Onun sözlərinə görə, bu toyuqların yetişdirilməsi və satışı prosesində sanitariya şərtlərinə nəzarət zəif ola bilər. "Bazarlarda satılan kənd toyuqları tez-tez baytar yoxlamasındankeçmir, bu da salmonella və ya digər bakterial infeksiyaların riskini artırır. Əgər toyuq düzgün kəsilib, təmizlənməyibsə və ya soyuducuda saxlanmayıbsa, istehlakı sağlamlıq üçün təhlükəli ola bilər.
Broyler toyuqlara gəldikdə isə onlar sənaye şəraitində
yetişdirilir, xüsusi yemlərlə (bəzən hormon və antibiotiklərlə) qidalanır və sürətli böyümə üçün optimallaşdırılır. Bu ətin daha yumşaq və ucuz olmasına səbəb olsa da, yemlərdəki kimyəvi maddələr və antibiotik qalıqları uzun müddətli istehlakda insan sağlamlığına zərər verə bilər (məsələn, antibiotik müqaviməti).
Lakin broyler toyuqlar adətən ciddi baytar nəzarəti altında kəsilir və supermarketlərdə standartlara uyğun soyudulmuş şəkildə satılır, bu da infeksiya riskini azaldır.

Ziyan baxımından broyler toyuqlar daha çox antibiotik və hormon riski daşıyır, kənd toyuqları isə
sanitariya problemlərinə görə təhlükəli ola bilər. İnsanlar xüsusilə etibarlı mənbədən olmayan, yoxlanılmamış kənd toyuqlarından uzaq durmalıdırlar, çünki infeksiya riski daha yüksəkdir. Broyler toyuqlarda isə sertifikatlı və keyfiyyətə nəzarət olunan məhsullar seçilməlidir. Ümumiyyətlə hər iki halda ətin yaxşı bişirilməsi
vacibdir, amma şəxsən mən təmizliyinə və mənşəyinə əmin olmadığımız kənd toyuğundan uzaq durmaqı məsləhət görürəm".