun Rusiyaya ixracına icazə verilib.

Qeyd edək ki, Rusiya Federasiyasının müvafiq qurumu bu icazələrin Azərbaycan Respublikasının Qida Təhlükəsizliyi Agentliyi tərəfindən təqdim olunmuş fitosanitar nəzarətin artırılması, habelə aparılmış monitorinqlərin nəticələrinə dair təqdim olunmuş məlumatlar əsasında verdiyini bəyan edib.

Hazırda Agentliklə Rusiya Federasiyasının Baytarlıq və Fitosanitar Nəzarət üzrə Federal Xidməti arasında bu istiqamətdə intensiv müzakirələr davam edir.

Xatırladaq ki, bir neçə gün əvvəl Rusiyanın müvafiq qurumu tərəfindən 5 pomidor, 3 alma istehsalı müəssisəsindən də Rusiyaya məhsul ixracına icazə verilmişdi.

“Onlar nə qədər böyüsələr də, qəlbən hələ də uşaqdırlar” – kişilər barəsində deyilən bu ifadə yəqin hər kəsə tanışdır. Onlar emosialarını yaxşı gizlədə bilsələr də, Yeni ildən möcüzə gözləyirlər. Əgər hələ də həyatınızdakı “böyük uşağı” sevindirəcək hədiyyə tapa bilməmisinizsə, bu məqalə sizin üçündür.

Kontakt Home kişilərin istəklərini nəzərə alaraq, onları sevindirə biləcək Yeni İl hədiyyələrinin siyahısını hazırlayıb.

SMARTFON

Kişilərə smartfon seçərkən funksionallığına çox böyük önəm vermək lazımdır. Çünki onlar eynilə uşaqlar kimi, telefonlarında film izləməyi, musiqi dinləməyi və mobil oyunlar oynamağı sevirlər. Eyni zamanda davamlı olaraq e-poçtları yoxlamaq və xəbərləri oxumaq üçün internetə bağlanırlar. Sevdiyiniz kişinin bütün istəklərini qarşılaya biləcək smartfon olaraq 2020-ci ilin modeli olan Samsung galaxy Note 20 məsləhət görürük. Smartfonun boz korpusu ilə o, başqalarının yanında soyuq görsənə, funksionallığı ilə isə evdə əsl uşağa çevrilə biləcək.

GENİŞ EKRANLI TELEVİZOR

Futbol, film və ya sadəcə maraqlı TV şou 4K keyfiyyətli televizorlarla daha maraqlı və canlıdır. Ona bu ilin ən populyar 2 modelini: 109 sm-lik LG Televizorunu, daha geniş ekran sevənlər üçün isə Samsung-un 127 sm-lik bu modelini hədiyyə etməyinizi təklif edirik. 4K televizorlarla futbol matçlarını izləyərkən özünü stadiondakı kimi hiss edəcək. Playstation həvəskarları üçün də 4K televizoru ən gözəl tandemdir. Əgər deyirsiniz ki, o oyun oynamağı və matç izləməyi sevmir, ona yenə də televizor hədiyyə edin, evinizdə əsl kiçik kinoteatr yaradın. Sevdiyiniz filmləri birlikdə izləyin. İnan ki, bu universal hədiyyə ilə siz heç vaxt uduzmayacaqsınız.

PLAYSTATION 4

Qəlbən hələ də uşaq olan kişilər üçün ən ideal hədiyyə Sony Playstation-4 ola bilər. Playstation-la o, artıq bütün asudə vaxtını evdə keçirəcək, buna əmin ola bilərsiniz J Çünki indi o, sevdiyi oyunlarını oynaya bilmək üçün internet klublara getməyəcək. Üstəlik, elə siz də sevdiyinizə qoşulub bir yerdə vaxt keçirə bilərsiniz. Bir sözlə, Yeni il gecəsi onun üçün əsl Qar qızı olmaq istəyirsinizsə, ona mütləq Playstation hədiyyə edin.

TRIMMER

Həyatınızdaki kişi xüsusi qapanmaları səbəb göstərərək əsl “Şaxta Babaya” çevirilibsə, ona Panasonic Trimmer hədiyyə edin. 4 başlıqlı trimmer ilə onun artıq üzünü qırxmamaq üçün heç bir səbəbi qalmayacaq. Hətta o, bu hədiyyəyə həvəslənib öz saçlarına da əl gəzdirəcək. Yeni il endirimləri bitmədən bu möhtəşəm hədiyyəni kontakt.az-dan sifariş edin.

