 |
 |
Səbail rayonunda bədbəxt hadisə baş verib.
ONA-nın xəbərinə görə, hadisə gecə saatlarında baş verib.
Neftçilər prospektində yerləşən binanın üçüncü mərtəbəsində yaşayan 1939-cu il təvəllüdlü Vladimir Nikolayeviç eyvanından yerə yıxılaraq ölüb.
Faktla bağlı araşdırma aparılır.
Qar uçqununa düşən Azərbaycan ordusunun iki hərbi qulluqçusunun axtarışları davam edir.
Real TV bildirir ki, hazırda hərbi qulluqçuların tapılması üçün ixtisaslı xilasedicilərin iştirakı və xüsusi texnikanın cəlb edilməsi ilə axtarış-xilasetmə əməliyyatı həyata keçirilir. Hava şəraitinin dəyişməsi axtarışlarda bəzi problemlər yaradır.
Qeyd edək ki, Azərbaycan ordusunun iki hərbi qulluqçusu – gizir Abdullayev Hafiz Məhəd oğlu və müddətdən artıq həqiqi hərbi xidmət hərbi qulluqçusu əsgər Məmmədov Fərrux Fərman oğlu mövqe istiqamətində hərəkət edərkən qar uçqununa düşüblər.
Goranboyda yanğınla və ölümlə nəticələnən yol qəzası baş verib.
"Report"un Qərb bürosunun məlumatına görə, hadisə rayonun Borsunlu kəndində qeydə alınıb.
İlkin məlumata görə, avtomobil qəzaya uğrayıb və yanıb. Hadisə zamanı 2 nəfər yanaraq ölüb.
Faktla bağlı araşdırma aparılır.
Tovuzda avtomobil maneəyə çırpılıb.
Qara Qayarev prospektində, “8-ci kilometr bazarı”nın önündə 40 nömrəli marşrut xətti ilə hərəkət edən 10 TG 826 dövlət nömrə nişanlı avtobusu zəncirvari qəza törədib.
Axar.az-ın hadisə yerində olan əməkdaşının sözlərinə görə, yüksək sürətlə hərəkət edən avtobus idarəetmədən çıxıb və piyada keçidində dayanan dayanan VAZ-21O7, “Nissan” və BMV markalı avtomobillərə çırpılıb.
Nəticədə 4 maşına ciddi ziyan dəyib, yaralananlar var.
Hadisə yerinə çoxsaylı təcii yardım və xilasetmə maşınları cəlb edilib.
Qəza nəticəsində Qara Qarayev prospekti şəhər istiqamətində tamamilə bağlanıb.
Zərdab rayonunda intihar hadisəsi baş verib.
Publika.az xəbər verir ki, rayonun Əlvənd kəndində yaşayan 2001-ci il təvəllüdlü İbrahimova Nərmin Rakif qızı özünü öldürüb.
18 yaşlı qız yaşadığı evdə özünü asaraq həyatına son qoyub.
Nərmin İbrahimovanın intiharının səbəbləri hələlik tam dəqiqləşməyib.
Faktla bağlı Zərdab rayon Prokurorluğunda cinayət işi açılıb, araşdırma aparılır.
Martın 15-dən 16-na keçən gecə yolu azaraq Ermənistan tərəfinə keçən Qazax rayonu, Yuxarı Salahlı kənd sakini İbrahimov Elvin Arif oğlunun görüntüləri yayılıb.
“Qafqazinfo” xəbər verir ki, ruhi xəstə olan Elvinin fotolarını Ermənistan mətbuatı yayıb. Fotolar ombudsman Arman Tatoyanın E.İbrahimovu ziyarəti zamanı çəkilib.
Görüş zamanı İbrahimov ailəsi ilə görüşmək istədiyini deyib. Ermənistanın Mili Təhlükəsizlik Xidməti onun ailəsi ilə telefon, məktub və ya video əlaqə yolu ilə ünsiyyət saxlaya biləcəyini bildirib.
13 illik əri Elçin Nəcəfovun müğənni Aysel Əlizadə tərəfindən əlindən alındığını iddia edən Turanə Nəcəfovanın məşhur qadınların ailələrini dağıtdığı qadınlara müraciəti təsirsiz ötüşməyib.
Milli.Az xəbər verir ki, azərbaycanlı məşhur xanım xanəndənin ailəli kişi ilə sevgili olduğu ortaya çıxıb.
Bu barədə xanəndə ilə görüşən şəxsin həyat yoldaşı Xoşqədəm Hidayətqızına məlumat verib.
Aparıcı xanəndənin kimliyini hələlik sirr saxlayıb.
Bakıda dəm qazından daha bir ölüm faktı qeydə alınıb.
ONA-nın məlumatına görə, hadisə paytaxtın Yasamal rayonu, V.Əliyev küçəsi 36 ünvanında qeydə alınıb. Həmin ünvanda yaşayan, 1970-ci il təvəllüdlü Elçin Qüdrət oğlu Feyzullayev yaşadığı evin hamamında dəm qazından boğularaq ölüb.
Faktla bağlı araşdırma aparılır.
Bakı Şəhər İcra Hakimiyyəti gecədən başlayan güclü küləklə bağlı paytaxt sakinlərinə, xüsusilə sürücülərə xəbərdarlıq edib.
BŞİH Yaşıllaşdırma Təsərrüfatı Birliyindən “Qafqazinfo”ya verilən məlumata görə, hazırda paytaxtda güclü külək müşahidə olunduğundan vətəndaşların, eləcə də sürücülərin diqqətli olmaları tövsiyə edilir: “Sürücülərdən xahiş edirik ki, avtomobillərini hündür və irigövdəli ağacların altında park etməsinlər. Həmçinin sakinlərdən ehtiyatlı olmaları xahiş olunur, küləkli hava şəraiti ilə əlaqədar ağacların altından keçməmələri tövsiyə olunur”.
Hazırda paytaxtın bir neçə yerindən ağac qırılması ilə bağlı çağırışlar daxil olub. Birlik əməkdaşları hadisə yerlərinə yollanıblar. Yaxın saatlarda küləyin törətdiyi fəsadlarla bağlı dəqiq məlumat əldə olunacaq
Birlik bu gündən etibarən gücləndirilmiş iş rejiminə keçib.