Son xəbərlər

 “Gəncə işi”: Elmar Vəliyevə sui-qəsdlə bağlı məhkəmə yubanır















Hadisələrlə bağlı digər tutulanların məhkəməsi Bakının Sabunçu Rayon Məhkəməsində davam edir

Gəncə hadisələri – istər 3 iyul 2018-ci ildə şəhərin icra başçısı Elmar Vəliyevə sui-qəsd, istərsə də iyulun 10-da 2 polis əməkdaşının ölümü ilə müşayiət olunan hadisələrə görə tutulanların məhkəmə prosesi Bakının Sabunçu Rayon Məhkəməsində davam edir.

Musavat.com yazır ki, hazırda Sabunçu məhkəməsində aparılan 4 cinayət işindən heç biri birbaşa Elmar Vəliyevə sui-qəsdlə əlaqəli deyil. Sabiq icra başçısına qarşı olayla bağlı prosesin nə vaxt başlayacağı da ictimaiyyətə açıqlanmır. Martın 30-da Siyasi Məhbusların Monitorinq Mərkəzi Müsavat Partiyasının qərargahında “Gəncə işi” ilə bağlı ictimai dinləmələr təşkil edib. Dinləmələrdə övladarının, qohumlarının işgəncələrə məruz qaldığını iddia edən onlarla insan iştirak edib.

Bu il fevralın 7-də Baş Prokurorluqda Mərkəzi Aparatın, Respublika Hərbi, Naxçıvan Muxtar Respublikası, Naxçıvan Muxtar Respublikası Hərbi və Bakı şəhər prokurorluqlarının rəhbər heyətinin, rayon (şəhər) və ərazi hərbi prokurorlarının iştirakı ilə prokurorluq orqanlarının 2018-ci ildə görülmüş işlərin vəziyyəti və qarşıda duran vəzifələrin müzakirəsinə həsr olunmuş geniş kollegiya iclası keçirilib. Həmin iclasda baş prokuror Zakir Qaralov deyib ki, Baş Prokurorluğun Ağır Cinayətlərə Dair İşlər üzrə İstintaq İdarəsində respublikada böyük ictimai rezonansa səbəb olan bir sıra cinayət işinin istintaqı müvəffəqiyyətlə aparılıb. Bu işlər sırasında Gəncə Şəhər İcra Hakimiyyətinin başçısına qarşı törədilmiş terror aktı, Azərbaycan Respublikasının Konstitusiya quruluşunun zorla dəyişdirilməsi, terrorçuluq və sair xüsusilə ağır cinayət əməlləri törətdiklərinə görə istintaq edilən iş üzrə ümumilikdə 29 nəfərin təqsirləndirilən şəxs qismində cəlb olunaraq barələrində həbs-qətimkan tədbirlərinin seçilməsi təmin edilmiş, həmin şəxslərdən 11-i barəsində beynəlxalq axtarış elan olunmaqla hazırda istintaq-əməliyyat tədbirləri davam etdirilir. Bundan başqa, radikal diniyönümlü bir qrup şəxs tərəfindən Gəncə Şəhər İcra Hakimiyyətinin inzibati binasının qarşısında zorakılıq aktları, hakimiyyət nümayəndələrinə silahlı müqavimət göstərilməsi ilə müşayiət olunan kütləvi iğtişaş törədilməsi, 2 polis əməkdaşının qəsdən öldürülməsi və sair faktlar üzrə ibtidai istintaqı aparılan cinayət işi üzrə 59 nəfər təqsirləndirilən şəxs qismində cəlb olunmaqla barələrində həbs-qətimkan tədbiri seçilmiş, 1 nəfər barəsində isə həbsli axtarış elan olunub. Həmin cinayət işinin materiallarından 51 şəxs barəsində 6 cinayət işi ayrıca icraata ayrılaraq aidiyyəti üzrə baxılmaları üçün Gəncə Ağır Cinayətlər Məhkəməsinə göndərilib.

