 |
 |
Bakıda gecə klubunda narkotik maddə satan şəxs saxlanılıb.
Nəsimi rayon Polis İdarəsinin Cinayət-axtarış şöbəsinin əməkdaşlarının keçirdiyi əməliyyat axtarış tədbirləri nəticəsində Bakı şəhər sakini, 1993-cü il təvəllüdlü İ.Rzayev saxlanıb. Ondan 0,23 qram metidioksimetamfetamin götürülüb.
Davam edən əməliyyat-axtarış tədbirləri nəticəsində İ.Rzayevə narkotik maddəni satan R.Əliyev Muxtarov küçəsində yerləşən gecə klubunda saxlanılıb.
Ondan klubda saxladığı yerdə ümumi çəkisi 23,49 qram olan 11 paket metidioksimetamfetamin, 85,265 qram marixuana və çəkisi 6,461 qram olan 12 paket anmetamfetamin aşkar edilib. Hər iki şəxs saxlanılıb.
Faktla bağlı cinayət işi başlanılıb.
Bakıda polis əməkdaşının ölümü ilə nəticələnən yol qəzası baş verib.
Report xəbərinə görə, hadisə bu gün səhər saatlarında, paytaxtın H.Əliyev prospektində qeydə alınıb.
Belə ki, “Prado” markalı avtomobil idarətməni itirərək, yol kənarında xidmət aparan Əlahiddə Çevik Polis Alayının əməkdaşını vurub.
Faktı Bakı Şəhər Baş Polis İdarəsinin Mətbuat Xidməti təsdiqləyib.
Hadisə ilə bağlı araşdırma aparılır.
Koronavirus şübhəsi ilə 1 saylı Kliniki Tibbi Mərkəzin yoluxucu xəstəliklər şöbəsinə 2 nəfər yerləşdirilib.
Bu barədə “Tibbi Ərazi Bölmələrini İdarəetmə Birliyi”ndən (TƏBİB) məlumat verilib.
Qeyd edilib ki, 1996-cı il təvəllüdlü Çin vətəndaşı sonuncu dəfə yanvarın 19-da Çində olub. Bildirilib ki, onun analizlərinin cavabı mənfidir, yəni hər hansı bir virus aşkarlanmayıb. Heç bir şikayəti yoxdur. Fevral ayının 4-ü evə buraxılacaq.
Məlumata görə, digəri 1994-cü il təvəllüdlü Azərbaycan vətəndaşıdır. O, hazırda Çində təhsil alır. Bakıya yanvarın 28-də gəlib. Heç bir şikayəti yoxdur, amma buna baxmayaraq inkubasiya dövrü başa çatana qədər xəstəxanada saxlanılacaq.
Xüsusi tibb müəssəsinə yerləşdirilənlərin də vəziyyəti yaxşıdır. Karantində qalma müddəti başa çatan kimi onlar da evlərinə buraxılacaqlar".
Bakıda koronavirusa yoluxma şübhəsi ilə 1 saylı Kliniki Tibbi Mərkəzə müraciət edən üç nəfərin adı məlum olub.
Trend məlumatına görə, həmin şəxslər - 1997-ci il təvəllüdlü Abdul Etibar oğlu Atiba, Rusiya vətəndaşı, 1969-cu il təvəllüdlü Elman Həbib oğlu Mamiyev və Çin vətəndaşı, 1996-cı il təvəllüdlü Zhenghai Liu Youshadır.
Azərbaycan vətəndaşı Abdul Atiba Çində ali təhsil alır, yanvar ayında sessiya tətili ilə əlaqədar Bakıya gəlib. E.Mamiyev isə Rusiyanın Krasnoyarsk vilayətində yaşayır və Azərbaycana qonaq gəlib.
Çin vətəndaşı Zhenghai Liu Yousha isə Bakı Dövlət Universitetinin tarix fakültəsində amerikasünaslıq ixtisası üzrə üçüncü kurs tələbəsidir.
