Avropa liderlərinin Londonda Ukrayna ilə bağlı görüşü göstərdi ki, Almaniya kansleri Olaf Şolts “axsaq ördək” kimi görünür və Berlin Avropanın beynəlxalq siyasətinin kənarında qalıb.

Axar.az xəbər verir ki, bu barədə “Bild” məlumat yayıb.

Nəşr qeyd edib ki, bu görüşdə Böyük Britaniyanın Baş naziri Keyr Starmer və Fransa Prezidenti Emmanuel Makron Ukraynadakı vəziyyətin nizamlanması təşəbbüsü ilə çıxış edib:

“Avropanın 20-yə yaxın dövlət və hökumət başçısının görüşü göstərdi ki, xaricdə Almaniyada liderliyin olmadığına əmindirlər”.

Məqalə müəllifi bunu kansler Şoltsun hazırda “axsaq ördək” mövqeyində olması ilə əlaqələndirir:

“Bu, hələ də vəzifədə olan, lakin səlahiyyət müddətinin başa çatması və ya seçkidə uduzması səbəbindən tezliklə onu tərk edəcək siyasi liderlərə verilən addır”.