Məhkəmənin Gəncədə deyil, Bakıda keçirilməsi də proseslərə az adamın gəlməsi məqsədilə düşünüldüyü iddialarının ortaya çıxmasına yol açıb. İş üzrə təqsirləndirilən şəxslərin hamısı dövlət hesablı vəkillə təmin olunub. Həmin vəkillər ictimaiyyətin, jurnalistlərin dəstəyindən yararlanmır, mediaya danışmamağa üstünlük verirlər.

Azərbaycanda amansız qətl – Öldürdü, yandırdı, cəsədi hissələrə böldü – Təfərrüat















Təxminən 3 aydır yoxa çıxan Cəlilabad sakini Mahmudov Sahibdən xəbər var.

Milli.Az xəbər verir ki, “Səni axtarıram”ın aparıcısı uzun zamandır övladını axtaran anaya bu gün acı xəbəri verib.

Xoşqədəm Sahibin yanvar ayında Masallıda istirahət mərkəzində Əli Ələkbərli adlı şəxs tərəfindən bıçaqlanaraq, qətlə yetirildiyini açıqlayıb. Hadisə bu ilin yanvarın 25-də qeydə alınıb. Məlum olur ki, Əli meyiti Altay Ağamalızadə adlı tanışının köməyi ilə avtomobilə qoyularaq Neftçala rayonuna aparılıb. Orada meyit yandırılır. Meyitin tam yanmadığını görən Əli Ələkbərli və Ağamalızadə cəsədi İmişli rayonuna aparırlar. İmişli rayonunda meyit balta ilə hissələrə bölünür. Həmin şəxslər cəsədin hissələrini İmişli, Cəlilabad və Yardımlı rayonları ərazilərində basdırılar. Hazırda təqsirli şəxslər saxlanılıblar. Onlara qarşı cinayət məcəllələrinin müxtəlif maddələri ilə cinayət işi açılıb.


Azərbaycanda amansız qətl – Öldürdü, yandırdı, cəsədi hissələrə böldü – Təfərrüat


Ana “Mən bu xəbəri gözləyirdim. Əzabla, əziyyətlə, dişim-dırnağımla saxladığım balamı öldürdülər. Onun qanını yerdə qoymayacağam. Sahib şəhidlərimizdən artıq deyil. Qurban olsun şəhidlərimizə” ifadələri ilə hər kəsi qəhərləndirib.

Xatırladaq ki, ötən buraxılışda aparıcı “İran nömrəsi ilə bir zəng gəldi. Telefonun o biri başındakı şəxs ağlayaraq “Mən Sahibəm. Yalvarıram məni buradan qurtarın. Anama deyin ki, məni girov götürüblər” dedi. Biz həmin nömrəni polisə vermişik. O şəxs həqiqətənmi Sahib imiş, yaxud məqsədli, diqqəti yayındırmaq üçün olan bir zəng imiş, polis araşdıracaq” demişdi.

Qeyd edək ki, mərhumun azyaşlı övladları var idi.
Bakıda nazirliyə məxsus binada yanğın – Video















Bakıda Mədəniyyət evində yanğın hadisəsi baş verib.

Fövqəladə Hallar Nazirliyindən Minval.info-ya verilən məlumatına görə, hadisə paytaxtın Yasamal rayonu, Bəşir Səfəroğlu küçəsində baş verib.

Yasamal Rayon Mədəniyyət Evinin elmi-metodiki mərkəzinin 3 mərtəbəli binasında qəfil yanğın başlayıb.

Hadisə yerinə Fövqəladə Hallar Nazirliyinin yanğınsöndürmə briqadaları cəlb edilib. Artıq binadakı yanğın söndürülüb. Hadisə nəticəsində mərkəzin 50 kv.metrlik sahəsi yanıb, binanın qalan hissəsi yanğından mühafizə olunub.

Hadisə nəticəsində xəsarət alan olmayıb.