MUSİQİ MƏRKƏZİ

Audotexnika - yaşından aslı olmayaraq hər kişinin arzusudur. Əgər həyat yoldaşınız və ya qardaşınız musiqi dinləməyi çox sevirsə, onun bu Yeni ilini udulmaz edəcək hədiyyə HOFFMANN musiqi mərkəzidir. Bu musiqi mərkəzi ilə əsl Yeni İl şənliyini evinizə gətirə və eləcə də boş vaxtlarınızda birgə karaoke oxuya biləcəksiniz. Üstəlik indi kontakt.az saytında bu hədiyyəni xüsusi endirimlə tapa bilərsiniz.

DƏBLİ QULAQLIQLAR

Əgər o musiqisevərdirsə, siz isə daha çox sakitçiliyə üstünlük verirsinizsə, o zaman sevdiyiniz kişiyə simsiz qulaqlıq hədiyyə edin. Beləliklə, o, sevdiyi mahnılara sizə mane olmadan qulaq asa biləcək. Lakin siz bu hədiyyə ilə həm də onu xoşbəxt etmək istəyirsinizsə, JBL brendinin geniş çeşidlərindən seçim edə bilərsiniz. Bu hədiyyə ilə o, həm dəbli görünə, həm də vacib zənglərə asanlıqla cavab verə biləcək.

BUZ HAZIRLAYAN QURĞU

O, bağ evində və ya təbiətdə vaxt keçirməyi sevir, lakin içkilərin sərin qala bilməməsindən hər zaman narazılıq bildirirsə, ona Gorenje buz hazırlayan hədiyyə edin. Bu cihaz soyuducunu əvəz edərək, ərzaqlarınızın təzə və içkilərinizin sərin qalmasına kömək edəcək. Sizi əmin edirik ki, bu buz hazırlayan ilə siz onun ürəyinin buzlarını əridə biləcəksiniz.

ELEQANT QOL SAATI

Sevdiyiniz kişiyə saat hədiyyə edin. Qədimdən bu günə qədər saat kişilər üçün ən aktual hədiyyə hesab olunur. Çünki kişilər saatdan yalnız vaxta baxmaq üçün istifadə etmirlər. Qolundaki saat həm də onların cəmiyyətdə olan statusunun göstəricisidir. Əgər həyatınızdaki kişinin sizin üçün dəyərli olduğunu bildirmək istəyirsinizsə, Casio brendinin geniş çeşidlərindən seçim edin.

TƏMİR ÜÇÜN PEŞƏKAR ALƏTLƏR

Evinizdə kiçik təmir işləri olunmalıdır, lakin “evinizdəki ustanın” bu işləri görməsi üçün keyfiyyətli alətləri yoxdur. O zaman, ona Bosch zərbəli drelini hədiyyə edin. Bu hədiyyəni sevdiyiniz çox bəyənəcək, çünki artıq o, kiçik təmir işlərini görərək sizin qəhramanınıza çevrilə biləcək. Axı sirr deyil ki, bütün kişilər xanımların gözündə qəhraman olmaq istəyir.

Yeri gəlmişkən, Kontakt Home-da Yeni İlə özəl 50%-dək endirim kampaniyası hələ də davam edir! Elə indi kontakt.az saytına keçid edin və seçdiyiniz məhsulları evdən çıxmadan, xüsusi endirimlə düz qapınıza, pulsuz sifariş edin. Ödənişi həm onlayn, həm də qapıda nağd, bank və ya taksit kartları ilə edə bilərsiniz. Taksit kartınız varsa, endirimli qiyməti faizsiz hissələrə də bölə bilərsiniz. Məhsulları ilkin ödənişsiz, 24 ayadək faizsiz kredit şərtləri ilə də almaq imkanınız var.

Bunlardan əlavə, bu dəfə də Kontakt Home “Şeş-Qoşa” kampaniyası ilə Yeni İl hədiyyənizi pulsuz almaq imkanı da yaradır. Belə ki, yanvarın 18-dək Kontakt.az-dan etdiyiniz hər nağd sifarişə görə sizə xüsusi kupon və akt təqdim olunacaq. Bu kupon və aktla birlikdə 1-15 fevral tarixləri arasında istənilən - Kontakt Home mağazasında yaxınlaşaraq zər ata bilərsiniz. Bəxtinizə şeş-qoşa (6 qoşa) düşərsə, aldığınız məhsulun pulu sizə 100% geri qaytarılacaq.