Müraciət edənlərdən analizlər götürülsə də, onlardan heç birində koronavirus əlamətləri aşkar edilməyib. A.Atiba və E.Mamiyev müayinə olunduqdan sonra evə buraxılsa da, Zhenghai Liu Yousha yanvarın 27-də xəstəxanaya qəbul edilib və hazırda karantində saxlanılır.
Zhenghai Liu Youshanın atası Çində həmin virusdan vəfat edib.
Ermənistan silahlı qüvvələrinin bölmələri cəbhənin müxtəlif istiqamətlərində iriçaplı pulemyotlardan da istifadə etməklə sutka ərzində atəşkəs rejimini 22 dəfə pozub.
Müdafiə Nazirliyindən verilən məlumata görə, Ermənistan Respublikası Noyemberyan rayonunun Şavarşavan kəndində, İcevan rayonunun Berkaber kəndində yerləşən mövqelərdən Qazax rayonunun Quşçu Ayrım, Qızılhacılı kəndlərində, Berd rayonunun Çinari kəndində yerləşən mövqelərdən Tovuz rayonunun Ağbulaq kəndində, Krasnoselsk rayonu ərazisindəki adsız yüksəkliklərdə yerləşən mövqelərdən Gədəbəy rayonunun Göyəli kəndində yerləşən mövqelərimiz atəşə tutulub.
Ağdam rayonunun işğal altında olan Şıxlar, Baş Qərvənd, Yusifcanlı, Füzuli rayonunun Qaraxanbəyli, Horadiz kəndləri yaxınlığında, həmçinin Goranboy, Tərtər və Ağdam rayonları ərazisindəki adsız yüksəkliklərdə yerləşən mövqelərdən də ordumuzun mövqeləri atəşə tutulub.
Dünyada böyük təşvişə səbəb olan yeni virus-koronavirusu cəmi 8-15 dəqiqəyə aşkarlayan test hazırlanıb.
Bu, virusun yayıldığı Çində baş verib.
Sürətli analiz edə bilən test dəstlərinin ilk partiyası virusun yayıldığı Hubey əyalətində artıq istifadə olunur. Koronavirusun növünü təyin edən sürətli test Jiangsu əyalətinin Usi şəhərində hazırlanıb. Test yüksək həssaslığa malikdir, istifadəsi asandır və daşınması rahatdır.
Virusun sürətli analizi üçün müvafiq test dəsti yüksək texnologiya şirkətlərindən biri ilə birlikdə Virus Xəstəliklərinə Nəzarət və Qarşısının alınması üzrə Milli İnstitutun mütəxəssisləri tərəfindən hazırlanıb. Artıq testin istehsalına başlanıb. İndiki mərhələdə test gündə 4 min nəfərdə analiz aparmağa imkan verir.
Məlumatlara görə, yanvarın 29-da Rusiyanın Çinin Quancjhou şəhərindəki Baş Konsulluğu Rusiyanın yeni virusun genini köçürdüyünü və bunun əsasında rus alimlərinin iki saat ərzində insan orqanizmindəki virusu müəyyən edə biləcək sürətli testlər hazırladığını açıqlayıb. /E-tibb.az/
Salyanda yol-nəqliyyat hadisəsi baş verib.
Report xəbər verir ki, hadisə bu gün axşam saatlarında yeni Ələt-Astara magistral yolunun Qırxçıraq kəndi ərazisindən keçən hissəsində qeydə alınıb.
Belə ki, “QAZel” markalı maşınla “Hyundai” markalı minik avtomobili toqquşub. Qəza nəticəsində xəsarət alanın olduğu bildirilir. Hadisə yerinə təcili yardım maşını göndərilib.
Faktla bağlı araşdırma aparılır.
Salyanda baş verən yol qəzasında xəsarət alanların adları məlum olub.