Aprelin 1-də Şəmkir rayonunun Keçili kəndinin bir qrup sakini DİN-in “102 Zəng Mərkəzi” Xidmətinə müraciət edərək martın 31-dən aprelin 1-nə keçən gecə kənd ərazisində yerləşən qəbristanlıqda naməlum şəxs və ya şəxslər tərəfindən iki qəbir daşının yararsız hala salınması, 50-dən çox məzar daşının isə yaxınlığında olan güldanlarının qırılmasını bildiriblər.

DİN Mətbuat Xidmətinin Gəncə regional qrupundan Musavat.com-a verilən məlumata görə, dərhal Şəmkir Rayon Polis Şöbəsinin əməkdaşları tərəfindən keçirilən əməliyyat-axtarış tədbirləri nəticəsində hadisəni törətmiş Şəmkir rayon Keçili kənd sakini, 26 yaşlı Coşqun Nəcəfli saxlanılıb. 2010-cu ildən Şəmkir rayon Poliklinikasında epilepsiya, yəni tez-tez qıcolma tutmaları şəxsiyyətin dəyişməsi diaqnozu ilə qeydiyyatda olan C. Nəcəfli ilkin dindirilmə zamanı törətdiyi hadisəni etiraf edib.

Faktla bağlı araşdırmalar davam etdirilir.

Musavat.com

 

Bakıda quldurluq hadisəsi baş verib.

Publika.az xəbər verir ki, aprelin 1-də saat 9 radələrində Yasamal rayonu ərazisindəki marketlərin birinə gəlmiş naməlum şəxs orada satıcı işləyən qadını bıçaqla hədələyib kassadakı 205 manatı aparıb.

28-ci Polis Bölməsi və Əlahiddə Çevik Polis Alayı əməkdaşlarının birgə keçirdikləri əməliyyat-axtarış tədbirləri nəticəsində quldurluğu törətməkdə şübhəli bilinən Mingəçevir şəhər sakini olan bir yeniyetmə saxlanılıb.

Araşdırma aparılır.

Videodakı çılpaq qızlardan biri açıqlama yaydı: “Mənim haqqımda artıq yazanları…”














Qalmaqallı video ilə gündəmə gələn 3 çılpaq xanımdan biri açıqlama yayıb.

O sosial şəbəkə hesabında atdığı addımdan peşman olduğunu qeyd edib:

“Artıq suallar verməyin, videodakı mənəm. Bizi tutmayıblar. Özümüz Cahiddən şikayətçi olmuşuq. Videonun silinməsi barəsində polisə müraciət etmişik. Sağ olsunlar, köməklik göstərdilər. Video yaxın günlərdə bütün səhifələrdən silinəcək. Bir şeyi başa düşdüm ki, bu ölkədə hər kəs yıxılanı daşlamağa çalışır”.

O həmçinin, “mənim haqqımda artıq yazanları şikayət edəcəyəm” deyə xəbərdarlıq da bildirib.

Qeyd edək ki, paytaxtdan kənardakı bağ evlərindən birində Bakı şəhər sakini Valeh İsrafilov və Rusiya Federasiyası vətəndaşı, əvvəllər məhkum olunmuş Cahid Kərimov tərəfindən təşkil olunan məclisdə iştirak edən 3 qadının mahnı oxuyan yerdə çılpaq görüntüləri yayılıb. Daxili İşlər Nazirliyinin mətbuat xidmətinin məlumatına görə, ictimai qınağa tuş gələn görüntülər məhz C.Kərimov tərəfindən çəkilərək sosial şəbəkədə yayımlanıb.

Azərbaycanlı oliqarxın oğlu rus müğənnini döydü – VİDEO















Rusiyanın tanınmış “Faktor-2” qrupunun solisti İlya Podstrelov“Instagram”da video paylaşaraq bir nəfər tərəfindən hücuma məruz qaldığını bildirib.
Minval.İnfo “Qafqazinfo”ya istinadən xəbər verir ki, müğənninin sosial şəbəkədə yerləşdirdiyi videoda naməlum şəxsin ona zərbələr endirdiyi görünür.
Əksər Rusiya KİV-ləri iddia edib ki, İlyanı döyən şəxs qondarma Donetsk Xalq Demokratik Respublikasında Azərbaycan diasporunun keçmiş rəhbəri Malik Pirverdiyevin oğlu Camal (Coni) Pirverdiyevdir.




Lakin “Life.ru” saytı araşdırma apararaq hücum edən şəxsin Camal yox, Ceyhun Pirverdiyev olduğunu müəyyənləşdirib. Ceyhun azərbaycanlı biznesmen, stomotoloji klinikalar şəbəkəsinin rəhbərinin oğludur. O, bloqqer və müğənnilik peşəsi ilə məşğuldur.
İddia olunur ki, Ceyhun qrup üzvünün çıxış etdiyi restoranda dostu ilə nahar edib. Bu zaman İlya həmkarı Jerri ilə birgə qadına şiddəti təbliğ edən mahnı səsləndirib. Bu, oliqarx oğlunun xoşuna gəlməyib və ifaçının səhnə çıxışından sonra otağına gedərək onu döyüb.
Qeyd olunub ki, davada Ceyhunun özü də zədə alıb. İlya isə qarşı tərəfi məhkəməyə verməyə hazırlaşır.

Azərbaycanlı oliqarxın oğlu rus müğənnini döydü – VİDEO


Ceyhun Priverdiyev
Azərbaycanlı oliqarxın oğlu rus müğənnini döydü – VİDEO
Azərbaycan ordusunun aprel qələbəsindən 3 il ötür














Bu gün Azərbaycan və Ermənistan (habelə erməni separatçıları) arasında baş vermiş aprel döyüşlərinin növbəti ildönümüdür.

“Report”un xəbərinə görə, Azərbaycan ordusunun qələbəsi ilə yekunlaşan aprel döyüşlərinin başlanmasından üç il ötür.

Belə ki, 2016-cı ilin mart ayının ortalarından başlayaraq ermənilər atəşkəsi intensiv pozmağa başlayıblar. Aprelin 1-dən 2-nə keçən gecədən başlayaraq isə bütün cəbhə boyu Azərbaycan ordusunun mövqeləri və yaşayış məntəqələri düşmən tərəfindən intensiv atəşə məruz qalıb. Nəticədə ermənilər aprel ayının 2-dən 5-dək qoşunların təmas xəttində silahlı təxribatlar törədiblər. Təxribatlar zamanı dinc əhaliyə də hücumlar olub. Bu hadisələr nəticəsində Azərbaycan ordusu şəhid verib, həmçinin mülki əhali arasında da ölən və yaralananlar olub.

Döyüşlər zamanı Azərbaycan ordusu da ermənilərin mövqelərinə cavab zərbələri endirib, həyata keçirilən sürətli əks-həmlə zamanı 2000 hektardan artıq ərazi azad edilib və daha çox ərazi əməliyyat baxımından nəzarət altına keçib. Goranboy rayonu və Naftalan şəhərinə təhlükə yarada biləcək Talış kəndi ətrafındakı yüksəkliklər, eləcə də Seysulan məntəqəsi düşmən qüvvələrindən tam təmizlənib. Horadiz şəhərinin düşmən təhlükəsindən qorunması məqsədilə Füzuli rayonu istiqamətində yerləşən, geniş ərazini nəzarətdə saxlamaq imkanı verən strateji əhəmiyyətli “Lələ təpə” adlandırılan yüksəklik də Azərbaycan ordusunun nəzarətinə keçib. Bu döyüşlər nəticəsində 320 erməni hərbçisi məhv edilib, 500-dən artığı isə yaralanıb.