Report xəbər verir ki, axşam saatlarında yeni Ələt-Astara magistral yolunun rayonun Qırxçıraq kəndi ərazisində baş verən qəza nəticəsində Bakı şəhər sakini, 1955-ci il təvəllüdlü Hüseynova Saray Ocaq qızı və Salyanın Kürsəngi kənd sakini, 1988-ci il təvəllüdlü Abışov Natiq Əliman oğlu müxtəlif dərəcəli bədən xəsarətləri alıblar.
Yaralılar Salyan Mərkəzi Rayon Xəstəxanasına çatdırılıblar.
Onların hər ikisinə ilk tibbi yardım göstərilib və travmatologiya şöbəsinə yerləşdiriliblər.
Faktla bağlı araşdırma aparılır.
Bu gün Elmi-Tədqiqat Ağciyər İnstitutunda daha bir nəfər ölüb.
1977-ci il təvəllüdlü xəstə ikitərəfli pnevmoniya, ağır gedişli, kəskin ağciyər-ürək çatışmazlığı diaqnozundan vəfat edib.
Məlumata görə, xəstə bu vəziyyətdə 20 gün ev şəraitində müalicə aldıqdan sonra dünən Elmi-Tədqiqat Ağciyər İnstitutuna gətirilib. Kritik vəziyyətdə dərhal birinci reanimasiya şöbəsinə yerləşdirilib.
Həkimlərin intensiv müalicə tədbirlərinə baxmayaraq, səhər saatlarında vəfat edib.
TƏBİB qeydə alınan ölüm faktını Oxu.Az-a təsdiqləyib.
Qeyd edək ki, yanvar ayının 15-dən indiyədək institutda ölənlərin sayı yeddi nəfərə çatıb.
Səbail rayonu Badamdar qəsəbəsində 91 ailə məskunlaşdıqları binanın içində təhlükə altında yaşayırlar.1971-ci ildə tikilmiş, hazırda qəzalı vəziyyətdə olan bina bir neçə il əvvələ kimi, Azərbaycan Xəzər Dəniz Gəmiçiliyi-nin balansında olub. Sonradan Bakı Şəhər İcra Hakimiyyətinin balansına verilib. Hər gün qorxu içərsində yaşayan sakinlər mütəmadi olaraq icra qurumlarına yazılı və şifahi şəkildə müraciətlər etsələr də, dəyişən yalnız bəhanələr olub.
Hər dəfə müxtəlif səbəblər deyilərək sakinlərin dili ilə desək, onları başlarından ediblər. Sakinlər binadakı vəziyyəti belə izah edirlər:
“Evimizin içinə yağış yağır. Divarlar dağılıb tökülür. Çox acınacaqlı vəziyyətdir”.
Məsələ ilə bağlı rəsmi mövqe öyrənmək bizim üçün də asan olmadı.
Belə ki, Səbail Rayon İcra Hakimiyyətindən həmin binanın Bakı Şəhər İcra hakimiyyətinin balansında olduğu bildirildi. Bakı Şəhər İcra Hakimiyyətindən isə bizi Bakı Şəhər Mənzil Kommunal Təsərrüfat Departamentintinə yönləndirdilər.
Təəssüflər olsun ki, burdan da yataqxananın 3 saylı xüsusi təyinatlı mənzil-komunal təsrrüfat birliyinin balansında olduğu bildirildi. Uzun axtarışdan sonra nəhayət ki, sözügedən birliyin mühəndisi Əli Vəliyev suallarımıza telefonla cavab verdi.
Birlik nümayəndəsi bildirdi ki, həmin yataqxananın qəzalı vəziyyətdə olması barədə Fövqəladə Hallar Nazırliyinin də qərarı var. Bizim imkanımız yoxdur ki, orda təmir aparaq. Buna görə də Bakı Şəhər İcra Hakimiyyətinə müraciət etmişik.
Bəli, yenə də məsələ qalır məsul qurumların ümidinə. Yataqxananın və burda yaşayan insanların taleyi ilə bağlı lazım olan qərarı verməyə yəqin ki, vaxt və imkan tapa biləcəklər.