Azərbaycan Respublikasının ərazi bütövlüyünün qorunub saxlanması, erməni işğalçılarının 2016-cı il aprelin 2-dən 5-dək qoşunların təmas xəttində törətdikləri silahlı təxribatların qarşısının alınması və düşmənin dinc əhaliyə hücumlarının dəf edilməsi zamanı göstərdikləri qəhrəmanlıq və igidliyə görə Azərbaycan hərbçilərinin xüsusi fərqlənən bir qrupu 2016-cı il aprelin 19-da Azərbaycan Respublikası Prezidentinin müvafiq sərəncamları ilə yüksək fəxri ada layiq görülüb, orden və medallarla təltif olunub. Vətən qarşısındakı xidmətlərinə görə təltif edilənlər arasında “Azərbaycanın Milli Qəhrəmanı” fəxri adına, “Azərbaycan Bayrağı” və “Vətənə xidmətə görə” ordenlərinə, “Vətən uğrunda”, “İgidliyə görə” və “Hərbi xidmətlərə görə” medallarına layiq görülənlər var.

Ötən müddət ərzində işğaldan azad olunan ərazilərdə, o cümlədən aprel qələbəsi ilə düşmən təhlükəsinin uzaqlaşdırıldığı Cəbrayıl rayonunun Cocuq Mərcanlı kəndində təmir bərpa işləri aparılıb, orada yeni qəsəbə salınıb, ata-baba yurdlarından didərgin salınan insanlar geri dönüblər. Kənddə məscid tikilib, Cocuq Mərcanlı kənd məscidi dini icması fəaliyyət göstərir.
Çılpaq videosu yayılan qızlardan biri danışdı:”Yaxın aylarda toyum olacaqdı”















Qızların çılpaq videosunun yayılması ilə bağlı hadisənin təfərrüatları bəlli olub.

Nəsimi Rayon Polis İdarəsindən “qafqazinfo”ya daxil olan məlumata görə, hadisənin bütün iştirakçıları 3 qız və 2 kişi idarədə izahat veriblər.

İlkin olaraq məlum olub ki, hadisə Səngəçal qəsəbəsində yerləşən bağ evində baş verib. Belə ki, olayın “qəhrəmanı” Cahid Kərimov adlı şəxs yeni aldığı “Range Rover” markalı 90 SA 888 nömrəli avtomobili “yumaq” üçün məclis təşkil edib. Və həmin məclisə 2 illik tanışı olan Xatirə adlı qızı dəvət edib. Xatirə tədbirə iki rəfiqəsini də götürərək qatılıb. Onlar normadan artıq viski qəbul ediblər və içkinin təsiri altında Cahidin təklifi ilə soyunaraq meyxana deyiblər.

Qızlar polisə ifadələrində videonun yayılmasından ciddi narahatlıq keçirdiklərini, buna görə şikayətçi olduqlarını bildiriblər. Qızlardan biri hətta nişanlı olduğunu, yaxın aylarda ailə quracağını qeyd edib. Eyni zamanda, onlar Cahid və İsrafillə cinsi əlaqədə olmadıqlarını da əlavə ediblər.

İzahatları alındıqdan sonra qızlar sərbəst buraxılıb. Hadisənin kişi iştirakçıları ilə bağlı isə araşdırmalardan sonra müvafiq tədbir görüləcək.
Videosu yayılan qızlardan biri NİŞANLI İMİŞ — FOTO














İki gün öncə videosu yayılan qızlardan xəbər var.
Həmin qızlardan biri nişanlı imiş. Qeyd edilir ki, həmin qızın (ortadakı) bacısını da məhz sözgedən görüntülərə görə boşayırlar. Bu barədə sosial şəbəkədə yayılan məlumatlarda da bildirilir. 

Xatırladaq ki, videonun Gəncə şəhərində çəkildiyi bildirilir. Çılpaq qızlarla videosu yayılan 90 SA 888 dövlət nişanlı "Rarge rover" markalı aftomobilin sahibi Gəncə şəhər sakini Əliyev Səttar Qüdrət oğludur.Videosu yayılan qızlardan biri NİŞANLI İMİŞ — FOTO